PR ਦੇਣ ਦੇ ਮਾਮਲੇ ‘ਚ ਕੈਨੇਡਾ ਤੋੜੇਗਾ ਸਾਰੇ ਰਿਕਾਰਡ ?

ਭਾਰਤ ਤੋਂ ਪੰਜ ਮਹੀਨੇ ਤੋਂ ਵੱਧ ਸਿੱਧੀਆਂ ਫਲਾਈਟਾਂ ਬੰਦ ਰਹਿਣ ਦੇ ਬਾਵਜੂਦ ਭਾਰਤੀਆਂ ਦਾ ਕੈਨੇਡਾ ਵਿਚ ਵਸਣ ਦਾ ਉਤਸ਼ਾਹ ਮੱਠਾ ਨਹੀਂ ਪਿਆ ਹੈ ਤੇ ਇਸ ਸਾਲ ਭਾਰਤੀਆਂ ਦੇ ਇਥੇ ਆਉਣ ਦਾ ਨਵਾਂ ਰਿਕਾਰਡ ਬਣਨ ਦੀ ਆਸ ਹੈ । ਕੋਰੋਨਾ ਕਰਕੇ ਪਿਛਲੇ ਸਾਲ ਕੈਨੇਡਾ ਵਿਚ ਪਰਮਾਨੈਂਟ ਰੈਜ਼ੀਡੈਂਟ (ਪੀ ਆਰ) ਦਾ ਰੁਤਬਾ ਹਾਸਲ ਕਰਨ ਵਾਲਿਆਂ ਵਿਚ ਤਿੱਖੀ ਗਿਰਾਵਟ ਆਈ ਸੀ, ਪਰ 2021 ਵਿਚ ਕਾਫੀ ਤੇਜ਼ੀ ਆਈ ਤੇ ਅਗਸਤ ਦੀ ਅੰਤ ਤੱਕ 69104 ਨੇ ਪੀ ਆਰ ਹਾਸਲ ਕਰ ਲਈ ਸੀ । 2020 ਦੇ ਸਾਰੇ ਸਾਲ ਵਿਚ 37125 ਨੇ ਹਾਸਲ ਕੀਤੀ ਸੀ । 2021 ਦਾ ਰੁਝਾਨ ਦੱਸਦਾ ਹੈ ਕਿ ਇਸ ਸਾਲ 2019 ਦਾ ਸਭ ਤੋਂ ਉੱਚਾ 81414 ਦਾ ਰਿਕਾਰਡ ਟੁੱਟ ਜਾਵੇਗਾ । ਦੱਸਿਆ ਜਾਂਦਾ ਹੈ ਕਿ ਪਿਛਲੀ ਟਰੰਪ ਸਰਕਾਰ ਵੱਲੋਂ ਲਾਈਆਂ ਰੋਕਾਂ ਕਾਰਨ ਲੋਕ ਅਮਰੀਕਾ ਘੱਟ ਜਾ ਰਹੇ ਹਨ । ਆਸਟਰੇਲੀਆ ਵੱਲੋਂ ਸਰਹੱਦਾਂ ਸੀਲ ਕਰਨ ਕਰਕੇ ਵੀ ਉਧਰ ਘੱਟ ਜਾ ਰਹੇ ਹਨ ।

The post PR ਦੇਣ ਦੇ ਮਾਮਲੇ ‘ਚ ਕੈਨੇਡਾ ਤੋੜੇਗਾ ਸਾਰੇ ਰਿਕਾਰਡ ? first appeared on Punjabi News Online.

source https://punjabinewsonline.com/2021/11/13/%e0%a8%aa%e0%a9%80%e0%a8%86%e0%a8%b0-%e0%a8%a6%e0%a9%87%e0%a8%a3-%e0%a8%a6%e0%a9%87-%e0%a8%ae%e0%a8%be%e0%a8%ae%e0%a8%b2%e0%a9%87-%e0%a8%9a-%e0%a8%95%e0%a9%88%e0%a8%a8%e0%a9%87%e0%a8%a1%e0%a8%be/