ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਮੰਗਲਵਾਰ ਨੂੰ ਇੱਕ ਵਾਰ ਫਿਰ ਈਰਾਨ ਨੂੰ ਭਿਆਨਕ ਧਮਕੀ ਦਿੱਤੀ। ਉਨ੍ਹਾਂ ਕਿਹਾ ਕਿ ਅੱਜ ਰਾਤ ਇੱਕ ਪੂਰੀ ਸੱਭਿਅਤਾ ਖਤਮ ਹੋ ਜਾਵੇਗੀ, ਜਿਸ ਨੂੰ ਮੁੜ ਕਦੇ ਜੀਵਤ ਨਹੀਂ ਕੀਤਾ ਜਾ ਸਕੇਗਾ।
ਰਾਸ਼ਟਰਪਤੀ ਟਰੰਪ ਨੇ ਆਪਣੇ ਸੋਸ਼ਲ ਮੀਡੀਆ ਪਲੇਟਫਾਰਮ, ਟਰੂਥ ਸੋਸ਼ਲ ‘ਤੇ ਕਿਹਾ, “ਅੱਜ ਰਾਤ ਇੱਕ ਪੂਰੀ ਸੱਭਿਅਤਾ ਦਾ ਅੰਤ ਹੋ ਜਾਏਗਾ, ਜਿਸ ਨੂੰ ਕਦੇ ਮੁੜ ਜੀਵਤ ਨਹੀਂ ਕੀਤਾ ਜਾ ਸਕੇਗਾ। ਮੈਂ ਅਜਿਹਾ ਨਹੀਂ ਚਾਹੁੰਦਾ ਪਰ ਸ਼ਾਇਦ ਇਹੀ ਹੋਵੇਗਾ। ਹਾਲਾਂਕਿ, ਹੁਣ ਜਦੋਂ ਸਾਡੇ ਸਾਹਮਣੇ ਪੂਰੀ ਤਰ੍ਹਾਂ ਸੱਤਾ ਪਰਿਵਰਤਨ ਦੀ ਸਥਿਤੀ ਹੈ, ਜਿਥੇ ਵੱਖਰੇ, ਵੱਧ ਬੁੱਧੀਮਾਨ ਅਤ ਘੱਟ ਕੱਟੜਪੰਥੀ ਸੋਚ ਵਾਲੇ ਲੋਕ ਸੱਤਾ ਵਿਚ ਹਨ, ਤਾਂ ਸ਼ਾਇਦ ਕੁਝ ਕ੍ਰਾਂਤੀਕਾਰੀ ਤੇ ਅਦਭੁਤ ਵਾਪਰ ਸਕਦਾ ਹੈ, ਕੌਣ ਜਾਣੇ?”
ਉਨ੍ਹਾਂ ਕਿਹਾ, “ਅੱਜ ਰਾਤ ਅਸੀਂ ਦੁਨੀਆ ਦੇ ਲੰਬੇ ਅਤੇ ਗੁੰਝਲਦਾਰ ਇਤਿਹਾਸ ਦੇ ਸਭ ਤੋਂ ਮਹੱਤਵਪੂਰਨ ਪਲਾਂ ਵਿੱਚੋਂ ਇੱਕ ਦੇ ਗਵਾਹ ਬਣਾਂਗੇ। 47 ਸਾਲਾਂ ਦੀ ਜਬਰਦਸਤੀ ਵਸੂਲੀ, ਭ੍ਰਿਸ਼ਟਾਚਾਰ ਅਤੇ ਮੌਤਾਂ ਦਾ ਅਖੀਰ ਅੰਤ ਹੋਵੇਗਾ। ਈਰਾਨ ਦੇ ਮਹਾਨ ਲੋਕਾਂ ‘ਤੇ ਰੱਬ ਦੀ ਕਿਰਪਾ ਹੋਵੇ।”
ਇਹ ਵੀ ਪੜ੍ਹੋ : ਪੰਜਾਬ ‘ਚ ਭਲਕੇ ਸਰਕਾਰੀ ਛੁੱਟੀ ਦਾ ਐਲਾਨ, PU ਨੇ ਮੁਲਤਵੀ ਕੀਤੀਆਂ ਸਾਰੀਆਂ ਪ੍ਰੀਖਿਆਵਾਂ
ਟਰੰਪ ਦਾ ਇਹ ਬਿਆਨ ਅਮਰੀਕਾ ਅਤੇ ਇਜ਼ਰਾਈਲ ਵੱਲੋਂ ਅੱਜ ਈਰਾਨ ਦੇ ਖੜਗ ਟਾਪੂ ‘ਤੇ ਕਈ ਹਮਲੇ ਕਰਨ ਤੋਂ ਬਾਅਦ ਆਇਆ ਹੈ। ਇਸ ਤੋਂ ਇਲਾਵਾ, ਕੋਮ ਸ਼ਹਿਰ ਦੇ ਨੇੜੇ ਇੱਕ ਪੁਲ ਨੂੰ ਵੀ ਨਿਸ਼ਾਨਾ ਬਣਾਇਆ ਗਿਆ ਸੀ।” ਇਸ ਦੌਰਾਨ, ਆਈਆਰਜੀਸੀ ਨੇ ਅਮਰੀਕਾ ਨੂੰ ਲਾਲ ਲਕੀਰ ਪਾਰ ਨਾ ਕਰਨ ਦੀ ਚੇਤਾਵਨੀ ਦਿੱਤੀ ਹੈ। ਕੋਮ ਸੂਬੇ ਦੇ ਡਿਪਟੀ ਗਵਰਨਰ ਮੋਰਤੇਜ਼ਾ ਹੈਦਾਰੀ ਨੇ ਪੁਸ਼ਟੀ ਕੀਤੀ ਕਿ ਅਮਰੀਕਾ ਅਤੇ ਇਜ਼ਰਾਈਲ ਨੇ ਮੰਗਲਵਾਰ ਨੂੰ ਈਰਾਨੀ ਸ਼ਹਿਰ ਕੋਮ ਦੇ ਨੇੜੇ ਇੱਕ ਪੁਲ ‘ਤੇ ਹਮਲਾ ਕੀਤਾ।
ਵੀਡੀਓ ਲਈ ਕਲਿੱਕ ਕਰੋ -:
Moosewala ਦੇ ਪਰਿਵਾਰ ਬਾਰੇ ਪੁੱਠਾ-ਸਿੱਧਾ ਬੋਲਣ ਵਾਲੇ ਇਸ ਗਾਇਕ ਨੇ ਕੀਤੇ ਸਿੱਧੇ
The post ‘ਅੱਜ ਰਾਤ ਸਭ ਕੁਝ ਹੋਵੇਗਾ ਤਬਾਹ’, ਟਰੰਪ ਦੀ ਈਰਾਨ ਨੂੰ ਖੌਫਨਾਕ ਧਮਕੀ appeared first on Daily Post Punjabi.