ਜਲੰਧਰ-ਪਠਾਨਕੋਟ ਨੈਸ਼ਨਲ ਹਾਈਵੇ ‘ਤੇ ਇੱਕ ਦਰਦਨਾਕ ਹਾਦਸੇ ਵਿਚ ਦੋ ਜਣਿਆਂ ਮੌਤ ਹੋ ਗਈ। ਹਾਦਸਾ ਉੱਚੀ ਬੱਸੀ ਕਸਬੇ ਨੇੜੇ ਵਾਪਰਿਆ, ਜਿਥੇ ਸੜਕ ਦੇ ਕੰਢੇ ਕਾਰ ਬੇਕਾਬੂ ਹੋ ਕੇ ਪਲਟ ਗਈ। ਇਸ ਵਿਚ ਇੱਕ ਮਾਂ ਅਤੇ ਪੁੱਤਰ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ, ਜਦੋਂ ਕਿ ਡਰਾਈਵਰ ਪਤੀ ਅਤੇ ਉਸ ਦੀ ਧੀ ਨੂੰ ਵੀ ਗੰਭੀਰ ਸੱਟਾਂ ਲੱਗੀਆਂ।
ਹਾਦਸੇ ਦੀ ਸੂਚਨਾ ਮਿਲਦੇ ਹੀ ਦਸੂਹਾ ਪੁਲਿਸ ਮੌਕੇ ‘ਤੇ ਪਹੁੰਚੀ ਅਤੇ ਰਾਹਗੀਰਾਂ ਦੀ ਮਦਦ ਨਾਲ ਸਾਰੇ ਜ਼ਖਮੀਆਂ ਨੂੰ ਦਸੂਹਾ ਸਿਵਲ ਹਸਪਤਾਲ ਲਿਜਾਇਆ ਗਿਆ। ਡਾਕਟਰਾਂ ਨੇ ਜੰਮੂ ਦੇ ਰਹਿਣ ਵਾਲੇ ਸ਼ਕਤੀ ਦੀ ਪਤਨੀ ਮੀਰਾ ਮਿਨਹਾਸ ਅਤੇ ਉਸ ਦੇ 3 ਸਾਲ ਦੇ ਪੁੱਤਰ ਹਰੀਅਨਸ਼ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਸ਼ਕਤੀ ਅਤੇ ਉਸ ਦੀ 6 ਸਾਲ ਦੀ ਧੀ ਤਮੰਨਾ ਦਾ ਸਿਵਲ ਹਸਪਤਾਲ ਵਿੱਚ ਇਲਾਜ ਚੱਲ ਰਿਹਾ ਹੈ। ਤਮੰਨਾ ਦੀ ਬਾਂਹ ਵੀ ਟੁੱਟਣ ਦੀ ਖ਼ਬਰ ਹੈ।
ਰਿਪੋਰਟਾਂ ਮੁਤਾਬਕ ਜੰਮੂ ਦੇ ਜੋੜੀਆਂ ਦੇ ਰਹਿਣ ਵਾਲਾ ਸ਼ਕਤੀ ਸਿੰਘ ਇਲਾਹਾਬਾਦ ਵਿੱਚ ਫੌਜ ਵਿੱਚ ਫੌਜੀ ਵਜੋਂ ਤਾਇਨਾਤ ਹੈ। ਬੁੱਧਵਾਰ ਨੂੰ ਸ਼ਕਤੀ ਸਿੰਘ ਆਪਣੀ ਪਤਨੀ ਅਤੇ ਦੋ ਛੋਟੇ ਬੱਚਿਆਂ ਨਾਲ ਖਾਟੂ ਸ਼ਾਮ ਧਾਮ ਦੇ ਦਰਸ਼ਨ ਕਰਨ ਲਈ ਆਪਣੀ ਕਾਰ ਵਿੱਚ ਨਿਕਲੇ। ਜਦੋਂ ਪਰਿਵਾਰ ਉੱਚੀ ਬੱਸੀ ਕਸਬੇ ਪਹੁੰਚਿਆ, ਤਾਂ ਸੜਕ ਦੇ ਵਿਚਕਾਰ ਇੱਕ ਕੁੱਤਾ ਆ ਗਿਆ ਅਤੇ ਸ਼ਕਤੀ ਸਿੰਘ ਨੇ ਉਸ ਨੂੰ ਬਚਾਉਂਦਿਆਂ ਲਈ ਕਾਰ ਨੂੰ ਸਾਈਡ ‘ਤੇ ਕਰਨ ਦੀ ਕੋਸ਼ਿਸ਼ ਕੀਤੀ, ਪਰ ਕਾਰ ਬੇਕਾਬੂ ਹੋ ਗਈ ਅਤੇ ਸੜਕ ਦੇ ਵਿਚਕਾਰ ਡਿਵਾਈਡਰ ਨਾਲ ਟਕਰਾ ਕੇ ਪਲਟ ਗਈ ਅਤੇ ਸੜਕ ਦੇ ਕੰਢੇ ਦਰੱਖਤਾਂ ਵਿਚਕਾਰ ਫਸ ਗਈ।
ਇਹ ਵੀ ਪੜ੍ਹੋ : ਨਹੀਂ ਰਹੇ ਮਹਾਭਾਰਤ ਦੇ ‘ਕਰਨ’ ਪੰਕਜ ਧੀਰ, 68 ਸਾਲ ਦੀ ਉਮਰ ‘ਚ ਕੈਂਸਰ ਤੋਂ ਹਾਰੇ ਜੰਗ
ਹਾਦਸੇ ਨੂੰ ਦੇਖ ਕੇ ਰਾਹਗੀਰਾਂ ਨੇ ਸਾਰੇ ਜ਼ਖਮੀਆਂ ਨੂੰ ਕਾਰ ਵਿੱਚੋਂ ਬਾਹਰ ਕੱਢਿਆ। ਪੁਲਿਸ ਅਤੇ ਐਂਬੂਲੈਂਸ ਨੂੰ ਸੂਚਿਤ ਕਰਨ ਤੋਂ ਬਾਅਦ ਮੌਕੇ ‘ਤੇ ਮੌਜੂਦ ਲੋਕਾਂ ਨੇ ਜਖਮੀਆਂ ਨੂੰ ਦਸੂਹਾ ਸਿਵਲ ਹਸਪਤਾਲ ਪਹੁੰਚਾਇਆ, ਜਿੱਥੇ ਡਾਕਟਰਾਂ ਨੇ ਮਾਂ ਅਤੇ ਤਿੰਨ ਸਾਲ ਦੇ ਪੁੱਤਰ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਸ਼ਕਤੀ ਸਿੰਘ ਅਤੇ ਛੇ ਸਾਲ ਦੀ ਤਮੰਨਾ ਨੂੰ ਸਿਵਲ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਹੈ ਅਤੇ ਉਨ੍ਹਾਂ ਦਾ ਇਲਾਜ ਕੀਤਾ ਜਾ ਰਿਹਾ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
The post ਖਾਟੂ ਸ਼ਾਮ ਧਾਮ ਦੇ ਦਰਸ਼ਨਾਂ ਲਈ ਜਾ ਰਹੇ ਪਰਿਵਾਰ ਦੀ ਪਲਟੀ ਗੱਡੀ, ਮਾਂ-ਪੁੱਤ ਦੀ ਮੌਤ appeared first on Daily Post Punjabi.