ਕਾਨਪੁਰ ਦੇ ਜਿਸ ਕਾਰੋਬਾਰੀ ਪੀਯੂਸ਼ ਜੈਨ ਦੇ ਘਰੋਂ ਕਰੋੜਾਂ ਦੀ ਨਕਦੀ, ਸੋਨਾ ਅਤੇ ਜ਼ਮੀਨ ਦੇ ਕਾਗਜ਼ ਮਿਲੇ ਹਨ, ਉਹ ਕੋਈ ਖ਼ਾਨਦਾਨੀ ਪਰਿਵਾਰ ਨਹੀਂ ਹੈ। ਪੀਯੂਸ਼ ਨੇ ਸਭ ਤੋਂ ਪਹਿਲਾਂ ਆਪਣੇ ਪਿਤਾ ਦੇ ਕਾਰੋਬਾਰ ਵਿੱਚ ਮਦਦ ਕੀਤੀ, ਫਿਰ ਇੱਕ ਸਾਬਣ ਫੈਕਟਰੀ ਵਿੱਚ ਨੌਕਰੀ ਵੀ ਕੀਤੀ। ਇਸ ਦੌਰਾਨ ਉਸ ਨੂੰ ਕੈਮੀਕਲ ਕੰਪਾਊਂਡ ਦੇ ਕਾਰੋਬਾਰ ਬਾਰੇ ਜਾਣਕਾਰੀ ਮਿਲੀ। ਫਿਰ ਕੁਝ ਹੀ ਸਾਲਾਂ ‘ਚ ਪੀਯੂਸ਼ ਜੈਨ ਨੇ ਅਰਬਾਂ ਦਾ ਸਾਮਰਾਜ ਬਣਾ ਲਿਆ, ਦੱਸ ਦੇਈਏ ਕਿ ਕਨੌਜ ਅਤੇ ਕਾਨਪੁਰ ‘ਚ ਪਿਊਸ਼ ਦੇ ਟਿਕਾਣਿਆਂ ‘ਤੇ 120 ਘੰਟਿਆਂ ਦੀ ਜਾਂਚ ਅਤੇ 50 ਘੰਟਿਆਂ ਦੀ ਪੁੱਛਗਿੱਛ ਤੋਂ ਬਾਅਦ ਕਰੀਬ 178 ਕਰੋੜ ਦੀ ਨਕਦੀ, 23 ਕਿਲੋ ਸੋਨਾ ਅਤੇ 600 ਲੀਟਰ ਚੰਦਨ ਦਾ ਤੇਲ ਬਰਾਮਦ ਹੋਇਆ ਹੈ।
ਕਨੌਜ ਦੇ ਛਪਰਪੱਟੀ ਇਲਾਕੇ ਦੀ ਜੈਨ ਸਟਰੀਟ ਦੇ ਰਹਿਣ ਵਾਲੇ ਪਿਊਸ਼ ਜੈਨ ਨੇ ਕਰੋੜਾਂ ਦੀ ਜਾਇਦਾਦ ਆਪਣੇ ਦਿਮਾਗ ਨਾਲ ਖੜ੍ਹੀ ਕਰ ਲਈ। ਕਾਨਪੁਰ ਯੂਨੀਵਰਸਿਟੀ ਤੋਂ ਕੈਮਿਸਟਰੀ ਵਿੱਚ ਐਮਐਸਸੀ ਕਰਨ ਵਾਲੇ ਪੀਯੂਸ਼ ਜੈਨ ਦੇ ਪਿਤਾ ਕੈਲਾਸ਼ ਚੰਦ ਜੈਨ ਦਾ ਕਨੌਜ ਵਿੱਚ ਹੀ ਕੱਪੜਿਆਂ ਦਾ ਛੋਟਾ ਜਿਹਾ ਕਾਰੋਬਾਰ ਸੀ ਪਰ ਆਪਣੇ ਪਿਤਾ ਦੇ ਕਾਰੋਬਾਰ ਵਿੱਚ ਸ਼ਾਮਲ ਹੋਣ ਦੀ ਬਜਾਏ ਪੀਯੂਸ਼ ਜੈਨ ਨੇ ਮੁੰਬਈ ਵਿੱਚ ਇੱਕ ਡਿਟਰਜੈਂਟ ਫੈਕਟਰੀ ਵਿੱਚ ਕੰਮ ਕਰਕੇ ਆਪਣੀ ਕਿਸਮਤ ਬਦਲਣੀ ਸ਼ੁਰੂ ਕਰ ਦਿੱਤੀ।
ਸਾਬਣ ਫੈਕਟਰੀ ਵਿੱਚ ਕੰਮ ਕਰਦੇ ਸਮੇਂ ਪੀਯੂਸ਼ ਜੈਨ ਨੂੰ ਕੈਮੀਕਲ ਕੰਪਾਊਂਡ ਦੇ ਕਾਰੋਬਾਰ ਬਾਰੇ ਪਤਾ ਲੱਗਿਆ। ਇਸ ਤੋਂ ਬਾਅਦ ਕਨੌਜ ਪਰਤਣ ‘ਤੇ ਪੀਯੂਸ਼ ਨੇ ਪਰਫਿਊਮ ਦਾ ਕੈਮੀਕਲ ਕੰਪਾਊਂਡ ਬਣਾਉਣਾ ਸ਼ੁਰੂ ਕਰ ਦਿੱਤਾ। ਇਸ ਦੇ ਲਈ odo chem chemicals ਦੇ ਨਾਂ ‘ਤੇ ਕੰਪਨੀ ਰਜਿਸਟਰਡ ਕਰਵਾਈ ਸੀ। ਕੈਮੀਕਲ ਕੰਪਾਊਂਡ ਦੇ ਕਾਰੋਬਾਰ ਤੋਂ ਮੁਨਾਫਾ ਹੋਇਆ ਤਾਂ ਉਸਨੇ ਆਪਣਾ ਕਾਰੋਬਾਰ ਕਾਨਪੁਰ ਦੇ ਗੁਟਕਾ ਵਪਾਰੀਆਂ ਤੱਕ ਫੈਲਾਇਆ। ਗੁਟਕੇ ਦੇ ਕਾਰੋਬਾਰ ਵਿੱਚ ਖੁਸ਼ਬੂ ਲਈ ਇੱਤਰ ਦੀ ਲੋੜ ਹੁੰਦੀ ਹੈ, ਜੋ ਕਿ ਬਹੁਤ ਮਹਿੰਗਾ ਹੁੰਦਾ ਹੈ। ਇਸ ਵਿੱਚ ਪੀਯੂਸ਼ ਜੈਨ ਦੇ ਕੈਮੀਕਲ ਮਿਸ਼ਰਣ ਨੇ ਗੁਟਕੇ ਦੀ ਕੀਮਤ ਘਟਾ ਦਿੱਤੀ ਪਰ ਮਹਿਕ ਵਧਾ ਦਿੱਤੀ। ਇਸ ਤਰ੍ਹਾਂ, ਪਿਊਸ਼ ਰਸਾਇਣ ਵਿਗਿਆਨ ਅਤੇ ਰਸਾਇਣਕ ਮਿਸ਼ਰਣਾਂ ਦੇ ਗਿਆਨ ਦੁਆਰਾ ਕੁਝ ਸਾਲਾਂ ਵਿੱਚ ਹੀ ਕਰੋੜਪਤੀ ਬਣ ਗਿਆ।
ਵੀਡੀਓ ਲਈ ਕਲਿੱਕ ਕਰੋ -:
“sri darbar sahib ਬੇਅਦਬੀ ਮਾਮਲੇ ਨਾਲ ਜੁੜੀ ਇੱਕ ਹੋਰ CCTV ਆਈ ਸਾਹਮਣੇ”
The post ਕਾਨਪੁਰ: ਪਿਤਾ ਦਾ ਕਾਰੋਬਾਰ ਛੱਡ ਸਾਬਣ ਫੈਕਟਰੀ ‘ਚ ਕੀਤਾ ਕੰਮ, ਇਸ ਤਰ੍ਹਾਂ ਪੀਯੂਸ਼ ਜੈਨ ਬਣੇ ਅਰਬਪਤੀ appeared first on Daily Post Punjabi.