ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਸਮਰਥਨ ਤੇ ਰਾਈਟ ਵਿੰਗ ਐਕਟੀਵਿਸਟ ਚਾਰਲੀ ਕਿਰਕ ਦੀ ਵੀਰਵਾਰ ਨੂੰ ਪ੍ਰੋਗਰਾਮ ਦੌਰਾਨ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ। ਇਹ ਘਟਨਾ ਯੂਟਾਹ ਸੂਬੇ ਦੀ ਯੂਟਾਹ ਵੈਲੀ ਯੂਨੀਵਰਸਿਟੀ ਵਿਚ ਹੋਈ। ਚਾਰਲੀ ਇਥੇ ‘ਦਿ ਅਮਰੀਕੇਨ ਕਮਬੈਕ ਟੂਰ’ ਪ੍ਰੋਗਰਾਮ ਵਿਚ ਆਏ ਸਨ।
ਸੋਸ਼ਲ ਮੀਡੀਆ ‘ਤੇ ਵਾਇਰਲ ਵੀਡੀਓ ਵਿਚ ਦਿਖ ਰਿਹਾ ਹੈ ਕਿ ਚਾਰਲੀ ਇਕ ਟੈਂਟ ਹੇਠਾਂ ਮਾਈ ਫੜ ਕੇ ਬੋਲ ਰਹੇ ਹਨ ਉਦੋਂ ਹੀ ਅਚਾਨਕ ਇਕ ਗੋਲੀ ਉਨ੍ਹਾਂ ਦੀ ਗਰਦਨ ਕੋਲ ਆ ਕੇ ਲੱਗਦੀ ਹੈ, ਕਾਫੀ ਖੂਨ ਵਗਦਾ ਹੈ ਤੇ ਉਹ ਜ਼ਮੀਨ ‘ਤੇ ਡਿੱਗ ਜਾਂਦੇ ਹਨ। ਚਾਰਲੀ ਦੀ ਹੱਤਿਆ ‘ਤੇ ਟਰੰਪ ਨੇ ਆਪਣੇ ਪਰਸਨਲ ਸੋਸ਼ਲ ਮੀਡੀਆ ਅਕਾਊਂਟ ‘ਤੇ ਲਿਖਿਆ- ਸੱਚੇ ਮਹਾਨ ਅਮਰੀਕੀ ਦੇਸ਼ਭਗਤ ਚਾਰਲੀ ਕਰਕ ਦੇ ਸਨਮਾਨ ਵਿਚ ਮੈਂ ਪੂਰੇ ਅਮਰੀਕਾ ਵਿਚ ਸਾਰੇ ਝੰਡਿਆਂ ਨੂੰ ਐਤਵਾਰ ਸ਼ਾਮ 6 ਵਜੇ ਤੱਕ ਅੱਧਾ ਢੁਕਾਉਣ ਦਾ ਹੁਕਮ ਦੇ ਰਿਹਾ ਹਾਂ।
ਪਾਲੀਟੀਕਲ ਐਕਟੀਵਿਸਟ ਚਾਰਲੀ ਟਰਨਿੰਗ ਪੁਆਇੰਟ ਯੂਐੱਸਏ ਨਾਂ ਤੋਂ ਇਕ ਸੰਸਥਾ ਚਲਾਉਂਦੇ ਸਨ। ਇਸ ਵਿਚ ਉਹ ਸਕੂਲਾਂ-ਕਾਲਜਾਂ ਵਿਚ ਜਾ ਕੇ ਵਿਦਿਆਰਥੀਆਂ ਨੂੰ ਸਿਆਸਤ ਬਾਰੇ ਦੱਸਦੇ ਸਨ ਤੇ ਨਾਲ ਹੀ ਟਰੰਪ ਦੇ ਕੱਟੜ ਸਮਰਥਕ ਮੰਨੇ ਜਾਂਦੇ ਸਨ। ਅਜੇ ਤੱਕ ਇਹ ਸਾਫ ਨਹੀਂ ਹੋਇਆ ਹੈ ਕਿ ਹਮਲਾਵਰ ਕੌਣ ਸੀ ਤੇ ਉਸ ਨੇ ਅਜਿਹਾ ਕਿਉਂ ਕੀਤਾ।
ਡੋਨਾਲਡ ਟਰੰਪ ਨੇ ਲਿਖਿਆ-ਮਹਾਨ ਤੇ ਵਾਕਈ ਦਿੱਗਜ਼ ਚਾਰਲੀ ਕਰਕ ਹੁਣ ਇਸ ਦੁਨੀਆ ਵਿਚ ਨਹੀਂ ਰਹੇ। ਅਮਰੀਕਾ ਦੇ ਨੌਜਵਾਨਾਂ ਨੂੰ ਉਨ੍ਹਾਂ ਤੋਂ ਬੇਹਤਰ ਕੋਈ ਸਮਝ ਨਹੀਂ ਸਕਿਆ ਤੇ ਨਾ ਹੀ ਉਨ੍ਹਾਂ ਦੇ ਦਿਲ ਤੱਕ ਕੋਈ ਪਹੁੰਚ ਸਕਿਆ। ਸਾਰੇ ਲੋਕ ਉਨ੍ਹਾਂ ਨੂੰ ਬਹੁਤ ਪਿਆਰ ਤੇ ਸਨਮਾਨ ਕਰਦੇ ਸਨ, ਖਾਸ ਕਰਕੇ ਮੈਂ। ਮੇਲਾਨੀਆ ਤੇ ਮੈਂ ਉਨ੍ਹਾਂ ਦੀ ਪਤਨੀ ਏਰਿਕਾ ਤੇ ਪੂਰੇ ਪਰਿਵਾਰ ਪ੍ਰਤੀ ਹਮਦਰਦੀ ਪ੍ਰਗਟ ਕਰਦਾ ਹਾਂ। ਚਾਰਲੀ ਅਸੀਂ ਤੁਹਾਨੂੰ ਪਿਆਰ ਕਰਦੇ ਹਾਂ।
ਇਹ ਵੀ ਪੜ੍ਹੋ : ਰਾਹਤ ਕੈਂਪ ‘ਚ ਗੂੰਜੀਆਂ ਕਿਲਕਾਰੀਆਂ, ਹੜ੍ਹਾਂ ਕਾਰਨ ਘਰ ਛੱਡ ਕੇ ਆਈ ਔਰਤ ਨੇ ਪੁੱਤ ਨੂੰ ਦਿੱਤਾ ਜਨਮ
ਯੂਟਾ ਵੈਲੀ ਯੂਨੀਵਰਸਿਟੀ ਕੈਂਪਸ ਨੂੰ ਬੰਦ ਕਰ ਦਿੱਤਾ ਗਿਆ ਹੈ। ਯੂਨੀਵਰਸਿਟੀ ਦੇ ਬੁਲਾਰੇ ਏਲਨ ਟ੍ਰੇਨਰ ਨੇ ਨਿਊਯਾਰਕ ਟਾਈਮਸ ਨੂੰ ਦੱਸਿਆ ਕਿ ਚਾਰਲੀ ਨੂੰ ਲਗਭਗ 180 ਮੀਟਰ ਦੂਰ ਦੀ ਬਿਲਡਿੰਗ ਤੋਂ ਗੋਲੀ ਮਾਰੀ ਗਈ। ਨਾਲ ਹੀ ਦੱਸਿਆ ਗਿਆ ਕਿ ਪਹਿਲਾਂ ਇਕ ਸ਼ੱਕੀ ਵਿਅਕਤੀ ਨੂੰ ਹਿਰਾਸਤ ਵਿਚ ਲਿਆ ਗਿਆ ਸੀ ਪਰ ਉਹ ਹਮਲਾਵਰ ਨਹੀਂ ਸੀ। ਹੁਣ ਤੱਕ ਹਮਲਾਵਰ ਨੂੰ ਗ੍ਰਿਫਤਾਰ ਨਹੀਂ ਕੀਤਾ ਗਿਆ ਹੈ। ਫਿਲਹਾਲ ਚਾਰ ਏਜੰਸੀਆਂ ਘਟਨਾ ਦੀ ਜਾਂਚ ਕਰ ਰਹੀਆਂ ਹਨ।
ਵੀਡੀਓ ਲਈ ਕਲਿੱਕ ਕਰੋ -:
The post ਟਰੰਪ ਦੇ ਕਰੀਬੀ ਚਾਰਲੀ ਕਿਰਕ ਦਾ ਗੋਲੀ ਮਾਰ ਕੇ ਕਤਲ, ਸੋਗ ‘ਚ 4 ਦਿਨਾਂ ਲਈ ਝੁਕਾਇਆ ਅਮਰੀਕੀ ਝੰਡਾ appeared first on Daily Post Punjabi.
source https://dailypost.in/news/international/charlie-kirk-shot-dead/