ਫੈਕਟ ਸਮਾਚਾਰ ਸੇਵਾ
ਭਿਵਾਨੀ , ਜਨਵਰੀ 28
ਹਰਿਆਣਾ ਸਕੂਲ ਸਿੱਖਿਆ ਬੋਰਡ, ਭਿਵਾਨੀ ਵਲੋਂ 18 ਅਤੇ 19 ਦਸੰਬਰ, 2021 ਨੂੰ ਕਰਵਾਏ ਗਏ ਹਰਿਆਣਾ ਅਧਿਆਪਕ ਯੋਗਤਾ ਪ੍ਰੀਖਿਆ-2021 ਪੱਧਰ-1, 2 ਅਤੇ 3 ਦੇ ਨਤੀਜੇ ਅੱਜ ਘੋਸ਼ਿਤ ਕੀਤੇ ਗਏ ਹਨ। ਨਤੀਜਾ ਬੋਰਡ ਦੀ ਵੈੱਬਸਾਈਟ 'ਤੇ ਅਪਲੋਡ ਕਰ ਦਿੱਤਾ ਗਿਆ ਹੈ । ਇਸ ਪ੍ਰੀਖਿਆ ਵਿੱਚ ਲੈਵਲ-1 (ਪੀਆਰਟੀ) ਦੇ ਕੁੱਲ 13.70 ਫੀਸਦੀ, ਲੈਵਲ-2 (ਟੀ.ਜੀ.ਟੀ.) ਦੇ 04.30 ਫੀਸਦੀ ਅਤੇ ਲੈਵਲ-3 (ਪੀ.ਜੀ.ਟੀ.) ਦੇ 14.52 ਫੀਸਦੀ ਉਮੀਦਵਾਰ ਪਾਸ ਹੋਏ ਹਨ। ਬੋਰਡ ਹੈੱਡਕੁਆਰਟਰ ਵਿਖੇ ਪ੍ਰੈਸ ਕਾਨਫਰੰਸ ਦੌਰਾਨ ਬੋਰਡ ਦੇ ਪ੍ਰਧਾਨ ਪ੍ਰੋ. ਜਗਬੀਰ ਸਿੰਘ, ਮੀਤ ਪ੍ਰਧਾਨ ਵੀਪੀ ਯਾਦਵ ਅਤੇ ਸਕੱਤਰ ਕ੍ਰਿਸ਼ਨ ਕੁਮਾਰ ਨੇ ਦੱਸਿਆ ਕਿ ਇਸ ਪ੍ਰੀਖਿਆ ਵਿੱਚ ਕੁੱਲ 1,87,951 ਉਮੀਦਵਾਰਾਂ ਨੇ ਭਾਗ ਲਿਆ। ਇਨ੍ਹਾਂ ਵਿੱਚ 58,391 ਪੁਰਸ਼, 1,29,559 ਔਰਤਾਂ ਅਤੇ 01 ਟਰਾਂਸਜੈਂਡਰ ਸ਼ਾਮਲ ਹਨ।
ਬੋਰਡ ਦੇ ਪ੍ਰਧਾਨ ਡਾ . ਜਗਬੀਰ ਸਿੰਘ ਨੇ ਦੱਸਿਆ ਕਿ ਬੋਰਡ ਹੈੱਡਕੁਆਰਟਰ ਵਿਖੇ ਸਥਾਪਿਤ ਅਤਿ-ਆਧੁਨਿਕ ਤਕਨੀਕਾਂ ਵਾਲੇ ਹਾਈਟੈਕ ਕੰਟਰੋਲ ਰੂਮ ਤੋਂ ਸੂਬੇ ਭਰ ਦੇ ਸਾਰੇ ਐਚ.ਟੀ.ਈ.ਟੀ ਪ੍ਰੀਖਿਆ ਕੇਂਦਰਾਂ ਦੀ ਸੀ.ਸੀ.ਟੀ.ਵੀ. ਦੀ ਲਾਈਵ ਨਿਗਰਾਨੀ ਪਲ-ਪਲ ਕੀਤੀ ਜਾਵੇਗੀ। ਕੈਮਰਿਆਂ ਰਾਹੀਂ ਪਹਿਲੀ ਵਾਰ 66 ਮਾਮਲੇ ਦਰਜ ਕੀਤੇ ਗਏ ਹਨ। ਉਨ੍ਹਾਂ ਕਿਹਾ ਕਿ ਨਤੀਜਾ ਅਪਲੋਡ ਕਰਨ ਜਾਂ ਕੋਈ ਹੋਰ ਤਕਨੀਕੀ ਗਲਤੀ ਹੋਣ ਦੀ ਸੂਰਤ ਵਿੱਚ ਨਤੀਜਾ ਵਾਪਸ ਲੈਣ ਦਾ ਅਧਿਕਾਰ ਬੋਰਡ ਕੋਲ ਹੋਵੇਗਾ।
Facebook Page: https://www.facebook.com/factnewsnet
See videos: https://www.youtube.com/c/TheFACTNews/videos
The post ਹਰਿਆਣਾ 'ਚ ਅਧਿਆਪਕ ਯੋਗਤਾ ਪ੍ਰੀਖਿਆ-2021 ਦਾ ਨਤੀਜਾ ਜਾਰੀ appeared first on The Fact News Punjabi.
