ਕੋਰੋਨਾ ਦੇ ਵਧਦੇ ਮਾਮਲਿਆਂ ਵਿਚਕਾਰ ਬ੍ਰਿਟੇਨ ਤੋਂ ਇਕ ਹੈਰਾਨ ਕਰਨ ਵਾਲੀ ਰਿਪੋਰਟ ਸਾਹਮਣੇ ਆਈ ਹੈ, ਜਿਸ ਨੇ ਵਿਗਿਆਨੀ ਵੀ ਹੈਰਾਨ ਕਰ ਦਿੱਤੇ ਹਨ। ਵਿਗਿਆਨੀਆਂ ਮੁਤਾਬਕ ਇੱਥੇ ਇੱਕ ਮਰੀਜ਼ ਕੁੱਲ 505 ਦਿਨਾਂ ਤੱਕ ਕੋਰੋਨਾ ਤੋਂ ਪੀੜਤ ਰਿਹਾ ਅਤੇ ਫਿਰ ਉਸਦੀ ਮੌਤ ਹੋ ਗਈ। ਲੰਮੇ ਸਮੇਂ ਤੱਕ ਵਾਇਰਸ ਦੀ ਲਪੇਟ ‘ਚ ਰਹਿਣ ਕਰਕੇ ਉਸ ਦਾ ਇਮਿਊਨ ਸਿਸਟਮ ਕਾਫੀ ਕਮਜ਼ੋਰ ਹੋ ਗਿਆ ਸੀ।
ਬ੍ਰਿਟੇਨ ਦੇ ਵਿਗਿਆਨੀ ਡਾਕਟਰ ਲੂਕ ਬਲੈਗਡਨ ਸਨੇਲ ਦਾ ਕਹਿਣਾ ਹੈ ਕਿ ਇਹ ਹੁਣ ਤੱਕ ਦਾ ਸਭ ਤੋਂ ਲੰਮਾ ਸਮਾਂ ਚੱਲਣ ਵਾਲਾ ਕੋਰੋਨਾ ਕੇਸ ਹੈ। ਇਸ ਤੋਂ ਪਹਿਲਾਂ ਅਧਿਕਾਰਤ ਤੌਰ ‘ਤੇ ਕੋਰੋਨਾ ਦਾ ਸਭ ਤੋਂ ਲੰਮਾ ਕੇਸ 335 ਦਿਨ ਚੱਲਿਆ ਸੀ। ਇਸ ਕੇਸ ਵਿੱਚ ਵੀ ਮਰੀਜ਼ ਦੀ ਇਮਿਊਨਿਟੀ ਬਹੁਤ ਕਮਜ਼ੋਰ ਹੋ ਗਈ ਸੀ। ਡਾਕਟਰ ਸਨੇਲ ਅਤੇ ਉਨ੍ਹਾਂ ਦੀ ਟੀਮ ਨੇ ਕੋਰੋਨਾ ਦੇ ਲੰਮੇ ਕੇਸਾਂ ਦਾ ਕਾਰਨ ਜਾਣਨ ਲਈ ਇੱਕ ਖੋਜ ਕੀਤੀ ਹੈ। ਇਸ ਖੋਜ ਵਿੱਚ ਮਰੀਜ਼ਾਂ ਦੇ ਸਰੀਰ ਵਿੱਚ ਵਾਇਰਸ ਦੇ ਪਰਿਵਰਤਨ ਅਤੇ ਨਵੇਂ ਕੋਰੋਨਾ ਰੂਪਾਂ ਦੇ ਗਠਨ ਦੀ ਜਾਂਚ ਕੀਤੀ ਗਈ।
ਖੋਜ ਵਿੱਚ 9 ਮਰੀਜ਼ਾਂ ਨੂੰ ਸ਼ਾਮਲ ਕੀਤਾ ਗਿਆ ਸੀ ਜੋ ਲੰਮੇ ਸਮੇਂ ਤੱਕ ਕੋਰੋਨਾ ਨਾਲ ਲੜਦੇ ਸਨ। ਇਸ ਵਿੱਚ 505 ਦਿਨਾਂ ਤੱਕ ਵਾਇਰਸ ਨਾਲ ਜੂਝ ਰਿਹਾ ਇੱਕ ਮਰੀਜ਼ ਸ਼ਾਮਲ ਸੀ। ਇਨ੍ਹਾਂ ਸਾਰਿਆਂ ਦੀ ਘੱਟੋ-ਘੱਟ 8 ਹਫ਼ਤਿਆਂ ਦੀ ਕੋਰੋਨਾ ਜਾਂਚ ਰਿਪੋਰਟ ਪਾਜ਼ੀਟਿਵ ਆਈ ਹੈ। ਐੱਚ.ਆਈ.ਵੀ., ਕੈਂਸਰ, ਅੰਗ ਟਰਾਂਸਪਲਾਂਟ ਅਤੇ ਹੋਰ ਬਿਮਾਰੀਆਂ ਕਰਕੇ ਸਾਰੇ ਲੋਕਾਂ ਦੀ ਪ੍ਰਤੀਰੋਧਕ ਸ਼ਕਤੀ ਪਹਿਲਾਂ ਹੀ ਬਹੁਤ ਕਮਜ਼ੋਰ ਸੀ।
ਨਤੀਜਿਆਂ ਮੁਤਾਬਕ ਖੋਜ ਵਿੱਚ ਸ਼ਾਮਲ ਮਰੀਜ਼ਾਂ ਵਿੱਚ ਔਸਤਨ 73 ਦਿਨਾਂ ਤੱਕ ਕੋਰੋਨਾ ਦੀ ਲਾਗ ਰਹੀ। ਇੱਥੇ ਦੋ ਲੋਕ ਸਨ ਜੋ ਇੱਕ ਸਾਲ ਤੋਂ ਵੱਧ ਸਮੇਂ ਤੱਕ ਇਨਫੈਕਟਿਡ ਰਹੇ।
ਡਾਕਟਰ ਸਨੇਲ ਦੀ ਟੀਮ ਨੇ ਖੋਜ ਦੌਰਾਨ ਮਰੀਜ਼ਾਂ ਵਿੱਚ ਵਾਇਰਸ ਦੇ ਪਰਿਵਰਤਨ ਨੂੰ ਟਰੈਕ ਕੀਤਾ। ਇਹ ਸਾਹਮਣੇ ਆਇਆ ਕਿ ਕੋਈ ਵੀ ਮਰੀਜ਼ ਕੋਰੋਨਾ ਤੋਂ ਠੀਕ ਨਹੀਂ ਹੋਇਆ ਅਤੇ ਦੁਬਾਰਾ ਇਸ ਦਾ ਸ਼ਿਕਾਰ ਹੋਇਆ। ਜਿਵੇਂ-ਜਿਵੇਂ ਸਮਾਂ ਬੀਤਦਾ ਗਿਆ, ਵਾਇਰਸ ਵੀ ਸਰੀਰ ਦੇ ਅੰਦਰ ਪਰਿਵਰਤਨਸ਼ੀਲ ਹੁੰਦਾ ਗਿਆ। ਹਾਲਾਂਕਿ ਇਨ੍ਹਾਂ ਵਿੱਚੋਂ ਕੋਈ ਵੀ ਮਿਊਟੇਸ਼ਨ ਬਹੁਤ ਖਤਰਨਾਕ ਰੂਪ ਨਹੀਂ ਨਿਕਲਿਆ, ਪਰ ਵਿਗਿਆਨੀਆਂ ਦਾ ਦਾਅਵਾ ਹੈ ਕਿ ਇਹੀ ਪਰਿਵਰਤਨ ਕੋਰੋਨਾ ਦੇ ਹੋਰ ਫੈਲਣ ਵਾਲੇ ਰੂਪਾਂ ਵਿੱਚ ਵੀ ਪਾਏ ਗਏ ਹਨ।
ਵੀਡੀਓ ਲਈ ਕਲਿੱਕ ਕਰੋ -:
“ਬਠਿੰਡੇ ਦੀ ਜੱਟੀ ਟੋਹਰ ਨਾਲ ਚਲਾਉਂਦੀ ਐ ਟੈਂਕਰ ਤੇ ਟਰਾਲੇ, ਦੇਖੋ ਸਫ਼ਲ ਲੇਡੀ ਟਰਾਂਸਪੋਰਟਰ ਕਿਵੇਂ ਪਹੁੰਚੀ ਅਰਸ਼ਾਂ ‘ਤੇ !”
ਡਾਕਟਰ ਸਨੇਲ ਦਾ ਕਹਿਣਾ ਹੈ ਕਿ ਮਰੀਜ਼ ਨੂੰ 2020 ਵਿੱਚ ਕੋਰੋਨਾ ਇਨਫੈਕਸ਼ਨ ਹੋਇਆ ਸੀ, ਜਿਸ ਤੋਂ ਬਾਅਦ ਉਹ 505 ਦਿਨਾਂ ਤੱਕ ਇਸ ਨਾਲ ਜੂਝਦਾ ਰਿਹਾ ਅਤੇ 2021 ਵਿੱਚ ਉਸਦੀ ਮੌਤ ਹੋ ਗਈ। ਇਲਾਜ ਦੌਰਾਨ ਉਸ ਨੂੰ ਰੇਮਡੇਸੀਵੀਰ ਨਾਮ ਦੀ ਐਂਟੀਵਾਇਰਲ ਦਵਾਈ ਦਿੱਤੀ ਜਾ ਰਹੀ ਸੀ। ਮਰੀਜ਼ ਕਈ ਬਿਮਾਰੀਆਂ ਤੋਂ ਪੀੜਤ ਸੀ, ਜਿਸ ਕਰਕੇ ਉਸ ਦਾ ਇਮਿਊਨ ਸਿਸਟਮ ਕਮਜ਼ੋਰ ਹੋ ਗਿਆ ਸੀ। ਫਿਲਹਾਲ ਵਿਗਿਆਨੀਆਂ ਨੇ ਉਸਦੀ ਮੌਤ ਦਾ ਸਪੱਸ਼ਟ ਕਾਰਨ ਦੱਸਣ ਤੋਂ ਇਨਕਾਰ ਕਰ ਦਿੱਤਾ ਹੈ। ਇਸ ਦੇ ਨਾਲ ਹੀ, ਖੋਜ ਵਿੱਚ ਸ਼ਾਮਲ 9 ਮਰੀਜ਼ਾਂ ਵਿੱਚੋਂ, ਦੋ ਲੋਕ ਬਿਨਾਂ ਕਿਸੇ ਇਲਾਜ ਦੇ ਠੀਕ ਹੋ ਗਏ, ਦੋ ਮਰੀਜ਼ ਇਲਾਜ ਤੋਂ ਬਾਅਦ ਠੀਕ ਹੋ ਗਏ ਅਤੇ ਇੱਕ ਮਰੀਜ਼ ਅਜੇ ਵੀ ਕੋਰੋਨਾ ਤੋਂ ਪੀੜਤ ਹੈ। ਪਿਛਲੀ ਵਾਰ ਜਾਂਚ ਹੋਣ ‘ਤੇ ਉਸ ਨੂੰ ਵਾਇਰਸ ਨਾਲ ਲੜਦੇ 412 ਦਿਨ ਹੋ ਚੁੱਕੇ ਸਨ।
The post 505 ਦਿਨ ਕੋਰੋਨਾ ਨਾਲ ਲੜਨ ਮਗਰੋਂ ਮਰੀਜ਼ ਦੀ ਮੌਤ, ਲੰਮੇ ਇਲਾਜ ਤੋਂ ਬਾਅਦ ਵੀ ਨਹੀਂ ਬਚ ਸਕੀ ਜਾਨ appeared first on Daily Post Punjabi.
source https://dailypost.in/latest-punjabi-news/patient-died-after-fighting/