ਅਯੁੱਧਿਆ ਵਿਚ 22 ਜਨਵਰੀ ਨੂੰ ਹੋਣ ਵਾਲੇ ਰਾਮਲੱਲਾ ਦੀ ਪ੍ਰਾਣ ਪ੍ਰਤਿਸ਼ਠਾ ਦੀਆਂ ਤਿਆਰੀਆਂ ਜ਼ੋਰਾਂ-ਸ਼ੋਰਾਂ ਨਾਲ ਚੱਲ ਰਹੀਆਂ ਹਨ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਮੌਜੂਦਗੀ ਵਿਚ 22 ਜਨਵਰੀ ਨੂੰ ਵਿਸ਼ਾਲ ਰਾਮ ਮੰਦਰ ਵਿਚ ਰਾਮਲੱਲਾ ਦੀ ਪ੍ਰਾਣ ਪ੍ਰਤਿਸ਼ਠਾ ਕੀਤੀ ਜਾਵੇਗੀ। ਭਗਵਾਨ ਰਾਮਲੱਲਾ ਦੀ ਪ੍ਰਾਣ ਪ੍ਰਤਿਸ਼ਠਾ ਦੇ ਇੰਤਜ਼ਾਰ ਵਿਚ ਪੂਰੀ ਦੁਨੀਆ ਦੀਆਂ ਨਜ਼ਰਾਂ ਇਸ ਸਮੇਂ ਇਸ ਗੱਲ ‘ਤੇ ਟਿਕੀਆਂ ਹਨ ਕਿ ਰਾਮ ਜਨਮਭੂਮੀ ‘ਤੇ ਭਗਵਾਨ ਰਾਮਲੱਲਾ ਦਾ ਕਿਹੜਾ ਸਰੂਪ ਸਥਾਪਤ ਕੀਤਾ ਜਾਵੇਗਾ ਕਿਉਂਕਿ ਤਿੰਨ ਮੂਰਤੀਕਾਰਾਂ ਨੇ ਆਪਣੀ-ਆਪਣੀ ਕਲਾ ਦਾ ਪ੍ਰਦਰਸ਼ਨ ਕੀਤਾ ਹੈ। ਇਨ੍ਹਾਂ ਵਿਚੋਂ ਕਿਸੇ ਇਕ ਮੂਰਤੀ ਨੂੰ ਮੰਦਰ ਟਰੱਸਟ ਫਾਈਨਲ ਕਰੇਗਾ।
ਕੇਂਦਰੀ ਮੰਤਰੀ ਪ੍ਰਹਿਲਾਦ ਪਟੇਲ ਨੇ ਹੋਰ ਭਾਜਪਾ ਨੇਤਾ ਬੀਐੱਸ ਯੇਦੀਯੁਰੱਪਾ ਨੇ ਟਵੀਟ ਕਰਕੇ ਦੱਸਿਆ ਸੀ ਕਿ ਕਰਨਾਟਕ ਦੇ ਮੈਸੂਰ ਦੇ ਮੂਰਤੀਕਾਰ ਅਰੁਣ ਯੋਗੀਰਾਜ ਦੀ ਮੂਰਤੀ ਫਾਈਨਲ ਕੀਤੀ ਗਈ ਹੈ। ਹਾਲਾਂਕਿ ਮੰਦਰ ਟਰੱਸਟ ਵੱਲੋਂ ਇਸ ਗੱਲ ਦੀ ਐਲਾਨ ਹੋਣਾ ਬਾਕੀ ਹੈ। ਇਨ੍ਹਾਂ ਸਾਰਿਆਂ ਵਿਚ ਖਬਰ ਹੈ ਕਿ ਆਉਣ ਵਾਲੇ ਸਮੇਂ ਵਿਚ ਭਗਵਾਨ ਰਾਮ ਦੀ ਨਗਰੀ ਅਯੁੱਧਿਆ ਵਿਸ਼ਵ ਰਿਕਾਰਡ ਵੀ ਬਣਾ ਸਕਦੀ ਹੈ।
ਹਰਿਆਣਾ ਦੇ ਮੂਰਤੀਕਾਰ ਨਰੇਸ਼ ਕੁਮਾਵਤ ਨੂੰ ਭਗਵਾਨ ਰਾਮ ਦੀ 823 ਫੁੱਟ ਉੱਚੀ ਮੂਰਤੀ ਬਣਾਉਣ ਲਈ ਕਿਹਾ ਗਿਆ ਹੈ। ਇਹ ਮੂਰਤੀ ਅਯੁੱਧਿਆ ਵਿਚ ਸਰਯੂ ਨਦੀ ਦੇ ਕਿਨਾਰੇ ਸਥਾਪਤ ਕੀਤੀ ਜਾ ਸਕਦੀ ਹੈ। ਜੇਕਰ ਇਹ ਸੁਪਨਾ ਸਾਕਾਰ ਹੋ ਜਾਂਦਾ ਹੈ ਤਾਂ ਭਗਵਾਨ ਰਾਮਲੱਲਾ ਦਾ ਇਹ ਸਰੂਪ ਦੁਨੀਆ ਦੀ ਸਭ ਤੋਂ ਉੱਚੀ ਪ੍ਰਤਿਮਾ ਦਾ ਰਿਕਾਰਡ ਸਥਾਪਤ ਕਰੇਗਾ।ਇਹ ਮੂਰਤੀ 13000 ਟਨ ਭਾਰ ਦੀ ਹੋਵੇਗੀ ਜੋ ਦੁਨੀਆ ਦਾ ਸਭ ਤੋਂ ਭਾਰੀ ਮੂਰਤੀ ਵਾਲਾ ਸਟ੍ਰਕਚਰ ਹੋ ਸਕਦਾ ਹੈ।
ਹੁਣ ਤੱਕ ਦੁਨੀਆ ਦੀ ਸਭ ਤੋਂ ਉੱਚ ਪ੍ਰਤਿਮਾ ਦਾ ਰਿਕਾਰਡ 790 ਫੁੱਟ ਹੈ ਜੋ ਗੁਜਰਾਤ ਦੇ ਕੇਵੜੀਆ ਵਿਚ ਬਣੀ ਸਰਦਾਰ ਪਟੇਲ ਦੀ ਪ੍ਰਤਿਮਾ ਹੈ। ਇਸ ਨੂੰ ਦੁਨੀਆ ਹੁਣ ਸਟੈਚੂ ਆਫ ਯੂਨਿਟੀ ਦੇ ਨਾਂ ਤੋਂ ਜਾਣਦੀ ਹੈ। ਹਾਲਾਂਕਿ ਇਸ ਮੂਰਤੀ ਦਾ 70 ਤੋਂ 80 ਕੰਮ ਚੀਨ ਵਿਚ ਕੀਤਾ ਗਿਆ ਸੀ। ਨਰੇਸ਼ ਕੁਮਾਵਤ ਦਾ ਦਾਅਵਾ ਹੈ ਕਿ ਜੇਕਰ ਉਨ੍ਹਾਂ ਨੂੰ ਬਜਟ ਦੀ ਫਾਈਨਲ ਮਨਜ਼ੂਰੀ ਮਿਲ ਜਾਂਦੀ ਹੈ ਤਾਂ ਭਗਵਾਨ ਰਾਮ ਦੀ ਮੂਰਤੀ ਪਹਿਲੀ ਪੂਰੀ ਤਰ੍ਹਾਂ ਸਵਦੇਸ਼ੀ ਪ੍ਰਤਿਮਾ ਹੋਵੇਗੀ ਜੋ ਇੰਨੀ ਉੱਚੀ ਬਣਾਈ ਜਾਵੇਗੀ। ਦੁਨੀਆ ਦਾ ਚੌਥਾ ਸਭ ਤੋਂ ਵੱਡਾ ਸਟੈਚੂ ਹੋਣ ਦਾ ਰਿਕਾਰਡ ਰਾਜਸਥਾਨ ਦੇ ਨਾਥਦੁਆਰਾ ਵਿਚ ਲੱਗੀ ਹੋਈ ਭਗਵਾਨ ਸ਼ਿਵ ਦੀ ਮੂਰਤੀ ਹੈ। ਇਹ ਵੀ ਨਰੇਸ਼ ਕੁਮਾਵਤ ਦੀ ਕਲਾਕ੍ਰਿਤੀ ਹੈ।
ਇਹ ਵੀ ਪੜ੍ਹੋ : ਜਲੰਧਰ ਪੁਲਿਸ ਨੇ ਸ਼ੁਰੂ ਕੀਤਾ ਸੇਫ ਸਿਟੀ ਪ੍ਰਾਜੈਕਟ, ਕ੍ਰਾਈਮ ਨੂੰ ਰੋਕਣ ਲਈ ਸ਼ਹਿਰ ‘ਚ 17 ਨੋ ਟਾਲਰੈਂਸ ਜ਼ੋਨ ਐਲਾਨੇ ਗਏ
ਉੱਤਰ ਪ੍ਰਦੇਸ਼ ਦੇ ਸੀਐੱਮ ਯੋਗੀ ਆਦਿਤਿਆਨਾਥ ਨਾਲ ਮੂਰਤੀਕਾਰ ਨਰੇਸ਼ ਕੁਮਾਵਤ ਨੂੰ ਇਸ ਮੂਰਤੀ ਦੇ ਪ੍ਰੋਟੋਟਾਈਪ ਦਾ ਅਪਰੂਵਲ ਮਿਲ ਚੁੱਕਾ ਹੈ। ਹਾਲਾਂਕਿ ਇਹ ਸਾਰੀ ਗੱਲਬਾਤ ਅਜੇ ਕਾਗਜ਼ਾਂ ‘ਤੇ ਉਤਰਨੀ ਬਾਕੀ ਹੈ। ਇਹ ਮੂਰਤੀ ਪੰਜ ਧਾਤੂਆਂ ਨਾਲ ਬਣਾਈ ਜਾਣੀ ਹੈ ਜਿਸ ਵਿਚ 80 ਫੀਸਦੀ ਤਾਂਬੇ ਦਾ ਇਸਤੇਮਾਲ ਕੀਤਾ ਜਾਵੇਗਾ। ਇਸ ਮੂਰਤੀ ਨੂੰ ਸਾਕਾਰ ਕਰਨ ਵਿਚ 3000 ਕਰੋੜ ਦਾ ਖਰਚ ਆਸਕਦਾ ਹੈ।
The post ਅਯੁੱਧਿਆ ‘ਚ ਬਣੇਗਾ ਵਰਲਡ ਰਿਕਾਰਡ, ਭਗਵਾਨ ਰਾਮ ਦੀ 823 ਫੁੱਟ ਉੱਚੀ ਪ੍ਰਤਿਮਾ ਬਣਾਉਣ ਦੀ ਹੋ ਰਹੀ ਤਿਆਰੀ appeared first on Daily Post Punjabi.