ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਜਸਟਿਸ ਟਰੂਡੋ ਦੀ ਲਿਬਰਲ ਪਾਰਟੀ ਦਾ ਨਿਊ ਡੈਮੋਕਰੈਟਿਕ ਪਾਰਟੀ (ਐਨ ਡੀ ਪੀ) ਨਾਲ ਸੰਸਦ ਵਿਚ ਸਮਝੌਤਾ ਹੋ ਗਿਆ ਹੈ ਜਿਸਦੀ ਬਦੌਲਤ ਹੁਣ 2025 ਤੱਕ ਉਹਨਾਂ ਦੀ ਪਾਰਟੀ ਸੱਤਾ ਵਿਚ ਰਹੇਗੀ। ਟਰੂਡੋ ਨੇ ਇਕ ਪ੍ਰੈੱਸ ਕਾਨਫ਼ਰੰਸ ਵਿਚ ਕਿਹਾ ਕਿ ਇਹ ਘੱਟ ਗਿਣਤੀ ਸਰਕਾਰ ਹੈ, ਇਸ ਵਾਸਤੇ ਪਾਰਟੀਆਂ ਲਈ ਜ਼ਰੂਰੀ ਸੀ ਕਿ ਉਹ ਰਲ ਕੇ ਕੰਮ ਕਰ ਸਕਣ। ਪਾਰਟੀ ਵਿਚ ਇਹ ਸਮਝੌਤਾ ਹੋਇਆ ਹੈ ਕਿ 22 ਮਾਰਚ 2022 ਤੋਂ ਲੈ ਕੇ ਜੂਨ 2025 ਵਿਚ ਸੰਸਦ ਲਈ ਅਗਲੀਆਂ ਚੋਣਾਂ ਤੱਕ ਉਹਨਾਂ ਦਾ ਗੱਠਜੋੜ ਰਹੇਗਾ। ਇਸ ਸਮਝੌਤੇ ਦੀ ਬਦੌਲਤ ਹੁਣ ਟਰੂਡੋ ਸਰਕਾਰ 2022 ਤੋਂ 2025 ਤੱਕ ਚਾਰ ਬਜਟ ਪੇਸ਼ ਕਰ ਸਕੇਗੀ ਜਿਸਦਾ ਮਤਲਬ ਹੈ ਕਿ ਐਨ ਡੀ ਪੀ ਨੇ ਸਰਕਾਰ ’ਤੇ ਵਿਸ਼ਵਾਸ ਅਤੇ ਬਜਟ ਮਾਮਲੇ ਵਿਚ ਸਰਕਾਰ ਨਾਲ ਸਹਿਮਤੀ ਪ੍ਰਗਟ ਕੀਤੀ ਹੈ। ਐਨ ਡੀ ਪੀ ਹੁਣ ਬੇਵਿਸਾਹੀ ਮਤਾ ਨਹੀਂ ਲਿਆਵੇਗੀ ਤੇ ਨਾ ਹੀ ਸਮਝੌਤੇ ਦੇ ਸਮੇਂ ਦੌਰਾਨ ਬੇਵਸਾਹੀ ਮਤੇ ਦੇ ਹੱਕ ਵਿਚ ਵੋਟਾਂ ਪਾਏਗੀ। ਪਾਰਟੀਆਂ ਨੇ ਉਹਨਾਂ ਖੇਤਰਾਂ ਦੀ ਸ਼ਨਾਖ਼ਤ ਕੀਤੀ ਹੈ ਜਿਹਨੂੰ ਵਿਚ ਉਹ ਰਲ ਕੇ ਕੰਮ ਕਰ ਸਕਣਗੀਆਂ । ਐਨ ਡੀ ਪੀ ਦੇ ਆਗੂ ਜਗਮੀਤ ਸਿੰਘ ਨੇ ਵਰਚੁਅਲ ਪ੍ਰੈਸ ਕਾਨਫਰੰਸ ਵਿਚ ਕਿਹਾ ਕਿ ਉਹਨਾਂ ਨੂੰ ਇਹ ਪਰਵਾਹ ਨਹੀਂ ਹੈ ਕਿ ਉਹਨਾਂ ਦੀ ਪਾਰਟੀ ਨੂੰ ਸਰਕਾਰ ਦੇ ਪ੍ਰੋਗਰਾਮ ਉਲੀਕਣ ਦਾ ਸਿਹਰਾ ਮਿਲਦਾ ਹੈ ਜਾਂ ਨਹੀਂ, ਅਸੀਂ ਤਾਂ ਸਿਰਫ਼ ਆਪਣੀ ਤਾਕਤ ਦੀ ਵਰਤੋਂ ਲੋਕਾਂ ਦੀ ਮਦਦ ਵਾਸਤੇ ਕਰ ਰਹੇ ਹਾਂ। ਇਸ ਵੇਲੇ ਕੈਨੇਡਾ ਦੇ ਹਾਊਸ ਵਿਚ ਕਾਮਨਜ਼ ਦੇ 338 ਮੈਂਬਰ ਹਨ ਜਿਹਨਾਂ ਵਿਚੋਂ ਲਿਬਰਲ ਪਾਰਟੀ ਕੋਲ 159 ਸੀਟਾਂ, ਕਨਜ਼ਰਵੇਟਿਵ ਕੋਲ 119, ਬਲਾਕ ਕਿਊਬੈਕੋਇਸ ਕੋਲ 32, ਐਨ ਡੀ ਪੀ ਕੋਲ 25 ਅਤੇ ਗ੍ਰੀਨ ਪਾਰਟੀ ਕੋਲ 2 ਸੀਟਾਂ ਹਨ ਜਦੋਂ ਕਿ ਇਕ ਆਜ਼ਾਦ ਮੈਂਬਰ ਹੈ।
The post ਟਰੂਡੋ ਤੇ ਜਗਮੀਤ ਦੀ ਪਾਰਟੀ ਵਿਚਾਲੇ ਹੋਇਆ ਗਠਜੋੜ, 2025 ਤੱਕ ਰਾਜ ਕਰਨਗੇ ਟਰੂਡੋ first appeared on Punjabi News Online.
source https://punjabinewsonline.com/2022/03/23/%e0%a8%9f%e0%a8%b0%e0%a9%82%e0%a8%a1%e0%a9%8b-%e0%a8%a4%e0%a9%87-%e0%a8%9c%e0%a8%97%e0%a8%ae%e0%a9%80%e0%a8%a4-%e0%a8%a6%e0%a9%80-%e0%a8%aa%e0%a8%be%e0%a8%b0%e0%a8%9f%e0%a9%80-%e0%a8%b5%e0%a8%bf/