TV Punjab | Punjabi News Channel: Digest for August 19, 2023

TV Punjab | Punjabi News Channel Punjabi News, Punjabi TV

Table of Contents ਨਿਊਯਾਰਕ 'ਚ ਟਿਕਟਾਕ 'ਤੇ ਲੱਗੀ ਪਾਬੰਦੀ ਟਰੰਪ ਨੂੰ ਜ਼ਹਿਰੀਲੀਆਂ ਚਿੱਠੀਆਂ ਭੇਜਣ ਵਾਲੀ ਕੈਨੇਡੀਅਨ ਔਰਤ ਨੂੰ ਹੋਈ 262 ਮਹੀਨਿਆਂ ਦੀ ਸਜ਼ਾ ਕੈਲੀਫੋਰਨੀਆ 'ਚ ਭਾਰੀ ਮੀਂਹ ਅਤੇ ਹੜ੍ਹ ਲਿਆ ਸਕਦਾ ਹੈ ਹਰੀਕੇਨ ਹਿਲੇਰੀ ਉਡਾਣ ਭਰਦਿਆਂ ਹੀ 'ਹਵਾ' 'ਚ ਰੁਕੇ ਪਾਇਲਟ ਦੇ ਸਾਹ, ਜਾਣੋ ਕਿੰਝ ਬਚੀ 271 ਯਾਤਰੀਆਂ ਦੀ ਜਾਨ Maui wildfires : ਮਰਨ ਵਾਲਿਆਂ ਦੀ ਗਿਣਤੀ ਵੱਧ ਕੇ ਹੋਈ 111, 1000 ਤੋਂ ਵੱਧ ਲੋਕ ਅਜੇ ਵੀ ਲਾਪਤਾ ਆਪਣੀ ਜੀਵਨ ਲੀਲਾ ਸਮਾਪਤ ਕਰਨ ਤੋਂ ਪਹਿਲਾਂ ਵਿਅਕਤੀ ਨੇ ਪਤਨੀ ਅਤੇ ਤਿੰਨ ਬੱਚਿਆਂ ਦੀ ਗੋਲੀਆਂ ਮਾਰ ਕੇ ਕੀਤੀ ਹੱਤਿਆ ਅਮਰੀਕਾ ਦੇ ਸਕੂਲ 'ਚ ਹੋਈ ਛੁਰੇਬਾਜ਼ੀ 'ਚ ਦੋ ਵਿਦਿਆਰਥੀ ਜ਼ਖ਼ਮੀ ਨਾਸ਼ਤੇ 'ਚ ਗਲਤੀ ਨਾਲ ਵੀ ਨਾ ਖਾਓ ਇਹ 5 ਚੀਜ਼ਾਂ, ਕੈਂਸਰ ਹੋਣ ਦਾ ਖਤਰਾ ਵੱਧ ਜਾਵੇਗਾ ਕਈ ਗੁਣਾ Happy Birthday Daler Mehndi: 11 ਸਾਲ ਦੀ ਉਮਰ 'ਚ ਛੱਡਿਆ ਘਰ, ਬਿੱਗ ਬੀ ਦੀ ਇੱਕ ਕਾਲ ਨਾਲ ਬਦਲ ਗਈ ਕਿਸਮਤ ਬਹੁਤ ਕਰਾਮਾਤੀ ਹੈ ਇਸ ਰੁੱਖ ਦੀ ਸੱਕ, ਡਾਇਬਟੀਜ਼ ਅਤੇ ਹੱਡੀਆਂ ਲਈ ਹੈ ਵਰਦਾਨ, ਰੋਜ਼ਾਨਾ ਕਰੋ ਇਸ ਦਾ ਸੇਵਨ, ਤੁਹਾਨੂੰ ਮਿਲਣਗੇ 5 ਚਮਤਕਾਰੀ ਫਾਇਦੇ ਆਈਫੋਨ ਚਾਰਜਿੰਗ ਲਾ ਕੇ ਸੌਂ ਜਾਂਦੇ ਹੋ ਕੋਲ… ਤਾਂ ਹੋ ਜਾਵੋ ਸਾਵਧਾਨ! ਐਪਲ ਨੇ ਯੂਜ਼ਰਸ ਨੂੰ ਦਿੱਤੀ ਹੈ ਗੰਭੀਰ ਚਿਤਾਵਨੀ ਹਾਈਵੇ 'ਤੇ ਐਮਰਜੈਂਸੀ ਲੈਡਿੰਗ ਕਰਨ ਵੇਲੇ ਕਾਰ ਨਾਲ ਟਕਰਾਇਆ ਜੈੱਟ, 10 ਦੀ ਮੌ.ਤ ਨਾਬਾਲਗ ਧੀਆਂ ਨਾਲ ਬਲਾਤਕਾਰ ਬਲਾਤਕਾਰ ਕਰਨ ਵਾਲੇ ਸ਼ੈਤਾਨ ਪਿਤਾ ਨੂੰ 702 ਸਾਲ ਦੀ ਕੈਦ ਬ੍ਰੇਕੱਪ ਤੋਂ ਬਾਅਦ ਚੈਟ ਕੀਤੀ ਵਾਇਰਲ, ਕੁੜੀ ਨੇ ਪਿੰਡ ਸਾਹਮਨੇ ਕੀਤੀ ਛਿੱਤਰ ਪਰੇਡ ਮਾਨ ਦੀ ਕਲਾਸ 'ਤੇ ਮਜੀਠੀਆ ਦੀ ਚੁਟਕੀ, ਜ਼ਿੰਪਾ ਨੇ ਕੀਤਾ ਡੈਮੇਜ ਕੰਟਰੋਲ ਵਿਸ਼ਵ ਅਥਲੈਟਿਕਸ ਚੈਂਪੀਅਨਸ਼ਿਪ 'ਚ ਭਾਰਤ ਕਰਨਾ ਚਾਹੇਗਾ ਸੁਨਹਿਰੀ ਯੁੱਗ ਦੀ ਸ਼ੁਰੂਆਤ, ਨੀਰਜ ਚੋਪੜਾ ਕਰਨਗੇ ਅਗਵਾਈ ਰਾਹੁਲ ਅਤੇ ਅਈਅਰ ਫਿੱਟ ਨਹੀਂ ਹਨ ਤਾਂ ਇਹ ਖਿਡਾਰੀ ਹੋ ਸਕਦੇ ਹਨ ਮੱਧਕ੍ਰਮ ਵਿੱਚ ਸਭ ਤੋਂ ਵਧੀਆ ਵਿਕਲਪ ਟੁੱਟੀ ਹੋਈ ਸਕਰੀਨ ਵਾਲੇ ਸਮਾਰਟਫੋਨ ਦੀ ਵਰਤੋਂ ਅੱਜ ਹੀ ਕਰ ਦਿਓ ਬੰਦ, ਨਹੀਂ ਤਾਂ ਕੁਝ ਅਜਿਹਾ ਹੋ ਜਾਵੇਗਾ ਜਿਸ ਦੀ ਤੁਹਾਨੂੰ ਉਮੀਦ ਵੀ ਨਹੀਂ ਹੋਵੇਗੀ! ਇਹ ਹੈ ਹਨੂੰਮਾਨ ਜੀ ਦੀ ਦਰਗਾਹ ਜਿੱਥੇ ਸ਼ਰਧਾਲੂਆਂ ਦੀ ਹੁੰਦੀ ਹੈ ਆਮਦ, ਜਾਣੋ ਕਿਵੇਂ ਪਹੁੰਚਣਾ ਹੈ? ਰਾਜਸਥਾਨ ਨੂੰ ਪਾਣੀ ਦੇਣ ਸਮੇਤ ਸਾਰੇ ਸਮਝੌਤੇ ਰੱਦ ਕਰੇਗੀ ਅਕਾਲੀ ਸਰਕਾਰ: ਸੁਖਬੀਰ ਵਿਦਿਆਰਥੀਆਂ ਲਈ ਰਿਹਾਇਸ਼ੀ ਸੰਕਟ ਦੂਰ ਕਰਨ ਲਈ ਜਗਮੀਤ ਸਿੰਘ ਨੇ ਟੂਰਡੋ ਨੂੰ ਦਿੱਤੀ ਇਹ 'ਸਲਾਹ' ਯੈਲੋਨਾਈਫ਼ ਸ਼ਹਿਰ ਦੇ ਨੇੜੇ ਪਹੁੰਚੀ ਜੰਗਲੀ ਅੱਗ, ਵੱਡੀ ਗਿਣਤੀ 'ਚ ਲੋਕ ਘਰ ਛੱਡਣ ਲਈ ਹੋਏ ਮਜ਼ਬੂਰ ਕੇਲੋਨਾ ਦੇ ਜੰਗਲ 'ਚ ਲੱਗੀ ਭਿਆਨਕ ਅੱਗ, ਕਈ ਇਮਾਰਤਾਂ ਦੇ ਨੁਕਸਾਨੇ ਜਾਣ ਦੀ ਖ਼ਬਰ ਟੋਰਾਂਟੋ 'ਚ ਵੇਸਟਵਾਟਰ ਟਰੀਟਮੈਂਟ ਪਲਾਂਟ ਤੋਂ ਕਰੀਬ 100 ਫੁੱਟ ਹੇਠਾਂ ਡਿੱਗਿਆ ਕਰਮਚਾਰੀ, ਮੌਤ ਬਰੈਂਪਟਨ 'ਚ ਕਈ ਗੱਡੀਆਂ ਨੂੰ ਟੱਕਰ ਮਾਰਨ ਵਾਲੇ ਗੁਰਪ੍ਰੀਤ ਹੇਹਰ ਨੂੰ ਲੱਗੀਆਂ ਹੱਥਕੜੀਆਂ

ਨਿਊਯਾਰਕ 'ਚ ਟਿਕਟਾਕ 'ਤੇ ਲੱਗੀ ਪਾਬੰਦੀ Thursday 17 August 2023 09:31 PM UTC+00 | Tags: americans bytedance china news new-york tiktok top-news trending-news usa world New York – ਨਿਊਯਾਰਕ ਸ਼ਹਿਰ ਨੇ ਬੁੱਧਵਾਰ ਨੂੰ ਸੁਰੱਖਿਆ ਚਿੰਤਾਵਾਂ ਦੇ ਆਧਾਰ 'ਤੇ ਸਰਕਾਰੀ ਮਾਲਕੀਅਤ ਵਾਲੇ ਉਪਕਰਣਾਂ 'ਤੇ ਟਿਕਟਾਕ 'ਤੇ ਪਾਬੰਦੀ ਲਗਾ ਦਿੱਤੀ ਹੈ। ਇਸ ਦੇ ਚੱਲਦਿਆਂ ਕੁਝ ਪ੍ਰਸਿੱਧ ਟਿਕਟਾਕ ਖ਼ਾਤੇ ਖ਼ਤਮ ਹੋ ਗਏ। ਮੇਅਰ ਐਰਿਕ ਐਡਮਜ਼ ਦੇ ਬੁਲਾਰੇ ਜੋਨਾ ਐਲਨ ਨੇ ਇੱਕ ਬਿਆਨ 'ਚ ਦੱੱਸਿਆ ਸ਼ਹਿਰ ਦੇ ਸਾਈਬਰ ਕਮਾਂਡ ਨੇ ਨਿਸ਼ਚਿਤ ਕੀਤਾ ਹੈ ਕਿ ਐਪ ਸ਼ਹਿਰ ਦੇ ਤਕਨੀਕੀ ਨੈੱਟਵਰਕ ਲਈ ਸੁਰੱਖਿਆ ਖ਼ਤਰਾ ਪੈਦਾ ਕਰ ਸਕਦੀ ਹੈ। ਸ਼ਹਿਰ ਦੀਆਂ ਏਜੰਸੀਆਂ ਲਈ ਇਸ ਨੂੰ 30 ਦਿਨਾਂ ਦੇ ਅੰਦਰ ਹਟਾਉਣਾ ਲਾਜ਼ਮੀ ਹੋਵੇਗਾ ਅਤੇ ਕਰਮਚਾਰੀ ਸ਼ਹਿਰ ਦੀ ਮਾਲਕੀਅਤ ਵਾਲੇ ਉਪਕਰਣਾਂ ਅਤੇ ਨੈੱਟਵਰਕ ਤੋਂ ਟਿਕਟਾਕ ਅਤੇ ਇਸ ਦੀ ਵੈੱਬਸਾਈਟ ਤੱਕ ਪਹੁੰਚ ਗੁਆ ਦੇਣਗੇ। ਅਮਰੀਕਾ 'ਚ ਟਿਕਟਾਕ ਦੇ 15 ਕਰੋੜ ਤੋਂ ਵੱਧ ਯੂਜਰਜ਼ ਹਨ ਅਤੇ ਇਸ ਐਪ ਦੀ ਮਾਲਕੀਅਤ ਚੀਨੀ ਟੈੱਕ ਦਿੱਗਜ ਬਾਈਟਡਾਂਸ ਦੇ ਕੋਲ ਹੈ। ਉੱਧਰ ਟਿਕਟਾਕ ਦਾ ਇਸ ਬਾਰੇ 'ਚ ਕਹਿਣਾ ਹੈ ਕਿ ਉਨ੍ਹਾਂ ਨੇ ਅਮਰੀਕੀ ਯੂਜ਼ਰਾਂ ਦਾ ਕੋਈ ਵੀ ਡਾਟਾ ਚੀਨੀ ਸਰਕਾਰ ਨਾਲ ਸਾਂਝਾ ਨਹੀਂ ਕੀਤਾ ਹੈ ਅਤੇ ਨਾ ਹੀ ਉਹ ਕਰਨਗੇ। ਟਿਕਟਾਕ ਮੁਤਾਬਕ, ''ਅਸੀ ਟਿਕਟਾਕ ਯੂਜ਼ਰਾਂ ਦੀ ਗੁਪਤਤਾ ਅਤੇ ਸੁਰੱਖਿਆ ਦੀ ਰੱਖਿਆ ਲਈ ਲੋੜੀਂਦੇ ਉਪਾਅ ਕੀਤੇ ਹਨ।'' ਦੱਸ ਦਈਏ ਕਿ FBI ਦੇ ਨਿਰਦੇਸ਼ਕ ਕ੍ਰਿਸਟੋਫਰ ਰੇ ਅਤੇ CIA ਨਿਰਦੇਸ਼ਕ ਵਿਲੀਅਮਜ਼ ਬਰਨਜ਼ ਸਣੇ ਕਈ ਚੋਟੀ ਦੇ ਅਮਰੀਕੀ ਸੁਰੱਖਿਆ ਅਧਿਕਾਰੀ ਟਿਕਟਾਕ ਨੂੰ ਖ਼ਤਰਾ ਦੱਸ ਚੁੱਕੇ ਹਨ। ਕ੍ਰਿਸਟੋਫਰ ਨੇ ਕਿਹਾ ਕਿ ਚੀਨੀ ਸਰਕਾਰ ਲੱਖਾਂ ਉਪਕਰਣਾਂ 'ਤੇ ਸਾਫ਼ਟਵੇਅ ਨੂੰ ਕਾਬੂ ਕਰਨ ਅਤੇ ਅਮਰੀਕੀ 'ਚ ਫੁੱਟ ਪਾਉਣ ਲਈ ਕਹਾਣੀਆਂ ਚਲਾਉਣ ਲਈ ਟਿਕਟਾਕ ਦੀ ਵਰਤੋਂ ਕਰਦੀ ਹੈ। ਇੱਥੇ ਇਹ ਵੀ ਦੱਸਣਾ ਲਾਜ਼ਮੀ ਹੈ ਕਿ ਭਾਰਤ ਨੇ ਵੀ ਸੁਰੱਖਿਆ ਦਾ ਹਵਾਲਾ ਦਿੰਦਿਆਂ ਸਾਲ 2020 'ਚ ਟਿਕਟਾਕ 'ਤੇ ਬੈਨ ਲਗਾ ਦਿੱਤਾ ਸੀ। The post ਨਿਊਯਾਰਕ 'ਚ ਟਿਕਟਾਕ 'ਤੇ ਲੱਗੀ ਪਾਬੰਦੀ appeared first on TV Punjab | Punjabi News Channel. Tags: americans bytedance china news new-york tiktok top-news trending-news usa world

ਟਰੰਪ ਨੂੰ ਜ਼ਹਿਰੀਲੀਆਂ ਚਿੱਠੀਆਂ ਭੇਜਣ ਵਾਲੀ ਕੈਨੇਡੀਅਨ ਔਰਤ ਨੂੰ ਹੋਈ 262 ਮਹੀਨਿਆਂ ਦੀ ਸਜ਼ਾ Thursday 17 August 2023 10:05 PM UTC+00 | Tags: canada dabney-friedrich donald-trump fbi news pascale-ferrier top-news trending-news usa washington white-house world Washington- ਅਮਰੀਕਾ 'ਚ ਇੱਕ ਕੈਨੇਡੀਆਈ ਮਹਿਲਾ ਨੂੰ ਸਾਬਕਾ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੂੰ ਰਿਸਿਨ ਜ਼ਹਿਰ ਨਾਲ ਭਰੀਆਂ ਚਿੱਠੀਆਂ ਭੇਜਣ ਦੇ ਦੋਸ਼ 'ਚ 22 ਸਾਲ ਦੀ ਸਜ਼ਾ ਸੁਣਾਈ ਗਗਈ ਹੈ। ਉਕਤ ਔਰਤ ਵਲੋਂ ਟਰੰਪ ਨੂੰ ਇਹ ਚਿੱਠੀਆਂ ਉਦੋਂ ਭੇਜੀਆਂ ਗਈਆਂ ਸਨ, ਜਦੋਂ ਉਹ ਰਾਸ਼ਟਰਪਤੀ ਸਨ। ਪਾਸਕੇਲ ਫੇਰੀਅਰ (56) ਨਾਮੀ ਉਕਤ ਔਰਤ ਨੂੰ ਜੈਵਿਕ ਹਥਿਆਰਾਂ ਦੇ ਆਰੋਪਾਂ 'ਚ ਜਨਵਰੀ ਮਹੀਨੇ ਦੋਸ਼ੀ ਠਹਿਰਾਈ ਗਿਆ। ਟਰੰਪ ਨੂੰ ਸੰਬੋਧਿਤ ਘਾਤਕ ਲਿਫ਼ਾਫ਼ਾ ਡਿਲੀਵਰੀ ਤੋਂ ਪਹਿਲਾਂ ਸਤੰਬਰ 2020 'ਚ ਫੜਿਆ ਗਿਆ ਸੀ। ਫੇਰੀਅਰ ਨੇ ਅਦਾਲਤ ਨੂੰ ਦੱਸਿਆ ਕਿ ਉਸ ਨੂੰ ਦੁੱਖ ਹੈ ਕਿ ਉਸ ਦੀ ਯੋਜਨਾ ਅਸਫ਼ਲ ਹੋ ਗਈ ਅਤੇ ਉਹ ''ਟਰੰਪ ਨੂੰ ਨਹੀਂ ਰੋਕ ਸਕੀ।'' ਉਸ ਨੇ ਕਿਹਾ, ''ਮੈਂ ਆਪਣੇ ਉਦੇਸ਼ਾਂ ਨੂੰ ਪ੍ਰਾਪਤ ਕਰਨ ਲਈ ਸ਼ਾਂਤੀਪੂਰਨ ਸਾਧਨ ਲੱਭਣਾ ਚਾਹੁੰਦੀ ਹਾਂ।'' ਟਰੰਪ ਨੂੰ ਲਿਖੀ ਚਿੱਠੀ 'ਤੇ ਐਫ. ਬੀ. ਆਈ. ਨੂੰ ਉਸ ਦੀਆਂ ਉਂਗਲੀਆਂ ਦੇ ਨਿਸ਼ਾਨ ਮਿਲੇ ਸਨ, ਜਿਸ 'ਚ ਉਸ ਨੇ ਟਰੰਪ ਨੂੰ ਰਾਸ਼ਟਰਪਤੀ ਦੀ ਦੌੜ ਤੋਂ ਬਾਹਰ ਹੋਣ ਦੀ ਅਪੀਲ ਕੀਤੀ ਸੀ। ਐਫ. ਬੀ. ਆਈ. ਦੇ ਚਾਰਜਿੰਗ ਦਸਤਾਵੇਜ਼ਾਂ ਮੁਤਾਬਕ ਉਸਨੇ ਚਿੱਠੀ 'ਚ ਲਿਖਿਆ, ''ਮੈਂ ਤੁਹਾਡੇ ਲਈ ਇੱਕ ਨਵਾਂ ਨਾਂ ਲੱਭਿਆ ਹੈ : 'ਦ ਅਗਲੀ ਟਾਈਰੈਂਟ ਕਲਾਊਨ'। ਜ਼ਿਲ੍ਹਾ ਜੱਜ ਡੈਬਨੀ ਫਰੈਡਰਿਕ ਨੇ ਫੇਰੀਅਰ ਨੂੰ 262 ਮਹੀਨਿਆਂ ਦੀ ਸਜ਼ਾ ਸੁਣਾਈ ਹੈ, ਜਿਹੜੀ ਕਿ 22 ਸਾਲ ਤੋਂ ਥੋੜ੍ਹੀ ਘੱਟ ਹੈ। ਸਜ਼ਾ ਪੂਰੀ ਹੋਣ ਮਗਰੋਂ ਉਸ ਨੂੰ ਅਮਰੀਕਾ ਤੋਂ ਡਿਪੋਰਟ ਕਰ ਦਿੱਤਾ ਜਾਵੇਗਾ ਅਤੇ ਜੇਕਰ ਉਹ ਕਦੇ ਵਾਪਸ ਪਰਤੀ ਤਾਂ ਉਸ ਨੂੰ ਜੀਵਨ ਭਰ ਨਿਗਰਾਨੀ ਹੇਠ ਰਹਿਣਾ ਪਏਗਾ। ਜੱਜ ਫਰੈਡਰਿਕ ਨੇ ਫੇਰੀਅਰ ਨੂੰ ਕਿਹਾ ਕਿ ਉਸ ਦੀਆਂ ਹਰਕਤਾਂ ਸੰਭਾਵਿਤ ਤੌਰ 'ਤੇ ਘਾਤਕ ਅਤੇ ਸਮਾਜ ਲਈ ਹਾਨੀਕਾਰਕ ਸਨ। ਇੰਨਾ ਹੀ ਨਹੀਂ, ਫੇਰੀਅਰ ਨੇ ਇਹ ਗੱਲ ਵੀ ਮੰਨੀ ਹੈ ਕਿ ਉਸ ਨੇ ਟੈਕਸਾਸ 'ਚ ਕਾਨੂੰਨ ਲਾਗੂ ਕਰਨ ਵਾਲੇ ਅੱਠ ਅਧਿਕਾਰੀਆਂ ਨੂੰ ਵੀ ਇਸ ਤਰ੍ਹਾਂ ਦੀਆਂ ਚਿੱਠੀਆਂ ਭੇਜੀਆਂ ਹਨ। ਅਮਰੀਕਾ ਦੇ ਨਿਆਂ ਵਿਭਾਗ ਮੁਤਾਬਕ ਸਾਲ 2019 'ਚ ਉਸ ਨੂੰ ਗ਼ੈਰ-ਕਾਨੂੰਨੀ ਢੰਗ ਨਾਲ ਹਥਿਆਰ ਰੱਖਣ ਅਤੇ ਬਿਨਾਂ ਕਿਸੇ ਜਾਇਜ਼ ਲਾਈਸੈਂਸ ਦੇ ਡਰਾਈਵਿੰਗ ਕਰਨ ਲਈ ਲਗਭਗ 10 ਹਫ਼ਤਿਆਂ ਲਈ ਨਜ਼ਰਬੰਦ ਕਰ ਦਿੱਤਾ ਗਿਆ ਸੀ ਅਤੇ ਉਸ ਨੇ ਨਜ਼ਰਬੰਦੀ ਲਈ ਉਨ੍ਹਾਂ ਅਧਿਕਾਰੀਆਂ ਨੂੰ ਹੀ ਜ਼ਿੰਮੇਵਾਰ ਠਹਿਰਾਇਆ ਸੀ। ਫੇਰੀਅਰ, ਜਿਸ ਨੂੰ ਕਿ ਫਰਾਂਸ ਅਤੇ ਕੈਨੇਡਾ ਦੀ ਦੋਹਰੀ ਨਾਗਰਿਕਤਾ ਪ੍ਰਾਪਤ ਹੈ, ਨੂੰ ਸਤੰਬਰ 2020 'ਚ ਬਫੇਲੋ, ਨਿਊਯਾਰਕ 'ਚ ਸਰਹੱਦ ਪਾਰ ਕਰਦਿਆਂ ਗਿ੍ਰਫ਼ਤਾਰ ਕੀਤਾ ਗਿਆ ਸੀ। ਉਸ ਕੋਲ ਇੱਕ ਬੰਦੂਕ, ਚਾਕੂ ਅਤੇ ਗੋਲਾ ਬਾਰੂਦ ਸੀ। The post ਟਰੰਪ ਨੂੰ ਜ਼ਹਿਰੀਲੀਆਂ ਚਿੱਠੀਆਂ ਭੇਜਣ ਵਾਲੀ ਕੈਨੇਡੀਅਨ ਔਰਤ ਨੂੰ ਹੋਈ 262 ਮਹੀਨਿਆਂ ਦੀ ਸਜ਼ਾ appeared first on TV Punjab | Punjabi News Channel. Tags: canada dabney-friedrich donald-trump fbi news pascale-ferrier top-news trending-news usa washington white-house world

ਕੈਲੀਫੋਰਨੀਆ 'ਚ ਭਾਰੀ ਮੀਂਹ ਅਤੇ ਹੜ੍ਹ ਲਿਆ ਸਕਦਾ ਹੈ ਹਰੀਕੇਨ ਹਿਲੇਰੀ Thursday 17 August 2023 10:37 PM UTC+00 | Tags: hurricane-hilary news pacific-ocean rainfall top-news trending-news usa weather world ਕੈਲੀਫੋਰਨੀਆ- ਤੂਫ਼ਾਨ ਹਿਲੇਰੀ ਪ੍ਰਸ਼ਾਂਤ ਮਹਾਂਸਾਗਰ 'ਚ ਤੇਜ਼ੀ ਨਾਲ ਵੱਧ ਰਿਹਾ ਹੈ ਅਤੇ ਹਫ਼ਤੇ ਦੇ ਅੰਤ ਤੱਕ ਇਹ ਦੱਖਣੀ ਕੈਲੀਫੋਰਨੀਆ ਅਤੇ ਨੇਵਾਡਾ 'ਚ ਭਾਰੀ ਮੀਂਹ ਅਤੇ ਹੜ੍ਹ ਲਿਆ ਸਕਦਾ ਹੈ। ਨੈਸ਼ਨਲ ਹਰੀਕੇਨ ਸੈਂਟਰ ਮੁਤਾਬਕ ਤੂਫ਼ਾਨ ਸੰਭਾਵੀ ਤੌਰ 'ਤੇ ਦੱਖਣੀ-ਪੱਛਮੀ ਅਮਰੀਕਾ ਦੇ ਕੁਝ ਹਿੱਸਿਆਂ 'ਚ ਮਹੱਤਵਪੂਰਨ ਪ੍ਰਭਾਵ ਪਾ ਸਕਦਾ ਹੈ, ਜਿਸ ਕਾਰਨ ਬਾਜਾ ਕੈਲੀਫੋਰਨੀਆ ਪ੍ਰਾਇਦੀਪ ਅਤੇ ਦੱਖਣੀ ਕੈਲੀਫੋਰਨੀਆ 'ਚ 10 ਇੰਚ ਤੱਕ ਮੀਂਹ ਪੈ ਸਕਦਾ ਹੈ। ਹਰੀਕੇਨ ਸੈਂਟਰ ਮੁਤਾਕ, ਹਿਲੇਰੀ ਕਾਰਨ ਵੀਰਵਾਰ ਦੁਪਹਿਰ ਨੂੰ ਵੱਧ ਤੋਂ ਵੱਧ 105 ਮੀਲ ਪ੍ਰਤੀ ਘੰਟੇ ਦੀ ਰਫ਼ਤਾਰ ਨਾਲ ਹਵਾਵਾਂ ਵਗੀਆਂ ਅਤੇ ਵੀਰਵਾਰ ਰਾਤ ਤੱਕ ਹਿਲੇਰੀ ਦੇ ਇੱਕ ਵੱਡਾ ਤੂਫ਼ਾਨ ਬਣਨ ਦੀ ਸੰਭਾਵਨਾ ਹੈ। ਫੈਡਰਲ ਮੌਸਮ ਅਧਿਕਾਰੀਆਂ ਮੁਤਾਬਕ ਹਿਲੇਰੀ 1939 ਮਗਰੋਂ ਕੈਲੀਫੋਰਨੀਆ 'ਚ ਲੈਂਡਫਾਲ ਕਰਨ ਵਾਲਾ ਪਹਿਲਾ ਗਰਮ ਤੂਫ਼ਾਨ ਹੋ ਸਕਦਾ ਹੈ। ਜ਼ਮੀਨੀ ਲੈਂਡਫਾਲ ਨਾ ਹੋਣ ਦੇ ਬਾਵਜੂਦ ਵੀ ਗਰਮ ਖੰਡੀ ਤੂਫ਼ਾਨ 'ਕੇ' ਨੇ ਪਿਛਲੇ ਸਾਲ ਦੱਖਣੀ ਕੈਲੀਫੋਰਨੀਆ 'ਚ ਭਾਰੀ ਮੀਂਹ ਅਤੇ ਹੜ੍ਹ ਲਿਆਂਦਾ ਸੀ। ਵੀਰਵਾਰ ਸਵੇਰੇ ਰਾਸ਼ਟਰੀ ਮੌਸਮ ਸੇਵਾ ਦੇ ਮੌਸਮ ਵਿਗਿਆਨੀ ਸਮੰਥਾ ਕੋਨੋਲੀ ਨੇ ਸੈਨ ਡਿਏਗੋ 'ਚ ਦੱਸਿਆ ਕਿ ਭਾਰੀ ਮੀਂਹ, ਹੜ੍ਹਾਂ ਦੀ ਸੰਭਾਵਨਾ ਅਤੇ ਤੇਜ਼ ਹਵਾਵਾਂ ਦਾ ਸੁਮੇਲ ਇਸ ਨੂੰ ਦੱਖਣੀ ਕੈਲੀਫੋਰਨੀਆ ਲਈ ਇੱਕ ਉੱਚ ਪ੍ਰਭਾਵਸ਼ਾਲੀ ਘਟਨਾ ਬਣਾ ਸਕਦੇ ਹਨ। The post ਕੈਲੀਫੋਰਨੀਆ 'ਚ ਭਾਰੀ ਮੀਂਹ ਅਤੇ ਹੜ੍ਹ ਲਿਆ ਸਕਦਾ ਹੈ ਹਰੀਕੇਨ ਹਿਲੇਰੀ appeared first on TV Punjab | Punjabi News Channel. Tags: hurricane-hilary news pacific-ocean rainfall top-news trending-news usa weather world

ਉਡਾਣ ਭਰਦਿਆਂ ਹੀ 'ਹਵਾ' 'ਚ ਰੁਕੇ ਪਾਇਲਟ ਦੇ ਸਾਹ, ਜਾਣੋ ਕਿੰਝ ਬਚੀ 271 ਯਾਤਰੀਆਂ ਦੀ ਜਾਨ Thursday 17 August 2023 11:07 PM UTC+00 | Tags: chile miami news tocumen-international-airport top-news trending-news usa washington world Washington- ਮਿਆਮੀ ਤੋਂ ਚਿਲੀ ਜਾ ਰਹੀ ਇੱਕ ਫਲਾਈਟ 'ਚ ਪਾਇਲਟ ਦੀ ਬਾਥਰੂਮ 'ਚ ਮੌਤ ਹੋ ਗਈ। ਇਸ ਦੇ ਚੱਲਦਿਆਂ ਉਕਤ ਉਡਾਣ ਦੀ ਪਨਾਮਾ 'ਚ ਐਮਰਜੈਂਸੀ ਲੈਂਡਿੰਗ ਕਰਾਉਣੀ ਪਈ। ਜਾਣਕਾਰੀ ਮੁਤਾਬਕ ਇਸ ਉਡਾਣ 'ਚ 271 ਯਾਤਰੀ ਸਵਾਰ ਸਨ। ਮਿ੍ਰਤਕ ਕੈਪਟਨ ਦਾ ਨਾਂ ਇਵਾਨ ਏਨਡੌਰ ਹੈ ਅਤੇ ਉਨ੍ਹਾਂ ਦੀ ਉਮਰ 56 ਵਰ੍ਹੇ ਸੀ। ਮਿਲੀ ਜਾਣਕਾਰੀ ਮੁਤਾਬਕ ਏਨਡੌਰ LATAM  ਦਾ ਜਹਾਜ਼ ਉਡਾ ਰਹੇ ਸਨ ਅਤੇ ਉਡਾਣ ਭਰਨ ਤੋਂ ਕਰੀਬ ਤਿੰਨ ਘੰਟਿਆਂ ਮਗਰੋਂ ਉਨ੍ਹਾਂ ਨੂੰ ਸੀਨੇ 'ਚ ਤੇਜ਼ ਦਰਦ ਮਹਿਸੂਸ ਹੋਇਆ। ਇਸ ਮਗਰੋਂ ਉਹ ਬਾਥਰੂਮ 'ਚ ਡਿੱਗ ਪਏ। ਇੱਕ ਮੀਡੀਆ ਰਿਪੋਰਟ ਮੁਤਾਬਕ ਫਲਾਈਟ 'ਚ ਮੌਜੂਦ ਇੱਕ ਨਰਸ ਅਤੇ ਦੋ ਡਾਕਟਰ ਯਾਤਰੀਆਂ ਨੇ ਉਨ੍ਹਾਂ ਨੂੰ ਬਚਾਉਣ ਦੀ ਕੋਸ਼ਿਸ਼ ਕੀਤੀ। ਇਸੇ ਦੇ ਚੱਲਦਿਆਂ ਦੂਜੇ ਦੋ ਸਹਾਇਕ ਪਾਇਲਟਾਂ ਨੇ ਪਨਾਮਾ 'ਚ ਜਹਾਜ਼ ਦੀ ਐਮਰਜੈਂਸੀ ਲੈਂਡਿੰਗ ਕਰਾਈ। LATAM ਗਰੁੱਪ ਨੇ ਆਪਣੇ ਬਿਆਨ 'ਚ ਦੱਸਿਆ ਕਿ ਮਿਆਮੀ ਤੋਂ ਸੈਂਟੀਆਗੋ ਜਾ ਰਹੀ ਫਲਾਈਟ LA505 ਨੂੰ ਹੈਲਥ ਐਮਰਜੈਂਸੀ ਦੇ ਚੱਲਦਿਆਂ ਪਨਾਮਾ ਸਿਟੀ ਦੇ ਟੋਕੁਮੈਨ ਕੌਮਾਂਤਰੀ ਹਵਾਈ ਅੱਡੇ 'ਤੇ ਲੈਂਡ ਕਰਾਉਣਾ ਪਿਆ। ਜਦੋਂ ਫਲਾਈਟ ਲੈਂਡ ਹੋਈ ਤਾਂ ਐਮਰਜੈਂਸੀ ਸਰਵਿਸਿਜ਼ ਨੇ ਉਨ੍ਹਾਂ ਨੂੰ ਬਚਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਉਦੋਂ ਤੱਕ ਉਨ੍ਹਾਂ ਦੀ ਮੌਤ ਹੋ ਚੁੱਕੀ ਸੀ। ਬਿਆਨ 'ਚ ਅੱਗੇ ਕਿਹਾ ਗਿਆ ਹੈ ਕਿ ਜੋ ਕੁਝ ਵੀ ਹੋਇਆ, ਅਸੀਂ ਉਸ ਕਾਰਨ ਬਹੁਤ ਦੁਖੀ ਹਾਂ। ਏਅਰਲਾਈਨ ਨੇ ਪਾਇਲਟ ਦੇ ਪਰਿਵਾਰ ਪ੍ਰਤੀ ਹਮਦਰਦੀ ਪ੍ਰਗਟਾਈ ਹੈ। ਏਅਰਲਾਈਨ ਨੇ ਕਿਹਾ, ''ਅਸੀਂ ਉਨ੍ਹਾਂ ਦੇ 25 ਸਾਲਾਂ ਦੇ ਕਰੀਅਰ ਅਤੇ ਅਹਿਮ ਯੋਗਦਨਾ ਲਈ ਸ਼ੁਕਰਗੁਜ਼ਾਰ ਹਾਂ, ਜਿਸ ਨੂੰ ਉਨ੍ਹਾਂ ਨੇ ਪੂਰੀ ਲਗਨ ਅਤੇ ਪੇਸ਼ੇਵਰ ਤਰੀਕੇ ਨਾਲ ਨਿਭਾਇਆ।'' ਇੱਕ ਮੀਡੀਆ ਰਿਪੋਰਟ ਮੁਤਾਬਕ ਫਲਾਈਟ 'ਚ ਮੌਜੂਦ ਇਸਾਡੋਰਾ ਨਾਮੀ ਨਰਸ ਨੇ ਦੱਸਿਆ ਕਿ ਉਸ ਨੇ ਅਤੇ ਉਸ ਦੇ ਨਾਲ ਦੇ ਦੋ ਡਾਕਟਰਾਂ ਨੇ ਪਾਇਲਟ ਨੂੰ ਬਚਾਉਣ ਦੀ ਪੂਰੀ ਕੋਸ਼ਿਸ਼ ਕੀਤੀ ਪਰ ਫਲਾਈਟ 'ਚ ਐਮਰਜੈਂਸੀ ਸਹੂਲਤਾਂ ਦੀ ਕਮੀ ਦੇ ਚੱਲਦਿਆਂ ਉਹ ਪਾਇਲਟ ਨੂੰ ਨਹੀਂ ਬਚਾ ਸਕੇ। ਦੱਸ ਦਈਏ ਕਿ ਇਹ ਘਟਨਾ ਬੀਤੀ 13 ਅਗਸਤ ਦੀ ਦੱਸੀ ਜਾ ਰਹੀ ਹੈ। The post ਉਡਾਣ ਭਰਦਿਆਂ ਹੀ 'ਹਵਾ' 'ਚ ਰੁਕੇ ਪਾਇਲਟ ਦੇ ਸਾਹ, ਜਾਣੋ ਕਿੰਝ ਬਚੀ 271 ਯਾਤਰੀਆਂ ਦੀ ਜਾਨ appeared first on TV Punjab | Punjabi News Channel. Tags: chile miami news tocumen-international-airport top-news trending-news usa washington world

Maui wildfires : ਮਰਨ ਵਾਲਿਆਂ ਦੀ ਗਿਣਤੀ ਵੱਧ ਕੇ ਹੋਈ 111, 1000 ਤੋਂ ਵੱਧ ਲੋਕ ਅਜੇ ਵੀ ਲਾਪਤਾ Thursday 17 August 2023 11:44 PM UTC+00 | Tags: hawaiian-electric hawaii-wildfires maui maui-wildfires news police top-news trending-news usa wildfire world ਵਾਸ਼ਿੰਗਟਨ- ਮਾਉਈ ਦੇ ਜੰਗਲ 'ਚ ਲੱਗੀ ਅੱਗ ਕਾਰਨ ਮਾਰਨ ਵਾਲਿਆਂ ਦੀ ਗਿਣਤੀ ਹੁਣ ਵੱਧ ਕੇ 111 ਹੋ ਗਈ ਹੈ ਅਤੇ ਮਿ੍ਰਤਕਾਂ 'ਚ ਬੱਚੇ ਵੀ ਸ਼ਾਮਿਲ ਹਨ। ਮਾਉਈ ਪੁਲਿਸ ਮੁਖੀ ਜੌਨ ਪੇਲੇਟੀਅਰ ਨੇ ਕਿਹਾ ਕਿ ਇਸ ਤ੍ਰਾਸਦੀ ਦੇ ਅਜੇ ਹੋਰ ਵਧਣ ਦੀ ਸੰਭਾਵਨਾ ਹੈ, ਕਿਉਂਕਿ ਵਧੇਰੇ ਜਲੇ ਹੋਏ ਹਿੱਸਿਆਂ ਦੀ ਤਲਾਸ਼ ਅਜੇ ਵੀ ਚੱਲ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਇਸ ਤਰ੍ਹਾਂ ਦੀ ਤ੍ਰਾਸਦੀ ਉਨ੍ਹਾਂ ਨੇ ਪਹਿਲਾਂ ਕਦੇ ਵੀ ਇੰਨੇ ਵੱਡੇ ਆਕਾਰ, ਗਿਣਤੀ ਜਾਂ ਮਾਤਰਾ 'ਚ ਨਹੀਂ ਦੇਖੀ। ਪੇਲੇਟੀਅਰ ਨੇ ਕਿਹਾ ਕਿ ਅਜੇ ਸਾਡਾ ਕੰਮ ਪੂਰਾ ਨਹੀਂ ਹੋਇਆ ਹੈ ਅਤੇ ਇੱਥੇ ਪੀੜਤਾਂ ਦੀ ਤਲਾਸ਼ ਅਜੇ ਵੀ ਜਾਰੀ ਹੈ। ਹਵਾਈ ਦੇ ਗਵਰਨਰ ਜੋਸ਼ ਗ੍ਰੀਨ ਨੇ ਦੱਸਿਆ ਕਿ ਅਜੇ ਵੀ ਇੱਥੇ 1000 ਤੋਂ ਵੱਧ ਲੋਕ ਲਾਪਤਾ ਹਨ। ਉਨ੍ਹਾਂ ਕਿਹਾ ਕਿ ਉਮੀਦ ਹੈ ਕਿ ਖੋਜ ਦਲ ਕਈ ਦਿਨਾਂ ਤੱਕ 2,000 ਤੋਂ ਵੱਧ ਘਰਾਂ ਅਤੇ ਕਾਰੋਬਾਰਾਂ ਦੇ ਜਲੇ ਹੋਏ ਮਲਬੇ ਨੂੰ ਖੋਜਦੇ ਰਹਿਣਗੇ। ਹਾਲਾਂਕਿ ਅੱਗ ਲੱਗਣ ਦੇ ਕਾਰਨਾਂ ਦਾ ਅਜੇ ਤੱਕ ਪਤਾ ਨਹੀਂ ਲੱਗ ਸਕਿਆ ਹੈ ਪਰ ਹਵਾਈਅਨ ਇਲੈਕਟ੍ਰਿਕ ਜੋ ਕਿ ਮਾਉਈ ਦੀ ਪ੍ਰਮੁੱਖ ਬਿਜਲੀ ਕੰਪਨੀ ਹੈ, ਨੂੰ ਤੇਜ਼ ਹਵਾਵਾਂ ਕਾਰਨ ਅੱਗ ਦੀ ਖ਼ਤਰਨਾਕ ਸਥਿਤੀ ਪੈਦਾ ਹੋਣ 'ਤੇ ਬਿਜਲੀ ਲਾਈਨਾਂ ਨੂੰ ਬੰਦ ਨਾ ਕਰਨ ਲਈ ਜਾਂਚ ਦਾ ਸਾਹਮਣਾ ਪੈ ਰਿਹਾ ਹੈ। ਮਾਉਈ 'ਤੇ ਸੈਂਸਰ ਨੈੱਟਵਰਕ ਚਲਾਉਣ ਵਾਲੀ ਇੱਕ ਕੰਪਨੀ ਦਾ ਕਹਿਣਾ ਹੈ ਕਿ ਉਸ ਨੂੰ ਅੱਗ ਲੱਗਣ ਤੋਂ ਕੁਝ ਘੰਟੇ ਪਹਿਲਾਂ ਵੱਡੇ ਉਪਭੋਗਤਾ ਗਰਿੱਡਜ਼ 'ਚ ਨੁਕਸ ਦਾ ਪਤਾ ਲੱਗਾ ਸੀ। ਹਵਾਈਅਨ ਇਲੈਕਟ੍ਰਿਕ ਨੇ ਸਾਲ 2019 'ਚ ਜਨਤਕ ਤੌਰ 'ਤੇ ਇਹ ਗੱਲ ਆਖੀ ਸੀ ਕਿ ਉਹ ਜੰਗਲੀ ਅੱਗ ਦੇ ਖੇਤਰਾਂ ਦੀ ਪਹਿਚਾਣ ਕਰਨ ਲਈ ਡਰੋਨ ਸਰਵੇਖਣ ਕਰਾਏਗੀ ਅਤੇ ਇਹ ਨਿਰਧਾਰਿਤ ਕਰੇਗੀ ਕਿ ਇੱਥੋਂ ਦੇ ਵਸਨੀਕਾਂ ਨੂੰ ਅਤੇ ਬੁਨਿਆਦੀ ਢਾਂਚੇ ਨੂੰ ਸੁਰੱਖਿਅਤ ਰੱਖਣ 'ਚ ਕਿਵੇਂ ਮਦਦ ਕੀਤਾ ਜਾਵੇ। ਪਰ ਦ ਵਾਲ ਸਟਰੀਟ ਜਨਰਲ ਮੁਤਾਬਕ 2019 ਅਤੇ 2022 ਵਿਚਾਲੇ ਹਵਾਈਅਨ ਇਲੈਕਟ੍ਰਿਕ ਨੇ ਜੰਗਲੀ ਅੱਗ ਪ੍ਰਾਜੈਕਟਾਂ 'ਤੇ 245,000 ਤੋਂ ਘੱਟ ਡਾਲਰਾਂ ਦਾ ਨਿਵੇਸ਼ ਕੀਤਾ। ਜਨਰਲ ਦੀ ਰਿਪੋਰਟ ਮੁਤਾਬਕ ਹਵਾਈਅਨ ਇਲੈਕਟ੍ਰਿਕ ਨੇ 2022 ਤੱਕ ਵੀ ਸੁਰੱਖਿਆ ਸੁਧਾਰਾਂ ਸੰਬੰਧੀ ਭੁਗਤਾਨ ਕਰਨ ਲਈ ਦਰਾਂ ਵਧਾਉਣ ਬਾਰੇ ਸੂਬੇ ਤੋਂ ਮਨਜ਼ੂਰੀ ਨਹੀਂ ਲਈ ਸੀ ਅਤੇ ਦਰਾਂ 'ਚ ਵਾਧੇ ਨੂੰ ਅਜੇ ਤੱਕ ਮਨਜ਼ੂਰੀ ਨਹੀਂ ਮਿਲੀ ਹੈ। The post Maui wildfires : ਮਰਨ ਵਾਲਿਆਂ ਦੀ ਗਿਣਤੀ ਵੱਧ ਕੇ ਹੋਈ 111, 1000 ਤੋਂ ਵੱਧ ਲੋਕ ਅਜੇ ਵੀ ਲਾਪਤਾ appeared first on TV Punjab | Punjabi News Channel. Tags: hawaiian-electric hawaii-wildfires maui maui-wildfires news police top-news trending-news usa wildfire world

ਆਪਣੀ ਜੀਵਨ ਲੀਲਾ ਸਮਾਪਤ ਕਰਨ ਤੋਂ ਪਹਿਲਾਂ ਵਿਅਕਤੀ ਨੇ ਪਤਨੀ ਅਤੇ ਤਿੰਨ ਬੱਚਿਆਂ ਦੀ ਗੋਲੀਆਂ ਮਾਰ ਕੇ ਕੀਤੀ ਹੱਤਿਆ Friday 18 August 2023 12:17 AM UTC+00 | Tags: news oklahoma-city police shooting top-news trending-news usa world Oklahoma City- ਬੁੱਧਵਾਰ ਦੇਰ ਰਾਤ ਨੂੰ ਓਕਲਾਹੋਮਾ ਸਿਟੀ 'ਚ ਇੱਕ ਘਰ ਅੰਦਰ ਹੋਈ ਗੋਲੀਬਾਰੀ 'ਚ ਤਿੰਨ ਬੱਚਿਆਂ ਸਣੇ ਕੁੱਲ ਪੰਜ ਲੋਕਾਂ ਦੀ ਮੌਤ ਹੋ ਗਈ। ਜਾਂਚਕਰਤਾ ਇਸ ਘਟਨਾ ਨੂੰ ਹੱਤਿਆ-ਆਤਮਹੱਤਿਆ ਨਾਲ ਜੋੜ ਇਸ ਦੀ ਜਾਂਚ ਕਰ ਰਹੇ ਹਨ। ਓਕਲਾਹੋਮਾ ਸਿਟੀ ਪੁਲਿਸ ਵਿਭਾਗ ਵਲੋਂ ਦਿੱਤੀ ਜਾਣਕਾਰੀ ਮੁਤਾਬਕ ਗੋਲੀਬਾਰੀ ਬੁੱਧਵਾਰ ਰਾਤੀਂ ਕਰੀਬ 11.30 ਵਜੇ ਹੋਈ। ਪੁਲਿਸ ਅਧਿਕਾਰੀਆਂ ਨੇ ਦੱਸਿਆ ਕਿ ਉਨ੍ਹਾਂ ਨੂੰ NW 5th Terrace ਇਲਾਕੇ 'ਚ ਇੱਕ ਘਰ 'ਚ ਘਰੇਲੂ ਗੜਬੜੀ ਬਾਰੇ ਜਾਣਕਾਰੀ ਮਿਲੀ। ਉਨ੍ਹਾਂ ਦੱਸਿਆ ਕਿ ਜਦੋਂ ਉਹ ਮੌਕੇ 'ਤੇ ਪਹੁੰਚੇ ਤਾਂ ਉਨ੍ਹਾਂ ਨੂੰ ਉੱਥੇ ਗੋਲੀਬਾਰੀ ਤੋਂ ਪ੍ਰਭਾਵਿਤ ਪੰਜ ਲੋਕ ਮਿਲੇ, ਜਿਨ੍ਹਾਂ 'ਚ ਇੱਕ ਪੁਰਸ਼, ਇੱਕ ਮਹਿਲਾ ਅਤੇ ਤਿੰਨ ਬੱਚੇ ਸ਼ਾਮਿਲ ਸਨ। ਪੁਲਿਸ ਨੇ ਪੀੜਤਾਂ ਦੀ ਪਹਿਚਾਣ 29 ਸਾਲਾ ਕੈਸੈਂਡਰਾ ਫਲੋਰਸ, 9 ਸਾਲਾ ਹਿਲੇਰੀ ਆਰਮੇਂਡਰਿਜ਼ 5 ਸਾਲਾ ਡੋਮਾਰਸ ਆਰਮੇਂਡਰਿਜ਼ ਅਤੇ 2 ਸਾਲਾ ਮਾਟੀਆਸ ਆਰਮੇਂਡਰਿਜ਼ ਦੇ ਰੂਪ 'ਚ ਕੀਤੀ ਹੈ। ਉੱਥੇ ਹੀ ਸ਼ੱਕੀ ਹਮਲਾਵਰ ਦੀ ਪਹਿਚਾਣ 28 ਸਾਲਾ ਰੂਬੇਨ ਆਰਮੇਂਡਰਿਜ਼ ਦੇ ਰੂਪ 'ਚ ਹੋਈ ਹੈ। ਪੁਲਿਸ ਨੇ ਕਿਹਾ ਕਿ ਜਦੋਂ ਅਧਿਕਾਰੀ ਮੌਕੇ ਤੇ ਪਹੁੰਚੇ ਤਾਂ ਉਸ ਵੇਲੇ ਰੂਬੇਨ ਆਰਮੇਡੇਂਰਿਜ਼ ਅਤੇ ਇੱਕ ਜ਼ਖ਼ਮੀ ਬੱਚਾ ਜ਼ਿੰਦਾ ਸੀ ਅਤੇ ਇਸ ਮਗਰੋਂ ਉਨ੍ਹਾਂ ਤੁਰੰਤ ਸਥਾਨਕ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਕਿ ਉਨ੍ਹਾਂ ਦੀ ਮੌਤ ਹੋ ਗਈ। ਜਾਂਚਕਰਤਾਵਾਂ ਨੇ ਕਿਹਾ ਕਿ ਅਜਿਹਾ ਪ੍ਰਤੀਤ ਹੁੰਦਾ ਹੈ ਕਿ ਫਲੋਰਸ ਅਤੇ ਰੂਬੇਨ ਆਪਸ 'ਚ ਵਿਆਹੇ ਹੋਏ ਸਨ ਪਰ ਹੁਣ ਉਹ ਵੱਖ ਹੋ ਗਏ ਸਨ ਅਤੇ ਰੂਬੇਨ ਨੇ ਖ਼ੁਦ 'ਤੇ ਗੋਲੀ ਚਲਾਉਣ ਤੋਂ ਪਹਿਲਾਂ ਚਾਰ ਪੀੜਤਾਂ ਨੂੰ ਗੋਲੀ ਮਾਰ ਦਿੱਤੀ। ਗੋਲੀਬਾਰੀ ਦੇ ਕਾਰਨਾਂ ਦਾ ਅਜੇ ਤੱਕ ਪਤਾ ਨਹੀਂ ਲੱਗ ਸਕਿਆ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਜਾਂਚ ਅਜੇ ਸ਼ੁਰੂਆਤੀ ਪੜਾਅ 'ਚ ਹੈ ਅਤੇ ਜਾਂਚਕਰਤਾ ਉਨ੍ਹਾਂ ਘਟਨਾਵਾਂ ਦੀ ਲੜੀ ਨੂੰ ਜੋੜਨ ਦੀ ਕੋਸ਼ਿਸ਼ ਕਰ ਰਹੇ ਹਨ, ਜਿਨ੍ਹਾਂ ਕਾਰਨ ਇਹ ਮਨੁੱਖੀ ਕਤਲੇਆਮ ਹੋਇਆ। The post ਆਪਣੀ ਜੀਵਨ ਲੀਲਾ ਸਮਾਪਤ ਕਰਨ ਤੋਂ ਪਹਿਲਾਂ ਵਿਅਕਤੀ ਨੇ ਪਤਨੀ ਅਤੇ ਤਿੰਨ ਬੱਚਿਆਂ ਦੀ ਗੋਲੀਆਂ ਮਾਰ ਕੇ ਕੀਤੀ ਹੱਤਿਆ appeared first on TV Punjab | Punjabi News Channel. Tags: news oklahoma-city police shooting top-news trending-news usa world

ਅਮਰੀਕਾ ਦੇ ਸਕੂਲ 'ਚ ਹੋਈ ਛੁਰੇਬਾਜ਼ੀ 'ਚ ਦੋ ਵਿਦਿਆਰਥੀ ਜ਼ਖ਼ਮੀ Friday 18 August 2023 12:50 AM UTC+00 | Tags: california. james-lick-high-school news san-jose school stabbing top-news trending-news usa world California- ਕੈਲੀਫੋਰਨੀਆ ਦੇ ਸੈਨ ਜੋਸ ਵਿਖੇ ਜੇਮਸ ਲੀਕ ਹਾਈ ਸਕੂਲ 'ਚ ਹੋਈ ਛੁਰੇਬਾਜ਼ੀ ਦੀ ਘਟਨਾ 'ਚ ਦੋ ਵਿਦਿਆਰਥੀ ਜ਼ਖ਼ਮੀ ਹੋ ਗਏ। ਪੁਲਿਸ ਦਾ ਕਹਿਣਾ ਹੈ ਕਿ ਦੋਹਾਂ ਵਿਦਿਆਰਥੀਆਂ 'ਚੋਂ ਇੱਕ ਗੰਭੀਰ ਰੂਪ ਨਾਲ ਜ਼ਖ਼ਮੀ ਹੋਇਆ ਹੈ। ਅਧਿਕਾਰੀਆਂ ਨੇ ਦੱਸਿਆ ਕਿ ਛੁਰੇਬਾਜ਼ੀ ਦੀ ਇਸ ਘਟਨਾ ਮਗਰੋਂ ਸਕੂਲ ਦੇ ਨਾਲ ਲੱਗਦੇ ਇਲਾਕੇ ਨੂੰ ਬੰਦ ਕਰ ਦਿੱਤਾ ਗਿਆ ਹੈ। ਸੈਨ ਜੋਸ ਪੁਲਿਸ ਵਲੋਂ ਦਿੱਤੀ ਗਈ ਜਾਣਕਾਰੀ ਮੁਤਾਬਕ ਸਕੂਲ 'ਚ ਛੁਰੇਬਾਜ਼ੀ ਦੀ ਇਹ ਘਟਨਾ ਵੀਰਵਾਰ ਸਵੇਰੇ 11.30 ਵਜੇ ਹੋਈ। ਇਸ ਮਗਰੋਂ ਜ਼ਖ਼ਮੀ ਹੋਏ ਦੋਹਾਂ ਵਿਦਿਆਰਥੀਆਂ ਨੂੰ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਕਿ ਉਨ੍ਹਾਂ ਦੀ ਹਾਲਤ ਸਥਿਰ ਦੱਸੀ ਜਾ ਰਹੀ ਹੈ। ਘਟਨਾ ਦੀ ਜਾਣਕਾਰੀ ਮਿਲਣ ਮਗਰੋਂ ਜਦੋਂ ਪੁਲਿਸ ਸਕੂਲ 'ਚ ਪਹੁੰਚੀ ਤਾਂ ਵਾਰਦਾਤ ਨੂੰ ਅੰਜ਼ਾਮ ਦੇਣ ਵਾਲਾ ਵਿਅਕਤੀ ਮੌਕੇ ਤੋਂ ਫਰਾਰ ਹੋ ਗਿਆ, ਜਿਸ ਦੀ ਪਹਿਚਾਣ ਅਜੇ ਨਹੀਂ ਹੋਈ ਹੈ ਅਤੇ ਪੁਲਿਸ ਵਲੋਂ ਲਗਾਤਾਰ ਉਸ ਦੀ ਭਾਲ ਕੀਤੀ ਜਾ ਰਹੀ ਹੈ। The post ਅਮਰੀਕਾ ਦੇ ਸਕੂਲ 'ਚ ਹੋਈ ਛੁਰੇਬਾਜ਼ੀ 'ਚ ਦੋ ਵਿਦਿਆਰਥੀ ਜ਼ਖ਼ਮੀ appeared first on TV Punjab | Punjabi News Channel. Tags: california. james-lick-high-school news san-jose school stabbing top-news trending-news usa world

ਨਾਸ਼ਤੇ 'ਚ ਗਲਤੀ ਨਾਲ ਵੀ ਨਾ ਖਾਓ ਇਹ 5 ਚੀਜ਼ਾਂ, ਕੈਂਸਰ ਹੋਣ ਦਾ ਖਤਰਾ ਵੱਧ ਜਾਵੇਗਾ ਕਈ ਗੁਣਾ Friday 18 August 2023 04:10 AM UTC+00 | Tags: cancer cancer-cause cancer-causing-breakfast cancer-causing-foods cancer-symptoms cancer-wala-breakfast foods-that-cause-cancer food-you-should-not-eat-to-avoid-cancer health health-tips-punjabi-news how-foods-cause-cancer how-to-avoid-cancer tv-punjab-news worst-food-for-cancer worst-foods-for-weight-loss Cancer Causing Breakfast Foods: ਕੈਂਸਰ ਇੱਕ ਬਹੁਤ ਹੀ ਖਤਰਨਾਕ ਬਿਮਾਰੀ ਹੈ। ਜੇਕਰ ਸ਼ੁਰੂਆਤ ‘ਚ ਇਸ ਦਾ ਪਤਾ ਨਾ ਲੱਗੇ ਤਾਂ ਇਸ ਦਾ ਇਲਾਜ ਮੁਸ਼ਕਿਲ ਹੋ ਜਾਂਦਾ ਹੈ। ਡਬਲਯੂਐਚਓ ਦੇ ਅਨੁਸਾਰ, ਹਰ ਸਾਲ ਲਗਭਗ 10 ਮਿਲੀਅਨ ਲੋਕ ਕੈਂਸਰ ਕਾਰਨ ਮਰਦੇ ਹਨ। ਬਿਮਾਰੀਆਂ ਨਾਲ ਹੋਣ ਵਾਲੀ ਹਰ 6 ਵਿੱਚੋਂ ਇੱਕ ਮੌਤ ਕੈਂਸਰ ਕਾਰਨ ਹੁੰਦੀ ਹੈ। ਕੈਂਸਰ ਦੇ ਕਈ ਕਾਰਨ ਹੁੰਦੇ ਹਨ ਪਰ ਇਨ੍ਹਾਂ ਕਾਰਨਾਂ ਲਈ ਜ਼ਿਆਦਾਤਰ ਵਿਅਕਤੀ ਖੁਦ ਜ਼ਿੰਮੇਵਾਰ ਹੁੰਦਾ ਹੈ। ਨੈਸ਼ਨਲ ਲਾਇਬ੍ਰੇਰੀ ਆਫ਼ ਮੈਡੀਸਨ ਵਿੱਚ ਪ੍ਰਕਾਸ਼ਿਤ ਇੱਕ ਵਿਗਿਆਨਕ ਪੇਪਰ ਦੇ ਅਨੁਸਾਰ, ਕੈਂਸਰ ਦੇ ਸਿਰਫ 5 ਤੋਂ 10 ਪ੍ਰਤੀਸ਼ਤ ਕੇਸ ਜੈਨੇਟਿਕ ਹੁੰਦੇ ਹਨ। ਬਾਕੀ ਕੈਂਸਰ ਜੀਵਨ ਸ਼ੈਲੀ ਜਾਂ ਵਾਤਾਵਰਨ ਕਾਰਨ ਹੁੰਦਾ ਹੈ। ਅੰਕੜਿਆਂ ਅਨੁਸਾਰ ਕੈਂਸਰ ਨਾਲ ਹੋਣ ਵਾਲੀਆਂ 25 ਤੋਂ 30 ਫੀਸਦੀ ਮੌਤਾਂ ਲਈ ਤੰਬਾਕੂ ਜ਼ਿੰਮੇਵਾਰ ਹੈ, ਜਦੋਂ ਕਿ ਮਾੜੀ ਖੁਰਾਕ 30 ਤੋਂ 35 ਫੀਸਦੀ ਕੈਂਸਰ ਮੌਤਾਂ ਲਈ ਜ਼ਿੰਮੇਵਾਰ ਹੈ। ਮਨੁੱਖ ਦੀ ਖੁਰਾਕ ਇੰਨੀ ਮਾੜੀ ਹੋ ਗਈ ਹੈ, ਜਿਸ ਕਾਰਨ ਕੈਂਸਰ ਵਰਗੀਆਂ ਘਾਤਕ ਬਿਮਾਰੀਆਂ ਦਾ ਖ਼ਤਰਾ ਕਈ ਗੁਣਾ ਵੱਧ ਗਿਆ ਹੈ। ਇੱਥੇ ਅਸੀਂ ਦੱਸ ਰਹੇ ਹਾਂ ਕਿ ਨਾਸ਼ਤੇ ਦੌਰਾਨ ਕੁਝ ਲੋਕ ਕੈਂਸਰ ਪੈਦਾ ਕਰਨ ਵਾਲੇ ਭੋਜਨ ਦਾ ਸੇਵਨ ਕਰਨ ਲੱਗ ਜਾਂਦੇ ਹਨ, ਜਿਸ ਕਾਰਨ ਉਨ੍ਹਾਂ ਨੂੰ ਭਾਰੀ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਨਾਸ਼ਤਾ ਕੈਂਸਰ ਲਈ ਜ਼ਿੰਮੇਵਾਰ ਹੈ 1. ਚਾਹ ਦੇ ਨਾਲ ਬਿਸਕੁਟ- ਚਾਹ ਦੇ ਨਾਲ ਬਿਸਕੁਟ ਦਾ ਨਿਯਮਤ ਸੇਵਨ ਕੈਂਸਰ ਦਾ ਕਾਰਨ ਬਣ ਸਕਦਾ ਹੈ। ਇਸ ਤੋਂ ਇਲਾਵਾ ਚਾਹ ਦੇ ਨਾਲ ਕਿਸੇ ਵੀ ਤਰ੍ਹਾਂ ਦੀ ਅਲਟਰਾ ਪ੍ਰੋਸੈਸਡ ਕੁਕੀਜ਼ ਅੰਡਕੋਸ਼ ਦੇ ਕੈਂਸਰ ਦਾ ਖਤਰਾ ਕਈ ਗੁਣਾ ਵਧਾ ਦਿੰਦੀ ਹੈ। ਨਾਸ਼ਤੇ ਵਿੱਚ ਅਲਟਰਾ ਪ੍ਰੋਸੈਸਡ ਫੂਡ ਦਾ ਜ਼ਿਆਦਾ ਸੇਵਨ ਕੈਂਸਰ ਦੇ ਖਤਰੇ ਨੂੰ ਕਈ ਗੁਣਾ ਵਧਾ ਦਿੰਦਾ ਹੈ, ਖਾਸ ਕਰਕੇ ਅੰਡਾਸ਼ਯ ਅਤੇ ਦਿਮਾਗ਼ ਦੇ ਕੈਂਸਰ। 2. ਬਰੈੱਡ ਬਟਰ- ਰੋਜ਼ਾਨਾ ਨਾਸ਼ਤੇ ‘ਚ ਅਲਟਰਾ ਪ੍ਰੋਸੈਸਡ ਬਰੈੱਡ ਦਾ ਸੇਵਨ ਕਰਨਾ ਸਿਹਤ ਲਈ ਖਤਰਨਾਕ ਹੈ। ਇਸ ਨਾਲ ਅੰਡਕੋਸ਼ ਦੇ ਕੈਂਸਰ ਦਾ ਖਤਰਾ ਵੀ ਵਧ ਜਾਂਦਾ ਹੈ। ਵਰਲਡ ਕੈਂਸਰ ਰਿਸਰਚ ਫੰਡ ਨੇ ਆਪਣੇ ਅਧਿਐਨ ‘ਚ ਕਿਹਾ ਕਿ ਵੱਡੇ ਪੱਧਰ ‘ਤੇ ਤਿਆਰ ਬਰੈੱਡ, ਆਈਸਕ੍ਰੀਮ, ਨਾਸ਼ਤੇ ‘ਚ ਅਨਾਜ, ਹੈਮਬਰਗਰ ਆਦਿ ਦਾ ਨਿਯਮਤ ਸੇਵਨ ਕੈਂਸਰ ਦੇ ਖਤਰੇ ਨੂੰ ਕਈ ਗੁਣਾ ਵਧਾ ਦਿੰਦਾ ਹੈ। 3. ਮਾਈਕ੍ਰੋਵੇਵ ਪੌਪਕਾਰਨ- ਪੌਪਕੌਰਨ ਵੀ ਇੱਕ ਅਲਟਰਾ ਪ੍ਰੋਸੈਸਡ ਭੋਜਨ ਉਤਪਾਦ ਹੈ। ਜੇਕਰ ਅਸੀਂ ਘਰ ‘ਚ ਪੌਪਕਾਰਨ ਖੁਦ ਬਣਾਉਂਦੇ ਹਾਂ ਅਤੇ ਇਸ ‘ਚ ਕੋਈ ਵੀ ਕੈਮੀਕਲ ਨਾ ਪਾਇਆ ਜਾਵੇ ਤਾਂ ਇਸ ਨਾਲ ਕੋਈ ਨੁਕਸਾਨ ਨਹੀਂ ਹੁੰਦਾ ਪਰ ਬਾਹਰ ਵਾਲਾ ਪੌਪਕਾਰਨ ਅਲਟਰਾ ਪ੍ਰੋਸੈਸਿੰਗ ਨਾਲ ਬਣਾਇਆ ਜਾਂਦਾ ਹੈ। ਇਸ ਵਿੱਚ PFOA ਉਤਪਾਦ ਹੁੰਦਾ ਹੈ ਜੋ ਇੱਕ ਕਾਰਸੀਨੋਜਨ ਹੈ। ਇਸ ਲਈ ਸਵੇਰ ਦੇ ਨਾਸ਼ਤੇ ‘ਚ ਪੌਪਕਾਰਨ ਦਾ ਸੇਵਨ ਨਹੀਂ ਕਰਨਾ ਚਾਹੀਦਾ। 4. ਆਲੂ ਦੇ ਚਿਪਸ- ਕੁਝ ਲੋਕ ਨਾਸ਼ਤੇ ‘ਚ ਚਾਹ ਦੇ ਨਾਲ ਆਲੂ ਦੇ ਚਿਪਸ ਖਾਂਦੇ ਹਨ। ਆਲੂ ਦੇ ਚਿਪਸ ਸਿਹਤ ਲਈ ਚੰਗਾ ਵਿਕਲਪ ਨਹੀਂ ਹਨ। ਨੁਕਸਾਨ ਵੀ ਕਰਦਾ ਹੈ। ਇਸ ਵਿੱਚ ਤਲਣ ਲਈ ਸੋਡੀਅਮ ਅਤੇ ਟ੍ਰਾਂਸ ਫੈਟ ਦੀ ਜ਼ਿਆਦਾ ਮਾਤਰਾ ਵਰਤੀ ਜਾਂਦੀ ਹੈ। ਇਸ ਨਾਲ ਇਸ ‘ਚ ਸੈਚੂਰੇਟਿਡ ਫੈਟ ਦੀ ਮਾਤਰਾ ਵਧ ਜਾਂਦੀ ਹੈ। ਇਸ ਦੇ ਨਾਲ ਹੀ ਇਸ ਨੂੰ ਉੱਚ ਤਾਪਮਾਨ ‘ਤੇ ਬਣਾਉਣ ਕਾਰਨ ਇਸ ‘ਚ ਐਕਰੀਲਾਮਾਈਡ ਕੰਪਾਊਂਡ ਵਧ ਜਾਂਦਾ ਹੈ, ਜੋ ਕਿ ਕੈਂਸਰ ਪੈਦਾ ਕਰਨ ਵਾਲਾ ਰਸਾਇਣ ਹੈ। ਇਸ ਲਈ ਸਵੇਰੇ ਨਾਸ਼ਤੇ ‘ਚ ਚਾਹ ਦੇ ਨਾਲ ਆਲੂ ਦੇ ਚਿਪਸ ਦਾ ਸੇਵਨ ਨਾ ਕਰੋ। 5. ਪ੍ਰੋਸੈਸਡ ਮੀਟ- ਸ਼ਹਿਰਾਂ ਵਿੱਚ ਪ੍ਰੋਸੈਸਡ ਮੀਟ ਤੋਂ ਬਣੇ ਭੋਜਨ ਦੀ ਖਪਤ ਵਧ ਗਈ ਹੈ। ਪ੍ਰੋਸੈਸਡ ਮੀਟ ਵਿੱਚ ਕਈ ਤਰ੍ਹਾਂ ਦੇ ਕਾਰਸੀਨੋਜਨਿਕ ਕੈਮੀਕਲ ਹੁੰਦੇ ਹਨ, ਜਿਸ ਕਾਰਨ ਕੈਂਸਰ ਦਾ ਖ਼ਤਰਾ ਕਈ ਗੁਣਾ ਵੱਧ ਜਾਂਦਾ ਹੈ। ਲਾਲ ਮੀਟ ਕਈ ਭਿਆਨਕ ਬਿਮਾਰੀਆਂ ਦਾ ਕਾਰਨ ਹੋ ਸਕਦਾ ਹੈ। ਇਸ ਲਈ ਨਾਸ਼ਤੇ ਵਿੱਚ ਪ੍ਰੋਸੈਸਡ ਮੀਟ ਦਾ ਸੇਵਨ ਕਦੇ ਨਹੀਂ ਕਰਨਾ ਚਾਹੀਦਾ। The post ਨਾਸ਼ਤੇ ‘ਚ ਗਲਤੀ ਨਾਲ ਵੀ ਨਾ ਖਾਓ ਇਹ 5 ਚੀਜ਼ਾਂ, ਕੈਂਸਰ ਹੋਣ ਦਾ ਖਤਰਾ ਵੱਧ ਜਾਵੇਗਾ ਕਈ ਗੁਣਾ appeared first on TV Punjab | Punjabi News Channel. Tags: cancer cancer-cause cancer-causing-breakfast cancer-causing-foods cancer-symptoms cancer-wala-breakfast foods-that-cause-cancer food-you-should-not-eat-to-avoid-cancer health health-tips-punjabi-news how-foods-cause-cancer how-to-avoid-cancer tv-punjab-news worst-food-for-cancer worst-foods-for-weight-loss

Happy Birthday Daler Mehndi: 11 ਸਾਲ ਦੀ ਉਮਰ 'ਚ ਛੱਡਿਆ ਘਰ, ਬਿੱਗ ਬੀ ਦੀ ਇੱਕ ਕਾਲ ਨਾਲ ਬਦਲ ਗਈ ਕਿਸਮਤ Friday 18 August 2023 04:30 AM UTC+00 | Tags: bollywood-news-in-punjabi daler-mehndi daler-mehndi-birthday daler-mehndi-birthday-special daler-mehndi-latest-news daler-mehndi-lifestyle daler-mehndi-song entertainment entertainment-news-in-punjabi happy-birthday-daler-mehndi trending-news-today tv-punjab-news ਨਵੀਂ ਦਿੱਲੀ— ਮਸ਼ਹੂਰ ਪੌਪ ਗਾਇਕ ਦਲੇਰ ਮਹਿੰਦੀ ਨੇ ਆਪਣੇ ਗੀਤਾਂ ਨਾਲ ਦਰਸ਼ਕਾਂ ਦਾ ਕਾਫੀ ਦਿਲ ਜਿੱਤ ਲਿਆ ਹੈ। ਮਸ਼ਹੂਰ ਪੌਪ ਗਾਇਕ ਦਲੇਰ ਮਹਿੰਦੀ ਦਾ ਜਨਮ ਦਿਨ 18 ਅਗਸਤ ਨੂੰ ਮਨਾਇਆ ਜਾ ਰਿਹਾ ਹੈ। ਦਲੇਰ ਮਹਿੰਦੀ ਦਾ ਜਨਮ 18 ਅਗਸਤ 1967 ਨੂੰ ਬਿਹਾਰ ਦੇ ਪਟਨਾ ‘ਚ ਹੋਇਆ ਸੀ, ਉਨ੍ਹਾਂ ਨੂੰ ਬਚਪਨ ਤੋਂ ਹੀ ਗਾਉਣ ਦਾ ਸ਼ੌਕ ਸੀ। ਦਲੇਰ ਮਹਿੰਦੀ ਨੇ ਆਪਣੇ ਗੀਤਾਂ ਨਾਲ ਦਰਸ਼ਕਾਂ ਦੇ ਦਿਲਾਂ ‘ਚ ਆਪਣੀ ਥਾਂ ਬਣਾਈ ਹੈ। ਉਨ੍ਹਾਂ ਦੇ ਗੀਤ ਨਾ-ਨਾ-ਨਾ ਰੇ ਸਮੇਤ ਬਹੁਤ ਸਾਰੇ ਗੀਤ ਹਨ ਜਿਨ੍ਹਾਂ ਨੂੰ ਲੋਕ ਅੱਜ ਵੀ ਬਹੁਤ ਦਿਲਚਸਪੀ ਨਾਲ ਸੁਣਦੇ ਹਨ। ਇੱਕ ਗਾਇਕ ਹੋਣ ਤੋਂ ਇਲਾਵਾ, ਦਲੇਰ ਮਹਿੰਦੀ ਇੱਕ ਲੇਖਕ ਅਤੇ ਰਿਕਾਰਡ ਨਿਰਮਾਤਾ ਵੀ ਹੈ। ਦਲੇਰ ਮਹਿੰਦੀ ਦੀ ਪੇਸ਼ੇਵਰ ਜ਼ਿੰਦਗੀ ਦੇ ਨਾਲ-ਨਾਲ ਉਨ੍ਹਾਂ ਦੀ ਨਿੱਜੀ ਜ਼ਿੰਦਗੀ ਵੀ ਬਹੁਤ ਦਿਲਚਸਪ ਰਹੀ ਹੈ। ਅਜਿਹੇ ‘ਚ ਆਓ ਜਾਣਦੇ ਹਾਂ ਉਸ ਦੀਆਂ ਕੁਝ ਖਾਸ ਗੱਲਾਂ। 11 ਸਾਲ ਦੀ ਉਮਰ ਵਿੱਚ ਘਰ ਛੱਡ ਦਿੱਤਾ 1967 ‘ਚ ਬਿਹਾਰ ਦੇ ਪਟਨਾ ‘ਚ ਜਨਮੇ ਦਲੇਰ ਮਹਿੰਦੀ ਨੂੰ ਬਚਪਨ ਤੋਂ ਹੀ ਗਾਉਣ ਦਾ ਬਹੁਤ ਸ਼ੌਕ ਸੀ। ਇਸ ਸ਼ੌਕ ਕਾਰਨ ਉਸ ਨੇ 5 ਸਾਲ ਦੀ ਛੋਟੀ ਉਮਰ ਤੋਂ ਹੀ ਗਾਉਣਾ ਸਿੱਖਣਾ ਸ਼ੁਰੂ ਕਰ ਦਿੱਤਾ ਸੀ। ਜਦੋਂ ਦਲੇਰ ਮਹਿੰਦੀ 11 ਸਾਲ ਦੇ ਸਨ ਤਾਂ ਉਨ੍ਹਾਂ ਨੇ ਸੰਗੀਤ ਦੀ ਸਿੱਖਿਆ ਲਈ ਆਪਣਾ ਘਰ ਛੱਡ ਦਿੱਤਾ, ਜਿਸ ਤੋਂ ਬਾਅਦ ਉਨ੍ਹਾਂ ਨੇ ਗੋਰਖਪੁਰ ਦੇ ਉਸਤਾਦ ਰਾਹਤ ਅਲੀ ਖਾਨ ਤੋਂ ਸੰਗੀਤ ਦੀ ਸਿੱਖਿਆ ਲਈ ਅਤੇ ਸਿਰਫ 13 ਸਾਲ ਦੀ ਉਮਰ ‘ਚ ਪਹਿਲੀ ਵਾਰ ਸਟੇਜ ‘ਤੇ ਪਰਫਾਰਮ ਕੀਤਾ। ਉਸ ਸਮੇਂ ਉੱਥੇ ਕਰੀਬ 20 ਹਜ਼ਾਰ ਲੋਕ ਇਕੱਠੇ ਹੋਏ ਸਨ। ਇੱਥੋਂ ਹੀ ਗਾਇਕੀ ਦੀ ਦੁਨੀਆ ਵਿੱਚ ਉਸ ਦਾ ਸਫ਼ਰ ਸ਼ੁਰੂ ਹੋਇਆ। ਇਸ ਗੀਤ ਨਾਲ ਰਾਤੋ-ਰਾਤ ਮਸ਼ਹੂਰ ਹੋ ਗਏ ਸਾਲ 1995 ‘ਚ ਗਾਇਕ ਦਲੇਰ ਮਹਿੰਦੀ ਦਾ ਗੀਤ ‘ਤਾ ਰਾ ਰਾ ਰਾ’ ਉਸ ਦੇ ਕਰੀਅਰ ਦਾ ਟਰਨਿੰਗ ਪੁਆਇੰਟ ਸਾਬਤ ਹੋਇਆ। ਇਸ ਗੀਤ ਨਾਲ ਉਹ ਰਾਤੋ-ਰਾਤ ਮਸ਼ਹੂਰ ਹੋ ਗਿਆ। ਖਾਸ ਗੱਲ ਇਹ ਹੈ ਕਿ ਇਸ ਗੀਤ ਨੇ ਅਜਿਹਾ ਨਵਾਂ ਰਿਕਾਰਡ ਬਣਾਇਆ ਕਿ ਬਿਨਾਂ ਕਿਸੇ ਸਮੇਂ 2 ਕਰੋੜ ਕਾਪੀਆਂ ਵਿਕ ਗਈਆਂ। ਇਸ ਤੋਂ ਬਾਅਦ ਦਲੇਰ ਮਹਿੰਦੀ ਨੇ ਅੱਗੇ ਵਧ ਕੇ ਆਪਣੇ ਕਰੀਅਰ ਵਿੱਚ ਇੱਕ ਵੱਖਰਾ ਮੁਕਾਮ ਹਾਸਲ ਕੀਤਾ। ਅਮਿਤਾਭ ਬੱਚਨ ਦੇ ਸੱਦੇ ਨੇ ਬਦਲ ਦਿੱਤੀ ਜ਼ਿੰਦਗੀ ਆਪਣੇ ਧਮਾਕੇਦਾਰ ਗੀਤਾਂ ਅਤੇ ਸੰਗੀਤ ਨਾਲ, ਦਲੇਰ ਮਹਿੰਦੀ ਪੰਜਾਬੀ ਇੰਡਸਟਰੀ ਵਿੱਚ ਬਹੁਤ ਚਰਚਾ ਪੈਦਾ ਕਰ ਰਿਹਾ ਸੀ, ਪਰ ਉਸਦੇ ਦੋਸਤ ਚਾਹੁੰਦੇ ਸਨ ਕਿ ਉਹ ਬਾਲੀਵੁੱਡ ਵਿੱਚ ਵੀ ਗਾਉਣ। ਇੱਕ ਕਿੱਸਾ ਦੱਸਿਆ ਜਾਂਦਾ ਹੈ ਇੱਕ ਕਿੱਸਾ ਦੱਸਿਆ ਜਾਂਦਾ ਹੈ ਕਿ ਇੱਕ ਵਾਰ ਉਸਦੇ ਇੱਕ ਦੋਸਤ ਨੇ ਉਸਨੂੰ ਪੁੱਛਿਆ ਕਿ ਉਹ ਬਾਲੀਵੁੱਡ ਫਿਲਮਾਂ ਲਈ ਕਦੋਂ ਗਾਉਣ ਜਾ ਰਹੇ ਹਨ, ਜਿਸ ਦੇ ਜਵਾਬ ਵਿੱਚ ਦਲੇਰ ਮਹਿੰਦੀ ਨੇ ਕਿਹਾ ਕਿ ਉਹ ਬਾਲੀਵੁੱਡ ਵਿੱਚ ਉਦੋਂ ਗਾਏਗਾ ਜਦੋਂ ਉਸਨੂੰ ਪਾਜੀ ਬੁਲਾਵੇਗਾ ਤਾਂ ਬਾਲੀਵੁੱਡ ‘ਚ ਗਾਉਣਗੇ।ਹਾਲਾਂਕਿ ਇਹ ਸੁਣ ਕੇ ਉਸ ਦੇ ਦੋਸਤ ਨੇ ਸੋਚਿਆ ਕਿ ਉਹ ਐਕਟਰ ਧਰਮਿੰਦਰ ਦੀ ਗੱਲ ਕਰ ਰਿਹਾ ਹੈ ਪਰ ਦਲੇਰ ਮਹਿੰਦੀ ਨੇ ਕਿਹਾ ਕਿ ਉਹ ਅਮਿਤਾਭ ਬੱਚਨ ਦੇ ਫੋਨ ਦੀ ਗੱਲ ਕਰ ਰਿਹਾ ਹੈ ਅਤੇ ਉਸ ਦੇ ਦੋਸਤ ਨੇ ਕਿਹਾ ਕਿ ਉਹ ਤੁਹਾਨੂੰ ਕਿਉਂ ਫੋਨ ਕਰਨਗੇ , ਪਰ ਦਲੇਰ ਮਹਿੰਦੀ ਦਾ ਵਿਸ਼ਵਾਸ ਪੱਕਾ ਸੀ ਅਤੇ ਉਸ ਨੇ ਕਿਹਾ ਕਿ ਅਮਿਤਾਭ ਬੱਚਨ। ਇੱਕ ਦਿਨ ਉਸਨੂੰ ਜ਼ਰੂਰ ਬੁਲਾਵਾਂਗਾ। ਦੱਸਿਆ ਜਾਂਦਾ ਹੈ ਕਿ ਦੋਸਤ ਨਾਲ ਇਸ ਗੱਲਬਾਤ ਦੇ ਠੀਕ ਦੋ ਮਹੀਨੇ ਬਾਅਦ ਅਮਿਤਾਭ ਬੱਚਨ ਨੇ ਉਨ੍ਹਾਂ ਨੂੰ ਫੋਨ ਕੀਤਾ। ਇਸ ਤੋਂ ਬਾਅਦ ਉਨ੍ਹਾਂ ਨੂੰ ਅਮਿਤਾਭ ਬੱਚਨ ਲਈ ਗਾਉਣ ਦਾ ਮੌਕਾ ਮਿਲਿਆ। ਕਰੀਅਰ ਦੀ ਸ਼ੁਰੂਆਤ ਅਮਿਤਾਭ ਦੀ ਫਿਲਮ ਨਾਲ ਹੋਈ ਸੀ ਦਲੇਰ ਮਹਿੰਦੀ ਦਾ ਫਿਲਮੀ ਕਰੀਅਰ ਸਾਲ 1997 ‘ਚ ਆਈ ਅਮਿਤਾਭ ਬੱਚਨ ਦੀ ਫਿਲਮ ‘ਮ੍ਰਿਤੂਦਾਤਾ’ ਨਾਲ ਸ਼ੁਰੂ ਹੋਇਆ ਸੀ। ਇਸ ਫਿਲਮ ‘ਚ ਉਨ੍ਹਾਂ ਨੇ ‘ਨਾ ਨਾ ਨਾ ਰੇ’ ਗਾਇਆ ਸੀ। ਇਸ ਗੀਤ ਨੂੰ ਵੀ ਦਲੇਰ ਮਹਿੰਦੀ ਨੇ ਹੀ ਕੰਪੋਜ਼ ਕੀਤਾ ਸੀ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਕਈ ਗੀਤ ਗਾਏ ਅਤੇ ਦਲੇਰ ਮਹਿੰਦੀ ਬਾਲੀਵੁੱਡ ਦੇ ਸਭ ਤੋਂ ਵਧੀਆ ਗਾਇਕਾਂ ਵਿੱਚੋਂ ਇੱਕ ਵਜੋਂ ਉਭਰੇ। ਬਾਅਦ ਵਿੱਚ 1997 ਵਿੱਚ, ਉਸਨੂੰ ‘ਦਰਦੀ ਰਬ ਰਬ’ ਗੀਤ ਲਈ ਸਰਵੋਤਮ ਮੇਲ ਪੌਪ ਗਾਇਕ ਦੇ ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ ਗਿਆ। The post Happy Birthday Daler Mehndi: 11 ਸਾਲ ਦੀ ਉਮਰ ‘ਚ ਛੱਡਿਆ ਘਰ, ਬਿੱਗ ਬੀ ਦੀ ਇੱਕ ਕਾਲ ਨਾਲ ਬਦਲ ਗਈ ਕਿਸਮਤ appeared first on TV Punjab | Punjabi News Channel. Tags: bollywood-news-in-punjabi daler-mehndi daler-mehndi-birthday daler-mehndi-birthday-special daler-mehndi-latest-news daler-mehndi-lifestyle daler-mehndi-song entertainment entertainment-news-in-punjabi happy-birthday-daler-mehndi trending-news-today tv-punjab-news

ਬਹੁਤ ਕਰਾਮਾਤੀ ਹੈ ਇਸ ਰੁੱਖ ਦੀ ਸੱਕ, ਡਾਇਬਟੀਜ਼ ਅਤੇ ਹੱਡੀਆਂ ਲਈ ਹੈ ਵਰਦਾਨ, ਰੋਜ਼ਾਨਾ ਕਰੋ ਇਸ ਦਾ ਸੇਵਨ, ਤੁਹਾਨੂੰ ਮਿਲਣਗੇ 5 ਚਮਤਕਾਰੀ ਫਾਇਦੇ Friday 18 August 2023 05:00 AM UTC+00 | Tags: 5 arjuna-bark-cure arjuna-powder-benefits-for-hair arjuna-tree arjun-bark arjun-bark-cancer arjun-bark-heart-disease arjun-di-chaal-benefits-for-cholesterol arjun-di-chaal-benefits-for-heart arjun-di-chaal-benefits-for-weight-loss arjun-di-chaal-ke-fayde-ate-nuksan arjun-di-chhal-de-fayde-daso arjun-fruit arjun-ki-chaal-ke-fayde-in-punjab arjun-tree-bark-benefits arjun-tree-bark-powder arjun-tree-bark-uses arjun-tree-benefits ayurveda-tips benefits-of-arjun-di-chaal-in-english benefits-of-arjun-tree health health-benefits-of-arjuna-fruit healthy-food-tips healthy-living heart-health heath-benefits-of-arjun-tree home-remedies how-to-drink-arjun-di-chaal rig-veda-arjun-tree-bark rjun-ki-chaal-ke-fayde terminalia-arjuna tv-punjab-news what-is-arjun-fruit ਅਰਜੁਨ ਦੇ ਸੱਕ ਦੇ ਫਾਇਦੇ : ਆਯੁਰਵੇਦ ਵਿੱਚ ਕਈ ਰੁੱਖਾਂ ਅਤੇ ਪੌਦਿਆਂ ਨੂੰ ਸਿਹਤ ਲਈ ਬਹੁਤ ਫਾਇਦੇਮੰਦ ਮੰਨਿਆ ਗਿਆ ਹੈ। ਅਰਜੁਨ ਇੱਕ ਅਜਿਹੇ ਰੁੱਖ ਦਾ ਨਾਮ ਹੈ। ਦਰਅਸਲ, ਇਸ ਦਰੱਖਤ ਦੀ ਵਰਤੋਂ ਜ਼ਿਆਦਾਤਰ ਕਾੜ੍ਹੇ ਬਣਾਉਣ ਵਿੱਚ ਕੀਤੀ ਜਾਂਦੀ ਹੈ। ਕਾੜ੍ਹਾ ਬਣਾਉਣ ਦਾ ਮੁੱਖ ਕਾਰਨ ਇਹ ਹੈ ਕਿ ਅਰਜੁਨ ਦੀ ਸੱਕ ਦੇ ਪਾਣੀ ਵਿੱਚ ਐਂਟੀਆਕਸੀਡੈਂਟ ਹੁੰਦੇ ਹਨ, ਜਿਸ ਕਾਰਨ ਇਹ ਸਿਹਤ ਲਈ ਬਹੁਤ ਸਾਰੇ ਫਾਇਦੇ ਪ੍ਰਦਾਨ ਕਰਦਾ ਹੈ। ਇਹ ਸ਼ੂਗਰ, ਇਨਫੈਕਸ਼ਨ, ਗਲੇ ਦੀ ਖਰਾਸ਼, ਜ਼ੁਕਾਮ ਅਤੇ ਫਲੂ ਵਰਗੀਆਂ ਸਮੱਸਿਆਵਾਂ ਨੂੰ ਦੂਰ ਕਰਨ ਵਿੱਚ ਵੀ ਬਹੁਤ ਮਦਦਗਾਰ ਹੈ। ਇਹ ਅਰਜੁਨ ਦਰੱਖਤ ਨਦੀ-ਨਾਲੇ ਦੇ ਆਲੇ-ਦੁਆਲੇ ਉੱਗਦਾ ਹੈ, ਜਿਸ ਦੀ ਉਚਾਈ 30-40 ਫੁੱਟ ਤੱਕ ਹੋ ਸਕਦੀ ਹੈ। ਇਸ ਦਾ ਤਣਾ ਚਿੱਟਾ ਰੰਗ ਦਾ ਹੁੰਦਾ ਹੈ ਅਤੇ ਫਲ ਵਰਗਾਕਾਰ ਆਕਾਰ ਦਾ ਹੁੰਦਾ ਹੈ। ਆਓ ਜਾਣਦੇ ਹਾਂ ਅਰਜੁਨ ਦੀ ਸੱਕ ਦੇ ਚਮਤਕਾਰੀ ਫਾਇਦੇ। ਅਰਜੁਨ ਦੀ ਸੱਕ ਦੇ 5 ਅਦਭੁਤ ਫਾਇਦੇ ਡਾਇਬਟੀਜ਼ ਨੂੰ ਕੰਟਰੋਲ ਕਰੋ: ਅਰਜੁਨ ਦੇ ਸੱਕ ਦੀ ਵਰਤੋਂ ਸ਼ੂਗਰ ਨੂੰ ਕੰਟਰੋਲ ਕਰਨ ਲਈ ਬਹੁਤ ਕਾਰਗਰ ਮੰਨੀ ਜਾਂਦੀ ਹੈ। ਦਰਅਸਲ, ਇਸ ਦਰੱਖਤ ਵਿੱਚ ਕੁਝ ਖਾਸ ਕਿਸਮ ਦੇ ਐਨਜ਼ਾਈਮ ਪਾਏ ਜਾਂਦੇ ਹਨ। ਇਸ ਕਾਰਨ ਅਰਜੁਨ ਦੀ ਸੱਕ ‘ਚ ਡਾਇਬੀਟਿਕ ਗੁਣ ਵੀ ਮੌਜੂਦ ਹੁੰਦੇ ਹਨ। ਅਰਜੁਨ ਦੇ ਸੱਕ ਵਿੱਚ ਮੌਜੂਦ ਇਹ ਗੁਣ ਕਿਡਨੀ ਅਤੇ ਲੀਵਰ ਦੀ ਕਾਰਜਕੁਸ਼ਲਤਾ ਵਧਾ ਕੇ ਬਲੱਡ ਸ਼ੂਗਰ ਨੂੰ ਕੰਟਰੋਲ ਕਰਨ ਵਿੱਚ ਮਦਦ ਕਰਦਾ ਹੈ। ਦਿਲ ਦੇ ਖ਼ਤਰੇ ਨੂੰ ਘੱਟ ਕਰੇ : ਅਰਜੁਨ ਦੀ ਸੱਕ ਵਿੱਚ ਟ੍ਰਾਈਟਰਪੇਨੋਇਡ ਨਾਮਕ ਕੈਮੀਕਲ ਪਾਇਆ ਜਾਂਦਾ ਹੈ, ਜੋ ਦਿਲ ਦੇ ਰੋਗਾਂ ਨਾਲ ਜੁੜੇ ਖ਼ਤਰੇ ਨੂੰ ਦੂਰ ਕਰ ਸਕਦਾ ਹੈ। ਇਸ ਦੇ ਲਈ ਤੁਸੀਂ ਅਰਜੁਨ ਦੀ ਚਾਹ ਵੀ ਪੀ ਸਕਦੇ ਹੋ। ਇਸ ਨੂੰ ਬਣਾਉਣ ਲਈ ਸੱਕ ਦੇ ਪਾਊਡਰ ਨੂੰ ਅੱਧਾ ਚੱਮਚ ਦੇ ਅਨੁਪਾਤ ‘ਚ ਪਾ ਕੇ ਚਾਹ ਪੱਤੀ ਦੀ ਤਰ੍ਹਾਂ ਉਬਾਲ ਲਓ। ਹੁਣ ਅਦਰਕ, ਇਲਾਇਚੀ, ਦਾਲਚੀਨੀ, ਥੋੜ੍ਹਾ ਜਿਹਾ ਸੇਂਧਾ ਨਮਕ ਅਤੇ ਗੁੜ ਮਿਲਾ ਕੇ ਵਰਤ ਲਓ। ਤੁਸੀਂ ਚਾਹੋ ਤਾਂ ਦੁੱਧ ਵੀ ਪਾ ਸਕਦੇ ਹੋ, ਪਰ ਇਹ ਜ਼ਰੂਰੀ ਨਹੀਂ ਹੈ। ਹੱਡੀਆਂ ਨੂੰ ਮਜ਼ਬੂਤ ​​ਕਰਦਾ ਹੈ: ਅਰਜੁਨ ਦਾ ਦਰੱਖਤ ਤੁਹਾਡੇ ਲਈ ਇੱਕ ਸ਼ਾਨਦਾਰ ਦਵਾਈ ਹੈ। ਕਈ ਲੋਕ ਇਸ ਦੀ ਵਰਤੋਂ ਟੁੱਟੀਆਂ ਹੱਡੀਆਂ ਨੂੰ ਜੋੜਨ ਲਈ ਕਰਦੇ ਹਨ। ਦਰਅਸਲ, ਅਰਜੁਨ ਫਲ ਵਿੱਚ ਹੱਡੀਆਂ ਨੂੰ ਮਜ਼ਬੂਤ ​​ਕਰਨ ਵਾਲੇ ਤੱਤ ਭਰਪੂਰ ਮਾਤਰਾ ਵਿੱਚ ਪਾਏ ਜਾਂਦੇ ਹਨ। ਇਸ ਦੇ ਨਾਲ ਹੀ ਹੱਡੀਆਂ ਦਾ ਦਰਦ ਅਤੇ ਕਮਜ਼ੋਰੀ ਵੀ ਦੂਰ ਹੋ ਜਾਂਦੀ ਹੈ। ਇਸ ਲਈ ਤੁਸੀਂ ਇਸ ਦੀ ਸੱਕ ਪਾਊਡਰ ਅਤੇ ਦੁੱਧ ਦਾ ਸੇਵਨ ਕਰ ਸਕਦੇ ਹੋ। ਜ਼ੁਕਾਮ ਅਤੇ ਖਾਂਸੀ ਤੋਂ ਬਚਾਉਂਦਾ ਹੈ: ਸਰਦੀ-ਖਾਂਸੀ ਦੀ ਸਮੱਸਿਆ ਤੋਂ ਛੁਟਕਾਰਾ ਪਾਉਣ ਲਈ ਅਰਜੁਨ ਦੀ ਸੱਕ ਬਹੁਤ ਵਧੀਆ ਉਪਾਅ ਹੈ। ਅਰਜੁਨ ਸੱਕ ਦਾ ਪਾਣੀ ਭੀੜ-ਭੜੱਕੇ ਨੂੰ ਦੂਰ ਕਰਨ ਅਤੇ ਫੇਫੜਿਆਂ ਦੇ ਸਿਹਤਮੰਦ ਕੰਮ ਨੂੰ ਉਤਸ਼ਾਹਿਤ ਕਰਨ ਵਿੱਚ ਮਦਦ ਕਰਦਾ ਹੈ। ਇਸ ਤੋਂ ਇਲਾਵਾ ਇਹ ਪਾਣੀ ਸਾਹ ਦੀਆਂ ਬਿਮਾਰੀਆਂ ਤੋਂ ਬਚਣ ਲਈ ਬਹੁਤ ਫਾਇਦੇਮੰਦ ਮੰਨਿਆ ਜਾਂਦਾ ਹੈ। ਪਾਚਨ ਸ਼ਕਤੀ ਵਧਾਉਂਦੀ ਹੈ: ਅਰਜੁਨ ਦੀ ਸੱਕ ਦੀ ਵਰਤੋਂ ਪੇਟ ਨਾਲ ਜੁੜੀਆਂ ਕਈ ਸਮੱਸਿਆਵਾਂ ਨੂੰ ਦੂਰ ਕਰਨ ਲਈ ਵੀ ਕੀਤੀ ਜਾ ਸਕਦੀ ਹੈ। ਦੱਸ ਦੇਈਏ ਕਿ ਅਰਜੁਨ ਦੀ ਸੱਕ ਦਾ ਪਾਣੀ ਪੀਣ ਨਾਲ ਪਾਚਨ ਤੰਤਰ ‘ਤੇ ਸਕਾਰਾਤਮਕ ਪ੍ਰਭਾਵ ਪੈਂਦਾ ਹੈ। ਇਹ ਹਲਕੀ ਕਬਜ਼ ਨੂੰ ਦੂਰ ਕਰਨ ਵਿੱਚ ਮਦਦ ਕਰਦਾ ਹੈ। ਇਸ ਤੋਂ ਇਲਾਵਾ, ਇਹ ਪਾਚਨ ਕਿਰਿਆ ਨੂੰ ਸੁਧਾਰਨ ਅਤੇ ਪੇਟ ਦੇ ਅਲਸਰ ਅਤੇ ਐਸੀਡਿਟੀ ਦੇ ਲੱਛਣਾਂ ਨੂੰ ਘਟਾਉਣ ਵਿੱਚ ਵੀ ਮਦਦ ਕਰ ਸਕਦਾ ਹੈ। The post ਬਹੁਤ ਕਰਾਮਾਤੀ ਹੈ ਇਸ ਰੁੱਖ ਦੀ ਸੱਕ, ਡਾਇਬਟੀਜ਼ ਅਤੇ ਹੱਡੀਆਂ ਲਈ ਹੈ ਵਰਦਾਨ, ਰੋਜ਼ਾਨਾ ਕਰੋ ਇਸ ਦਾ ਸੇਵਨ, ਤੁਹਾਨੂੰ ਮਿਲਣਗੇ 5 ਚਮਤਕਾਰੀ ਫਾਇਦੇ appeared first on TV Punjab | Punjabi News Channel. Tags: 5 arjuna-bark-cure arjuna-powder-benefits-for-hair arjuna-tree arjun-bark arjun-bark-cancer arjun-bark-heart-disease arjun-di-chaal-benefits-for-cholesterol arjun-di-chaal-benefits-for-heart arjun-di-chaal-benefits-for-weight-loss arjun-di-chaal-ke-fayde-ate-nuksan arjun-di-chhal-de-fayde-daso arjun-fruit arjun-ki-chaal-ke-fayde-in-punjab arjun-tree-bark-benefits arjun-tree-bark-powder arjun-tree-bark-uses arjun-tree-benefits ayurveda-tips benefits-of-arjun-di-chaal-in-english benefits-of-arjun-tree health health-benefits-of-arjuna-fruit healthy-food-tips healthy-living heart-health heath-benefits-of-arjun-tree home-remedies how-to-drink-arjun-di-chaal rig-veda-arjun-tree-bark rjun-ki-chaal-ke-fayde terminalia-arjuna tv-punjab-news what-is-arjun-fruit

ਆਈਫੋਨ ਚਾਰਜਿੰਗ ਲਾ ਕੇ ਸੌਂ ਜਾਂਦੇ ਹੋ ਕੋਲ… ਤਾਂ ਹੋ ਜਾਵੋ ਸਾਵਧਾਨ! ਐਪਲ ਨੇ ਯੂਜ਼ਰਸ ਨੂੰ ਦਿੱਤੀ ਹੈ ਗੰਭੀਰ ਚਿਤਾਵਨੀ Friday 18 August 2023 05:30 AM UTC+00 | Tags: apple-charging-tips apple-iphone-battery-tips apple-iphone-charging-instructions apple-iphone-charging-tips apple-iphone-warning iphone-charging-guide iphone-charging-tips tech-autos tech-news-in-punajbi tv-punajb-news ਐਪਲ ਨੇ ਫੋਨ ਉਪਭੋਗਤਾਵਾਂ ਲਈ ਚੇਤਾਵਨੀ ਜਾਰੀ ਕੀਤੀ ਹੈ। ਕੰਪਨੀ ਨੇ ਯੂਜ਼ਰਸ ਨੂੰ ਚਾਰਜਿੰਗ ਫੋਨ ਦੇ ਕੋਲ ਸੌਣ ਦੇ ਸੰਭਾਵਿਤ ਖ਼ਤਰਿਆਂ ਬਾਰੇ ਚੇਤਾਵਨੀ ਦਿੱਤੀ ਹੈ। ਇੱਕ ਸੇਵਾ ਘੋਸ਼ਣਾ ਵਿੱਚ, ਕੰਪਨੀ ਨੇ ਫੋਨ ਦੀ ਚਾਰਜਿੰਗ ਬਾਰੇ ਸਹੀ ਢੰਗ ਨਾਲ ਜਾਣਕਾਰੀ ਸਾਂਝੀ ਕੀਤੀ ਹੈ। ਇਸ ਦੇ ਨਾਲ ਹੀ ਚਾਰਜਿੰਗ ‘ਚ ਲੱਗੇ ਫੋਨ ਨਾਲ ਨੀਂਦ ਆਉਣ ਦੇ ਖ਼ਤਰੇ ਨੂੰ ਵੀ ਉਜਾਗਰ ਕੀਤਾ ਗਿਆ ਹੈ। ਕੰਪਨੀ ਨੇ ਫੋਨ ਨੂੰ ਚਾਰਜ ਕਰਨ ਅਤੇ ਠੀਕ ਤਰ੍ਹਾਂ ਨਾਲ ਚਾਰਜ ਕਰਨ ‘ਚ ਲੱਗੇ ਫੋਨ ਦੇ ਕੋਲ ਸੌਣ ਦੇ ਖ਼ਤਰਿਆਂ ਬਾਰੇ ਦੱਸਿਆ ਹੈ। ਅੱਗ ਲੱਗਣ, ਬਿਜਲੀ ਦੇ ਝਟਕੇ, ਅਤੇ ਫ਼ੋਨ ਜਾਂ ਸੰਪਤੀ ਨੂੰ ਨੁਕਸਾਨ ਹੋਣ ਦਾ ਖਤਰਾ ਹੋ ਸਕਦਾ ਹੈ। ਇਹਨਾਂ ਵਿੱਚੋਂ ਕਿਸੇ ਵੀ ਸੰਭਾਵੀ ਖਤਰੇ ਤੋਂ ਬਚਣ ਲਈ, ਐਪਲ ਸਿਫ਼ਾਰਸ਼ ਕਰਦਾ ਹੈ ਕਿ ਫ਼ੋਨ ਨੂੰ ਕੇਬਲ ਨਾਲ ਕਨੈਕਟ ਕੀਤਾ ਜਾਵੇ ਅਤੇ ਚੰਗੀ ਤਰ੍ਹਾਂ ਹਵਾਦਾਰ ਖੇਤਰ ਵਿੱਚ ਚਾਰਜ ਕੀਤਾ ਜਾਵੇ। ਫ਼ੋਨ ਨੂੰ ਕੰਬਲ ਜਾਂ ਸਿਰਹਾਣੇ ਦੇ ਹੇਠਾਂ ਚਾਰਜ ਕਰਨ ਨਾਲ ਇਹ ਜ਼ਿਆਦਾ ਗਰਮ ਹੋ ਸਕਦਾ ਹੈ। ਐਪਲ ਨੇ ਆਪਣੇ ਦਿੱਤੇ ਸੰਦੇਸ਼ ‘ਚ ਲਿਖਿਆ ਹੈ ਕਿ ਕਿਸੇ ਨੂੰ ਡਿਵਾਈਸ, ਪਾਵਰ ਅਡਾਪਟਰ ਜਾਂ ਵਾਇਰਲੈੱਸ ਚਾਰਜਰ ‘ਤੇ ਨਹੀਂ ਸੌਣਾ ਚਾਹੀਦਾ। ਨਾਲ ਹੀ, ਇਹਨਾਂ ਨੂੰ ਚਾਰਜ ਕਰਨ ਵੇਲੇ ਕੰਬਲ, ਸਿਰਹਾਣੇ ਜਾਂ ਤੁਹਾਡੇ ਸਰੀਰ ਦੇ ਹੇਠਾਂ ਨਹੀਂ ਰੱਖਿਆ ਜਾਣਾ ਚਾਹੀਦਾ ਹੈ। ਐਪਲ ਨੇ ਥਰਡ ਪਾਰਟੀ ਚਾਰਜਰਸ ਨੂੰ ਵੀ ਖ਼ਤਰਾ ਦੱਸਿਆ ਹੈ। ਖਾਸ ਤੌਰ ‘ਤੇ ਚਾਰਜਰ ਜੋ ਗੈਰ-ਬ੍ਰਾਂਡ ਵਾਲੇ ਜਾਂ ਸਸਤੇ ਹਨ। ਐਪਲ ਨੇ ਕਿਹਾ ਹੈ ਕਿ ਸਿਰਫ ਮੇਡ ਫਾਰ ਆਈਫੋਨ ਕੇਬਲ ਦੀ ਵਰਤੋਂ ਕੀਤੀ ਜਾਣੀ ਚਾਹੀਦੀ ਹੈ। ਐਪਲ ਨੇ ਫੋਨ ਦੀ ਚਾਰਜਿੰਗ ਬਾਰੇ ਵੀ ਕਿਹਾ ਹੈ ਕਿ ਫੋਨ ਨੂੰ ਤਰਲ ਜਾਂ ਪਾਣੀ ਜਾਂ ਅਜਿਹੀਆਂ ਥਾਵਾਂ ‘ਤੇ ਚਾਰਜ ਹੋਣ ਤੋਂ ਬਚਾਉਣਾ ਚਾਹੀਦਾ ਹੈ। ਨਮੀ ਦੀ ਮੌਜੂਦਗੀ ਅੱਗ ਜਾਂ ਬਿਜਲੀ ਦੇ ਝਟਕੇ ਦੇ ਨਤੀਜੇ ਵਜੋਂ ਹੋ ਸਕਦੀ ਹੈ। ਨਾਲ ਹੀ, ਆਈਫੋਨ ਤੋਂ ਇਲਾਵਾ ਹੋਰ ਜਾਇਦਾਦਾਂ ਨੂੰ ਵੀ ਨੁਕਸਾਨ ਪਹੁੰਚ ਸਕਦਾ ਹੈ। The post ਆਈਫੋਨ ਚਾਰਜਿੰਗ ਲਾ ਕੇ ਸੌਂ ਜਾਂਦੇ ਹੋ ਕੋਲ… ਤਾਂ ਹੋ ਜਾਵੋ ਸਾਵਧਾਨ! ਐਪਲ ਨੇ ਯੂਜ਼ਰਸ ਨੂੰ ਦਿੱਤੀ ਹੈ ਗੰਭੀਰ ਚਿਤਾਵਨੀ appeared first on TV Punjab | Punjabi News Channel. Tags: apple-charging-tips apple-iphone-battery-tips apple-iphone-charging-instructions apple-iphone-charging-tips apple-iphone-warning iphone-charging-guide iphone-charging-tips tech-autos tech-news-in-punajbi tv-punajb-news

ਹਾਈਵੇ 'ਤੇ ਐਮਰਜੈਂਸੀ ਲੈਡਿੰਗ ਕਰਨ ਵੇਲੇ ਕਾਰ ਨਾਲ ਟਕਰਾਇਆ ਜੈੱਟ, 10 ਦੀ ਮੌ.ਤ Friday 18 August 2023 05:38 AM UTC+00 | Tags: highway-landing news private-jet-crash top-news trending-news world world-news ਡੈਸਕ- ਮਲੇਸ਼ੀਆ ਵਿਚ ਬੀਤੇ ਦਿਨੀਂ ਇਕ ਪ੍ਰਾਈਵੇਟ ਪਲੇਨ ਕ੍ਰੈਸ਼ ਹੋਣ ਨਾਲ 10 ਲੋਕਾਂ ਦੀ ਮੌਤ ਹੋ ਗਈ। ਹਾਦਸਾ ਲੈਂਡਿੰਗ ਦੌਰਾਨ ਏਲਮਿਨਾ ਟਾਊਨਸ਼ਿਪ ਨੇੜੇ ਹੋਇਆ। ਪਲੇਨ ਵਿਚ 2 ਕਰੂ ਮੈਂਬਰ ਤੇ 6 ਯਾਤਰੀ ਸਵਾਰ ਸਨ। ਹਾਦਸੇ ਵਿਚ ਸੜਕ ਤੋਂ ਲੰਘ ਰਹੇ ਦੋ ਲੋਕਾਂ ਦੀ ਵੀ ਮੌਤ ਹੋ ਗਈ। ਇਹ ਦੋ ਲੋਕ ਇਕ ਕਾਰ ਤੇ ਬਾਈਕ 'ਤੇ ਸਵਾਰ ਸਨ। ਹਾਦਸੇ ਤੋਂ ਕੁਝ ਦੇਰ ਪਹਿਲਾਂ ਪਲੇਨ ਦਾ ਏਅਰ ਟ੍ਰੈਫਿਕ ਕੰਟਰੋਲਰ ਨਾਲ ਸੰਪਰਕ ਟੁੱਟ ਗਿਆ।ਉਹ ਹਾਈਵੇ 'ਤੇ ਲੈਂਡ ਕਰਨ ਲੱਗਾ, ਉਸੇ ਦੌਰਾਨ ਇਕ ਕਾਰ ਤੇ ਇਕ ਬਾਈਕ ਨਾਲ ਟਕਰਾ ਦਿੱਤਾ। ਸਿਵਲ ਏਵੀਏਸ਼ਨ ਅਥਾਰਟੀ ਮੁਤਾਬਕ ਪ੍ਰਾਈਵੇਟ ਜੈੱਟ ਨੇ ਹਾਲੀਡੇ ਆਈਲੈਂਡ ਤੋਂ ਕੁਆਲਾਲੰਪੁਰ ਨੇੜੇ ਅਬਦੁਲ ਅਜੀਜ ਸ਼ਾਹ ਏਅਰਪੋਰਟ ਲਈ ਉਡਾਣ ਭਰੀ ਸੀ। ਸੇਲਾਂਗੋਰ ਦੇ ਪੁਲਿਸ ਚੀਫ ਹੁਸੈਨ ਓਮਾਰ ਖਾਨ ਨੇ ਦੱਸਿਆ ਕਿ ਪਲੇਨ ਨੂੰ ਲੈਂਡ ਕਰਨ ਲਈ ਕਲੀਅਰੈਂਸ ਦੇ ਦਿੱਤਾ ਗਿਆ ਸੀ। ਪਾਇਲਟ ਵੱਲੋਂ ਕੋਈ ਐਮਰਜੈਂਸੀ ਸਿਗਨਲ ਨਹੀਂ ਦਿੱਤਾ ਗਿਆ ਸੀ। ਏਵੀਏਸ਼ਨ ਅਥਾਰਟੀ ਦੇ ਚੀਫ ਐਗਜ਼ੀਕਿਊਟਿਵ ਨੋਰਾਜਮਾਨ ਨੇ ਦੱਸਿਆ ਕਿ ਪਾਇਲਟ ਨੇ 2 ਵਜ ਕੇ 47 ਮਿੰਟ 'ਤੇ ਏਅਰ ਟ੍ਰੈਫਿਕ ਕੰਟਰੋਲ ਟਾਵਰ ਨਾਲ ਸੰਪਰਕ ਕੀਤਾ ਸੀ, ਉਸ ਨੂੰ 2 ਵਜ ਕੇ 48 ਮਿੰਟ 'ਤੇ ਲੈਂਡ ਕਰਨ ਦੀ ਇਜਾਜ਼ਤ ਦਿੱਤੀ ਗਈ ਸੀ। ਇਸ ਦੇ ਬਾਅਦ ਉਨ੍ਹਾਂ ਦੇ ਪਲੇਨ ਨਾਲ ਕੋਈ ਸੰਪਰਕ ਨਹੀਂ ਹੋਇਆ ਤੇ 2 ਵਜ ਕੇ 51 ਮਿੰਟ 'ਤੇ ਉਨ੍ਹਾਂ ਨੂੰ ਕ੍ਰੈਸ਼ ਸਾਈਟ ਤੋਂ ਧੂੰਆਂ ਦਿਖਿਆ। ਇਸ ਪਲੇਨ ਨੂੰ ਜੇਟ ਵੈਲੇਟ ਕੰਪਨੀ ਆਪ੍ਰੇਟ ਕਰ ਰਹੀ ਸੀ। ਉਸ ਨੇ ਇਸ ਘਟਨਾ 'ਤੇ ਕੋਈ ਵੀ ਜਵਾਬ ਦੇਣ ਤੋਂ ਇਨਕਾਰ ਕਰ ਦਿੱਤਾ ਹੈ। The post ਹਾਈਵੇ 'ਤੇ ਐਮਰਜੈਂਸੀ ਲੈਡਿੰਗ ਕਰਨ ਵੇਲੇ ਕਾਰ ਨਾਲ ਟਕਰਾਇਆ ਜੈੱਟ, 10 ਦੀ ਮੌ.ਤ appeared first on TV Punjab | Punjabi News Channel. Tags: highway-landing news private-jet-crash top-news trending-news world world-news

ਨਾਬਾਲਗ ਧੀਆਂ ਨਾਲ ਬਲਾਤਕਾਰ ਬਲਾਤਕਾਰ ਕਰਨ ਵਾਲੇ ਸ਼ੈਤਾਨ ਪਿਤਾ ਨੂੰ 702 ਸਾਲ ਦੀ ਕੈਦ Friday 18 August 2023 05:55 AM UTC+00 | Tags: child-abuse news rape-with-minor-daughter rapist-father top-news trending-news world world-news ਡੈਸਕ- ਰਿਸ਼ਤੇ ਨੂੰ ਸ਼ਰਮਸਾਰ ਕਰਦੇ ਹੋਏ ਮਲੇਸ਼ੀਆ ਵਿੱਚ ਇੱਕ ਪਿਤਾ ਨੇ ਆਪਣੀਆਂ ਹੀ ਨਾਬਾਲਗ ਧੀਆਂ ਨਾਲ ਬਲਾਤਕਾਰ ਦੀ ਘਟਨਾ ਨੂੰ ਅੰਜਾਮ ਦਿੱਤਾ ਹੈ, ਜਿਸ ਲਈ ਸ਼ੈਤਾਨ ਪਿਤਾ ਨੂੰ 702 ਸਾਲ ਦੀ ਕੈਦ ਅਤੇ 234 ਕੌੜਿਆਂ ਦੀ ਸਜ਼ਾ ਸੁਣਾਈ ਗਈ ਹੈ। ਸਾਊਥ ਚਾਈਨਾ ਮਾਰਨਿੰਗ ਪੋਸਟ ਦੀ ਰਿਪੋਰਟ ਮੁਤਾਬਕ 53 ਸਾਲਾ ਪਿਤਾ ਨੇ 2018 ਤੋਂ 2023 ਤੱਕ ਦੋ ਲੜਕੀਆਂ ਨਾਲ 30 ਵਾਰ ਬਲਾਤਕਾਰ ਕਰਨ ਦੀ ਗੱਲ ਕਬੂਲ ਕੀਤੀ ਹੈ। ਰਿਪੋਰਟ ਮੁਤਾਬਕ ਹੈਵਾਨ ਪਿਤਾ ਦੀ ਬੇਰਹਿਮੀ ਦਾ ਖੁਲਾਸਾ ਉਦੋਂ ਹੋਇਆ ਜਦੋਂ ਵੱਡੀ ਧੀ ਗਰਭਵਤੀ ਹੋ ਗਈ। ਇਹ ਘਟਨਾ ਮਲੇਸ਼ੀਆ ਦੇ ਜੋਹੋਰ ਸੂਬੇ ਦੇ ਮੁਆਰ ਇਲਾਕੇ ਦੀ ਹੈ। ਜਿੱਥੇ ਇਹ ਵਿਅਕਤੀ ਸਾਲਾਂ ਤੋਂ ਆਪਣੀਆਂ ਧੀਆਂ ਨੂੰ ਹਵਸ ਦਾ ਸ਼ਿਕਾਰ ਬਣਾ ਰਿਹਾ ਸੀ। ਇਸ ਮਾਮਲੇ ‘ਚ ਫੈਸਲਾ ਸੁਣਾਉਂਦੇ ਹੋਏ ਅਦਾਲਤ ਨੇ ਕਿਹਾ ਕਿ ਸਜ਼ਾਵਾਂ ਇਕੱਠੀਆਂ ਚੱਲਣੀਆਂ ਚਾਹੀਦੀਆਂ ਹਨ। ਰਿਪੋਰਟ ਮੁਤਾਬਕ ਅਦਾਲਤ ਵੱਲੋਂ ਸਜ਼ਾ ਸੁਣਾਈ ਗਈ ਵਿਅਕਤੀ ਪੇਸ਼ੇ ਤੋਂ ਸਫਾਈ ਕਰਮਚਾਰੀ ਹੈ। ਉਸ ਦੀਆਂ ਦੋ ਵੱਖ-ਵੱਖ ਪਤਨੀਆਂ ਦੀਆਂ ਧੀਆਂ ਹਨ, ਜਿਨ੍ਹਾਂ ਨਾਲ ਉਹ ਕਈ ਸਾਲਾਂ ਤੋਂ ਗਲਤ ਕੰਮ ਕਰ ਰਿਹਾ ਸੀ। ਰਿਪੋਰਟ ਮੁਤਾਬਕ ਦੋਵੇਂ ਪੀੜਤ ਵੱਖ-ਵੱਖ ਇਲਾਕਿਆਂ ‘ਚ ਰਹਿੰਦੀਆਂ ਸਨ। ਰਿਪੋਰਟ ਮੁਤਾਬਕ ਦੋਸ਼ੀ ਨੇ ਆਖਰੀ ਵਾਰ 9 ਜੁਲਾਈ ਨੂੰ ਆਪਣੀ ਬੇਟੀ ਨਾਲ ਬਲਾਤਕਾਰ ਕੀਤਾ ਸੀ। ਅਦਾਲਤ ‘ਚ ਦੋਸ਼ੀ ਨੇ ਆਪਣੇ ਕੀਤੇ ‘ਤੇ ਪਛਤਾਵਾ ਜ਼ਾਹਰ ਕਰਦੇ ਹੋਏ ਸਜ਼ਾ ਘੱਟ ਕਰਨ ਦੀ ਅਪੀਲ ਕੀਤੀ, ਜਿਸ ਨੂੰ ਜੱਜ ਨੇ ਤੁਰੰਤ ਰੱਦ ਕਰ ਦਿੱਤਾ। ਇਸ ਦੇ ਨਾਲ ਹੀ ਜੱਜ ਨੇ ਕਿਹਾ ਕਿ ਅਪਰਾਧ ਬਹੁਤ ਗੰਭੀਰ ਹਨ। ਅਜਿਹੀ ਸਥਿਤੀ ਵਿੱਚ, ਇਹ ਸਜ਼ਾ ਤੁਹਾਨੂੰ ਆਪਣੇ ਕੰਮਾਂ ‘ਤੇ ਵਿਚਾਰ ਕਰਨ ਅਤੇ ਆਪਣੀਆਂ ਗੰਭੀਰ ਗਲਤੀਆਂ ਤੋਂ ਸਿੱਖਣ ਲਈ ਪ੍ਰੇਰਿਤ ਕਰੇਗੀ। ਅਦਾਲਤ ‘ਚ ਦੋਸ਼ੀ ਪਿਤਾ ਨੇ ਆਪਣਾ ਗੁਨਾਹ ਕਬੂਲ ਕਰਦਿਆਂ ਕਿਹਾ ਕਿ ‘ਮੈਂ ਆਪਣੇ ਕੀਤੇ ਦੀ ਸਜ਼ਾ ਸਵੀਕਾਰ ਕਰਦਾ ਹਾਂ’। ਤੁਹਾਨੂੰ ਦੱਸ ਦੇਈਏ ਕਿ ਬਾਲ ਯੌਨ ਅਪਰਾਧੀਆਂ ਲਈ ਇਸ ਤਰ੍ਹਾਂ ਦੀ ਲੰਬੀ ਜੇਲ੍ਹ ਦੀ ਸਜ਼ਾ ਮਲੇਸ਼ੀਆ ਦੀ ਕਾਨੂੰਨੀ ਪ੍ਰਣਾਲੀ ਵਿੱਚ ਕੋਈ ਨਵੀਂ ਗੱਲ ਨਹੀਂ ਹੈ। ਇਸ ਤੋਂ ਪਹਿਲਾਂ ਹਾਲ ਹੀ ਵਿੱਚ, ਜੋਹਰ ਵਿੱਚ ਇੱਕ ਵਿਅਕਤੀ ਨੂੰ ਆਪਣੀ 15 ਸਾਲਾ ਧੀ ਨਾਲ ਜਿਨਸੀ ਸ਼ੋਸ਼ਣ ਅਤੇ ਬਲਾਤਕਾਰ ਕਰਨ ਦੇ ਦੋਸ਼ ਵਿੱਚ 218 ਸਾਲ ਦੀ ਕੈਦ ਅਤੇ ਗੰਨੇ ਦੇ 75 ਕੌੜਿਆਂ ਦੀ ਸਜ਼ਾ ਸੁਣਾਈ ਗਈ ਸੀ। The post ਨਾਬਾਲਗ ਧੀਆਂ ਨਾਲ ਬਲਾਤਕਾਰ ਬਲਾਤਕਾਰ ਕਰਨ ਵਾਲੇ ਸ਼ੈਤਾਨ ਪਿਤਾ ਨੂੰ 702 ਸਾਲ ਦੀ ਕੈਦ appeared first on TV Punjab | Punjabi News Channel. Tags: child-abuse news rape-with-minor-daughter rapist-father top-news trending-news world world-news

ਬ੍ਰੇਕੱਪ ਤੋਂ ਬਾਅਦ ਚੈਟ ਕੀਤੀ ਵਾਇਰਲ, ਕੁੜੀ ਨੇ ਪਿੰਡ ਸਾਹਮਨੇ ਕੀਤੀ ਛਿੱਤਰ ਪਰੇਡ Friday 18 August 2023 06:10 AM UTC+00 | Tags: boy-friend-beaten chat-viral girl-freind-bets-boy-friend india news top-news trending-news ਡੈਸਕ- ਯੂਪੀ 'ਚ ਪ੍ਰੇਮੀ ਨੂੰ ਆਪਣੀ ਪ੍ਰੇਮਿਕਾ ਦੀ ਚੈਟ ਵਾਇਰਲ ਕਰਨਾ ਮਹਿੰਗਾ ਪੈ ਗਿਆ। ਅਜਿਹਾ ਕਰਨ 'ਤੇ ਉਸ ਦੇ ਖਿਲਾਫ ਥਾਣੇ 'ਚ ਸ਼ਿਕਾਇਤ ਵੀ ਦਰਜ ਕਰਵਾਈ ਗਈ ਅਤੇ ਪਿੰਡ ਦੀ ਪੰਚਾਇਤ ਤੋਂ ਸਜ਼ਾ ਵੀ ਮਿਲੀ। ਇੱਥੋਂ ਤੱਕ ਕਿ ਪਿੰਡ ਦੀ ਪੰਚਾਇਤ ਨੇ ਇਹ ਸਜ਼ਾ ਦਿੱਤੀ ਕਿ ਪੀੜਤ ਲੜਕੀ ਨੇ ਦੋਸ਼ੀ ਲੜਕੇ ਨੂੰ ਚੱਪਲਾਂ ਨਾਲ ਕੁੱਟਿਆ। ਸਜ਼ਾ ਨੂੰ ਅੰਜਾਮ ਦਿੰਦੇ ਹੋਏ ਲੜਕੀ ਨੇ ਪਿੰਡ ਵਾਲਿਆਂ ਸਾਹਮਣੇ ਆਪਣੇ ਬੁਆਏਫ੍ਰੈਂਡ ਨੂੰ ਚੱਪਲਾਂ ਨਾਲ ਕੁੱਟਿਆ, ਜਿਸ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਗਈ। ਅਜੇ ਤੱਕ ਇਹ ਸਪੱਸ਼ਟ ਨਹੀਂ ਹੋਇਆ ਹੈ ਕਿ ਪੰਚਾਇਤ ਕਦੋਂ ਹੋਈ ਸੀ। ਮਾਮਲਾ ਮੇਰਠ ਡਿਵੀਜ਼ਨ ਦੇ ਹਾਪੁੜ ਜ਼ਿਲ੍ਹੇ ਦੇ ਇੱਕ ਪਿੰਡ ਦਾ ਹੈ। ਹਾਪੁੜ ਜ਼ਿਲੇ ਦੀ ਇਕ ਗ੍ਰਾਮ ਪੰਚਾਇਤ ਦਾ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਇਆ ਸੀ, ਜਿਸ 'ਚ ਕੁੜੀ ਪਿੰਡ ਵਾਲਿਆਂ ਦੇ ਸਾਹਮਣੇ ਲੜਕੇ ਨੂੰ ਚੱਪਲਾਂ ਨਾਲ ਕੁੱਟ ਰਹੀ ਸੀ। ਦੱਸਿਆ ਜਾਂਦਾ ਹੈ ਕਿ ਮੁੰਡੇ ਨੇ ਪਹਿਲਾਂ ਪਿੰਡ ਦੀ ਕੁੜੀ ਨਾਲ ਚੈਟ ਕੀਤੀ ਅਤੇ ਫਿਰ ਉਸੇ ਚੈਟ ਦੀ ਵੀਡੀਓ ਬਣਾ ਕੇ ਸੋਸ਼ਲ ਮੀਡੀਆ 'ਤੇ ਵਾਇਰਲ ਕਰ ਦਿੱਤੀ। ਇਸ ਮਾਮਲੇ 'ਚ ਕੁੜੀ ਦੀ ਸ਼ਿਕਾਇਤ 'ਤੇ ਹਾਪੁੜ ਦੇ ਬਹਾਦੁਰਗੜ੍ਹ ਥਾਣੇ 'ਚ ਐਫਆਈਆਰ ਦਰਜ ਕੀਤੀ ਗਈ ਹੈ। ਸ਼ਿਕਾਇਤ ਮੁਤਾਬਕ ਕੁੜੀ ਅਤੇ ਮੁੰਡੇ ਦੀ ਦੋਸਤੀ ਹੋਈ। ਬੁਆਏਫ੍ਰੈਂਡ ਨੇ ਕੁੜੀ ਨਾਲ ਉਸ ਦੀ ਵ੍ਹਾਟਸਐਪ ਚੈਟਿੰਗ ਰਿਕਾਰਡ ਕੀਤੀ ਅਤੇ ਸੋਸ਼ਲ ਮੀਡੀਆ 'ਤੇ ਵਾਇਰਲ ਕਰ ਦਿੱਤੀ। ਚੈਟ ਵਾਇਰਲ ਹੋਣ ਤੋਂ ਬਾਅਦ ਪਰਿਵਾਰ ਨੂੰ ਇਸ ਗੱਲ ਦਾ ਪਤਾ ਲੱਗਾ। ਇਸ ਤੋਂ ਬਾਅਦ ਕੁੜੀ ਨੇ ਪ੍ਰੇਮੀ ਖਿਲਾਫ ਪੁਲਿਸ 'ਚ ਸ਼ਿਕਾਇਤ ਦਰਜ ਕਰਵਾਈ। ਇਸ ਮਾਮਲੇ 'ਚ ਗੜ੍ਹਮੁਕਤੇਸ਼ਵਰ ਖੇਤਰ ਦੇ ਸਰਕਲ ਅਧਿਕਾਰੀ ਅਭਿਸ਼ੇਕ ਸਿਨਹਾ ਨੇ ਦੱਸਿਆ ਕਿ ਕੁੜੀ ਦੀ ਸ਼ਿਕਾਇਤ 'ਤੇ ਮਾਮਲਾ ਦਰਜ ਕਰ ਲਿਆ ਗਿਆ ਹੈ ਅਤੇ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਦੂਜੇ ਪਾਸੇ ਵਾਇਰਲ ਹੋਈ ਵੀਡੀਓ 'ਤੇ ਪੁਲਿਸ ਦਾ ਕਹਿਣਾ ਹੈ ਕਿ ਵਾਇਰਲ ਵੀਡੀਓ ਦੀ ਅਜੇ ਪੁਸ਼ਟੀ ਨਹੀਂ ਹੋ ਸਕੀ ਹੈ। ਹਾਲਾਂਕਿ ਵੀਡੀਓ ਦੀ ਵੀ ਜਾਂਚ ਕੀਤੀ ਜਾ ਰਹੀ ਹੈ। ਵੀਡੀਓ 'ਚ ਕੁੜੀ ਲੜਕੇ ਨੂੰ ਚੱਪਲਾਂ ਨਾਲ ਕੁੱਟਦੀ ਨਜ਼ਰ ਆ ਰਹੀ ਹੈ ਅਤੇ ਲੋਕ ਮੁੰਡੇ ਨੂੰ ਮੂੰਹ ਨਾ ਲੁਕਾਉਣ ਲਈ ਕਹਿ ਰਹੇ ਹਨ। ਪਿੰਡ ਵਾਲਿਆਂ ਨੇ ਮੁੰਡੇ ਨੂੰ ਕੁੜੀ ਤੋਂ ਮਾਫੀ ਮੰਗਣ ਲਈ ਕਿਹਾ। The post ਬ੍ਰੇਕੱਪ ਤੋਂ ਬਾਅਦ ਚੈਟ ਕੀਤੀ ਵਾਇਰਲ, ਕੁੜੀ ਨੇ ਪਿੰਡ ਸਾਹਮਨੇ ਕੀਤੀ ਛਿੱਤਰ ਪਰੇਡ appeared first on TV Punjab | Punjabi News Channel. Tags: boy-friend-beaten chat-viral girl-freind-bets-boy-friend india news top-news trending-news

ਮਾਨ ਦੀ ਕਲਾਸ 'ਤੇ ਮਜੀਠੀਆ ਦੀ ਚੁਟਕੀ, ਜ਼ਿੰਪਾ ਨੇ ਕੀਤਾ ਡੈਮੇਜ ਕੰਟਰੋਲ Friday 18 August 2023 06:16 AM UTC+00 | Tags: bikram-majithia brahm-shankar-jimpa cm-mann news punjab punjab-news punjab-politics top-news trending-news ਡੈਸਕ- ਮੁੱਖ ਮੰਤਰੀ ਭਗਵੰਤ ਮਾਨ ‘ਤੇ ਅਕਾਲੀ ਲੀਡਰ ਬਿਕਰਮ ਮਜੀਠੀਆ ਨੇ ਨਿਸ਼ਾਨਾ ਸਾਧਿਆ ਹੈ। ਇਸ ਵਾਰ ਮਜੀਠੀਆ ਨੇ ਸੀਐਮ ਮਾਨ ਵੱਲੋਂ ਆਪਣੇ ਹੀ ਮੰਤਰੀ ਬ੍ਰਹਮ ਸ਼ੰਕਰ ਜ਼ਿੰਪਾ ਦੀ ਸਭ ਦੇ ਸਾਹਮਣੇ ਕਲਾਸ ਲਾਏ ਜਾਣ ਕਰਕੇ ਘੇਰਿਆ ਹੈ। ਸੀਐਮ ਮਾਨ ਨੇ ਹੁਸ਼ਿਆਰਪੁਰ ਦੇ ਹੜ੍ਹ ਪ੍ਰਭਾਵਿਤ ਇਲਾਕਿਆਂ ਦੇ ਦੌਰੇ ਦੌਰਾਨ ਕੈਬਨਿਟ ਮੰਤਰੀ ਬ੍ਰਹਮ ਸ਼ੰਕਰ ਜ਼ਿੰਪਾ ਦੀ ਮੀਡੀਆ ਦੇ ਸਾਹਮਣੇ ਹੀ ਕਲਾਸ ਲਾ ਦਿੱਤੀ ਸੀ। ਹੁਣ ਮੁੱਖ ਮੰਤਰੀ ਦੇ ਇਸ ਰਵੱਈਏ ‘ਤੇ ਵਿਰੋਧੀ ਪਾਰਟੀਆਂ ਨੇ ਉਨ੍ਹਾਂ ਨੂੰ ਘੇਰਨਾ ਸ਼ੁਰੂ ਕਰ ਦਿੱਤਾ ਹੈ। ਬਿਕਰਮ ਮਜੀਠੀਆ ਨੇ ਕੈਬਨਿਟ ਮੰਤਰੀ ਜ਼ਿੰਪਾ ਨਾਲ ਹਮਦਰਦੀ ਜਤਾਉਂਦੇ ਹੋਏ ਮੁੱਖ ਮੰਤਰੀ ਭਗਵੰਤ ਮਾਨ ਦੇ ਇਸ ਰਵੱਈਏ ਨੂੰ ਹੰਕਾਰ ਕਰਾਰ ਦਿੱਤਾ ਹੈ। ਮਜੀਠੀਆ ਨੇ ਕਿਹਾ-ਮੈਂ ਮੁੱਖ ਮੰਤਰੀ ਭਗਵੰਤ ਮਾਨ ਦੇ ਹੰਕਾਰ ਦੀ ਨਿੰਦਾ ਕਰਦਾ ਹਾਂ ਤੇ ਕੈਬਨਿਟ ਮੰਤਰੀ ਜ਼ਿੰਪਾ ਨਾਲ ਹਮਦਰਦੀ ਹੈ। ਜਿੰਪਾ ਨੇ ਸਿੱਧੇ ਤੌਰ ‘ਤੇ ਮੁੱਖ ਮੰਤਰੀ ਨੂੰ ਹੜ੍ਹ ਪ੍ਰਭਾਵਿਤ ਕਿਸਾਨਾਂ ਨੂੰ ਮਿਲਣ ਲਈ ਬੇਨਤੀ ਕੀਤੀ ਸੀ। ਪੰਜਾਬ ਵਿੱਚ ਕੈਬਨਿਟ ਮੰਤਰੀਆਂ ਨਾਲ ਅਜਿਹਾ ਹੀ ਸਲੂਕ ਕੀਤਾ ਜਾਂਦਾ ਹੈ। ਸਰਕਾਰ ਵੱਲੋਂ ਕਿਸਾਨਾਂ ਤੇ ਲੋੜਵੰਦਾਂ ਨੂੰ ਹੜ੍ਹਾਂ ‘ਚ ਰਾਹਤ ਦੇਣ ਤੋਂ ਇਨਕਾਰ ਕਰਨਾ ਸਮਝ ਵਿੱਚ ਆਉਂਦਾ ਹੈ। ਜਿੰਪਾ ਨੇ ਮਜੀਠੀਆ ਨੂੰ ਇਸ ਦਾ ਜਵਾਬ ਦਿੱਤਾ ਹੈ। ਉਨ੍ਹਾਂ ਨੇ ਇਸ ਸਬੰਧੀ ਟਵੀਟ ਕਰਕੇ ਹੋਏ ਲਿਖਿਆ ਹੈ-ਸਾਡੇ ਮੁੱਖ ਮੰਤਰੀ ਸਾਬ੍ਹ ਸਾਡੇ ਮੁਖੀ ਹਨ। ਵੱਡਿਆਂ ਦਾ ਸਤਿਕਾਰ ਕਰਨਾ ਸਾਡੇ ਵਿਰਸੇ ਅਤੇ ਸਾਡੇ ਸ਼ਿਸ਼ਟਾਚਾਰ ਦਾ ਹਿੱਸਾ ਹੈ ਪਰ ਤੁਸੀਂ ਇਹ ਨਹੀਂ ਸਮਝੋਗੇ। ਇਹੀ ਕਾਰਣ ਹੈ ਕਿ ਪੰਜਾਬ ਦੀ ਜਨਤਾ ਨੇ ਤੁਹਾਨੂੰ ਸਿਰੇ ਤੋਂ ਖਾਰਜ ਕਰ ਦਿੱਤਾ ਹੈ।” The post ਮਾਨ ਦੀ ਕਲਾਸ 'ਤੇ ਮਜੀਠੀਆ ਦੀ ਚੁਟਕੀ, ਜ਼ਿੰਪਾ ਨੇ ਕੀਤਾ ਡੈਮੇਜ ਕੰਟਰੋਲ appeared first on TV Punjab | Punjabi News Channel. Tags: bikram-majithia brahm-shankar-jimpa cm-mann news punjab punjab-news punjab-politics top-news trending-news

ਵਿਸ਼ਵ ਅਥਲੈਟਿਕਸ ਚੈਂਪੀਅਨਸ਼ਿਪ 'ਚ ਭਾਰਤ ਕਰਨਾ ਚਾਹੇਗਾ ਸੁਨਹਿਰੀ ਯੁੱਗ ਦੀ ਸ਼ੁਰੂਆਤ, ਨੀਰਜ ਚੋਪੜਾ ਕਰਨਗੇ ਅਗਵਾਈ Friday 18 August 2023 06:30 AM UTC+00 | Tags: javelien-throw neeraj-chopra sports sports-news-in-punjabi tv-punajb-news world-athletics-championship-2023 world-athletics-championship-2023-budapest world-athletics-championship-team-india World Athletics Championship 2023: ਜਦੋਂ 19 ਅਗਸਤ ਤੋਂ ਹੰਗਰੀ ਦੇ ਬੁਡਾਪੇਸਟ ਵਿੱਚ ਵਿਸ਼ਵ ਅਥਲੈਟਿਕਸ ਚੈਂਪੀਅਨਸ਼ਿਪ ਸ਼ੁਰੂ ਹੋਵੇਗੀ, ਤਾਂ ਭਾਰਤ ਆਪਣੇ ਸੁਨਹਿਰੀ ਦੌਰ ਦੀ ਸ਼ੁਰੂਆਤ ਕਰਨਾ ਚਾਹੇਗਾ। ਜਿੱਥੇ ਵਿਸ਼ਵ ਅਥਲੈਟਿਕਸ ਵਿੱਚ ਅਮਰੀਕਾ ਦਾ ਦਬਦਬਾ ਹੈ, ਉੱਥੇ ਭਾਰਤ ਨੇ ਚਾਰ ਦਹਾਕਿਆਂ ਵਿੱਚ ਸਿਰਫ਼ 2 ਤਗ਼ਮੇ ਜਿੱਤੇ ਹਨ। ਸਾਲ 2003 ਵਿੱਚ ਪੈਰਿਸ ਵਿੱਚ ਖੇਡੇ ਗਏ ਵਿਸ਼ਵ ਅਥਲੈਟਿਕਸ ਵਿੱਚ ਭਾਰਤ ਦਾ ਪਹਿਲਾ ਕਾਂਸੀ ਦਾ ਤਗਮਾ ਲੰਮੀ ਛਾਲ ਮੁਕਾਬਲੇ ਵਿੱਚ ਅੰਜੂ ਬੌਬੀ ਜਾਰਜ ਨੇ ਜਿੱਤਿਆ ਸੀ, ਜਦੋਂ ਕਿ ਸਾਲ 2022 ਵਿੱਚ ਯੂਜੀਨ ਵਿੱਚ ਨੀਰਜ ਚੋਪੜਾ ਨੇ ਜੈਵਲਿਨ ਥਰੋਅ ਵਿੱਚ ਚਾਂਦੀ ਦਾ ਤਗ਼ਮਾ ਜਿੱਤਿਆ ਸੀ। ਇਸ ਵਾਰ ਨੀਰਜ ਚੋਪੜਾ ਦੀ ਅਗਵਾਈ ‘ਚ ਭਾਰਤ ਪਹਿਲੀ ਵਾਰ ਸੋਨ ਤਮਗਾ ਜਿੱਤਣਾ ਚਾਹੇਗਾ। 28 ਐਥਲੀਟਾਂ ਨੇ ਕੁਆਲੀਫਾਈ ਕੀਤਾ ਸੀ ਇਸ ਵਾਰ ਕੁੱਲ 28 ਭਾਰਤੀ ਖਿਡਾਰੀਆਂ ਨੇ ਵਿਸ਼ਵ ਅਥਲੈਟਿਕਸ ਵਿੱਚ ਕੁਆਲੀਫਾਈ ਕੀਤਾ, ਜੋ ਪਿਛਲੀ ਵਾਰ ਨਾਲੋਂ ਪੰਜ ਵੱਧ ਹੈ। ਹਾਲਾਂਕਿ ਸੱਟ ਕਾਰਨ ਕਈ ਖਿਡਾਰੀਆਂ ਨੇ ਆਪਣੇ ਨਾਂ ਵਾਪਸ ਲੈ ਲਏ ਹਨ। ਦਲ ਦੀ ਸਭ ਤੋਂ ਨੌਜਵਾਨ ਮੈਂਬਰ 19 ਸਾਲਾ ਸ਼ੈਲੀ ਸਿੰਘ ਹੈ, ਜੋ ਔਰਤਾਂ ਦੀ ਲੰਬੀ ਛਾਲ ਮੁਕਾਬਲੇ ਵਿੱਚ ਹਿੱਸਾ ਲਵੇਗੀ। ਕਈ ਸੀਨੀਅਰ ਖਿਡਾਰੀ ਖੁੰਝ ਜਾਣਗੇ ਉੱਚੀ ਛਾਲ ਵਿੱਚ ਰਾਸ਼ਟਰੀ ਰਿਕਾਰਡ ਧਾਰਕ ਤੇਜਸਵਿਨ ਸ਼ੰਕਰ, 800 ਮੀਟਰ ਦੌੜਾਕ ਕੇਐਮ ਚੰਦਾ ਅਤੇ 20 ਕਿਲੋਮੀਟਰ ਵਾਕਰ ਪ੍ਰਿਅੰਕਾ ਗੋਸਵਾਮੀ ਇਸ ਵਾਰ ਵਿਸ਼ਵ ਚੈਂਪੀਅਨਸ਼ਿਪ ਵਿੱਚ ਹਿੱਸਾ ਨਹੀਂ ਲੈ ਰਹੇ ਹਨ। ਉਸ ਦੀ ਨਜ਼ਰ ਏਸ਼ੀਅਨ ਖੇਡਾਂ ‘ਤੇ ਹੈ। ਕਮਰ ਦੇ ਦਰਦ ਕਾਰਨ ਤੂਰ ਵੀ ਬਾਹਰ ਹੈ। at #WorldAthleticsChampionships India's 27-member squad is all set for the World Athletics Championships in Budapest, Hungary, happening from Aug 19-27. Neeraj Chopra, India's sole former medallist, clinched silver in javelin throw at Eugene last year. Let's unite… pic.twitter.com/ZxODjW8abF — nnis (@nnis_sports) August 17, 2023 ਇਨ੍ਹਾਂ ਮੁਕਾਬਲਿਆਂ ਵਿੱਚ ਭਾਰਤੀ ਖਿਡਾਰੀ ਚੁਣੌਤੀ ਦੇਣਗੇ ਜਯੋਤੀ ਯਾਰਾਜੀ – 100 ਮੀਟਰ ਰੁਕਾਵਟ ਪਾਰੁਲ ਚੌਧਰੀ – 3000 ਮੀਟਰ ਸਟੀਪਲਚੇਜ਼ ਸ਼ੈਲੀ ਸਿੰਘ – ਲੰਬੀ ਛਾਲ ਅੰਨੂ ਰਾਣੀ – ਜੈਵਲਿਨ ਥ੍ਰੋ ਕ੍ਰਿਸ਼ਨ ਕੁਮਾਰ – 800 ਮੀ ਅਜੈ ਕੁਮਾਰ ਸਰੋਜ – 1500 ਮੀ ਸੰਤੋਸ਼ ਕੁਮਾਰ ਤਮਿਲਾਰਸਨ – 400 ਮੀਟਰ ਰੁਕਾਵਟ ਅਵਿਨਾਸ਼ ਮੁਕੁੰਦ ਸੇਬਲ – 3000 ਮੀਟਰ ਸਟੀਪਲਚੇਜ਼ ਸਰਵੇਸ਼ ਅਨਿਲ ਕੁਸ਼ਾਰੇ – ਉੱਚੀ ਛਾਲ ਜੇਸਵਿਨ ਐਲਡਰਿਨ – ਲੰਬੀ ਛਾਲ ਐਮ ਸ਼੍ਰੀਸ਼ੰਕਰ – ਲੰਬੀ ਛਾਲ ਪ੍ਰਵੀਨ ਚਿਤਰਵੇਲ – ਤੀਹਰੀ ਛਾਲ ਅਬਦੁੱਲਾ ਅਬੁਬਾਕਰ – ਟ੍ਰਿਪਲ ਜੰਪ ਐਲਧੋਜ ਪਾਲ – ਟ੍ਰਿਪਲ ਜੰਪ ਨੀਰਜ ਚੋਪੜਾ – ਜੈਵਲਿਨ ਥ੍ਰੋ ਡੀਪੀ ਮਨੂ – ਜੈਵਲਿਨ ਥ੍ਰੋ ਕਿਸ਼ੋਰ ਕੁਮਾਰ ਜੇਨਾ – ਜੈਵਲਿਨ ਥ੍ਰੋ ਅਕਾਸ਼ਦੀਪ ਸਿੰਘ – 20 ਕਿਲੋਮੀਟਰ ਪੈਦਲ ਵਿਕਾਸ ਸਿੰਘ – 20 ਕਿਲੋਮੀਟਰ ਪੈਦਲ ਪਰਮਜੀਤ ਸਿੰਘ – 20 ਕਿਲੋਮੀਟਰ ਪੈਦਲ ਰਾਮ ਬਾਬੂ – 35 ਕਿਲੋਮੀਟਰ ਪੈਦਲ ਅਮੋਜ ਜੈਕਬ, ਮੁਹੰਮਦ ਅਜਮਲ, ਮੁਹੰਮਦ ਅਨਸ, ਰਾਜੇਸ਼, ਰਮੇਸ਼, ਅਨਿਲ ਰਾਜਲਿੰਗਮ ਅਤੇ ਮਿਜ਼ੋ ਚਾਕੋ ਕੁਰੀਅਨ (ਪੁਰਸ਼ਾਂ ਦੀ 4×400 ਮੀਟਰ ਰਿਲੇਅ) ਅਮਰੀਕਾ ਦਾ ਦਬਦਬਾ ਹੈ ਅਮਰੀਕਾ ਨੇ ਸਭ ਤੋਂ ਵੱਧ 183 ਸੋਨ ਤਮਗੇ ਜਿੱਤ ਕੇ ਵਿਸ਼ਵ ਅਥਲੈਟਿਕਸ ਚੈਂਪੀਅਨਸ਼ਿਪ ‘ਤੇ ਦਬਦਬਾ ਬਣਾਇਆ ਹੈ। ਇਹ 414 ਤਗਮੇ ਜਿੱਤਣ ਵਾਲਾ ਇਕਲੌਤਾ ਦੇਸ਼ ਹੈ। ਰੈਂਕ ਕੰਟਰੀ ਗੋਲਡ ਸਿਲਵਰ ਕਾਂਸੀ ਕੁੱਲ 1 ਅਮਰੀਕਾ 183 126 105 414 2 ਕੀਨੀਆ 62 55 44 161 3 ਰੂਸ 42 52 48 142 4 ਜਰਮਨੀ 39 36 48 123 5 ਜਮਾਇਕਾ 37 56 44 137 6 ਇਥੋਪੀਆ 33 34 28 95 7 ਯੂਕੇ 31 37 43 111 9 ਚੀਨ 22 26 25 73 10 ਕਿਊਬਾ 22 24 14 60 The post ਵਿਸ਼ਵ ਅਥਲੈਟਿਕਸ ਚੈਂਪੀਅਨਸ਼ਿਪ ‘ਚ ਭਾਰਤ ਕਰਨਾ ਚਾਹੇਗਾ ਸੁਨਹਿਰੀ ਯੁੱਗ ਦੀ ਸ਼ੁਰੂਆਤ, ਨੀਰਜ ਚੋਪੜਾ ਕਰਨਗੇ ਅਗਵਾਈ appeared first on TV Punjab | Punjabi News Channel. Tags: javelien-throw neeraj-chopra sports sports-news-in-punjabi tv-punajb-news world-athletics-championship-2023 world-athletics-championship-2023-budapest world-athletics-championship-team-india

ਰਾਹੁਲ ਅਤੇ ਅਈਅਰ ਫਿੱਟ ਨਹੀਂ ਹਨ ਤਾਂ ਇਹ ਖਿਡਾਰੀ ਹੋ ਸਕਦੇ ਹਨ ਮੱਧਕ੍ਰਮ ਵਿੱਚ ਸਭ ਤੋਂ ਵਧੀਆ ਵਿਕਲਪ Friday 18 August 2023 07:35 AM UTC+00 | Tags: . cricket-news-in-punjabi indian-team-middle-order ishan-kishan kl-rahul saba-karim shreyas-iyer sports sports-news-in-punjabi suryakumar-yadav team-india Saba Karim has backed Suryakumar Yadav and Ishan Kishan: ਸਾਬਕਾ ਭਾਰਤੀ ਚੋਣਕਾਰ ਅਤੇ ਵਿਕਟਕੀਪਰ ਬੱਲੇਬਾਜ਼ ਸਬਾ ਕਰੀਮ ਨੇ ਸੂਰਿਆਕੁਮਾਰ ਯਾਦਵ ਅਤੇ ਈਸ਼ਾਨ ਕਿਸ਼ਨ ਨੂੰ ਆਗਾਮੀ ਏਸ਼ੀਆ ਕੱਪ ਅਤੇ ਵਨਡੇ ਵਿਸ਼ਵ ਕੱਪ ਲਈ ਮੱਧਕ੍ਰਮ ਲਈ ਸਭ ਤੋਂ ਵਧੀਆ ਵਿਕਲਪ ਦੱਸਿਆ ਹੈ। ਬੀਸੀਸੀਆਈ ਜਲਦੀ ਹੀ ਇਨ੍ਹਾਂ ਦੋਵਾਂ ਮਹੱਤਵਪੂਰਨ ਟੂਰਨਾਮੈਂਟਾਂ ਲਈ ਟੀਮ ਇੰਡੀਆ ਦਾ ਐਲਾਨ ਕਰ ਸਕਦਾ ਹੈ ਅਤੇ ਸਾਰਿਆਂ ਨੂੰ ਉਮੀਦ ਹੈ ਕਿ ਕੇਐਲ ਰਾਹੁਲ ਅਤੇ ਸ਼੍ਰੇਅਸ ਅਈਅਰ ਪੂਰੀ ਤਰ੍ਹਾਂ ਫਿੱਟ ਹੋਣ ਲਈ ਤਿਆਰ ਹਨ। ਹਾਲਾਂਕਿ ਜੇਕਰ ਇਨ੍ਹਾਂ ‘ਚੋਂ ਕੋਈ ਵੀ ਟੀਮ ‘ਚ ਵਾਪਸੀ ਨਹੀਂ ਕਰ ਪਾਉਂਦੀ ਹੈ ਤਾਂ ਅਜਿਹੇ ‘ਚ ਹਰ ਪਾਸੇ ਇਹ ਚਰਚਾ ਦੇਖਣ ਨੂੰ ਮਿਲ ਰਹੀ ਹੈ ਕਿ ਟੀਮ ਇੰਡੀਆ ਕੋਲ ਕਿਹੜੇ ਖਿਡਾਰੀਆਂ ਦਾ ਵਿਕਲਪ ਹੈ। ਕੇਐਲ ਰਾਹੁਲ ਨਾਲੋਂ ਈਸ਼ਾਨ ਕਿਸ਼ਨ ਬਿਹਤਰ ਵਿਕਲਪ ਹੈ ਸਬਾ ਕਰੀਮ ਨੇ ਜੀਓ ਸਿਨੇਮਾ ਦੁਆਰਾ ਆਯੋਜਿਤ ਇੱਕ ਪ੍ਰੈਸ ਕਾਨਫਰੰਸ ਦੌਰਾਨ ਕਿਹਾ ਕਿ ‘ਚੋਣਕਰਤਾਵਾਂ ਨੂੰ ਕੇਐਲ ਰਾਹੁਲ ਅਤੇ ਸ਼੍ਰੇਅਸ ਅਈਅਰ ਨੂੰ ਧਿਆਨ ਵਿੱਚ ਰੱਖਣਾ ਚਾਹੀਦਾ ਹੈ। ਜੇਕਰ ਉਹ ਫਿੱਟ ਹੈ ਤਾਂ ਉਸ ਨੂੰ ਟੀਮ ‘ਚ ਸ਼ਾਮਲ ਕੀਤਾ ਜਾ ਸਕਦਾ ਹੈ। ਪਰ ਇੰਤਜ਼ਾਰ ਖਤਮ ਨਹੀਂ ਹੋਇਆ, ਜਿੱਥੋਂ ਤੱਕ ਮੈਨੂੰ ਪਤਾ ਹੈ ਕਿ ਟੀਮ ਦਾ ਐਲਾਨ 20 ਤਰੀਕ ਨੂੰ ਕੀਤਾ ਜਾਵੇਗਾ, ਉਨ੍ਹਾਂ ਕੋਲ ਉਦੋਂ ਤੱਕ ਦਾ ਸਮਾਂ ਹੈ। ਪਰ ਜੇਕਰ ਉਹ ਫਿੱਟ ਨਹੀਂ ਹੈ ਤਾਂ ਰਾਹੁਲ ਦੀ ਜਗ੍ਹਾ ਈਸ਼ਾਨ ਕਿਸ਼ਨ ਚੰਗਾ ਵਿਕਲਪ ਹੈ ਕਿਉਂਕਿ ਉਹ ਬੱਲੇਬਾਜ਼ ਨੂੰ ਓਪਨ ਕਰ ਸਕਦਾ ਹੈ ਅਤੇ ਮੱਧਕ੍ਰਮ ਵਿੱਚ ਬੱਲੇਬਾਜ਼ੀ ਕਰ ਸਕਦਾ ਹੈ। ਸੂਰਿਆਕੁਮਾਰ ਯਾਦਵ 5ਵੇਂ ਨੰਬਰ ‘ਤੇ ਹਨ ਕਰੀਮ ਨੇ ਪੰਜਵੇਂ ਨੰਬਰ ਲਈ ਤਿੰਨ ਖਿਡਾਰੀਆਂ ਦਾ ਨਾਂ ਲਿਆ, ਜਦਕਿ ਉਸ ਨੇ ਕਿਹਾ ਕਿ ਸੀਨੀਅਰ ਬੱਲੇਬਾਜ਼ ਸੂਰਿਆਕੁਮਾਰ ਯਾਦਵ ਉਸ ਦੀ ਪਹਿਲੀ ਪਸੰਦ ਹੋਣਗੇ। ਉਸ ਨੇ ਕਿਹਾ, ‘ਜੇਕਰ ਸ਼੍ਰੇਅਸ ਅਈਅਰ ਫਿੱਟ ਨਹੀਂ ਹੈ, ਤਾਂ ਤੁਹਾਡੇ ਕੋਲ ਤਿਲਕ ਵਰਮਾ, ਸੰਜੂ ਸੈਮਸਨ ਅਤੇ ਸੂਰਿਆਕੁਮਾਰ ਯਾਦਵ ਵਿੱਚੋਂ 2-3 ਵਿਕਲਪ ਹਨ। ਪਰ ਮੇਰੇ ਲਈ, ਸੂਰਿਆਕੁਮਾਰ ਯਾਦਵ ਨੇ ਘਰੇਲੂ ਅਤੇ ਅੰਤਰਰਾਸ਼ਟਰੀ ਪੱਧਰ ‘ਤੇ ਵਨਡੇ ਕ੍ਰਿਕਟ ਖੇਡਣ ਦਾ ਤਜਰਬਾ ਹਾਸਲ ਕੀਤਾ ਹੈ। ਇਸ ਲਈ ਮੇਰੀ ਪਸੰਦ ਉਹੀ ਹੋਵੇਗੀ। ਬੁਮਰਾਹ ਨੂੰ ਕਪਤਾਨੀ ਸੌਂਪਣਾ ਸਹੀ ਫੈਸਲਾ ਹੈ ਆਇਰਲੈਂਡ ਖਿਲਾਫ ਟੀ-20 ਸੀਰੀਜ਼ ‘ਚ ਜਸਪ੍ਰੀਤ ਬੁਮਰਾਹ ਦੀ ਵਾਪਸੀ ਦੇ ਬਾਰੇ ‘ਚ ਸਬਾ ਕਰੀਮ ਨੇ ਕਿਹਾ ਕਿ ਭਾਵੇਂ ਇਹ ਟੀ-20 ਸੀਰੀਜ਼ ਹੈ ਪਰ ਬੁਮਰਾਹ ਨੂੰ ਕਪਤਾਨੀ ਦੀ ਜ਼ਿੰਮੇਵਾਰੀ ਮਿਲਣ ਤੋਂ ਬਾਅਦ ਹੋਰ ਸਖਤ ਮਿਹਨਤ ਕਰਨੀ ਪਵੇਗੀ। ਅਜਿਹੇ ‘ਚ ਅਸੀਂ ਸਾਰੇ ਉਸ ਦੀ ਫਿਟਨੈੱਸ ਬਾਰੇ ਚੰਗੀ ਤਰ੍ਹਾਂ ਜਾਣ ਸਕਾਂਗੇ। ਬੁਮਰਾਹ ਨੂੰ ਵਿਸ਼ਵ ਕੱਪ ਤੋਂ ਪਹਿਲਾਂ ਸਾਰੇ ਮੈਚਾਂ ‘ਚ ਖੇਡਣ ਦਾ ਮੌਕਾ ਮਿਲਣ ਨਾਲ ਭਾਰਤੀ ਟੀਮ ਨੂੰ ਕਾਫੀ ਫਾਇਦਾ ਹੋਵੇਗਾ। The post ਰਾਹੁਲ ਅਤੇ ਅਈਅਰ ਫਿੱਟ ਨਹੀਂ ਹਨ ਤਾਂ ਇਹ ਖਿਡਾਰੀ ਹੋ ਸਕਦੇ ਹਨ ਮੱਧਕ੍ਰਮ ਵਿੱਚ ਸਭ ਤੋਂ ਵਧੀਆ ਵਿਕਲਪ appeared first on TV Punjab | Punjabi News Channel. Tags: . cricket-news-in-punjabi indian-team-middle-order ishan-kishan kl-rahul saba-karim shreyas-iyer sports sports-news-in-punjabi suryakumar-yadav team-india

ਟੁੱਟੀ ਹੋਈ ਸਕਰੀਨ ਵਾਲੇ ਸਮਾਰਟਫੋਨ ਦੀ ਵਰਤੋਂ ਅੱਜ ਹੀ ਕਰ ਦਿਓ ਬੰਦ, ਨਹੀਂ ਤਾਂ ਕੁਝ ਅਜਿਹਾ ਹੋ ਜਾਵੇਗਾ ਜਿਸ ਦੀ ਤੁਹਾਨੂੰ ਉਮੀਦ ਵੀ ਨਹੀਂ ਹੋਵੇਗੀ! Friday 18 August 2023 08:22 AM UTC+00 | Tags: broken-phone-screen broken-phone-screen-risk broken-screen can-a-broken-screen-cause-ghost-touch can-i-still-use-my-phone-if-the-screen-is-cracked do-cracked-cell-phones-leak-radiation how-long-can-a-phone-last-with-a-cracked-screen is-a-cracked-phone-screen-dangerous is-it-safe-to-use-a-phone-with-a-broken-screen tech-autos tech-news-in-punajbi tv-punjab-news ਇਹ ਸੰਭਵ ਹੈ ਕਿ ਕਈ ਵਾਰ ਤੁਹਾਡੇ ਫੋਨ ਦੀ ਸਕਰੀਨ ਵੀ ਟੁੱਟ ਜਾਂਦੀ ਹੈ ਅਤੇ ਤੁਸੀਂ ਇਸ ਨੂੰ ਰਿਪੇਅਰ ਕੀਤੇ ਬਿਨਾਂ ਚਲਾ ਰਹੇ ਹੋ। ਇਹੀ ਕੰਮ ਲੋਕ ਜ਼ਿਆਦਾਤਰ ਕਰਦੇ ਹਨ। ਕਿਉਂਕਿ, ਸਮਾਰਟਫੋਨ ਦੀ ਸਕਰੀਨ ਮਹਿੰਗੀ ਆਉਂਦੀ ਹੈ। ਟੁੱਟੇ ਪਰਦੇ ਵਿੱਚ ਹੀ ਲੋਕ ਕੰਮ ਕਰਨ ਲੱਗ ਜਾਂਦੇ ਹਨ। ਪਰ, ਤੁਹਾਨੂੰ ਦੱਸ ਦੇਈਏ ਕਿ ਅਜਿਹਾ ਕਰਨਾ ਠੀਕ ਨਹੀਂ ਹੈ। ਇਸ ਦੇ ਬਹੁਤ ਸਾਰੇ ਨੁਕਸਾਨ ਹਨ। ਆਓ ਜਾਣਦੇ ਹਾਂ ਇਹ ਨੁਕਤੇ। ਖਰਾਬੀ: ਜਿਵੇਂ ਹੀ ਤੁਹਾਡੇ ਫੋਨ ਦੀ ਸਕਰੀਨ ਟੁੱਟ ਜਾਂਦੀ ਹੈ ਜਾਂ ਕ੍ਰੈਕ ਹੋ ਜਾਂਦੀ ਹੈ। ਫੋਨ ਦੀ ਟੱਚ ਸਕਰੀਨ ਠੀਕ ਤਰ੍ਹਾਂ ਕੰਮ ਨਹੀਂ ਕਰਦੀ ਅਤੇ ਕਈ ਵਾਰ ਟੱਚ ਫਸ ਜਾਂਦਾ ਹੈ। ਇਸੇ ਤਰ੍ਹਾਂ ਹੁੰਗਾਰਾ ਵੀ ਕਈ ਵਾਰ ਬਹੁਤ ਹੌਲੀ ਹੋ ਜਾਂਦਾ ਹੈ। ਫ਼ੋਨ ਦੇ ਅੰਦਰੂਨੀ ਹਿੱਸੇ ਖਤਰੇ ਵਿੱਚ ਹੁੰਦੇ ਹਨ: ਸਕਰੀਨ ਫਟਣ ਜਾਂ ਟੁੱਟਣ ਕਾਰਨ, ਸਕ੍ਰੀਨ ਵਿੱਚ ਸ਼ੀਸ਼ੇ ਦੀ ਸੁਰੱਖਿਆ ਦੇ ਕੁਝ ਹਿੱਸੇ ਚਲੇ ਜਾਂਦੇ ਹਨ। ਅਜਿਹੀ ਸਥਿਤੀ ਵਿੱਚ, ਤਰਲ ਪਦਾਰਥ, ਧੂੜ ਜਾਂ ਗੰਦਗੀ ਫੋਨ ਦੇ ਅੰਦਰੂਨੀ ਹਿੱਸਿਆਂ ਤੱਕ ਪਹੁੰਚਣ ਦਾ ਰਸਤਾ ਲੱਭਦੀ ਹੈ। ਇੱਕ ਵਾਰ ਤਰਲ ਪਦਾਰਥ ਫ਼ੋਨ ਦੇ ਅੰਦਰੂਨੀ ਹਿੱਸਿਆਂ ਤੱਕ ਪਹੁੰਚ ਜਾਂਦਾ ਹੈ, ਇਹ ਫ਼ੋਨ ਨੂੰ ਪੂਰੀ ਤਰ੍ਹਾਂ ਨੁਕਸਾਨ ਪਹੁੰਚਾ ਸਕਦਾ ਹੈ। ਉਂਗਲਾਂ ਲਈ ਖ਼ਤਰਾ: ਸਮਾਰਟਫੋਨ ਦੀ ਸਕਰੀਨ ਕੱਚ ਦੀ ਬਣੀ ਹੁੰਦੀ ਹੈ। ਅਜਿਹੇ ‘ਚ ਜਦੋਂ ਤੁਸੀਂ ਟੁੱਟੀ ਹੋਈ ਸਕਰੀਨ ਵਾਲੇ ਫੋਨ ਦੀ ਵਰਤੋਂ ਕਰਦੇ ਹੋ। ਫਿਰ ਤੁਸੀਂ ਸਵਾਈਪ ਕਰਦੇ ਸਮੇਂ ਆਪਣੀਆਂ ਉਂਗਲਾਂ ਨੂੰ ਵੀ ਖਤਰੇ ਵਿੱਚ ਪਾ ਦਿੰਦੇ ਹੋ। ਰੇਡੀਏਸ਼ਨ ਦਾ ਖਤਰਾ: ਸਮਾਰਟਫ਼ੋਨ ਅਤੀਤ ਵਿੱਚ ਕੁਝ ਮਾਤਰਾ ਵਿੱਚ ਰੇਡੀਏਸ਼ਨ ਛੱਡਦੇ ਹਨ। ਪਰ, ਇੰਨਾ ਨਹੀਂ ਕਿ ਇਹ ਮਨੁੱਖੀ ਸਰੀਰ ਲਈ ਘਾਤਕ ਹੈ. ਪਰ, ਜਦੋਂ ਤੁਹਾਡੇ ਫ਼ੋਨ ਦੀ ਸਕਰੀਨ ਟੁੱਟ ਜਾਂਦੀ ਹੈ। ਇਸ ਲਈ ਇਸ ਨਾਲ ਫੋਨ ਦੇ ਰੇਡੀਏਸ਼ਨ ਨੂੰ ਬਾਹਰ ਆਉਣ ਲਈ ਜ਼ਿਆਦਾ ਜਗ੍ਹਾ ਮਿਲਦੀ ਹੈ ਜੋ ਮਨੁੱਖੀ ਸਰੀਰ ਲਈ ਹਾਨੀਕਾਰਕ ਹੈ। ਸਵੈ-ਸੰਚਾਲਨ: ਜਦੋਂ ਫ਼ੋਨ ਦੀ ਸਕ੍ਰੀਨ ਟੁੱਟ ਜਾਂਦੀ ਹੈ, ਤਾਂ ਫ਼ੋਨ ਕਈ ਵਾਰ ਆਪਣੇ ਆਪ ਖਰਾਬ ਹੋਣਾ ਸ਼ੁਰੂ ਕਰ ਦਿੰਦਾ ਹੈ ਅਤੇ ਛੂਹ ਜਾਂਦਾ ਹੈ। ਕਈ ਵਾਰ ਇਸ ਨੂੰ ਬਾਹਰ ਕੱਢਣ ਜਾਂ ਜੇਬ ਵਿਚ ਰੱਖਦੇ ਸਮੇਂ ਵੀ ਅਜਿਹਾ ਹੁੰਦਾ ਹੈ। ਜੋ ਤੁਹਾਨੂੰ ਮੁਸੀਬਤ ਵਿੱਚ ਪਾ ਸਕਦਾ ਹੈ। The post ਟੁੱਟੀ ਹੋਈ ਸਕਰੀਨ ਵਾਲੇ ਸਮਾਰਟਫੋਨ ਦੀ ਵਰਤੋਂ ਅੱਜ ਹੀ ਕਰ ਦਿਓ ਬੰਦ, ਨਹੀਂ ਤਾਂ ਕੁਝ ਅਜਿਹਾ ਹੋ ਜਾਵੇਗਾ ਜਿਸ ਦੀ ਤੁਹਾਨੂੰ ਉਮੀਦ ਵੀ ਨਹੀਂ ਹੋਵੇਗੀ! appeared first on TV Punjab | Punjabi News Channel. Tags: broken-phone-screen broken-phone-screen-risk broken-screen can-a-broken-screen-cause-ghost-touch can-i-still-use-my-phone-if-the-screen-is-cracked do-cracked-cell-phones-leak-radiation how-long-can-a-phone-last-with-a-cracked-screen is-a-cracked-phone-screen-dangerous is-it-safe-to-use-a-phone-with-a-broken-screen tech-autos tech-news-in-punajbi tv-punjab-news

ਇਹ ਹੈ ਹਨੂੰਮਾਨ ਜੀ ਦੀ ਦਰਗਾਹ ਜਿੱਥੇ ਸ਼ਰਧਾਲੂਆਂ ਦੀ ਹੁੰਦੀ ਹੈ ਆਮਦ, ਜਾਣੋ ਕਿਵੇਂ ਪਹੁੰਚਣਾ ਹੈ? Friday 18 August 2023 09:14 AM UTC+00 | Tags: hanumanji hanumanji-ke-divya-darbar hanumanji-ke-mandir hanuman-temple shri-mehandipur-balaji sri-mehandipur-balaji travel travel-news-in-punjabi tv-punjab-news Mehandipur Balaji: ਕਲਯੁਗ ਵਿੱਚ ਹਨੂੰਮਾਨ ਜੀ ਨੂੰ ਪ੍ਰਧਾਨ ਦੇਵਤਾ ਮੰਨਿਆ ਗਿਆ ਹੈ। ਵੱਡੀ ਗਿਣਤੀ ਵਿੱਚ ਲੋਕ ਹਨੂੰਮਾਨ ਜੀ ਵਿੱਚ ਬਹੁਤ ਆਸਥਾ ਰੱਖਦੇ ਹਨ। ਭਾਰਤ ਵਿੱਚ ਹਨੂੰਮਾਨ ਜੀ ਦੇ ਕਈ ਬ੍ਰਹਮ ਦਰਬਾਰ ਸੰਚਾਲਿਤ ਹਨ, ਜਿੱਥੇ ਦੇਸ਼ ਦੇ ਕੋਨੇ-ਕੋਨੇ ਤੋਂ ਲੋਕ ਪਹੁੰਚਦੇ ਹਨ। ਇੱਥੇ ਅਸੀਂ ਤੁਹਾਨੂੰ ਧਾਰਮਿਕ ਸੈਰ-ਸਪਾਟੇ ਦੇ ਨਜ਼ਰੀਏ ਤੋਂ ਦੱਸਾਂਗੇ ਕਿ ਹਨੂੰਮਾਨ ਜੀ ਦੇ ਕਿਹੜੇ ਪੰਜ ਬ੍ਰਹਮ ਦਰਬਾਰ ਹਨ, ਜਿੱਥੇ ਤੁਸੀਂ ਵੀ ਜਾ ਸਕਦੇ ਹੋ। ਹਨੂੰਮਾਨ ਜੀ ਦਾ ਮੁੱਖ ਨਿਵਾਸ ਮਹਿੰਦੀਪੁਰ ਬਾਲਾਜੀ ਹੈ ਜੋ ਰਾਜਸਥਾਨ ਵਿੱਚ ਹੈ। ਮਹਿੰਦੀਪੁਰ ਬਾਲਾਜੀ ਵਿਖੇ ਦੇਸ਼-ਵਿਦੇਸ਼ ਤੋਂ ਵੱਡੀ ਗਿਣਤੀ ‘ਚ ਲੋਕ ਆਉਂਦੇ ਹਨ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਜਿਸ ਵਿਅਕਤੀ ‘ਤੇ ਦੁਸ਼ਟ ਆਤਮਾਵਾਂ ਹੁੰਦੀਆਂ ਹਨ, ਉਹ ਮਹਿੰਦੀਪੁਰ ਬਾਲਾਜੀ ਜਾ ਕੇ ਦੂਰ ਹੋ ਜਾਂਦਾ ਹੈ। ਇਹ ਮੰਦਰ ਹਜ਼ਾਰਾਂ ਸਾਲ ਤੋਂ ਵੀ ਪੁਰਾਣਾ ਹੈ। ਪਹਿਲਾਂ ਇੱਥੇ ਇੱਕ ਸੰਘਣਾ ਜੰਗਲ ਸੀ ਅਤੇ ਹੁਣ ਇੱਕ ਵਿਸ਼ਾਲ ਮੰਦਰ ਹੈ, ਜਿੱਥੇ ਹਨੂੰਮਾਨ ਜੀ (ਹਨੂਮਾਨ ਜੀ) ਇੱਕ ਬੱਚੇ ਦੇ ਰੂਪ ਵਿੱਚ ਬੈਠੇ ਹਨ। ਤੁਸੀਂ ਬੱਸ ਅਤੇ ਰੇਲਗੱਡੀ ਰਾਹੀਂ ਆਸਾਨੀ ਨਾਲ ਮਹਿੰਦੀਪੁਰ ਬਾਲਾਜੀ ਜਾ ਸਕਦੇ ਹੋ। ਜੇਕਰ ਤੁਸੀਂ ਰੇਲਗੱਡੀ ਰਾਹੀਂ ਮਹਿੰਦੀਪੁਰ ਬਾਲਾਜੀ ਮੰਦਰ ਜਾ ਰਹੇ ਹੋ, ਤਾਂ ਤੁਹਾਨੂੰ ਬਾਂਦੀਕੁਈ ਰੇਲਵੇ ਸਟੇਸ਼ਨ ‘ਤੇ ਉਤਰਨਾ ਪਵੇਗਾ। ਇਹ ਰਾਜਸਥਾਨ ਦੇ ਦੌਸਾ ਜ਼ਿਲ੍ਹੇ ਵਿੱਚ ਹੈ। ਬਾਂਦੀਕੁਈ ਰੇਲਵੇ ਸਟੇਸ਼ਨ ਤੋਂ, ਤੁਸੀਂ ਟੈਂਪੋ ਰਾਹੀਂ ਮਹਿੰਦੀਪੁਰ ਬਾਲਾਜੀ ਮੰਦਰ ਜਾ ਸਕਦੇ ਹੋ। ਬਾਂਦੀਕੁਈ ਰੇਲਵੇ ਸਟੇਸ਼ਨ ਤੋਂ ਮਹਿੰਦੀਪੁਰ ਬਾਲਾਜੀ ਮੰਦਰ ਦੀ ਦੂਰੀ 36 ਕਿਲੋਮੀਟਰ ਹੈ। ਜੇਕਰ ਤੁਸੀਂ ਜਹਾਜ਼ ਰਾਹੀਂ ਜਾ ਰਹੇ ਹੋ ਤਾਂ ਤੁਹਾਨੂੰ ਜੈਪੁਰ ਹਵਾਈ ਅੱਡੇ ‘ਤੇ ਉਤਰਨਾ ਪਵੇਗਾ। ਇੱਥੋਂ ਮਹਿੰਦੀਪੁਰ ਬਾਲਾਜੀ ਮੰਦਰ ਦੀ ਦੂਰੀ 90 ਕਿਲੋਮੀਟਰ ਹੈ। ਜਿਸ ਦਾ ਫੈਸਲਾ ਤੁਸੀਂ ਬੱਸ ਜਾਂ ਟੈਕਸੀ ਰਾਹੀਂ ਕਰ ਸਕਦੇ ਹੋ। ਹਨੂੰਮਾਨ ਜੀ ਦਾ ਬ੍ਰਹਮ ਦਰਬਾਰ ਮਹਿੰਦੀਪੁਰ ਬਾਲਾਜੀ ਬਾਗੇਸ਼ਵਰਧਮ ਸਰਕਾਰੀ ਛਤਰਪੁਰ (ਬਾਗੇਸ਼ਵਰ ਧਾਮ) ਸ਼੍ਰੀ ਬਾਲਾਜੀ ਧਾਮ ਰੁਦਰਪੁਰ, ਉੱਤਰਾਖੰਡ (ਸ਼੍ਰੀ ਬਾਲਾਜੀ ਧਾਮ) ਬਾਗੇਸ਼ਵਰਧਮ ਸਰਕਾਰ ਛਤਰਪੁਰ ਬਾਗੇਸ਼ਵਰਧਮ ਸਰਕਾਰ ਛਤਰਪੁਰ (ਬਾਗੇਸ਼ਵਰ ਧਾਮ) ਬ੍ਰਹਮ ਦਰਬਾਰ ਬਹੁਤ ਮਸ਼ਹੂਰ ਅਤੇ ਮਸ਼ਹੂਰ ਹੈ। ਇਹ ਮੱਧ ਪ੍ਰਦੇਸ਼ ਦੇ ਛਤਰਪੁਰ ਜ਼ਿਲ੍ਹੇ ਵਿੱਚ ਹੈ। ਵੈਸੇ ਵੀ ਧੀਰੇਂਦਰ ਕ੍ਰਿਸ਼ਨ ਜੀ ਸੋਸ਼ਲ ਮੀਡੀਆ ਤੋਂ ਲੈ ਕੇ ਟੀਵੀ ਤੱਕ ਚਰਚਾ ਵਿੱਚ ਰਹਿੰਦੇ ਹਨ। ਉਨ੍ਹਾਂ ਨੇ ਦੇਸ਼ ਅਤੇ ਦੁਨੀਆ ਵਿਚ ਸਨਾਤਨ ਧਰਮ ਦੀ ਜੋਤ ਜਗਾਈ ਹੈ। ਬਾਗੇਸ਼ਵਰਧਮ ਛਤਰਪੁਰ ਵਿੱਚ ਸ਼ਰਧਾਲੂਆਂ ਦੀ ਆਮਦ ਹੈ। ਸ਼ਰਧਾਲੂ ਇੱਥੇ ਰਾਮ ਕਥਾ ਸੁਣਦੇ ਹਨ ਅਤੇ ਆਪਣੀਆਂ ਸਮੱਸਿਆਵਾਂ ਦਾ ਹੱਲ ਲੱਭਦੇ ਹਨ। ਸ਼ਰਧਾਲੂ ਸੜਕ ਅਤੇ ਹਵਾਈ ਰਾਹੀਂ ਆਰਾਮ ਨਾਲ ਬਾਗੇਸ਼ਵਰਧਮ ਜਾ ਸਕਦੇ ਹਨ। ਤੁਸੀਂ ਭੋਪਾਲ ਤੱਕ ਰੇਲਗੱਡੀ ਰਾਹੀਂ ਜਾ ਸਕਦੇ ਹੋ ਅਤੇ ਉਸ ਤੋਂ ਬਾਅਦ ਤੁਸੀਂ ਬੱਸ ਜਾਂ ਟੈਕਸੀ ਦੁਆਰਾ ਅਗਲਾ ਸਫ਼ਰ ਤੈਅ ਕਰ ਸਕਦੇ ਹੋ। ਸ਼੍ਰੀਬਾਲਾਜੀ ਧਾਮ ਰੁਦਰਪੁਰ, ਉੱਤਰਾਖੰਡ ਉੱਤਰਾਖੰਡ ਦੇ ਰੁਦਰਪੁਰ ਵਿੱਚ ਸ਼੍ਰੀ ਬਾਲਾਜੀ ਮਹਾਰਾਜ (ਸ਼੍ਰੀ ਬਾਲਾਜੀ ਧਾਮ) ਦਾ ਬ੍ਰਹਮ ਨਿਵਾਸ ਵੀ ਹੈ ਜਿੱਥੇ ਹਜ਼ਾਰਾਂ ਸ਼ਰਧਾਲੂ ਆਉਂਦੇ ਰਹਿੰਦੇ ਹਨ। ਰੁਦਰਪੁਰ ਵਿੱਚ ਹਨੂੰਮਾਨ ਜੀ ਦਾ ਬ੍ਰਹਮ ਦਰਬਾਰ ਸ਼੍ਰੀ ਬਾਲਾਜੀ ਧਾਮ ਦੇ ਨਾਮ ਉੱਤੇ ਚੱਲਦਾ ਹੈ। ਤੁਸੀਂ ਇੱਥੇ ਬੱਸ ਅਤੇ ਰੇਲ ਰਾਹੀਂ ਆਸਾਨੀ ਨਾਲ ਪਹੁੰਚ ਸਕਦੇ ਹੋ। ਜੇਕਰ ਤੁਸੀਂ ਦਿੱਲੀ-ਐਨਸੀਆਰ ਵਿੱਚ ਰਹਿੰਦੇ ਹੋ, ਤਾਂ ਤੁਸੀਂ ਆਨੰਦ ਬਿਹਾਰ ਤੋਂ ਬੱਸ ਰਾਹੀਂ ਰੁਦਰਪੁਰ ਉਤਰ ਸਕਦੇ ਹੋ। ਰੁਦਰਪੁਰ ਮੇਨ ਤੋਂ ਧਾਮ ਦੀ ਦੂਰੀ ਕਰੀਬ ਛੇ ਕਿਲੋਮੀਟਰ ਹੈ। ਧਾਮ ਗਦਰਪੁਰ ਅਤੇ ਕਾਸ਼ੀਪੁਰ ਹਾਈਵੇ ‘ਤੇ ਸਥਿਤ ਹੈ। ਹਾਈਵੇਅ ਤੋਂ ਧਾਮ ਦੀ ਦੂਰੀ ਕਰੀਬ 500 ਮੀਟਰ ਅੰਦਰ ਹੈ। ਇਸ ਅਸਥਾਨ ‘ਚ ਹਨੂੰਮਾਨ ਜੀ ਦੀ ਚਾਦਰ ਦਾ ਸਰੂਪ ਨਾ ਹੋਣ ਦੇ ਬਾਵਜੂਦ ਲੋਕਾਂ ਦੇ ਦੁੱਖ ਤੁਰੰਤ ਦੂਰ ਹੋ ਜਾਂਦੇ ਹਨ। ਇਸ ਧਾਮ ਦੀ ਨੀਂਹ ਹਰਨਾਮ ਚੰਦ ਨੇ ਕਰੀਬ 5 ਸਾਲ ਪਹਿਲਾਂ ਰੱਖੀ ਸੀ। The post ਇਹ ਹੈ ਹਨੂੰਮਾਨ ਜੀ ਦੀ ਦਰਗਾਹ ਜਿੱਥੇ ਸ਼ਰਧਾਲੂਆਂ ਦੀ ਹੁੰਦੀ ਹੈ ਆਮਦ, ਜਾਣੋ ਕਿਵੇਂ ਪਹੁੰਚਣਾ ਹੈ? appeared first on TV Punjab | Punjabi News Channel. Tags: hanumanji hanumanji-ke-divya-darbar hanumanji-ke-mandir hanuman-temple shri-mehandipur-balaji sri-mehandipur-balaji travel travel-news-in-punjabi tv-punjab-news

ਰਾਜਸਥਾਨ ਨੂੰ ਪਾਣੀ ਦੇਣ ਸਮੇਤ ਸਾਰੇ ਸਮਝੌਤੇ ਰੱਦ ਕਰੇਗੀ ਅਕਾਲੀ ਸਰਕਾਰ: ਸੁਖਬੀਰ Friday 18 August 2023 12:16 PM UTC+00 | Tags: akali-dal gurcharan-singh-channi india news punjab punjab-politics sukhbir-badal top-news trending-news ਡੈਸਕ- ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸਰਦਾਰ ਸੁਖਬੀਰ ਸਿੰਘ ਬਾਦਲ ਨੇ ਅੱਜ ਐਲਾਨ ਕੀਤਾ ਕਿ ਜਦੋਂ ਪੰਜਾਬ ਵਿਚ ਅਗਲੀ ਸਰਕਾਰ ਅਕਾਲੀ ਦਲ ਦੀ ਬਣੇਗੀ ਹੈ ਤਾਂ ਉਹ ਰਾਜਸਥਾਨ ਨੂੰ ਰਾਵੀ-ਬਿਆਸ ਦਾ 8 ਐਮ ਏ ਐਫ ਯਾਨੀ 50 ਫੀਸਦੀ ਪਾਣੀ ਦੇਣ ਸਮੇਤ ਦਰਿਆਈ ਪਾਣੀਆਂ ਦੀ ਵੰਡ ਬਾਰੇ ਸਾਰੇ ਸਮਝੌਤੇ ਰੱਦ ਕਰੇਗੀ। ਅਕਾਲੀ ਦਲ ਦੇ ਪ੍ਰਧਾਨ ਜ਼ਿਲ੍ਹਾ ਯੋਜਨਾ ਕਮੇਟੀ ਦੇ ਸਾਬਕਾ ਚੇਅਰਮੈਨ ਦੇ ਪਾਰਟੀ ਦੀ ਜਲੰਧਰ ਸ਼ਹਿਰੀ ਇਕਾਈ ਦੇ ਸਾਬਕਾ ਪ੍ਰਧਾਨ ਸਰਦਾਰ ਗੁਰਚਰਨ ਸਿੰਘ ਚੰਨੀ ਨੂੰ ਮੁੜ ਪਾਰਟੀ ਵਿਚ ਸ਼ਾਮਲ ਕਰਨ ਮਗਰੋਂ ਮੀਡੀਆ ਨੂੰ ਸੰਬੋਧਨ ਕਰ ਰਹੇ ਸਨ। ਉਹਨਾਂ ਕਿਹਾ ਕਿ ਸਰਦਾਰ ਚੰਨੀ ਨੇ ਮੁੜ ਅਕਾਲੀ ਦਲ ਵਿਚ ਸ਼ਾਮਲ ਹੋਣ ਨਾਲ ਸ਼ਹਿਰ ਦੇ ਨਾਲ-ਨਾਲ ਦੋਆਬਾ ਖੇਤਰ ਵਿਚ ਪਾਰਟੀ ਮਜ਼ਬੂਤ ਹੋਵੇਗੀ। ਹਾਲ ਹੀ ਵਿਚ ਆਏ ਹੜ੍ਹਾਂ ਤੇ ਇਸ ਨਾਲ ਸੂਬੇ ਵਿਚ ਹੋਏ ਨੁਕਸਾਨ ਦੀ ਗੱਲ ਕਰਦਿਆਂ ਸਰਦਾਰ ਸੁਖਬੀਰ ਸਿੰਘ ਬਾਦਲ ਨੇ ਕਿਹਾ ਕਿ ਜਦੋਂ ਹੜ੍ਹ ਆਉਂਦੇ ਹਨ ਤਾਂ ਸਾਡੀਆਂ ਜਾਨਾਂ ਦਾ ਨੁਕਸਾਨ ਹੁੰਦਾ ਹੈ ਤੇ ਸਾਡੀਆਂ ਫਸਲਾਂ ਤੇ ਘਰਾਂ ਦਾ ਨੁਕਸਾਨ ਹੁੰਦਾ ਹੈ। ਉਹਨਾਂ ਕਿਹਾ ਕਿ ਜਦੋਂ ਪਾਣੀ ਦੀ ਲੋੜ ਹੁੰਦੀ ਹੈ ਤਾਂ ਪਾਣੀ ਰਾਜਸਥਾਨ ਤੇ ਹਰਿਆਣਾ ਨੂੰ ਦੇ ਦਿੱਤਾ ਜਾਂਦਾ ਹੈ। ਉਹਨਾਂ ਕਿਹਾ ਕਿ ਇਹ ਵੱਡਾ ਅਨਿਆਂ ਹੈ ਜੋ ਅਸੀਂ ਬਰਦਾਸ਼ਤ ਨਹੀਂ ਕਰਾਂਗੇ। ਉਹਨਾਂ ਕਿਹਾ ਕਿ ਅਗਲੀ ਵਾਰ ਸੂਬੇ ਵਿਚ ਅਕਾਲੀ ਦਲ ਦੀ ਸਰਕਾਰ ਬਣਨ 'ਤੇ ਅਸੀਂ ਪਾਣੀਆਂ ਦੇ ਸਾਰੇ ਸਮਝੌਤੇ ਰੱਦ ਕਰਾਂਗੇ ਅਤੇ ਯਕੀਨੀ ਬਣਾਵਾਂਗੇ ਕਿ ਕਿਸਾਨਾਂ ਨੂੰ ਬੇਸ਼ਕੀਮਤੀ ਪਾਣੀ ਦਾ ਲਾਭ ਮਿਲੇ ਕਿਉਂਕਿ ਹੜ੍ਹਾਂ ਵੇਲੇ ਵੀ ਉਹੀ ਸਭ ਤੋਂ ਵੱਧ ਮਾਰ ਝੱਲਦੇ ਹਨ। ਸਰਦਾਰ ਸੁਖਬੀਰ ਸਿੰਘ ਬਾਦਲ ਨੇ ਜ਼ੋਰ ਦੇ ਕੇ ਕਿਹਾ ਕਿ ਪੰਜਾਬ ਦਾ ਇਸ ਵਿਚੋਂ ਲੰਘਦੇ ਦਰਿਆਈ ਪਾਣੀਆਂ 'ਤੇ ਅਨਿੱਖੜਵਾਂ ਹੱਕ ਹੈ। ਉਹਨਾਂ ਕਿਹਾ ਕਿ ਰਾਈਪੇਰੀਅਨ ਸਿਧਾਂਤ ਵੀ ਇਹ ਸਪਸ਼ਟ ਕਰਦੇ ਹਨ। ਉਹਨਾਂ ਇਹ ਵੀ ਦੱਸਿਆ ਕਿ ਕਿਵੇਂ ਪਿਛਲੀਆਂ ਕਾਂਗਰਸ ਸਰਕਾਰਾਂ ਨੇ ਸੂਬੇ ਤੋਂ 15.85 ਐਮ ਏ ਐਫ ਰਾਵੀ-ਬਿਆਸ ਪਾਣੀਆਂ ਵਿਚੋਂ 8 ਐਮ ਏ ਐਫ ਪਾਣੀ ਰਾਜਸਥਾਨ ਨੂੰ ਦੇ ਦਿੱਤਾ ਹੈ ਹਾਲਾਂਕਿ ਉਹ ਗੈਰ ਰਾਈਪੇਰੀਅਨ ਸਿਧਾਂਤਹਨ। ਉਹਨਾਂ ਕਿਹਾ ਕਿ ਇਹ ਅਨਿਆਂ ਪੰਜਾਬ ਪੁਨਰਗਠਨ ਐਕਟ ਦੀ ਧਾਰਾ 78 ਕਾਰਨ ਹੋਰ ਉਲਝ ਗਿਆ ਹੈ ਕਿਉਂਕਿ ਇਸ ਐਕਟ ਤਹਿਤ ਭਾਖੜਾ ਤੇ ਬਿਆਸ ਪ੍ਰਾਜੈਕਟਾਂ ਦੀ ਪੰਜਾਬ ਤੇ ਹਰਿਆਣਾ ਦਰਮਿਆਨ ਵੰਡ ਦਾ ਜ਼ਿਕਰ ਹੈ ਤੇ ਅਜਿਹਾ ਨਾ ਕਰਨ 'ਤੇ ਇਹ ਵੰਡ ਕੇਂਦਰ ਸਰਕਾਰ ਕਰੇਗੀ। ਸਰਦਾਰ ਬਾਦਲ ਨੇ ਕਿਹਾ ਕਿ ਅਕਾਲੀ ਦਲ ਨੇ ਹਮੇਸ਼ਾ ਸਤਲੁਜ ਯਮੁਨਾ ਲਿੰਕ ਨਹਿਰ ਦੀ ਉਸਾਰੀ ਖਿਲਾਫ ਲੜਾਈ ਲੜੀ ਹੈ ਤੇ ਇਸ ਵਿਚ ਸਫਲਤਾ ਵੀ ਹਾਸਲ ਕੀਤੀ ਹੈ। ਉਹਨਾਂ ਕਿਹਾ ਕਿ ਸਾਬਕਾ ਮੁੱਖ ਮੰਤਰੀ ਸਰਦਾਰ ਪ੍ਰਕਾਸ਼ ਸਿੰਘ ਬਾਦਲ ਨੇ ਤਾਂ ਪੰਜਾਬ ਸਤਲੁਜ ਯਮੁਨਾ ਲਿੰਕ ਨਹਿਰ ਜ਼ਮੀਨ ਬਿੱਲ 2016 ਨੂੰ ਵਿਧਾਨ ਸਭਾ ਵਿਚ ਪਾਸ ਕਰਵਾਇਆ ਜਿਸ ਮੁਤਾਬਕ ਐਸ ਵਾਈ ਐਲ ਦੀ ਸਾਰੀ ਜ਼ਮੀਨ ਅਸਲ ਮਾਲਕਾਂ ਦੇ ਹਵਾਲੇ ਕਰ ਦਿੱਤੀ ਗਈ। ਸਰਦਾਰ ਬਾਦਲ ਨੇ ਜ਼ੋਰ ਦੇ ਕੇ ਕਿਹਾ ਕਿ ਅਕਾਲੀ ਦਲ ਇਸ ਲੜਾਈ ਨੂੰ ਹੋਰ ਅੱਗੇ ਲੈ ਕੇ ਜਾਵੇਗਾ। ਉਹਨਾਂ ਕਿਹਾ ਕਿ ਅਸੀਂ ਇਹ ਮੰਨਦੇ ਹਾਂ ਕਿ ਸਾਰੇ ਦਰਿਆਈ ਪਾਣੀਆਂ ਦੀ ਵੰਡ ਦੇ ਸਮਝੌਤੇ ਸਮੇਂ ਦੀਆਂ ਕਾਂਗਰਸ ਸਰਕਾਰਾਂ ਨੇ ਪੰਜਾਬ ਸਿਰ ਮੜ੍ਹੇ ਹਨ ਤੇ ਇਹ ਕੁਦਰਤੀ ਨਿਆਂ ਦੇ ਕਾਨੂੰਨਾਂ ਦੇ ਖਿਲਾਫ ਹਨ ਤੇ ਇਹ ਰੱਦ ਹੋਣੇ ਚਾਹੀਦੇ ਹਨ। ਉਹਨਾਂ ਕਿਹਾ ਕਿ ਅਸੀਂ ਕਾਨੂੰਨੀ ਰਾਇ ਹਾਸਲ ਕਰ ਰਹੇ ਹਾਂ ਤੇ ਸੂਬੇ ਵਿਚ ਅਗਲੀ ਸਰਕਾਰ ਬਣਨ ਤੋਂ ਬਾਅਦ ਅਸੀਂ ਇਸ ਦਿਸ਼ਾ ਵਿਚ ਅੱਗੇ ਵਧਾਵਾਂਗੇ। ਸਰਦਾਰ ਬਾਦਲ ਨੇ ਮੁੱਖ ਮੰਤਰੀ ਸ੍ਰੀ ਭਗਵੰਤ ਮਾਨ ਵੱਲੋਂ ਜਾਣ ਬੁੱਝ ਕੇ ਪੰਜਾਬ ਦੀਆਂ ਖੇਤੀ ਜ਼ਮੀਨਾਂ ਨੂੰ ਹੜ੍ਹਾਂ ਦੀ ਮਾਰ ਹੇਠ ਆਉਣ ਦੀ ਆਗਿਆ ਦੇਣ ਅਤੇ ਤਿੰਨ ਦਿਨ ਪਹਿਲਾਂ ਭਾਖੜ ਡੈਮ ਤੋਂ ਫਲੱਡ ਗੇਟ ਖੋਲ੍ਹਣ ਤੋਂ ਪਹਿਲਾਂ ਉਹਨਾਂ ਨੂੰ ਰਾਇ ਨਾ ਦੇਣ ਦੀ ਵੀ ਨਿਖੇਧੀ ਕੀਤੀ। ਉਹਨਾਂ ਕਿਹਾ ਕਿ ਮੈਨੂੰ ਦੱਸਿਆ ਗਿਆ ਹੈ ਕਿ ਬੀ ਬੀ ਐਮ ਬੀ ਦੇ ਅਧਿਕਾਰੀਆਂ ਨੂੰ ਪੰਜਾਬ ਸਰਕਾਰ ਨੈ ਇਹ ਸਲਾਹ ਦਿੱਤੀ ਸੀ ਕਿ ਫਲੱਡ ਗੇਟ ਖੋਲ੍ਹਣ ਤੋਂ 4 ਦਿਨ ਪਹਿਲਾਂ ਹੀ ਪੰਜਾਬ ਸਰਕਾਰ ਨੂੰ ਸਥਿਤੀ ਸੰਭਾਲਣ ਵਾਸਤੇ ਕਿਹਾ ਗਿਆ ਸੀ। The post ਰਾਜਸਥਾਨ ਨੂੰ ਪਾਣੀ ਦੇਣ ਸਮੇਤ ਸਾਰੇ ਸਮਝੌਤੇ ਰੱਦ ਕਰੇਗੀ ਅਕਾਲੀ ਸਰਕਾਰ: ਸੁਖਬੀਰ appeared first on TV Punjab | Punjabi News Channel. Tags: akali-dal gurcharan-singh-channi india news punjab punjab-politics sukhbir-badal top-news trending-news

ਵਿਦਿਆਰਥੀਆਂ ਲਈ ਰਿਹਾਇਸ਼ੀ ਸੰਕਟ ਦੂਰ ਕਰਨ ਲਈ ਜਗਮੀਤ ਸਿੰਘ ਨੇ ਟੂਰਡੋ ਨੂੰ ਦਿੱਤੀ ਇਹ 'ਸਲਾਹ' Friday 18 August 2023 03:16 PM UTC+00 | Tags: canada housing-crisis jagmeet-singh justin-trudeau news ottawa students top-news trending-news Ottawa- ਐਨ. ਡੀ. ਪੀ. ਨੇਤਾ ਜਗਮੀਤ ਸਿੰਘ ਨੇ ਵੀਰਵਾਰ ਨੂੰ ਕੌਮਾਂਤਰੀ ਵਿਦਿਆਰਥੀਆਂ ਲਈ ਰਿਹਾਇਸ਼ ਦੀ ਕਮੀ ਨੂੰ ਦੂਰ ਕਰਨ ਲਈ ਟਰੂਡੋ ਸਰਕਾਰ ਨੂੰ ਇੱਕ ਤਜਵੀਜ਼ ਦਿੱਤੀ। ਐੱਨ. ਡੀ. ਪੀ. ਨੇ ਫੈਡਰਲ ਸਰਕਾਰ ਨੂੰ ਪੋਸਟ-ਸੈਕੰਡਰੀ ਸੰਸਥਾਵਾਂ ਨੂੰ ਸਟੂਡੈਂਟ ਪਰਮਿਟ ਅਲਾਟ ਕਰਨ ਦੀ ਮੰਗ ਕੀਤੀ, ਜਿਹੜਾ ਕਿ ਇਹ ਦਰਸਾਉਂਦਾ ਹੈ ਕਿ ਉਨ੍ਹਾਂ ਕੋਲ ਇੱਕ ਭਰੋਸੇਯੋਗ ਅਤੇ ਕਿਫ਼ਾਇਤੀ ਰਿਹਾਇਸ਼ ਯੋਜਨਾ ਹੈ। ਪਾਰਟੀ ਦੀ ਇਹ ਤਜਵੀਜ਼ ਕੈਨੇਡਾ 'ਚ ਦਾਖ਼ਲ ਹੋਣ ਵਾਲੇ ਕੌਮਾਂਤਰੀ ਵਿਦਿਆਰਥੀਆਂ ਦੀ ਗਿਣਤੀ ਵਧਣ ਕਾਰਨ ਆਈ ਹੈ, ਜਿਸ ਕਾਰਨ ਕਿ ਦੇਸ਼ ਭਰ 'ਚ ਰਿਹਾਇਸ਼ੀ ਸੰਕਟ ਪੈਦਾ ਹੋ ਗਿਆ ਹੈ। ਇਸ ਬਾਰੇ 'ਚ ਇਮੀਗ੍ਰੇਸ਼ਨ ਮੰਤਰੀ ਮਾਰਕ ਮਿਲਰ ਨੇ ਆਪਣੀ ਹਾਲੀਆ ਇੰਟਰਵਿਊ 'ਚ ਕਿਹਾ ਕਿ ਫੈਡਰਲ ਸਰਕਾਰ ਕੌਮਾਂਤਰੀ ਵਿਦਿਆਰਥੀਆਂ ਦੇ ਪ੍ਰਵਾਹ 'ਤੇ ਮੁੜ ਵਿਚਾਰ ਕਰ ਰਹੀ, ਖ਼ਾਸ ਤੌਰ 'ਤੇ ਉਦੋਂ ਤੋਂ, ਜਦੋਂ ਕੁਝ ਵਿਦਿਆਰਥੀ ਧੋਖਾਧੜੀ ਦਾ ਸ਼ਿਕਾਰ ਹੋਏ ਹਨ। ਜਗਮੀਤ ਸਿੰਘ ਨੇ ਕਿਹਾ ਕਿ ਦੇਸ਼ 'ਚ ਰਿਹਾਇਸ਼ੀ ਸੰਕਟ ਇਸ ਹੱਦ ਤੱਕ ਵੱਧ ਗਿਆ ਹੈ ਕਿ ਹੁਣ ਮਕਾਨ ਮਾਲਕ ਵਿਦਿਆਰਥੀਆਂ ਕੋਲੋਂ ਪੂਰੇ ਸਾਲ ਦਾ ਕਿਰਾਇਆ ਡਿਪੋਜ਼ਿਟ ਵਜੋਂ ਮੰਗ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਕਿਹੜਾ ਵਿਦਿਆਰਥੀ ਇੰਨਾ ਪੈਸਾ ਲੈ ਕੇ ਆ ਸਕਦਾ ਹੈ। ਇਹ ਅਸੰਭਵ ਹੈ। ਜਗਮੀਤ ਸਿੰਘ ਨੇ ਫੈਡਰਲ ਸਰਕਾਰ ਨੂੰ ਹੋਰ ਸਟੂਡੈਂਟ ਹਾਊਸਿੰਗ ਬਣਾਉਣ ਲਈ ਫੰਡਿੰਗ ਮਾਡਲ ਸਥਾਪਿਤ ਕਰਨ ਦਾ ਸੁਝਾਅ ਦਿੱਤਾ ਦਿੱਤਾ ਹੈ, ਜਿਸ 'ਚ ਫੈਡਰਲ ਸਰਕਾਰ, ਸੂਬਾ ਤੇ ਪ੍ਰਦੇਸ਼ ਸਰਕਾਰਾਂ ਅਤੇ ਪੋਸਟ ਸੈਕੰਡਰੀ ਸੰਸਥਾਵਾਂ ਬਰਾਬਰ ਹਿੱਸਾ ਪਾਉਣਗੀਆਂ। ਸਿੰਘ ਨੇ ਕਿਹਾ ਕਿ ਸਾਨੂੰ ਇਸ ਸਮੱਸਿਆ ਦਾ ਹੱਲ ਕਰਨਾ ਪਏਗਾ। ਉਨ੍ਹਾਂ ਨੇ ਟੋਰਾਂਟੋ ਦੇ ਇੱਕ ਪ੍ਰਾਜੈਕਟ ਦੀ ਉਦਾਹਰਣ ਦਿੱਤੀ, ਜੋ ਕਿ ਇੱਕ ਗ਼ੈਰ-ਲਾਭਕਾਰੀ ਸੰਸਥਾ ਅਤੇ ਕਾਰੋਬਾਰ ਵਿਚਾਲੇ ਸਹਿਯੋਗ ਨਾਲ ਸ਼ੁਰੂ ਹੋਇਆ ਹੈ। ਉਨ੍ਹਾਂ ਕਿਹਾ ਕਿ ਇਸ ਪ੍ਰਾਜੈਕਟ ਤਹਿਤ ਇਨ੍ਹਾਂ ਕਿਫ਼ਾਇਤੀ ਘਰਾਂ 'ਚ 500 ਤੋਂ ਵੱਧ ਵਿਦਿਆਰਥੀ ਰਹਿ ਸਕਦੇ ਹਨ। The post ਵਿਦਿਆਰਥੀਆਂ ਲਈ ਰਿਹਾਇਸ਼ੀ ਸੰਕਟ ਦੂਰ ਕਰਨ ਲਈ ਜਗਮੀਤ ਸਿੰਘ ਨੇ ਟੂਰਡੋ ਨੂੰ ਦਿੱਤੀ ਇਹ 'ਸਲਾਹ' appeared first on TV Punjab | Punjabi News Channel. Tags: canada housing-crisis jagmeet-singh justin-trudeau news ottawa students top-news trending-news

ਯੈਲੋਨਾਈਫ਼ ਸ਼ਹਿਰ ਦੇ ਨੇੜੇ ਪਹੁੰਚੀ ਜੰਗਲੀ ਅੱਗ, ਵੱਡੀ ਗਿਣਤੀ 'ਚ ਲੋਕ ਘਰ ਛੱਡਣ ਲਈ ਹੋਏ ਮਜ਼ਬੂਰ Friday 18 August 2023 03:21 PM UTC+00 | Tags: canada fire news northwest-territories top-news trending-news wildfire yellowknife Yellowknife- ਯੈਲੋਨਾਈਫ਼ ਸ਼ਹਿਰ 'ਚ ਲਗਾਤਾਰ ਖ਼ਤਰਨਾਕ ਹੁੰਦੀ ਜਾ ਰਹੀ ਜੰਗਲੀ ਅੱਗ ਤੋਂ ਬਚਣ ਲਈ ਇੱਥੋਂ ਦੇ ਹਜ਼ਾਰਾਂ ਨਿਵਾਸੀ ਵੱਡੀ ਗਿਣਤੀ 'ਚ ਕਾਫ਼ਲਿਆਂ ਦੇ ਰੂਪ 'ਚ ਸੜਕੀ ਅਤੇ ਹਵਾਈ ਮਾਰਗ ਰਾਹੀਂ ਸ਼ਹਿਰ ਨੂੰ ਛੱਡ ਕੇ ਜਾ ਰਹੇ ਹਨ। ਵੀਰਵਾਰ ਨੂੰ ਇੱਥੋਂ ਦੀਆਂ ਸੜਕਾਂ 'ਤੇ ਲੋਕਾਂ ਦੀ ਖ਼ਾਸੀ ਭੀੜ ਦੇਖਣ ਨੂੰ ਮਿਲੀ। ਅਧਿਕਾਰੀਆਂ ਵਲੋਂ ਸ਼ੁੱਕਰਵਾਰ ਤੱਕ ਸ਼ਹਿਰ ਦੇ 20,000 ਲੋਕਾਂ ਅਤੇ ਆਸ-ਪਾਸ ਦੀਆਂ ਦੋ ਫਸਟ ਨੇਸ਼ਨਜ਼ ਨੂੰ ਘਰੋਂ ਬਾਹਰ ਨਿਕਲਣ ਦਾ ਹੁਕਮ ਦਿੱਤਾ ਹੈ, ਜਦਕਿ 200 ਦੇ ਕਰੀਬ ਫਾਈਰਫਾਈਟਰਜ਼ ਲਗਾਤਾਰ ਅੱਗ 'ਤੇ ਕਾਬੂ ਪਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ। ਨਾਰਥ ਵੈਸਟ ਟੈਰਟਰੀਜ਼ ਦੇ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਨਿਕਾਸੀ ਅਜੇ ਤੱਕ ਸੁਰੱਖਿਅਤ ਰਹੀ ਹੈ ਅਤੇ ਅੱਗ ਹੁਣ ਯੈਲੋਨਾਈਫ਼ ਦੇ ਉੱਤਰੀ ਬਾਹਰੀ ਹਿੱਸੇ ਤੋਂ ਲਗਭਗ 16 ਕਿਲੋਮੀਟਰ ਦੂਰ ਹੈ। ਲੋਕ ਜਦੋਂ ਆਪਣੇ ਘਰ ਛੱਡ ਰਹੇ ਸਨ ਤਾਂ ਉਨ੍ਹਾਂ ਦੇ ਚਿਹਰਿਆਂ 'ਤੇ ਪਿੱਛੇ ਰਹਿ ਗਏ ਆਪਣੇ ਪਿਆਰਿਆਂ ਲਈ ਚਿੰਤਾਵਾਂ ਸਾਫ਼ ਝਲਕ ਰਹੀਆਂ ਸਨ। ਯੈਲੋਨਾਈਫ਼ ਦੇ ਸਰ ਜਾਨ ਫਰੈਂਕਲਿਨ ਹਾਈ ਸਕੂਲ 'ਚ ਉਨ੍ਹਾਂ ਲੋਕਾਂ ਦੀ ਇੱਕ ਕਿਲੋਮੀਟਰ ਤੱਕ ਲੰਬੀ ਕਤਾਰ ਸੀ, ਜਿਨ੍ਹਾਂ ਕੋਲ ਬਾਹਰ ਨਿਕਲ ਕੇ ਜਾਣ ਲਈ ਕੋਈ ਵਾਹਨ ਨਹੀਂ ਸੀ। ਇਸ ਬਾਰੇ 'ਚ ਗੱਲਬਾਤ ਕਰਦਿਆਂ ਵਿੰਸੇਂਟ ਮੇਸਲੇਜ ਨਾਮੀ ਇੱਕ ਸ਼ਹਿਰ ਵਾਸੀ ਨੇ ਦੱਸਿਆ ਕਿ ਲੋਕਾਂ ਨੇ ਹਾਈ ਸਕੂਲ ਤੱਕ ਪਹੁੰਚਣ ਲਈ ਪੂਰਾ ਦਿਨ ਬਿਤਾਇਆ ਤਾਂ ਕਿ ਉਹ ਆਪਣੀਆਂ ਉਡਾਣਾਂ ਫੜ ਸਕਣ। ਉਨ੍ਹਾਂ ਕਿਹਾ ਕਿ ਸ਼ਹਿਰ 'ਚ ਵਧੇਰੇ ਕਰਿਆਨੇ ਦੀਆਂ ਦੁਕਾਨਾਂ ਅਤੇ ਰੈਸਟੋਰੈਂਟ ਬੰਦ ਹੋ ਗਏ ਹਨ ਅਤੇ ਉਨ੍ਹਾਂ ਨੂੰ ਉਮੀਦ ਹੈ ਕਿ ਸ਼ੁੱਕਰਵਾਰ ਤੱਕ ਖੇਤਰੀ ਰਾਜਧਾਨੀ ਇੱਕ ਭੂਤ ਸ਼ਹਿਰ ਦੇ ਵਾਂਗ ਲੱਗਣ ਲੱਗ ਜਾਵੇਗੀ। ਅਧਿਕਾਰੀਆਂ ਵਲੋਂ ਯੈਲੋਨਾਈਫ਼ ਸ਼ਹਿਰ ਨੂੰ ਹੁਣ ਪੂਰੀ ਤਰ੍ਹਾਂ ਨਾਲ ਬੰਦ ਕਰ ਦਿੱਤਾ ਗਿਆ ਹੈ। ਕੈਨੇਡੀਅਨ ਹਰਿਆਰਬੰਦ ਬਲਾਂ ਵਲੋਂ ਅੱਗ ਦੇ ਹਾਲਾਤਾਂ 'ਤੇ ਨਿਗ੍ਹਾ ਰੱਖੀ ਜਾ ਰਹੀ ਹੈ, ਜਦਕਿ ਕੈਨੇਡੀਅਨ ਰੇਂਜਰਾਂ ਵਲੋਂ ਜਹਾਜ਼ਾਂ ਰਾਹੀਂ ਪ੍ਰਭਾਵਿਤ ਲੋਕਾਂ ਨੂੰ ਬਾਹਰ ਕੱਢਿਆ ਜਾ ਰਿਹਾ ਹੈ। ਫੈਡਰਲ ਐਮਰਜੈਂਸੀ ਤਿਆਰੀ ਮੰਤਰੀ ਹਰਜੀਤ ਸੱਜਣ ਨੇ ਵੀਰਵਾਰ ਦੇਰ ਰਾਤ ਜਾਰੀ ਕੀਤੇ ਇੱਕ ਬਿਆਨ 'ਚ ਕਿਹਾ ਕਿ ਪਬਲਿਕ ਸਰਵਿਸਿਜ਼ ਐਂਡ ਪ੍ਰੋਕਿਓਰਮੈਂਟ ਕੈਨੇਡਾ, ਇੰਡੀਜੀਨਸ ਸਰਵਿਸਿਜ਼ ਕੈਨੇਡਾ ਅਤੇ ਕੈਨੇਡੀਅਨ ਕੋਸਡ ਵਲੋਂ ਯੈਲੋਨਾਈਫ਼ 'ਚ ਵਾਧੂ ਫੈਡਰਲ ਸਹਾਇਤਾ ਪ੍ਰਦਾਨ ਕੀਤੀ ਜਾਵੇਗੀ। The post ਯੈਲੋਨਾਈਫ਼ ਸ਼ਹਿਰ ਦੇ ਨੇੜੇ ਪਹੁੰਚੀ ਜੰਗਲੀ ਅੱਗ, ਵੱਡੀ ਗਿਣਤੀ 'ਚ ਲੋਕ ਘਰ ਛੱਡਣ ਲਈ ਹੋਏ ਮਜ਼ਬੂਰ appeared first on TV Punjab | Punjabi News Channel. Tags: canada fire news northwest-territories top-news trending-news wildfire yellowknife

ਕੇਲੋਨਾ ਦੇ ਜੰਗਲ 'ਚ ਲੱਗੀ ਭਿਆਨਕ ਅੱਗ, ਕਈ ਇਮਾਰਤਾਂ ਦੇ ਨੁਕਸਾਨੇ ਜਾਣ ਦੀ ਖ਼ਬਰ Friday 18 August 2023 03:26 PM UTC+00 | Tags: british-columbia canada evacuation-order fire kelowna mcdougall-creek mcdougall-creek-wildfire news top-news trending-news wildfire Kelowna – ਬ੍ਰਿਟਿਸ਼ ਕੋਲੰਬੀਆ 'ਚ ਪੱਛਮੀ ਕੇਲੋਨਾ ਦੇ ਨੇੜੇ ਜੰਗਲ 'ਚ ਲੱਗੀ ਅੱਗ ਮਗਰੋਂ ਓਕਾਨਾਗਨ ਸ਼ਹਿਰ ਦੇ ਕਰੀਬ 2,500 ਲੋਕਾਂ ਨੂੰ ਆਪਣੇ ਘਰ ਖ਼ਾਲੀ ਕਰਨ ਦੇ ਹੁਕਮ ਦਿੱਤੇ ਗਏ ਹਨ। ਮੈਕਡਾਗਲ ਕ੍ਰੀਕ ਜੰਦਲ ਦੀ ਅੱਗ ਦਾ ਮੰਗਲਵਾਰ ਨੂੰ ਪਤਾ ਲੱਗਾ ਸੀ ਅਤੇ ਇਸ ਮਗਰੋਂ ਹੁਣ ਤੱਕ ਇਸ ਨੇ 1,100 ਹੈਕਟੇਅਰ ਰਕਬੇ ਨੂੰ ਆਪਣੇ ਕਬਜ਼ੇ 'ਚ ਲੈ ਲਿਆ ਹੈ। ਵੀਰਵਾਰ ਨੂੰ ਇੱਕ ਪ੍ਰੈੱਸ ਕਾਨਫ਼ਰੰਸ ਦੌਰਾਨ ਸਥਾਨਕ ਅਧਿਕਾਰੀਆਂ ਨੇ ਕਿਹਾ ਕਿ ਨਿਕਾਸੀ ਦੇ ਹੁਕਮਾਂ 'ਚ ਲਗਭਗ 2,400 ਜਾਇਦਾਦਾਂ ਸ਼ਾਮਿਲ ਹਨ, ਜਦਕਿ 4,800 ਜਾਇਦਾਦਾਂ ਅਲਰਟ 'ਤੇ ਹਨ। ਇਸ ਬਾਰੇ ਬੀਤੀ ਰਾਤ ਸੈਂਟਰਲ ਓਕਾਨਾਗਨ ਐਮਰਜੈਂਸੀ ਆਪਰੇਸ਼ਨ ਸੈਂਟਰ ਵਲੋਂ ਬੀਤੀ ਰਾਤ ਜਾਰੀ ਕੀਤੇ ਗਏ ਇੱਕ ਬਿਆਨ 'ਚ ਇਹ ਗੱਲ ਸਾਹਮਣੇ ਆਈ ਹੈ ਕਿ ਅੱਗ ਕਾਰਨ ਇੱਥੋਂ ਦੀਆਂ ਕੁਝ ਇਮਾਰਤਾਂ ਨੂੰ ਨੁਕਸਾਨ ਪਹੁੰਚਿਆ ਹੈ। ਹਾਲਾਂਕਿ ਪੂਰਾ ਮੁਲਾਂਕਣ ਦਿਨ ਚੜ੍ਹਨ 'ਤੇ ਹੀ ਕੀਤਾ ਜਾਵੇਗਾ। ਸੈਂਟਰ ਵਲੋਂ ਓਕਾਨਾਗਨ ਸਿਟੀ 'ਚ ਸਥਾਨਕ ਐਮਰਜੈਂਸੀ ਦਾ ਐਲਾਨ ਕੀਤਾ ਹੈ, ਜਿਸ ਕਾਰਨ ਸ਼ਹਿਰ ਦੇ ਉਪਨਗਰਾਂ, ਸਕੂਲਾਂ ਅਤੇ ਕਾਰੋਬਾਰਾਂ ਨੂੰ ਖ਼ਤਰਾ ਹੈ। ਅੱਗ ਦੇ ਖ਼ਤਰੇ ਕਾਰਨ ਪੱਛਮੀ ਕੇਲੋਨਾ ਅਤੇ ਕੇਲੋਨਾ ਵਿਚਾਲੇ ਪੈਂਦੇ ਹਾਈਵੇਅ 97 ਨੂੰ ਬੰਦ ਕਰਨਾ ਪਿਆ ਹੈ। ਕੋਲੋਨਾ ਸ਼ਹਿਰ 'ਚ ਐਮਰਜੈਂਸੀ ਦਾ ਐਲਾਨ ਕੀਤਾ ਗਿਆ ਹੈ, ਕਿਉਂਕਿ ਫਾਈਰ ਫਾਈਟਰਜ਼ ਵਲੋਂ ਮੈਕਡੌਗਲ ਕ੍ਰੀਕ ਜੰਗਲ ਦੀ ਅੱਗ ਦੇ ਓਕਾਨਾਗਨ ਝੀਲ ਨੂੰ ਪਾਰ ਕਰਨ ਦੀ ਜਾਣਕਾਰੀ ਦਿੱਤੀ ਗਈ ਸੀ। ਪੱਛਮੀ ਕੋਲੋਨਾ ਦੇ ਫਾਇਰ ਚੀਫ਼ ਜੇਸਨ ਬਰੋਲੰਡ ਨੇ ਵੀਰਵਾਰ ਨੂੰ ਕਿਹਾ ਕਿ ਨਿਕਾਸੀ ਅਜੇ ਤੱਕ ਸੁਚਾਰੂ ਢੰਗ ਨਾਲ ਹੋਈ ਹੈ ਅਤੇ ਉਨ੍ਹਾਂ ਨੂੰ ਉਮੀਦ ਹੈ ਕਿ ਰਾਤੋਂ-ਰਾਤ ਹੋਰਨਾਂ ਜਾਇਦਾਦਾਂ ਨੂੰ ਵੀ ਖ਼ਾਲੀ ਕਰਨ ਦੀ ਲੋੜ ਪੈ ਸਕਦੀ ਹੈ। ਉਨ੍ਹਾਂ ਕਿਹਾ ਕਿ ਅੱਗ ਕਾਰਨ ਇੱਥੇ ਹਾਲਾਤ ਅਸਥਿਰ ਹਨ, ਕਿਉਂਕਿ ਫਾਇਰਫਾਈਟਰਜ਼ ਲਈ ਜ਼ਮੀਨ ਤੋਂ ਭਿਆਨਕ ਅੱਗ 'ਤੇ ਕਾਬੂ ਪਾਉਣਾ ਸੁਰੱਖਿਅਤ ਨਹੀਂ ਹੈ ਅਤੇ ਹਵਾਈ ਦਲ ਹਨੇਰੇ 'ਚ ਕੰਮ ਨਹੀਂ ਕਰ ਸਕਦੇ। ਇਸ ਲਈ ਅੱਗ ਦਾ ਰਾਤੋ-ਰਾਤ ਵਧਣਾ ਲਗਭਗ ਤੈਅ ਹਨ। ਬਰੋਲੰਡ ਨੇ ਕਿਹਾ ਕਿ ਮੈਂ ਅੱਗ ਨੂੰ ਲੈ ਕੇ ਗੰਭੀਰ ਰੂਪ 'ਚ ਚਿੰਤਤ ਹਾਂ ਅਤੇ ਇਹ ਕਿੱਥੇ ਜਾ ਰਹੀ ਹੈ ਤੇ ਇਹ ਸਾਡੇ ਭਾਈਚਾਰੇ ਖ਼ਤਰੇ 'ਚ ਪਾ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਸਾਡੇ ਲੋਕ ਉੱਥੇ ਸਖ਼ਤ ਮਿਹਨਤ ਕਰ ਰਹੇ ਹਨ ਅਤੇ ਅਸੀਂ ਹਾਰ ਨਹੀਂ ਮੰਨਣ ਵਾਲੇ। ਫਾਇਰ ਚੀਫ਼ ਨੇ ਇਹ ਵੀ ਕਿਹਾ ਸੀ ਕਿ ਰਾਤ ਭਰ ਅੱਗ ਦਾ ਵਤੀਰਾ 'ਨਾਟਕੀ' ਹੋਣ ਦੀ ਉਮੀਦ ਹੈ ਅਤੇ ਲੋਕ ਆਪਣੇ ਗੁਆਂਢ 'ਚ ਰਾਖ ਡਿੱਗਣ, ਵਿਸ਼ਾਲ ਲਪਟਾਂ ਅਤੇ ਗਸ਼ਤੀ ਦਲ ਦੇ ਫਾਇਰਫਾਈਟਰਜ਼ ਨੂੰ ਦੇਖਣ ਦੀ ਉਮੀਦ ਕਰ ਸਕਦੇ ਹਨ। ਉਨ੍ਹਾਂ ਕਿਹਾ ਕਿ ਮੌਜੂਦਾ ਹਾਲਾਤ ਦੇ ਚੱਲਦਿਆਂ ਡਿੱਗਦੇ ਅੰਗਿਆਰੇ ਚਿੰਤਾ ਦਾ ਵਿਸ਼ਾ ਹਨ। The post ਕੇਲੋਨਾ ਦੇ ਜੰਗਲ 'ਚ ਲੱਗੀ ਭਿਆਨਕ ਅੱਗ, ਕਈ ਇਮਾਰਤਾਂ ਦੇ ਨੁਕਸਾਨੇ ਜਾਣ ਦੀ ਖ਼ਬਰ appeared first on TV Punjab | Punjabi News Channel. Tags: british-columbia canada evacuation-order fire kelowna mcdougall-creek mcdougall-creek-wildfire news top-news trending-news wildfire

ਟੋਰਾਂਟੋ 'ਚ ਵੇਸਟਵਾਟਰ ਟਰੀਟਮੈਂਟ ਪਲਾਂਟ ਤੋਂ ਕਰੀਬ 100 ਫੁੱਟ ਹੇਠਾਂ ਡਿੱਗਿਆ ਕਰਮਚਾਰੀ, ਮੌਤ Friday 18 August 2023 03:29 PM UTC+00 | Tags: accident canada death news police top-news toronto trending-news waste-water-treatment-plant Toronto- ਓਨਟਾਰੀਓ ਦੇ ਕਿਰਤ ਮੰਤਰਾਲੇ ਦਾ ਕਹਿਣਾ ਹੈ ਕਿ ਵੀਰਵਾਰ ਨੂੰ ਟੋਰਾਂਟੋ ਸ਼ਹਿਰ ਦੇ ਪੂਰਬੀ ਸਿਰੇ 'ਤੇ ਇੱਕ ਗੰਦੇ ਪਾਣੀ ਦੇ ਟਰੀਟਮੈਂਟ ਪਲਾਂਟ 'ਚ ਕਈ ਮੰਜ਼ਿਲਾਂ ਤੋਂ ਹੇਠਾਂ ਡਿੱਗਣ ਕਾਰਨ ਇੱਕ ਕਾਮੇ ਦੀ ਮੌਤ ਹੋ ਗਈ। ਕਿਰਤ ਮੰਤਰਾਲੇ ਮੁਤਾਬਕ ਇਹ ਹਾਦਸਾ ਐਸ਼ਬਿ੍ਰਜ ਬੇ ਵੇਸਟਵਾਟਰ ਟ੍ਰੀਟਮੈਂਟ ਪਲਾਂਟ ਵਿਖੇ ਵਾਪਰਿਆ। ਟੋਰਾਂਟੋ ਪੁਲਿਸ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਵੀਰਵਾਰ ਸਵੇਰੇ ਕਰੀਬ 11 ਵਜੇ ਇਸ ਘਟਨਾ ਬਾਰੇ ਜਾਣਕਾਰੀ ਮਿਲੀ ਅਤੇ ਉਨ੍ਹਾਂ ਦੱਸਿਆ ਕਿ ਵਿਅਕਤੀ ਲਗਭਗ 30 ਮੀਟਰ (80 ਜਾਂ 100 ਫੁੱਟ) ਹੇਠਾਂ ਡਿੱਗਾ ਹੈ। ਕਿਰਤ ਮੰਤਰਾਲੇ ਦੇ ਬੁਲਾਰੇ ਜੈਨੀਫਰ ਰਸ਼ਬੀ ਨੇ ਇੱਕ ਈਮੇਲ ਬਿਆਨ 'ਚ ਕਿਹਾ, ''ਸਾਡੀ ਦਿਲੀ ਹਮਦਰਦੀ ਕਰਮਚਾਰੀ ਦੇ ਪਰਿਵਾਰ, ਦੋਸਤਾਂ ਅਤੇ ਸਹਿਕਰਮੀਆਂ ਨਾਲ ਹੈ।'' ਜੈ. ਡੀ. ਕੰਟਰੈਕਟਰਜ਼ ਦੇ ਪ੍ਰਧਾਨ ਮਾਈਕ ਡੀਪੋਨੀਓ ਨੇ ਇੱਕ ਬਿਆਨ 'ਚ ਕਿਹਾ ਕਿ ਇਹ ਮੌਤ ਕਾਕਸਵੈੱਲ ਬਾਈਪਾਸ ਟਨਲ ਨਿਰਮਾਣ ਪ੍ਰਾਜੈਕਟ ਦੌਰਾਨ ਹੋਈ। ਉਨ੍ਹਾਂ ਕਿਹਾ ਕਿ ਇਸ ਮੌਤ ਕਾਰਨ ਕੰਪਨੀ ਬਹੁਤ ਦੁਖੀ ਹੈ। ਡੀਪੋਨੀਓ ਨੇ ਕਿਹਾ ਕਿ ਸਾਡੇ ਵਿਚਾਰ ਅਤੇ ਪ੍ਰਾਰਥਨਾਵਾਂ ਇਸ ਮੁਸ਼ਕਲ ਸਮੇਂ 'ਚ ਕਰਮਚਾਰੀ ਦੇ ਪਰਿਵਾਰ, ਦੋਸਤਾਂ ਅਤੇ ਸਹਿਕਰਮੀਆਂ ਦੇ ਨਾਲ ਹੈ। ਉਨ੍ਹਾਂ ਕਿਹਾ ਕਿ ਅਸੀਂ ਉਨ੍ਹਾਂ ਹਾਲਾਤਾਂ ਨੂੰ ਪੂਰੀ ਤਰ੍ਹਾਂ ਸਮਝਣ ਦਾ ਇਰਾਦਾ ਰੱਖਦੇ ਹਨ, ਜਿਨ੍ਹਾਂ ਕਾਰਨ ਇਹ ਹਾਦਸਾ ਵਾਪਰਿਆ ਅਤੇ ਪਾਰਦਰਸ਼ੀ ਸਮੀਖਿਆ ਨੂੰ ਯਕੀਨੀ ਬਣਾਉਣ ਲਈ ਸਾਰੀ ਲੋੜੀਂਦੀ ਸਹਾਇਤਾ ਪ੍ਰਦਾਨ ਕਰਾਂਗੇ। ਉਨ੍ਹਾਂ ਕਿਹਾ ਕਿ ਕਰਮਚਾਰੀਆਂ ਦੀ ਸੁਰੱਖਿਆ ਅਤੇ ਤੰਦਰੁਸਤੀ ਸਾਡੇ ਲਈ ਕਾਫ਼ੀ ਮਹੱਤਵ ਰੱਖਦੀ ਹੈ ਅਤੇ ਅਸੀਂ ਇਹ ਯਕੀਨੀ ਬਣਾਵਾਂਗੇ ਕਿ ਉਨ੍ਹਾਂ ਕੋਲ ਇਸ ਮੁਸ਼ਕਲ ਸਮੇਂ ਦੌਰਾਨ ਲੋੜੀਂਦੇ ਸਰੋਤ ਹਨ। The post ਟੋਰਾਂਟੋ 'ਚ ਵੇਸਟਵਾਟਰ ਟਰੀਟਮੈਂਟ ਪਲਾਂਟ ਤੋਂ ਕਰੀਬ 100 ਫੁੱਟ ਹੇਠਾਂ ਡਿੱਗਿਆ ਕਰਮਚਾਰੀ, ਮੌਤ appeared first on TV Punjab | Punjabi News Channel. Tags: accident canada death news police top-news toronto trending-news waste-water-treatment-plant

ਬਰੈਂਪਟਨ 'ਚ ਕਈ ਗੱਡੀਆਂ ਨੂੰ ਟੱਕਰ ਮਾਰਨ ਵਾਲੇ ਗੁਰਪ੍ਰੀਤ ਹੇਹਰ ਨੂੰ ਲੱਗੀਆਂ ਹੱਥਕੜੀਆਂ Friday 18 August 2023 03:34 PM UTC+00 | Tags: brampton canada news peel-police police road-accident top-news toronto trending-news Brampton- ਇਸ ਮਹੀਨੇ ਦੀ ਸ਼ੁਰੂਆਤ 'ਚ ਬਰੈਂਪਟਨ 'ਚ ਕਈ ਵਾਹਨਾਂ ਦੀ ਹੋਈ ਜ਼ਬਰਦਸਤ ਟੱਕਰ 'ਚ ਇੱਕ ਮਹਿਲਾ ਅਤੇ ਉਸ ਦੇ ਦੋ ਬੱਚਿਆਂ ਨੂੰ ਗੰਭੀਰ ਰੂਪ 'ਚ ਜ਼ਖ਼ਮੀ ਕਰਨ ਮਗਰੋਂ ਮੌਕੇ ਤੋਂ ਫ਼ਰਾਰ ਹੋਏ ਪਿਕਅੱਪ ਚਾਲਕ ਗੁਰਪ੍ਰੀਤ ਹੇਹਰ ਨੂੰ ਪੁਲਿਸ ਨੇ ਗਿ੍ਰਫ਼ਤਾਰ ਕਰ ਲਿਆ ਹੈ। ਪੀਲ ਰਿਜਨਲ ਪੁਲਿਸ ਨੇ ਵੀਰਵਾਰ ਨੂੰ ਐਲਾਨ ਕੀਤਾ ਕਿ ਉਨ੍ਹਾਂ ਨੇ ਬੀਤੀ 3 ਅਗਸਤ ਨੂੰ ਕਲਾਕ ਬੁਲੇਵਾਰਡ ਅਤੇ ਏਅਰਪੇਰਟ ਰੋਡ ਚੌਰਾਹੇ 'ਤੇ ਵਾਪਰੇ ਹਾਦਸੇ 'ਚ ਅੱਜ 40 ਸਾਲਾ ਗੁਰਪ੍ਰੀਤ ਹੇਹਰ ਨੂੰ ਗਿ੍ਰਫ਼ਤਾਰ ਕੀਤਾ ਹੈ। ਗੁਰਪ੍ਰੀਤ ਹਾਦਸੇ ਵਾਲੇ ਦਿਨ ਕਥਿਤ ਤੌਰ 'ਤੇ ਚੋਰੀ ਦੀ ਕਾਲੀ 2016 ਡਾਜ ਰੈਮ ਨੂੰ ਤੇਜ਼ ਰਫ਼ਤਾਰ ਨਾਲ ਚਲਾ ਰਿਹਾ ਸੀ। ਹਾਦਸੇ ਦੀ ਸੀ. ਸੀ. ਟੀ. ਵੀ. ਫੁਟੇਜ 'ਚ ਇਹ ਗੱਲ ਸਾਫ਼ ਤੌਰ 'ਤੇ ਸਾਹਮਣੇ ਆਈ ਹੈ ਕਿ ਉਸ ਦੇ ਤੇਜ਼ ਰਫ਼ਤਾਰ ਪਿੱਕਅਪ ਨੇ ਲਾਲ ਬੱਤੀ 'ਤੇ ਰੁਕੀਆਂ ਗੱਡੀਆਂ ਨੂੰ ਟੱਕਰ ਮਾਰੀ। ਇਸ ਹਾਦਸੇ ਦੌਰਾਨ ਇੱਕ ਮਾਂ ਅਤੇ ਉਸ ਦੇ ਦੋ ਬੱਚਿਆਂ ਸਣੇ ਕੁੱਲ 6 ਲੋਕ ਜ਼ਖ਼ਮੀ ਹੋਏ ਸਨ। ਹਾਦਸੇ 'ਚ ਐਸ. ਯੂ. ਵੀ. 'ਚ ਸਵਾਰ ਸਾਮੰਥਾ ਰਿਚੀ ਅਤੇ ਉਸ ਦੇ 12 ਸਾਲ 8 ਸਾਲ ਦੇ ਦੋ ਬੱਚਿਆਂ ਨੂੰ ਗੰਭੀਰ ਸੱਟਾਂ ਲੱਗਣ ਕਾਰਨ ਹਸਪਤਾਲ ਲਿਜਾਇਆ ਗਿਆ ਸੀ। ਹਾਲਾਂਕਿ ਇਸ ਹਾਦਸੇ 'ਚ ਉਨ੍ਹਾਂ ਦਾ ਪਾਲਤੂ ਕੁੱਤਾ ਫਿਨਨੇਗਨ ਮਾਰਿਆ ਗਿਆ। ਚੋਰੀ ਦੇ ਵਾਹਨ 'ਚ ਸਵਾਰ ਇੱਕ ਹੋਰ ਯਾਤਰੀ ਸਣੇ ਤਿੰਨ ਹੋਰਨਾਂ ਵੀ ਸੱਟਾਂ ਲੱਗੀਆਂ ਸਨ। ਪੁਲਿਸ ਨੇ ਦੱਸਿਆ ਕਿ ਹਾਦਸੇ ਤੋਂ ਬਾਅਦ ਗੁਰਪ੍ਰੀਤ ਪੈਦਲ ਹੀ ਮੌਕੇ ਤੋਂ ਫ਼ਰਾਰ ਹੋ ਗਿਆ। ਇਸ ਘਟਨਾ ਤੋਂ ਬਾਅਦ ਹੁਣ ਗੁਰਪ੍ਰੀਤ ਨੂੰ 18 ਦੋਸ਼ਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ, ਜਿਨ੍ਹਾਂ 'ਚ ਸਰੀਰ ਨੂੰ ਨੁਕਸਾਨ ਪਹੁੰਚਾਣ ਵਾਲੇ ਦੋਸ਼, ਸਰੀਰਕ ਨੁਕਸਾਨ ਪਹੁੰਚਾਉਣ ਮਗਰੋਂ ਜ਼ਖ਼ਮੀਆਂ ਦੀ ਮਦਦ ਕਰਨ 'ਚ ਅਸਫ਼ਲ ਰਹਿਣ ਦੇ ਚਾਰ ਦੋਸ਼ ਅਤੇ ਮਨਾਹੀ ਦੌਰਾਨ ਕੰਮ ਕਰਨ ਦੇ ਪੰਜ ਦੋਸ਼ ਸ਼ਾਮਿਲ ਹਨ। ਪੁਲਿਸ ਦਾ ਕਹਿਣਾ ਹੈ ਕਿ ਹੇਹਰ ਖ਼ਰਾਬ ਡਰਾਈਵਿੰਗ, ਖ਼ਤਰਨਾਕ ਡਰਾਈਵਿੰਗ ਅਤੇ ਪੁਲਿਸ ਲਈ ਰੁਕਣ 'ਚ ਅਸਫ਼ਲ ਰਹਿਣ ਵਰਗੇ ਅਪਰਾਧਾਂ ਦੇ ਚੱਲਦਿਆਂ ਸੂਬਾ ਵਿਆਪੀ ਡਰਾਈਵਿੰਗ ਪਾਬੰਦੀ ਦੇ ਅਧੀਨ ਹੈ। The post ਬਰੈਂਪਟਨ 'ਚ ਕਈ ਗੱਡੀਆਂ ਨੂੰ ਟੱਕਰ ਮਾਰਨ ਵਾਲੇ ਗੁਰਪ੍ਰੀਤ ਹੇਹਰ ਨੂੰ ਲੱਗੀਆਂ ਹੱਥਕੜੀਆਂ appeared first on TV Punjab | Punjabi News Channel. Tags: brampton canada news peel-police police road-accident top-news toronto trending-news

You received this email because you set up a subscription at Feedrabbit. This email was sent to you at dailypostin10@gmail.com. Unsubscribe or change your subscription.