ਦੇਸ਼ ਦੀ ਸਭ ਤੋਂ ਵੱਕਾਰੀ ਅਤੇ ਚੁਣੌਤੀਪੂਰਨ ਮੈਡੀਕਲ ਪ੍ਰਵੇਸ਼ ਪ੍ਰੀਖਿਆ, NEET-UG 2026 ਲਈ ਤਿਆਰੀ ਕਰ ਰਹੇ ਲੱਖਾਂ ਵਿਦਿਆਰਥੀਆਂ ਲਈ ਕੁਝ ਚੰਗੀ ਤੇ ਵੱਡੀ ਖ਼ਬਰ ਆ ਰਹੀ ਹੈ। ਨੈਸ਼ਨਲ ਟੈਸਟਿੰਗ ਏਜੰਸੀ (NTA), ਜੋ ਅਕਸਰ ਪੇਪਰ ਲੀਕ ਅਤੇ ਪ੍ਰਸ਼ਾਸਕੀ ਕਮੀਆਂ ਨੂੰ ਲੈ ਕੇ ਵਿਵਾਦਾਂ ਅਤੇ ਦਬਾਅ ਵਿੱਚ ਘਿਰੀ ਰਹਿੰਦੀ ਹੈ, ਨੇ ਵਿਦਿਆਰਥੀਆਂ ਦੇ ਫਾਇਦੇ ਲਈ ਕੁਝ ਮਹੱਤਵਪੂਰਨ ਅਤੇ ਕੈਂਡੀਡੇਟ ਫ੍ਰੈਂਡਲੀ ਤਬਦੀਲੀਆਂ ਦਾ ਐਲਾਨ ਕੀਤਾ ਹੈ।
21 ਜੂਨ, 2026 ਨੂੰ ਹੋਣ ਵਾਲੀ ਆਗਾਮੀ NEET (UG) ਪ੍ਰੀਖਿਆ ਲਈ, NTA ਨੇ ਨਾ ਸਿਰਫ਼ ਪ੍ਰੀਖਿਆ ਵਿੰਡੋ ਨੂੰ ਵਧਾਇਆ ਹੈ ਬਲਕਿ ਵਿਦਿਆਰਥੀਆਂ ਦੀ ਤਿਆਰੀ ਨੂੰ ਆਸਾਨ ਬਣਾਉਣ ਲਈ ਪ੍ਰਸ਼ਨ ਪੱਤਰ ਪੁਸਤਿਕਾ ਪੈਟਰਨ ਵਿੱਚ ਵੀ ਢਿੱਲ ਦਿੱਤੀ ਹੈ।
ਹੁਣ, ਸਿਰਫ਼ 3 ਘੰਟੇ ਨਹੀਂ, ਸਗੋਂ ਪੂਰੇ 195 ਮਿੰਟ
NTA ਦੁਆਰਾ ਜਾਰੀ ਅਧਿਕਾਰਤ ਜਾਣਕਾਰੀ ਮੁਤਾਬਕ ਇਹ ਫੈਸਲਾ ਪਿਛਲੇ ਕਈ ਸਾਲਾਂ ਤੋਂ ਦੇਸ਼ ਭਰ ਦੇ ਉਮੀਦਵਾਰਾਂ ਤੋਂ ਪ੍ਰਾਪਤ ਫੀਡਬੈਕ ਅਤੇ ਸ਼ਿਕਾਇਤਾਂ ਦੇ ਮੱਦੇਨਜ਼ਰ ਲਿਆ ਗਿਆ ਹੈ। ਵਿਦਿਆਰਥੀਆਂ ਨੇ ਅਕਸਰ ਸ਼ਿਕਾਇਤ ਕੀਤੀ ਸੀ ਕਿ ਪ੍ਰੀਖਿਆ ਕੇਂਦਰ ਦੇ ਅੰਦਰ ਹਾਜ਼ਰੀ ਸ਼ੀਟਾਂ ‘ਤੇ ਦਸਤਖਤ ਕਰਨ, ਬਾਇਓਮੈਟ੍ਰਿਕ ਤਸਦੀਕ ਕਰਨ ਅਤੇ ਹੋਰ ਪ੍ਰਸ਼ਾਸਕੀ ਰਸਮਾਂ ਨੂੰ ਪੂਰਾ ਕਰਨ ਤੋਂ ਰੋਕਿਆ ਜਾਂਦਾ ਹੈ, ਜਿਸ ਕਾਰਨ ਉਹ ਪੂਰਾ ਪੇਪਰ ਪੂਰਾ ਨਹੀਂ ਕਰ ਸਕਦੇ ਸਨ।
ਇਸ ਮੁੱਦੇ ਨੂੰ ਹੱਲ ਕਰਨ ਲਈ, NTA ਨੇ ਪ੍ਰੀਖਿਆ ਦੀ ਮਿਆਦ ਵਧਾ ਕੇ 195 ਮਿੰਟ (3 ਘੰਟੇ 15 ਮਿੰਟ) ਕਰ ਦਿੱਤੀ ਹੈ। ਸੋਧੇ ਹੋਏ ਸ਼ਡਿਊਲ ਮੁਤਾਬਕ ਪ੍ਰੀਖਿਆ ਹੁਣ ਦੁਪਹਿਰ 2.00 ਵਜੇ ਸ਼ੁਰੂ ਹੋਵੇਗੀ ਅਤੇ ਸ਼ਾਮ 5.15 ਵਜੇ ਤੱਕ ਜਾਰੀ ਰਹੇਗੀ।
ਇਹ 15 ਮਿੰਟ ਦਾ ਵਾਧੂ ਸਮਾਂ ਕਿਉਂ ਜ਼ਰੂਰੀ ਸੀ?
NTA ਨੇ ਸਪੱਸ਼ਟ ਕੀਤਾ ਹੈ ਕਿ ਇਸ ਵਧਾਈ ਗਈ ਸਮਾਂ ਸੀਮਾ ਦਾ ਮੁੱਖ ਉਦੇਸ਼ ਇਹ ਯਕੀਨੀ ਬਣਾਉਣਾ ਹੈ ਕਿ ਵਿਦਿਆਰਥੀ ਬਿਨਾਂ ਕਿਸੇ ਮਾਨਸਿਕ ਤਣਾਅ ਜਾਂ ਜਲਦਬਾਜ਼ੀ ਦੇ ਆਪਣੀ ਪ੍ਰੀਖਿਆ ਦੇ ਸਕਣ। ਪ੍ਰੀਖਿਆ ਦੌਰਾਨ ਹੋਣ ਵਾਲੀਆਂ ਲਾਜਮੀ ਰਸਮਾਂ, ਜਿਵੇਂਕਿ ਅਟੈਂਡੈਂਸ ਸ਼ੀਟ ‘ਤੇ ਦਸਤਖਤ ਕਰਨਾ, ਬਾਇਓਮੈਟ੍ਰਿਕ ਜਾਂਚ ਅਤੇ ਇਨਵਿਜਿਲੇਟਰ ਦੀ ਹੋਰ ਪ੍ਰਸਾਸਨਿਕ ਰਸਮਾਂ ਦੇ ਚੱਕਰ ਵਿਚ ਉਨ੍ਹਾਂ ਦਾ ਕੀਮਤੀ ਸਮਾਂ ਬਰਬਾਦ ਹੋ ਜਾਂਦਾ ਸੀ, ਜਿਸ ਨਾਲ ਉਨ੍ਹਾਂ ਨੂੰ ਪੂਰਾ ਪੇਪਰ ਹੱਲ ਕਰਨ ਦਾ ਮੌਕਾ ਨਹੀਂ ਮਿਲ ਪਾਉਂਦਾ ਸੀ।
ਇਹ ਵੀ ਪੜ੍ਹੋ : ਛੋਲੇ-ਕੁਲਚੇ ਦੀ ਰੇਹੜੀ ਲਾਉਣ ਵਾਲੇ ਦਾ ਪੁੱਤ U-19 ਇੰਡੀਅਨ ਕ੍ਰਿਕਟ ਟੀਮ ‘ਚ ਸ਼ਾਮਲ, ਜਲੰਧਰ ਦਾ ਰਹਿਣ ਵਾਲਾ
ਸਮਾਂ ਸੀਮਾ ਵਧਾਉਣ ਤੋਂ ਇਲਾਵਾ, NTA ਨੇ ਇੱਕ ਹੋਰ ਵਿਹਾਰਕ ਤਬਦੀਲੀ ਵੀ ਕੀਤੀ ਹੈ। NEET ਪ੍ਰੀਖਿਆ ਵਿੱਚ ਵਿਦਿਆਰਥੀਆਂ ਨੂੰ ਅਕਸਰ ਗੁੰਝਲਦਾਰ ਭੌਤਿਕ ਫਿਜੀਕਸ ਅਤੇ ਕੈਮਿਸਟਰੀ ਦੇ ਪੇਚੀਦਾ ਸਵਾਲਾਂ ਤੇ ਕੈਲਕੂਲੇਸ਼ਨ ਨੂੰ ਹੱਲ ਕਰਨ ਲਈ ਵਿਦਿਆਰਥੀਆ ਨੂੰ ਕਾਫੀ ਰਫ ਵਰਕ ਕਰਨਾ ਪੈਂਦਾ ਹੈ। ਵਿਦਿਆਰਥੀਆਂ ਦੀ ਪੁਰਾਣੀ ਮੰਗ ਨੂੰ ਮੰਨਦੇ ਹੋਏ NTA ਨੇ ਇਸ ਵਾਰ ਕਵੈਸ਼ਚਨ ਪੇਪਰ ਬੁਕਲੇਟ ਵਿਚ ਰਫ ਵਰਕ ਲਈ ਉਪਲਬਧ ਸਪੇਸ ਨੂੰ ਵਧਾ ਦਿੱਤਾ ਹੈ। ਹੁਣ ਵਿਦਿਆਰਥੀਆਂ ਨੂੰ ਕੈਲਕੁਲੇਸ਼ਨ ਕਰਨ ਲਈ ਤੰਗ ਕੋਨਿਆਂ ਨਾਲ ਨਹੀਂ ਜੂਝਨਾ ਪਏਗਾ।
ਵੀਡੀਓ ਲਈ ਕਲਿੱਕ ਕਰੋ -:
Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ
The post NEET -UG 2026 : ਪ੍ਰੀਖਿਆ ਦੀ ਟਾਈਮਿੰਗ ਤੇ ਪੈਟਰਨ ‘ਚ ਵੱਡਾ ਬਦਲਾਅ, ਹੁਣ ਮਿਲਣਗੇ 195 ਮਿੰਟ appeared first on Daily Post Punjabi.
source https://dailypost.in/major-change-in-exam/