ਦੁਨੀਆ ਦੀ ਸਭ ਤੋਂ ਮਹਿੰਗੀ ਆਕਸ਼ਨ ਕੰਪਨੀ ਸੋਥਬੀ ਨੇ ਦੋ ਦਿਨ ਪਹਿਲਾਂ ਇਤਿਹਾਸ ਬਣਾਇਆ ਹੈ। ਸੋਥਬੀ ਨੇ ਆਪਣੇ 277 ਸਾਲਾਂ ਦੇ ਇਤਿਹਾਸ ਦੀ ਸਭ ਤੋਂ ਵੱਡੀ ਨਿਲਾਮੀ ਕੀਤੀ ਹੈ। ਇਹ ਨਿਲਾਮੀ ਅਮਰੀਕੀ ਰੀਅਲ ਅਸਟੇਟ ਬਿਲੇਨੀਅਰ ਹੈਰੀ ਬੀ ਮੈਕਲੋਵ ਤੇ ਉਨ੍ਹਾਂ ਦੀ ਪਤਨੀ ਲਿੰਡਾ ਦੇ ਤਲਾਕ ਨਾਲ ਜੁੜੀ ਸੀ।
ਸੋਥਬੀ ਕੋਲ ਇਨ੍ਹਾਂ ਦੇ ਕਲਾ ਸੰਗ੍ਰਹਿ ਨੂੰ ਵੇਚਣ ਦੇ ਅਧਿਕਾਰ ਸਨ, ਜਿਸ ਤੋਂ ਬਾਅਦ ਨਿਲਾਮੀ ਹੋਈ। ਆਪਣੀ ਦੂਜੀ ਪੇਸ਼ਕਸ਼ ਵਿੱਚ ਸੋਥਬੀਜ਼ ਨੇ ਲਗਭਗ 7,700 ਕਰੋੜ ਰੁਪਏ ਵਿੱਚ 30-ਪੀਸ ਕਲਾ ਸੰਗ੍ਰਹਿ ਦੀ ਨਿਲਾਮੀ ਕੀਤੀ ਹੈ। 2018 ਵਿੱਚ, ਅਦਾਲਤ ਦੇ ਆਦੇਸ਼ ਤੋਂ ਬਾਅਦ ਪਹਿਲੀ ਨਿਲਾਮੀ ਨਵੰਬਰ ਵਿੱਚ ਹੋਈ, ਜਿਸ ਵਿੱਚ 35 ਪੀਸਾਂ ਲਈ 5,200 ਕਰੋੜ ਰੁਪਏ ਮਿਲੇ ਸਨ।
ਹੈਰੀ ਬੀ ਮੈਕਲੋਵ ਦਾ ਜਨਮ 1937 ਵਿੱਚ ਇੱਕ ਯਹੂਦੀ ਪਰਿਵਾਰ ਵਿੱਚ ਹੋਇਆ ਸੀ। 1960 ਵਿੱਚ ਕਾਲਜ ਛੱਡਣ ਤੋਂ ਬਾਅਦ ਉਹ ਇੱਕ ਰੀਅਲ ਅਸਟੇਟ ਸੇਲਜ਼ਮੈਨ ਬਣ ਗਏ। ਫਿਰ ਜਲਦੀ ਹੀ ਉਹ ਬ੍ਰੋਕਰ ਦੀ ਬਜਾਏ ਬਿਲਡਰ ਬਣ ਗਏ। ਮੈਕਲੋਵ ਦੀ ਫਰਮ, ਮੈਕਲੋਵ ਪ੍ਰਾਪਰਟੀਜ਼, ਨਿਊਯਾਰਕ ਸਿਟੀ ਵਿੱਚ 400 ਮੈਡਿਸਨ ਐਵੇਨਿਊ, 540 ਮਡਿਸਨ ਐਵੇਨਿਊ, ਡ੍ਰੇਕ ਹੋਟਲ ਅਤੇ ਟੂ ਗ੍ਰੈਂਡ ਸੈਂਟਰਲ ਟਾਵਰ ਸਣੇ ਕਈ ਪ੍ਰਾਪਰਟੀਜ਼ ਹਨ। 2019 ਵਿੱਚ ਫੋਬਰਸ ਦੇ ਅੰਦਾਜ਼ੇ ਮੁਤਾਬਕ ਤਲਾਕ ਤੋਂ ਪਹਿਲਾਂ ਉਨ੍ਹਾਂ ਦੀ ਪਤਨੀ ਤੇ ਉਨ੍ਹਾਂ ਦੀ ਸਾਬਕਾ ਪਤਨੀ ਦੀ ਕੁਲ ਜਾਇਦਾਦ 70 ਤੋਂ 85 ਹਜ਼ਾਰ ਕਰੋੜ ਰੁਪਏ ਦੇ ਵਿਚਕਾਰ ਸੀ।
4 ਜਨਵਰੀ, 1959 ਨੂੰ ਮੈਕਲੋਵ ਨੇ 21 ਸਾਲ ਦੀ ਉਮਰ ਵਿੱਚ ਇੱਕ ਡਾਕਟਰ ਦੀ ਧੀ ਲਿੰਡਾ ਬਰਗ ਨਾਲ ਵਿਆਹ ਕਰਵਾ ਲਿਆ। ਲਿੰਡਾ ਡਬਲਡੇਅ ਨਾਂ ਦੀ ਇੱਕ ਪਬਲਿਸ਼ਿੰਗ ਕੰਪਨੀ ਵਿੱਚ ਸੰਪਾਦਕੀ ਸਹਾਇਕ ਵਜੋਂ ਕੰਮ ਕਰਦੀ ਸੀ। ਵਿਆਹ ਤੋਂ ਬਾਅਦ ਦੋਵੇਂ ਇਕੱਠੇ ਬਰੁਕਲਿਨ ਸ਼ਿਫਟ ਹੋ ਗਏ। ਜਿੱਥੇ ਉਨ੍ਹਾਂ ਦੇ ਮਕਾਨ ਮਾਲਕ ਨੇ ਹੈਰੀ ਨੂੰ ਰੀਅਲ ਅਸਟੇਟ ਬ੍ਰੋਕਰ ਵਜੋਂ ਕੰਮ ਕਰਨ ਲਈ ਪ੍ਰੇਰਿਤ ਕੀਤਾ। ਦੋਵੇਂ ਪੰਜ ਦਹਾਕਿਆਂ ਤੱਕ ਵਿਆਹੁਤਾ ਜ਼ਿੰਦਗੀ ਵਿੱਚ ਰਹੇ। ਸਾਲ 2016 ‘ਚ ਲਿੰਡਾ ਨੇ ਤਲਾਕ ਲਈ ਅਰਜ਼ੀ ਦਾਇਰ ਕੀਤੀ ਸੀ। ਦੋਵੇਂ 2019 ਵਿੱਚ ਵੱਖ ਹੋ ਗਏ ਸਨ। ਦੋਵਾਂ ਦੇ ਦੋ ਬੱਚੇ ਹਨ।
ਵੀਡੀਓ ਲਈ ਕਲਿੱਕ ਕਰੋ -:
“ਘਰੋਂ ਚੁੱਕਣ ਆਈ ਪੁਲਿਸ ਤਾਂ ਭੱਜ ਗਿਆ ਕਾਂਗਰਸੀ ਆਗੂ ਅੰਗਦ ਦੱਤਾ, ਪੌੜੀ ਲਗਾਕੇ ਘਰ ਅੰਦਰ ਵੜੀ ਪੁਲਿਸ ਤਾਂ ਦੇਖੋ ਫਿਰ ਕੀ ਹੋਇਆ?”
ਮੈਕਲੋਵ ਅਤੇ ਲਿੰਡਾ ਦਾ ਤਲਾਕ ਹਾਈ-ਪ੍ਰੋਫਾਈਲ ਅਤੇ ਕੰਟਰੋਵਰਸ਼ੀਅਲ ਰਿਹਾ ਸੀ। 2019 ਵਿੱਚ ਲਿੰਡਾ ਤੋਂ ਵੱਖ ਹੋਣ ਤੋਂ ਬਾਅਦ ਹੈਰੀ ਨੇ ਤੁਰੰਤ ਪੈਟਰੀਸੀਾਆ ਲਾਜ਼ਰ-ਲੈਂਡੋ ਨਾਂ ਦੀ ਔਰਤ ਨਾਲ ਦੁਬਾਰਾ ਵਿਆਹ ਕਰਵਾ ਲਿਆ। ਮੈਕਲੋਵ ਨੇ ਆਪਣੀ ਦੂਜੀ ਪਤਨੀ ਨਾਲ 432 ਪਾਰਕ ਐਵੇਨਿਊ ਦੇ ਕੋਨੇ ‘ਤੇ 42 ਫੁੱਟ ਦੀ ਵੱਡੀ ਫੋਟੋ ਲਗਵਾਈ ਸੀ। ਦੱਸਿਆ ਜਾਂਦਾ ਹੈ ਕਿ ਉਸ ਨੇ ਇਹ ਹਰਕਤ ਆਪਣੀ ਪਹਿਲੀ ਪਤਨੀ ਨੂੰ ਚਿੜ੍ਹਾਉਣ ਲਈ ਕੀਤੀ ਸੀ। ਲਿੰਡਾ ਪਾਰਕ ਐਵੇਨਿਊ ‘ਤੇ ਇੱਕ ਅਪਾਰਟਮੈਂਟ ਖਰੀਦਣ ਵਾਲੀ ਸੀ, ਇਸ ਲਈ ਹੈਰੀ ਨੇ ਜਾਣਬੁੱਝ ਕੇ ਉੱਥੇ ਪੋਸਟਰ ਲਗਵਾਇਆ ਸੀ।
The post ਤਲਾਕ ਦੀ ਨੀਲਾਮੀ ਦਾ ਬਣਿਆ ਵਰਲਡ ਰਿਕਾਰਡ, ਪਹਿਲੀ ਵਹੁਟੀ ਨੂੰ ਖਿਝਾਉਣ ਲਈ ਵਰਤੀ ਦੂਜੀ ਦੀ ਹੋਰਡਿੰਗ appeared first on Daily Post Punjabi.
source https://dailypost.in/latest-punjabi-news/divorce-auction-made-world/