US China Spar: ਅਮਰੀਕਾ ਰਾਸ਼ਟਰਪਤੀ ਦੇ ਰੂਪ ਵਿੱਚ ਜੋ ਬਾਇਡੇਨ ਦੇ ਅਹੁਦਾ ਸੰਭਾਲਣ ਤੋਂ ਬਾਅਦ ਅਮਰੀਕਾ ਅਤੇ ਚੀਨ ਦੇ ਉੱਚ ਅਧਿਕਾਰੀਆਂ ਦੀ ਆਹਮੋ-ਸਾਹਮਣੇ ਹੋਈ ਪਹਿਲੀ ਬੈਠਕ ਵਿੱਚ ਦੋਵਾਂ ਧਿਰਾਂ ਦੇ ਇੱਕ-ਦੂਜੇ ਦੇ ਪ੍ਰਤੀ ਤੇ ਦੁਨੀਆ ਨੂੰ ਲੈ ਕੇ ਬਿਲਕੁਲ ਵਿਵਾਦਪੂਰਨ ਵਿਚਾਰ ਰੱਖੇ। ਅਲਾਸਕਾ ਵਿੱਚ ਦੋ ਦਿਨਾਂ ਤੱਕ ਚੱਲਣ ਵਾਲੀ ਇਸ ਗੱਲਬਾਤ ਦੀ ਸ਼ੁਰੂਆਤ ਵਿੱਚ ਅਮਰੀਕੀ ਦੇ ਵਿਦੇਸ਼ ਮੰਤਰੀ ਐਂਟਨੀ ਬਲਿੰਕਨ ਅਤੇ ਚੀਨੀ ਕਮਿਊਨਿਸਟ ਪਾਰਟੀ ਦੇ ਵਿਦੇਸ਼ੀ ਮਾਮਲਿਆਂ ਦੇ ਮੁਖੀ ਯਾਂਗ ਜਿਏਚੀ ਨੇ ਇੱਕ ਦੂਜੇ ਦੇ ਦੇਸ਼ ਦੀਆਂ ਨੀਤੀਆਂ ‘ਤੇ ਨਿਸ਼ਾਨਾ ਸਾਧਿਆ।
ਗੌਰਤਲਬ ਹੈ ਕਿ ਕਿਸੇ ਗੰਭੀਰ ਕੂਟਨੀਤਕ ਸੰਵਾਦ ਲਈ ਇਹ ਅਸਾਧਾਰਣ ਗੱਲ ਹੈ। ਇਸ ਬੈਠਕ ਵਿੱਚ ਦੋਵਾਂ ਧਿਰਾਂ ਦੇ ਮੂਡ ਤੋਂ ਜਾਪਦਾ ਹੈ ਕਿ ਨਿੱਜੀ ਗੱਲਬਾਤ ਹੋਰ ਵੀ ਹੰਗਾਮੇਦਾਰ ਹੋ ਸਕਦੀ ਹੈ। ਐਂਕਰੇਜ ਵਿੱਚ ਹੋ ਰਹੀ ਇਹ ਬੈਠਕ ਦੋਵਾਂ ਦੇਸ਼ਾਂ ਵਿਚਾਲੇ ਤਣਾਅਪੂਰਨ ਸਬੰਧਾਂ ਲਈ ਇੱਕ ਨਵੀਂ ਪ੍ਰੀਖਿਆ ਦੀ ਤਰ੍ਹਾਂ ਹੈ। ਦੋਹਾਂ ਦੇਸ਼ਾਂ ਵਿੱਚ ਤਿੱਬਤ, ਹਾਂਗ ਕਾਂਗ ਅਤੇ ਚੀਨ ਦੇ ਪੱਛਮੀ ਸ਼ਿਨਜਿਆਂਗ ਖੇਤਰ ਵਿੱਚ ਵਪਾਰ ਤੋਂ ਲੈ ਕੇ ਮਨੁੱਖੀ ਅਧਿਕਾਰਾਂ ਤੱਕ ਦੇ ਬਹੁਤ ਸਾਰੇ ਮੁੱਦਿਆਂ ‘ਤੇ ਮਤਭੇਦ ਹਨ। ਉਨ੍ਹਾਂ ਵਿਚਾਲੇ ਤਾਇਵਾਨ, ਦੱਖਣੀ ਚੀਨ ਸਾਗਰ ਵਿੱਚ ਚੀਨ ਦੇ ਵਧਦੇ ਦਬਦਬੇ ਅਤੇ ਕੋਰੋਨਾ ਵਾਇਰਸ ਮਹਾਂਮਾਰੀ ਨੂੰ ਲੈ ਕੇ ਵੀ ਵਿਵਾਦ ਹੈ।
ਇਸ ਸਬੰਧੀ ਬਲਿੰਕੇਨ ਨੇ ਕਿਹਾ ਕਿ ਬਾਇਡੇਨ ਪ੍ਰਸ਼ਾਸਨ ਚੀਨ ਦੇ ਵੱਧ ਰਹੇ ਰੁਝਾਨ ਦੇ ਵਿਰੁੱਧ ਸਹਿਯੋਗੀ ਦੇਸ਼ਾਂ ਨਾਲ ਇੱਕਜੁਟ ਹੈ । ਇਸ ‘ਤੇ ਯਾਂਗ ਨੇ ਅਮਰੀਕਾ ਬਾਰੇ ਚੀਨ ਦੀਆਂ ਸ਼ਿਕਾਇਤਾਂ ਦੀ ਇੱਕ ਸੂਚੀ ਜਾਰੀ ਕੀਤੀ ਅਤੇ ਵਾਸ਼ਿੰਗਟਨ ‘ਤੇ ਬੀਜਿੰਗ ‘ਤੇ ਮਨੁੱਖੀ ਅਧਿਕਾਰਾਂ ਅਤੇ ਹੋਰ ਮੁੱਦਿਆਂ ‘ਤੇ ਬੀਜਿੰਗ ਦੀ ਆਲੋਚਨਾ ਕਰਨ ਦਾ ਦੋਸ਼ ਲਗਾਇਆ ।
The post ਅਮਰੀਕਾ-ਚੀਨ ਦੀ ਪਹਿਲੀ ਬੈਠਕ ‘ਚ ਭਿੜੇ ਐਂਟਨੀ ਬਲਿੰਕਨ ਤੇ ਯਾਂਗ ਜਿਏਚੀ appeared first on Daily Post Punjabi.
source https://dailypost.in/news/international/us-china-spar/