‘ਕਿਸੇ ਵੀ ਲਾਵਾਰਿਸ ਚੀਜ਼ ਜਾਂ ਟਿਫਿਨ ਨੂੰ ਹੱਥ ਨਾ ਲਾਓ, ਇਹ ਬੰਬ ਹੋ ਸਕਦੀ ਹੈ’ – ਪੰਜਾਬ ਪੁਲਿਸ ਵੱਲੋਂ ਐਡਵਾਇਜ਼ਰੀ ਤੇ ਹਾਈਅਲਰਟ ਜਾਰੀ

ਅੰਮ੍ਰਿਤਸਰ ਸਰਹੱਦ ਦੇ ਪਿੰਡ ਬੱਚੀਵਿੰਡ ਲੋਪੋਕੇ ਵਿੱਚ ਇੱਕ ਡਰੋਨ ਰਾਹੀਂ ਹਥਿਆਰ ਅਤੇ ਵਿਸਫੋਟਕ ਸਮੱਗਰੀ ਮਿਲਣ ਤੋਂ ਬਾਅਦ ਪੰਜਾਬ ਪੁਲਿਸ ਹਰਕਤ ਵਿੱਚ ਆ ਗਈ ਹੈ। ਸਰਹੱਦ ਤੋਂ ਮਿਲੇ ਟਿਫਿਨ ਬਾਕਸ ਬੰਬ ਨੂੰ ਬਣਾਉਣ ਦੇ ਤਰੀਕੇ ਨਾਲ ਪੰਜਾਬ ਪੁਲਿਸ ਹੈਰਾਨ ਹੈ। ਇੱਕ ਬੰਬ ਨੇ ਅਜਿਹੀ ਹਲਚਲ ਮਚਾ ਦਿੱਤੀ। ਜੇਕਰ ਅਜਿਹੇ ਹੋਰ ਬੰਬ ਪੰਜਾਬ ਨੂੰ ਭੇਜੇ ਜਾਂਦੇ ਹਨ ਤਾਂ ਲੋਕਾਂ ਨੂੰ ਸੁਚੇਤ ਹੋਣ ਦੀ ਲੋੜ ਹੈ।

ਪੰਜਾਬ ਪੁਲਿਸ ਨੇ ਸੋਸ਼ਲ ਸਾਈਟਾਂ ਰਾਹੀਂ ਟਿਫਿਨ ਬੰਬਾਂ ਬਾਰੇ ਪੰਜਾਬ ਦੇ ਲੋਕਾਂ ਨੂੰ ਅਲਰਟ ਜਾਰੀ ਕੀਤਾ ਹੈ। ਇਸ ਦੇ ਨਾਲ ਹੀ ਜੇ ਤੁਸੀਂ ਟਿਫਿਨ ਅਤੇ ਅਜਿਹੀ ਕੋਈ ਵਸਤੂ ਦੇਖਦੇ ਹੋ, ਤਾਂ ਤੁਹਾਨੂੰ ਵਿਭਾਗ ਦੇ ਉੱਚ ਅਧਿਕਾਰੀਆਂ ਨਾਲ ਸੰਪਰਕ ਕਰਨ ਲਈ ਕਿਹਾ ਗਿਆ ਹੈ। ਖਾਸ ਗੱਲ ਇਹ ਹੈ ਕਿ ਸਰਹੱਦ ਤੋਂ ਜੋ ਬੰਬ ਮਿਲਿਆ ਸੀ ਉਹ ਟਿਫਿਨ ਵਿੱਚ ਸੀ ਜੋ ਬੱਚਿਆਂ ਨੂੰ ਆਕਰਸ਼ਿਤ ਕਰ ਰਿਹਾ ਸੀ। ਇਸ ਲਈ ਪੁਲਿਸ ਨੇ ਪੰਜਾਬ ਦੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਜੇਕਰ ਕੋਈ ਵੀ ਟਿਫਿਨ ਵਰਗੀ ਚੀਜ਼ ਕਿਤੇ ਵੀ ਲਾਵਾਰਿਸ ਪਾਈ ਜਾਂਦੀ ਹੈ ਤਾਂ ਉਸ ਦੇ ਨੇੜੇ ਨਾ ਜਾਓ ਅਤੇ ਪੁਲਿਸ ਨੂੰ ਸੂਚਿਤ ਕਰੋ।