Madhya pradesh lawyer in jail : ਮੱਧ ਪ੍ਰਦੇਸ਼ ਦਾ ਇੱਕ ਵਕੀਲ ਜੱਜ ਦੀ ਆਗਿਆ ਤੋਂ ਬਿਨਾਂ ਉਸ ਦੀ ਤਸਵੀਰ ਡਾਊਨਲੋਡ ਕਰਨ ਅਤੇ ਕਥਿਤ ਤੌਰ ‘ਤੇ ਅਸ਼ਲੀਲ ਟਿੱਪਣੀਆਂ ਵਰਤਣ ਦੇ ਦੋਸ਼ ਵਿੱਚ ਜੇਲ੍ਹ ‘ਚ ਗਿਆ ਹੈ। 37 ਸਾਲਾ ਵਕੀਲ ਵਿਜੈ ਸਿੰਘ ਯਾਦਵ ‘ਤੇ ਦੋਸ਼ ਹੈ ਕਿ ਉਸ ਨੇ ਜੁਡੀਸ਼ੀਅਲ ਮੈਜਿਸਟਰੇਟ ਫਸਟ ਕਲਾਸ (JMFC) ਦੇ ਫੇਸਬੁੱਕ ਅਕਾਉਂਟ ਤੋਂ ਕਥਿਤ ਤੌਰ ‘ਤੇ ਉਨ੍ਹਾਂ ਦੀ ਤਸਵੀਰ ਡਾਊਨਲੋਡ ਕੀਤੀ ਹੈ ਅਤੇ ਉਨ੍ਹਾਂ ਦੇ ਜਨਮਦਿਨ ਦੇ ਮੌਕੇ ‘ਤੇ ਉਨ੍ਹਾਂ ਨੂੰ ਇਤਰਾਜ਼ ਯੋਗ ਭਾਸ਼ਾ ਦੀ ਵਰਤੋਂ ਕਰਦਿਆਂ ਜਨਮਦਿਨ ਦੀ ਵਧਾਈ ਦਿੱਤੀ ਸੀ। ਵਿਜੇ ਸਿੰਘ ਯਾਦਵ ਖਿਲਾਫ ਆਈ ਟੀ ਐਕਟ ਸਮੇਤ ਹੋਰ ਕਈ ਧਾਰਾਵਾਂ ਤਹਿਤ ਕੇਸ ਦਰਜ ਕੀਤਾ ਗਿਆ ਹੈ। ਇਹ ਇਲਜ਼ਾਮ ਲਗਾਇਆ ਗਿਆ ਹੈ ਕਿ ਵਿਜੇ ਨੇ 28 ਜਨਵਰੀ ਦੀ ਰਾਤ ਨੂੰ ਸਵੇਰੇ 1.11 ਵਜੇ ਜੇਐਮਐਫਸੀ ਨੂੰ ਈਮੇਲ ਰਾਹੀਂ ਸੁਨੇਹਾ ਭੇਜਿਆ ਸੀ। ਇੱਕ ਰਿਪੋਰਟ ਦੇ ਅਨੁਸਾਰ ਰਤਲਾਮ ਜ਼ਿਲ੍ਹਾ ਕੋਰਟ ਸਿਸਟਮ ਅਧਿਕਾਰੀ ਮਹਿੰਦਰ ਸਿੰਘ ਚੌਹਾਨ ਦੀ ਤਰਫੋਂ 8 ਫਰਵਰੀ ਨੂੰ ਵਿਜੇ ਖਿਲਾਫ ਸਟੇਸ਼ਨ ਰੋਡ ਪੁਲਿਸ ਸਟੇਸ਼ਨ ਵਿੱਚ ਸ਼ਿਕਾਇਤ ਦਰਜ ਕਰਵਾਈ ਗਈ ਸੀ।
ਉਸ ‘ਤੇ ਧੋਖਾਧੜੀ ਅਤੇ ਬਦਨਾਮ ਕਰਨ ਦੀ ਕੋਸ਼ਿਸ਼ ਸਮੇਤ ਕਈ ਹੋਰ ਆਰੋਪ ਲਗਾਏ ਗਏ ਹਨ। ਸ਼ਿਕਾਇਤ ਵਿੱਚ ਇਹ ਵੀ ਕਿਹਾ ਗਿਆ ਹੈ ਕਿ ਈਮੇਲ ਤੋਂ ਇਲਾਵਾ ਵਿਜੇ ਨੇ ਸਪੀਡ ਪੋਸਟ ਤੋਂ ਇੱਕ ਗ੍ਰੀਟਿੰਗ ਕਾਰਡ ਵੀ ਭੇਜਿਆ ਸੀ। ਵਿਜੇ ਸਿੰਘ ਸ਼ਾਦੀਸ਼ੁਦਾ ਹੈ ਅਤੇ ਉਸਦੇ ਚਾਰ ਬੱਚੇ ਹਨ। ਉਸ ਦੇ ਭਰਾ ਜੈ ਨੇ ਦੱਸਿਆ ਕਿ ਵਿਜੇ ਨੂੰ ਪੁਲਿਸ ਨੇ ਘਰ ਤੋਂ ਗ੍ਰਿਫਤਾਰ ਕੀਤਾ ਸੀ। ਵਿਜੇ ਇਸ ਮਾਮਲੇ ਵਿੱਚ ਆਪਣਾ ਬਚਾਅ ਖੁਦ ਹੀ ਕਰ ਰਹੇ ਹਨ। ਉਸ ਨੂੰ 9 ਫਰਵਰੀ ਨੂੰ ਗ੍ਰਿਫਤਾਰ ਕੀਤਾ ਗਿਆ ਸੀ ਅਤੇ ਉਸ ਦੀ ਪਟੀਸ਼ਨ ਨੂੰ ਹੇਠਲੀ ਅਦਾਲਤ ਨੇ 13 ਫਰਵਰੀ ਨੂੰ ਰੱਦ ਕਰ ਦਿੱਤਾ ਸੀ। ਜਿਸ ਤੋਂ ਬਾਅਦ ਵਿਜੇ ਦੇ ਪਰਿਵਾਰ ਨੇ ਮੱਧ ਪ੍ਰਦੇਸ਼ ਹਾਈ ਕੋਰਟ ਦਾ ਦਰਵਾਜ਼ਾ ਖੜਕਾਇਆ। ਇਸ ਕੇਸ ਦੀ ਸੁਣਵਾਈ 3 ਮਾਰਚ ਨੂੰ ਹੋਣੀ ਹੈ। ਉਸੇ ਸਮੇਂ, ਵਿਜੇ ਦਾ ਕਹਿਣਾ ਹੈ ਕਿ ਉਸ ਨੇ ਇੱਕ ਸਮਾਜ ਸੇਵਕ ਵਜੋਂ ਅਤੇ ਜੈ ਕੁਲ ਦੇਵੀ ਸੇਵਾ ਸੰਮਤੀ ਦੇ ਮੁਖੀ ਵਜੋਂ ਇੱਕ ਗ੍ਰੀਟਿੰਗ ਕਾਰਡ ਭੇਜਿਆ ਸੀ।
ਇਹ ਵੀ ਦੇਖੋ : ਰਾਜੇਵਾਲ, ਬਲਦੇਵ ਸਿਰਸਾ ਤੇ ਮਨਜੀਤ ਰਾਏ ਦੀ ਸਟੇਜ ਤੋਂ ਜ਼ਬਰਦਸਤ ਤਕਰੀਰ , ਦੇਖੋ LIVE
The post ਜੱਜ ਨੂੰ ਜਨਮਦਿਨ ਦੀ ‘ਵਧਾਈ’ ਦੇਣ ਵਾਲੇ ਵਕੀਲ ਨੂੰ ਹੋਈ ਜ੍ਹੇਲ, ਈ-ਮੇਲ ਰਾਹੀਂ ਭੇਜਿਆ ਸੀ ‘ਫੋਟੋ’ ਤੇ ‘ਸੰਦੇਸ਼’, ਪੜ੍ਹੋ ਕੀ ਹੈ ਪੂਰਾ ਮਾਮਲਾ appeared first on Daily Post Punjabi.