| ਫਿਲੀਪੀਨਜ਼ ਨੇ ਵਿਦੇਸ਼ੀ ਸੈਲਾਨੀਆਂ ਦੇ ਦਾਖ਼ਲੇ 'ਤੇ ਲੱਗੀ ਪਾਬੰਦੀ ਹਟਾਈ Jan 28th 2022, 12:56, by Narinder Jagga ਫੈਕਟ ਸਮਾਚਾਰ ਸੇਵਾ ਮਨੀਲਾ , ਜਨਵਰੀ 28 ਫਿਲੀਪੀਨਜ਼ ਅਗਲੇ ਮਹੀਨੇ ਕਰੀਬ 2 ਸਾਲ ਪਹਿਲਾਂ ਦੇਸ਼ ਵਿਚ ਵਿਦੇਸ਼ੀ ਸੈਲਾਨੀਆਂ ਅਤੇ ਕਾਰੋਬਾਰੀਆਂ ਦੇ ਦਾਖ਼ਲੇ 'ਤੇ ਲੱਗੀ ਪਾਬੰਦੀ ਹਟਾ ਦੇਵੇਗਾ। ਸਰਕਾਰ ਨੇ ਇਹ ਫੈਸਲਾ ਕੋਰੋਨਾ ਵਾਇਰਸ ਦੀ ਮੌਜੂਦਾ ਲਹਿਰ ਵਿਚ ਕਮੀ ਦੇ ਵਿਚਕਾਰ ਮੁਸ਼ਕਲ ਸਮੇਂ ਵਿਚੋਂਂ ਲੰਘ ਰਹੇ ਸੈਰ-ਸਪਾਟਾ ਉਦਯੋਗ ਨੂੰ ਬਚਾਉਣ ਦੇ ਉਦੇਸ਼ ਨਾਲ ਲਿਆ ਹੈ। ਅਧਿਕਾਰੀਆਂ ਨੇ ਅੱਜ ਇਹ ਜਾਣਕਾਰੀ ਦਿੱਤੀ। ਸੈਰ-ਸਪਾਟਾ ਸਕੱਤਰ ਬਰਨਾ ਰੋਮੂਲੋ-ਪੁਯਾਤ ਨੇ ਕਿਹਾ ਕਿ 10 ਫਰਵਰੀ ਤੋਂ ਫਿਲੀਪੀਨਜ਼ ਉਨ੍ਹਾਂ 150 ਤੋਂਂਵੱਧ ਦੇਸ਼ਾਂ ਦੇ ਯਾਤਰੀਆਂ ਲਈ ਆਪਣੇ ਦਰਵਾਜ਼ੇ ਖੋਲ੍ਹ ਦੇਵੇਗਾ ਜੋ ਵੀਜ਼ਾ-ਮੁਕਤ ਯਾਤਰਾ ਨੀਤੀ ਦੇ ਅਧੀਨ ਆਉਂਦੇ ਹਨ। ਬਰਨਾ ਦੇ ਅਨੁਸਾਰ ਜੇਕਰ ਯਾਤਰੀਆਂ ਨੇ ਆਪਣਾ ਪੂਰਨ ਟੀਕਾਕਰਨ ਕਰਵਾ ਲਿਆ ਹੈ ਅਤੇ ਯਾਤਰਾ ਤੋਂ ਪਹਿਲਾਂ ਉਨ੍ਹਾਂ ਦੀ ਕੋਵਿਡ ਟੈਸਟ ਰਿਪੋਰਟ ਨੈਗੇਟਿਵ ਆਈ ਹੈ, ਤਾਂ ਫਿਲੀਪੀਨਜ਼ ਵਿਚ ਦਾਖ਼ਲ ਹੋਣ ਤੋਂ ਬਾਅਦ ਉਨ੍ਹਾਂ ਨੂੰ ਸਰਕਾਰ ਵੱਲੋਂ ਨਿਰਧਾਰਤ ਕੇਂਦਰਾਂ ਵਿਚ ਇਕਾਂਤਵਾਸ ਵਿਚ ਰਹਿਣ ਦੀ ਜ਼ਰੂਰਤ ਨਹੀਂ ਹੋਵੇਗੀ। ਫਿਲੀਪੀਨਜ਼ ਸਰਕਾਰ ਨੇ ਪਹਿਲਾਂ 1 ਦਸੰਬਰ 2021 ਤੋਂ ਵਿਦੇਸ਼ੀ ਯਾਤਰੀਆਂ ਦੇ ਦਾਖ਼ਲੇ 'ਤੇ ਲੱਗੀ ਪਾਬੰਦੀ ਹਟਾਉਣ ਦਾ ਫੈਸਲਾ ਕੀਤਾ ਸੀ। Facebook Page: https://www.facebook.com/factnewsnet See videos: https://www.youtube.com/c/TheFACTNews/videos The post ਫਿਲੀਪੀਨਜ਼ ਨੇ ਵਿਦੇਸ਼ੀ ਸੈਲਾਨੀਆਂ ਦੇ ਦਾਖ਼ਲੇ 'ਤੇ ਲੱਗੀ ਪਾਬੰਦੀ ਹਟਾਈ appeared first on The Fact News Punjabi. |
