TV Punjab | Punjabi News Channel: Digest for November 17, 2023

TV Punjab | Punjabi News Channel Punjabi News, Punjabi TV

Table of Contents ਕੈਨੇਡੀਅਨ ਸਿੱਕਿਆਂ 'ਤੇ ਹੁਣ ਦਿਖਾਈ ਦੇਵੇਗੀ ਕਿੰਗ ਚਾਰਲਸ ਦੀ ਤਸਵੀਰ ਗਾਜ਼ਾ ਦੇ ਮੁੱਦੇ 'ਚ ਨੇਤਨਯਾਹੂ ਦੀ ਟਰੂਡੋ ਨੂੰ ਤਾੜਨਾ ਅਮਰੀਕਾ 'ਚ ਵਾਪਰੇ ਦਰਦਨਾਕ ਸੜਕ ਹਾਦਸੇ 'ਚ ਪੰਜਾਬੀ ਨੌਜਵਾਨ ਦੀ ਮੌਤ ਓਨਟਾਰੀਓ ਦੇ ਰੈਸਟੋਰੈਂਟਾਂ 'ਚ ਹੁਣ ਅਨਪੇਡ ਸ਼ਿਫ਼ਟਾਂ 'ਤੇ ਲੱਗੇਗੀ ਪਾਬੰਦੀ ਐੱਸ. ਯੂ. ਵੀ. ਨਾਲ ਟਕਰਾਈ ਸਕੂਲੀ ਵਿਦਿਆਰਥੀਆਂ ਨਾਲ ਭਰੀ ਬੱਸ ਸੀਨ ਫਰੇਜ਼ਰ ਨੇ ਹਾਊਸਿੰਗ ਫੰਡ 'ਤੇ ਪੌਲੀਐਵ ਦੀਆਂ ਆਲੋਚਨਾਵਾਂ ਨੂੰ ਕੀਤਾ ਖ਼ਾਰਜ CWC 2023: ਭਾਰਤ ਸ਼ਾਨ ਨਾਲ ਪੁੱਜਿਆ ਫਾਈਨਲ 'ਚ, 19 ਨੂੰ ਹੋਵੇਗਾ ਮਹਾਮੁਕਾਬਲਾ ਜੰਮੂ-ਕਸ਼ਮੀਰ : ਖਾਈ 'ਚ ਡਿੱਗੀ ਯਾਤਰੀਆਂ ਨਾਲ ਭਰੀ ਬੱਸ, ਕਰੀਬ 20 ਲੋਕਾਂ ਦੀ ਮੌ.ਤ ਬੈਂਕ ਬੰਦ ਕਰਨ ਜਾ ਰਿਹੈ ਤੁਹਾਡੀ UPI ਆਈਡੀ, ਜਲਦ ਆ ਸਕਦੀ ਹੈ ਨੋਟੀਫਿਕੇਸ਼ਨ ਵਿਦੇਸ਼ ਮੰਤਰੀ ਐਸ. ਜੈਸ਼ੰਕਰ ਨੇ ਕੈਨੇਡਾ ਤੋਂ ਇਲਜ਼ਾਮਾਂ ਦੇ ਸਮਰਥਨ ਵਿਚ ਮੰਗੇ ਸਬੂਤ Diabetes ਦਾ ਸਭ ਤੋਂ ਵੱਡਾ ਦੁਸ਼ਮਣ ਹੈ ਗਲੋਅ ਦਾ ਜੂਸ, ਬਲੱਡ ਸ਼ੂਗਰ ਨੂੰ ਵਿਚ ਰੱਖਦਾ ਹੈ ਕੰਟਰੋਲ ਹਵਾ ਦੇ ਪ੍ਰਦੂਸ਼ਣ ਕਾਰਨ ਚਮੜੀ ਨੂੰ ਹੋ ਰਿਹਾ ਹੈ ਭਾਰੀ ਨੁਕਸਾਨ, ਤਾਂ ਇਸ ਤਰ੍ਹਾਂ ਕਰੋ ਬਚਾਅ ਬਹੁਤ ਹੀ ਖੂਬਸੂਰਤ ਹਨ ਮੱਧ ਪ੍ਰਦੇਸ਼ ਦੇ ਇਹ 2 ਨੈਸ਼ਨਲ ਪਾਰਕ, ਦੂਰ-ਦੂਰ ਤੋਂ ਦੇਖਣ ਲਈ ਆਉਂਦੇ ਹਨ ਸੈਲਾਨੀ IND Vs NZ: ਜਿੱਤ ਤੋਂ ਬਾਅਦ ਰੋਹਿਤ ਸ਼ਰਮਾ ਨੇ ਮੰਨਿਆ, ਟੀਮ ਇੰਡੀਆ ਤੇ ਸੀ ਸੈਮੀਫਾਈਨਲ ਦਾ ਦਬਾਅ IRCTC ਲੈ ਕੇ ਆਇਆ ਹੈ 12 ਦਿਨਾਂ ਦਾ ਸਾਊਥ ਇੰਡੀਆ ਟੂਰ ਪੈਕੇਜ, ਜਾਣੋ ਕਿਰਾਇਆ Aditya Roy Kapur Birthday: ਆਦਿਤਿਆ ਰਾਏ ਕਪੂਰ ਇੱਕ ਕ੍ਰਿਕਟਰ ਵਜੋਂ ਸਿਖਲਾਈ ਲੈਣ ਤੋਂ ਬਾਅਦ ਇੱਕ ਅਭਿਨੇਤਾ ਬਣ ਗਏ iPhone ਦੇ ਇਸ ਮਾਡਲ 'ਤੇ ਮੁਫਤ 'ਚ ਮਿਲੇਗੀ ਇਹ ਸੇਵਾ, ਔਖੀ ਘੜੀ 'ਚ ਆਉਂਦੀ ਹੈ ਕੰਮ ਨਿੱਝਰ ਹੱਤਿਆ ਮਾਮਲੇ 'ਚ ਭਾਰਤ ਨੇ ਕੈਨੇਡਾ ਤੋਂ ਮੰਗੇ ਸਬੂਤ ਵੈਨਕੂਵਰ ਦੇ ਰੈਸਟੋਰੈਂਟ 'ਚ ਪ੍ਰਦਰਸ਼ਨਕਾਰੀਆਂ ਨੇ ਟਰੂਡੋ ਨੂੰ ਪਾਇਆ ਘੇਰਾ ਲਗਾਤਾਰ ਘਟਦੀ ਜਾ ਰਹੀ ਹੈ ਟਰੂਡੋ ਦੀ ਪ੍ਰਸਿੱਧੀ ਭੋਜਨ ਦੀਆਂ ਕੀਮਤਾਂ 'ਚ ਸਥਿਰਤਾਂ ਲਈ ਗਰੋਸਰੀ ਸੈਕਟਰ 'ਚ ਵਧੇਰੇ ਮੁਕਾਬਲੇਬਾਜ਼ੀ ਦੀ ਲੋੜ- ਫਰੀਲੈਂਡ ਏਸ਼ੀਆ-ਪ੍ਰਸ਼ਾਂਤ ਆਰਥਿਕ ਸਹਿਯੋਗ ਸੰਮੇਲਨ 'ਚ ਸ਼ਾਮਿਲ ਹੋਣ ਲਈ ਸਾਨ ਫਰਾਂਸਿਸਕੋ ਪਹੁੰਚੇ ਟਰੂਡੋ ਵਪਾਰਕ ਗੱਲਬਾਤ ਸ਼ੁਰੂ ਕਰਨ ਦੀ ਬਜਾਏ ਨਿੱਝਰ ਹੱਤਿਆਕਾਂਡ ਦੀ ਜਾਂਚ 'ਚ ਸਹਿਯੋਗ ਕਰੇ ਭਾਰਤ- ਵਪਾਰ ਮੰਤਰੀ ਐਨਜੀ

ਕੈਨੇਡੀਅਨ ਸਿੱਕਿਆਂ 'ਤੇ ਹੁਣ ਦਿਖਾਈ ਦੇਵੇਗੀ ਕਿੰਗ ਚਾਰਲਸ ਦੀ ਤਸਵੀਰ Wednesday 15 November 2023 09:18 PM UTC+00 | Tags: britain canada canadian-coins coins justin-trudeau king-charles manitoba news queen-elizabeth winnipeg Winnipeg – ਕਿੰਗ ਚਾਰਲਸ III ਦੇ ਚਿਹਰੇ ਵਾਲੇ ਪਹਿਲੇ ਕੈਨੇਡੀਅਨ ਸਿੱਕਿਆਂ ਦੀ ਮੰਗਲਵਾਰ ਨੂੰ ਰਾਜਾ ਦੇ 75ਵੇਂ ਜਨਮਦਿਨ ਮੌਕੇ ਵਿਨੀਪੈਗ 'ਚ ਘੁੰਡ ਚੁਕਾਈ ਕੀਤੀ ਗਈ। ਰਾਇਲ ਕੈਨੇਡੀਅਨ ਮਿੰਟ 'ਚ ਇੱਕ ਪ੍ਰੈੱਸ ਕਾਨਫ਼ਰੰਸ ਦੌਰਾਨ ਮਿੰਟ ਦੇ ਪ੍ਰਧਾਨ ਅਤੇ ਸੀ. ਈ. ਓ. ਮੈਰੀ ਲੇਮੇ ਨੇ ਕਿਹਾ, ''1953 ਤੋਂ, ਮਰਹੂਮ ਮਹਾਰਾਣੀ ਐਲਜ਼ਾਬੈਥ ਦੀ ਤਸਵੀਰ ਕੈਨੇਡੀਅਨ ਸਿੱਕਿਆਂ ਦੀ ਸ਼ੋਭਾ ਵਧਾ ਰਹੀ ਹੈ। ਅੱਜ 70 ਸਾਲਾਂ ਬਾਅਦ ਕੈਨੇਡੀਅਨ ਇਤਿਹਾਸ 'ਚ ਇੱਕ ਨਵਾਂ ਅਧਿਆਏ ਸ਼ੁਰੂ ਹੋਇਆ ਹੈ। ਉਨ੍ਹਾਂ ਅੱਗੇ ਆਖਿਆ ਕਿ ਅਸੀਂ ਮਹਾਰਾਜਾ ਨੂੰ ਜਨਮਦਿਨ ਦੀਆਂ ਸ਼ੁਭਕਾਮਨਾਵਾਂ ਦਿੰਦੇ ਹਾਂ ਅਤੇ ਅਸੀਂ ਜਲਦੀ ਹੀ ਉਨ੍ਹਾਂ ਨੂੰ ਆਪਣੇ ਪਹਿਲੇ ਸਟਰਾਈਕ ਸਿੱਕਿਆਂ ਦਾ ਆਪਣਾ ਸੈੱਟ ਭੇਜਣ ਦੀ ਉਮੀਦ ਕਰਦੇ ਹਾਂ। ਮਿੰਟ ਵਲੋਂ ਜਾਰੀ ਕੀਤੇ ਗਏ ਨਵੇਂ ਸਿੱਕਿਆਂ 'ਚ ਹੁਣ ਇੱਕ ਪਾਸੇ ਬਿ੍ਰਟੇਨ ਦੇ ਬਾਦਸ਼ਾਹ ਦੀ ਤਸਵੀਰ ਦਾ ਪ੍ਰਦਰਸ਼ਿਤ ਕੀਤੀ ਗਈ ਹੈ, ਜਿਹੜੀ ਕਿ ਉਨ੍ਹਾਂ ਦੀ ਮਾਂ ਅਤੇ ਮਹਰੂਮ ਮਹਾਰਾਣੀ ਐਲਜ਼ਾਬੈਥ ਦੀ ਤਸਵੀਰ ਦੀ ਥਾਂ 'ਤੇ ਦਿਖਾਈ ਦੇਵੇਗੀ। ਕੈਨੇਡੀਅਨ ਪੋਰਟਰੇਟ ਕਲਾਕਾਰ ਸਟੀਵਨ ਰੋਸਾਟੀ ਦੇ ਡਿਜ਼ਾਈਨ ਨੂੰ 350 ਕਲਾਕਾਰਾਂ ਵਲੋਂ ਪੇਸ਼ ਕੀਤੇ ਗਏ ਡਿਜ਼ਾਈਨਾਂ 'ਚੋਂ ਚੁਣਿਆ ਗਿਆ ਸੀ। ਇਸ ਤੋਂ ਬਾਅਦ ਇਸ ਨੂੰ ਮਨਜ਼ੂਰੀ ਲਈ ਬਕਿੰਘਮ ਪੈਲੇਸ ਨੂੰ ਭੇਜਿਆ ਗਿਆ ਸੀ। ਰੋਜ਼ਾਟੀ ਨੇ ਸਿੱਕੇ ਦੀ ਘੁੰਡ-ਚੁਕਾਈ ਮੌਕੇ ਕਿਹਾ, ''ਮੈਨੂੰ ਕੈਨੇਡਾ ਦੇ ਸਿੱਕਿਆਂ ਦੇ ਇਤਿਹਾਸ 'ਚ ਅਜਿਹੇ ਵੱਕਾਰੀ ਪਲ ਲਈ ਮਹਾਰਾਜਾ ਚਾਰਲਸ III ਦੀ ਮੂਰਤ ਵਾਲੇ ਮੇਰੇ ਡਿਜ਼ਾਈਨ ਨੂੰ ਚੁਣੇ ਜਾਣ 'ਤੇ ਸਨਮਾਨ ਅਤੇ ਨਿਮਰਤਾ ਮਹਿਸੂਸ ਹੋ ਰਹੀ ਹੈ।'' ਉਸ ਨੇ ਅੱਗੇ ਕਿਹਾ ਕਿ ਉਹ ਅਸਲ 'ਚ ਸਿੱਕਿਆਂ ਦੇ ਉਤਪਾਦਨ ਨੂੰ ਦੇਖਣ ਲਈ ਬਹੁਤ ਉਤਸ਼ਾਹਿਤ ਅਤੇ ਉਤਸੁਕ ਹੈ। ਦੱਸ ਦਈਏ ਕਿ ਇਸ ਸਾਲ ਦੇ ਸ਼ੁਰੂ 'ਚ, ਫੈਡਰਲ ਸਰਕਾਰ ਨੇ ਟਕਸਾਲ ਅਤੇ ਬੈਂਕ ਆਫ ਕੈਨੇਡਾ ਨੂੰ ਸਿੱਕਿਆਂ ਅਤੇ 20 ਡਾਲਰ ਦੇ ਨੋਟ 'ਤੇ ਮਰਹੂਮ ਮਹਾਰਾਣੀ ਐਲਜ਼ਾਬੈਥ ਦੀ ਤਸਵੀਰ ਨੂੰ ਥਾਂ ਕਿੰਗ ਚਾਰਲਸ ਦੀ ਤਸਵੀਰ ਨੂੰ ਸ਼ਾਮਿਲ ਕਰਨ ਲਈ ਆਖਿਆ ਸੀ। ਬੈਂਕ ਆਫ ਕੈਨੇਡਾ ਦੇ ਬੁਲਾਰੇ ਦਾ ਕਹਿਣਾ ਹੈ ਕਿ ਨਵੇਂ ਨੋਟ ਲਈ ਡਿਜ਼ਾਈਨ ਦੀ ਪ੍ਰਕਿਰਿਆ ਸ਼ੁਰੂ ਕਰ ਦਿੱਤੀ ਗਈ ਹੈ ਪਰ ਇਸ ਨੂੰ ਜਾਰੀ ਕਰਨ ਲਈ ਕਈ ਸਾਲ ਲੱਗ ਸਕਦੇ ਹਨ। The post ਕੈਨੇਡੀਅਨ ਸਿੱਕਿਆਂ 'ਤੇ ਹੁਣ ਦਿਖਾਈ ਦੇਵੇਗੀ ਕਿੰਗ ਚਾਰਲਸ ਦੀ ਤਸਵੀਰ appeared first on TV Punjab | Punjabi News Channel. Tags: britain canada canadian-coins coins justin-trudeau king-charles manitoba news queen-elizabeth winnipeg

ਗਾਜ਼ਾ ਦੇ ਮੁੱਦੇ 'ਚ ਨੇਤਨਯਾਹੂ ਦੀ ਟਰੂਡੋ ਨੂੰ ਤਾੜਨਾ Wednesday 15 November 2023 09:22 PM UTC+00 | Tags: benjamin-netanyahu canada hamas israel justin-trudeau news ottawa top-news trending-news world Ottawa- ਇਜ਼ਰਾਈਲ ਦੇ ਪ੍ਰਧਾਨ ਮੰਤਰੀ ਬੈਂਜਾਮਿਨ ਨੇਤਨਯਾਹੂ ਨੇ ਆਪਣੇ ਕੈਨੇਡੀਅਨ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੂੰ ਕਰਾਰਾ ਜਵਾਬ ਦਿੱਤਾ ਹੈ। ਟਰੂਡੋ ਦੇ ਦੋਸ਼ਾਂ 'ਤੇ ਨੇਤਨਯਾਹੂ ਨੇ ਸਪੱਸ਼ਟ ਕੀਤਾ ਹੈ ਕਿ ਇਜ਼ਰਾਈਲ ਮਾਸੂਮ ਬੱਚਿਆਂ ਦੀ ਹੱਤਿਆ ਨਹੀਂ ਕਰ ਰਿਹਾ ਹੈ। ਸਗੋਂ ਹਮਾਸ ਅਜਿਹਾ ਕਰਦਾ ਆ ਰਿਹਾ ਹੈ। ਦਰਅਸਲ, ਟਰੂਡੋ ਨੇ ਮੰਗਲਵਾਰ ਨੂੰ ਗਾਜ਼ਾ 'ਚ ਬੱਚਿਆਂ ਦੀਆਂ ਹੱਤਿਆਵਾਂ ਲਈ ਅਸਿੱਧੇ ਤੌਰ 'ਤੇ ਇਜ਼ਰਾਈਲ ਨੂੰ ਜ਼ਿੰਮੇਵਾਰ ਠਹਿਰਾਇਆ। ਉਨ੍ਹਾਂ ਨੇ ਅਪੀਲ ਕੀਤੀ ਸੀ ਕਿ ਇਜ਼ਰਾਈਲੀ ਬਲਾਂ ਨੂੰ ਗਾਜ਼ਾ ਪੱਟੀ 'ਚ ਔਰਤਾਂ, ਬੱਚਿਆਂ ਅਤੇ ਨਿਆਣਿਆਂ ਦੀ ਹੱਤਿਆ ਨੂੰ ਰੋਕਣਾ ਚਾਹੀਦਾ ਹੈ। ਇਸੇ ਮੁੱਦੇ 'ਤੇ ਨੇਤਨਯਾਹੂ ਨੇ ਟਰੂਡੋ ਨੂੰ ਸਖ਼ਤ ਤਾੜਨਾ ਕੀਤੀ ਹੈ। ਇਜ਼ਰਾਈਲ ਦੇ ਪ੍ਰਧਾਨ ਮੰਤਰੀ ਨੇਤਨਯਾਹੂ ਨੇ ਐਕਸ 'ਤੇ ਲਿਖਿਆ, ''ਇਹ ਇਜ਼ਰਾਈਲ ਨਹੀਂ ਹੈ ਜੋ ਜਾਣਬੁੱਝ ਕੇ ਨਾਗਰਿਕਾਂ ਨੂੰ ਨਿਸ਼ਾਨਾ ਬਣਾ ਰਿਹਾ ਹੈ, ਬਲਕਿ ਹਮਾਸ ਨੇ ਯਹੂਦੀਆਂ 'ਤੇ ਸਭ ਤੋਂ ਭਿਆਨਕ ਹਮਲਾ ਕੀਤਾ ਹੈ, ਜਿਸ 'ਚ ਨਾਗਰਿਕਾਂ ਦੇ ਸਿਰ ਕਲਮ ਕੀਤੇ ਗਏ, ਉਨ੍ਹਾਂ ਨੂੰ ਜਲਾਇਆ ਗਿਆ ਅਤੇ ਉਨ੍ਹਾਂ ਦਾ ਕਤਲੇਆਮ ਕੀਤਾ ਗਿਆ। ਜਿੱਥੇ ਇਜ਼ਰਾਈਲ ਨਾਗਰਿਕਾਂ ਨੂੰ ਨੁਕਸਾਨ ਦੇ ਰਾਹ ਤੋਂ ਦੂਰ ਰੱਖਣ ਲਈ ਹਰ ਸੰਭਵ ਕੋਸ਼ਿਸ਼ ਕਰ ਰਿਹਾ ਹੈ, ਉੱਥੇ ਹੀ ਹਮਾਸ ਉਨ੍ਹਾਂ ਨੂੰ ਨੁਕਸਾਨ ਦੇ ਰਾਹ 'ਤੇ ਧੱਕਣ ਲਈ ਹਰ ਸੰਭਵ ਕੋਸ਼ਿਸ਼ ਕਰ ਰਿਹਾ ਹੈ।'' ਉਨ੍ਹਾਂ ਅੱਗੇ ਲਿਖਿਆ, '''ਇਜ਼ਰਾਈਲ ਗਾਜ਼ਾ 'ਚ ਨਾਗਰਿਕਾਂ ਨੂੰ ਸੁਰੱਖਿਅਤ ਗਲਿਆਰੇ ਅਤੇ ਸੁਰੱਖਿਅਤ ਖੇਤਰ ਪ੍ਰਦਾਨ ਕਰ ਰਿਹਾ ਹੈ ਪਰ ਹਮਾਸ ਉਨ੍ਹਾਂ ਨੂੰ ਬੰਦੂਕ ਦੀ ਨੋਕ 'ਤੇ ਜਾਣ ਤੋਂ ਰੋਕ ਰਿਹਾ ਹੈ।'' ਨੇਤਨਯਾਹੂ ਨੇ ਟਰੂਡੋ ਨੂੰ ਕਿਹਾ ਕਿ ਇਹ ਹਮਾਸ ਹੈ, ਇਜ਼ਰਾਈਲ ਨਹੀਂ, ਜਿਸ ਨੂੰ ਗੁਪਤ ਤੌਰ 'ਤੇ ਨਾਗਰਿਕਾਂ ਨੂੰ ਨਿਸ਼ਾਨਾ ਬਣਾ ਕੇ ਦੋਹਰੇ ਯੁੱਧ ਅਪਰਾਧਾਂ ਲਈ ਜ਼ਿੰਮੇਵਾਰ ਠਹਿਰਾਇਆ ਜਾਣਾ ਚਾਹੀਦਾ ਹੈ। ਉਸਨੇ ਟਰੂਡੋ ਨੂੰ ਇਹ ਵੀ ਸਮਝਾਇਆ ਕਿ ਸਭਿਅਕ ਤਾਕਤਾਂ ਨੂੰ ਹਮਾਸ ਦੀ ਬਰਬਰਤਾ ਨੂੰ ਹਰਾਉਣ ਲਈ ਇਜ਼ਰਾਈਲ ਦਾ ਸਮਰਥਨ ਕਰਨਾ ਚਾਹੀਦਾ ਹੈ। ਦੱਸਣਯੋਗ ਹੈ ਕਿ ਮੰਗਲਵਾਰ ਨੂੰ ਇੱਕ ਪ੍ਰੈੱਸ ਕਾਨਫਰੰਸ ਦੌਰਾਨ ਟਰੂਡੋ ਨੇ ਗਾਜ਼ਾ ਦੀ ਸਥਿਤੀ ਨੂੰ ਦਿਲ ਦਹਿਲਾਉਣ ਵਾਲਾ ਦੱਸਿਆ। ਉਨ੍ਹਾਂ ਕਿਹਾ ਸੀ ਕਿ ਨਿਆਂ ਦੀ ਕੀਮਤ ਸਾਰੇ ਫਲਸਤੀਨੀ ਨਾਗਰਿਕਾਂ ਦਾ ਦਰਦ ਨਹੀਂ ਹੋ ਸਕਦੀ। ਉਨ੍ਹਾਂ ਕਿਹਾ ਕਿ ਜੰਗ ਦੇ ਵੀ ਨਿਯਮ ਹੁੰਦੇ ਹਨ। ਸਾਰੇ ਨਿਰਦੋਸ਼ ਲੋਕਾਂ ਦੀ ਜਾਨ ਦੀ ਕੀਮਤ ਇੱਕੋ ਜਿਹੀ ਹੈ, ਫਿਰ ਚਾਹੇ ਇਜ਼ਰਾਈਲੀ ਹੋਣ ਜਾਂ ਫਲਸਤੀਨੀ। The post ਗਾਜ਼ਾ ਦੇ ਮੁੱਦੇ 'ਚ ਨੇਤਨਯਾਹੂ ਦੀ ਟਰੂਡੋ ਨੂੰ ਤਾੜਨਾ appeared first on TV Punjab | Punjabi News Channel. Tags: benjamin-netanyahu canada hamas israel justin-trudeau news ottawa top-news trending-news world

ਅਮਰੀਕਾ 'ਚ ਵਾਪਰੇ ਦਰਦਨਾਕ ਸੜਕ ਹਾਦਸੇ 'ਚ ਪੰਜਾਬੀ ਨੌਜਵਾਨ ਦੀ ਮੌਤ Wednesday 15 November 2023 09:25 PM UTC+00 | Tags: canada international-student news punjab regina road-accident saskatchewan texas top-news trending-news usa Texas- ਟੈਕਸਾਸ 'ਚ ਐਤਵਾਰ ਸਵੇਰੇ ਯੂਐਸ ਇੰਟਰਸਟੇਟ 40 ਹਾਈਵੇਅ 'ਤੇ ਵਾਪਰੇ ਇੱਕ ਦਰਦਨਾਕ ਸੜਕ ਹਾਦਸੇ 'ਚ ਇੱਕ 26 ਸਾਲਾ ਟਰੱਕ ਡਰਾਈਵਰ ਦੀ ਮੌਤ ਹੋ ਗਈ ਹੈ। ਮਿ੍ਰਤਕ ਦੀ ਪਹਿਚਾਣ ਪਰਮਪ੍ਰੀਤ ਸਿੰਘ ਦਿਓਲ ਦੇ ਰੂਪ 'ਚ ਹੋਈ ਹੈ। ਕਿਹਾ ਜਾ ਰਿਹਾ ਹੈ ਕਿ ਮਿ੍ਰਤਕ ਇੱਕ ਕੌਮਾਂਤਰੀ ਵਿਦਿਆਰਥੀ ਸੀ ਅਤੇ ਉਹ ਕੈਨੇਡਾ ਦੇ ਰੇਜੀਨਾ ਸ਼ਹਿਰ 'ਚ ਰਹਿੰਦਾ ਸੀ। ਉਹ ਮੂਲ ਰੂਪ ਫ਼ਰੀਦਕੋਟ ਜ਼ਿਲ੍ਹੇ ਦੇ ਪਿੰਡ ਧੀਮਾਨ ਵਾਲੀ ਦਾ ਰਹਿਣ ਵਾਲਾ ਸੀ। ਅਮਰੀਕਾ ਦੀਆਂ ਮੀਡੀਆ ਰਿਪੋਰਟਾਂ ਮੁਤਾਬਕ ਪਰਮਪ੍ਰੀਤ ਸਿੰਘ ਇੱਕ 18 ਪਹੀਆ ਟਰੱਕ ਚਲਾ ਰਿਹਾ ਸੀ ਅਤੇ ਉਸ ਨੇ ਸਮੇਂ ਸਿਰ ਟਰੈਫ਼ਿਕ ਦਾ ਬੈਕਅੱਪ ਨਹੀਂ ਦੇਖਿਆ ਅਤੇ ਉਸ ਦਾ ਟਰੱਕ ਇੱਕ ਹੋਰ ਸੈਮੀ ਟੋਇੰਗ ਟਰੇਲਰ ਦੇ ਪਿਛਲੇ ਹਿੱਸੇ ਨਾਲ ਜਾ ਟਕਰਾਇਆ। ਇਸ ਹਾਦਸੇ ਦੇ ਕਾਰਨ ਚਾਰ ਸੈਮੀ-ਟਰੱਕ ਆਪਸ 'ਚ ਟਕਰਾਅ ਗਏ। ਇਹ ਟੱਕਰ 12 ਨਵੰਬਰ ਨੂੰ ਸਵੇਰੇ 8:15 ਵਜੇ, ਵ੍ਹੀਹਲਰ ਕਾਉਂਟੀ, ਟੈਕਸਾਸ 'ਚ ਸ਼ੈਮਰੌਕ ਤੋਂ ਚਾਰ ਮੀਲ ਪੂਰਬ ਵੱਲ ਹੋਈ। ਦਿਓਲ ਨੂੰ ਮੌਕੇ 'ਤੇ ਹੀ ਮ੍ਰਿਤਕ ਐਲਾਨ ਦਿੱਤਾ ਗਿਆ ਅਤੇ ਉਸ ਦੇ ਨਾਲ ਸਵਾਰ ਯਾਤਰੀ, 23 ਸਾਲਾ ਸੁਖਮਨਦੀਪ ਸਿੰਘ ਸਿੱਧੂ ਨੂੰ ਗੰਭੀਰ ਸੱਟਾਂ ਨਾਲ ਅਮਰੀਲੋ ਦੇ ਨਾਰਥਵੈਸਟ ਟੈਕਸਾਸ ਹਸਪਤਾਲ ਲਿਜਾਇਆ ਗਿਆ। ਦੋ ਹੋਰ ਸੈਮੀ ਟਰੱਕ ਡਰਾਈਵਰਾਂ ਨੂੰ ਹਸਪਤਾਲ ਲਿਜਾਇਆ ਗਿਆ ਹੈ। The post ਅਮਰੀਕਾ 'ਚ ਵਾਪਰੇ ਦਰਦਨਾਕ ਸੜਕ ਹਾਦਸੇ 'ਚ ਪੰਜਾਬੀ ਨੌਜਵਾਨ ਦੀ ਮੌਤ appeared first on TV Punjab | Punjabi News Channel. Tags: canada international-student news punjab regina road-accident saskatchewan texas top-news trending-news usa

ਓਨਟਾਰੀਓ ਦੇ ਰੈਸਟੋਰੈਂਟਾਂ 'ਚ ਹੁਣ ਅਨਪੇਡ ਸ਼ਿਫ਼ਟਾਂ 'ਤੇ ਲੱਗੇਗੀ ਪਾਬੰਦੀ Wednesday 15 November 2023 09:29 PM UTC+00 | Tags: canada labor news ontario restaurants salary top-news toronto trending-news unpaid wages Toronto- ਓਨਟਾਰੀਓ ਰੈਸਟੋਰੈਂਟ ਅਤੇ ਪਰਾਹੁਣਚਾਰੀ ਕਰਮਚਾਰੀਆਂ ਲਈ ਬਿਨਾਂ ਭੁਗਤਾਨ ਕੀਤੇ ਟਰਾਇਲ ਸ਼ਿਫਟਾਂ 'ਤੇ ਸਪੱਸ਼ਟ ਤੌਰ 'ਤੇ ਪਾਬੰਦੀ ਲਗਾਉਣ ਦੀ ਯੋਜਨਾ ਬਣਾ ਰਿਹਾ ਹੈ। ਇਸ ਦੇ ਨਾਲ ਹੀ ਸੂਬਾ ਸਰਕਾਰ ਗਾਹਕ ਦੇ ਸਮਾਨ ਚੋਰੀ ਹੋਣ ਦੀ ਸੂਰਤ 'ਚ ਕਰਮਚਾਰੀਆਂ ਦੀ ਤਨਖਾਹ 'ਚ ਕਟੌਤੀ ਕਰਨ ਦੇ ਵਿਰੁੱਧ ਨਿਯਮਾਂ ਨੂੰ ਵੀ ਮਜ਼ਬੂਤ ਕਰ ਰਿਹਾ ਹੈ। ਪ੍ਰਸਤਾਵਿਤ ਸੋਧਾਂ ਕਿਰਤ ਮੰਤਰੀ ਡੇਵਿਡ ਪਿਚਿਨੀ ਦੁਆਰਾ ਮੰਗਲਵਾਰ ਨੂੰ ਪੇਸ਼ ਕੀਤੇ ਗਏ ਕਾਨੂੰਨ ਦੇ ਇੱਕ ਨਵੇਂ ਹਿੱਸੇ 'ਚ ਕਿਰਤ ਕਾਨੂੰਨ ਤਬਦੀਲੀਆਂ ਦੀ ਲੜੀ 'ਚ ਨਵੀਨਤਮ ਹਨ। ਪਿਚਿਨੀ ਨੇ ਕਿਹਾ ਕਿ ਇਹ ਪਹਿਲਾਂ ਹੀ ਕਾਨੂੰਨ ਹੈ ਕਿ ਕਰਮਚਾਰੀਆਂ ਨੂੰ ਕੰਮ ਕੀਤੇ ਗਏ ਸਾਰੇ ਘੰਟਿਆਂ ਲਈ ਭੁਗਤਾਨ ਕੀਤਾ ਜਾਣਾ ਚਾਹੀਦਾ ਹੈ ਪਰ ਕੁਝ ਰੈਸਟੋਰੈਂਟਾਂ 'ਚ ਇੰਟਰਵਿਊ ਪ੍ਰਕਿਰਿਆ ਦੇ ਹਿੱਸੇ ਵਜੋਂ ਅਜੇ ਵੀ ਟਰਾਇਲ ਸ਼ਿਫ਼ਟਾਂ ਲਾਈਆਂ ਜਾ ਰਹੀਆਂ ਹਹਨ, ਜਿਨ੍ਹਾਂ ਦੇ ਬਦਲੇ ਕਰਮਚਾਰੀਆਂ ਨੂੰ ਪੈਸਿਆਂ ਦੀ ਕੋਈ ਅਦਾਇਗੀ ਨਹੀਂ ਕੀਤੀ ਜਾਂਦੀ। ਇਸੇ ਤਰ੍ਹਾਂ, ਕਿਰਤ ਕਾਨੂੰਨ ਪਹਿਲਾਂ ਹੀ ਇੰਪਲਾਇਰਾਂ ਨੂੰ ਗੁੰਮ ਜਾਂ ਚੋਰੀ ਹੋਈ ਚੀਜ਼ ਦੇ ਕਾਰਨ ਕਰਮਚਾਰੀਆਂ ਦੇ ਭੱਤਿਆਂ 'ਚ ਕਟੌਤੀ ਕਰਨ ਤੋਂ ਮਨ੍ਹਾ ਕਰਦੇ ਹਨ ਪਰ ਨਵੇਂ ਨਿਯਮਾਂ 'ਚ ਇਨ੍ਹਾਂ ਨੂੰ ਸਖ਼ਤੀ ਨਾਲ ਲਾਗੂ ਕੀਤਾ ਜਾਵੇਗਾ। ਪਿਚਿਨੀ ਨੇ ਇਹ ਵੀ ਆਖਿਆ ਕਿ ਅੱਜਕੱਲ੍ਹ ਬਹੁਤੇ ਲੋਕ ਡਿਜੀਟਲ ਪੇਅਮੈਂਟ ਐਪਾਂਅ ਦੀ ਵਰਤੋਂ ਕਰਦੇ ਹਨ ਤੇ ਕੁੱਝ ਇੰਪਲੌਇਰਜ਼ ਇਨ੍ਹਾਂ ਟਿੱਪਜ਼ ਨੂੰ ਹਾਸਲ ਕਰਨ ਬਦਲੇ ਆਪਣੇ ਵਰਕਰਜ਼ ਤੋਂ ਪੈਸੇ ਵੀ ਵਸੂਲਦੇ ਹਨ। ਪਰ ਇਸ ਬਿੱਲ ਵਿੱਚ ਇਹ ਯਕੀਨੀ ਬਣਾਇਆ ਜਾਵੇਗਾ ਕਿ ਜਿਨ੍ਹਾਂ ਮੁਲਾਜ਼ਮਾਂ ਨੂੰ ਡਾਇਰੈਕਟ ਡਿਪੌਜ਼ਿਟ ਰਾਹੀਂ ਟਿੱਪਜ਼ ਮਿਲਦੀਆਂ ਹਨ ਉਹ ਆਪ ਇਹ ਤੈਅ ਕਰ ਸਕਣਗੇ ਕਿ ਇਹ ਪੈਸੇ ਕਿੱਥੇ ਜਮ੍ਹਾਂ ਕਰਵਾਏ ਜਾਣ। The post ਓਨਟਾਰੀਓ ਦੇ ਰੈਸਟੋਰੈਂਟਾਂ 'ਚ ਹੁਣ ਅਨਪੇਡ ਸ਼ਿਫ਼ਟਾਂ 'ਤੇ ਲੱਗੇਗੀ ਪਾਬੰਦੀ appeared first on TV Punjab | Punjabi News Channel. Tags: canada labor news ontario restaurants salary top-news toronto trending-news unpaid wages

ਐੱਸ. ਯੂ. ਵੀ. ਨਾਲ ਟਕਰਾਈ ਸਕੂਲੀ ਵਿਦਿਆਰਥੀਆਂ ਨਾਲ ਭਰੀ ਬੱਸ Wednesday 15 November 2023 09:33 PM UTC+00 | Tags: cambridge canada news police road-accident students toronto Toronto- ਓਨਟਾਰੀਓ ਦੇ ਕੈਂਬ੍ਰਿਜ 'ਚ ਬੱਚਿਆਂ ਨਾਲ ਭਰੀ ਇੱਕ ਸਕੂਲੀ ਬੱਸ ਨਾਲ ਇੱਕ ਐੱਸ. ਯੂ. ਵੀ. ਨਾਲ ਟਕਰਾਅ ਗਈ। ਇਸ ਹਾਦਸੇ 'ਚ ਬੱਸ 'ਚ ਸਵਾਰ ਕਰੀਬ 20 ਵਿਦਿਆਰਥੀਆਂ ਦਾ ਬਚਾਅ ਹੋ ਗਿਆ। ਪੁਲਿਸ ਦਾ ਕਹਿਣਾ ਹੈ ਕਿ ਉਸ ਵਲੋਂ ਇਸ ਹਾਦਸੇ ਦੇ ਸੰਬੰਧ 'ਚ ਇੱਕ 66 ਸਾਲਾ ਔਰਤ 'ਤੇ ਅਸੁਰੱਖਿਅਤ ਮੋੜ ਲੈਣ ਦਾ ਦੋਸ਼ ਲਗਾਇਆ ਗਿਆ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਇਹ ਹਾਦਸਾ ਮੰਗਲਵਾਰ ਸ਼ਾਮੀਂ ਕਰੀਬ 4 ਵਜੇ ਬਿਸ਼ਪ ਸਟਰੀਟ ਉੱਤਰੀ ਅਤੇੱ ਕੋਨੇਸਟੋਗਾ ਬੁਲੇਵਾਰਡ ਖੇਤਰ 'ਚ ਵਾਪਰਿਆ। ਪੁਲਿਸ ਮੁਤਾਬਕ ਜਾਂਚ ਤੋਂ ਪਤਾ ਲੱਗਾ ਹੈ ਕਿ ਸਕੂਲੀ ਬੱਸ ਨਾਲ ਟੱਕਰ 'ਚ ਸ਼ਾਮਿਲ ਇੱਕ ਐੱਸ. ਯੂ. ਵੀ. ਦੇ ਡਰਾਈਵਰ ਨੇ ਸਕੂਲ ਬੱਸ ਦੇ ਅੱਗੇ ਮੋੜ ਲਿਆ ਅਤੇ ਉਸ ਨਾਲ ਟਕਰਾਅ ਗਈ। ਹਾਦਸੇ ਦੇ ਸਮੇਂ ਸਕੂਲ ਬੱਸ ਦਾ ਡਰਾਈਵਰ, ਇੱਕ 66 ਸਾਲਾ ਵਿਅਕਤੀ, ਬਿਸ਼ਪ ਸਟਰੀਟ ਉੱਤਰੀ 'ਤੇ ਪੂਰਬ ਵੱਲ ਜਾ ਰਿਹਾ ਸੀ। ਪੁਲਿਸ ਨੇ ਸੰਕੇਤ ਦਿੱਤਾ ਹੈ ਕਿ ਹਾਦਸੇ ਦੇ ਸਮੇਂ ਬੱਸ 'ਚ 20 ਬੱਚੇ ਸਨ। ਹਾਲਾਂਕਿ ਟੱਕਰ ਦੇ ਨਤੀਜੇ ਵਜੋਂ ਕਿਸੇ ਦੇ ਜ਼ਖਮੀ ਹੋਣ ਦੀ ਸੂਚਨਾ ਨਹੀਂ ਹੈ। The post ਐੱਸ. ਯੂ. ਵੀ. ਨਾਲ ਟਕਰਾਈ ਸਕੂਲੀ ਵਿਦਿਆਰਥੀਆਂ ਨਾਲ ਭਰੀ ਬੱਸ appeared first on TV Punjab | Punjabi News Channel. Tags: cambridge canada news police road-accident students toronto

ਸੀਨ ਫਰੇਜ਼ਰ ਨੇ ਹਾਊਸਿੰਗ ਫੰਡ 'ਤੇ ਪੌਲੀਐਵ ਦੀਆਂ ਆਲੋਚਨਾਵਾਂ ਨੂੰ ਕੀਤਾ ਖ਼ਾਰਜ Wednesday 15 November 2023 09:36 PM UTC+00 | Tags: calgary canada housing housing-accelerator-fund news ottawa pierre-poilievre sean-fraser top-news trending-news Ottawa- ਹਾਊਸਿੰਗ ਮੰਤਰੀ ਸੀਨ ਫਰੇਜ਼ਰ ਨੇ ਕੰਜ਼ਰਵੇਟਿਵ ਲੀਡਰ ਪਿਏਰੇ ਪੌਲੀਐਵ ਦੀਆਂ ਉਨ੍ਹਾਂ ਆਲੋਚਨਾਵਾਂ ਨੂੰ ਖਾਰਜ ਕੀਤਾ ਹੈ, ਜਿਸ 'ਚ ਉਨ੍ਹਾਂ ਨੇ ਕਿਹਾ ਸੀ ਕਿ ਫੈਡਰਲ ਸਰਕਾਰ ਦਾ ਹਾਊਸਿੰਗ ਐਕਸਲੇਟਰ ਫੰਡ, ਹਾਊਸਿੰਗ ਸੰਕਟ 'ਤੇ ਕੰਮ ਕਰਨ ਲਈ ਲਿਬਰਲਾਂ ਨੂੰ ਜਨਤਕ ਕ੍ਰੈਡਿਟ ਦੇਣ ਲਈ ਮੇਅਰਾਂ ਨੂੰ ਉਤਸ਼ਾਹਿਤ ਕਰਨ ਦੀ ਕੋਸ਼ਿਸ਼ ਹੈ। ਮੰਗਲਵਾਰ ਨੂੰ, ਫਰੇਜ਼ਰ ਨੇ ਕੈਲਗਰੀ 'ਚ ਨਵੀਨਤਮ ਪ੍ਰਾਜੈਕਟ ਦਾ ਐਲਾਨ ਕੀਤਾ, ਜਿਸ ਰਾਹੀਂ ਅਗਲੇ 10 ਸਾਲਾਂ ਦੌਰਾਨ 35,000 ਘਰਾਂ ਦੇ ਟੀਚੇ ਤੱਕ ਪਹੁੰਚਣ ਤੋਂ ਪਹਿਲਾਂ, ਤਿੰਨ ਸਾਲਾਂ 'ਚ 6,800 ਹਾਊਸਿੰਗ ਯੂਨਿਟ ਬਣਾਉਣ ਲਈ ਸ਼ਹਿਰ ਨੂੰ 228 ਮਿਲੀਅਨ ਡਾਲਰ ਹਾਊਸਿੰਗ ਐਕਸਲੇਟਰ ਫੰਡ ਰਾਹੀਂ ਦਿੱਤੇ ਜਾਣਗੇ। ਹਾਊਸਿੰਗ ਐਕਸਲੇਟਰ ਫੰਡ ਨਗਰ ਪਾਲਿਕਾਵਾਂ ਨੂੰ ਲਾਲਫੀਤਾਸ਼ਾਹੀ ਨੂੰ ਘੱਟ ਕਰਨ ਅਤੇ ਉਨ੍ਹਾਂ ਦੇ ਜ਼ੋਨਿੰਗ ਤੇ ਪਰਮਿਟ ਸਿਸਟਮ ਨੂੰ ਅਪਡੇਟ ਕਰਕੇ ਨਵੇਂ ਘਰਾਂ ਦੇ ਨਿਰਮਾਣ 'ਚ ਤੇਜ਼ੀ ਲਿਆਉਣ ਲਈ ਉਤਸ਼ਾਹਿਤ ਕਰਦਾ ਹੈ। 4 ਡਾਲਰ ਬਿਲੀਅਨ ਫੰਡ 2021 ਦੀਆਂ ਫੈਡਰਲ ਚੋਣਾਂ 'ਚ ਲਿਬਰਲਾਂ ਵਲੋਂ ਲਿਆ ਗਿਆ ਇੱਕ ਪ੍ਰਣ ਸੀ, ਜਿਸ 'ਚ 2022 ਦੇ ਸੰਘੀ ਬਜਟ 'ਚ 10 ਬਿਲੀਅਨ ਡਾਲਰ ਦੇ ਇੱਕ ਵੱਡੇ ਹਾਊਸਿੰਗ-ਕੇਂਦ੍ਰਿਤ ਪੈਕੇਜ ਦੇ ਹਿੱਸੇ ਵਜੋਂ ਪੈਸਾ ਰੱਖਿਆ ਗਿਆ ਸੀ। ਇਸ ਦੇ ਤਹਿਤ ਪਹਿਲੇ ਪ੍ਰਾਜੈਕਟ ਦਾ ਐਲਾਨ ਓਨਟਾਰੀਓ ਦੇ ਲੰਡਨ 'ਚ ਕੀਤਾ ਗਿਆ, ਜਿਹੜਾ ਕਿ 74 ਮਿਲੀਅਨ ਡਾਲਰ ਦਾ ਸੌਦਾ ਸੀ। ਉਦੋਂ ਤੋਂ, ਫੈਡਰਲ ਸਰਕਾਰ ਨੇ ਅਗਲੇ ਤਿੰਨ ਸਾਲਾਂ ਦੌਰਾਨ ਅੱਠ ਨਗਰ ਪਾਲਿਕਾਵਾਂ 'ਚ ਲਗਭਗ 21,000 ਘਰ ਅਤੇ ਅਗਲੇ ਦਹਾਕੇ 'ਚ ਲਗਭਗ 170,000 ਘਰ ਬਣਾਉਣ ਲਈ ਪ੍ਰੋਗਰਾਮ ਦੁਆਰਾ ਫੰਡਾਂ ਦੇਣ ਦਾ ਵਾਅਦਾ ਕੀਤਾ ਹੈ। ਹਾਲਾਂਕਿ ਕੰਜ਼ਰਵੇਟਿਵ ਨੇਤਾ ਪਿਏਰੇ ਪੌਲੀਐਵ ਨੇ ਫੰਡ ਦੀ ਆਲੋਚਨਾ ਕੀਤੀ ਹੈ। ਉਨ੍ਹਾਂ ਨੇ ਸਤੰਬਰ ਤੋਂ ਬਾਅਦ ਪ੍ਰੋਗਰਾਮ ਰਾਹੀਂ ਹਾਊਸਿੰਗ ਮੰਤਰੀ ਸੀਨ ਫਰੇਜ਼ਰ ਅਤੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀਆਂ ਘੋਸ਼ਣਾਵਾਂ ਨੂੰ 'ਯਾਤਰਾ ਸਰਕਸ' ਕਿਹਾ ਹੈ। ਉਨ੍ਹਾਂ ਕਿਹਾ ਕਿ ਸੀਨ ਫਰੇਜ਼ਰ ਅਤੇ ਜਸਟਿਨ ਟਰੂਡੋ ਫੈਡਰਲ ਲਿਬਰਲਾਂ ਨੂੰ ਹਾਊਸਿੰਗ ਲਈ ਕ੍ਰੈਡਿਟ ਦੇਣ ਲਈ ਮੇਅਰਾਂ ਨੂੰ ਅਦਾਇਗੀ ਕਰ ਰਹੇ ਹਨ ਜੋ ਪਹਿਲਾਂ ਹੀ ਬਣਨ ਜਾ ਰਹੇ ਸਨ। The post ਸੀਨ ਫਰੇਜ਼ਰ ਨੇ ਹਾਊਸਿੰਗ ਫੰਡ 'ਤੇ ਪੌਲੀਐਵ ਦੀਆਂ ਆਲੋਚਨਾਵਾਂ ਨੂੰ ਕੀਤਾ ਖ਼ਾਰਜ appeared first on TV Punjab | Punjabi News Channel. Tags: calgary canada housing housing-accelerator-fund news ottawa pierre-poilievre sean-fraser top-news trending-news

CWC 2023: ਭਾਰਤ ਸ਼ਾਨ ਨਾਲ ਪੁੱਜਿਆ ਫਾਈਨਲ 'ਚ, 19 ਨੂੰ ਹੋਵੇਗਾ ਮਹਾਮੁਕਾਬਲਾ Thursday 16 November 2023 05:24 AM UTC+00 | Tags: cricket-world-cup cwc-2023 india ind-vs-new-zealand news rohit-sharma sports top-news trending-news virat-kohli ਡੈਸਕ- ਭਾਰਤ ਵਿਸ਼ਵ ਕੱਪ ਦੇ ਫਾਈਨਲ ਵਿਚ ਪਹੁੰਚ ਗਈ ਹੈ। ਨਿਊਜ਼ੀਲੈਂਡ ਨੂੰ 70 ਦੌੜਾਂ ਨਾਲ ਹਰਾ ਕੇ ਭਾਰਤ ਵਰਲਡ ਕੱਪ ਦੇ ਫਾਈਨਲ ਵਿਚ ਪਹੁੰਚੀ ਹੈ। ਮੈਚ ਵਿਚ ਰੋਹਿਤ ਸ਼ਰਮਾ ਨੇ ਟੌਸ ਜਿੱਤ ਕੇ ਪਹਿਲਾਂ ਬੱਲੇਬਾਜ਼ੀ ਕਰਨ ਦਾ ਫੈਲਾ ਲਿਆ ਤੇ 4 ਵਿਕਟਾਂ ਗੁਆ ਕੇ 397 ਦੌੜਾਂ ਦਾ ਵੱਡਾ ਸਕੋਰ ਬਣਾਇਆ। ਟੀਮ ਲਈ ਵਿਰਾਟ ਕੋਹਲੀ ਸਭ ਤੋਂ ਜ਼ਿਆਦਾ 117 ਦੌੜਾਂ ਦੀ ਪਾਰੀ ਖੇਡੀ ਜਦੋਂ ਕਿ ਸ਼੍ਰੇਅਸ ਅਈਅਰ ਨੇ 105 ਦੌੜਾਂ ਬਣਾਈਆਂ। ਸ਼ੁਭਮਨ ਗਿਲ 80 ਤੇ ਕੇ ਐੱਲ ਰਾਹੁਲ 39 ਦੌੜਾਂ ਬਣਾ ਕੇ ਨਾਟਆਊਟ ਰਹੇ। ਰੋਹਿਤ ਸ਼ਰਮਾ ਨੇ 47 ਦੌੜਾਂ ਦੀ ਤੂਫਾਨੀ ਪਾਰੀ ਖੇਡੀ। ਕੀਵੀ ਟੀਮ ਲਈ ਟਿਮ ਸਾਊਦੀ ਨੇ 3 ਵਿਕਟਾਂ ਲਈਆਂ। ਦੂਜੇ ਪਾਸੇ 398 ਦੌੜਾਂ ਦੇ ਟਾਰਗੈੱਟ ਦੇ ਜਵਾਬ ਵਿਚ ਨਿਊਜ਼ੀਲੈਂਡ ਦੀ ਟੀਮ 327 ਦੌੜਾਂ ਹੀ ਬਣਾ ਸਕੀ ਤੇ 70 ਦੌੜਾਂ ਨਾਲ ਮੈਚ ਗੁਆ ਦਿੱਤਾ। ਨਿਊਜ਼ੀਲੈਂਡ ਲਈ ਡੇਰੇਲ ਮਿਚੇਲ ਨੇ 134 ਦੌੜਾਂ ਦੀ ਪਾਰੀ ਖੇਡੀ। ਜਦੋਂ ਕਿ ਕਪਤਾਨ ਕੇਨ ਵਿਲੀਅਮਸਨ ਨੇ 69 ਅਤੇ ਗਲੇਨ 69 ਤੇ ਗਲੇਨ ਫਿਲਿਪਸ ਨੇ 41 ਦੌੜਾਂ ਬਣਾਈਆਂ। ਭਾਰਤੀ ਟੀਮ ਲਈ ਤੇਜ਼ ਗੇਂਦਬਾਜ਼ ਮੁਹੰਮਦ ਸ਼ਮੀ ਨੇ ਸਭ ਤੋਂ ਵੱਧ 7 ਵਿਕਟਾਂ ਲਈਆਂ। ਇਸ ਜਿੱਤ ਦੇ ਨਾਲ ਹੀ ਭਾਰਤੀ ਟੀਮ ਨੇ ਨਿਊਜ਼ੀਲੈਂਡ ਤੋਂ 2019 ਮੈਨਚੈਸਟਰ ਦਾ ਬਦਲਿਆ ਵੀ ਲੈ ਲਿਆ ਹੈ। ਦਰਅਸਲ ਉਦੋਂ ਵਰਲਡ ਕੱਪ ਦੇ ਸੈਮੀਫਾਈਨਲ ਵਿਚ ਕੀਵੀ ਟੀਮ ਦੇ ਹੱਥੋਂ ਵਿਰਾਟ ਕੋਹਲੀ ਦੀ ਕਪਤਾਨੀ ਵਾਲੀ ਭਾਰਤੀ ਟੀਮ ਨੂੰ ਹਾਰ ਮਿਲੀ ਸੀ। ਹੁਣ ਰੋਹਿਤ ਸ਼ਰਮਾ ਨੇ ਉਸ ਹਾਰ ਦਾ ਬਦਲਾ ਲਿਆ ਹੈ। The post CWC 2023: ਭਾਰਤ ਸ਼ਾਨ ਨਾਲ ਪੁੱਜਿਆ ਫਾਈਨਲ 'ਚ, 19 ਨੂੰ ਹੋਵੇਗਾ ਮਹਾਮੁਕਾਬਲਾ appeared first on TV Punjab | Punjabi News Channel. Tags: cricket-world-cup cwc-2023 india ind-vs-new-zealand news rohit-sharma sports top-news trending-news virat-kohli

ਜੰਮੂ-ਕਸ਼ਮੀਰ : ਖਾਈ 'ਚ ਡਿੱਗੀ ਯਾਤਰੀਆਂ ਨਾਲ ਭਰੀ ਬੱਸ, ਕਰੀਬ 20 ਲੋਕਾਂ ਦੀ ਮੌ.ਤ Thursday 16 November 2023 05:33 AM UTC+00 | Tags: bus-accident india j-k-bus-accident news top-news trending-news ਡੈਸਕ- ਜੰਮੂ-ਕਸ਼ਮੀਰ ਦੇ ਡੋਡਾ 'ਚ ਬੁੱਧਵਾਰ ਨੂੰ ਇਕ ਭਿਆਨਕ ਸੜਕ ਹਾਦਸਾ ਵਾਪਰਿਆ। ਕਿਸ਼ਤਵਾੜ ਤੋਂ ਜੰਮੂ ਜਾ ਰਹੀ ਬੱਸ ਅੱਸਾਰ ਇਲਾਕੇ 'ਚ ਖਾਈ 'ਚ ਡਿੱਗ ਗਈ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਹਾਦਸੇ 'ਚ 20 ਲੋਕਾਂ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ ਹੈ ਅਤੇ 15 ਤੋਂ ਜ਼ਿਆਦਾ ਲੋਕ ਜ਼ਖਮੀ ਹੋ ਗਏ ਹਨ। ਸਾਰੇ ਜ਼ਖਮੀਆਂ ਨੂੰ ਕਿਸ਼ਤਵਾੜ ਅਤੇ ਡੋਡਾ ਦੇ ਹਸਪਤਾਲਾਂ 'ਚ ਭਰਤੀ ਕਰਵਾਇਆ ਗਿਆ ਹੈ। ਗੰਭੀਰ ਜ਼ਖਮੀ ਲੋਕਾਂ ਲਈ ਜਲਦੀ ਹੀ ਹੈਲੀਕਾਪਟਰ ਸੇਵਾ ਸ਼ੁਰੂ ਕੀਤੀ ਜਾਵੇਗੀ। ਜੰਮੂ ਦੇ ਡਿਵੀਜ਼ਨਲ ਕਮਿਸ਼ਨਰ ਰਮੇਸ਼ ਕੁਮਾਰ ਨੇ ਦੱਸਿਆ ਕਿ ਬੱਸ ਦਾ ਰਜਿਸਟ੍ਰੇਸ਼ਨ ਨੰਬਰ JK02CN-6555 ਹੈ। 52 ਸੀਟਾਂ ਵਾਲੀ ਬੱਸ ਵਿੱਚ ਕਰੀਬ 52 ਯਾਤਰੀ ਮੌਜੂਦ ਸਨ। ਬੱਸ ਬਟੋਟ-ਕਿਸ਼ਤਵਾੜ ਰਾਸ਼ਟਰੀ ਰਾਜਮਾਰਗ 'ਤੇ ਤ੍ਰਿੰਗਲ-ਅਸਾਰ ਨੇੜੇ ਸੜਕ ਤੋਂ ਫਿਸਲ ਗਈ ਅਤੇ 300 ਫੁੱਟ ਹੇਠਾਂ ਖੱਡ 'ਚ ਜਾ ਡਿੱਗੀ। ਕੁੱਝ ਯਾਤਰੀਆਂ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ, ਜਦਕਿ ਕੁੱਝ ਦੀ ਹਾਲਤ ਗੰਭੀਰ ਦੱਸੀ ਜਾ ਰਹੀ ਹੈ। ਬਚਾਅ ਟੀਮ ਮੌਕੇ 'ਤੇ ਮੌਜੂਦ ਹੈ। ਸੀਨਿਅਰ ਪੁਲਿਸ ਅਧਿਕਾਰੀ ਵੀ ਮੌਕੇ 'ਤੇ ਪਹੁੰਚ ਗਏ ਹਨ। ਜੰਮੂ ਕਸ਼ਮੀਰ ਦੇ LG ਮਨੋਜ ਸਿਨਹਾ ਨੇ ਇਸ ਘਟਨਾ ਤੇ ਦੁੱਖ ਪ੍ਰਗਟਾਇਆ ਹੈ। ਉਨ੍ਹਾਂ ਨੇ ਐਕਸ (ਪਹਿਲਾ ਟਵੀਟਰ ) 'ਤੇ ਲਿਖਿਆ ਕਿ, ਡੋਡਾ ਦੇ ਅੱਸਰ 'ਚ ਇੱਕ ਦੁਖਦ ਬੱਸ ਹਾਦਸੇ 'ਚ ਹੋਏ ਲੋਕਾਂ ਦੀ ਮੌਤ 'ਤੋਂ ਦੁੱਖੀ ਹਾਂ। ਮ੍ਰਿਤਕ ਦੇ ਪਰਿਵਾਰਾਂ ਪ੍ਰਤੀ ਮੇਰੀ ਸੰਵੇਦਨਾ ਹੈ ਅਤੇ ਹਾਦਸੇ ਵਿੱਚ ਜ਼ਖਮੀ ਹੋਏ ਲੋਕਾਂ ਦੇ ਜਲਦੀ ਠੀਕ ਹੋਣ ਦੀ ਕਾਮਨਾ ਕਰਦਾ ਹਾਂ। ਪੀੜਤ ਵਿਅਕਤੀਆਂ ਨੂੰ ਲੋੜੀਂਦੀ ਸਹਾਇਤਾ ਦੇਣ ਲਈ ਡਵੀਜ਼ਨਲ ਕਮਿਸ਼ਨਰ ਅਤੇ ਜ਼ਿਲ੍ਹਾ ਪ੍ਰਸ਼ਾਸਨ ਨੂੰ ਨਿਰਦੇਸ਼ ਦਿੱਤੇ ਗਏ ਹਨ। The post ਜੰਮੂ-ਕਸ਼ਮੀਰ : ਖਾਈ 'ਚ ਡਿੱਗੀ ਯਾਤਰੀਆਂ ਨਾਲ ਭਰੀ ਬੱਸ, ਕਰੀਬ 20 ਲੋਕਾਂ ਦੀ ਮੌ.ਤ appeared first on TV Punjab | Punjabi News Channel. Tags: bus-accident india j-k-bus-accident news top-news trending-news

ਬੈਂਕ ਬੰਦ ਕਰਨ ਜਾ ਰਿਹੈ ਤੁਹਾਡੀ UPI ਆਈਡੀ, ਜਲਦ ਆ ਸਕਦੀ ਹੈ ਨੋਟੀਫਿਕੇਸ਼ਨ Thursday 16 November 2023 05:50 AM UTC+00 | Tags: google-pay india news phone-pay top-news trending-news upi-id ਡੈਸਕ- ਤੁਹਾਡੀ UPI ID ਨੂੰ ਲੈ ਕੇ ਇੱਕ ਬਹੁਤ ਹੀ ਅਹਿਮ ਖਬਰ ਆਈ ਹੈ। ਸਾਰੇ ਬੈਂਕ ਅਤੇ ਥਰਡ ਪਾਰਟੀ ਐਪਸ ਜਿਵੇਂ ਕਿ PhonePe ਅਤੇ Google Pay ਅਕਿਰਿਆਸ਼ੀਲ UPI ID ਨੂੰ ਬੰਦ ਕਰਨ ਜਾ ਰਹੇ ਹਨ। ਨੈਸ਼ਨਲ ਪੇਮੈਂਟਸ ਕਾਰਪੋਰੇਸ਼ਨ ਆਫ ਇੰਡੀਆ (ਐਨਪੀਸੀਆਈ) ਨੇ ਸਾਰੇ ਬੈਂਕਾਂ ਅਤੇ ਥਰਡ ਪਾਰਟੀ ਐਪਸ ਨੂੰ ਉਨ੍ਹਾਂ ਆਈਡੀਜ਼ ਨੂੰ ਬਲਾਕ ਕਰਨ ਦਾ ਹੁਕਮ ਦਿੱਤਾ ਹੈ ਜਿਨ੍ਹਾਂ ਵਿੱਚ ਇੱਕ ਸਾਲ ਤੋਂ ਕੋਈ ਲੈਣ-ਦੇਣ ਨਹੀਂ ਕੀਤਾ ਗਿਆ ਹੈ। ਇਸ ਲਈ NPCI ਨੇ 31 ਦਸੰਬਰ ਤੱਕ ਦਾ ਸਮਾਂ ਦਿੱਤਾ ਹੈ। ਇਸ ਲਈ, ਕਿਸੇ ਵੀ ਸਥਿਤੀ ਵਿੱਚ, ਇਸ ਮਿਤੀ ਤੋਂ ਪਹਿਲਾਂ ਆਪਣੀ UPI ID ਨੂੰ ਕਿਰਿਆਸ਼ੀਲ ਕਰੋ। ਬੈਂਕ ਯੂਪੀਆਈ ਆਈਡੀ ਨੂੰ ਅਯੋਗ ਕਰਨ ਤੋਂ ਪਹਿਲਾਂ ਉਪਭੋਗਤਾਵਾਂ ਨੂੰ ਈਮੇਲ ਜਾਂ ਸੰਦੇਸ਼ ਰਾਹੀਂ ਇੱਕ ਨੋਟੀਫਿਕੇਸ਼ਨ ਵੀ ਭੇਜੇਗਾ। NPCI ਦੇ ਇਸ ਕਦਮ ਨਾਲ UPI ਲੈਣ-ਦੇਣ ਪਹਿਲਾਂ ਨਾਲੋਂ ਜ਼ਿਆਦਾ ਸੁਰੱਖਿਅਤ ਹੋ ਜਾਣਗੇ। ਨਾਲ ਹੀ ਗਲਤ ਲੈਣ-ਦੇਣ ਨੂੰ ਵੀ ਰੋਕਿਆ ਜਾਵੇਗਾ। NPCI ਦੇ ਨਵੇਂ ਦਿਸ਼ਾ-ਨਿਰਦੇਸ਼ਾਂ ਦੇ ਅਨੁਸਾਰ, ਸਾਰੇ ਥਰਡ ਪਾਰਟੀ ਐਪਸ ਅਤੇ PSP ਬੈਂਕ ਗੈਰ-ਸਰਗਰਮ ਗਾਹਕਾਂ ਦੇ UPI ID ਅਤੇ ਇਸ ਨਾਲ ਜੁੜੇ ਮੋਬਾਈਲ ਨੰਬਰ ਦੀ ਪੁਸ਼ਟੀ ਕਰਨਗੇ। ਜੇ ਇੱਕ ਸਾਲ ਤੱਕ ਇਸ ਆਈਡੀ ਤੋਂ ਕਿਸੇ ਕਿਸਮ ਦਾ ਕ੍ਰੈਡਿਟ ਜਾਂ ਡੈਬਿਟ ਨਹੀਂ ਕੀਤਾ ਗਿਆ ਹੈ, ਤਾਂ ਇਸਨੂੰ ਬੰਦ ਕਰ ਦਿੱਤਾ ਜਾਵੇਗਾ। ਨਵੇਂ ਸਾਲ ਤੋਂ ਗਾਹਕ ਇਨ੍ਹਾਂ ਆਈਡੀਜ਼ ਨਾਲ ਲੈਣ-ਦੇਣ ਨਹੀਂ ਕਰ ਸਕਣਗੇ। NPCI ਨੇ ਅਜਿਹੇ UPI ID ਦੀ ਪਛਾਣ ਕਰਨ ਲਈ ਬੈਂਕਾਂ ਅਤੇ ਥਰਡ ਪਾਰਟੀ ਐਪਸ ਨੂੰ 31 ਦਸੰਬਰ ਤੱਕ ਦਾ ਸਮਾਂ ਦਿੱਤਾ ਹੈ। ਇਨ੍ਹਾਂ ਨਵੇਂ ਦਿਸ਼ਾ-ਨਿਰਦੇਸ਼ਾਂ ਦੇ ਜ਼ਰੀਏ, NPCI ਇਹ ਯਕੀਨੀ ਬਣਾਉਣਾ ਚਾਹੁੰਦਾ ਹੈ ਕਿ ਪੈਸਾ ਗਲਤ ਵਿਅਕਤੀ ਨੂੰ ਟਰਾਂਸਫਰ ਨਾ ਹੋਵੇ ਅਤੇ ਨਾ ਹੀ ਇਸਦੀ ਦੁਰਵਰਤੋਂ ਹੋਵੇ। ਪਿਛਲੇ ਕੁਝ ਸਮੇਂ ‘ਚ ਅਜਿਹੇ ਕਈ ਮਾਮਲੇ ਸਾਹਮਣੇ ਆਏ ਹਨ। ਕਈ ਵਾਰ ਲੋਕ ਆਪਣਾ ਮੋਬਾਈਲ ਨੰਬਰ ਬਦਲਦੇ ਹਨ ਅਤੇ ਇਸ ਨਾਲ ਜੁੜੀ UPI ID ਨੂੰ ਬੰਦ ਕਰਨਾ ਭੁੱਲ ਜਾਂਦੇ ਹਨ। ਨੰਬਰ ਕਈ-ਕਈ ਦਿਨ ਬੰਦ ਹੋਣ ਕਾਰਨ ਇਸ ਨੂੰ ਕਿਸੇ ਹੋਰ ਨੇ ਪਹੁੰਚਾ ਦਿੱਤਾ। ਪਰ, ਸਿਰਫ ਪੁਰਾਣੀ UPI ID ਹੀ ਇਸ ਨੰਬਰ ਨਾਲ ਜੁੜੀ ਰਹਿੰਦੀ ਹੈ। ਅਜਿਹੇ ‘ਚ ਗਲਤ ਲੈਣ-ਦੇਣ ਦੀ ਸੰਭਾਵਨਾ ਕਈ ਗੁਣਾ ਵਧ ਜਾਂਦੀ ਹੈ। The post ਬੈਂਕ ਬੰਦ ਕਰਨ ਜਾ ਰਿਹੈ ਤੁਹਾਡੀ UPI ਆਈਡੀ, ਜਲਦ ਆ ਸਕਦੀ ਹੈ ਨੋਟੀਫਿਕੇਸ਼ਨ appeared first on TV Punjab | Punjabi News Channel. Tags: google-pay india news phone-pay top-news trending-news upi-id

ਵਿਦੇਸ਼ ਮੰਤਰੀ ਐਸ. ਜੈਸ਼ੰਕਰ ਨੇ ਕੈਨੇਡਾ ਤੋਂ ਇਲਜ਼ਾਮਾਂ ਦੇ ਸਮਰਥਨ ਵਿਚ ਮੰਗੇ ਸਬੂਤ Thursday 16 November 2023 05:56 AM UTC+00 | Tags: canada hardeep-singh-nijjar-murder india india-canada-issue news pm-modi punjab punjab-politics top-news trending-news world-news ਡੈਸਕ- ਕੈਨੇਡਾ ਵਿਚ ਹਰਦੀਪ ਸਿੰਘ ਨਿੱਝਰ ਦੀ ਹਤਿਆ ਦੇ ਸੰਦਰਭ ਵਿਚ, ਵਿਦੇਸ਼ ਮੰਤਰੀ ਐਸ. ਜੈਸ਼ੰਕਰ ਨੇ ਕਿਹਾ ਕਿ ਭਾਰਤ ਕਿਸੇ ਵੀ ਜਾਂਚ ਤੋਂ ਇਨਕਾਰ ਨਹੀਂ ਕਰ ਰਿਹਾ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਹਰਦੀਪ ਨਿੱਝਰ ਦੇ ਕਤਲ ਵਿਚ ਭਾਰਤ ਸਰਕਾਰ ਦੇ ਏਜੰਟ ਦੀ ਸ਼ਮੂਲੀਅਤ ਦੇ ਕੈਨੇਡਾ ਦੇ ਇਲਜ਼ਾਮਾਂ ਬਾਰੇ ਕੈਨੇਡਾ ਨੂੰ ਸਬੂਤ ਦੇਣ ਲਈ ਕਿਹਾ ਹੈ। ਜੈਸ਼ੰਕਰ ਨੇ ਇਥੇ ਅਨੁਭਵੀ ਪੱਤਰਕਾਰ ਲਿਓਨਲ ਬਾਰਬਰ ਨਾਲ ਆਯੋਜਤ ‘ਇਕ ਅਰਬ ਲੋਕ ਦੁਨੀਆ ਨੂੰ ਕਿਵੇਂ ਦੇਖਦੇ ਹਨ’ ਸਿਰਲੇਖ ਦੇ ਇਕ ਸਮਾਗਮ ਵਿਚ ਸਵਾਲਾਂ ਦੇ ਜਵਾਬ ਵਿਚ ਇਹ ਟਿੱਪਣੀਆਂ ਕੀਤੀਆਂ। ਇਕ ਸਵਾਲ ਦੇ ਜਵਾਬ ਵਿਚ ਜੈਸ਼ੰਕਰ, ਜੋ ਕਿ ਬ੍ਰਿਟੇਨ ਦੇ ਪੰਜ ਦਿਨਾਂ ਸਰਕਾਰੀ ਦੌਰੇ ‘ਤੇ ਹਨ, ਨੇ ਕਿਹਾ, “ਜੇਕਰ ਤੁਹਾਡੇ ਕੋਲ ਅਜਿਹਾ ਦੋਸ਼ ਲਗਾਉਣ ਦਾ ਕੋਈ ਕਾਰਨ ਹੈ ਤਾਂ ਕਿਰਪਾ ਕਰਕੇ ਸਬੂਤ ਸਾਂਝੇ ਕਰੋ ਕਿਉਂਕਿ ਅਸੀਂ ਜਾਂਚ ਤੋਂ ਇਨਕਾਰ ਨਹੀਂ ਕਰ ਰਹੇ ਹਾਂ…”। ਉਨ੍ਹਾਂ ਨੇ ਜ਼ੋਰ ਦੇ ਕੇ ਕਿਹਾ ਕਿ ਕੈਨੇਡਾ ਨੇ ਅਪਣੇ ਦੋਸ਼ ਦੇ ਸਮਰਥਨ ਲਈ ਭਾਰਤ ਨਾਲ ਕੋਈ ਸਬੂਤ ਸਾਂਝਾ ਨਹੀਂ ਕੀਤਾ ਹੈ। ਕੈਨੇਡਾ ਦੇ ਬ੍ਰਿਟਿਸ਼ ਕੋਲੰਬੀਆ, ਕੈਨੇਡਾ ਵਿਚ 18 ਜੂਨ ਨੂੰ ਹਰਦੀਪ ਸਿੰਘ ਨਿੱਝਰ ਦੀ ਹਤਿਆ ਵਿਚ ਇਕ ਭਾਰਤੀ ਏਜੰਟ ਦੀ “ਸੰਭਾਵਤ” ਸ਼ਮੂਲੀਅਤ ਬਾਰੇ ਸਤੰਬਰ ਵਿਚ ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੇ ਦੋਸ਼ਾਂ ਤੋਂ ਬਾਅਦ ਭਾਰਤ ਅਤੇ ਕੈਨੇਡਾ ਦੇ ਸਬੰਧਾਂ ਵਿਚ ਤਣਾਅ ਪੈਦਾ ਹੋ ਗਿਆ ਸੀ। ਭਾਰਤ ਨੇ 2020 ਵਿਚ ਨਿੱਝਰ ਨੂੰ 'ਅਤਿਵਾਦੀ' ਘੋਸ਼ਿਤ ਕੀਤਾ ਸੀ। ਭਾਰਤ ਨੇ ਟਰੂਡੋ ਦੇ ਦੋਸ਼ਾਂ ਨੂੰ ਬੇਬੁਨਿਆਦ ਅਤੇ ਬੇਬੁਨਿਆਦ ਦੱਸਦਿਆਂ ਰੱਦ ਕਰ ਦਿਤਾ। ਕੈਨੇਡਾ ਵਿਚ ਗਰਮਖਿਆਲੀ ਪੱਖੀ ਗਤੀਵਿਧੀਆਂ ਦਾ ਜ਼ਿਕਰ ਕਰਦਿਆਂ ਜੈਸ਼ੰਕਰ ਨੇ ਕਿਹਾ ਕਿ ਬੋਲਣ ਅਤੇ ਪ੍ਰਗਟਾਵੇ ਦੀ ਆਜ਼ਾਦੀ ਇਕ ਖਾਸ ਜ਼ਿੰਮੇਵਾਰੀ ਨਾਲ ਆਉਂਦੀ ਹੈ ਅਤੇ ਉਨ੍ਹਾਂ ਆਜ਼ਾਦੀਆਂ ਦੀ ਦੁਰਵਰਤੋਂ ਕਰਨਾ ਅਤੇ ਸਿਆਸੀ ਉਦੇਸ਼ਾਂ ਲਈ ਇਸ ਦੁਰਵਰਤੋਂ ਨੂੰ ਬਰਦਾਸ਼ਤ ਕਰਨਾ ਬਹੁਤ ਗਲਤ ਹੋਵੇਗਾ। ਉਨ੍ਹਾਂ ਨੇ ਕੈਨੇਡਾ ਵਿਚ ਭਾਰਤੀ ਹਾਈ ਕਮਿਸ਼ਨ ‘ਤੇ ਹਮਲੇ ਜਾਂ ਹਾਈ ਕਮਿਸ਼ਨ ਅਤੇ ਕੌਂਸਲੇਟ ਜਨਰਲ ‘ਤੇ ਹੋਏ ਬੰਬ ਹਮਲਿਆਂ ਦਾ ਜ਼ਿਕਰ ਕੀਤਾ ਅਤੇ ਕਿਹਾ ਕਿ ਭਾਰਤੀ ਡਿਪਲੋਮੈਟਾਂ ਨੂੰ ਜਨਤਕ ਤੌਰ ‘ਤੇ ਡਰਾਇਆ-ਧਮਕਾਇਆ ਗਿਆ ਜਦਕਿ ਕੈਨੇਡੀਅਨ ਅਧਿਕਾਰੀਆਂ ਨੇ ਦੋਸ਼ੀਆਂ ਵਿਰੁਧ ਕੋਈ ਕਾਰਵਾਈ ਨਹੀਂ ਕੀਤੀ। The post ਵਿਦੇਸ਼ ਮੰਤਰੀ ਐਸ. ਜੈਸ਼ੰਕਰ ਨੇ ਕੈਨੇਡਾ ਤੋਂ ਇਲਜ਼ਾਮਾਂ ਦੇ ਸਮਰਥਨ ਵਿਚ ਮੰਗੇ ਸਬੂਤ appeared first on TV Punjab | Punjabi News Channel. Tags: canada hardeep-singh-nijjar-murder india india-canada-issue news pm-modi punjab punjab-politics top-news trending-news world-news

Diabetes ਦਾ ਸਭ ਤੋਂ ਵੱਡਾ ਦੁਸ਼ਮਣ ਹੈ ਗਲੋਅ ਦਾ ਜੂਸ, ਬਲੱਡ ਸ਼ੂਗਰ ਨੂੰ ਵਿਚ ਰੱਖਦਾ ਹੈ ਕੰਟਰੋਲ Thursday 16 November 2023 08:39 AM UTC+00 | Tags: giloy-benefits-in-diabetes giloy-in-diabetes giloy-ke-juice-ke-fayde health health-news-in-punjabi home-remedies-for-diabetes how-to-control-blood-sugar-level how-to-make-giloy-juice-for-diabetes tv-punjab-news ਗਲੋਅ ਦੇ ਫਾਇਦੇ: ਅੱਜ ਦੀ ਵਿਗੜਦੀ ਜੀਵਨਸ਼ੈਲੀ ਵਿੱਚ ਸ਼ੂਗਰ ਦੇ ਮਰੀਜ਼ਾਂ ਦੀ ਗਿਣਤੀ ਲਗਾਤਾਰ ਵੱਧ ਰਹੀ ਹੈ। ਸ਼ੂਗਰ ਦੇ ਮਰੀਜ਼ਾਂ ਲਈ ਬਲੱਡ ਸ਼ੂਗਰ ਲੈਵਲ ਨੂੰ ਕੰਟਰੋਲ ‘ਚ ਰੱਖਣਾ ਵੱਡੀ ਚੁਣੌਤੀ ਬਣ ਗਿਆ ਹੈ ਜੇਕਰ ਸਰੀਰ ‘ਚ ਸ਼ੂਗਰ ਲੈਵਲ ਨੂੰ ਕੰਟਰੋਲ ‘ਚ ਨਾ ਰੱਖਿਆ ਜਾਵੇ ਤਾਂ ਇਸ ਦਾ ਸਿਹਤ ‘ਤੇ ਮਾੜਾ ਅਸਰ ਪੈਂਦਾ ਹੈ। ਗਲੋਅ ਸ਼ੂਗਰ ਨੂੰ ਕੰਟਰੋਲ ਕਰਨ ਲਈ ਬਹੁਤ ਵਧੀਆ ਆਯੁਰਵੈਦਿਕ ਦਵਾਈ ਹੈ। ਗਲੋਅ ਐਂਟੀ-ਵਾਇਰਲ, ਐਂਟੀ-ਇੰਫਲੇਮੇਟਰੀ ਅਤੇ ਐਂਟੀਆਕਸੀਡੈਂਟ ਵਰਗੇ ਗੁਣਾਂ ਨਾਲ ਭਰਪੂਰ ਹੁੰਦਾ ਹੈ। ਗਲੋਅ ਦਾ ਸੇਵਨ ਸ਼ੂਗਰ ਦੇ ਰੋਗੀਆਂ ਲਈ ਰਾਮਬਾਣ ਮੰਨਿਆ ਜਾਂਦਾ ਹੈ। ਆਓ ਤੁਹਾਨੂੰ ਦੱਸਦੇ ਹਾਂ ਗਲੋਅ ਦੇ ਜੂਸ ਦੇ ਫਾਇਦਿਆਂ ਅਤੇ ਇਸਨੂੰ ਬਣਾਉਣ ਦੇ ਤਰੀਕੇ ਬਾਰੇ- ਗਲੋਅ ਜੂਸ ਦੇ ਫਾਇਦੇ ਜੋ ਲੋਕ ਸ਼ੂਗਰ ਤੋਂ ਪੀੜਤ ਹਨ, ਉਨ੍ਹਾਂ ਨੂੰ ਗਲੋਅ ਦੇ ਜੂਸ ਦਾ ਸੇਵਨ ਕਰਨਾ ਚਾਹੀਦਾ ਹੈ, ਇਸ ਨਾਲ ਬਲੱਡ ਸ਼ੂਗਰ ਲੈਵਲ ਕੰਟਰੋਲ ‘ਚ ਰਹਿੰਦਾ ਹੈ। ਗਲੋਅ ਸ਼ੂਗਰ ਵਿੱਚ ਇੱਕ ਚਮਤਕਾਰੀ ਦਵਾਈ ਵਾਂਗ ਕੰਮ ਕਰਦਾ ਹੈ, ਇਹ ਇੱਕ ਕੁਦਰਤੀ ਐਂਟੀ-ਡਾਇਬਟਿਕ ਦਵਾਈ ਹੈ। ਇਹ ਸ਼ੂਗਰ ਦੇ ਮਰੀਜ਼ਾਂ ਦੇ ਨਾਲ-ਨਾਲ ਆਮ ਲੋਕਾਂ ਨੂੰ ਬਿਮਾਰੀਆਂ ਨਾਲ ਲੜਨ ਦੀ ਸਮਰੱਥਾ ਪ੍ਰਦਾਨ ਕਰਦਾ ਹੈ। ਨਿੰਮ ਦੇ ਦਰੱਖਤ ‘ਤੇ ਉਗਾਈ ਜਾਣ ਵਾਲੀ ਗਲੋਅ ਨੂੰ ਸ਼ੂਗਰ ਲਈ ਸਭ ਤੋਂ ਵਧੀਆ ਮੰਨਿਆ ਜਾਂਦਾ ਹੈ। ਸ਼ੂਗਰ ਵਿਚ, ਜੋੜਾਂ ਵਿਚ ਦਰਦ, ਸੋਜ ਆਦਿ ਸਮੱਸਿਆਵਾਂ ਹੁੰਦੀਆਂ ਹਨ, ਗਲੋਅ ਦੇ ਸੇਵਨ ਨਾਲ ਇਨ੍ਹਾਂ ਸਭ ਵਿਚ ਰਾਹਤ ਮਿਲਦੀ ਹੈ। ਗਲੋਅ ਦਾ ਜੂਸ ਪੀਣ ਨਾਲ ਅੱਖਾਂ ਦੀ ਰੋਸ਼ਨੀ ਵੀ ਠੀਕ ਹੁੰਦੀ ਹੈ। ਗਲੋਅ ਦਾ ਜੂਸ ਬਣਾਉਣ ਦਾ ਤਰੀਕਾ ਗਲੋਅ ਦਾ ਜੂਸ ਬਣਾਉਣ ਲਈ ਪਹਿਲਾਂ ਨਿੰਮ ਦੀਆਂ ਪੱਤੀਆਂ ਨੂੰ ਧੋ ਕੇ ਗਰਮ ਪਾਣੀ ‘ਚ ਉਬਾਲ ਲਓ। ਫਿਰ ਅਦਰਕ, ਗਲੋਅ ਵੇਲ ਡੰਡੀ ਜਾਂ ਪਾਊਡਰ ਅਤੇ ਪੁਦੀਨੇ ਨੂੰ ਮਿਕਸਰ ਵਿੱਚ ਪੀਸ ਕੇ ਇੱਕ ਵਧੀਆ ਪੇਸਟ ਤਿਆਰ ਕਰੋ। ਹੁਣ ਇਸ ਪੇਸਟ ਨੂੰ ਅੱਧਾ ਕੱਪ ਪਾਣੀ ‘ਚ ਨਿੰਮ ਦੀਆਂ ਪੱਤੀਆਂ ਦੇ ਨਾਲ ਮਿਲਾ ਲਓ। ਤੁਸੀਂ ਇਸ ਪਾਣੀ ‘ਚ ਰਾਕ ਨਮਕ ਅਤੇ ਕਾਲੀ ਮਿਰਚ ਵੀ ਮਿਲਾ ਸਕਦੇ ਹੋ। ਹੁਣ ਇਸ ਕਾੜੇ ਨੂੰ ਛਾਣ ਕੇ ਸੇਵਨ ਕਰੋ। ਇਸ ਜੂਸ ਦਾ ਸੇਵਨ ਕਰਨ ਨਾਲ ਬਲੱਡ ਸ਼ੂਗਰ ਕੰਟਰੋਲ ‘ਚ ਰਹਿੰਦੀ ਹੈ। ਨਿੰਮ ਦੀਆਂ ਪੱਤੀਆਂ ਨਾਲ ਗਲੋਅ ਦਾ ਰਸ ਬਣਾਇਆ ਜਾਵੇ ਤਾਂ ਜ਼ਿਆਦਾ ਲਾਭ ਹੁੰਦਾ ਹੈ। The post Diabetes ਦਾ ਸਭ ਤੋਂ ਵੱਡਾ ਦੁਸ਼ਮਣ ਹੈ ਗਲੋਅ ਦਾ ਜੂਸ, ਬਲੱਡ ਸ਼ੂਗਰ ਨੂੰ ਵਿਚ ਰੱਖਦਾ ਹੈ ਕੰਟਰੋਲ appeared first on TV Punjab | Punjabi News Channel. Tags: giloy-benefits-in-diabetes giloy-in-diabetes giloy-ke-juice-ke-fayde health health-news-in-punjabi home-remedies-for-diabetes how-to-control-blood-sugar-level how-to-make-giloy-juice-for-diabetes tv-punjab-news

ਹਵਾ ਦੇ ਪ੍ਰਦੂਸ਼ਣ ਕਾਰਨ ਚਮੜੀ ਨੂੰ ਹੋ ਰਿਹਾ ਹੈ ਭਾਰੀ ਨੁਕਸਾਨ, ਤਾਂ ਇਸ ਤਰ੍ਹਾਂ ਕਰੋ ਬਚਾਅ Thursday 16 November 2023 08:57 AM UTC+00 | Tags: air-pollution air-pollution-exposure-on-skin health health-news-in-punjabi pollution side-effects-of-air-pollution tv-punjab-news ਪ੍ਰਦੂਸ਼ਣ ਦਾ ਪੱਧਰ ਲਗਾਤਾਰ ਵੱਧ ਰਿਹਾ ਹੈ। ਇਸ ਕਾਰਨ ਕਈ ਸਮੱਸਿਆਵਾਂ ਵਧ ਰਹੀਆਂ ਹਨ। ਅਜਿਹੇ ‘ਚ ਇਸ ਦਾ ਅਸਰ ਸਾਡੀ ਚਮੜੀ ‘ਤੇ ਵੀ ਦੇਖਣ ਨੂੰ ਮਿਲਦਾ ਹੈ। ਪ੍ਰਦੂਸ਼ਣ ਕਾਰਨ ਚਮੜੀ ਨਾਲ ਸਬੰਧਤ ਕਿਹੜੀਆਂ ਸਮੱਸਿਆਵਾਂ ਹੋ ਸਕਦੀਆਂ ਹਨ? 1. ਪ੍ਰਦੂਸ਼ਣ ਕਾਰਨ ਚਮੜੀ ਦੀ ਨਮੀ ਖਤਮ ਹੋ ਜਾਂਦੀ ਹੈ, ਜਿਸ ਕਾਰਨ ਚਿਹਰੇ ‘ਤੇ ਝੁਰੜੀਆਂ ਪੈਣ ਦਾ ਖਤਰਾ ਵੱਧ ਜਾਂਦਾ ਹੈ। ਝੁਰੜੀਆਂ ਖਾਸ ਤੌਰ ‘ਤੇ ਗੱਲ੍ਹਾਂ ਅਤੇ ਬੁੱਲ੍ਹਾਂ ਦੇ ਆਲੇ-ਦੁਆਲੇ ਦਿਖਾਈ ਦਿੰਦੀਆਂ ਹਨ। ਕਾਰਬਨ ਮੋਨੋਆਕਸਾਈਡ ਚਮੜੀ ਦੀ ਨਮੀ ਨੂੰ ਘਟਾਉਂਦਾ ਹੈ, ਜਦੋਂ ਕਿ ਨਾਈਟ੍ਰੋਜਨ ਆਕਸਾਈਡ ਚਮੜੀ ਵਿਚ ਰੰਗੀਨ ਹੋਣ ਦਾ ਕਾਰਨ ਬਣਦਾ ਹੈ। ਧੁੱਪ ਅਤੇ ਪ੍ਰਦੂਸ਼ਣ ਕਾਰਨ ਟੈਨਿੰਗ ਵੀ ਹੁੰਦੀ ਹੈ। ਚਿਹਰੇ, ਗਰਦਨ ਅਤੇ ਹੱਥਾਂ ਦੀ ਚਮੜੀ ਕਾਲੇ ਹੋਣ ਲੱਗਦੀ ਹੈ। ਪ੍ਰਦੂਸ਼ਣ ਦੇ ਕਾਰਨ ਚਮੜੀ ਦੇ ਪੋਰਸ ਦੇ ਬਲਾਕ ਹੋਣ ਕਾਰਨ ਮੁਹਾਸੇ ਦੀ ਸਮੱਸਿਆ ਵੀ ਵਧ ਜਾਂਦੀ ਹੈ। ਇਨ੍ਹਾਂ ਤੋਂ ਬਚਣ ਲਈ, ਚਿਹਰੇ ਨੂੰ ਨਮੀ ਦੇਣਾ, ਡੂੰਘੀ ਸਫਾਈ ਕਰਨਾ ਅਤੇ ਜਿੱਥੇ ਵੀ ਸੰਭਵ ਹੋਵੇ, ਪ੍ਰਦੂਸ਼ਣ ਵਿਰੋਧੀ ਮਾਸਕ ਦੀ ਵਰਤੋਂ ਕਰਨਾ ਜ਼ਰੂਰੀ ਹੈ। 2. ਗੁਲਾਬੀ ਠੰਡ ਦਾ ਅਸਰ ਵੀ ਹੁਣ ਦੇਖਣ ਨੂੰ ਮਿਲ ਰਿਹਾ ਹੈ। ਇਸ ਬਦਲਦੇ ਮੌਸਮ ‘ਚ ਆਪਣੀ ਚਮੜੀ ਨੂੰ ਸਿਹਤਮੰਦ ਰੱਖਣ ਲਈ ਕੁਝ ਗੱਲਾਂ ਦਾ ਪਾਲਣ ਕਰਨਾ ਚਾਹੀਦਾ ਹੈ। ਬਦਲਦੇ ਮੌਸਮ ‘ਚ ਚਮੜੀ ਦੀ ਖਾਸ ਦੇਖਭਾਲ ਜ਼ਰੂਰੀ ਹੋ ਜਾਂਦੀ ਹੈ। ਠੰਡੀ ਹਵਾ ਕਾਰਨ ਚਮੜੀ ਬਹੁਤ ਤੇਜ਼ੀ ਨਾਲ ਸੁੱਕ ਜਾਂਦੀ ਹੈ। ਇਸ ਤੋਂ ਬਚਣ ਲਈ ਪੂਰੇ ਸਰੀਰ ਨੂੰ ਚੰਗੀ ਤਰ੍ਹਾਂ ਨਮੀ ਦੇਣੀ ਚਾਹੀਦੀ ਹੈ। ਚਮੜੀ ਨੂੰ ਸਾਫ਼ ਕਰਨ ਲਈ ਬਹੁਤ ਜ਼ਿਆਦਾ ਕਠੋਰ ਸਕ੍ਰਬ ਦੀ ਵਰਤੋਂ ਨਹੀਂ ਕਰਨੀ ਚਾਹੀਦੀ। ਇਸ ਨਾਲ ਚਮੜੀ ਦੀ ਬਣਤਰ ਖਰਾਬ ਹੋ ਜਾਂਦੀ ਹੈ। ਚਿਹਰੇ ਨੂੰ ਧੋਣ ਲਈ ਗਰਮ ਪਾਣੀ ਦੀ ਵਰਤੋਂ ਨਹੀਂ ਕਰਨੀ ਚਾਹੀਦੀ। ਇਸ ਕਾਰਨ ਚਮੜੀ ਜ਼ਿਆਦਾ ਖੁਸ਼ਕ ਹੋ ਜਾਂਦੀ ਹੈ। ਆਪਣੇ ਚਿਹਰੇ ਨੂੰ ਹਮੇਸ਼ਾ ਸਾਧਾਰਨ ਤਾਪਮਾਨ ਵਾਲੇ ਪਾਣੀ ਨਾਲ ਧੋਵੋ। ਨਹਾਉਂਦੇ ਸਮੇਂ ਵੀ ਬਹੁਤ ਗਰਮ ਪਾਣੀ ਦੀ ਵਰਤੋਂ ਨਾ ਕਰੋ। ਚੰਗੀਆਂ ਖਾਣ-ਪੀਣ ਦੀਆਂ ਆਦਤਾਂ ਨਾਲ ਸਰੀਰ ਨੂੰ ਅੰਦਰੋਂ ਪੋਸ਼ਣ ਦਿੰਦੇ ਰਹੋ। ਨਾਲ ਹੀ ਕਾਫ਼ੀ ਪਾਣੀ ਪੀਓ, ਜਿਸ ਨਾਲ ਚਮੜੀ ਹਾਈਡ੍ਰੇਟ ਬਣੀ ਰਹੇ। 3. ਇਸ ਮੌਸਮ ‘ਚ ਡੈਂਡਰਫ ਅਤੇ ਵਾਲ ਝੜਨ ਦੀ ਸਮੱਸਿਆ ਆਮ ਹੈ। ਸਰ੍ਹੋਂ ਦੇ ਤੇਲ, ਪਿਆਜ਼, ਕਾਲੇ ਬੀਜ ਅਤੇ ਮੇਥੀ ਦਾ ਮਿਸ਼ਰਣ ਲਗਾਉਣ ਨਾਲ ਵਾਲਾਂ ਦਾ ਝੜਨਾ ਬੰਦ ਹੋ ਜਾਂਦਾ ਹੈ, ਇਸ ਲਈ ਲੋਕਾਂ ਦੇ ਮਨਾਂ ਵਿੱਚ ਇੱਕ ਸਵਾਲ ਉੱਠਦਾ ਹੈ ਕਿ ਇਹ ਦਾਅਵੇ ਕਿੰਨੇ ਸੱਚ ਹਨ।ਸਰ੍ਹੋਂ ਦੇ ਤੇਲ, ਪਿਆਜ਼, ਕਾਲੇ ਬੀਜ ਅਤੇ ਮੇਥੀ ਵਿੱਚ ਕੁਝ ਅਜਿਹੇ ਪੋਸ਼ਕ ਤੱਤ ਹੁੰਦੇ ਹਨ। , ਜੋ ਕਿ ਖੋਪੜੀ ਅਤੇ ਵਾਲਾਂ ਦੀ ਸਿਹਤ ਲਈ ਚੰਗੇ ਹਨ। ਪਰ, ਹਰ ਵਿਅਕਤੀ ਦੀ ਚਮੜੀ ਵੱਖਰੀ ਹੁੰਦੀ ਹੈ। ਇਸ ਲਈ ਇਨ੍ਹਾਂ ਦੀ ਵਰਤੋਂ ਵਿਚ ਸਾਵਧਾਨੀ ਵਰਤਣੀ ਚਾਹੀਦੀ ਹੈ। ਇਨ੍ਹਾਂ ਦੀ ਵਰਤੋਂ ਨਾਲ ਨੁਕਸਾਨ ਵੀ ਹੋ ਸਕਦਾ ਹੈ। ਜੇਕਰ ਇਹ ਫਾਇਦੇਮੰਦ ਵੀ ਹਨ, ਤਾਂ ਵੀ ਅਜਿਹੇ ਮਿਸ਼ਰਣਾਂ ਦੀ ਜ਼ਿਆਦਾ ਵਰਤੋਂ ਕਰਨ ਤੋਂ ਬਚਣਾ ਚਾਹੀਦਾ ਹੈ। ਬਦਲਦੇ ਮੌਸਮ ਦੇ ਨਾਲ ਸਾਡੇ ਸਿਰ ਦੀ ਚਮੜੀ ਵੀ ਖੁਸ਼ਕ ਹੋਣ ਲੱਗਦੀ ਹੈ। ਇਸ ਨਾਲ ਡੈਂਡਰਫ ਵਧਦਾ ਹੈ। ਇਸ ਤੋਂ ਬਚਣ ਲਈ ਜ਼ਰੂਰੀ ਹੈ ਕਿ ਸ਼ੈਂਪੂ ਤੋਂ ਦੋ ਘੰਟੇ ਪਹਿਲਾਂ ਸਿਰ ਦੀ ਚਮੜੀ ਤੋਂ ਵਾਲਾਂ ਦੀ ਲੰਬਾਈ ਤੱਕ ਤੇਲ ਲਗਾਓ ਅਤੇ ਸਿਰ ਦੀ ਚਮੜੀ ‘ਤੇ ਤੇਲ ਦੀ ਮਾਲਿਸ਼ ਕਰੋ। ਇਸ ਨਾਲ ਸਿਰ ਦੀ ਨਮੀ ਬਣੀ ਰਹਿੰਦੀ ਹੈ। ਬਹੁਤ ਸਾਰੇ ਲੋਕ ਮਾਮੂਲੀ ਠੰਡ ਆਉਣ ‘ਤੇ ਹੀ ਆਪਣੇ ਵਾਲਾਂ ‘ਤੇ ਹੀਟ ਟੂਲ ਦੀ ਵਰਤੋਂ ਸ਼ੁਰੂ ਕਰ ਦਿੰਦੇ ਹਨ। ਇਸ ਨਾਲ ਡੈਂਡਰਫ ਅਤੇ ਵਾਲ ਝੜਨ ਦੀ ਸਮੱਸਿਆ ਵਧ ਜਾਂਦੀ ਹੈ। 4. ਮੌਜੂਦਾ ਸਮੇਂ ਵਿੱਚ ਟਾਈਫਾਈਡ ਅਤੇ ਡੇਂਗੂ ਦੇ ਮਾਮਲੇ ਵੱਧ ਰਹੇ ਹਨ। ਇਨ੍ਹਾਂ ਨਾਲ ਸੰਕਰਮਿਤ ਹੋਣ ‘ਤੇ ਵੀ ਵਾਲ ਝੜਦੇ ਹਨ। ਕੁਝ ਲੋਕਾਂ ਵਿੱਚ ਵਾਲ ਝੜਨ ਦੀ ਸਮੱਸਿਆ ਕਈ ਮਹੀਨਿਆਂ ਬਾਅਦ ਵੀ ਦੇਖਣ ਨੂੰ ਮਿਲਦੀ ਹੈ। ਡੇਂਗੂ, ਚਿਕਨਗੁਨੀਆ ਅਤੇ ਟਾਈਫਾਈਡ ਵਰਗੀਆਂ ਬੀਮਾਰੀਆਂ ਕਾਰਨ ਵਾਲ ਝੜਦੇ ਹਨ। ਇਸ ਦਾ ਕਾਰਨ ਇਨਫੈਕਸ਼ਨ ਕਾਰਨ ਸਰੀਰ ਦਾ ਕਮਜ਼ੋਰ ਹੋਣਾ ਹੈ। ਆਮ ਤੌਰ ‘ਤੇ ਕਿਸੇ ਵੀ ਇਨਫੈਕਸ਼ਨ ਕਾਰਨ ਸਰੀਰ ‘ਚ ਪੌਸ਼ਟਿਕ ਤੱਤਾਂ ਦੀ ਕਮੀ ਹੋ ਜਾਂਦੀ ਹੈ। ਇਹ ਵਾਲ ਝੜਨ ਦਾ ਕਾਰਨ ਹੈ। ਇਨਫੈਕਸ਼ਨ ਕਾਰਨ ਵਿਟਾਮਿਨ ਏ, ਡੀ, ਬੀ12 ਅਤੇ ਈ ਸਮੇਤ ਕਈ ਪੋਸ਼ਕ ਤੱਤਾਂ ਦੀ ਕਮੀ ਹੋ ਜਾਂਦੀ ਹੈ। ਜੇਕਰ ਵਾਲ ਜ਼ਿਆਦਾ ਝੜਨ ਲੱਗਦੇ ਹਨ ਤਾਂ ਡਾਕਟਰ ਦੀ ਸਲਾਹ ‘ਤੇ ਖੂਨ ਦੀ ਜਾਂਚ ਕਰਵਾਉਣ ਅਤੇ ਕੁਝ ਸਮੇਂ ਲਈ ਜ਼ਰੂਰੀ ਸਪਲੀਮੈਂਟ ਲੈਣ ਨਾਲ ਫਾਇਦਾ ਹੋ ਸਕਦਾ ਹੈ। ਇਸ ਤੋਂ ਇਲਾਵਾ ਖੁਰਾਕ ਦੀ ਮਦਦ ਨਾਲ ਸਰੀਰ ਨੂੰ ਵੱਧ ਤੋਂ ਵੱਧ ਪੌਸ਼ਟਿਕ ਤੱਤ ਪ੍ਰਦਾਨ ਕਰਨ ਦੀ ਕੋਸ਼ਿਸ਼ ਕਰਨੀ ਚਾਹੀਦੀ ਹੈ, ਇਹ ਸਮੱਸਿਆ ਕੁਝ ਮਹੀਨਿਆਂ ਵਿਚ ਦੂਰ ਹੋ ਜਾਂਦੀ ਹੈ। The post ਹਵਾ ਦੇ ਪ੍ਰਦੂਸ਼ਣ ਕਾਰਨ ਚਮੜੀ ਨੂੰ ਹੋ ਰਿਹਾ ਹੈ ਭਾਰੀ ਨੁਕਸਾਨ, ਤਾਂ ਇਸ ਤਰ੍ਹਾਂ ਕਰੋ ਬਚਾਅ appeared first on TV Punjab | Punjabi News Channel. Tags: air-pollution air-pollution-exposure-on-skin health health-news-in-punjabi pollution side-effects-of-air-pollution tv-punjab-news

ਬਹੁਤ ਹੀ ਖੂਬਸੂਰਤ ਹਨ ਮੱਧ ਪ੍ਰਦੇਸ਼ ਦੇ ਇਹ 2 ਨੈਸ਼ਨਲ ਪਾਰਕ, ਦੂਰ-ਦੂਰ ਤੋਂ ਦੇਖਣ ਲਈ ਆਉਂਦੇ ਹਨ ਸੈਲਾਨੀ Thursday 16 November 2023 09:11 AM UTC+00 | Tags: bandhavgarh-national-park kanha-national-park madhya-pradesh-hill-station madhya-pradesh-mandu-story madhya-pradesh-tourist-destinations madhya-pradesh-tourist-places madhya-pradesh-travel-news mandu-madhya-pradesh these-2-national-parks travel travel-news-in-punjabi tv-punjab-news where-is-mandu ਮੱਧ ਪ੍ਰਦੇਸ਼ ਵਿੱਚ ਦੋ ਰਾਸ਼ਟਰੀ ਪਾਰਕ ਹਨ ਜੋ ਬਹੁਤ ਸੁੰਦਰ ਹਨ। ਇਨ੍ਹਾਂ ਦੋਵਾਂ ਰਾਸ਼ਟਰੀ ਪਾਰਕਾਂ ਨੂੰ ਦੇਖਣ ਲਈ ਦੁਨੀਆ ਭਰ ਤੋਂ ਸੈਲਾਨੀ ਆਉਂਦੇ ਹਨ। ਇਹ ਰਾਸ਼ਟਰੀ ਪਾਰਕ ਏਸ਼ੀਆ ਦੇ ਸਭ ਤੋਂ ਖੂਬਸੂਰਤ ਪਾਰਕਾਂ ਵਿੱਚੋਂ ਇੱਕ ਹਨ। ਜੇਕਰ ਤੁਸੀਂ ਮੱਧ ਪ੍ਰਦੇਸ਼ ਦਾ ਦੌਰਾ ਕਰ ਰਹੇ ਹੋ, ਤਾਂ ਇਨ੍ਹਾਂ ਦੋਵਾਂ ਰਾਸ਼ਟਰੀ ਪਾਰਕਾਂ ਨੂੰ ਦੇਖਣਾ ਨਾ ਭੁੱਲੋ। ਇਹ ਰਾਸ਼ਟਰੀ ਪਾਰਕ ਬੰਧਵਗੜ੍ਹ ਨੈਸ਼ਨਲ ਪਾਰਕ ਅਤੇ ਕਾਨਹਾ ਨੈਸ਼ਨਲ ਪਾਰਕ ਹਨ। ਆਓ ਜਾਣਦੇ ਹਾਂ ਉਨ੍ਹਾਂ ਬਾਰੇ। ਬੰਧਵਗੜ੍ਹ ਨੈਸ਼ਨਲ ਪਾਰਕ ਸੈਲਾਨੀ ਮੱਧ ਪ੍ਰਦੇਸ਼ ਦੇ ਬੰਧਵਗੜ੍ਹ ਨੈਸ਼ਨਲ ਪਾਰਕ ਨੂੰ ਦੇਖ ਸਕਦੇ ਹਨ। ਤੁਸੀਂ ਇਸ ਨੈਸ਼ਨਲ ਪਾਰਕ ਵਿੱਚ ਜੀਪ ਸਫਾਰੀ ਦਾ ਆਨੰਦ ਲੈ ਸਕਦੇ ਹੋ। ਸੈਲਾਨੀ ਇਸ ਰਾਸ਼ਟਰੀ ਪਾਰਕ ਵਿੱਚ ਕਈ ਤਰ੍ਹਾਂ ਦੇ ਜਾਨਵਰਾਂ ਅਤੇ ਪੰਛੀਆਂ ਨੂੰ ਦੇਖ ਸਕਦੇ ਹਨ। ਵੱਖ-ਵੱਖ ਕਿਸਮਾਂ ਦੀ ਬਨਸਪਤੀ ਨਾਲ ਭਰਿਆ ਇਹ ਰਾਸ਼ਟਰੀ ਪਾਰਕ ਸੈਲਾਨੀਆਂ ਨੂੰ ਆਕਰਸ਼ਤ ਕਰੇਗਾ। ਕਿਸੇ ਸਮੇਂ ਇਹ ਰੇਵਾ ਦੇ ਮਹਾਰਾਜਿਆਂ ਦਾ ਸ਼ਿਕਾਰ ਸਥਾਨ ਹੋਇਆ ਕਰਦਾ ਸੀ। ‘ਬੰਧਵਗੜ੍ਹ’ ਨਾਮ ਦੋ ਸ਼ਬਦਾਂ, ਬੰਧਵ ਅਤੇ ਗੜ੍ਹ ਤੋਂ ਆਇਆ ਹੈ ਜਿੱਥੇ ਪਹਿਲੇ ਦਾ ਅਰਥ ਹੈ ਭਰਾ ਅਤੇ ਬਾਅਦ ਦਾ ਮਤਲਬ ਕਿਲ੍ਹਾ ਹੈ। ਮਹਾਨ ਮਹਾਂਕਾਵਿ, ਬੰਧਵਗੜ੍ਹ ਨੂੰ ਲੰਕਾ ਦੀ ਲੜਾਈ ਤੋਂ ਬਾਅਦ ਉਸਦੇ ਵੱਡੇ ਭਰਾ ਰਾਮ ਦੁਆਰਾ ਲਕਸ਼ਮਣ ਨੂੰ ਤੋਹਫ਼ਾ ਦਿੱਤਾ ਗਿਆ ਸੀ। ਕਾਨਹਾ ਨੈਸ਼ਨਲ ਪਾਰਕ ਸੈਲਾਨੀ ਮੱਧ ਪ੍ਰਦੇਸ਼ ਦੇ ਮਸ਼ਹੂਰ ਕਾਨਹਾ ਨੈਸ਼ਨਲ ਪਾਰਕ ਦਾ ਦੌਰਾ ਕਰ ਸਕਦੇ ਹਨ। ਇਹ ਰਾਸ਼ਟਰੀ ਪਾਰਕ ਮੱਧ ਪ੍ਰਦੇਸ਼ ਦੇ ਮੰਡਲਾ ਜ਼ਿਲ੍ਹੇ ਵਿੱਚ ਸਥਿਤ ਹੈ। ਸੈਲਾਨੀ ਇੱਥੇ ਕਈ ਤਰ੍ਹਾਂ ਦੇ ਜਾਨਵਰ ਦੇਖ ਸਕਦੇ ਹਨ। ਸੈਲਾਨੀ ਇੱਥੇ ਜੀਪ ਸਫਾਰੀ ਦਾ ਆਨੰਦ ਲੈ ਸਕਦੇ ਹਨ ਅਤੇ ਪੂਰੇ ਰਾਸ਼ਟਰੀ ਪਾਰਕ ਦਾ ਦੌਰਾ ਕਰ ਸਕਦੇ ਹਨ। ਇਹ ਮੱਧ ਪ੍ਰਦੇਸ਼ ਦਾ ਸਭ ਤੋਂ ਵੱਡਾ ਰਾਸ਼ਟਰੀ ਪਾਰਕ ਹੈ। ਵਰਤਮਾਨ ਵਿੱਚ ਕਾਨਹਾ ਖੇਤਰ ਦੋ ਅਸਥਾਨਾਂ ਵਿੱਚ ਵੰਡਿਆ ਹੋਇਆ ਹੈ ਜੋ ਕਿ ਹਲਾਨ ਅਤੇ ਬੰਜਰ ਹਨ। ਇਹ ਰਾਸ਼ਟਰੀ ਪਾਰਕ 1 ਜੂਨ 1955 ਨੂੰ ਬਣਾਇਆ ਗਿਆ ਸੀ ਅਤੇ 1973 ਵਿੱਚ ਕਾਨਹਾ ਟਾਈਗਰ ਰਿਜ਼ਰਵ ਬਣਾਇਆ ਗਿਆ ਸੀ। ਇਸ ਰਾਸ਼ਟਰੀ ਪਾਰਕ ਵਿੱਚ ਸੈਲਾਨੀ ਰਾਇਲ ਬੰਗਾਲ ਟਾਈਗਰ, ਚੀਤਾ, ਰਿੱਛ, ਬਰਸਿੰਘਾ ਅਤੇ ਜੰਗਲੀ ਕੁੱਤਾ ਆਦਿ ਜਾਨਵਰ ਦੇਖ ਸਕਦੇ ਹਨ। ਸੈਲਾਨੀ ਜਹਾਜ਼, ਰੇਲ ਅਤੇ ਬੱਸ ਰਾਹੀਂ ਕਾਨਹਾ ਨੈਸ਼ਨਲ ਪਾਰਕ ਜਾ ਸਕਦੇ ਹਨ। ਇੱਥੇ ਸਭ ਤੋਂ ਨਜ਼ਦੀਕੀ ਹਵਾਈ ਅੱਡਾ ਬਿਰਵਾ ਹਵਾਈ ਪੱਟੀ ਹੈ। ਜਿੱਥੋਂ ਕਾਨਹਾ ਨੈਸ਼ਨਲ ਪਾਰਕ 15 ਕਿਲੋਮੀਟਰ ਦੀ ਦੂਰੀ ‘ਤੇ ਹੈ। ਜੇਕਰ ਤੁਸੀਂ ਰੇਲਗੱਡੀ ਰਾਹੀਂ ਜਾ ਰਹੇ ਹੋ, ਤਾਂ ਤੁਹਾਨੂੰ ਬਾਲਾਘਾਟ ਰੇਲਵੇ ਸਟੇਸ਼ਨ ‘ਤੇ ਉਤਰਨਾ ਪਵੇਗਾ। ‘ਦ ਜੰਗਲ ਬੁੱਕ’ ਨੂੰ ਕਾਨਹਾ ਨੈਸ਼ਨਲ ਪਾਰਕ ਤੋਂ ਪ੍ਰੇਰਿਤ ਦੱਸਿਆ ਜਾਂਦਾ ਹੈ। ਕਾਨਹਾ ਟਾਈਗਰ ਰਿਜ਼ਰਵ ਦਾ ਕੁੱਲ ਖੇਤਰਫਲ 1945 ਵਰਗ ਕਿਲੋਮੀਟਰ ਹੈ। The post ਬਹੁਤ ਹੀ ਖੂਬਸੂਰਤ ਹਨ ਮੱਧ ਪ੍ਰਦੇਸ਼ ਦੇ ਇਹ 2 ਨੈਸ਼ਨਲ ਪਾਰਕ, ਦੂਰ-ਦੂਰ ਤੋਂ ਦੇਖਣ ਲਈ ਆਉਂਦੇ ਹਨ ਸੈਲਾਨੀ appeared first on TV Punjab | Punjabi News Channel. Tags: bandhavgarh-national-park kanha-national-park madhya-pradesh-hill-station madhya-pradesh-mandu-story madhya-pradesh-tourist-destinations madhya-pradesh-tourist-places madhya-pradesh-travel-news mandu-madhya-pradesh these-2-national-parks travel travel-news-in-punjabi tv-punjab-news where-is-mandu

IND Vs NZ: ਜਿੱਤ ਤੋਂ ਬਾਅਦ ਰੋਹਿਤ ਸ਼ਰਮਾ ਨੇ ਮੰਨਿਆ, ਟੀਮ ਇੰਡੀਆ ਤੇ ਸੀ ਸੈਮੀਫਾਈਨਲ ਦਾ ਦਬਾਅ Thursday 16 November 2023 09:25 AM UTC+00 | Tags: indian-cricket-team ind-vs-nz odi-world-cup rohit-sharma sports sports-news-in-punjabi team-india tv-punjab-news world-cup-2023-final ਨਿਊਜ਼ੀਲੈਂਡ ‘ਤੇ ਸ਼ਾਨਦਾਰ ਜਿੱਤ ਦੇ ਬਾਵਜੂਦ ਭਾਰਤੀ ਕਪਤਾਨ ਰੋਹਿਤ ਸ਼ਰਮਾ ਨੇ ਮੰਨਿਆ ਕਿ ਵਾਨਖੇੜੇ ‘ਚ ਵਿਸ਼ਵ ਕੱਪ ਸੈਮੀਫਾਈਨਲ ਮੈਚ ‘ਚ ਟੀਮ ‘ਤੇ ਦਬਾਅ ਸੀ। ਭਾਰਤ ਨੇ ਪਹਿਲੇ ਸੈਮੀਫਾਈਨਲ ‘ਚ ਨਿਊਜ਼ੀਲੈਂਡ ਨੂੰ 70 ਦੌੜਾਂ ਨਾਲ ਹਰਾ ਕੇ ਐਤਵਾਰ ਨੂੰ ਅਹਿਮਦਾਬਾਦ ‘ਚ ਖੇਡੇ ਜਾਣ ਵਾਲੇ ਫਾਈਨਲ ‘ਚ ਜਗ੍ਹਾ ਬਣਾ ਲਈ ਹੈ। ਜਿੱਤ ਤੋਂ ਬਾਅਦ ਰੋਹਿਤ ਸ਼ਰਮਾ ਨੇ ਕਿਹਾ, "ਜ਼ਾਹਿਰ ਹੈ ਕਿ ਇਹ ਸੈਮੀਫਾਈਨਲ ਸੀ, ਮੈਂ ਇਹ ਨਹੀਂ ਕਹਾਂਗਾ ਕਿ ਕੋਈ ਦਬਾਅ ਨਹੀਂ ਸੀ ਅਤੇ ਸੈਮੀਫਾਈਨਲ ਥੋੜ੍ਹਾ ਦਬਾਅ ਵਧਾਉਂਦਾ ਹੈ। "ਪਰ ਅਸੀਂ ਇਸ ਬਾਰੇ ਜ਼ਿਆਦਾ ਸੋਚਣਾ ਨਹੀਂ ਚਾਹੁੰਦੇ ਅਤੇ ਉਹ ਕਰਨਾ ਚਾਹੁੰਦੇ ਹਾਂ ਜੋ ਅਸੀਂ ਪਹਿਲੇ ਨੌਂ ਮੈਚਾਂ ਵਿੱਚ ਕਰਦੇ ਰਹੇ ਹਾਂ।" ਉਸ ਨੇ ਕਿਹਾ, ”ਸਾਨੂੰ ਪਤਾ ਸੀ ਕਿ ਸਾਡੇ ‘ਤੇ ਦਬਾਅ ਹੋਵੇਗਾ। ਅਸੀਂ ਮੈਦਾਨ ‘ਤੇ ਥੋੜੇ ਜਿਹੇ ਢਿੱਲੇ ਹੋਣ ਦੇ ਬਾਵਜੂਦ ਬਹੁਤ ਸ਼ਾਂਤ ਸੀ। ਇਹ ਚੀਜ਼ਾਂ ਹੋਣ ਵਾਲੀਆਂ ਹਨ ਪਰ ਅਸੀਂ ਖੁਸ਼ ਹਾਂ ਕਿ ਅਸੀਂ ਕੰਮ ਕਰ ਸਕੇ। ਰੋਹਿਤ ਨੇ ਟੀਮ ਨੂੰ 4 ਵਿਕਟਾਂ ‘ਤੇ 397 ਦੌੜਾਂ ਬਣਾਉਣ ‘ਚ ਮਦਦ ਕਰਨ ਲਈ ਆਪਣੇ ਬੱਲੇਬਾਜ਼ਾਂ ਦੀ ਤਾਰੀਫ ਕੀਤੀ, ਜਿਸ ਨੇ ਪਿੱਛਾ ਦੌਰਾਨ ਕੀਵੀਆਂ ਨੂੰ ਕੁਝ ਜੋਖਮ ਉਠਾਉਣ ਲਈ ਮਜਬੂਰ ਕੀਤਾ। ਉਸ ਨੇ ਕਿਹਾ, ”ਮੈਂ ਇੱਥੇ ਕਾਫੀ ਕ੍ਰਿਕਟ ਖੇਡਿਆ ਹੈ ਅਤੇ ਤੁਸੀਂ ਇਸ ਮੈਦਾਨ ‘ਤੇ ਕਿਸੇ ਵੀ ਸਕੋਰ ਨਾਲ ਜਿੱਤ ਯਕੀਨੀ ਨਹੀਂ ਮੰਨ ਸਕਦੇ। ਹਾਂ, ਜੇਕਰ ਨਿਊਜ਼ੀਲੈਂਡ ਨੇ ਜੋਖਮ ਨਾ ਚੁੱਕਿਆ ਹੁੰਦਾ ਤਾਂ ਇਹ ਮੁਸ਼ਕਲ ਹੋ ਸਕਦਾ ਸੀ। ਸਾਡੇ ਲਈ ਸ਼ਾਂਤ ਰਹਿਣਾ ਜ਼ਰੂਰੀ ਸੀ। ਸਾਨੂੰ ਪਤਾ ਸੀ ਕਿ ਸਾਨੂੰ ਕੈਚ ਜਾਂ ਰਨ ਆਊਟ ਦੀ ਲੋੜ ਸੀ ਅਤੇ ਸ਼ਮੀ ਸ਼ਾਨਦਾਰ ਸੀ। , ਕਪਤਾਨ ਨੇ ਕਿਹਾ, ”ਸਾਡੇ ਸਾਰੇ 6 ਬੱਲੇਬਾਜ਼ ਚੰਗੀ ਫਾਰਮ ‘ਚ ਹਨ। ਅਈਅਰ ਨੇ ਇਸ ਟੂਰਨਾਮੈਂਟ ਵਿੱਚ ਸਾਡੇ ਲਈ ਬਹੁਤ ਵਧੀਆ ਪ੍ਰਦਰਸ਼ਨ ਕੀਤਾ ਹੈ। ਗਿੱਲ ਨੂੰ ਵੀ ਅੱਜ ਕੜਵੱਲ ਸੀ, ਕੋਹਲੀ ਨੇ ਵੀ ਅੱਜ ਬਹੁਤ ਵਧੀਆ ਪ੍ਰਦਰਸ਼ਨ ਕੀਤਾ। ਇਹ ਉਹ ਟੈਪਲੇਟ ਹੈ ਜਿਸ ‘ਤੇ ਅਸੀਂ ਅੱਗੇ ਵਧਣਾ ਚਾਹੁੰਦੇ ਹਾਂ। ਕੋਹਲੀ ਨੇ ਉਹੀ ਕੀਤਾ ਜੋ ਉਹ ਕਰਦਾ ਹੈ ਅਤੇ ਆਪਣਾ ਇਤਿਹਾਸਕ ਸੈਂਕੜਾ ਲਗਾਇਆ। The post IND Vs NZ: ਜਿੱਤ ਤੋਂ ਬਾਅਦ ਰੋਹਿਤ ਸ਼ਰਮਾ ਨੇ ਮੰਨਿਆ, ਟੀਮ ਇੰਡੀਆ ਤੇ ਸੀ ਸੈਮੀਫਾਈਨਲ ਦਾ ਦਬਾਅ appeared first on TV Punjab | Punjabi News Channel. Tags: indian-cricket-team ind-vs-nz odi-world-cup rohit-sharma sports sports-news-in-punjabi team-india tv-punjab-news world-cup-2023-final

IRCTC ਲੈ ਕੇ ਆਇਆ ਹੈ 12 ਦਿਨਾਂ ਦਾ ਸਾਊਥ ਇੰਡੀਆ ਟੂਰ ਪੈਕੇਜ, ਜਾਣੋ ਕਿਰਾਇਆ Thursday 16 November 2023 09:37 AM UTC+00 | Tags: irctc irctc-tour-package-2023 travel travel-news-in-punjabi tv-punjab-news IRCTC ਦੱਖਣ ਭਾਰਤ ਯਾਤਰਾ ਟੂਰ ਪੈਕੇਜ: IRCTC ਸੈਲਾਨੀਆਂ ਲਈ ਦੱਖਣੀ ਭਾਰਤ ਦਾ ਟੂਰ ਪੈਕੇਜ ਲੈ ਕੇ ਆਇਆ ਹੈ। ਇਹ ਟੂਰ ਪੈਕੇਜ ਏਕ ਭਾਰਤ ਉੱਤਮ ਭਾਰਤ ਦੇ ਤਹਿਤ ਸ਼ੁਰੂ ਕੀਤਾ ਗਿਆ ਹੈ। ਇਸ ਟੂਰ ਪੈਕੇਜ ‘ਚ ਸੈਲਾਨੀ ਭਾਰਤ ਗੌਰਵ ਟੂਰਿਸਟ ਟਰੇਨ ‘ਚ ਸਫਰ ਕਰਨਗੇ। ਆਈਆਰਸੀਟੀਸੀ ਦੇ ਇਸ ਟੂਰ ਪੈਕੇਜ ਵਿੱਚ ਰੇਲਵੇ ਸੈਲਾਨੀਆਂ ਲਈ ਰਿਹਾਇਸ਼ ਅਤੇ ਭੋਜਨ ਦਾ ਪ੍ਰਬੰਧ ਕਰੇਗਾ। ਆਓ ਜਾਣਦੇ ਹਾਂ ਦੱਖਣੀ ਭਾਰਤ ਦੇ ਇਸ ਟੂਰ ਪੈਕੇਜ ਬਾਰੇ। ਦੱਖਣੀ ਭਾਰਤ ਦਾ ਟੂਰ ਪੈਕੇਜ 12 ਦਿਨਾਂ ਦਾ ਹੈ IRCTC ਦਾ ਦੱਖਣੀ ਭਾਰਤ ਟੂਰ ਪੈਕੇਜ 11 ਰਾਤਾਂ ਅਤੇ 12 ਦਿਨਾਂ ਲਈ ਹੈ। ਇਸ ਟੂਰ ਪੈਕੇਜ ਵਿੱਚ ਸੈਲਾਨੀ ਤਿਰੂਪਤੀ, ਮੀਨਾਕਸ਼ੀ ਮੰਦਿਰ, ਰਾਮੇਸ਼ਵਰਮ, ਕੰਨਿਆਕੁਮਾਰੀ, ਤਿਰੂਵਨੰਤਪੁਰਮ ਅਤੇ ਮੱਲਿਕਾਰਜੁਨ ਜਯੋਤਿਰਲਿੰਗ ਦੇ ਦਰਸ਼ਨ ਕਰਨਗੇ। IRCTC ਦਾ ਇਹ ਟੂਰ ਪੈਕੇਜ ਮਾਲਦਾ ਟਾਊਨ ਤੋਂ ਸ਼ੁਰੂ ਹੋਵੇਗਾ। ਇਹ ਟੂਰ ਪੈਕੇਜ 11 ਦਸੰਬਰ ਨੂੰ ਸ਼ੁਰੂ ਹੋਵੇਗਾ। IRCTC ਦੇ ਇਸ ਟੂਰ ਪੈਕੇਜ ਦੀ ਸ਼ੁਰੂਆਤੀ ਕੀਮਤ 22,750 ਰੁਪਏ ਰੱਖੀ ਗਈ ਹੈ। Want to reconnect with your ancient Indian roots? Join the Dakshin Bharat Yatra by Bharat Gaurav Tourist Train (EZBG08) starting on 11.12.2023 from Malda Town to visit sacred and timeless temples. Book now on https://t.co/9bL5iBuZQd#DekhoApnaDesh #SpiritualTravel pic.twitter.com/nxlsoRuIXY — IRCTC Bharat Gaurav Tourist Train (@IR_BharatGaurav) November 13, 2023 IRCTC ਦੇ ਇਸ ਟੂਰ ਪੈਕੇਜ ਵਿੱਚ ਕੁੱਲ ਸੀਟਾਂ 790 ਹਨ। ਜਿਸ ਵਿੱਚ SL ਸੀਟਾਂ 580 ਅਤੇ 3 AC ਸੀਟਾਂ 210 ਹਨ। ਇਸ ਟੂਰ ਪੈਕੇਜ ਵਿੱਚ ਸੈਲਾਨੀ ਮਾਲਦਾ ਟਾਊਨ, ਨਿਊ ਫਰੱਕਾ-ਪਾਕੁੜ-ਰਾਮਪੁਰਹਾਟ-ਦੁਮਕਾ-ਹੰਸਡੀਹਾ-ਭਾਗਲਪੁਰ-ਸੁਲਤਾਨਗੰਜ-ਜਮਾਲਪੁਰ-ਕਿਉਲ-ਜਮੁਈ-ਝਾਝਾ-ਜਸੀਦੀਹ-ਜਾਮਤਾਰਾ-ਚਿਤਰੰਜਨ-ਕੁਲਟੀ-ਧਨਬਾਦ-ਰਚੀਨੌਰ-ਰਚੀਚੌਰ-ਆਰ. ਝਾਰਸੁਗੁਡਾ-ਸੰਬਲਪੁਰ ਤੋਂ ਸਵਾਰ ਅਤੇ ਉਤਾਰਨ ਦੇ ਯੋਗ ਹੋਣਗੇ। IRCTC ਦੇ ਇਸ ਟੂਰ ਪੈਕੇਜ ਦਾ ਕਿਰਾਇਆ IRCTC ਦੇ ਇਸ ਟੂਰ ਪੈਕੇਜ ਦਾ ਕਿਰਾਇਆ ਵੱਖ-ਵੱਖ ਹੁੰਦਾ ਹੈ। ਜੇਕਰ ਤੁਸੀਂ ਇਸ ਟੂਰ ਪੈਕੇਜ ਦੀ ਇਕਾਨਮੀ ਕਲਾਸ ‘ਚ ਯਾਤਰਾ ਕਰਦੇ ਹੋ ਤਾਂ ਤੁਹਾਨੂੰ 22,750 ਰੁਪਏ ਪ੍ਰਤੀ ਵਿਅਕਤੀ ਕਿਰਾਇਆ ਦੇਣਾ ਹੋਵੇਗਾ। ਜਦੋਂ ਕਿ, ਜੇਕਰ ਤੁਸੀਂ ਇਸ ਟੂਰ ਪੈਕੇਜ ਦੀ ਸਟੈਂਡਰਡ ਸ਼੍ਰੇਣੀ ਵਿੱਚ ਯਾਤਰਾ ਕਰਦੇ ਹੋ, ਤਾਂ ਤੁਹਾਨੂੰ 36,100 ਰੁਪਏ ਪ੍ਰਤੀ ਵਿਅਕਤੀ ਕਿਰਾਇਆ ਦੇਣਾ ਪਵੇਗਾ। ਜੇਕਰ ਤੁਸੀਂ ਇਸ ਟੂਰ ਪੈਕੇਜ ਦੀ ਆਰਾਮ ਸ਼੍ਰੇਣੀ ਵਿੱਚ ਯਾਤਰਾ ਕਰਦੇ ਹੋ, ਤਾਂ ਤੁਹਾਨੂੰ 39,500 ਰੁਪਏ ਪ੍ਰਤੀ ਵਿਅਕਤੀ ਕਿਰਾਇਆ ਦੇਣਾ ਪਵੇਗਾ। The post IRCTC ਲੈ ਕੇ ਆਇਆ ਹੈ 12 ਦਿਨਾਂ ਦਾ ਸਾਊਥ ਇੰਡੀਆ ਟੂਰ ਪੈਕੇਜ, ਜਾਣੋ ਕਿਰਾਇਆ appeared first on TV Punjab | Punjabi News Channel. Tags: irctc irctc-tour-package-2023 travel travel-news-in-punjabi tv-punjab-news

Aditya Roy Kapur Birthday: ਆਦਿਤਿਆ ਰਾਏ ਕਪੂਰ ਇੱਕ ਕ੍ਰਿਕਟਰ ਵਜੋਂ ਸਿਖਲਾਈ ਲੈਣ ਤੋਂ ਬਾਅਦ ਇੱਕ ਅਭਿਨੇਤਾ ਬਣ ਗਏ Thursday 16 November 2023 09:50 AM UTC+00 | Tags: 2 aditya-roy-kapur-birthday aditya-roy-kapur-story aditya-roy-kapur-unknown-story entertainment entertainment-news-in-punjabi happy-birthday-aditya-roy-kapur tv-punjab-news Aditya Roy Kapur Birthday: ਆਦਿਤਿਆ ਰਾਏ ਕਪੂਰ ਦਾ ਜਨਮ 16 ਨਵੰਬਰ ਨੂੰ ਮੁੰਬਈ ਵਿੱਚ ਹੋਇਆ ਸੀ। ਉਸਦੇ ਪਿਤਾ ਦਾ ਨਾਮ ਕੁਮੁਦ ਰਾਏ ਕਪੂਰ ਅਤੇ ਮਾਤਾ ਦਾ ਨਾਮ ਸਲੋਮੀ ਆਰੋਨ ਹੈ। ਆਦਿਤਿਆ ਨੇ ਆਪਣੀ ਪੜ੍ਹਾਈ ਮੁੰਬਈ ਯੂਨੀਵਰਸਿਟੀ ਤੋਂ ਹੀ ਪੂਰੀ ਕੀਤੀ ਹੈ। ਉਹ ਸਿਧਾਰਥ ਰਾਏ ਕਪੂਰ ਅਤੇ ਕੁਨਾਲ ਰਾਏ ਕਪੂਰ ਦਾ ਛੋਟਾ ਭਰਾ ਹੈ। ਉਸ ਦੇ ਦੋਵੇਂ ਵੱਡੇ ਭਰਾ ਬਾਲੀਵੁੱਡ ਦੇ ਜਾਣੇ-ਪਛਾਣੇ ਨਾਂ ਹਨ। ਬਾਲੀਵੁੱਡ ਦੇ ਮਸ਼ਹੂਰ ਪਰਿਵਾਰ ਨਾਲ ਸਬੰਧਤ ਹੋਣ ਦੇ ਬਾਵਜੂਦ ਆਦਿਤਿਆ ਰਾਏ ਕਪੂਰ ਨੇ ਆਪਣੀ ਅਦਾਕਾਰੀ ਨਾਲ ਆਪਣੀ ਵੱਖਰੀ ਪਛਾਣ ਬਣਾਈ ਹੈ। , 2013 ਵਿੱਚ ਰਿਲੀਜ਼ ਹੋਈਆਂ ਸੁਪਰਹਿੱਟ ਫਿਲਮਾਂ ਯੇ ਜਵਾਨੀ ਹੈ ਦੀਵਾਨੀ ਅਤੇ ਆਸ਼ਿਕੀ 2 ਉਸਦੇ ਕਰੀਅਰ ਦੀਆਂ ਸਭ ਤੋਂ ਵਧੀਆ ਫਿਲਮਾਂ ਹਨ। ਉਨ੍ਹਾਂ ਦੇ ਜਨਮਦਿਨ ਦੇ ਮੌਕੇ ‘ਤੇ, ਆਓ ਜਾਣਦੇ ਹਾਂ ਆਦਿਤਿਆ ਰਾਏ ਕਪੂਰ ਦੀ ਪੇਸ਼ੇਵਰ ਅਤੇ ਨਿੱਜੀ ਜ਼ਿੰਦਗੀ ਬਾਰੇ। ਆਦਿਤਿਆ ਨੇ ਵੀਜੇ ਵਜੋਂ ਦਬਦਬਾ ਬਣਾਇਆ ਅੱਜ ਬਾਲੀਵੁੱਡ ਦੇ ਚਮਕਦੇ ਸਿਤਾਰੇ ਅਤੇ ਕਪੂਰ ਰਾਏ ਪਰਿਵਾਰ ਦੇ ਸਭ ਤੋਂ ਛੋਟੇ ਬੇਟੇ ਆਦਿਤਿਆ ਰਾਏ ਕਪੂਰ ਦਾ ਜਨਮਦਿਨ ਹੈ। ਆਦਿਤਿਆ ਦਾ ਜਨਮ 16 ਨਵੰਬਰ 1985 ਨੂੰ ਹੋਇਆ ਸੀ। ਆਦਿਤਿਆ ਰਾਏ ਕਪੂਰ ਕ੍ਰਿਕਟਰ ਬਣਨਾ ਚਾਹੁੰਦੇ ਸਨ ਅਤੇ ਇਸ ਦੇ ਲਈ ਉਨ੍ਹਾਂ ਨੇ ਸਹੀ ਟ੍ਰੇਨਿੰਗ ਵੀ ਲਈ, ਪਰ ਉਹ ਕ੍ਰਿਕਟ ‘ਚ ਕਰੀਅਰ ਬਣਾਉਣ ‘ਚ ਸਫਲ ਨਹੀਂ ਹੋ ਸਕੇ। ਅਜਿਹੇ ‘ਚ ਆਦਿਤਿਆ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਚੈਨਲ V ਦੇ ਵੀਜੇ ਦੇ ਤੌਰ ‘ਤੇ ਕੀਤੀ ਸੀ ਪਰ ਉਨ੍ਹਾਂ ਦਾ ਕੰਮ ਕਰਨ ਦਾ ਅੰਦਾਜ਼ ਇੰਨਾ ਵੱਖਰਾ ਸੀ ਕਿ ਉਨ੍ਹਾਂ ਨੂੰ ਫਿਲਮ ਇੰਡਸਟਰੀ ‘ਚ ਮੌਕਾ ਮਿਲ ਗਿਆ। ਆਪਣੇ ਕਰੀਅਰ ਦੀ ਸ਼ੁਰੂਆਤ ਸਹਾਇਕ ਭੂਮਿਕਾ ਨਾਲ ਕੀਤੀ ਆਦਿਤਿਆ ਰਾਏ ਕਪੂਰ ਪਹਿਲੀ ਵਾਰ ਸਾਲ 2009 ‘ਚ ਫਿਲਮ ‘ਲੰਡਨ ਡ੍ਰੀਮਜ਼’ ‘ਚ ਨਜ਼ਰ ਆਏ ਸਨ। ਅਜੇ ਦੇਵਗਨ ਅਤੇ ਸਲਮਾਨ ਖਾਨ ਦੀ ਇਸ ਫਿਲਮ ਵਿੱਚ ਉਨ੍ਹਾਂ ਦਾ ਰੋਲ ਬਹੁਤ ਛੋਟਾ ਸੀ। ਇਸ ਤੋਂ ਬਾਅਦ ਉਨ੍ਹਾਂ ਨੇ ‘ਗੁਜ਼ਾਰਿਸ਼’ ਅਤੇ ‘ਐਕਸ਼ਨ ਰੀਪਲੇ’ ਵਰਗੀਆਂ ਫਿਲਮਾਂ ‘ਚ ਕੰਮ ਕੀਤਾ, ਪਰ ਪ੍ਰਸਿੱਧੀ ਨਹੀਂ ਮਿਲੀ। ਇਸ ਤੋਂ ਬਾਅਦ ਆਦਿਤਿਆ ਰਾਏ ਕਪੂਰ ਨੂੰ ਅਜਿਹੀ ਫਿਲਮ ਮਿਲੀ ਜਿਸ ਨੇ ਉਨ੍ਹਾਂ ਨੂੰ ਰਾਤੋ-ਰਾਤ ਸੁਪਰਸਟਾਰ ਬਣਾ ਦਿੱਤਾ। ਇਸ ਫਿਲਮ ਦਾ ਨਾਂ ‘ਆਸ਼ਿਕੀ 2’ ਹੈ। ਇਸ ਫਿਲਮ ਨੇ ਉਸ ਨੂੰ ਰਾਤੋ-ਰਾਤ ਸੁਪਰਸਟਾਰ ਬਣਾ ਦਿੱਤਾ ਸ਼ਰਧਾ ਕਪੂਰ ਮੋਹਿਤ ਸੂਰੀ ਦੇ ਨਿਰਦੇਸ਼ਨ ‘ਚ ਬਣੀ ‘ਆਸ਼ਿਕੀ 2’ ‘ਚ ਆਦਿਤਿਆ ਰਾਏ ਕਪੂਰ ਨਾਲ ਨਜ਼ਰ ਆਈ ਸੀ। ਸਾਲ 2013 ‘ਚ ਰਿਲੀਜ਼ ਹੋਈ ਇਸ ਮਿਊਜ਼ੀਕਲ ਲਵ ਸਟੋਰੀ ਫਿਲਮ ‘ਚ ਦੋਹਾਂ ਦੀ ਕੈਮਿਸਟਰੀ ਨੂੰ ਕਾਫੀ ਪਸੰਦ ਕੀਤਾ ਗਿਆ ਸੀ। ਇਹ ਫਿਲਮ ਰਿਲੀਜ਼ ਤੋਂ ਬਾਅਦ ਬਾਕਸ ਆਫਿਸ ‘ਤੇ ਹਿੱਟ ਰਹੀ ਸੀ। ਬਾਕਸ ਆਫਿਸ ਇੰਡੀਆ ਦੇ ਮੁਤਾਬਕ, ‘ਆਸ਼ਿਕੀ 2’ ਨੇ ਦੁਨੀਆ ਭਰ ‘ਚ 109 ਕਰੋੜ ਰੁਪਏ ਦਾ ਜ਼ਬਰਦਸਤ ਕਾਰੋਬਾਰ ਕੀਤਾ, ਹਾਲਾਂਕਿ ਇਸਦੀ ਕੀਮਤ ਸਿਰਫ 15 ਕਰੋੜ ਰੁਪਏ ਸੀ। ਇਸ ਫਿਲਮ ਦੀ ਸਫਲਤਾ ਨੇ ਆਦਿਤਿਆ ਰਾਏ ਕਪੂਰ ਨੂੰ ਜ਼ਮੀਨ ਤੋਂ ਉੱਪਰ ਲੈ ਲਿਆ। ‘ਆਸ਼ਿਕੀ 2’ ਤੋਂ ਬਾਅਦ ਕੰਮ ਨਹੀਂ ਕਰ ਰਿਹਾ ਜਾਦੂ ਇਸ ਫਿਲਮ ਤੋਂ ਬਾਅਦ ਆਦਿਤਿਆ ਦਾ ਜਾਦੂ ਫਿੱਕਾ ਪੈ ਗਿਆ। ਉਸ ਕੋਲ ਫਿਲਮਾਂ ਦੀ ਲਾਈਨ ਸੀ, ਪਰ ਸਾਰੀਆਂ ਫਲਾਪ ਰਹੀਆਂ। ‘ਆਸ਼ਿਕੀ 2’ ਤੋਂ ਬਾਅਦ ਆਦਿਤਿਆ ਸੁਪਰਹਿੱਟ ਫਿਲਮ ‘ਯੇ ਜਵਾਨੀ ਹੈ ਦੀਵਾਨੀ’ ‘ਚ ਨਜ਼ਰ ਆਏ ਸਨ। ਇਸ ਫਿਲਮ ਤੋਂ ਲੈ ਕੇ ਹੁਣ ਤੱਕ ਆਦਿਤਿਆ ਰਾਏ ਕਪੂਰ ਦੀਆਂ ਜਿੰਨੀਆਂ ਵੀ ਫਿਲਮਾਂ ਆਈਆਂ ਹਨ, ਉਹ ਲਗਭਗ ਸਾਰੀਆਂ ਫਲਾਪ ਰਹੀਆਂ ਹਨ। ਇਸ ਸਾਲ ਆਈ ‘ਦਾਵਤ-ਏ-ਇਸ਼ਕ’, ‘ਫਿਤੂਰ’ ਜਾਂ ‘ਓਕੇ ਜਾਨੂ’ ਹੋਵੇ। ਬਦਕਿਸਮਤੀ ਨਾਲ, ‘ਆਸ਼ਿਕੀ 2’ ਤੋਂ ਇਲਾਵਾ ਸੋਲੋ ਲੀਡ ਦੇ ਤੌਰ ‘ਤੇ, ਆਦਿਤਿਆ ਕੋਲ ਇੱਕ ਵੀ ਹਿੱਟ ਫਿਲਮ ਨਹੀਂ ਹੈ। The post Aditya Roy Kapur Birthday: ਆਦਿਤਿਆ ਰਾਏ ਕਪੂਰ ਇੱਕ ਕ੍ਰਿਕਟਰ ਵਜੋਂ ਸਿਖਲਾਈ ਲੈਣ ਤੋਂ ਬਾਅਦ ਇੱਕ ਅਭਿਨੇਤਾ ਬਣ ਗਏ appeared first on TV Punjab | Punjabi News Channel. Tags: 2 aditya-roy-kapur-birthday aditya-roy-kapur-story aditya-roy-kapur-unknown-story entertainment entertainment-news-in-punjabi happy-birthday-aditya-roy-kapur tv-punjab-news

iPhone ਦੇ ਇਸ ਮਾਡਲ 'ਤੇ ਮੁਫਤ 'ਚ ਮਿਲੇਗੀ ਇਹ ਸੇਵਾ, ਔਖੀ ਘੜੀ 'ਚ ਆਉਂਦੀ ਹੈ ਕੰਮ Thursday 16 November 2023 01:47 PM UTC+00 | Tags: 14 apple apple-emergency-sos emergency-services emergency-sos-via-satellite-feature how-to-talk-without-cellular-connection iphone-14 iphone-14-free-service iphone-14-latest-news satellite-based-communication tech-autos tech-news-in-punjabi tv-punjab-news ਨਵੀਂ ਦਿੱਲੀ: ਪ੍ਰੀਮੀਅਮ ਸਮਾਰਟਫੋਨ ਨਿਰਮਾਤਾ ਐਪਲ ਨੇ ਆਪਣੇ ਆਈਫੋਨ 14 ਉਪਭੋਗਤਾਵਾਂ ਲਈ ਇੱਕ ਸਾਲ ਲਈ ਇੱਕ ਵਿਸ਼ੇਸ਼ ਸੇਵਾ ਵਧਾ ਦਿੱਤੀ ਹੈ। ਐਮਰਜੈਂਸੀ SOS ਐਪਲ ਫੋਨਾਂ ਵਿੱਚ ਉਪਲਬਧ ਇੱਕ ਮਹੱਤਵਪੂਰਨ ਸੇਵਾ ਹੈ। ਕੰਪਨੀ ਨੇ ਪਿਛਲੇ ਸਾਲ ਨਵੰਬਰ 2022 ‘ਚ ਆਈਫੋਨ 14 ਯੂਜ਼ਰਸ ਲਈ ਇਹ ਸਰਵਿਸ ਲਾਂਚ ਕੀਤੀ ਸੀ। ਨਵੀਂ ਘੋਸ਼ਣਾ ਤੋਂ ਬਾਅਦ, ਇਹ ਸੇਵਾ ਇੱਕ ਹੋਰ ਸਾਲ ਯਾਨੀ ਨਵੰਬਰ 2024 ਤੱਕ ਜਾਰੀ ਰਹੇਗੀ। ਤੁਹਾਨੂੰ ਦੱਸ ਦੇਈਏ ਕਿ ਇਹ ਸੇਵਾ ਉਸ ਸਮੇਂ ਕੰਮ ਆਉਂਦੀ ਹੈ ਜਦੋਂ ਉਪਭੋਗਤਾ ਕਿਸੇ ਮੁਸ਼ਕਲ ਵਿੱਚ ਹੁੰਦਾ ਹੈ ਅਤੇ ਕਿਸੇ ਨਾਲ ਸੰਪਰਕ ਕਰਨ ਲਈ ਨਾ ਤਾਂ ਨੈਟਵਰਕ ਅਤੇ ਨਾ ਹੀ ਵਾਈ-ਫਾਈ ਉਪਲਬਧ ਹੁੰਦਾ ਹੈ। ਇਸ ਸੇਵਾ ਦੀ ਵਰਤੋਂ ਕਰਕੇ ਬਹੁਤ ਸਾਰੇ ਲੋਕਾਂ ਨੇ ਮੁਸੀਬਤ ਦੇ ਸਮੇਂ ਆਪਣੇ ਨਜ਼ਦੀਕੀਆਂ ਨੂੰ ਜਾਣਕਾਰੀ ਭੇਜ ਕੇ ਆਪਣੀ ਜਾਨ ਬਚਾਈ ਹੈ। ਇਸ ਵਜ੍ਹਾ ਨਾਲ ਐਪਲ ਦੀ ਇਹ ਸਰਵਿਸ ਕਾਫੀ ਚਰਚਾ ‘ਚ ਰਹਿੰਦੀ ਹੈ। ਐਪਲ ਨੇ ਆਈਫੋਨ 14 ਦੇ ਉਪਭੋਗਤਾਵਾਂ ਨੂੰ ਬਿਨਾਂ ਕਿਸੇ ਚਾਰਜ ਦੇ ਇੱਕ ਹੋਰ ਸਾਲ ਲਈ ਇਹ ਸੇਵਾ ਪ੍ਰਦਾਨ ਕਰਕੇ ਖੁਸ਼ ਕਰ ਦਿੱਤਾ ਹੈ। ਆਈਫੋਨ ਬਣਾਉਣ ਵਾਲੀ ਇਸ ਕੰਪਨੀ ਨੇ ਇਸ ਗੱਲ ਦੀ ਪੁਸ਼ਟੀ ਕੀਤੀ ਹੈ। ਕੰਪਨੀ ਨੇ ਕਿਹਾ ਹੈ ਕਿ ਉਹ ਆਈਫੋਨ 14 ਉਪਭੋਗਤਾਵਾਂ ਲਈ ਸੈਟੇਲਾਈਟ ਵਿਸ਼ੇਸ਼ਤਾ ਦੁਆਰਾ ਐਮਰਜੈਂਸੀ ਐਸਓਐਸ ਦੇ ਦੋ ਸਾਲਾਂ ਦੇ ਮੁਫਤ ਅਜ਼ਮਾਇਸ਼ ਨੂੰ ਇੱਕ ਹੋਰ ਸਾਲ ਲਈ ਵਧਾ ਰਹੀ ਹੈ। “ਸਾਨੂੰ ਬਹੁਤ ਖੁਸ਼ੀ ਹੈ ਕਿ ਆਈਫੋਨ 14 ਅਤੇ ਆਈਫੋਨ 15 ਉਪਭੋਗਤਾ 2 ਸਾਲਾਂ ਲਈ ਇਸ ਵਿਸ਼ੇਸ਼ ਸੇਵਾ ਦਾ ਮੁਫਤ ਵਿੱਚ ਲਾਭ ਲੈ ਸਕਦੇ ਹਨ,” ਕੀ ਇਹ ਸੇਵਾ ਭਾਰਤ ਵਿੱਚ ਉਪਲਬਧ ਹੈ ਜਾਂ ਨਹੀਂ? ਐਪਲ ਦੇ ਅਨੁਸਾਰ, ਮੁਫਤ ਅਜ਼ਮਾਇਸ਼ ਨੂੰ ਆਈਫੋਨ 14 ਉਪਭੋਗਤਾਵਾਂ ਲਈ ਵਧਾਇਆ ਜਾਵੇਗਾ ਜਿਨ੍ਹਾਂ ਨੇ 15 ਨਵੰਬਰ, 2023 ਨੂੰ 12am ਤੋਂ ਪਹਿਲਾਂ ਸੈਟੇਲਾਈਟ ਰਾਹੀਂ ਆਪਣੀ ਡਿਵਾਈਸ ਨੂੰ ਐਕਟੀਵੇਟ ਕੀਤਾ ਸੀ, ਇੱਕ ਅਜਿਹੇ ਦੇਸ਼ ਵਿੱਚ ਜੋ ਐਮਰਜੈਂਸੀ SOS ਦਾ ਸਮਰਥਨ ਕਰਦਾ ਹੈ। ਸੈਟੇਲਾਈਟ ਰਾਹੀਂ ਐਮਰਜੈਂਸੀ ਐਸਓਐਸ ਵਰਤਮਾਨ ਵਿੱਚ ਆਸਟਰੇਲੀਆ, ਆਸਟਰੀਆ, ਬੈਲਜੀਅਮ, ਕੈਨੇਡਾ, ਫਰਾਂਸ, ਜਰਮਨੀ, ਆਇਰਲੈਂਡ, ਇਟਲੀ, ਲਕਸਮਬਰਗ, ਨੀਦਰਲੈਂਡ, ਨਿਊਜ਼ੀਲੈਂਡ, ਪੁਰਤਗਾਲ, ਸਪੇਨ, ਸਵਿਟਜ਼ਰਲੈਂਡ, ਯੂਕੇ ਅਤੇ ਯੂਐਸ ਵਿੱਚ ਉਪਲਬਧ ਹੈ। ਇਹ ਸਹੂਲਤ ਭਾਰਤ ‘ਚ ਕਦੋਂ ਆਵੇਗੀ, ਇਸ ਬਾਰੇ ਕੋਈ ਜਾਣਕਾਰੀ ਨਹੀਂ ਮਿਲੀ ਹੈ। ਐਪਲ ਨੇ ਸਤੰਬਰ 2022 ਵਿੱਚ ਆਈਫੋਨ 14 ਲਾਈਨਅਪ ਦੇ ਚਾਰ ਮਾਡਲ ਲਾਂਚ ਕੀਤੇ – ਆਈਫੋਨ 14, ਆਈਫੋਨ 14 ਪਲੱਸ, ਆਈਫੋਨ 14 ਪ੍ਰੋ ਅਤੇ ਆਈਫੋਨ 14 ਪ੍ਰੋ ਮੈਕਸ। ਇਸ ਤੋਂ ਬਾਅਦ ਉਸੇ ਸਾਲ ਨਵੰਬਰ ‘ਚ ਸੈਟੇਲਾਈਟ ਫੀਚਰ ਰਾਹੀਂ ਐਮਰਜੈਂਸੀ ਐੱਸ.ਓ.ਐੱਸ. ਸ਼ੁਰੂ ਵਿੱਚ ਸਿਰਫ ਅਮਰੀਕਾ ਅਤੇ ਕੈਨੇਡਾ ਵਿੱਚ, ਅਤੇ ਬਾਅਦ ਵਿੱਚ ਇਸਨੂੰ ਕੁਝ ਹੋਰ ਦੇਸ਼ਾਂ ਵਿੱਚ ਜਾਰੀ ਕੀਤਾ ਗਿਆ। ਸੈਟੇਲਾਈਟ ਕਨੈਕਟੀਵਿਟੀ ਸਮਰੱਥਾ ਦੇ ਆਧਾਰ ‘ਤੇ, ਆਈਫੋਨ 14 ਯੂਜ਼ਰਸ ਗਰਿੱਡ ਤੋਂ ਬਾਹਰ ਸਫਰ ਕਰ ਰਹੇ ਹਨ, ਯਾਨੀ ਅਜਿਹੀ ਜਗ੍ਹਾ ਜਿੱਥੇ ਕੋਈ ਸੈਲੂਲਰ ਜਾਂ ਵਾਇਰਲੈੱਸ ਕਨੈਕਟੀਵਿਟੀ ਨਹੀਂ ਹੈ, ਉਹ ਵੀ ਫਾਈਂਡ ਮਾਈ ਐਪ ਦੀ ਵਰਤੋਂ ਕਰ ਸਕਦੇ ਹਨ। ਇਸ ਦੀ ਵਰਤੋਂ ਕਰਕੇ, ਤੁਸੀਂ ਸੈਟੇਲਾਈਟ ਰਾਹੀਂ ਆਪਣੇ ਦੋਸਤਾਂ ਅਤੇ ਪਰਿਵਾਰ ਨਾਲ ਆਪਣੇ ਸਥਾਨ ਬਾਰੇ ਜਾਣਕਾਰੀ ਸਾਂਝੀ ਕਰ ਸਕਦੇ ਹੋ। ਰੋਡਸਾਈਡ ਹੈਲਪ ਐਪਲ ਨੇ ਅਮਰੀਕਾ ਵਿੱਚ ਸੈਟੇਲਾਈਟ ਫੀਚਰ ਰਾਹੀਂ ਸੜਕ ਕਿਨਾਰੇ ਸਹਾਇਤਾ ਵੀ ਪੇਸ਼ ਕੀਤੀ ਹੈ। ਇਹ ਸੈਲੂਲਰ ਅਤੇ ਵਾਈ-ਫਾਈ ਕਵਰੇਜ ਤੋਂ ਬਿਨਾਂ ਖੇਤਰਾਂ ਵਿੱਚ ਕਾਰ ਦੀ ਸਮੱਸਿਆ ਦੇ ਮਾਮਲੇ ਵਿੱਚ ਕਾਰ ਮਾਲਕਾਂ ਨੂੰ AAA ਰੋਡਸਾਈਡ ਹੈਲਪ ਨਾਲ ਜੋੜਦਾ ਹੈ। ਐਪਲ ਦੇ ਅਨੁਸਾਰ, ਇਹ ਵਿਸ਼ੇਸ਼ਤਾ ਨਵੇਂ ਆਈਫੋਨ 15 ਜਾਂ 14 ਸੀਰੀਜ਼ ਦੇ ਮਾਡਲਾਂ ਦੇ ਐਕਟੀਵੇਸ਼ਨ ਦੇ ਸਮੇਂ ਤੋਂ ਸ਼ੁਰੂ ਕਰਦੇ ਹੋਏ ਦੋ ਸਾਲਾਂ ਲਈ ਮੁਫਤ ਪ੍ਰਦਾਨ ਕੀਤੀ ਜਾਂਦੀ ਹੈ। ਇਹ ਸੇਵਾ ਉਨ੍ਹਾਂ ਡਿਵਾਈਸਾਂ ‘ਤੇ ਸਮਰਥਿਤ ਹੋਵੇਗੀ ਜਿਨ੍ਹਾਂ ਕੋਲ iOS 17 ਹੈ। The post iPhone ਦੇ ਇਸ ਮਾਡਲ ‘ਤੇ ਮੁਫਤ ‘ਚ ਮਿਲੇਗੀ ਇਹ ਸੇਵਾ, ਔਖੀ ਘੜੀ ‘ਚ ਆਉਂਦੀ ਹੈ ਕੰਮ appeared first on TV Punjab | Punjabi News Channel. Tags: 14 apple apple-emergency-sos emergency-services emergency-sos-via-satellite-feature how-to-talk-without-cellular-connection iphone-14 iphone-14-free-service iphone-14-latest-news satellite-based-communication tech-autos tech-news-in-punjabi tv-punjab-news

ਨਿੱਝਰ ਹੱਤਿਆ ਮਾਮਲੇ 'ਚ ਭਾਰਤ ਨੇ ਕੈਨੇਡਾ ਤੋਂ ਮੰਗੇ ਸਬੂਤ Thursday 16 November 2023 08:22 PM UTC+00 | Tags: canada india india-canada-conflict justin-trudeau london news s-jaishankar top-news world London- ਭਾਰਤ ਦੇ ਵਿਦੇਸ਼ ਮੰਤਰੀ ਐੱਸ. ਜੈਸ਼ੰਕਰ ਨੇ ਸਿੱਖ ਵੱਖਵਾਦੀ ਆਗੂ ਹਰਦੀਪ ਸਿੰਘ ਨਿੱਝਰ ਦੀ ਹੱਤਿਆ ਨੂੰ ਲੈ ਕੇ ਭਾਰਤ 'ਤੇ ਲੱਗੇ ਦੋਸ਼ਾਂ 'ਤੇ ਕੈਨੇਡਾ ਤੋਂ ਇਕ ਵਾਰ ਫਿਰ ਸਬੂਤਾਂ ਦੀ ਮੰਗ ਕੀਤੀ ਹੈ। ਲੰਡਨ 'ਚ ਇੱਕ ਸਮਾਗਮ ਦੌਰਾਨ ਬੋਲਦਿਆਂ ਉਨ੍ਹਾਂ ਕਿਹਾ ਕਿ ਭਾਰਤ ਸਰਕਾਰ ਨਿੱਝਰ ਦੇ ਕਤਲ ਦੀ ਜਾਂਚ ਦੀ ਲੋੜ ਤੋਂ ਇਨਕਾਰ ਨਹੀਂ ਕਰ ਰਹੀ ਹੈ ਪਰ ਕੈਨੇਡਾ ਨੂੰ ਆਪਣੇ ਉਨ੍ਹਾਂ ਦੋਸ਼ਾਂ ਦੇ ਸਮਰਥਨ 'ਚ ਸਬੂਤ ਪੇਸ਼ ਕਰਨੇ ਚਾਹੀਦੇ ਹਨ ਕਿ ਇਸ ਕਤਲ 'ਚ ਭਾਰਤੀ ਏਜੰਟਾਂ ਦੀ ਭੂਮਿਕਾ ਸੀ। ਜੈਸ਼ੰਕਰ ਨੇ ਕਿਹਾ, ''ਜੇਕਰ ਤੁਹਾਡੇ ਕੋਲ ਅਜਿਹੇ ਦੋਸ਼ ਲਗਾਉਣ ਦਾ ਕੋਈ ਕਾਰਨ ਹੈ ਤਾਂ ਕ੍ਰਿਪਾ ਕਰਕੇ ਸਬੂਤ ਸਾਂਝੇ ਕਰੋ, ਕਿਉਂਕਿ ਅਸੀਂ ਜਾਂਚ ਤੋਂ ਇਨਕਾਰ ਨਹੀਂ ਕਰ ਰਹੇ ਹਾਂ।'' ਜੈਸ਼ੰਕਰ ਨੇ ਇਹ ਟਿੱਪਣੀਆਂ ਲੰਡਨ ਵਿੱਚ ਅਨੁਭਵੀ ਪੱਤਰਕਾਰ ਲਿਓਨਲ ਬਾਰਬਰ ਨਾਲ 'ਇੱਕ ਅਰਬ ਲੋਕ ਦੁਨੀਆਂ ਨੂੰ ਕਿਵੇਂ ਦੇਖਦੇ ਹਨ' ਸਿਰਲੇਖ ਦੇ ਇੱਕ ਸਮਾਗਮ 'ਚ ਸਵਾਲਾਂ ਦੇ ਜਵਾਬ 'ਚ ਕੀਤੀਆਂ। ਜੈਸ਼ੰਕਰ, ਜੋ ਕਿ ਬ੍ਰਿਟੇਨ ਦੇ ਪੰਜ ਦਿਨਾਂ ਸਰਕਾਰੀ ਦੌਰੇ 'ਤੇ ਹਨ, ਨੇ ਜ਼ੋਰ ਦੇ ਕੇ ਕਿਹਾ ਕਿ ਕੈਨੇਡਾ ਨੇ ਆਪਣੇ ਦੋਸ਼ਾਂ ਦੇ ਸਮਰਥਨ ਲਈ ਭਾਰਤ ਨਾਲ ਕੋਈ ਸਬੂਤ ਸਾਂਝਾ ਨਹੀਂ ਕੀਤਾ ਹੈ। ਸਤੰਬਰ 'ਚ ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਬ੍ਰਿਟਿਸ਼ ਕੋਲੰਬੀਆ ਦੇ ਸਰੀ ਸ਼ਹਿਰ 'ਚ 18 ਜੂਨ ਨੂੰ ਹੋਈ ਸਿੱਖ ਵੱਖਵਾਦੀ ਆਗੂ ਹਰਦੀਪ ਸਿੰਘ ਨਿੱਝਰ ਦੀ ਹੱਤਿਆ 'ਚ ਭਾਰਤੀ ਏਜੰਟ ਦੀ 'ਸੰਭਵ' ਸ਼ਮੂਲੀਅਤ ਦੇ ਦੋਸ਼ ਲਾਏ ਸਨ। ਉਦੋਂ ਤੋਂ ਲੈ ਕੇ ਹੁਣ ਤੱਕ ਭਾਰਤ ਅਤੇ ਕੈਨੇਡਾ ਦੇ ਰਿਸ਼ਤੇ ਬੇਹੱਦ ਤਣਾਅਪੂਰਨ ਦੌਰ 'ਚੋਂ ਲੰਘ ਰਹੇ ਹਨ। ਭਾਰਤ ਪਹਿਲਾਂ ਹੀ ਟਰੂਡੋ ਦੇ ਦੋਸ਼ਾਂ ਨੂੰ 'ਬੇਹੂਦਾ' ਅਤੇ 'ਬੇਬੁਨਿਆਦ' ਦੱਸ ਕੇ ਰੱਦ ਕਰ ਚੁੱਕਾ ਹੈ। ਜੈਸ਼ੰਕਰ ਨੇ ਕਿਹਾ ਕਿ ਪ੍ਰਗਟਾਵੇ ਦੀ ਆਜ਼ਾਦੀ ਇੱਕ ਖਾਸ ਜ਼ਿੰਮੇਵਾਰੀ ਨਾਲ ਆਉਂਦੀ ਹੈ ਅਤੇ ਉਨ੍ਹਾਂ ਆਜ਼ਾਦੀਆਂ ਦੀ ਦੁਰਵਰਤੋਂ ਗਲਤ ਹੈ। ਸਿਆਸੀ ਮੰਤਵਾਂ ਲਈ ਇਨ੍ਹਾਂ ਦੀ ਦੁਰਵਰਤੋਂ ਨੂੰ ਬਰਦਾਸ਼ਤ ਕਰਨਾ ਬਹੁਤ ਗਲਤ ਹੋਵੇਗਾ। ਉਨ੍ਹਾਂ ਕੈਨੇਡਾ 'ਚ ਭਾਰਤੀ ਹਾਈ ਕਮਿਸ਼ਨ 'ਤੇ ਹਮਲੇ ਜਾਂ ਹਾਈ ਕਮਿਸ਼ਨ ਅਤੇ ਕੌਂਸਲੇਟ ਜਨਰਲ 'ਤੇ ਬੰਬ ਹਮਲਿਆਂ ਦਾ ਜ਼ਿਕਰ ਕੀਤਾ ਅਤੇ ਕਿਹਾ ਕਿ ਭਾਰਤੀ ਡਿਪਲੋਮੈਟਾਂ ਨੂੰ ਜਨਤਕ ਤੌਰ 'ਤੇ ਡਰਾਇਆ-ਧਮਕਾਇਆ ਗਿਆ, ਜਦਕਿ ਕੈਨੇਡੀਅਨ ਅਧਿਕਾਰੀਆਂ ਨੇ ਦੋਸ਼ੀਆਂ ਵਿਰੁੱਧ ਕੋਈ ਕਾਰਵਾਈ ਨਹੀਂ ਕੀਤੀ। The post ਨਿੱਝਰ ਹੱਤਿਆ ਮਾਮਲੇ 'ਚ ਭਾਰਤ ਨੇ ਕੈਨੇਡਾ ਤੋਂ ਮੰਗੇ ਸਬੂਤ appeared first on TV Punjab | Punjabi News Channel. Tags: canada india india-canada-conflict justin-trudeau london news s-jaishankar top-news world

ਵੈਨਕੂਵਰ ਦੇ ਰੈਸਟੋਰੈਂਟ 'ਚ ਪ੍ਰਦਰਸ਼ਨਕਾਰੀਆਂ ਨੇ ਟਰੂਡੋ ਨੂੰ ਪਾਇਆ ਘੇਰਾ Thursday 16 November 2023 08:25 PM UTC+00 | Tags: british-columbia canada hamas israel israel-hamas-war justin-trudeau news restaurant top-news trending-news vancouver Vancouver- ਇਜ਼ਰਾਈਲ-ਹਮਾਸ ਯੁੱਧ 'ਚ ਜੰਗਬੰਦੀ ਦੀ ਮੰਗ ਕਰਨ ਵਾਲੇ ਪ੍ਰਦਰਸ਼ਨਕਾਰੀਆਂ ਨੇ ਮੰਗਲਵਾਰ ਰਾਤੀਂ ਵੈਨਕੂਵਰ ਦੇ ਇੱਕ ਰੈਸਟੋਰੈਂਟ 'ਚ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੂੰ ਘੇਰ ਲਿਆ, ਜਿਸ ਤੋਂ ਬਾਅਦ ਉਨ੍ਹਾਂ ਦੀ ਸੁਰੱਖਿਆ 'ਚ 100 ਪੁਲਿਸ ਅਧਿਕਾਰੀ ਤਾਇਨਾਤ ਕੀਤੇ ਗਏ ਅਤੇ ਦੋ ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ। ਵੈਨਕੂਵਰ ਪੁਲਿਸ ਵਿਭਾਗ ਦੇ ਬੁਲਾਰੇ ਨੇ ਬੁੱਧਵਾਰ ਨੂੰ ਇੱਕ ਨਿਊਜ਼ ਕਾਨਫਰੰਸ 'ਚ ਕਿਹਾ ਕਿ ਪ੍ਰਦਰਸ਼ਨਕਾਰੀਆਂ ਦੀਆਂ ਕਾਰਵਾਈਆਂ ਅਤੇ ਟਰੂਡੋ ਦੇ ਚਾਈਨਾਟਾਊਨ ਦੇ ਰੈਸਟੋਰੈਂਟ ਤੋਂ ਬਾਹਰ ਜਾਣ ਦੀ ਲੋੜ ਕਾਰਨ ਭਾਰੀ ਪੁਲਿਸ ਫੋਰਸ ਨੂੰ ਮੌਕੇ 'ਤੇ ਪਹੁੰਚਣਾ ਪਿਆ। ਉਨ੍ਹਾਂ ਕਿਹਾ ਕਿ ਸਾਡਾ ਮੰਨਣਾ ਹੈ ਕਿ ਪ੍ਰਦਰਸ਼ਨਕਾਰੀਆਂ ਨੇ ਕੁਝ ਖਾਸ ਕਾਰਵਾਈਆਂ ਕੀਤੀਆਂ ਜੋ ਚਿੰਤਾਵਾਂ ਦਾ ਕਾਰਨ ਬਣੀਆਂ ਜਿਵੇਂ ਕਿ ਉਨ੍ਹਾਂ ਨੇ ਬੈਰਕੇਡ ਹਿਲਾ ਕੇ ਸੜਕ 'ਤੇ ਆਵਾਜਾਈ ਨੂੰ ਰੋਕ ਦਿੱਤਾ ਅਤੇ ਬਾਹਾਂ 'ਚ ਬਾਹਾਂ ਪਾ ਕੇ ਇੱਕ ਲੰਮੀ ਸਾਰੀ ਚੇਨ ਬਣਾ ਲਈ ਤਾਂ ਜੋ ਕੋਈ ਬਾਹਰ ਨਾ ਨਿਕਲ ਸਕੇ। ਐਡੀਸਨ ਨੇ ਕਿਹਾ ਕਿ ਪ੍ਰਦਰਸ਼ਨ ਆਯੋਜਿਤ ਕੀਤਾ ਗਿਆ ਸੀ ਪਰ ਪੁਲਿਸ ਨੂੰ ਇਸ ਬਾਰੇ ਪਹਿਲਾਂ ਤੋਂ ਪਤਾ ਨਹੀਂ ਸੀ। ਉਨ੍ਹਾਂ ਅੱਗੇ ਆਖਿਆ ਕਿ ਪ੍ਰਦਰਸ਼ਨ ਬਾਰੇ ਜਾਣਕਾਰੀ ਮਿਲਣ ਮਗਰੋਂ ਅਸੀਂ ਵਿਵਸਥਾ ਨੂੰ ਬਹਾਲ ਕਰਨ ਅਤੇ ਭੀੜ ਨੂੰ ਖਿੰਡਾਉਣ ਲਈ ਤੁਰੰਤ ਸ਼ਹਿਰ ਦੇ ਵੱਖ-ਵੱਖ ਹਿੱਸਿਆਂ 'ਚ ਲਗਭਗ 100 ਅਧਿਕਾਰੀਆਂ ਨੂੰ ਤਾਇਨਾਤ ਕੀਤਾ। ਐਡੀਸਨ ਨੇ ਕਿਹਾ ਕਿ ਅਜਿਹਾ ਕਰਨਾ ਇਸ ਲਈ ਵੀ ਜ਼ਰੂਰੀ ਸੀ, ਕਿਉਂਕਿ ਪ੍ਰਧਾਨ ਮੰਤਰੀ ਉਸ ਰੈਸਟੋਰੈਂਟ ਦੇ ਅੰਦਰ ਸਨ। ਸੋਸ਼ਲ ਮੀਡੀਆ 'ਤੇ ਪੋਸਟ ਕੀਤੀ ਗਈ ਵੀਡੀਓਜ਼ 'ਚ ਇਹ ਸਾਫ਼ ਪਤਾ ਲੱਗਦਾ ਹੈ ਕਿ ਰੈਸੋਟਰੈਂਟ ਦੇ ਬਾਹਰ ਪ੍ਰਦਰਸ਼ਨਕਾਰੀ 'ਫਲਸਤੀਨ ਆਜ਼ਾਦ ਹੋਵੇਗਾ' ਅਤੇ 'ਹੁਣ ਜੰਗਬੰਦੀ' ਦੇ ਨਾਅਰੇ ਲਗਾ ਰਹੇ ਸਨ। ਉਨ੍ਹਾਂ ਨੇ ਆਪਣੇ ਹੱਥਾਂ 'ਚ ਤਖ਼ਤੀਆਂ ਫੜੀਆਂ ਹੋਈਆਂ ਸਨ, ਜਿਨ੍ਹਾਂ 'ਤੇ 'ਨਸਲਕੁਸ਼ੀ ਨੂੰ ਫੰਡ ਦੇਣਾ ਬੰਦ ਕਰੋ' ਅਤੇ 'ਗਾਜ਼ਾ ਨੂੰ ਬਚਾਓ' ਲਿਖਿਆ ਹੋਇਆ ਸੀ। ਐਡੀਸਨ ਨੇ ਦੱਸਿਆ ਕਿ ਟੂਰਡੋ ਅਤੇ ਉਨ੍ਹਾਂ ਦੀ ਟੀਮ ਦੇ ਚਲੇ ਜਾਣ ਮਗਰੋਂ ਪੁਲਿਸ ਅਫ਼ਸਰਾਂ ਨੇ ਭੀੜ ਨੂੰ ਖਿੰਡਾਉਣ ਦੀ ਕੋਸ਼ਿਸ਼ ਕੀਤੀ ਅਤੇ ਇਸ ਦੌਰਾਨ ਦੋ ਗਿ੍ਰਫ਼ਤਾਰੀਆਂ ਵੀ ਹੋਈਆਂ। The post ਵੈਨਕੂਵਰ ਦੇ ਰੈਸਟੋਰੈਂਟ 'ਚ ਪ੍ਰਦਰਸ਼ਨਕਾਰੀਆਂ ਨੇ ਟਰੂਡੋ ਨੂੰ ਪਾਇਆ ਘੇਰਾ appeared first on TV Punjab | Punjabi News Channel. Tags: british-columbia canada hamas israel israel-hamas-war justin-trudeau news restaurant top-news trending-news vancouver

ਲਗਾਤਾਰ ਘਟਦੀ ਜਾ ਰਹੀ ਹੈ ਟਰੂਡੋ ਦੀ ਪ੍ਰਸਿੱਧੀ Thursday 16 November 2023 08:29 PM UTC+00 | Tags: canada conservatives elections-leger-poll justin-trudeau liberals news ottawa pierre-poilievre top-news trending-news ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀ ਪ੍ਰਸਿੱਧੀ ਲਗਾਤਾਰ ਘਟਦੀ ਜਾ ਰਹੀ ਹੈ। ਇੱਕ ਨਵੇਂ ਸਰਵੇਖਣ ਮੁਤਾਬਕ ਲਗਭਗ ਤਿੰਨ 'ਚੋਂ ਦੋ ਕੈਨੇਡੀਅਨਾਂ ਦੀ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੇ ਬਾਰੇ 'ਚ ਧਾਰਨਾਵਾਂ ਠੀਕ ਨਹੀਂ ਹਨ। ਸਰਵੇ 'ਚ ਸ਼ਾਮਿਲ ਅੱਧੇ ਤੋਂ ਵੱਧ ਲੋਕ ਚਾਹੁੰਦੇ ਹਨ ਕਿ ਕੈਨੇਡੀਅਨ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਅਗਲੀਆਂ ਚੋਣਾਂ ਤੋਂ ਪਹਿਲਾਂ ਅਸਤੀਫ਼ਾ ਦੇ ਦੇਣ। ਉੱਥੇ ਹੀ ਕਈ ਲੋਕਾਂ ਦਾ ਮੰਨਣਾ ਹੈ ਕਿ ਟਰੂਡੋ ਦੀਆਂ ਨੀਤੀਆਂ ਅਤੇ ਜਨਤਕ ਕਰਜ਼ਾ ਉਨ੍ਹਾਂ ਕਾਰਨਾਂ ਦੀ ਚੋਟੀ 'ਤੇ ਹੈ, ਜਿਨ੍ਹਾਂ ਦੇ ਚੱਲਦਿਆਂ ਲੋਕ ਚਾਹੁੰਦੇ ਹਨ ਕਿ ਉਹ ਅਸਤੀਫ਼ਾ ਦੇ ਦੇਣ। ਸਰਵੇ 'ਚ ਕੁਝ ਲੋਕਾਂ ਦਾ ਮੰਨਣਾ ਹੈ ਕਿ ਟਰੂਡੋ ਸਿਰਫ਼ ਇਸ ਗੱਲ ਲਈ ਅਸਤੀਫ਼ਾ ਦੇ ਦੇਣ ਕਿ ਲੋਕ ਹੁਣ ਉਨ੍ਹਾਂ ਤੋਂ ਅੱਕ ਚੁੱਕੇ ਹਨ। 'ਦ ਕੈਨੇਡੀਅਨ ਪ੍ਰੈੱਸ' ਲਈ ਕੀਤੇ ਗਏ ਲੇਗਰ ਪੋਲ ਤੋਂ ਪਤਾ ਲੱਗਦਾ ਹੈ ਕਿ ਮਹਿੰਗਾਈ ਤੋਂ ਲੈ ਕੇ ਸਿਹਤ ਦੇਖਭਾਲ, ਸਰਕਾਰੀ ਖ਼ਰਚ ਅਤੇ ਜਲਵਾਯੂ ਤਬਦੀਲੀ ਤੱਕ ਹਰ ਚੀਜ਼ 'ਤੇ ਲਿਬਰਲ ਸਰਕਾਰ ਪ੍ਰਤੀ ਲੋਕਾਂ 'ਚ ਵਿਆਪਕ ਅਸੰਤੁਸ਼ਟੀ ਹੈ। ਸਰਵੇਖਣ ਕੈਨੇਡਾ 'ਚ ਪਿਛਲੇ ਵੀਕਐਂਡ ਆਨਲਾਈਨ ਆਯੋਜਿਤ ਕੀਤਾ ਗਿਆ ਸੀ। ਇਸ ਸਰਵੇ 'ਚ 1,612 ਲੋਕਾਂ ਨੇ ਆਪਣੀ ਪ੍ਰਤੀਕਿਰਿਆ ਦਿੱਤੀ ਸੀ। ਸਰਵੇ 'ਚ 30 ਫ਼ੀਸਦੀ ਲੋਕਾਂ ਨੇ ਕਿਹਾ ਕਿ ਟਰੂਡੋ ਉਹ ਟਰੂਡੋ ਸਰਕਾਰ ਤੋਂ ਸੰਤੁਸ਼ਟ ਹਨ, ਜਦੋਂਕਿ 63 ਫ਼ੀਸਦੀ ਲੋਕਾਂ ਨੇ ਕਿਹਾ ਉਹ ਅਸੰਤੁਸ਼ਟ ਹਨ। ਕਿਊਬਕ 'ਚ 34 ਫ਼ੀਸਦੀ ਰਿਸਪਾਂਡਰਾਂ ਨੇ ਕਿਹਾ ਕਿ ਉਹ ਸਰਕਾਰ ਤੋਂ ਸੰਤੁਸ਼ਟ ਹਨ, ਜਦਕਿ 61 ਫ਼ੀਸਦੀ ਅਸੰਤੁਸ਼ਟ ਸਨ। ਇਸ ਸਾਲ ਸਤੰਬਰ ਮਹੀਨੇ ਹੋਏ ਸਰਵੇਖਣਾਂ ਤੋਂ ਪਤਾ ਲੱਗਦਾ ਹੈ ਕਿ ਜਦੋਂ ਚੋਣਾਂ ਹੋਣਗੀਆਂ ਤਾਂ ਟਰੂਡੋ ਸੱਤਾ ਤੋਂ ਲਾਂਭੇ ਹੋ ਜਾਣਗੇ। ਕੈਨੇਡਾ ਦੇ ਗਲੋਬਲ ਨਿਊਜ਼ 'ਚ ਪ੍ਰਕਾਸ਼ਿਤ Ipsos ਸਰਵੇ ਮੁਤਾਬਕ, ਜਵਾਬ ਦੇਣ ਵਾਲੇ 40 ਫ਼ੀਸਦੀ ਲੋਕਾਂ ਨੇ ਦਾ ਮੰਨਣਾ ਹੈ ਕਿ ਕੰਜ਼ਰਵੇਟਿਵ ਨੇਤਾ ਪਿਏਰੇ ਪੌਲੀਐਵ ਨੂੰ ਪ੍ਰਧਾਨ ਮੰਤਰੀ ਬਣਨਾ ਚਾਹੀਦਾ ਹੈ। ਉੱਥੇ ਹੀ ਇਸ ਸੂਚੀ 'ਚ ਟਰੂਡੋ ਦੂਜੇ ਨੰਬਰ 'ਤੇ ਹੈ। ਉਨ੍ਹਾਂ ਨੂੰ 31 ਫ਼ੀਸਦੀ ਲੋਕਾਂ ਨੇ ਪਸੰਦ ਕੀਤਾ ਹੈ। ਰਿਪੋਰਟ ਮੁਤਾਬਕ Ipsos ਦੇ ਸੀ. ਈ. ਓ. ਦਾ ਮੰਨਣਾ ਹੈ ਕਿ ਜੇਕਰ ਅੱਜ ਹੀ ਚੋਣਾਂ ਹੁੰਦੀਆਂ ਹਨ, ਤਾਂ ਕੰਜ਼ਰਵੇਟਿਵ ਸਰਕਾਰ ਬਣਾ ਸਕਦੇ ਹਨ। The post ਲਗਾਤਾਰ ਘਟਦੀ ਜਾ ਰਹੀ ਹੈ ਟਰੂਡੋ ਦੀ ਪ੍ਰਸਿੱਧੀ appeared first on TV Punjab | Punjabi News Channel. Tags: canada conservatives elections-leger-poll justin-trudeau liberals news ottawa pierre-poilievre top-news trending-news

ਭੋਜਨ ਦੀਆਂ ਕੀਮਤਾਂ 'ਚ ਸਥਿਰਤਾਂ ਲਈ ਗਰੋਸਰੀ ਸੈਕਟਰ 'ਚ ਵਧੇਰੇ ਮੁਕਾਬਲੇਬਾਜ਼ੀ ਦੀ ਲੋੜ- ਫਰੀਲੈਂਡ Thursday 16 November 2023 08:32 PM UTC+00 | Tags: canada chrystia-freeland grocery grocery-prices high-prices inflation justin-trudeau news ottawa top-news trending-news Ottawa- ਵਿੱਤ ਮੰਤਰੀ ਕ੍ਰਿਸਟੀਆ ਫਰੀਲੈਂਡ ਦਾ ਕਹਿਣਾ ਹੈ ਕਿ ਕੈਨੇਡਾ ਦੇ ਕਰਿਆਨੇ ਦੇ ਖੇਤਰ 'ਚ ਵਧੇਰੇ ਮੁਕਾਬਲੇ ਦੀ ਲੋੜ ਹੈ, ਕਿਉਂਕਿ ਉਪਭੋਗਤਾ ਜੀਵਨ ਦੀ ਵਧਦੀ ਲਾਗਤ ਨਾਲ ਜੂਝ ਰਹੇ ਹਨ। ਕਿਊਬਕ ਦੇ ਮੈਸਕੂਚੇ 'ਚ ਇੱਕ ਪ੍ਰੈਸ ਕਾਨਫਰੰਸ 'ਚ ਬੋਲਦਿਆਂ, ਫਰੀਲੈਂਡ ਨੇ ਕਿਹਾ ਕਿ ਕੀਮਤਾਂ ਨੂੰ ਸਥਿਰ ਕਰਨ 'ਚ ਮਦਦ ਕਰਨ ਲਈ ਕੈਨੇਡੀਅਨ ਪ੍ਰਤੀਯੋਗਤਾ ਕਾਨੂੰਨ 'ਚ ਵੱਡੇ ਬਦਲਾਅ ਦੀ ਲੋੜ ਹੈ। ਉਨ੍ਹਾਂ ਦੀਆਂ ਟਿੱਪਣੀਆਂ ਦੇਸ਼ ਦੇ ਦੋ ਪ੍ਰਮੁੱਖ ਕਰਿਆਨਾ ਵਿਕਰੇਤਾਵਾਂ ਵਲੋਂ ਹਾਲੀਆ ਤਿਮਾਹੀ 'ਚ ਉੱਚ ਮੁਨਾਫ਼ੇ ਅਤੇ ਵਿਕਰੀ ਦੀ ਰਿਪੋਰਟ ਦੇ ਬਾਅਦ ਆਈਆਂ ਹਨ। ਲੋਬਲਾ ਅਤੇ ਮੈਟਰੋ ਨੇ ਕਿਹਾ ਕਿ ਜਿਵੇਂ-ਜਿਵੇਂ ਕੈਨੇਡੀਅਨ ਵੱਧ ਤੋਂ ਵੱਧ ਪੈਸੇ ਬਚਾਉਣ ਦੀ ਕੋਸ਼ਿਸ਼ ਕਰਦੇ ਹਨ, ਉਹ ਸਟੋਰਾਂ ਨੂੰ ਡਿਸਕਾਊਂਟ ਵਾਲੇ ਬੈਨਰਾਂ 'ਚ ਬਦਲ ਰਹੇ ਹਨ ਅਤੇ ਪ੍ਰਾਈਵੇਟ-ਲੇਬਲ ਬ੍ਰਾਂਡਾਂ 'ਚ ਵਿਕਰੀ 'ਚ ਉੱਚ ਵਾਧਾ ਦੇਖ ਰਹੇ ਹਨ। ਇਸ ਗਿਰਾਵਟ 'ਚ, ਫੈਡਰਲ ਸਰਕਾਰ ਨੇ ਭੋਜਨ ਦੀਆਂ ਕੀਮਤਾਂ ਨੂੰ ਸਥਿਰ ਕਰਨ ਲਈ ਪ੍ਰਮੁੱਖ ਕਰਿਆਨਾ ਵਿਕਰੇਤਾਵਾਂ ਨੂੰ ਓਟਾਵਾ ਵਿਖੇ ਸੱਦਿਆ ਸੀ। ਪਿਛਲੇ ਮਹੀਨੇ, ਉਦਯੋਗ ਮੰਤਰੀ ਫਰੈਂਕੋਇਸ-ਫਿਲਿਪ ਸ਼ੈਂਪੇਨ ਨੇ ਘੋਸ਼ਣਾ ਕੀਤੀ ਕਿ ਲੋਬਲਾ, ਮੈਟਰੋ, ਐਮਪਾਇਰ, ਵਾਲਮਾਰਟ ਅਤੇ ਕੋਟਕੋ ਨੇ ਆਪਣੀਆਂ ਯੋਜਨਾਵਾਂ ਪੇਸ਼ ਕੀਤੀਆਂ ਹਨ, ਜਿਸ 'ਚ ਛੋਟ ਅਤੇ ਕੀਮਤ ਫਰੀਜ਼ ਕਰਨਾ ਸ਼ਾਮਿਲ ਸਨ। The post ਭੋਜਨ ਦੀਆਂ ਕੀਮਤਾਂ 'ਚ ਸਥਿਰਤਾਂ ਲਈ ਗਰੋਸਰੀ ਸੈਕਟਰ 'ਚ ਵਧੇਰੇ ਮੁਕਾਬਲੇਬਾਜ਼ੀ ਦੀ ਲੋੜ- ਫਰੀਲੈਂਡ appeared first on TV Punjab | Punjabi News Channel. Tags: canada chrystia-freeland grocery grocery-prices high-prices inflation justin-trudeau news ottawa top-news trending-news

ਏਸ਼ੀਆ-ਪ੍ਰਸ਼ਾਂਤ ਆਰਥਿਕ ਸਹਿਯੋਗ ਸੰਮੇਲਨ 'ਚ ਸ਼ਾਮਿਲ ਹੋਣ ਲਈ ਸਾਨ ਫਰਾਂਸਿਸਕੋ ਪਹੁੰਚੇ ਟਰੂਡੋ Thursday 16 November 2023 08:36 PM UTC+00 | Tags: asia-pacific-economic-cooperation-summit california. canada gavin-newsom joe-biden justin-trudeau news san-francisco top-news trending-news usa San Francisco- ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਏਸ਼ੀਆ-ਪ੍ਰਸ਼ਾਂਤ ਆਰਥਿਕ ਸਹਿਯੋਗ ਸੰਮੇਲਨ 'ਚ ਸ਼ਾਮਿਲ ਹੋਣ ਲਈ ਬੁੱਧਵਾਰ ਨੂੰ ਅਮਰੀਕਾ ਦੇ ਸਾਨ ਫਰਾਂਸਿਸਕੋ ਸ਼ਹਿਰ 'ਚ ਪਹੁੰਚੇ। ਸਰਕਾਰ ਦਾ ਨਵਾਂ ਐਕਵਾਇਰ ਕੀਤਾ ਏਅਰਬੱਸ ਸੀਸੀ-330 ਜਦੋਂ ਸਾਨ ਫਰਾਂਸਿਸਕੋ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ ਰੁਕਿਆ ਤਾਂ ਉੱਥੇ ਅਮਰੀਕਾ 'ਚ ਕੈਨੇਡਾ ਦੇ ਰਾਜਦੂਤ, ਕਰਸਟਨ ਹਿਲਮੈਨ, ਦੀ ਅਗਵਾਈ 'ਚ ਰਾਜਦੂਤਾਂ ਦੇ ਇੱਕ ਸਮੂਹ ਵਲੋਂ ਉਨ੍ਹਾਂ ਦਾ ਸਵਾਗਤ ਕੀਤਾ ਗਿਆ। ਸਾਨ ਫਰਾਂਸਿਸਕੋ ਪਹੁੰਚ ਕੇ ਟਰੂਡੋ ਵਲੋਂ ਸਭ ਤੋਂ ਪਹਿਲਾਂ ਕੈਲੀਫੋਰਨੀਆ ਦੇ ਗਵਰਨਰ ਗੇਵਿਨ ਨਿਊਜ਼ਮ ਨਾਲ ਦੁਵੱਲੀ ਬੈਠਕ ਕੀਤੀ ਗਈ, ਜਿਸ ਦੇ ਜਲਵਾਯੂ ਤਬਦੀਲੀ ਬਾਰੇ ਵਿਚਾਰ-ਵਟਾਂਦਰਾ ਕੀਤਾ ਗਿਆ। ਇਸ ਦੌਰਾਨ ਟਰੂਡੋ ਨੇ ਆਪਣੇ ਪੁਰਾਣੇ ਦੋਸਤ ਨੂੰ ਕਿਹਾ, ''ਮੈਨੂੰ ਲਗਦਾ ਹੈ ਕਿ ਤੁਸੀਂ ਮੈਨੂੰ ਪਿਛਲੀ ਵਾਰ ਇਹ ਜੁਰਾਬਾਂ ਦਿੱਤੀਆਂ ਸਨ।'' ਗੋਲਡਨ ਗੇਟ ਬ੍ਰਿਜ ਦੀ ਕਢਾਈ ਵਾਲੀ ਤਸਵੀਰ ਵਾਲੀਆਂ ਜ਼ੁਰਾਬਾਂ, ਜੋ ਕਿ ਟਰੂਡੋ ਨੇ ਗਿੱਟਿਆਂ ਤੱਕ ਪਹਿਨੀਆਂ ਹੋਈਆਂ ਸਨ, ਵੱਲ ਇਸ਼ਾਰਾ ਕਰਦਿਆਂ ਟਰੂਡੋ ਨੇ ਇਹ ਗੱਲ ਆਖੀ। ਇਹ ਸੁਣ ਕੇ ਨਿਊਜ਼ਮ ਨੇ ਹੈਰਾਨੀ ਨਾਲ ਪੁੱਛਿਆ, '''ਤੁਸੀਂ ਅਜੇ ਵੀ ਉਹ ਜ਼ੁਰਾਬਾਂ ਵਰਤ ਰਹੇ ਹੋ।'' ਨਿਊਜ਼ਮ ਨੇ ਟਰੂਡੋ ਦੇ ਕੈਨੇਡੀਅਨ ਸਮਾਜ ਦੇ ਵਰਣਨ ਨੂੰ 'ਬਹੁਲਵਾਦੀ' ਵਜੋਂ ਦਰਸਾਇਆ, ਇੱਕ ਮਿਆਰ ਜਿਸ ਬਾਰੇ ਉਸਨੇ ਕਿਹਾ ਕਿ ਉਹ ਲੰਬੇ ਸਮੇਂ ਤੋਂ ਗੋਲਡਨ ਸਟੇਟ 'ਚ ਰਹਿਣ ਦੀ ਇੱਛਾ ਰੱਖਦਾ ਹੈ। ਇਸ ਮੌਕੇ ਉਨ੍ਹਾਂ ਨੇ ਪਿਛਲੀਆਂ ਗਰਮੀਆਂ ਲਾਸ ਏਂਜਲਸ ਵਿਖੇ ਦੋਹਾਂ ਨੇਤਾਵਾਂ ਵਲੋਂ ਹਸਤਾਖਰ ਕੀਤੇ ਸਮਝੌਤੇ ਦੇ ਇੱਕ ਮੈਮੋਰੰਡਮ ਦਾ ਹਵਾਲਾ ਦਿੱਤਾ, ਜਿਸ ਨੇ ਪਹਿਲਾਂ ਹੀ ਪੱਛਮੀ ਤੱਟ ਅਤੇ ਬ੍ਰਿਟਿਸ਼ ਕੋਲੰਬੀਆ 'ਚ ਇਲੈਕਟ੍ਰਿਕ-ਵਹੀਕਲ ਚਾਰਜਿੰਗ ਸਟੇਸ਼ਨਾਂ ਦੇ ਇੱਕ ਵਧਦੇ ਨੈੱਟਵਰਕ 'ਤੇ ਕੰਮ ਸ਼ੁਰੂ ਕਰ ਦਿੱਤਾ ਹੈ। ਟਰੂਡੋ ਨੇ ਬਾਅਦ ਵਿੱਚ ਇੱਕ ਵਿਸ਼ਾਲ ਉਤਪਾਦ ਵੰਡ ਕੇਂਦਰ ਦਾ ਦੌਰਾ ਕੀਤਾ, ਜਿੱਥੇ ਉਨ੍ਹਾਂ ਨੇ ਸਿੱਖਿਅਕਾਂ, ਸਰਕਾਰੀ ਅਧਿਕਾਰੀਆਂ ਅਤੇ ਤਕਨੀਕੀ ਤੇ ਐਗਰੀ-ਫੂਡ ਦੇ ਨੇਤਾਵਾਂ ਨਾਲ ਮੁਲਾਤਾਕ ਕੀਤੀ ਅਤੇ ਕਿਫਾਇਤੀ ਸੰਕਟ ਦਾ ਸਾਹਮਣਾ ਕਰਨ ਦੇ ਤਰੀਕਿਆਂ ਬਾਰੇ ਗੱਲਬਾਤ ਕੀਤੀ। ਟਰੂਡੋ ਨੇ ਮਹਿੰਗਾਈ ਤੇ ਉੱਚ ਵਿਆਜ ਦਰਾਂ, ਮਕਾਨਾਂ ਦੀ ਘਾਟ ਅਤੇ ਜਲਵਾਯੂ ਤਬਦੀਲੀ ਅਤੇ ਗਲੋਬਲ ਟਕਰਾਅ ਦੇ ਵਧ ਰਹੇ ਖ਼ਤਰਿਆਂ ਦਾ ਹਵਾਲਾ ਦਿੰਦੇ ਹੋਏ ਕਿਹਾ ਕਿ ਲੋਕਾਂ ਨੂੰ ਇਸ ਸਮੇਂ ਵੱਖ-ਵੱਖ ਪੱਧਰਾਂ 'ਤੇ ਚੁਣੌਤੀਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਟਰੂਡੋ ਅਤੇ ਉਨ੍ਹਾਂ ਦੇ ਬਾਕੀ ਡੈਲੀਗੇਸ਼ਨ, ਜਿਨ੍ਹਾਂ 'ਚ ਕੌਮਾਂਤਰੀ ਵਪਾਰ ਮੰਤਰੀ ਮੈਰੀ ਐਨਜੀ ਅਤੇ ਵਿਦੇਸ਼ੀ ਮਾਮਲਿਆਂ ਦੀ ਮੰਤਰੀ ਮੇਲਾਨੀ ਜੋਲੀ ਸ਼ਾਮਲ ਸਨ, ਬਾਅਦ 'ਚ ਅਮਰੀਕੀ ਰਾਸ਼ਟਰਪਤੀ ਜੋ ਬਿਡੇਨ ਵਲੋਂ ਆਯੋਜਿਤ ਇੱਕ ਏ. ਪੀ. ਈ. ਸੀ. ਰਿਸੈਪਸ਼ਨ 'ਚ ਸ਼ਾਮਲ ਹੋਏ। The post ਏਸ਼ੀਆ-ਪ੍ਰਸ਼ਾਂਤ ਆਰਥਿਕ ਸਹਿਯੋਗ ਸੰਮੇਲਨ 'ਚ ਸ਼ਾਮਿਲ ਹੋਣ ਲਈ ਸਾਨ ਫਰਾਂਸਿਸਕੋ ਪਹੁੰਚੇ ਟਰੂਡੋ appeared first on TV Punjab | Punjabi News Channel. Tags: asia-pacific-economic-cooperation-summit california. canada gavin-newsom joe-biden justin-trudeau news san-francisco top-news trending-news usa

ਵਪਾਰਕ ਗੱਲਬਾਤ ਸ਼ੁਰੂ ਕਰਨ ਦੀ ਬਜਾਏ ਨਿੱਝਰ ਹੱਤਿਆਕਾਂਡ ਦੀ ਜਾਂਚ 'ਚ ਸਹਿਯੋਗ ਕਰੇ ਭਾਰਤ- ਵਪਾਰ ਮੰਤਰੀ ਐਨਜੀ Thursday 16 November 2023 08:40 PM UTC+00 | Tags: canada canada-india-conflict india justin-trudeau mary-ng news san-francisco top-news trade trending-news world San Francisco- ਵਪਾਰ ਮੰਤਰੀ ਮੈਰੀ ਐਨਜੀ ਨੇ ਬੁੱਧਵਾਰ ਨੂੰ ਕਿਹਾ ਕਿ ਕੈਨੇਡਾ ਭਾਰਤ ਨਾਲ ਉਦੋਂ ਤੱਕ ਵਪਾਰਕ ਗੱਲਬਾਤ ਮੁੜ ਸ਼ੁਰੂ ਨਹੀਂ ਕਰੇਗਾ ਜਦੋਂ ਤੱਕ ਨਰਿੰਦਰ ਮੋਦੀ ਦੀ ਸਰਕਾਰ ਸਿੱਖ ਵੱਖਵਾਦੀ ਆਗੂ ਹਰਦੀਪ ਸਿੰਘ ਨਿੱਝਰ ਦੇ ਕਤਲ ਦੀ ਜਾਂਚ 'ਚ ਸਹਿਯੋਗ ਨਹੀਂ ਕਰਦੀ। ਸਾਨ ਫਰਾਂਸਿਸਕੋ 'ਚ ਏਸ਼ੀਆ-ਪ੍ਰਸ਼ਾਂਤ ਆਰਥਿਕ ਸਹਿਯੋਗ ਸੰਮੇਲਨ 'ਚ ਮੀਡੀਆ ਬ੍ਰੀਫਿੰਗ ਦੌਰਾਨ ਜਦੋਂ ਇੱਕ ਰਿਪੋਰਟਰ ਨੇ ਐਨਜੀ ਨੂੰ ਪੁੱਛਿਆ ਕਿ ਕੀ ਦੋਹਾਂ ਦੇਸ਼ਾਂ ਵਿਚਕਾਰ ਵਪਾਰਕ ਗੱਲਬਾਤ ਮੁੜ ਸ਼ੁਰੂ ਕਰਨ ਦਾ ਕੋਈ ਰਸਤਾ ਹੈ? ਜਵਾਬ 'ਚ ਮੰਤਰੀ ਨੇ ਕਿਹਾ, ''ਇਸ ਸਮੇਂ, ਕੈਨੇਡਾ ਦਾ ਧਿਆਨ ਜਾਂਚ ਦੇ ਕੰਮ ਨੂੰ ਅੱਗੇ ਵਧਾਉਣਾ ਹੈ।'' ਉਨ੍ਹਾਂ ਅੱਗੇ ਆਖਿਆ, ''ਤੁਸੀਂ ਮੈਨੂੰ ਅਤੇ ਸਰਕਾਰ ਨੂੰ ਇਸ ਬਾਰੇ ਗੱਲ ਕਰਦੇ ਸੁਣਿਆ ਹੈ ਕਿ ਜਾਂਚ ਕਿੰਨੀ ਮਹੱਤਵਪੂਰਨ ਹੈ, ਕੈਨੇਡੀਅਨ ਧਰਤੀ 'ਤੇ ਸਾਡੇ ਇੱਕ ਕੈਨੇਡੀਅਨ ਦੀ ਹੱਤਿਆ ਕਰ ਦਿੱਤੀ ਗਈ ਸੀ। ਇਸ ਲਈ ਅਸੀਂ ਅਜਿਹਾ ਹੋਣ ਦੇਵਾਂਗੇ।'' ਐਨਜੀ ਨੇ ਕਿਹਾ ਕਿ ਕੈਨੇਡੀਅਨ ਕਾਰੋਬਾਰ ਭਾਰਤ 'ਚ ਵਪਾਰ ਕਰਨਾ ਜਾਰੀ ਰੱਖਣਗੇ ਅਤੇ ਵਪਾਰ ਮੰਤਰੀ ਵਜੋਂ ਉਨ੍ਹਾਂ ਦਾ ਕੰਮ ਇਹ ਯਕੀਨੀ ਬਣਾਉਣਾ ਹੈ ਕਿ ਉਨ੍ਹਾਂ ਕੋਲ ਲੋੜੀਂਦੇ ਸਮਰਥਨ ਅਤੇ ਸਾਧਨ ਹਨ। ਜਦੋਂ ਉਨ੍ਹਾਂ ਨੂੰ ਇਹ ਸਪੱਸ਼ਟ ਕਰਨ ਲਈ ਕਿਹਾ ਗਿਆ ਕਿ ਕੀ ਉਹ ਇਸ ਜਾਂਚ 'ਤੇ ਸਹਿਯੋਗ ਦੀ ਲੋੜ ਅਤੇ ਵਪਾਰਕ ਗੱਲਬਾਤ ਦੀ ਦੀ ਬਹਾਲੀ ਵਿਚਾਲੇ ਸਿੱਧਾ ਸਬੰਧ ਬਣਾ ਰਹੇ ਹਨ, ਤਾਂ ਐਨਜੀ ਨੇ ਜਵਾਬ 'ਚ ਨਹੀਂ ਕਿਹਾ। ਉਨ੍ਹਾਂ ਆਖਿਆ, ''ਬੇਸ਼ੱਕ ਸਾਡਾ ਧਿਆਨ ਇਸ ਜਾਂਚ 'ਤੇ ਹੈ, ਇਹ ਕੰਮ ਹੋਣਾ ਹੈ।'' The post ਵਪਾਰਕ ਗੱਲਬਾਤ ਸ਼ੁਰੂ ਕਰਨ ਦੀ ਬਜਾਏ ਨਿੱਝਰ ਹੱਤਿਆਕਾਂਡ ਦੀ ਜਾਂਚ 'ਚ ਸਹਿਯੋਗ ਕਰੇ ਭਾਰਤ- ਵਪਾਰ ਮੰਤਰੀ ਐਨਜੀ appeared first on TV Punjab | Punjabi News Channel. Tags: canada canada-india-conflict india justin-trudeau mary-ng news san-francisco top-news trade trending-news world

You received this email because you set up a subscription at Feedrabbit. This email was sent to you at dailypostin10@gmail.com. Unsubscribe or change your subscription.