Kangana Visits Tirupati BalaJi: ਕੰਗਨਾ ਰਣੌਤ ਦੀ ਫਿਲਮ ‘ਧਾਕੜ’ 20 ਮਈ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ। ਅਜਿਹੇ ‘ਚ ਅਦਾਕਾਰਾ ਲਗਾਤਾਰ ਫਿਲਮ ਦੇ ਪ੍ਰਮੋਸ਼ਨ ‘ਚ ਰੁੱਝੀ ਹੋਈ ਹੈ। 16 ਮਈ ਦੀ ਸਵੇਰ, ਕੰਗਨਾ ਰਣੌਤ ‘ਧਾਕੜ’ ਦੇ ਨਿਰਮਾਤਾ ਦੀਪਿਕ ਮੁਕੁਟ ਅਤੇ ਫਿਲਮ ਦੀ ਟੀਮ ਨਾਲ ਦਰਸ਼ਨ ਕਰਨ ਲਈ ਤਿਰੂਪਤੀ ਬਾਲਾਜੀ ਮੰਦਰ ਪਹੁੰਚੀ।
ਕੰਗਨਾ ਰਣੌਤ ਤਿਰੂਪਤੀ ਬਾਲਾਜੀ ਮੰਦਰ ਦੇ ਦਰਸ਼ਨਾਂ ਦੌਰਾਨ ਇੱਕ ਖੂਬਸੂਰਤ ਸਾੜੀ ਵਿੱਚ ਨਜ਼ਰ ਆਈ। ਇਸ ਟ੍ਰੈਡੀਸ਼ਨਲ ਲੁੱਕ ‘ਚ ਉਹ ਕਾਫੀ ਖੂਬਸੂਰਤ ਲੱਗ ਰਹੀ ਹੈ। ਕੰਗਨਾ ਰਣੌਤ ਨੇ ਕੁਝ ਸਮਾਂ ਪਹਿਲਾਂ ਆਪਣੀਆਂ ਇਹ ਤਸਵੀਰਾਂ ਇੰਸਟਾਗ੍ਰਾਮ ‘ਤੇ ਸ਼ੇਅਰ ਕੀਤੀਆਂ ਸਨ। ਉਸ ਦੇ ਲੁੱਕ ਦੀ ਕਾਫੀ ਤਾਰੀਫ ਹੋ ਰਹੀ ਹੈ। ਕੰਗਨਾ ਰਣੌਤ ਦਾ ਚਿਹਰਾ ਬੈਂਗਣੀ ਰੰਗ ਦੀ ਖੂਬਸੂਰਤ ਸਾੜੀ ਵਿੱਚ ਚਮਕ ਰਿਹਾ ਹੈ। ਤਸਵੀਰਾਂ ਨੂੰ ਪੋਸਟ ਕਰਦੇ ਹੋਏ ਉਨ੍ਹਾਂ ਨੇ ਕੈਪਸ਼ਨ ‘ਚ ਲਿਖਿਆ, ‘ਅੱਜ ਇਸ ਸ਼ੁਭ ਪੂਰਨਮਾਸ਼ੀ ‘ਤੇ ਮੇਰੀ ਫਿਲਮ ‘ਧਾਕੜ’ ਦੇ ਨਿਰਮਾਤਾ ਦੀਪਕ ਮੁਕੁਟ ਜੀ, ਉਨ੍ਹਾਂ ਦੀ ਪਤਨੀ ਕ੍ਰਿਸ਼ਨਾ ਮੁਕੁਟ ਜੀ ਅਤੇ ਟੀਮ ਦੇ ਕੁਝ ਹੋਰ ਮੈਂਬਰਾਂ ਨਾਲ ਤਿਰੂਪਤੀ ਬਾਲਾ ਜੀ ਦੇ ਦਰਸ਼ਨ ਕੀਤੇ। ਇਨ੍ਹੀਂ ਦਿਨੀਂ ਕੰਗਨਾ ਰਣੌਤ ਦਿੱਲੀ ਤੋਂ ਲੈ ਕੇ ਦੇਸ਼ ਭਰ ‘ਚ ਫਿਲਮ ਦਾ ਪ੍ਰਮੋਸ਼ਨ ਕਰ ਰਹੀ ਹੈ।
‘ਧਾਕੜ’ ਦੇ ਟ੍ਰੇਲਰ ਨੂੰ ਚੰਗਾ ਹੁੰਗਾਰਾ ਮਿਲਿਆ ਹੈ, ਹੁਣ ਦੇਖਣਾ ਹੋਵੇਗਾ ਕਿ ਦਰਸ਼ਕ ਫਿਲਮ ਨੂੰ ਕਿੰਨਾ ਪਿਆਰ ਦਿੰਦੇ ਹਨ। ਫਿਲਮ ‘ਧਾਕੜ’ ‘ਚ ਕੰਗਨਾ ਰਣੌਤ ਤੋਂ ਇਲਾਵਾ ਅਰਜੁਨ ਰਾਮਪਾਲ ਅਤੇ ਦਿਵਿਆ ਦੱਤਾ ਵੀ ਨਜ਼ਰ ਆਉਣਗੇ। ਫਿਲਮ ‘ਚ ਕੰਗਨਾ ਏਜੰਟ ਅਗਨੀ ਦਾ ਕਿਰਦਾਰ ਨਿਭਾਅ ਰਹੀ ਹੈ। ਜਦਕਿ ਅਰਜੁਨ ਰਾਮਪਾਲ ਵਿਲੇਨ ਦੇ ਰੋਲ ‘ਚ ਹਨ। ਰਜਨੀਸ਼ ਘਈ ਦੁਆਰਾ ਨਿਰਦੇਸ਼ਿਤ ਇਹ ਫਿਲਮ 20 ਮਈ ਨੂੰ ਰਿਲੀਜ਼ ਹੋ ਰਹੀ ਹੈ। ਕੰਗਨਾ ਨੂੰ’ਧੱਕੜ’ ਤੋਂ ਇਲਾਵਾ, ਤੇਜਸ ਪੀਰੀਅਡ ਡਰਾਮਾ ‘ਮਣੀਕਰਨਿਕਾ ਰਿਟਰਨਜ਼ ਦ ਲੀਜੈਂਡ ਆਫ ਡਿੱਡਾ’ ਵਿਚ ਵੀ ਦੇਖਿਆ ਜਾਵੇਗਾ।
The post ‘ਧਾਕੜ’ ਦੀ ਰਿਲੀਜ਼ ਤੋਂ ਪਹਿਲਾਂ ਤਿਰੂਪਤੀ ਬਾਲਾਜੀ ਦੇ ਦਰਸ਼ਨ ਲਈ ਪਹੁੰਚੀ ਕੰਗਨਾ ਰਣੌਤ appeared first on Daily Post Punjabi.