ਭਾਰਤ ਦੀ ਪਹਿਲੀ ਬਿਨਾਂ ਹੱਥ ਵਾਲੀ ਪੈਰਾ ਤੀਰਅੰਦਾਜ਼ ਸ਼ੀਤਲ ਦੇਵੀ ਦੇ ਮਜ਼ਬੂਤ ਹੌਸਲੇ ਤੋਂ ਬਹੁਤ ਪ੍ਰਭਾਵਿਤ ਹੋਏ। ਤੋਹਫੇ ਵਜੋਂ ਉਨ੍ਹਾਂ ਨੇ ਇਕ ਨਵੀਂ ਮਹਿੰਦਰਾ ਸਕਾਰਪੀਓ-N ਉਨ੍ਹਾਂ ਨੂੰ ਦਿੱਤੀ। ਪਿਛਲੇ ਸਾਲ ਪੈਰਿਸ ਪੈਰਾਓਲੰਪਿਕ ਵਿਚ ਭਾਰਤ ਦੀ ਅਗਵਾਈ ਕਰਨ ਵਾਲੀ ਸ਼ੀਤਲ ਦੇਵੀ ਨੇ ਆਪਣੇ ਦ੍ਰਿੜ੍ਹ ਸੰਕਲਪ ਤੇ ਕੁਸ਼ਲਤਾ ਨਾਲ ਸਾਰੀਆਂ ਰੁਕਾਵਟਾਂ ਨੂੰ ਪਾਰ ਕੀਤਾ ਹੈ। ਪੈਰਾਂ ਤੋਂ ਤੀਰ ਚਲਾਉਣ ਦੀ ਉਨ੍ਹਾਂ ਦੀ ਸਮਰੱਥਾ ਨੇ ਉਨ੍ਹਾਂ ਨੂੰ ਦੁਨੀਆ ਭਰ ਵਿਚ ਇਕ ਪ੍ਰੇਰਣਾਦਾਇਕ ਸ਼ਖਸੀਅਤ ਬਣਾ ਦਿੱਤਾ ਹੈ।
ਮਹਿੰਦਰਾ ਨੇ ਸ਼ੀਤਲ ਦੀ ਹਿੰਮਤ ਤੇ ਦ੍ਰਿੜ੍ਹ ਸੰਕਲਪ ਦੀ ਪ੍ਰਸ਼ੰਸਾ ਕਰਦੇ ਹੋਏ ਕਿਹਾ ਕਿ ਉਨ੍ਹਾਂ ਨੇ ਸ਼ੀਤਲ ਦੀ ਮਾਂ ਤੇ ਭੈਣ ਵਿਚ ਵੀ ਇਹੀ ਦ੍ਰਿੜ੍ਹ ਸੰਕਪਲ ਦੇਖਿਆ ਹੈ। ਉਨ੍ਹਾਂ ਦੀ ਅਸਾਧਾਰਨ ਯਾਤਰਾ ਦਾ ਸਨਮਾਨ ਕਰਦੇ ਹੋਏ ਉਨ੍ਹਾਂ ਨੇ ਉਨ੍ਹਾਂ ਨੂੰ SUV ਭੇਟ ਕੀਤੀ। ਉਦਯੋਗਪਤੀ ਨੇ ਤੀਰ ਅੰਦਾਜ਼ ਸ਼ੀਤਲ ਨੂੰ ਤੋਹਫੇ ਵਿਚ ਤੀਰ ਦੇਣ ਲਈ ਧੰਨਵਾਦ ਵੀ ਪ੍ਰਗਟਾਇਆ। 
69 ਸਾਲਾ ਮਹਿੰਦਰਾ ਨੇ ਸੋਸ਼ਲ ਮੀਡੀਆ ਐਕਸ ‘ਤੇ ਆਪਣੇ ਵਿਚਾਰ ਸਾਂਝੇ ਕੀਤੇ ਤੇ ਸ਼ੀਤਲ ਦੀ ਤਾਰੀਫ ਕੀਤੀ। ਮਹਿੰਦਰਾ ਨੇ ਲਿਖਿਆ-ਮੈਂ ਦੂਰ ਤੋਂ ਹੀ ਸ਼ੀਤਲ ਦੇਵੀ ਦੀ ਪ੍ਰਤਿਭਾ ਦੀ ਪ੍ਰਸ਼ੰਸਾ ਕਰਦਾ ਰਿਹਾ ਹਾਂ। ਉਨ੍ਹਾਂ ਨਾਲ ਵਿਅਕਤੀਗਤ ਤੌਰ ‘ਤੇ ਮਿਲਣ ਨਾਲ ਮੈਂ ਉਨ੍ਹਾਂ ਦੇ ਦ੍ਰਿੜ੍ਹ ਸੰਕਪਲ, ਦ੍ਰਿੜ੍ਹਤਾ ਤੇ ਏਕਾਗਰਤਾ ਤੋਂ ਪ੍ਰਭਾਵਿਤ ਹੋਇਆ ਹੈ। ਉਨ੍ਹਾਂ ਦੀ ਮਾਂ ਤੇ ਭੈਣ ਨਾਲ ਗੱਲ ਕਰਨ ‘ਤੇ ਇਹ ਸਪੱਸ਼ਟ ਹੋ ਗਿਆ ਕਿ ਇਹ ਸਾਰਾ ਉਨ੍ਹਾਂ ਦੇ ਪਰਿਵਾਰ ਵਿਚ ਚੱਲਦਾ ਹੈ। ਉਨ੍ਹਾਂ ਕਿਹਾ ਕਿ ਉਸ ਨੇ ਮੈਨੂੰ ਇਕ ਤੀਰ ਭੇਟ ਕੀਤਾ ਜੋ ਕਿ ਤੀਰਅੰਦਾਜ਼ ਵਜੋਂ ਉਸ ਦੀ ਪਛਾਣ ਦਾ ਪ੍ਰਤੀਕ ਹੈ, ਜੋ ਕਿਸੇ ਵੀ ਸੀਮਾ ਨਾਲ ਬੰਨ੍ਹਿਆ ਨਹੀਂ ਹੈ। ਸੱਚਮੁੱਚ ਅਨਮੋਲ। ਸ਼ੀਤਲ ਸਾਡੇ ਸਾਰਿਆਂ ਲਈ ਇਕ ਪ੍ਰੇਰਣਾ ਹੈ ਤੇ ਮੈਨੂੰ ਉਸ ਨੂੰ ਸਕਾਰਪੀਓ ਐੱਨ ਵਿਚ ਦੇਖ ਕੇ ਮਾਣ ਹੁੰਦਾ ਹੈ। ਇਕ ਸਹੀ ਘੋੜਾ, ਕਿਉਂਕਿ ਉਹ ਨਵੀਆਂ ਉਚਾਈਆਂ ‘ਤੇ ਅੱਗੇ ਵਧ ਰਹੀ ਹੈ।’
ਇਹ ਵੀ ਪੜ੍ਹੋ : ਚੰਡੀਗੜ੍ਹ ‘ਚ ਭਾਜਪਾ ਦੀ ਹਰਪ੍ਰੀਤ ਕੌਰ ਬਣੀ ਮੇਅਰ, ਕਾਂਗਰਸ ਦੀ ਤਰੁਣਾ ਮਹਿਤਾ ਸੰਭਾਲਣਗੇ ਡਿਪਟੀ ਮੇਅਰ ਦਾ ਅਹੁਦਾ
ਦੱਸ ਦੇਈਏ ਕਿ ਸਤੰਬਰ ਵਿਚ ਸ਼ੀਤਲ ਦੇਵੀ ਨੇ ਰਾਕੇਸ਼ ਕੁਮਾਰ ਨਾਲ ਤੀਰਅੰਦਾਜ਼ੀ ਵਿਚ ਮਿਸ਼ਰਿਤ ਟੀਮ ਕੰਪਾਊਂਡ ਮੁਕਾਬਲੇ ਵਿਚ ਕਾਂਸੇ ਦਾ ਤਮਗਾ ਜਿੱਤਿਆ ਸੀ। ਸ਼ੀਤਲ ਤੇ ਰਾਕੇਸ਼ ਨੇ ਤੁਰਕੀਏ ਦੇ ਪੈਰਾ ਓਲੰਪਿਕ ਰਿਕਾਰਡ ਦੀ ਵੀ ਬਰਾਬਰੀ ਕੀਤੀ ਜੋ ਚਾਰ ਸਾਲ ਪਹਿਲਾਂ 2021 ਵਿਚ ਬਣਾਇਆ ਗਿਆ ਸੀ।
ਵੀਡੀਓ ਲਈ ਕਲਿੱਕ ਕਰੋ -:
The post ਪੈਰਾ ਤੀਰਅੰਦਾਜ਼ ਸ਼ੀਤਲ ਦੇਵੀ ਦੇ ਮਜ਼ਬੂਤ ਹੌਸਲੇ ਤੋਂ ਪ੍ਰਭਾਵਿਤ ਹੋਏ ਆਨੰਦ ਮਹਿੰਦਰਾ, ਗਿਫਟ ਕੀਤੀ SUV appeared first on Daily Post Punjabi.
source https://dailypost.in/news/anand-mahindra-impressed-by/