| ਨੀਰੂ ਬਾਜਵਾ ਵਲੋਂ 'ਲੌਂਗ ਲਾਚੀ 2' ਦਾ ਐਲਾਨ Jan 31st 2022, 08:26, by Narinder Jagga ਫੈਕਟ ਸਮਾਚਾਰ ਸੇਵਾ ਚੰਡੀਗੜ੍ਹ , ਜਨਵਰੀ 31 ਐਮੀ ਵਿਰਕ, ਨੀਰੂ ਬਾਜਵਾ ਤੇ ਅੰਬਰਦੀਪ ਸਿੰਘ ਸਟਾਰਰ ਫ਼ਿਲਮ 'ਲੌਂਗ ਲਾਚੀ' ਦਾ ਸੀਕੁਅਲ ਬਣਨ ਜਾ ਰਿਹਾ ਹੈ। ਇਸ ਗੱਲ ਦੀ ਜਾਣਕਾਰੀ ਨੀਰੂ ਬਾਜਵਾ, ਅੰਬਰਦੀਪ ਸਿੰਘ ਤੇ ਐਮੀ ਵਿਰਕ ਵਲੋਂ ਸੋਸ਼ਲ ਮੀਡੀਆ ਰਾਹੀਂ ਸਾਂਝੀ ਕੀਤੀ ਗਈ ਹੈ। ਨੀਰੂ ਬਾਜਵਾ ਨੇ 'ਲੌਂਗ ਲਾਚੀ 2' ਦਾ ਪੋਸਟਰ ਸਾਂਝਾ ਕਰਦਿਆਂ ਲਿਖਿਆ ਕਿ 'ਸੋ 'ਲੌਂਗ ਲਾਚੀ 2' ਆਖਿਰਕਾਰ ਬਣ ਰਹੀ ਹੈ। ਬਹੁਤ ਉਤਸ਼ਾਹਿਤ ਹਾਂ। ਟੀਮ ਨੂੰ ਵਧਾਈਆਂ।' ਅੰਬਰਦੀਪ ਸਿੰਘ ਨੇ ਲਿਖਿਆ ਕਿ 'ਵਾਹਿਗੁਰੂ, ਵੇ ਤੂੰ ਲੌਂਗ ਵੇ ਮੈਂ ਲਾਚੀ। ਧੜਕਨ ਥੋੜ੍ਹੀ ਜਿਹੀ ਵੱਧ ਗਈ ਹੈ। ਬਹੁਤ ਵੱਡੀ ਜ਼ਿੰਮੇਵਾਰੀ ਹੈ। ਰੱਬ ਸੁੱਖ ਰੱਖੇ।' 'ਲੌਂਗ ਲਾਚੀ 2' ਵਿਲੇਜਰਸ ਫ਼ਿਲਮ ਸਟੂਡੀਓ, ਅੰਬਰਦੀਪ ਪ੍ਰੋਡਕਸ਼ਨਜ਼ ਤੇ ਨੀਰੂ ਬਾਜਵਾ ਐਂਟਰਟੇਨਮੈਂਟ ਦੀ ਪੇਸ਼ਕਸ਼ ਹੈ। ਫ਼ਿਲਮ ਅੰਬਰਦੀਪ ਸਿੰਘ ਵਲੋਂ ਹੀ ਲਿਖੀ ਤੇ ਡਾਇਰੈਕਟ ਕੀਤੀ ਜਾਵੇਗੀ। ਇਸ ਦੀ ਰਿਲੀਜ਼ ਡੇਟ ਵੀ ਇਸੇ ਸਾਲ 2022 ਲਿਖੀ ਗਈ ਹੈ। Facebook Page: https://www.facebook.com/factnewsnet See videos: https://www.youtube.com/c/TheFACTNews/videos The post ਨੀਰੂ ਬਾਜਵਾ ਵਲੋਂ 'ਲੌਂਗ ਲਾਚੀ 2' ਦਾ ਐਲਾਨ appeared first on The Fact News Punjabi. |
