Unidentified caller asks teen: ਅੱਜ ਦੇ ਸਾਈਬਰ ਯੁੱਗ ਵਿੱਚ ਆਨਲਾਈਨ ਧੋਖਾਧੜੀ ਦੇ ਨਵੇਂ ਮਾਮਲੇ ਸਾਹਮਣੇ ਆ ਰਹੇ ਹਨ। ਹਾਲ ਹੀ ਵਿੱਚ ਮਹਾਂਰਾਸ਼ਟਰ ਦੇ ਨਾਗਪੁਰ ਨੇੜੇ ਕਰੋੜੀ ਕਸਬੇ ਵਿੱਚ ਆਨਲਾਈਨ ਧੋਖਾਧੜੀ ਦਾ ਇੱਕ ਹੈਰਾਨ ਕਰਨ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ । ਪੁਲਿਸ ਅਨੁਸਾਰ ਇੱਥੇ ਠੱਗਾਂ ਨੇ ਪਹਿਲਾਂ ਬੱਚੇ ਨੂੰ ਫੋਨ ਕਰ ਕੇ ਉਸਦੇ ਪਿਤਾ ਦੇ ਮੋਬਾਇਲ ਵਿੱਚ ਇੱਕ ਐਪ ਇੰਸਟਾਲ ਕਰਵਾਈ । ਇਸ ਤੋਂ ਬਾਅਦ ਪਿਤਾ ਦੇ ਬੈਂਕ ਖਾਤੇ ਵਿੱਚੋਂ ਕਰੀਬ 9 ਲੱਖ ਰੁਪਏ ਉਡਾ ਲਏ । ਪੁਲਿਸ ਨੇ ਇੱਕ ਰਿਪੋਰਟ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
ਮਿਲੀ ਜਾਣਕਾਰੀ ਅਨੁਸਾਰ ਕਰੋੜੀ ਨਿਵਾਸੀ ਅਸ਼ੋਕ ਮਾਨਵਤੇ ਦਾ 15 ਸਾਲਾਂ ਬੇਟਾ ਉਸਦੇ ਮੋਬਾਇਲ ਦੀ ਵਰਤੋਂ ਕਰਦਾ ਸੀ । ਬੀਤੇ ਬੁੱਧਵਾਰ ਨੂੰ ਇੱਕ ਅਣਪਛਾਤੇ ਨੰਬਰ ਤੋਂ ਉਸਦੇ ਮੋਬਾਇਲ ‘ਤੇ ਫੋਨ ਆਇਆ । ਇਸ ਕਾਲ ਨੂੰ ਅਸ਼ੋਕ ਦੇ ਬੇਟੇ ਨੇ ਚੁੱਕਿਆ। ਕਾਲ ਕਰਨ ਵਾਲੇ ਨੇ ਆਪਣੇ ਆਪ ਨੂੰ ਇੱਕ ਡਿਜੀਟਲ ਭੁਗਤਾਨ ਕਰਨ ਵਾਲੀ ਕੰਪਨੀ ਦੀ ਗਾਹਕ ਦੇਖਭਾਲ ਕਾਰਜਕਾਰੀ ਦੱਸਿਆ। ਅਸ਼ੋਕ ਦੇ ਅਨੁਸਾਰ ਉਨ੍ਹਾਂ ਦਾ ਇਹ ਮੋਬਾਇਲ ਨੰਬਰ ਬੈਂਕ ਖਾਤੇ ਨਾਲ ਜੁੜਿਆ ਹੋਇਆ ਸੀ।
ਇਸ ਸਬੰਧੀ ਅਸ਼ੋਕ ਨੇ ਕਿਹਾ ਕਿ ਕਾਲ ਕਰਨ ਵਾਲੇ ਨੇ ਬੱਚੇ ਨੂੰ ਆਪਣੇ ਡਿਜੀਟਲ ਭੁਗਤਾਨ ਖਾਤੇ ਦੀ ਸੀਮਾ ਵਧਾਉਣ ਲਈ ਕਿਹਾ । ਇਸ ਤੋਂ ਬਾਅਦ ਉਨ੍ਹਾਂ ਨੇ ਬੱਚੇ ਤੋਂ ਮੋਬਾਇਲ ਵਿੱਚ ਰਿਮੋਟ ਡੈਸਕਟਾਪ ਸਾੱਫਟਵੇਅਰ ਇੰਸਟਾਲ ਕਰਵਾਇਆ। ਜਿਵੇਂ ਬੱਚੇ ਨੇ ਐਪ ਇੰਸਟਾਲ ਕੀਤੀ, ਉਸੇ ਤਰ੍ਹਾਂ ਕਾਲ ਕਰਨ ਵਾਲੇ ਨੂੰ ਮੋਬਾਇਲ ਤੱਕ ਰਿਮੋਟ ਐਕਸੈਸ ਮਿਲ ਗਿਆ। ਇਸ ਤੋਂ ਬਾਅਦ ਫੋਨ ਕਰਨ ਵਾਲੇ ਨੇ ਅਸ਼ੋਕ ਦੇ ਬੈਂਕ ਖਾਤੇ ਵਿੱਚੋਂ 8.95 ਲੱਖ ਰੁਪਏ ਉਡਾ ਦਿੱਤੇ । ਪੁਲਿਸ ਨੇ ਆਈਪੀਸੀ ਦੀ ਧਾਰਾ 419, 420 ਅਤੇ ਸੂਚਨਾ ਤਕਨਾਲੋਜੀ ਐਕਟ ਤਹਿਤ ਕੇਸ ਦਰਜ ਕੀਤਾ ਹੈ।
ਦੱਸ ਦੇਈਏ ਕਿ ਅਜਿਹੀਆਂ ਘਟਨਾਵਾਂ ਤੋਂ ਬਚਾਅ ਲਈ ਕਿਸੇ ਵੀ ਸ਼ੱਕੀ ਈਮੇਲਾਂ, ਕਾਲਾਂ ਜਾਂ ਸੰਦੇਸ਼ਾਂ ਨੂੰ ਨਜ਼ਰਅੰਦਾਜ਼ ਕਰੋ। ਕਿਸੇ ਦੇ ਨਾਲ ਏਟੀਐਮ ਪਿੰਨ, ਨੰਬਰ ਅਤੇ ਸੀਵੀਵੀ ਨੰਬਰ ਕਿਸੇ ਨਾਲ ਸਾਂਝਾ ਨਾ ਕਰੋ। ਕਿਸੇ ਵੀ ਲੈਣ-ਦੇਣ ਦਾ OTP ਕਿਸੇ ਨਾਲ ਸਾਂਝਾ ਨਾ ਕਰੋ। ਕਿਸੇ ਅਣਜਾਣ ਵਿਅਕਤੀ ਨੂੰ ਜਨਮ ਮਿਤੀ ਨਾ ਦੱਸੋ। ਬੈਂਕ ਖਾਤਿਆਂ ਨਾਲ ਲਿੰਕ ਮੋਬਾਇਲ ਆਪਣੇ ਬੱਚਿਆਂ ਦੀ ਪਹੁੰਚ ਤੋਂ ਬਾਹਰ ਰੱਖੋ। ਆਪਣੇ ਮੋਬਾਈਲ ਵਿੱਚ ਨਵੇਂ ਐਪ ਦੀ ਇੰਸਟਾਲ ‘ਤੇ ਸੁਰੱਖਿਆ ਵਿਸ਼ੇਸ਼ਤਾਵਾਂ ਸਥਾਪਿਤ ਕਰੋ।
ਇਹ ਵੀ ਦੇਖੋ: ਕੇਂਦਰੀ ਮੰਤਰੀਆਂ ਨਾਲ ਹੋਈ ਕਿਸਾਨ ਆਗੂਆਂ ਦੀ ਗੱਲ, ਕੀ ਹੁਣ ਹੋਵੇਗਾ ਮਸਲੇ ਦਾ ਹੱਲ ?
The post ਅਣਪਛਾਤੇ ਵਿਅਕਤੀ ਨੇ ਬੱਚੇ ਤੋਂ ਪਿਤਾ ਦੇ ਮੋਬਾਇਲ ‘ਚ ਐਪ ਇੰਸਟਾਲ ਕਰਵਾ ਉਡਾਏ ਲੱਖਾਂ ਰੁਪਏ appeared first on Daily Post Punjabi.