ਮੇਰਠ ਵਿੱਚ ਇੱਕ ਡਾਕਟਰ ਦੀ ਹੈਰਾਨ ਕਰਨ ਵਾਲੀ ਲਾਪਰਵਾਹੀ ਸਾਹਮਣੇ ਆਈ ਹੈ। ਢਾਈ ਸਾਲ ਦੇ ਇੱਕ ਬੱਚੇ ਦੀ ਅੱਖ ਕੋਲ ਲੱਗੀ ਸੱਟ ਦਾ ਇਲਾਜ ਇਸ ਤਰੀਕੇ ਨਾਲ ਕੀਤਾ ਗਿਆ ਜਿਸ ਬਾਰੇ ਸੁਣ ਕੇ ਹਰ ਕੋਈ ਹੈਰਾਨ ਰਹਿ ਗਿਆ। ਬੱਚੇ ਨੂੰ ਟਾਂਕਿਆਂ ਦੀ ਲੋੜ ਸੀ, ਪਰ ਦੋਸ਼ ਹੈ ਕਿ ਡਾਕਟਰ ਨੇ ਜ਼ਖ਼ਮ ਨੂੰ 5 ਰੁਪਏ ਦੇ ਫੇਵੀਕਵਿੱਕ ਨਾਲ ਚਿਪਕਾ ਕਰ ਦਿੱਤਾ। ਨਤੀਜੇ ਇਹ ਹੋਇਆ ਕਿ ਬੱਚੇ ਨੂੰ ਸਾਰੀ ਰਾਤ ਦਰਦ ਹੁੰਦਾ ਰਿਹਾ ਅਤੇ ਅਗਲੇ ਦਿਨ ਦੂਜੇ ਹਸਪਤਾਲ ਦੇ ਡਾਕਟਰਾਂ ਨੂੰ ਫੇਵੀਕਵਿੱਕ ਨੂੰ ਹਟਾਉਣ ਵਿਚ ਪੂਰੇ ਤਿੰਨ ਘੰਟੇ ਲੱਗ ਗਏ ਤੇ ਬਾਅਦ ਵਿਚ ਟਾਂਕੇ ਲਾਏ ਗਏ।
ਇਹ ਅਜੀਬ ਅਤੇ ਪਰੇਸ਼ਾਨ ਕਰਨ ਵਾਲਾ ਮਾਮਲਾ ਮੇਰਠ ਦੇ ਜਾਗ੍ਰਿਤੀ ਵਿਹਾਰ ਐਕਸਟੈਂਸ਼ਨ ਵਿੱਚ ਸਥਿਤ ਮੈਪਲਜ਼ ਹਾਈਟਸ ਤੋਂ ਸਾਹਮਣੇ ਆਇਆ। ਫਾਈਨੈਂਸਰ ਸਰਦਾਰ ਜਸਵਿੰਦਰ ਸਿੰਘ ਦਾ ਢਾਈ ਸਾਲ ਦਾ ਪੁੱਤਰ ਮਨਰਾਜ ਸ਼ਾਮੀਂ ਘਰ ਵਿੱਚ ਖੇਡਦੇ ਸਮੇਂ ਇੱਕ ਮੇਜ਼ ਦੇ ਕੋਨੇ ਨਾਲ ਟਕਰਾ ਗਿਆ। ਸੱਟ ਅੱਖ ਦੇ ਬਿਲਕੁਲ ਨੇੜੇ ਲੱਗੀ ਅਤੇ ਖੂਨ ਵਗਣ ਪਿਆ। ਬੱਚੇ ਨੂੰ ਰੋਂਦੇ ਹੋਏ ਦੇਖ ਕੇ ਪਰਿਵਾਰ ਘਬਰਾ ਗਿਆ ਅਤੇ ਉਸਨੂੰ ਇਲਾਜ ਲਈ ਸ਼ਹਿਰ ਦੇ ਇੱਕ ਨਿੱਜੀ ਹਸਪਤਾਲ ਲੈ ਗਿਆ।
ਪਰਿਵਾਰ ਦਾ ਦੋਸ਼ ਹੈ ਕਿ ਉੱਥੇ ਦੇ ਡਾਕਟਰ ਨੇ ਨਾ ਤਾਂ ਜ਼ਖ਼ਮ ਦੀ ਸਹੀ ਢੰਗ ਨਾਲ ਜਾਂਚ ਕੀਤੀ ਅਤੇ ਨਾ ਹੀ ਮੁੱਢਲੀ ਸਹਾਇਤਾ ਕੀਤੀ। ਟਾਂਕੇ ਲਾਉਣ ਦੀ ਗੱਲ ਤਾਂ ਛੱਡੋ, ਉਸਨੇ ਮਾਪਿਆਂ ਨੂੰ ਬਾਹਰੋਂ ਪੰਜ ਰੁਪਏ ਦੀ ਫੇਵੀਕਵਿੱਕ ਲਿਆਉਣ ਲਈ ਕਿਹਾ। ਪਰਿਵਾਰ ਨੇ ਡਾਕਟਰ ‘ਤੇ ਭਰੋਸਾ ਕਰਦੇ ਹੋਏ ਲੈ ਆਂਦਾ। ਜ਼ਖ਼ਮ ਨੂੰ ਸਾਫ਼ ਕਰਨ ਦੀ ਬਜਾਏ, ਡਾਕਟਰ ਨੇ ਕੱਟੇ ਹੋਏ ਹਿੱਸੇ ਨੂੰ ਫੇਵੀਕਵਿੱਕ ਨਾਲ ਚਿਪਕਾ ਦਿੱਤਾ। ਜਸਵਿੰਦਰ ਸਿੰਘ ਦਾ ਕਹਿਣਾ ਹੈ ਕਿ ਬੱਚਾ ਲਗਾਤਾਰ ਦਰਦ ਵਿੱਚ ਸੀ। ਡਾਕਟਰ ਨੇ ਉਨ੍ਹਾਂ ਨੂੰ ਵਾਰ-ਵਾਰ ਭਰੋਸਾ ਦਿੱਤਾ ਕਿ ਬੱਚਾ ਘਬਰਾ ਗਿਆ ਹੈ ਅਤੇ ਦਰਦ ਕੁਝ ਸਮੇਂ ਵਿੱਚ ਘੱਟ ਜਾਵੇਗਾ। ਪਰ ਘੱਟ ਹੋਣ ਦੀ ਬਜਾਏ, ਦਰਦ ਰਾਤ ਭਰ ਵਧਦਾ ਰਿਹਾ।
ਰਾਤ ਭਰ ਬੱਚੇ ਦੀ ਬੇਚੈਨੀ ਮਾਪਿਆਂ ਲਈ ਚਿੰਤਾਜਨਕ ਬਣ ਗਈ। ਸਵੇਰੇ ਉਹ ਉਸਨੂੰ ਦੂਜੇ ਹਸਪਤਾਲ ਲੈ ਗਏ। ਜਦੋਂ ਡਾਕਟਰਾਂ ਨੂੰ ਪਤਾ ਲੱਗਾ ਕਿ ਜ਼ਖ਼ਮ ‘ਤੇ ਫੇਵੀਵਿੱਕ ਲਗਾਇਆ ਗਿਆ ਹੈ, ਤਾਂ ਉਨ੍ਹਾਂ ਨੇ ਸਪੱਸ਼ਟ ਤੌਰ ‘ਤੇ ਕਿਹਾ ਕਿ ਸਥਿਤੀ ਬਹੁਤ ਖਤਰਨਾਕ ਹੋ ਸਕਦੀ ਹੈ। ਜੇ ਥੋੜ੍ਹੀ ਜਿਹੀ ਮਾਤਰਾ ਵੀ ਫੇਵੀਕਵਿੱਕ ਦੀ ਅੱਖ ਚਲੀ ਜਾਂਦੀ ਤਾਂ ਬੱਚੇ ਦੀ ਨਜ਼ਰ ‘ਤੇ ਅਸਰ ਹੋ ਸਕਦਾ ਸੀ। ਹਸਪਤਾਲ ਦੇ ਡਾਕਟਰਾਂ ਨੂੰ ਫੇਵੀਕਵਿੱਕ ਨੂੰ ਹਟਾਉਣ ਲਈ ਲਗਭਗ ਤਿੰਨ ਘੰਟੇ ਲੱਗੇ। ਪਿਰ ਡਾਕਟਰਾਂ ਨੇ ਤੁਰੰਤ ਚਾਰ ਟਾਂਕੇ ਲਗਾਏ।
ਇਹ ਵੀ ਪੜ੍ਹੋ : ਹੁਸ਼ਿਆਰਪੁਰ ‘ਚ ਭਲਕੇ ਛੁੱਟੀ ਦਾ ਐਲਾਨ, ਬੰਦ ਰਹਿਣਗੇ ਸਾਰੇ ਸਕੂਲ-ਕਾਲਜ, DC ਵੱਲੋਂ ਹੁਕਮ ਜਾਰੀ
ਮੇਰਠ ਦੇ ਸੀਐਮਓ ਡਾ. ਅਸ਼ੋਕ ਕਟਾਰੀਆ ਨੇ ਮਾਮਲੇ ਨੂੰ ਗੰਭੀਰਤਾ ਨਾਲ ਲੈਂਦੇ ਹੋਏ ਕਿਹਾ, “ਸਾਨੂੰ ਬੱਚੇ ਦੇ ਪਰਿਵਾਰ ਤੋਂ ਸ਼ਿਕਾਇਤ ਮਿਲੀ ਹੈ। ਇਹ ਬਹੁਤ ਹੀ ਸੰਵੇਦਨਸ਼ੀਲ ਅਤੇ ਚਿੰਤਾਜਨਕ ਮਾਮਲਾ ਹੈ। ਇੱਕ ਜਾਂਚ ਕਮੇਟੀ ਬਣਾਈ ਗਈ ਹੈ ਅਤੇ ਪੂਰੀ ਘਟਨਾ ਦੀ ਜਾਂਚ ਕਰ ਰਹੀ ਹੈ। ਰਿਪੋਰਟ ਤੋਂ ਬਾਅਦ ਜ਼ਿੰਮੇਵਾਰ ਪਾਏ ਜਾਣ ਵਾਲੇ ਕਿਸੇ ਵੀ ਵਿਅਕਤੀ ਵਿਰੁੱਧ ਕਾਰਵਾਈ ਕੀਤੀ ਜਾਵੇਗੀ।”
ਵੀਡੀਓ ਲਈ ਕਲਿੱਕ ਕਰੋ -:
The post ਹੈਰਾਨ ਕਰਨ ਵਾਲਾ ਮਾਮਲਾ, ਡਾਕਟਰਾਂ ਨੇ ਬੱਚੇ ਦੀ ਸੱਟ ‘ਤੇ Fevikwik ਚਿਪਕਾ’ਤੀ appeared first on Daily Post Punjabi.
source https://dailypost.in/news/national/doctors-applied-fevikwik-to/