TV Punjab | Punjabi News Channel: Digest for August 25, 2023

TV Punjab | Punjabi News Channel Punjabi News, Punjabi TV

Table of Contents ਚੋਣ ਧੋਖਾਧੜੀ ਦੇ ਮਾਮਲੇ 'ਚ ਟਰੰਪ ਦੇ ਦੋ ਵਕੀਲਾਂ ਨੇ ਕੀਤਾ ਆਤਮ ਸਮਰਪਣ ਰੂਸੀ ਰਾਸ਼ਟਰਪਤੀ ਪੁਤਿਨ ਨਾਲ ਪੰਗਾ ਲੈਣ ਵਾਲੇ ਵਾਗਨਰ ਦੇ ਸੰਸਥਾਪਕ ਪ੍ਰਿਗੋਝਿਨ ਦੀ ਜਹਾਜ਼ ਹਾਦਸੇ 'ਚ ਮੌਤ ਘਰ 'ਚ ਖੇਡ ਰਹੇ ਬੱਚੇ 'ਤੇ ਭਾਲੂ ਨੇ ਕੀਤਾ ਹਮਲਾ ਏਲਨ ਮਸਕ ਅਤੇ ਸੁੰਦਰ ਪਿਚਾਈ ਨੇ Chandrayaan-3 ਦੀ ਸਫ਼ਲਤਾ 'ਤੇ ਭਾਰਤ ਨੂੰ ਦਿੱਤੀਆਂ ਵਧਾਈਆਂ ਭਿਆਨਕ ਜੰਗਲੀ ਅੱਗ 'ਚ ਸੁਰੱਖਿਅਤ ਬਚਿਆ 81 ਸਾਲ ਪੁਰਾਣਾ 'ਚਮਤਕਾਰੀ ਘਰ' Pittsburgh shooting: ਕਈ ਘੰਟਿਆਂ ਦੀ ਗੋਲੀਬਾਰੀ ਮਗਰੋਂ ਪੁਲਿਸ ਨੇ ਮੌਤ ਦੇ ਘਾਟ ਉਤਾਰਿਆ ਸ਼ੱਕੀ ਜਾਸੂਸੀ ਉਪਗ੍ਰਹਿ ਦੀ ਲਾਂਚਿੰਗ ਨੂੰ ਲੈ ਕੇ ਅਮਰੀਕਾ ਨੇ ਉੱਤਰੀ ਕੋਰੀਆ ਨੂੰ ਦਿੱਤੀ ਸਖ਼ਤ ਚਿਤਾਵਨੀ ਚਿਹਰੇ ਦੇ ਅਣਚਾਹੇ ਤਿਲ ਨੂੰ ਕਿਵੇਂ ਹਟਾਇਆ ਜਾਵੇ? ਕੀ ਤੁਸੀਂ ਵੀ ਆਪਣੇ ਘੁੰਗਰਾਲੇ ਵਾਲਾਂ ਤੋਂ ਪਰੇਸ਼ਾਨ ਹੋ ਤਾਂ ਇਸ ਤਰ੍ਹਾਂ ਕਰੋ ਡੀਲ ਈ.ਡੀ ਦੀ ਰਡਾਰ 'ਚ ਆਇਆ ਪੰਜਾਬ ਦਾ ਇਹ ਸਾਬਕਾ ਕਾਂਗਰਸੀ ਮੰਤਰੀ ਹੁਣ ਸਾਲ ਵਿੱਚ 2 ਵਾਰ ਹੋਣਗੀਆਂ ਬੋਰਡ ਦੀਆਂ ਪ੍ਰੀਖਿਆਵਾਂ, ਸਕੂਲੀ ਸਿੱਖਿਆ-ਪ੍ਰੀਖਿਆ ਨੂੰ ਲੈ ਕੇ ਅਹਿਮ ਐਲਾਨ ਸੱਜਣ ਕੁਮਾਰ ਖ਼ਿਲਾਫ਼ ਧਾਰਾ 302 ਹਟਾਈ ਜਾਣ ਲਈ ਕੇਂਦਰ ਸਰਕਾਰ ਜ਼ਿੰਮੇਵਾਰ-ਸੁਖਬੀਰ ਬਾਦਲ ਇਨ੍ਹਾਂ ਸਕੂਲਾਂ ਦੀਆਂ ਛੁੱਟੀਆਂ ਰੱਦ, ਸਰਕਾਰ ਨੇ ਬਦਲਿਆ ਫੈਸਲਾ ਦੁੱਧਸਾਗਰ ਝਰਨਾ: ਮੰਡੋਵੀ ਨਦੀ 'ਤੇ ਹੈ ਇਹ ਝਰਨਾ, 320 ਮੀਟਰ ਦੀ ਉਚਾਈ ਤੋਂ ਡਿੱਗਦਾ ਹੈ ਪਾਣੀ Trekking And Camping: ਟ੍ਰੈਕਿੰਗ-ਕੈਂਪਿੰਗ ਲਈ ਸਭ ਤੋਂ ਵਧੀਆ ਹੈ ਉੱਤਰਾਖੰਡ ਦਾ ਇਹ ਪਹਾੜੀ ਸਟੇਸ਼ਨ ਹੁਣ128GB ਸਟੋਰੇਜ ਨਾਲ ਲਾਂਚ ਹੋਇਆ Redmi ਦਾ ਇਹ ਫੋਨ, ਸਿਰਫ 8,499 ਰੁਪਏ ਹੈ ਕੀਮਤ ਹਨੀ ਮੱਟੂ ਅਤੇ ਬਨਿੰਦਰ ਬੰਨੀ: ਮਸਤਾਨੇ ਵਿੱਚ ਜ਼ਹੂਰ ਦੇ ਕਿਰਦਾਰ ਲਈ 2 ਥੰਮ੍ਹ ਏਸ਼ੀਆ ਕੱਪ 2023: ਚਾਹਲ ਤੋਂ ਬਿਹਤਰ ਕੋਈ ਨਹੀਂ.. ਏਸ਼ੀਆ ਕੱਪ ਟੀਮ 'ਚ ਨਾ ਚੁਣੇ ਜਾਣ 'ਤੇ ਭੜਕਿਆ ਹਰਭਜਨ ਸਿੰਘ, ਜਾਣੋ ਕੀ ਕਿਹਾ US Presidential Election: ਜ਼ਬਰਦਸਤ ਰਹੀ ਰੀਪਬਲਿਕਨਾਂ ਦੀ ਪਹਿਲੀ ਪ੍ਰਾਇਮਰੀ ਬਹਿਸ , ਸਟੇਜ 'ਤੇ ਲੜੇ ਰਾਮਾਸਵਾਮੀ ਅਤੇ ਨਿੱਕੀ! ਅੱਜ ਆਤਮ ਸਮਰਪਣ ਕਰਨਗੇ ਟਰੰਪ ਕੈਲੀਫੋਰਨੀਆ ਦੇ ਬਾਰ 'ਚ ਅੰਨ੍ਹੇਵਾਹ ਗੋਲੀਬਾਰੀ, ਚਾਰ ਲੋਕਾਂ ਦੀ ਮੌਤ ਅਤੇ 6 ਹੋਰ ਜ਼ਖ਼ਮੀ ਕੈਨੇਡਾ ਦੇ ਜੰਗਲਾਂ 'ਚ ਲੱਗੀ ਤੋਂ ਦੁਖੀ ਕਿੰਗ ਚਾਰਲਸ ਖ਼ਤਮ ਹੋਈ ਟਰੂਡੋ ਕੈਬਨਿਟ ਦੀ ਰਿਟਰੀਟ, ਰਿਹਾਇਸ਼ੀ ਯੋਜਨਾ ਦੇਣ ਦੀ ਬਜਾਏ ਟਰੂਡੋ ਨੇ ਕੈਨੇਡੀਅਨਾਂ ਨੂੰ ਦਿੱਤਾ ਹੌਂਸਲਾ! 55 ਸਾਲਾ ਵਿਅਕਤੀ 'ਤੇ ਹਮਲੇ ਦੇ ਸੰਬੰਧ 'ਚ ਪੁਲਿਸ ਨੇ ਹਿਰਾਸਤ 'ਚ ਲਏ ਦੋ ਪੰਜਾਬੀ ਨੌਜਵਾਨ ਬੱਸ ਦੀ ਲਪੇਟ 'ਚ ਆਉਣ ਕਾਰਨ ਵਿਅਕਤੀ ਦੀ ਮੌਤ

ਚੋਣ ਧੋਖਾਧੜੀ ਦੇ ਮਾਮਲੇ 'ਚ ਟਰੰਪ ਦੇ ਦੋ ਵਕੀਲਾਂ ਨੇ ਕੀਤਾ ਆਤਮ ਸਮਰਪਣ Wednesday 23 August 2023 09:37 PM UTC+00 | Tags: atlanta donald-trump georgia-election-subversion-case news rudy-giuliani sidney-powell top-news trending-news usa world Atlanta- ਜਾਰਜੀਆ ਚੋਣ 'ਚ ਗੜਬੜੀ ਦੇ ਮਾਮਲੇ 'ਚ ਟਰੰਪ ਦੇ ਦੋ ਪ੍ਰਮੁੱਖ ਵਕੀਲਾਂ ਰੂਡੀ ਜਿਉਲਿਆਨੀ ਅਤੇ ਸਿਡਨੀ ਪਾਵੇਲ ਬੁੱਧਵਾਰ ਨੂੰ ਆਤਮ ਸਮਰਪਣ ਕਰ ਦਿੱਤਾ। ਨਿਊਯਾਰਕ ਸ਼ਹਿਰ ਦੇ ਸਾਬਕਾ ਮੇਅਰ, ਜਿਨ੍ਹਾਂ ਨੂੰ 9/11 ਮਗਰੋਂ ਉਨ੍ਹਾਂ ਦੀ ਅਗਵਾਈ ਲਈ 'ਅਮਰੀਕਾ ਦੇ ਮੇਅਰ' ਦੇ ਰੂਪ 'ਚ ਜਾਣਿਆ ਜਾਂਦਾ ਹੈ, 'ਤੇ ਟਰੰਪ ਅਤੇ 17 ਹੋਰਨਾਂ ਲੋਕਾਂ ਸਣੇ ਜਾਰਜੀਆ ਦੇ ਰੈਕੇਟੀਅਰ ਪ੍ਰਭਾਵਿਤ ਅਤੇ ਭ੍ਰਿਸ਼ਟ ਸੰਗਠਨ ਐਕਟ ਤਹਿਤ ਦੋਸ਼ ਲਗਾਏ ਗਏ ਹਨ। ਅਟਾਰਨੀ ਸਿਡਨੀ ਪਾਵੇਲ 'ਤੇ ਟਰੰਪ ਦੇ ਝੂਠੇ ਧੋਖਾਧੜੀ ਦੇ ਦਾਅਵਿਆਂ ਨੂੰ ਉਤਾਸ਼ਹਿਤ ਕਰਨ 'ਚ ਮੋਹਰੀ ਭੂਮਿਕਾ ਨਿਭਾਉਣ ਦੇ ਦੋਸ਼ ਲੱਗੇ ਹਨ। ਬੁੱਧਵਾਰ ਨੂੰ ਅਟਲਾਂਟਾ ਲਈ ਉਡਾਣ ਭਰਨ ਤੋਂ ਪਹਿਲਾਂ ਜਿਉਲਿਆਨੀ ਨੇ 150,000 ਡਾਲਰ ਬਾਂਡ ਪੈਕੇਜ ਲਈ ਸਹਿਮਤੀ ਦਿੱਤੀ। ਉੱਥੇ ਹੀ ਪਾਵੇਲ 100,000 ਡਾਲਰ ਬਾਂਡ 'ਤੇ ਸਹਿਮਤ ਹੋਏ ਹਨ। 79 ਸਾਲਾ ਜਿਉਲਿਆਨੀ 'ਤੇ ਜਾਰਜੀਆ ਅਤੇ ਕਰੀਬੀ ਮੁਕਾਬਲੇ ਵਾਲੇ ਹੋਰਨਾਂ ਸੂਬਿਆਂ 'ਚ ਸੰਸਦ ਮੈਂਬਰਾਂ ਨੂੰ ਵੋਟਰਾਂ ਦੀ ਇੱਛਾ ਨੂੰ ਨਜ਼ਰਅੰਦਾਜ਼ ਕਰਨ ਅਤੇ ਟਰੰਪ ਦੇ ਅਨੁਕੂਲ ਇਲੈਕਟੋਰਲ ਕਾਲਜ ਵੋਟਰਾਂ ਦੀ ਗ਼ੈਰ-ਕਾਨੂੰਨੀ ਨਿਯੁਕਤੀ ਲਈ ਮਜ਼ਬੂਰ ਕਰਨ ਦੇ ਟਰੰਪ ਦੇ ਯਤਨਾਂ ਦੀ ਅਗਵਾਈ ਕਰਨ ਦਾ ਦੋਸ਼ ਹੈ। ਜਾਰਜੀਆ ਉਨ੍ਹਾਂ ਕਈ ਪ੍ਰਮੁੱਖ ਸ਼ਹਿਰਾਂ 'ਚੋਂ ਇੱਕ ਸੀ, ਜਿੱਥੇ ਕਿ ਟਰੰਪ ਮਾਮੂਲੀ ਫਰਕ ਨਾਲ ਹਾਰ ਗਏ ਸਨ, ਜਿਸ ਕਾਰਨ ਰੀਪਬਲਿਕਨਾਂ ਅਤੇ ਉਨ੍ਹਾਂ ਦੇ ਸਹਿਯੋਗੀਆਂ ਨੂੰ ਬਿਨਾਂ ਕਿਸੇ ਸਬੂਤ ਤੋਂ ਇਹ ਐਲਾਨ ਕਰਨ ਲਈ ਮਜ਼ਬੂਰ ਹੋਣਾ ਪਿਆ ਕਿ ਚੋਣਾਂ 'ਚ ਉਨ੍ਹਾਂ ਦੇ ਵਿਰੋਧੀ ਜੋਅ ਬਾਇਡਨ ਵਲੋਂ ਘਪਲਾ ਕੀਤਾ ਗਿਆ ਹੈ। ਜਿਉਲਿਆਨੀ 'ਤੇ ਝੂਠੇ ਬਿਆਨ ਦੇਣ ਅਤੇ ਝੂਠੀ ਗਵਾਹੀ ਮੰਗਣ, ਫ਼ਰਜ਼ੀ ਕਾਰਵਾਈ ਕਰਨ ਦੀ ਸਾਜ਼ਿਸ਼ ਰਚਣ ਸਣੇ ਕਈ ਦੋਸ਼ ਲੱਗੇ ਹਨ। ਫੁਲਟਨ ਕਾਉਂਟੀ ਦੇ ਜ਼ਿਲ੍ਹਾ ਅਟਾਰਨੀ ਫੈਨੀ ਵਿਲਿਸ ਨੇ ਕਿਹਾ ਹੈ ਕਿ ਦੋਸ਼ੀ ਸਾਬਤ ਹੋਣ 'ਤੇ ਜਿਉਲਿਆਨੀ ਨੂੰ ਜੇਲ੍ਹ ਦੀ ਸਜ਼ਾ ਦਿੱਤੀ ਜਾਵੇਗੀ। ਹਾਲਾਂਕਿ ਜਿਉਲਿਆਨੀ ਨੇ ਗ਼ਲਤ ਕੰਮਾਂ ਤੋਂ ਇਨਕਾਰ ਕੀਤਾ ਹੈ। ਉਨ੍ਹਾਂ ਨੇ ਇਹ ਦਲੀਲ ਦਿੱਤੀ ਹੈ ਕਿ ਉਸ ਨੂੰ ਚੋਣ ਧੋਖਾਧੜੀ ਦੇ ਬਾਰੇ 'ਚ ਸਵਾਲ ਚੁੱਕਣ ਦਾ ਅਧਿਕਾਰ ਸੀ। ਭਲਕੇ ਆਤਮ ਸਮਰਪਣ ਕਰ ਸਕਦੇ ਹਨ ਟਰੰਪ ਉੱਧਰ ਚੋਣ ਧੋਖਾਧੜੀ ਦੇ ਇਸ ਚੌਥੇ ਮਾਮਲੇ 'ਚ ਟਰੰਪ ਭਲਕੇ ਆਤਮ ਸਮਰਪਣ ਕਰ ਸਕਦੇ ਹਨ। ਉੱਥੇ ਹੀ ਇਸ ਮਾਮਲੇ 'ਚ ਨਾਮਜ਼ਦ ਬਾਕੀਆਂ 10 ਸਹਿ-ਮੁਲਜ਼ਮਾਂ ਕੋਲ ਆਤਮ-ਸਮਰਪਣ ਕਰਨ ਲਈ ਸ਼ੁੱਕਰਵਾਰ ਤੱਕ ਦਾ ਸਮਾਂ ਹੈ। ਹਾਲਾਂਕਿ ਫੁਲਟਨ ਕਾਉਂਟੀ ਦੇ ਜ਼ਿਲ੍ਹਾ ਅਟਾਰਨੀ ਫੈਨੀ ਵਿਲਿਸ ਦੀ ਟੀਮ ਆਤਮ ਸਮਰਪਣ ਕਰਨ ਤੋਂ ਪਹਿਲਾਂ ਬਚਾਅ ਪੱਖ ਦੇ ਵਕੀਲਾਂ ਨਾਲ ਬਾਂਡ ਦੀ ਰਕਮ ਅਤੇ ਸ਼ਰਤਾਂ 'ਤੇ ਗੱਲਬਾਤ ਕਰ ਰਹੀ ਹੈ। The post ਚੋਣ ਧੋਖਾਧੜੀ ਦੇ ਮਾਮਲੇ 'ਚ ਟਰੰਪ ਦੇ ਦੋ ਵਕੀਲਾਂ ਨੇ ਕੀਤਾ ਆਤਮ ਸਮਰਪਣ appeared first on TV Punjab | Punjabi News Channel. Tags: atlanta donald-trump georgia-election-subversion-case news rudy-giuliani sidney-powell top-news trending-news usa world

ਰੂਸੀ ਰਾਸ਼ਟਰਪਤੀ ਪੁਤਿਨ ਨਾਲ ਪੰਗਾ ਲੈਣ ਵਾਲੇ ਵਾਗਨਰ ਦੇ ਸੰਸਥਾਪਕ ਪ੍ਰਿਗੋਝਿਨ ਦੀ ਜਹਾਜ਼ ਹਾਦਸੇ 'ਚ ਮੌਤ Wednesday 23 August 2023 10:13 PM UTC+00 | Tags: moscow news plane-crashed russia top-news trending-news wagner world yevgeny-prigozhin Moscow- ਰੂਸ ਦੀ ਪ੍ਰਾਈਵੇਟ ਆਰਮੀ ਵਾਗਨਰ ਦੇ ਸੰਸਥਾਪਕ ਯੇਵੇਗਨੀ ਪ੍ਰਿਗੋਝਿਨ ਦੀ ਇੱਕ ਜਹਾਜ਼ ਹਾਦਸੇ ਦੌਰਾਨ ਮੌਤ ਹੋ ਗਈ। ਰੂਸੀ ਮੀਡੀਆ ਵਲੋਂ ਐਮਰਜੈਂਸੀ ਮੰਤਰਾਲੇ ਦੇ ਹਵਾਲੇ ਨਾਲ ਇਹ ਖ਼ਬਰ ਦਿੱਤੀ ਗਈ ਹੈ। ਮੰਤਰਾਲੇ ਮੁਤਾਬਕ ਜਹਾਜ਼ 'ਚ ਕੁੱਲ 10 ਲੋਕ ਸਵਾਰ ਸਨ, ਜਿਨ੍ਹਾਂ 'ਚ ਸੱਤ ਯਾਤਰੀ ਸਨ ਅਤੇ ਤਿੰਨ ਚਾਲਕ ਦਲ ਦੇ ਮੈਂਬਰ ਸਨ। ਮੰਨਿਆ ਜਾ ਰਿਹਾ ਹੈ ਕਿ ਇਸ ਹਾਦਸੇ 'ਚ ਜਹਾਜ਼ 'ਚ ਸਵਾਰ ਸਾਰੇ 10 ਲੋਕਾਂ ਦੀ ਮੌਤ ਹੋ ਗਈ ਹੈ। ਇਸ ਜਹਾਜ਼ 'ਚ ਵਾਗਨਰ ਦੇ ਸੰਸਥਾਪਕ ਯੇਵੇਗਨੀ ਪ੍ਰਿਗੋਝਿਨ ਵੀ ਸਵਾਰ ਸਨ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਪ੍ਰਾਈਵੇਟ ਜੈੱਟ ਨੇ ਮਾਸਕੋ ਤੋਂ ਸੇਂਟ ਪੀਟਰਸਬਰਗ ਲਈ ਉਡਾਣ ਭਰੀ ਸੀ। ਉਡਾਣ ਭਰਨ ਦੇ ਕੁਝ ਸਮੇਂ ਅੰਦਰ ਹੀ ਇਹ ਜਹਾਜ਼ ਤਵੇਰ ਇਲਾਕੇ ਦੇ ਨਜ਼ਦੀਕ ਕੁਜ਼ੇਨਕਿਨੋ ਪਿੰਡ 'ਚ ਹਾਦਸੇ ਦਾ ਸ਼ਿਕਾਰ ਹੋ ਗਿਆ। ਰੂਸ ਦੇ ਐਮਰਜੈਂਸੀ ਮੰਤਰਾਲੇ ਦਾ ਕਹਿਣਾ ਹੈ ਕਿ ਮੁੱਢਲੀ ਜਾਣਕਾਰੀ 'ਚ ਇਹ ਗੱਲ ਸਾਹਮਣੇ ਆਈ ਹੈ ਕਿ ਹਾਦਸੇ ਦੌਰਾਨ ਜਹਾਜ਼ 'ਚ ਸਵਾਰ ਸਾਰੇ ਲੋਕਾਂ ਦੀ ਮੌਤ ਹੋ ਗਈ ਅਤੇ ਉਨ੍ਹਾਂ ਵਲੋਂ ਘਟਨਾ ਵਾਲੀ ਥਾਂ 'ਤੇ ਸਰਚ ਆਪਰੇਸ਼ਨ ਚਲਾਇਆ ਜਾ ਰਿਹਾ ਹੈ। ਰੂਸ ਦੀਆਂ ਕੁਝ ਮੀਡੀਆ ਰਿਪੋਰਟਾਂ ਮੁਤਾਬਕ ਮੌਕੇ ਤੋਂ 8 ਲਾਸ਼ਾਂ ਬਰਾਮਦ ਕੀਤੀ ਗਈਆਂ ਹਨ। ਰੂਸੀ ਜਾਂਚ ਕਮੇਟੀ ਦਾ ਕਹਿਣਾ ਹੈ ਕਿ ਇਸ ਹਾਦਸੇ ਦੀ ਹਰ ਪੱਖ ਤੋਂ ਜਾਂਚ ਕੀਤੀ ਜਾ ਰਹੀ ਹੈ। ਹਾਲਾਂਕਿ ਪ੍ਰਿਗੋਝਿਨ ਦੀ ਮੌਤ ਦੀ ਪੁਸ਼ਟੀ ਅਜੇ ਤੱਕ ਨਹੀਂ ਹੋਈ ਹੈ। ਇੱਥੇ ਇਹ ਦੱਸਣਾ ਬਣਦਾ ਹੈ ਕਿ ਰੂਸ-ਯੂਕਰੇਨ ਯੁੱਧ 'ਚ ਵੈਗਨਰ ਆਰਮੀ ਰੂਸ ਵਲੋਂ ਲੜ ਰਹੀ ਸੀ ਪਰ ਜੂਨ 'ਚ ਵੈਗਨਰ ਮੁਖੀ ਨੇ ਰੂਸ ਵਿਰੁੱਧ ਵਿਦਰੋਹ ਕਰ ਦਿੱਤਾ ਸੀ। ਪ੍ਰਿਗੋਝਿਨ ਕੁਝ ਦਿਨ ਪਹਿਲਾਂ ਹੀ ਦੁਨੀਆ ਦੇ ਸਾਹਮਣੇ ਆਏ ਸਨ। ਉਦੋਂ ਉਨ੍ਹਾਂ ਨੇ ਟੈਲੀਗ੍ਰਾਮ 'ਤੇ ਇੱਕ ਛੋਟੀ ਜਿਹੀ ਵੀਡੀਓ ਜਾਰੀ ਕੀਤੀ ਸੀ। ਰਿਪੋਰਟਾਂ ਮੁਤਾਬਕ ਵੀਡੀਓ ਨੂੰ ਅਫਰੀਕਾ 'ਚ ਬਣਾਇਆ ਗਿਆ ਸੀ। ਉਹ ਫੌਜ ਦੀ ਵਰਦੀ 'ਚ ਇੱਕ ਰੇਗਿਸਤਾਨ 'ਚ ਨਜ਼ਰ ਆ ਰਹੇ ਸਨ। ਉੱਥੇ ਹੀ ਉਨ੍ਹਾਂ ਦੇ ਹੱਥ 'ਚ ਇੱਕ ਬੰਦੂਕ ਸੀ। ਕੋਲ ਹੀ ਇੱਕ ਪਿਕਅੱਪ ਟਰੱਕ ਖੜ੍ਹਾ ਦਿਖਾਈ ਦੇ ਰਿਹਾ ਸੀ। ਜੁਲਾਈ 'ਚ ਪ੍ਰਿਗੋਝਿਨ ਨੇ ਕਿਹਾ ਸੀ ਕਿ ਉਹ ਆਪਣੀ ਮੌਜੂਦਗੀ ਅਫ਼ਰੀਕਾ 'ਚ ਵਧਾਉਣ ਜਾ ਰਹੇ ਹਨ। ਜੂਨ 'ਚ ਉਨ੍ਹਾਂ ਨੇ ਰੂਸ ਵਿਰੁੱਧ ਵਿਦਰੋਹ ਕੀਤਾ ਸੀ, ਜਿਹੜਾ ਕਿ 24 ਘੰਟਿਆਂ ਦੇ ਅੰਦਰ ਹੀ ਖ਼ਤਮ ਹੋ ਗਿਆ ਸੀ। The post ਰੂਸੀ ਰਾਸ਼ਟਰਪਤੀ ਪੁਤਿਨ ਨਾਲ ਪੰਗਾ ਲੈਣ ਵਾਲੇ ਵਾਗਨਰ ਦੇ ਸੰਸਥਾਪਕ ਪ੍ਰਿਗੋਝਿਨ ਦੀ ਜਹਾਜ਼ ਹਾਦਸੇ 'ਚ ਮੌਤ appeared first on TV Punjab | Punjabi News Channel. Tags: moscow news plane-crashed russia top-news trending-news wagner world yevgeny-prigozhin

ਘਰ 'ਚ ਖੇਡ ਰਹੇ ਬੱਚੇ 'ਤੇ ਭਾਲੂ ਨੇ ਕੀਤਾ ਹਮਲਾ Wednesday 23 August 2023 10:49 PM UTC+00 | Tags: attack black-bear news new-york north-castle police top-news trending-news world New York- ਨਿਊਯਾਰਕ ਦੇ ਨਾਰਥ ਕਾਸਲ ਵਿਖੇ ਇੱਕ ਘਰ 'ਚ ਖੇਡ ਰਹੇ ਇੱਕ ਸੱਤ ਸਾਲਾ ਬੱਚੇ 'ਤੇ ਭਾਲੂ ਨੇ ਹਮਲਾ ਕਰ ਦਿੱਤਾ। ਨਾਰਥ ਕਾਸਲ ਪੁਲਿਸ ਵਲੋਂ ਇਹ ਜਾਣਕਾਰੀ ਦਿੱਤੀ ਗਈ ਹੈ। ਅਧਿਕਾਰੀਆਂ ਨੇ ਕਿਹਾ ਕਿ ਇਸ ਹਮਲੇ ਤੋਂ ਬਾਅਦ ਭਾਲੂ ਨੂੰ ਮਾਰ ਦਿੱਤਾ ਗਿਆ। ਨਾਰਥ ਕਾਸਲ ਪੁਲਿਸ ਵਿਭਾਗ ਨੇ ਦੱਸਿਆ ਕਿ ਵੈਸਟਚੈਸਟਰ ਕਾਊਂਟੀ ਦੇ ਐਮਰਜੈਂਸੀ ਕਰਮਚਾਰੀਆਂ ਨੂੰ ਮੰਗਲਵਾਰ ਨੂੰ ਇੱਕ ਘਰ 'ਚ ਇੱਕ ਭਾਲੂ ਵਲੋਂ ਬੱਚੇ 'ਤੇ ਹਮਲਾ ਕਰਨ ਦੀ ਜਾਣਕਾਰੀ ਮਿਲੀ। ਉਨ੍ਹਾਂ ਦੱਸਿਆ ਕਿ ਮੌਕੇ 'ਤੇ ਪਹੁੰਚੇ ਬੈਂਕਸਵਿਲੇ ਫਾਇਰ ਵਿਭਾਗ ਅਤੇ ਅਰਮੋਨਕ ਫਾਇਰ ਵਿਭਾਗ ਦੇ ਈ. ਐਮ. ਐਮ. ਵਰਕਰਾਂ ਨੇ ਮੁੱਢਲੀ ਸਹਾਇਤਾ ਦੇਣ ਉਪਰੰਤ ਬੱਚੇ ਨੂੰ ਹਸਪਤਾਲ ਪਹੁੰਚਾਇਆ। ਜਾਣਕਾਰੀ ਮੁਤਾਬਕ ਉਕਤ 7 ਸਾਲਾ ਲੜਕਾ ਆਪਣੇ ਘਰ ਦੇ ਪਿਛਵਾੜੇ 'ਚ ਆਪਣੇ ਭਰਾ-ਭੈਣ ਨਾਲ ਖੇਡ ਰਿਹਾ ਸੀ। ਇਸੇ ਦੌਰਾਨ ਇੱਕ ਭਾਲੂ ਦੇ ਬੱਚੇ ਨੇ ਉਸ 'ਤੇ ਹਮਲਾ ਕਰ ਦਿੱਤਾ। ਨਾਰਥ ਕੈਸਲ ਪੁਲਿਸ ਵਿਭਾਗ ਮੁਤਾਬਕ ਹਾਦਸੇ ਵੇਲੇ ਬੱਚੇ ਦੇ ਮਾਤਾ-ਪਿਤਾ ਘਰ 'ਚ ਮੌਜੂਦ ਸਨ ਅਤੇ ਉਨ੍ਹਾਂ ਨੇ ਪੂਰੀ ਨਿਡਰਤਾ ਨਾਲ ਡੱਟ ਕੇ ਭਾਲੂ ਦਾ ਮੁਕਾਬਲਾ ਕੀਤਾ। ਪੁਲਿਸ ਦਾ ਕਹਿਣਾ ਹੈ ਕਿ ਬੱਚੇ ਨੂੰ ਕੋਈ ਗੰਭੀਰ ਸੱਟਾਂ ਨਹੀਂ ਲੱਗੀਆਂ ਹਨ। ਪੁਲਿਸ ਵਿਭਾਗ ਨੇ ਦੱਸਿਆ ਕਿ ਜਦੋਂ ਅਧਿਕਾਰੀ ਮੌਕੇ 'ਤੇ ਪਹੁੰਚੇ ਤਾਂ ਉਸ ਸਮੇਂ ਵੀ ਭਾਲੂ ਆਮ ਲੋਕਾਂ ਅਤੇ ਮੌਕੇ 'ਤੇ ਮੌਜੂਦ ਕਰਮਚਾਰੀਆਂ ਲਈ ਖ਼ਤਰਾ ਪੈਦਾ ਕਰ ਰਿਹਾ ਸੀ ਇਸੇ ਦੇ ਚੱਲਦਿਆਂ ਉਸ ਨੂੰ ਮੌਤ ਦੇ ਘਾਟ ਉਤਾਰ ਦਿੱਤਾ ਗਿਆ। ਪੁਲਿਸ ਚੀਫ਼ ਪੀਟਰ ਸਿਮੋਨਸੇਨ ਨੇ ਦੱਸਿਆ ਕਿ ਭਾਲੂ ਨੂੰ ਮੌਕੇ ਤੋਂ ਭਜਾਉਣ ਦੀ ਬਥੇਰੀ ਕੋਸ਼ਿਸ਼ ਕੀਤੀ ਗਈ, ਕਿਉਂਕਿ ਆਮ ਤੌਰ 'ਤੇ ਬਹੁਤ ਸਾਰੇ ਇਨਸਾਨਾਂ ਨੂੰ ਕੋਲ ਦੇਖ ਕੇ ਜਾਨਵਰ ਭੱਜ ਜਾਂਦੇ ਹਨ ਪਰ ਅਜਿਹਾ ਨਹੀਂ ਹੋਇਆ। ਇਸੇ ਦੇ ਚੱਲਦਿਆਂ ਉਨ੍ਹਾਂ ਨੂੰ ਮਜ਼ਬੂਰੀ ਵੱਸ ਉਸ ਨੂੰ ਮਾਰਨਾ ਪਿਆ। ਸਿਹਤ ਵਿਭਾਗ ਦੇ ਇੱਕ ਬੁਲਾਰੇ ਨੇ ਦੱਸਿਆ ਕਿ ਰੇਬੀਜ਼ ਦੀ ਜਾਂਚ ਲਈ ਭਾਲੂ ਨੂੰ ਵੈਸਟਚੈਸਟਰ ਕਾਊਂਟੀ ਸਿਹਤ ਵਿਭਾਗ 'ਚ ਲਿਜਾਇਆ ਗਿਆ ਹੈ। The post ਘਰ 'ਚ ਖੇਡ ਰਹੇ ਬੱਚੇ 'ਤੇ ਭਾਲੂ ਨੇ ਕੀਤਾ ਹਮਲਾ appeared first on TV Punjab | Punjabi News Channel. Tags: attack black-bear news new-york north-castle police top-news trending-news world

ਏਲਨ ਮਸਕ ਅਤੇ ਸੁੰਦਰ ਪਿਚਾਈ ਨੇ Chandrayaan-3 ਦੀ ਸਫ਼ਲਤਾ 'ਤੇ ਭਾਰਤ ਨੂੰ ਦਿੱਤੀਆਂ ਵਧਾਈਆਂ Wednesday 23 August 2023 11:08 PM UTC+00 | Tags: chandrayaan-3 elon-musk india news sundar-pichai top-news trending-news washington world Washington- ਟੈਸਲਾ ਦੇ ਸੀ. ਈ. ਓ. ਏਲਨ ਮਸਕ ਅਤੇ ਗੂਗਲ ਦੇ ਸੀ. ਈ. ਓ. ਸੁੰਦਰ ਪਿਚਾਈ ਨੇ ਚੰਦਰਯਾਨ-3 ਦੀ ਸਫ਼ਲਤਾ ਲਈ ਭਾਰਤ ਨੂੰ ਵਧਾਈਆਂ ਦਿੱਤੀਆਂ ਹਨ। ਏਲਨ ਮਸਕ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ X 'ਤੇ ਇੱਕ ਪੋਸਟ ਪਾ ਕੇ ਇਸਰੋ ਨੂੰ ਵਧਾਈ ਦਿੱਤੀ। ਉਨ੍ਹਾਂ ਲਿਖਿਆ, ''ਵਧਾਈ ਹੋ ਭਾਰਤ'' ਦੂਜੇ ਪਾਸੇ ਗੂਗਲ ਦੇ ਸੀ. ਈ. ਓ. ਸੁੰਦਰ ਪਿਚਾਈ ਨੇ ਚੰਦਰਯਾਨ-3 ਦੀ ਸਫ਼ਲਤਾ ਨੂੰ ਸ਼ਾਨਦਾਰ ਪਲ ਦੱਸਿਆ। ਪਿਚਾਈ ਨੇ X 'ਤੇ ਇੱਕ ਪੋਸਟ ਸ਼ੇਅਰ ਕਰਦਿਆਂ ਲਿਖਿਆ ਕਿ ਚੰਦਰਮਾ ਦੀ ਸਤ੍ਹਾ 'ਤੇ ਸਫ਼ਲ ਲੈਂਡਿੰਗ ਕਰਨ ਲਈ ਇਸਰੋ ਨੂੰ ਵਧਾਈਆਂ। ਉਨ੍ਹਾਂ ਕਿਹਾ ਕਿ ਚੰਦਰਮਾ ਦੇ ਦੱਖਣੀ ਧਰੁਵ ਖੇਤਰ 'ਚ ਲੈਂਡਰ ਦੀ ਸਾਫ਼ਟ ਲੈਂਡਿੰਗ ਕਰਾਉਣ ਵਾਲਾ ਭਾਰਤ ਪਹਿਲਾ ਦੇਸ਼ ਬਣ ਗਿਆ ਹੈ। ਦੱਸ ਦਈਏ ਕਿ ਭਾਰਤ ਨੇ ਅੱਜ Chandrayaan-3 ਮਿਸ਼ਨ ਰਾਹੀਂ ਦੁਨੀਆ ਭਰ 'ਚ ਇਤਿਹਾਸ ਰਚਿਆ ਹੈ। ਇਸਰੋ ਦੇ ਚੰਦਰਯਾਨ-3 ਮਿਸ਼ਨ ਦਾ ਲੈਂਡਰ ਮਾਡਿਊਲ ਚੰਦਰਮਾ ਦੀ ਸਤ੍ਹਾ 'ਤੇ ਸਫ਼ਲਤਾਪੂਰਵਕ ਉਤਰਿਆ। ਲੈਂਡਰ ਵਿਕਰਮ ਅਤੇ ਰੋਵਰ ਪ੍ਰਗਿਆਨ ਦੇ ਲੈਂਡਰ ਮਾਡਿਊਲ ਨੇ ਸ਼ਾਮੀਂ 6.04 ਵਜੇ ਚੰਦਰਮਾ ਦੇ ਦੱਖਣੀ ਧਰੁਵ 'ਤੇ ਸਾਫ਼ਟ ਲੈਂਡਿੰਗ ਕੀਤੀ ਅਤੇ ਇਤਿਹਾਸ ਰਚ ਦਿੱਤਾ। ਇਸ ਸਫ਼ਲਤਾ ਦੇ ਨਾਲ ਭਾਰਤ ਚੰਦਰਮਾ ਦੇ ਦੱਖਣੀ ਧਰੁਵ 'ਤੇ ਪਹੁੰਚਣ ਵਾਲਾ ਦੁਨੀਆ ਦਾ ਪਹਿਲਾ ਦੇਸ਼ ਬਣ ਗਿਆ ਹੈ। ਇਸ ਦੇ ਨਾਲ ਹੀ ਚੰਦਰਮਾ ਦੀ ਸਤ੍ਹਾ 'ਤੇ 'ਸਾਫ਼ਟ ਲੈਂਡਿੰਗ' ਕਰਨ ਵਾਲਾ ਅਮਰੀਕਾ, ਚੀਨ, ਸਾਬਕਾ ਸੋਵੀਅਤ ਸੰਘ ਤੋਂ ਬਾਅਦ ਦੁਨੀਆ ਦਾ ਚੌਥਾ ਦੇਸ਼ ਬਣ ਗਿਆ ਹੈ। ਅਮਰੀਕਾ, ਚੀਨ, ਸਾਬਕਾ ਸੋਵੀਅਤ ਸੰਘ ਨੇ ਚੰਦਰਮਾ ਦੀ ਸਤ੍ਹਾ 'ਤੇ 'ਸਾਫ਼ਟ ਲੈਂਡਿੰਗ' ਕੀਤੀ ਹੈ ਪਰ ਇਨ੍ਹਾਂ 'ਚੋਂ ਕਿਸੇ ਵੀ ਦੇਸ਼ ਨੇ ਚੰਦਰਮਾ ਦੇ ਦੱਖਣੀ ਧਰੁਵ ਖੇਤਰ 'ਚ 'ਸਾਫ਼ਟ ਲੈਂਡਿੰਗ' ਨਹੀਂ ਕੀਤੀ ਹੈ। ਚੰਦਰਯਾਨ-3 ਦੇ ਲੈਂਡਰ ਦੀ ਸਾਫਟ ਲੈਂਡਿੰਗ 'ਚ 15 ਤੋਂ 17 ਮਿੰਟ ਲੱਗੇ। ਚੰਦਰਯਾਨ 3 ਨੂੰ 14 ਜੁਲਾਈ 2023 ਨੂੰ ਦੁਪਹਿਰ 2.30 ਵਜੇ ਲਾਂਚ ਕੀਤਾ ਗਿਆ ਸੀ। The post ਏਲਨ ਮਸਕ ਅਤੇ ਸੁੰਦਰ ਪਿਚਾਈ ਨੇ Chandrayaan-3 ਦੀ ਸਫ਼ਲਤਾ 'ਤੇ ਭਾਰਤ ਨੂੰ ਦਿੱਤੀਆਂ ਵਧਾਈਆਂ appeared first on TV Punjab | Punjabi News Channel. Tags: chandrayaan-3 elon-musk india news sundar-pichai top-news trending-news washington world

ਭਿਆਨਕ ਜੰਗਲੀ ਅੱਗ 'ਚ ਸੁਰੱਖਿਅਤ ਬਚਿਆ 81 ਸਾਲ ਪੁਰਾਣਾ 'ਚਮਤਕਾਰੀ ਘਰ' Wednesday 23 August 2023 11:36 PM UTC+00 | Tags: fire lahaina maui-fire news top-news trending-news usa washington wildfire world Washington- ਇਸ ਮਹੀਨੇ ਮਾਉਈ ਦੇ ਜੰਗਲਾਂ ਲੱਗੀ ਅੱਗ ਨੇ ਹਰੇ ਭਰੇ ਅਤੇ ਖ਼ੁਸ਼ਹਾਲ ਲਾਹਿਨਾ ਕਸਬੇ ਨੂੰ ਇੱਕ ਭੂਤ ਇਲਾਕਾ ਬਣਾ ਕੇ ਰੱਖ ਦਿੱਤਾ। ਅੱਗ ਨਾਲ ਹੋਈ ਤਬਾਹੀ ਤੋਂ ਬਾਅਦ ਇੱਥੇ ਹਰ ਪਾਸੇ ਰਾਖ ਦੇ ਢੇਰ ਅਤੇ ਖੰਡਰ ਹੋ ਚੁੱਕੀਆਂ ਇਮਾਰਤ ਨਜ਼ਰ ਆ ਰਹੀਆਂ ਹਨ ਪਰ ਇਸ ਸਭ ਦੇ ਵਿਚਾਲੇ ਸੋਸ਼ਲ ਮੀਡੀਆ 'ਤੇ ਇੱਕ ਤਸਵੀਰ ਕਾਫ਼ੀ ਵਾਇਰਲ ਹੋ ਰਹੀ ਹੈ। ਇਸ ਤਸਵੀਰ 'ਚ ਇੱਕ 81 ਸਾਲ ਪੁਰਾਣਾ ਲਾਲ ਛੱਤ ਵਾਲਾ ਘਰ ਬਿਲਕੁਲ ਠੀਕ ਦਿਖਾਈ ਦੇ ਰਿਹਾ ਹੈ, ਜਿਸ ਨੂੰ ਕਿ ਅੱਗ ਕਾਰਨ ਜ਼ਰਾ ਵੀ ਨੁਕਸਾਨ ਨਹੀਂ ਪਹੁੰਚਿਆ, ਜਦਕਿ ਇਸ ਦੇ ਆਲੇ-ਦੁਆਲੇ ਦੀਆਂ ਸਾਰੀਆਂ ਇਮਾਰਤਾਂ ਸੜ ਕੇ ਸੁਆਹ ਹੋ ਚੁੱਕੀਆਂ ਹਨ। ਇਸ ਘਰ ਦੀਆਂ ਤਸਵੀਰਾਂ ਕਾਫ਼ੀ ਤੇਜ਼ੀ ਨਾਲ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀਆਂ ਹਨ ਅਤੇ ਕਈ ਲੋਕ ਇਸ ਨੂੰ 'ਚਮਤਕਾਰੀ ਘਰ' ਦੱਸ ਰਹੇ ਹਨ। ਇਸ ਬਾਰੇ 'ਚ ਗੱਲਬਾਤ ਕਰਦਿਆਂ ਘਰ ਦੇ ਮਾਲਕਾਂ ਟ੍ਰਿਪ ਮਿਲਿਕਿਨ ਅਤੇ ਡੋਰਾ ਏਟਵਾਟਰ ਮਿਲਿਕਿਨ ਨੇ ਦੱਸਿਆ ਕਿ ਉਨ੍ਹਾਂ ਨੇ ਇਹ ਘਰ ਸਾਲ 2021 'ਚ ਖ਼ਰੀਦਿਆ ਸੀ। ਬੀਤੀ 8 ਅਗਸਤ ਨੂੰ ਜਦੋਂ ਜੰਗਲ 'ਚ ਅੱਗ ਲੱਗੀ ਤਾਂ ਉਸ ਵੇਲੇ ਉਹ ਮੈਸੇਚਿਉਸੇਟਸ 'ਚ ਸਨ। ਉਸ ਵੇਲੇ ਉਨ੍ਹਾਂ ਨੂੰ ਮਹਿਸੂਸ ਹੋਇਆ ਕਿ ਹੁਣ ਉਨ੍ਹਾਂ ਦਾ ਘਰ ਵੀ ਇਸ ਅੱਗ 'ਚ ਪੂਰੀ ਤਰ੍ਹਾਂ ਤਬਾਹ ਹੋ ਜਾਵੇਗਾ। ਉਕਤ ਮਿਲਿਕਿਨ ਜੋੜੇ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਹੈਰਾਨੀ ਉਸ ਵੇਲੇ ਹੋਈ ਜਦੋਂ ਉਨ੍ਹਾਂ ਦੇ ਇੱਕ ਦੋਸਤ ਨੇ ਉਨ੍ਹਾਂ ਨੂੰ ਘਰ ਦੀ ਤਸਵੀਰ ਦਿਖਾਈ। ਉਨ੍ਹਾਂ ਦੱਸਿਆ ਕਿ ਪਹਿਲੀ ਨਜ਼ਰੇ ਤਾਂ ਉਨ੍ਹਾਂ ਨੂੰ ਮਹਿਸੂਸ ਹੋਇਆ ਜਿਵੇਂ ਕਿਸੇ ਨੇ ਫੋਟੋਸ਼ਾਪ ਦੀ ਮਦਦ ਨਾਲ ਅਜਿਹਾ ਕੀਤਾ ਹੈ ਪਰ ਸੱਚ ਪਤਾ ਲੱਗਣ ਤੋਂ ਬਾਅਦ ਉਹ ਖ਼ੁਦ ਹੈਰਾਨ ਰਹਿ ਗਏ। ਮਿਲਿਕਿਨ ਜੋੜੇ ਨੇ ਦੱਸਿਆ ਕਿ ਇਸ ਘਰ ਨੂੰ ਖ਼ਰੀਦਣ ਤੋਂ ਬਾਅਦ ਉਨ੍ਹਾਂ ਨੇ ਇਸ ਇਤਿਹਾਸਕ ਢਾਂਚੇ ਦੀ ਮੁਰੰਮਤ ਕਰਾਈ ਸੀ। ਉਨ੍ਹਾਂ ਦੱਸਿਆ ਕਿ ਉਨ੍ਹਾਂ ਨੇ ਘਰ ਦੀ ਪੁਰਾਣੀ ਛੱਤ ਦੀ ਥਾਂ ਸਟੀਲ ਦੀ ਛੱਤ ਲਗਾਈ ਸੀ। ਉਨ੍ਹਾਂ ਕਿਹਾ ਕਿ ਹੋ ਸਕਦਾ ਹੈ ਕਿ ਅਨੁਕੂਲ ਹਵਾਵਾਂ ਅਤੇ ਮੁਰੰਮਤ ਦੇ ਚੱਲਦਿਆਂ ਫਰੰਟ ਸਟਰੀਟ 'ਚ ਬਣੇ ਇਸ ਘਰ ਨੂੰ ਕੋਈ ਨੁਕਸਾਨ ਨਾ ਪਹੁੰਚਿਆ ਹੋਵੇ। The post ਭਿਆਨਕ ਜੰਗਲੀ ਅੱਗ 'ਚ ਸੁਰੱਖਿਅਤ ਬਚਿਆ 81 ਸਾਲ ਪੁਰਾਣਾ 'ਚਮਤਕਾਰੀ ਘਰ' appeared first on TV Punjab | Punjabi News Channel. Tags: fire lahaina maui-fire news top-news trending-news usa washington wildfire world

Pittsburgh shooting: ਕਈ ਘੰਟਿਆਂ ਦੀ ਗੋਲੀਬਾਰੀ ਮਗਰੋਂ ਪੁਲਿਸ ਨੇ ਮੌਤ ਦੇ ਘਾਟ ਉਤਾਰਿਆ ਸ਼ੱਕੀ Thursday 24 August 2023 12:36 AM UTC+00 | Tags: fbi garfield news pittsburgh police shooting top-news trending-news usa world Pittsburgh- ਪਿਟਸਬਰਗ ਦੇ ਗਾਰਫੀਲਡ 'ਚ ਕਰੀਬ ਛੇ ਘੰਟਿਆਂ ਤੱਕ ਹੋਈ ਗੋਲੀਬਾਰੀ ਮਗਰੋਂ ਅਖ਼ੀਰ ਪੁਲਿਸ ਨੇ ਇੱਕ ਬੰਦੂਕਧਾਰੀ ਨੂੰ ਮੌਤ ਦੇ ਘਾਟ ਉਤਾਰ ਦਿੱਤਾ। ਸ਼ੱਕੀ ਬੰਦੂਕਧਾਰੀ ਦੀ ਪਹਿਚਾਣ ਵਿਲੀਅਮ ਹਾਰਡੀਸਨ ਦੇ ਰੂਪ 'ਚ ਹੋਈ ਹੈ। ਇਸ ਪੂਰੇ ਮਾਮਲੇ ਸੰਬੰਧੀ ਪੁਲਿਸ ਵਲੋਂ ਦਿੱਤੀ ਗਈ ਜਾਣਕਾਰੀ ਮੁਤਾਬਕ ਗੋਲੀਬਾਰੀ ਦਾ ਇਹ ਸਿਲਸਿਲਾ ਬ੍ਰੌਡ ਅਤੇ ਨਾਰਥ ਮੈਥਿਲਡਾ ਸੜਕਾਂ 'ਤੇ ਸਥਿਤ ਇੱਕ ਘਰ 'ਚ ਬੁੱਧਵਾਰ ਸਵੇਰੇ 11 ਵਜੇ ਸ਼ੁਰੂ ਹੋਇਆ। ਅਲੇਗੇਨੀ ਕਾਊਂਟੀ ਸ਼ੈਰਿਫ ਕੇਵਿਨ ਕ੍ਰਾਸ ਨੇ ਦੱਸਿਆ ਕਿ ਜਦੋਂ ਇਨਫੋਰਸਮੈਂਟ ਅਧਿਕਾਰੀ ਉਕਤ ਘਰ 'ਚ ਰਹਿੰਦੇ ਸ਼ੱਕੀ ਨੂੰ ਬੇਦਖ਼ਲੀ ਨੋਟਿਸ ਦੇਣ ਗਏ ਤਾਂ ਉਸ ਨੇ ਘਰ ਅੰਦਰੋਂ ਗੋਲੀਬਾਰੀ ਸ਼ੁਰੂ ਕਰ ਦਿੱਤੀ। ਇਸ ਮਗਰੋਂ ਪਿਟਸਬਰਗ ਪਬਲਿਕ ਸੇਫ਼ਟੀ ਨੇ ਆਮ ਲੋਕਾਂ ਨੂੰ ਗੋਲੀਬਾਰੀ ਬਾਰੇ ਸੁਚੇਤ ਕੀਤਾ ਅਤੇ ਲੋਕਾਂ ਨੂੰ ਸੁਰੱਖਿਅਤ ਘਰਾਂ ਤੋਂ ਬਾਹਰ ਕੱਢਿਆ। ਸ਼ੈਰਿਫ ਕੇਵਿਨ ਕ੍ਰਾਸ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਸ਼ੱਕੀ ਨਾਲ ਕਈ ਵਾਰ ਗੱਲ ਕਰਨ ਦੀ ਕੋਸ਼ਿਸ਼ ਕੀਤੀ ਗਈ ਪਰ ਹਰ ਵਾਰ ਉਨ੍ਹਾਂ ਹੱਥ ਨਿਰਾਸ਼ਾ ਲੱਗੀ। ਉਨ੍ਹਾਂ ਕਿਹਾ ਕਿ ਹਾਰਡੀਸਨ ਪਹਿਲੀ ਅਤੇ ਦੂਜੀ ਮੰਜ਼ਲ ਦੀਆਂ ਖਿੜਕੀਆਂ ਅਤੇ ਕੰਧ ਰਾਹੀਂ ਗੋਲੀਬਾਰੀ ਕਰ ਰਿਹਾ ਸੀ। ਉਨ੍ਹਾਂ ਦੱਸਿਆ ਕਿ ਸ਼ੱਕੀ ਦੇ ਕੋਲ ਉਕਤ ਘਰ 'ਚ ਬਹੁਤ ਸਾਰਾ ਗੋਲਾ ਬਾਰੂਦ ਸੀ। ਘਟਨਾ ਦੀ ਗੰਭੀਰਤਾ ਨੂੰ ਦੇਖਦਿਆਂ ਪੁਲਿਸ ਦੀ ਸਹਾਇਤਾ ਲਈ ਮੌਕੇ 'ਤੇ ਐੱਫ. ਬੀ. ਆਈ. ਸਣੇ ਕਈ ਏਜੰਸੀਆਂ ਪਹੁੰਚ ਗਈਆਂ। ਉਨ੍ਹਾਂ ਅੱਗੇ ਦੱਸਿਆ ਕਿ ਅਸੀਂ ਬਹੁਤ ਵਾਰ ਸ਼ੱਕੀ ਨੂੰ ਬਾਹਰ ਆਉਣ ਦਾ ਮੌਕਾ ਦਿੱਤਾ ਪਰ ਅਜਿਹਾ ਨਾ ਹੋਇਆ, ਜਿਸ ਤੋਂ ਬਾਅਦ ਉਨ੍ਹਾਂ ਨੂੰ ਘਾਤਕ ਬਲ ਦੀ ਵਰਤੋਂ ਕਰਨੀ ਪਈ ਅਤੇ ਸ਼ਾਮੀਂ ਕਰੀਬ 5.15 ਵਜੇ ਪੁਲਿਸ ਨੇ ਦੱਸਿਆ ਕਿ ਸ਼ੱਕੀ ਨੂੰ ਮੌਤ ਦੇ ਘਾਟ ਉਤਾਰ ਦਿੱਤਾ ਗਿਆ ਹੈ। ਹਾਲਾਂਕਿ ਪੁਲਿਸ ਨੇ ਇਸ ਗੱਲ ਦੀ ਜਾਣਕਾਰੀ ਨਹੀਂ ਦਿੱਤੀ ਹੈ ਕਿ ਇਸ ਗੋਲੀਬਾਰੀ 'ਚ ਕੋਈ ਹੋਰ ਜ਼ਖ਼ਮੀ ਹੋਇਆ ਹੈ ਜਾਂ ਨਹੀਂ। ਉੱਧਰ ਵ੍ਹਾਈਟ ਹਾਊਸ ਮੁਤਾਬਕ, ਰਾਸ਼ਟਰਪਤੀ ਜੋਅ ਬਾਇਡਨ ਵਲੋਂ ਇਸ ਪੂਰੀ ਘਟਨਾ ਬਾਰੇ ਜਾਣਕਾਰੀ ਲਈ ਗਈ ਹੈ। The post Pittsburgh shooting: ਕਈ ਘੰਟਿਆਂ ਦੀ ਗੋਲੀਬਾਰੀ ਮਗਰੋਂ ਪੁਲਿਸ ਨੇ ਮੌਤ ਦੇ ਘਾਟ ਉਤਾਰਿਆ ਸ਼ੱਕੀ appeared first on TV Punjab | Punjabi News Channel. Tags: fbi garfield news pittsburgh police shooting top-news trending-news usa world

ਜਾਸੂਸੀ ਉਪਗ੍ਰਹਿ ਦੀ ਲਾਂਚਿੰਗ ਨੂੰ ਲੈ ਕੇ ਅਮਰੀਕਾ ਨੇ ਉੱਤਰੀ ਕੋਰੀਆ ਨੂੰ ਦਿੱਤੀ ਸਖ਼ਤ ਚਿਤਾਵਨੀ Thursday 24 August 2023 12:59 AM UTC+00 | Tags: news north-korea south-korea spy-satellite top-news trending-news usa washington world Washington- ਉੱਤਰੀ ਕੋਰੀਆ ਦੇ ਦੂਜੇ ਜਾਸੂਸੀ ਉਪਗ੍ਰਹਿ ਦੀ ਲਾਂਚਿੰਗ ਫੇਲ੍ਹ ਹੋਣ ਮਗਰੋਂ ਅਮਰੀਕਾ ਨੇ ਸਖ਼ਤ ਪ੍ਰਕਿਰਿਆ ਦਿੱਤੀ ਹੈ। ਅਮਰੀਕਾ ਦੇ ਵਿਦੇਸ਼ ਵਿਭਾਗ ਨੇ ਕਿਹਾ ਕਿ ਉੱਤਰੀ ਕੋਰੀਆ ਵਲੋਂ ਜਾਸੂਸੀ ਉਪਗ੍ਰਹਿ ਦੀ ਲਾਂਚਿੰਗ ਦਾ ਯਤਨ ਸੰਯੁਕਤ ਰਾਸ਼ਟਰ ਸੁਰੱਖਿਆ ਪ੍ਰੀਸ਼ਦ ਦੇ ਪ੍ਰਸਤਾਵਾਂ ਦੀ ਉਲੰਘਣਾ ਹੈ। ਇਸ ਦੇ ਨਾਲ ਹੀ ਅਮਰੀਕਾ ਨੇ ਉੱਤਰੀ ਕੋਰੀਆ ਨਾਲ ਬਿਨਾਂ ਕਿਸੇ ਸ਼ਰਤ ਤੋਂ ਗੱਲਬਾਤ ਦੀ ਮੰਗ ਕੀਤੀ ਹੈ। ਵਿਦੇਸ਼ ਵਿਭਾਗ ਦੇ ਬੁਲਾਰੇ ਨੇ ਇੱਕ ਬਿਆਨ ਕਿਹਾ ਕਿ ਅਮਰੀਕਾ ਨੇ ਉੱਤਰੀ ਕੋਰੀਆ ਨੂੰ ਕਿਸੇ ਵੀ ਅਜਿਹੀ ਗਤੀਵਿਧੀ ਤੋਂ ਦੂਰ ਰਹਿਣ ਦੀ ਅਪੀਲ ਕੀਤੀ ਹੈ, ਜਿਹੜੀ ਕਿ ਭੜਕਾਉਣ ਦਾ ਕੰਮ ਕਰਦੀ ਹੈ। ਨਾਲ ਹੀ ਉਨ੍ਹਾਂ ਨੇ ਉੱਤਰੀ ਕੋਰੀਆ ਨੂੰ ਕੂਟਨੀਤੀ 'ਚ ਸ਼ਾਮਿਲ ਹੋਣ ਲਈ ਕਿਹਾ ਹੈ। ਦੱਸ ਦਈਏ ਕਿ ਉੱਤਰੀ ਕੋਰੀਆ ਦੇ ਮੀਡੀਆ ਵਲੋਂ ਅੱਜ ਇਹ ਜਾਣਕਾਰੀ ਦਿੱਤੀ ਗਈ ਸੀ ਕਿ ਦੇਸ਼ ਦੇ ਦੂਜੇ ਜਾਸੂਸੀ ਉਪਗ੍ਰਹਿ ਦੀ ਲਾਂਚਿੰਗ ਫੇਲ੍ਹ ਹੋ ਗਈ ਹੈ। ਉੱਤਰੀ ਕੋਰੀਆ ਦਾ ਰਾਕੇਟ ਤੀਜੇ ਪੜਾਅ ਦੌਰਾਨ ਸਮੱਸਿਆ ਆਉਣ ਮਗਰੋਂ ਅਚਾਨਕ ਫੇਲ੍ਹ ਹੋ ਗਿਆ। ਹਾਲਾਂਕਿ ਉੱਤਰੀ ਕੋਰੀਆ ਦੇ ਅਧਿਕਾਰੀਆਂ ਨੇ ਅਕਤੂਬਰ 'ਚ ਮੁੜ ਤੀਜੇ ਯਤਨ ਦੀ ਕਸਮ ਖਾਧੀ ਹੈ। ਇਸ ਤੋਂ ਪਹਿਲਾਂ ਮਈ ਮਹੀਨੇ ਉਨ੍ਹਾਂ ਦਾ ਪਹਿਲਾ ਯਤਨ ਅਸਫ਼ਲ ਰਿਹਾ ਸੀ। ਪਰਮਾਣੂ ਹਥਿਆਰਾਂ ਨਾਲ ਲੈਸ ਉੱਤਰੀ ਕੋਰੀਆ ਆਪਣੇ ਪਹਿਲੇ ਫੌਜੀ ਜਾਸੂਸੀ ਉਪਗ੍ਰਹਿ ਨੂੰ ਲਾਂਚ ਕਰਨ ਦੀ ਲਗਾਤਾਰ ਕੋਸ਼ਿਸ਼ ਕਰ ਰਿਹਾ ਹੈ। ਉੱਤਰੀ ਕੋਰੀਆ ਦਾ ਕਹਿਣਾ ਹੈ ਕਿ ਉਹ ਅਮਰੀਕਾ ਅਤੇ ਦੱਖਣੀ ਕੋਰੀਆ ਦੀਆਂ ਫੌਜੀ ਸਰਗਰਮੀਆਂ 'ਤੇ ਨਜ਼ਰ ਰੱਖਣ ਲਈ ਇਸ ਉਪਗ੍ਰਹਿ ਨੂੰ ਲਾਂਚ ਕਰਨਾ ਚਾਹੁੰਦਾ ਹੈ। The post ਜਾਸੂਸੀ ਉਪਗ੍ਰਹਿ ਦੀ ਲਾਂਚਿੰਗ ਨੂੰ ਲੈ ਕੇ ਅਮਰੀਕਾ ਨੇ ਉੱਤਰੀ ਕੋਰੀਆ ਨੂੰ ਦਿੱਤੀ ਸਖ਼ਤ ਚਿਤਾਵਨੀ appeared first on TV Punjab | Punjabi News Channel. Tags: news north-korea south-korea spy-satellite top-news trending-news usa washington world

ਚਿਹਰੇ ਦੇ ਅਣਚਾਹੇ ਤਿਲ ਨੂੰ ਕਿਵੇਂ ਹਟਾਇਆ ਜਾਵੇ? Thursday 24 August 2023 04:22 AM UTC+00 | Tags: health health-news-in-punjabi home-remedies moles moles-home-remedies moles-treatment tv-punjab-news ਅਣਚਾਹੇ ਤਿਲ ਨਾ ਸਿਰਫ਼ ਵਿਅਕਤੀ ਦੇ ਚਿਹਰੇ ਨੂੰ ਸ਼ਰਮਿੰਦਾ ਕਰ ਸਕਦੇ ਹਨ, ਸਗੋਂ ਇਸ ਕਾਰਨ ਵਿਅਕਤੀ ਦੀ ਸੁੰਦਰਤਾ ਵੀ ਪ੍ਰਭਾਵਿਤ ਹੋ ਸਕਦੀ ਹੈ। ਅਜਿਹੀ ਸਥਿਤੀ ਵਿੱਚ, ਅਣਚਾਹੇ ਤਿਲਾਂ ਨੂੰ ਦੂਰ ਕਰਨ ਵਿੱਚ ਕੁਝ ਘਰੇਲੂ ਉਪਚਾਰ ਤੁਹਾਡੇ ਲਈ ਬਹੁਤ ਘੱਟ ਹੋ ਸਕਦੇ ਹਨ। ਅੱਜ ਦਾ ਲੇਖ ਇਸ ਵਿਸ਼ੇ ‘ਤੇ ਹੈ। ਅੱਜ ਇਸ ਲੇਖ ਰਾਹੀਂ ਅਸੀਂ ਤੁਹਾਨੂੰ ਦੱਸਾਂਗੇ ਕਿ ਅਣਚਾਹੇ ਤਿਲਾਂ ਨੂੰ ਦੂਰ ਕਰਨ ਲਈ ਕਿਹੜੇ ਘਰੇਲੂ ਨੁਸਖੇ ਫਾਇਦੇਮੰਦ ਹੋ ਸਕਦੇ ਹਨ। ਅੱਗੇ ਪੜ੍ਹੋ… ਅਣਚਾਹੇ ਤਿਲਾਂ ਨੂੰ ਦੂਰ ਕਰਨ ਲਈ ਘਰੇਲੂ ਉਪਚਾਰ ਅਣਚਾਹੇ ਤਿਲਾਂ ਦੀ ਸਮੱਸਿਆ ਨੂੰ ਦੂਰ ਕਰਨ ਲਈ ਨਾਰੀਅਲ ਦਾ ਤੇਲ ਤੁਹਾਡੇ ਲਈ ਬਹੁਤ ਫਾਇਦੇਮੰਦ ਹੋ ਸਕਦਾ ਹੈ। ਨਾਰੀਅਲ ਤੇਲ ਐਂਟੀਆਕਸੀਡੈਂਟ ਤੱਤਾਂ ਨਾਲ ਭਰਪੂਰ ਹੁੰਦਾ ਹੈ। ਅਜਿਹੇ ‘ਚ ਨਾਰੀਅਲ ਦੇ ਤੇਲ ਨਾਲ ਪ੍ਰਭਾਵਿਤ ਥਾਂ ਦੀ ਮਾਲਿਸ਼ ਕਰੋ। ਅਜਿਹਾ ਕਰਨ ਨਾਲ ਤਿਲ ਹਲਕਾ ਦਿਖਾਈ ਦੇ ਸਕਦਾ ਹੈ ਅਤੇ ਨਾਰੀਅਲ ਤੇਲ ਦੀ ਵਰਤੋਂ ਨਾਲ ਤੁਹਾਡੀ ਚਮੜੀ ਨੂੰ ਕੋਈ ਨੁਕਸਾਨ ਨਹੀਂ ਹੋਵੇਗਾ। ਤੁਸੀਂ ਆਪਣੀ ਚਮੜੀ ‘ਤੇ ਤਿਲ ਹਟਾਉਣ ਲਈ ਬੇਕਿੰਗ ਸੋਡਾ ਦੀ ਵਰਤੋਂ ਕਰ ਸਕਦੇ ਹੋ। ਅਜਿਹੇ ‘ਚ ਬੇਕਿੰਗ ਸੋਡੇ ‘ਚ ਕੈਸਟਰ ਆਇਲ ਮਿਲਾਓ ਅਤੇ ਮਿਸ਼ਰਣ ਨੂੰ ਪ੍ਰਭਾਵਿਤ ਜਗ੍ਹਾ ‘ਤੇ ਲਗਾਓ। ਹੁਣ ਇਸ ਨੂੰ ਰਾਤ ਭਰ ਇਸ ਤਰ੍ਹਾਂ ਛੱਡ ਦਿਓ। ਇਸ ਤੋਂ ਬਾਅਦ ਅਗਲੇ ਦਿਨ ਇਸ ਨੂੰ ਪਾਣੀ ਨਾਲ ਧੋ ਲਓ। ਅਜਿਹਾ ਕਰਨ ਨਾਲ ਅਣਚਾਹੇ ਤਿਲਾਂ ਦੀ ਸਮੱਸਿਆ ਤੋਂ ਛੁਟਕਾਰਾ ਮਿਲ ਸਕਦਾ ਹੈ। ਅਣਚਾਹੇ ਤਿਲਾਂ ਦੀ ਸਮੱਸਿਆ ਨੂੰ ਵੀ ਲਸਣ ਦੀ ਵਰਤੋਂ ਨਾਲ ਦੂਰ ਕੀਤਾ ਜਾ ਸਕਦਾ ਹੈ। ਅਜਿਹੇ ‘ਚ ਲਸਣ ਦੀਆਂ ਕੁਝ ਲੌਂਗਾਂ ਨੂੰ ਬਾਰੀਕ ਪੀਸ ਲਓ ਅਤੇ ਫਿਰ ਇਸ ਨੂੰ ਪ੍ਰਭਾਵਿਤ ਥਾਂ ‘ਤੇ ਲਗਾਓ। ਕੁਝ ਦੇਰ ਬਾਅਦ ਪ੍ਰਭਾਵਿਤ ਥਾਂ ਨੂੰ ਸਾਧਾਰਨ ਪਾਣੀ ਨਾਲ ਧੋ ਲਓ। ਅਜਿਹਾ ਕਰਨ ਨਾਲ ਫਾਇਦਾ ਹੋ ਸਕਦਾ ਹੈ। ਸ਼ਹਿਦ ਦੀ ਵਰਤੋਂ ਨਾਲ ਅਣਚਾਹੇ ਤਿਲਾਂ ਦੀ ਸਮੱਸਿਆ ਤੋਂ ਵੀ ਰਾਹਤ ਮਿਲ ਸਕਦੀ ਹੈ। ਅਜਿਹੇ ‘ਚ ਇਕ ਕਟੋਰੀ ‘ਚ ਹਲਦੀ ਅਤੇ ਸ਼ਹਿਦ ਨੂੰ ਮਿਲਾ ਕੇ ਪ੍ਰਭਾਵਿਤ ਜਗ੍ਹਾ ‘ਤੇ ਲਗਾਓ ਅਤੇ ਕੁਝ ਦੇਰ ਬਾਅਦ ਪ੍ਰਭਾਵਿਤ ਜਗ੍ਹਾ ਨੂੰ ਸਾਧਾਰਨ ਪਾਣੀ ਨਾਲ ਧੋ ਲਓ, ਅਜਿਹਾ ਕਰਨ ਨਾਲ ਤੁਸੀਂ ਅਣਚਾਹੇ ਤਿਲਾਂ ਦੀ ਸਮੱਸਿਆ ਤੋਂ ਛੁਟਕਾਰਾ ਪਾ ਸਕਦੇ ਹੋ। The post ਚਿਹਰੇ ਦੇ ਅਣਚਾਹੇ ਤਿਲ ਨੂੰ ਕਿਵੇਂ ਹਟਾਇਆ ਜਾਵੇ? appeared first on TV Punjab | Punjabi News Channel. Tags: health health-news-in-punjabi home-remedies moles moles-home-remedies moles-treatment tv-punjab-news

ਕੀ ਤੁਸੀਂ ਵੀ ਆਪਣੇ ਘੁੰਗਰਾਲੇ ਵਾਲਾਂ ਤੋਂ ਪਰੇਸ਼ਾਨ ਹੋ ਤਾਂ ਇਸ ਤਰ੍ਹਾਂ ਕਰੋ ਡੀਲ Thursday 24 August 2023 05:00 AM UTC+00 | Tags: curly-hair curly-hair-tips hair-care hair-care-tips health health-news-in-punjabi tv-punjab-news ਘੁੰਗਰਾਲੇ ਵਾਲਾਂ ਦੀ ਦੇਖਭਾਲ ਕਰਨਾ  ਥੋੜਾ ਮੁਸ਼ਕਲ ਹੈ। ਅਜਿਹੇ ‘ਚ ਜੇਕਰ ਤੁਸੀਂ ਆਪਣੇ ਘੁੰਗਰਾਲੇ ਵਾਲਾਂ ਕਾਰਨ ਪਰੇਸ਼ਾਨ ਹੋ ਤਾਂ ਤੁਸੀਂ ਇੱਥੇ ਦੱਸੇ ਗਏ ਕੁਝ ਤਰੀਕਿਆਂ ਨਾਲ ਆਪਣੇ ਵਾਲਾਂ ਦੀ ਦੇਖਭਾਲ ਕਰ ਸਕਦੇ ਹੋ। ਅੱਜ ਦਾ ਲੇਖ ਇਸ ਵਿਸ਼ੇ ‘ਤੇ ਹੈ। ਅੱਜ ਇਸ ਆਰਟੀਕਲ ਦੇ ਜ਼ਰੀਏ ਅਸੀਂ ਤੁਹਾਨੂੰ ਦੱਸਾਂਗੇ ਕਿ ਘੁੰਗਰਾਲੇ ਵਾਲਾਂ ਦੀ ਦੇਖਭਾਲ ਲਈ ਤੁਸੀਂ ਕਿਹੜੇ ਘਰੇਲੂ ਉਪਾਅ ਅਪਣਾ ਸਕਦੇ ਹੋ। ਅੱਗੇ ਪੜ੍ਹੋ… ਘੁੰਗਰਾਲੇ ਵਾਲਾਂ ਵਾਲੇ ਵਿਅਕਤੀ ਨੂੰ ਪਹਿਲਾਂ ਸਹੀ ਸ਼ੈਂਪੂ ਦੀ ਚੋਣ ਕਰਨੀ ਚਾਹੀਦੀ ਹੈ। ਵਾਲਾਂ ਦੀ ਸਮੱਸਿਆ ਨੂੰ ਦੂਰ ਕਰਨ ਲਈ ਸ਼ੈਂਪੂ ਤੁਹਾਡੇ ਲਈ ਬਹੁਤ ਫਾਇਦੇਮੰਦ ਹੋ ਸਕਦਾ ਹੈ। ਅਜਿਹੇ ‘ਚ ਸਹੀ ਸ਼ੈਂਪੂ ਦੀ ਚੋਣ ਕਰਨਾ ਬਹੁਤ ਜ਼ਰੂਰੀ ਹੈ। ਤੁਸੀਂ ਸਲਫੇਟ ਮੁਕਤ ਸ਼ੈਂਪੂ ਦੀ ਵਰਤੋਂ ਕਰਨ ਦੀ ਕੋਸ਼ਿਸ਼ ਕਰੋ। ਕੁਝ ਲੋਕਾਂ ਨੂੰ ਘੁੰਗਰਾਲੇ ਵਾਲਾਂ ਨੂੰ ਸਿੱਧਾ ਕਰਨ ਲਈ ਆਪਣੇ ਵਾਲਾਂ ‘ਤੇ ਵਾਰ-ਵਾਰ ਬੁਰਸ਼ ਦੀ ਵਰਤੋਂ ਕਰਨ ਦੀ ਆਦਤ ਹੁੰਦੀ ਹੈ, ਪਰ ਅਜਿਹਾ ਕਰਨਾ ਵਾਲਾਂ ਲਈ ਨੁਕਸਾਨਦੇਹ ਵੀ ਹੋ ਸਕਦਾ ਹੈ। ਦਿਨ ਵਿੱਚ ਇੱਕ ਜਾਂ ਦੋ ਵਾਰ ਬੁਰਸ਼ ਦੀ ਵਰਤੋਂ ਕਰੋ। ਜੇਕਰ ਤੁਸੀਂ ਆਪਣੇ ਵਾਲ ਧੋਣ ਤੋਂ ਬਾਅਦ ਆਏ ਹੋ, ਤਾਂ ਤੁਹਾਨੂੰ ਹਲਕੇ ਹੱਥਾਂ ਨਾਲ ਵਾਲਾਂ ਨੂੰ ਠੀਕ ਕਰਨਾ ਚਾਹੀਦਾ ਹੈ। ਰਾਤ ਨੂੰ ਵਾਲ ਬੰਨ੍ਹ ਕੇ ਸੌਂਵੋ। ਕੁਝ ਲੋਕ ਖੁੱਲ੍ਹੇ ਵਾਲਾਂ ਨਾਲ ਸੌਂਦੇ ਹਨ ਅਤੇ ਅਗਲੇ ਦਿਨ ਵਾਲ ਉਲਝ ਜਾਂਦੇ ਹਨ, ਜਿਸ ਕਾਰਨ ਉਹ ਟੁੱਟਣ ਲੱਗਦੇ ਹਨ। ਜੇਕਰ ਤੁਹਾਡੇ ਵਾਲ ਘੁੰਗਰਾਲੇ ਹਨ ਤਾਂ ਆਪਣੇ ਵਾਲਾਂ ਨੂੰ ਕੱਸ ਕੇ ਬੰਨ੍ਹ ਕੇ ਸੌਂ ਜਾਓ। ਵਾਲਾਂ ਲਈ ਕੰਡੀਸ਼ਨਰ ਜ਼ਰੂਰੀ ਹੈ। ਵਾਲਾਂ ਨੂੰ ਸ਼ੈਂਪੂ ਕਰਨ ਤੋਂ ਬਾਅਦ ਜੇਕਰ ਤੁਸੀਂ ਚਾਹੋ ਤਾਂ ਦੁਬਾਰਾ ਸ਼ੈਂਪੂ ਲਓ ਅਤੇ ਉਸ ਵਿਚ ਇਕ ਤੋਂ ਦੋ ਬੂੰਦਾਂ ਸਰ੍ਹੋਂ ਦੇ ਤੇਲ ਦੀਆਂ ਮਿਲਾ ਕੇ ਵਾਲਾਂ ‘ਤੇ ਲਗਾਓ। ਇਸ ਨਾਲ ਤੁਸੀਂ ਆਪਣੇ ਵਾਲਾਂ ਨੂੰ ਕੁਦਰਤੀ ਤਰੀਕੇ ਨਾਲ ਕੰਡੀਸ਼ਨ ਕਰ ਸਕਦੇ ਹੋ ਕੁਝ ਲੋਕ ਰੋਜ਼ਾਨਾ ਵਾਲ ਧੋਣੇ ਸ਼ੁਰੂ ਕਰ ਦਿੰਦੇ ਹਨ। ਜੇਕਰ ਤੁਹਾਡੇ ਵਾਲ ਘੁੰਗਰਾਲੇ ਹਨ, ਤਾਂ ਅਜਿਹਾ ਕਰਨ ਨਾਲ ਨਾ ਸਿਰਫ ਵਾਲ ਸੁੱਕੇ ਹੋ ਸਕਦੇ ਹਨ, ਸਗੋਂ ਵਾਰ-ਵਾਰ ਸਿਰ ਧੋਣ ਨਾਲ ਵਾਲ ਕਮਜ਼ੋਰ ਅਤੇ ਨਰਮ ਵੀ ਹੋ ਸਕਦੇ ਹਨ। ਤੁਸੀਂ ਹਫ਼ਤੇ ਵਿੱਚ ਦੋ ਜਾਂ ਤਿੰਨ ਵਾਰ ਆਪਣੇ ਵਾਲਾਂ ਨੂੰ ਧੋ ਸਕਦੇ ਹੋ। The post ਕੀ ਤੁਸੀਂ ਵੀ ਆਪਣੇ ਘੁੰਗਰਾਲੇ ਵਾਲਾਂ ਤੋਂ ਪਰੇਸ਼ਾਨ ਹੋ ਤਾਂ ਇਸ ਤਰ੍ਹਾਂ ਕਰੋ ਡੀਲ appeared first on TV Punjab | Punjabi News Channel. Tags: curly-hair curly-hair-tips hair-care hair-care-tips health health-news-in-punjabi tv-punjab-news

ਈ.ਡੀ ਦੀ ਰਡਾਰ 'ਚ ਆਇਆ ਪੰਜਾਬ ਦਾ ਇਹ ਸਾਬਕਾ ਕਾਂਗਰਸੀ ਮੰਤਰੀ Thursday 24 August 2023 05:43 AM UTC+00 | Tags: bharat-bhushan-ashu ed-raid-punjab india news punjab punjab-politics top-news trending-news ਡੈਸਕ- ਪੰਜਾਬ ਕਾਂਗਰਸ ਦੇ ਸੀਨੀਅਰ ਲੀਡਰ ਤੇ ਸਾਬਕਾ ਮੰਤਰੀ ਭਾਰਤ ਭੂਸ਼ਣ ਆਸ਼ੂ ਦੇ ਘਰ ਅੱਜ ਇਨਫੋਰਸਮੈਂਟ ਡਾਇਰੈਕਟੋਰੇਟ (ਈਡੀ) ਨੇ ਛਾਪਾ ਮਾਰਿਆ ਹੈ। ਈਡੀ ਦੀ ਟੀਮ ਸਵੇਰੇ ਲੁਧਿਆਣਾ ਦੀ ਕੋਚਰ ਮਾਰਕੀਟ ਨੇੜੇ ਸਾਬਕਾ ਮੰਤਰੀ ਆਸ਼ੂ ਦੇ ਘਰ ਪਹੁੰਚੀ। ਇਸ ਤੋਂ ਇਲਾਵਾ ਖੁਰਾਕ ਤੇ ਸਪਲਾਈ ਵਿਭਾਗ ਦੇ ਕਈ ਅਧਿਕਾਰੀਆਂ ਦੇ ਘਰ ਵੀ ਜਾਂਚ ਚੱਲ ਰਹੀ ਹੈ। ਫਿਲਹਾਲ ਇਸ ਮਾਮਲੇ ਦੇ ਸਬੰਧ ਵਿੱਚ ਈਡੀ ਦੀ ਟੀਮ ਵੱਲੋਂ ਕੋਈ ਜਾਣਕਾਰੀ ਨਹੀਂ ਦਿੱਤੀ ਗਈ ਜਦਕਿ ਸਾਬਕਾ ਮੰਤਰੀ ਆਸ਼ੂ ਦੇ ਘਰ ਦੇ ਬਾਹਰ ਭਾਰੀ ਪੁਲਿਸ ਬਲ ਤਾਇਨਾਤ ਹੈ। ਮਹੱਤਵਪੂਰਨ ਗੱਲ ਇਹ ਹੈ ਕਿ ਭਾਰਤ ਭੂਸ਼ਣ ਆਸ਼ੂ ਕਾਂਗਰਸ ਸਰਕਾਰ ਵਿੱਚ ਖੁਰਾਕ ਤੇ ਸਪਲਾਈ ਮੰਤਰੀ ਸਨ। ਉਸ ਦੌਰਾਨ ਆਸ਼ੂ ‘ਤੇ ਅਨਾਜ ਦੀ ਢੋਆ-ਢੁਆਈ ਸਮੇਤ ਕਈ ਹੋਰ ਘਪਲੇ ਕਰਨ ਦੇ ਦੋਸ਼ ਲੱਗੇ ਸਨ। ਦੱਸ ਦਈਏ ਕਿ ਪੰਜਾਬ ਸਰਕਾਰ ਨੇ ਆਸ਼ੂ ਖ਼ਿਲਾਫ਼ ਲੁਧਿਆਣਾ ਸਮੇਤ ਹੋਰ ਥਾਵਾਂ 'ਤੇ ਕੇਸ ਦਰਜ ਕੀਤੇ ਹਨ। ਇਸ ਕਾਰਨ ਆਸ਼ੂ ਨੂੰ ਕਈ ਮਹੀਨੇ ਜੇਲ੍ਹ ਕੱਟਣੀ ਪਈ ਤੇ ਹੁਣ ਉਹ ਜ਼ਮਾਨਤ ‘ਤੇ ਬਾਹਰ ਹੈ। ਈਡੀ ਨੇ ਵਿਜੀਲੈਂਸ ਤੋਂ ਅਨਾਜ ਘੁਟਾਲੇ ਦੇ ਦਰਸਤਾਵੇਜ ਲਏ ਸਨ। ਇਸ ਤੋਂ ਬਾਅਦ ਜਾਂਚ ਪ੍ਰਕਿਰਿਆ ਦੇ ਹਿੱਸੇ ਵਜੋਂ ਅੱਜ ਛਾਪੇਮਾਰੀ ਕੀਤੀ ਗਈ ਹੈ। ਫਿਲਹਾਲ ਈਡੀ ਦੀ ਟੀਮ ਜਾਂਚ ਵਿੱਚ ਲੱਗੀ ਹੋਈ ਹੈ। ਹਾਸਲ ਜਾਣਕਾਰੀ ਮੁਤਾਬਕ ਭਾਰਤ ਭੂਸ਼ਨ ਆਸ਼ੂ ਤੋਂ ਇਲਾਵਾ ਇੰਪਰੂਮੈਂਟ ਟਰੱਸਟ ਦੇ ਸਾਬਾਕਾ ਚੇਅਰਮੈਨ ਤੇ ਪੀਏ ਮਨੂੰ ਮਲਹੋਤਰਾ, ਅਨਿਲ ਜੈਨ, ਆੜ੍ਹਤੀ ਕ੍ਰਿਸ਼ਨ ਲਾਲ ਧੋਤੀ ਵਾਲਾ ਤੇ ਤੇਲੂ ਰਾਮ ਠੇਕੇਦਾਰ ਆਦਿ ਦੇ ਘਰ ਵੀ ਰੇਡ ਕੀਤੀ ਗਈ ਹੈ। The post ਈ.ਡੀ ਦੀ ਰਡਾਰ 'ਚ ਆਇਆ ਪੰਜਾਬ ਦਾ ਇਹ ਸਾਬਕਾ ਕਾਂਗਰਸੀ ਮੰਤਰੀ appeared first on TV Punjab | Punjabi News Channel. Tags: bharat-bhushan-ashu ed-raid-punjab india news punjab punjab-politics top-news trending-news

ਹੁਣ ਸਾਲ ਵਿੱਚ 2 ਵਾਰ ਹੋਣਗੀਆਂ ਬੋਰਡ ਦੀਆਂ ਪ੍ਰੀਖਿਆਵਾਂ, ਸਕੂਲੀ ਸਿੱਖਿਆ-ਪ੍ਰੀਖਿਆ ਨੂੰ ਲੈ ਕੇ ਅਹਿਮ ਐਲਾਨ Thursday 24 August 2023 06:00 AM UTC+00 | Tags: board-exams-in-india education-ministry india news punjab punjab-politics top-news trending-news ਡੈਸਕ- ਸਿੱਖਿਆ ਦੇ ਖੇਤਰ ਵਿੱਚ ਸਿੱਖਿਆ ਮੰਤਰਾਲੇ ਵੱਲੋਂ ਲਗਾਤਾਰ ਬਦਲਾਅ ਕੀਤੇ ਜਾ ਰਹੇ ਹਨ। ਕੇਂਦਰੀ ਸਿੱਖਿਆ ਮੰਤਰਾਲੇ ਨੇ ਅੱਜ ਸਕੂਲੀ ਸਿੱਖਿਆ-ਪ੍ਰੀਖਿਆ ਨੂੰ ਲੈ ਕੇ ਅਹਿਮ ਐਲਾਨ ਕੀਤਾ ਹੈ। ਇਹ ਐਲਾਨ ਰਾਸ਼ਟਰੀ ਸਿੱਖਿਆ ਨੀਤੀ 2020 ਦੇ ਉਪਬੰਧਾਂ ਨੂੰ ਲਾਗੂ ਕਰਦਿਆਂ ਹੋਇਆਂ ਕੀਤਾ ਗਿਆ ਹੈ। ਜਿਸ ਅਨੁਸਾਰ ਹੁਣ ਬੋਰਡ ਦੀਆਂ ਪ੍ਰੀਖਿਆਵਾਂ ਸਾਲ ਵਿੱਚ ਦੋ ਵਾਰ ਹੋਣਗੀਆਂ। ਇਸ ਵਿੱਚ ਵਿਦਿਆਰਥੀਆਂ ਕੋਲ ਇਹ ਵਿਕਲਪ ਹੋਵੇਗਾ ਕਿ ਉਹ ਦੋਵੇਂ ਸੈਸ਼ਨਾਂ ਦੀਆਂ ਪ੍ਰੀਖਿਆਵਾਂ ਵਿੱਚ ਵਧੀਆ ਅੰਕਾਂ ਨੂੰ ਫਾਈਨਲ ਮਾਰਕਸ ਮੰਨ ਸਕਦੇ ਹਨ। ਸਾਰੇ ਬੋਰਡਾਂ ਵੱਲੋਂ ਬੋਰਡ ਦੀਆਂ ਪ੍ਰੀਖਿਆਵਾਂ ਸਾਲ ਵਿੱਚ ਸਿਰਫ਼ ਇੱਕ ਵਾਰ ਹੀ ਕਰਵਾਈਆਂ ਜਾਂਦੀਆਂ ਹਨ। ਸਿੱਖਿਆ ਮੰਤਰਾਲਾ ਨਵੇਂ ਪ੍ਰੀਖਿਆ ਪੈਟਰਨ ਅਧਾਰਤ ਬੋਰਡ ਪ੍ਰੀਖਿਆਵਾਂ ਦੇ ਵਿਸ਼ਿਆਂ ਦੇ ਸੰਬੰਧ ਵਿੱਚ ਵਿਦਿਆਰਥੀਆਂ ਦੀ ਸਮਝ ਅਤੇ ਪ੍ਰਤੀਯੋਗੀ ਪ੍ਰਾਪਤੀਆਂ ਦਾ ਮੁਲਾਂਕਣ ਕਰੇਗੀ। ਇਸ ਤੋਂ ਇਲਾਵਾ ਕਲਾਸ ਵਿੱਚ ਕਾਪੀਆਂ ਦੇ ਕਵਰ ਕਰਨ ਦੇ ਵਰਤਮਾਨ ਚਲਨ ਤੋਂ ਬਚਿਆ ਜਾਵੇਗਾ। ਇਸ ਦੇ ਨਾਲ ਹੀ ਕਾਪੀਆਂ ਦੀ ਲਾਗਤ ਨੂੰ ਅਨੁਕੂਲਿਤ ਕੀਤਾ ਜਾਵੇਗਾ। ਉੱਥੇ ਹੀ ਸਕੂਲ ਬੋਰਡ ਸਹੀ ਸਮੇਂ ਵਿੱਚ ਆਨ ਡਿਮਾਂਡ ਪ੍ਰੀਖਿਆ ਦੀ ਪੇਸ਼ਕਸ਼ ਕਰਨ ਦੀ ਸਮਰੱਥਾ ਵਿਕਸਿਤ ਕਰਨਗੇ। ਸਿੱਖਿਆ ਮੰਤਰਾਲੇ ਵੱਲੋਂ ਕੀਤੇ ਗਏ ਬਦਲਾਅ ਤਹਿਤ 11ਵੀਂ ਅਤੇ 12ਵੀਂ ਜਮਾਤ ਦੇ ਵਿਦਿਆਰਥੀਆਂ ਦੀ ਸਟ੍ਰੀਮ ਦੀ ਚੋਣ ਕਰਨ ਦੀ ਮਜਬੂਰੀ ਨੂੰ ਹੁਣ ਹਟਾ ਦਿੱਤਾ ਗਿਆ ਹੈ। ਹੁਣ ਵਿਦਿਆਰਥੀ ਇਨ੍ਹਾਂ ਜਮਾਤਾਂ ਵਿੱਚ ਆਪਣੀ ਪਸੰਦ ਦੇ ਵਿਸ਼ੇ ਚੁਣਨ ਲਈ ਆਜ਼ਾਦ ਹੋਣਗੇ। ਇਸ ਤੋਂ ਇਲਾਵਾ ਸਿੱਖਿਆ ਮੰਤਰਾਲੇ ਨੇ ਇਹ ਵੀ ਕਿਹਾ ਹੈ ਕਿ ਵਿਦਿਆਰਥੀਆਂ ਨੂੰ 11ਵੀਂ ਅਤੇ 12ਵੀਂ ਜਮਾਤ ‘ਚ ਦੋ ਭਾਸ਼ਾਵਾਂ ਦਾ ਅਧਿਐਨ ਕਰਨਾ ਹੋਵੇਗਾ, ਘੱਟੋ-ਘੱਟ ਇਕ ਭਾਸ਼ਾ ਭਾਰਤੀ ਹੋਣੀ ਚਾਹੀਦੀ ਹੈ। 2024 ਵਿੱਚ ਪਾਠ ਪੁਸਤਕਾਂ ਵਿਕਸਤ ਕੀਤੀਆਂ ਜਾਣਗੀਆਂ। ਮੌਜੂਦਾ ਸਥਿਤੀ ਵਿੱਚ ਸਾਰੇ ਬੋਰਡਾਂ ਦੇ ਪਾਠਕ੍ਰਮ ਅਨੁਸਾਰ ਵਿਦਿਆਰਥੀਆਂ ਨੂੰ ਸਾਇੰਸ, ਕਾਮਰਸ, ਆਰਟਸ, ਵੋਕੇਸ਼ਨਲ ਆਦਿ ਵਿੱਚੋਂ ਕਿਸੇ ਇੱਕ ਦੀ ਚੋਣ ਕਰਨੀ ਪੈਂਦੀ ਹੈ। ਰਾਸ਼ਟਰੀ ਪਾਠਕ੍ਰਮ ਫਰੇਮਵਰਕ ਸਮੀਖਿਆ ਅਤੇ ਐਨਐਸਟੀਸੀ ਕਮੇਟੀ ਦੀ ਸਾਂਝੀ ਵਰਕਸ਼ਾਪ ਦੌਰਾਨ ਕੇਂਦਰੀ ਸਿੱਖਿਆ ਮੰਤਰੀ ਧਰਮਿੰਦਰ ਪ੍ਰਧਾਨ ਨੇ ਕਿਹਾ ਕਿ ਕਸਤੂਰੀਰੰਗਨ ਦੀ ਅਗਵਾਈ ਹੇਠ ਸਟੀਅਰਿੰਗ ਕਮੇਟੀ ਨੇ ਨਵੀਂ ਰਾਸ਼ਟਰੀ ਸਿੱਖਿਆ ਨੀਤੀ ਲਈ ਸਿਲੇਬਸ ਤਿਆਰ ਕੀਤਾ ਹੈ। ਉਨ੍ਹਾਂ ਨੇ ਸਰਕਾਰ ਨੂੰ ਸੌਂਪ ਦਿੱਤਾ ਹੈ। ਸਰਕਾਰ ਨੇ ਇਸ ਨੂੰ ਐਨ.ਸੀ.ਈ.ਆਰ.ਟੀ. NCERT ਦੁਆਰਾ ਦੋ ਕਮੇਟੀਆਂ, ਰਾਸ਼ਟਰੀ ਨਿਰੀਖਣ ਕਮੇਟੀ ਅਤੇ ਰਾਸ਼ਟਰੀ ਪਾਠਕ੍ਰਮ ਅਤੇ ਪਾਠ ਪੁਸਤਕ ਕਮੇਟੀ (NSTC) ਬਣਾਈਆਂ ਗਈਆਂ ਹਨ। ਇਹ ਦੋਵੇਂ ਕਮੇਟੀਆਂ 21ਵੀਂ ਸਦੀ ਦੀਆਂ ਲੋੜਾਂ ਅਤੇ ਮੂਲ ਭਾਰਤੀ ਸੋਚ ਦੇ ਆਧਾਰ ‘ਤੇ ਇੱਕ ਸਿਲੇਬਸ ਤਿਆਰ ਕਰਨਗੀਆਂ। The post ਹੁਣ ਸਾਲ ਵਿੱਚ 2 ਵਾਰ ਹੋਣਗੀਆਂ ਬੋਰਡ ਦੀਆਂ ਪ੍ਰੀਖਿਆਵਾਂ, ਸਕੂਲੀ ਸਿੱਖਿਆ-ਪ੍ਰੀਖਿਆ ਨੂੰ ਲੈ ਕੇ ਅਹਿਮ ਐਲਾਨ appeared first on TV Punjab | Punjabi News Channel. Tags: board-exams-in-india education-ministry india news punjab punjab-politics top-news trending-news

ਸੱਜਣ ਕੁਮਾਰ ਖ਼ਿਲਾਫ਼ ਧਾਰਾ 302 ਹਟਾਈ ਜਾਣ ਲਈ ਕੇਂਦਰ ਸਰਕਾਰ ਜ਼ਿੰਮੇਵਾਰ-ਸੁਖਬੀਰ ਬਾਦਲ Thursday 24 August 2023 06:24 AM UTC+00 | Tags: 84-sikh-masscare 84-sikh-riots akali-dal india news punjab punjab-politics sajjan-kumar sukhbir-badal top-news trending-news ਡੈਸਕ- ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਨੇ ਕਿਹਾ ਕਿ 1984 ਦੇ ਸਿੱਖ ਕਤਲੇਆਮ ਮਾਮਲੇ ਵਿਚ ਸੱਜਣ ਕੁਮਾਰ ਖ਼ਿਲਾਫ਼ ਕੇਸ ਦੀ ਪੈਰਵੀ ਵਿਚ ਕੇਂਦਰ ਸਰਕਾਰ ਮਾੜਾ ਤੇ ਗ਼ੈਰ-ਗੰਭੀਰ ਰਵੱਈਆ ਅਪਣਾ ਰਹੀ ਹੈ ਜਿਸ ਕਾਰਨ ਉਸ ਖ਼ਿਲਾਫ਼ ਕਤਲ ਦੇ ਦੋਸ਼ ਰੱਦ ਕਰ ਦਿੱਤੇ ਗਏ ਹਨ। ਬਾਦਲ ਨੇ ਕਿਹਾ ਕਿ ਸੱਜਣ ਕੁਮਾਰ ਖ਼ਿਲਾਫ਼ ਧਾਰਾ 302 ਹਟਾਈ ਜਾਣ ਦੀ ਜ਼ਿੰਮੇਵਾਰੀ ਸਰਕਾਰੀ ਧਿਰ ਦੀ ਬਣਦੀ ਹੈ। ਉਨ੍ਹਾਂ ਕਿਹਾ ਕਿ ਇਸ ਨਾਲ ਸਿੱਖ ਦੇ ਜ਼ਖ਼ਮਾਂ 'ਤੇ ਲੂਣ ਛਿੜਕਿਆ ਗਿਆ ਹੈ ਤੇ ਇਸ ਨਾਲ ਸਿੱਖ ਕੌਮ ਦਾ ਨਿਆਂ ਪ੍ਰਣਾਲੀ ਦੀ ਕਾਰਗੁਜ਼ਾਰੀ 'ਤੇ ਵਿਸ਼ਵਾਸ ਘਟਿਆ ਹੈ। ਸੁਖਬੀਰ ਬਾਦਲ ਕਿਹਾ ਕਿ ਸਾਰੀ ਦੁਨੀਆ ਜਾਣਦੀ ਹੈ ਕਿ ਸੱਜਣ ਕੁਮਾਰ, ਜਗਦੀਸ਼ ਟਾਈਟਲਰ ਤੇ ਅਨੇਕਾਂ ਹੋਰ ਕਾਂਗਰਸੀ ਆਗੂਆਂ ਦੇ ਹੱਥ ਨਿਰਦੋਸ਼ ਸਿੱਖਾਂ ਦੇ ਖ਼ੂਨ ਨਾਲ ਲਿਬੜੇ ਹੋਏ ਹਨ। ਉਨ੍ਹਾਂ ਕਿਹਾ ਕਿ ਦਿੱਲੀ ਵਿਚ ਸਮੇਂ ਦੀਆਂ ਸਰਕਾਰਾਂ ਨੇ ਇਨ੍ਹਾਂ ਨੂੰ ਕਾਫੀ ਛੋਟਾਂ ਦਿੱਤੀਆਂ। ਅਕਾਲੀ ਦਲ ਖ਼ਾਲਸਾ ਪੰਥ ਦੀ ਅਨਿਆਂ ਖ਼ਿਲਾਫ਼ ਲੜਾਈ ਦੀ ਅਗਵਾਈ ਕਰਦਾ ਰਹੇਗਾ ਤੇ ਜਦੋਂ ਤੱਕ ਸਾਰੇ ਕਾਤਲ ਫਾਂਸੀ ਨਹੀਂ ਚੜ੍ਹਾਏ ਜਾਂਦੇ, ਟਿਕ ਕੇ ਨਹੀਂ ਬੈਠੇਗਾ। ਬਾਦਲ ਨੇ ਪੰਜਾਬ ਸਰਕਾਰ ਵੱਲੋਂ ਕਿਸਾਨਾਂ ਖ਼ਿਲਾਫ ਜਬਰ ਦੀ ਲਹਿਰ ਵਿੱਢਣ ਦੀ ਵੀ ਨਿਖੇਧੀ ਕੀਤੀ। ਬਾਦਲ ਨੇ ਕਿਹਾ ਕਿ ਮਾਨ ਨੂੰ ਸਿੱਖ ਤੇ ਅਕਾਲੀ ਇਤਿਹਾਸ ਤੋਂ ਸਿੱਖਣ ਦੀ ਬਹੁਤ ਲੋੜ ਹੈ। ਜਿੰਨਾ ਜ਼ਿਆਦਾ ਜ਼ੁਲਮ ਸਾਡੇ 'ਤੇ ਕੀਤਾ ਗਿਆ, ਓਨਾ ਜ਼ਿਆਦਾ ਤਕੜੇ ਹੋ ਕੇ ਅਸੀਂ ਨਿੱਤਰੇ ਹਾਂ। ਉਨ੍ਹਾਂ ਕਿਹਾ ਕਿ ਕੋਈ ਵੀ ਕਦੇ ਵੀ ਖਾਲਸਾ ਪੰਥ ਨੂੰ ਹਰਾਉਣ ਦੀ ਸੋਚ ਨਹੀਂ ਸਕਦਾ। ਕਿਸਾਨਾਂ ਖ਼ਿਲਾਫ਼ ਵਰਤੇ ਰਵੱਈਏ ਦੀ ਬਾਦਲ ਨੇ ਨਿਖੇਧੀ ਕੀਤੀ ਤੇ ਕਿਹਾ ਕਿ ਪਹਿਲਾਂ ਹੀ ਸ਼ਾਂਤੀਪੂਰਨ ਰੋਸ ਪ੍ਰਦਰਸ਼ਨ ਦੌਰਾਨ ਇਕ ਬੇਕਸੂਰ ਦੀ ਮੌਤ ਹੋ ਚੁੱਕੀ ਹੈ। ਬਾਦਲ ਨੇ ਸ਼ਾਂਤੀਪੂਰਨ ਕਿਸਾਨ ਦੇ ਕਤਲ ਲਈ ਮੁੱਖ ਮੰਤਰੀ ਖਿਲਾਫ ਕਤਲ ਕੇਸ ਦਰਜ ਕਰਨ ਦੀ ਮੰਗ ਕੀਤੀ। ਇਸੇ ਦੌਰਾਨ ਉਨ੍ਹਾਂ ਚੰਦਰਮਾ 'ਤੇ ਚੰਦਰਯਾਨ-3 ਮਿਸ਼ਨ ਦੀ ਸਫਲਤਾ ਲਈ ਦੇਸ਼ ਦੇ ਵਿਗਿਆਨੀਆਂ ਤੇ ਲੋਕਾਂ ਨੂੰ ਵਧਾਈ ਦਿੱਤੀ। ਉਨ੍ਹਾਂ ਕਿਹਾ ਕਿ ਵਿਗਿਆਨੀਆਂ ਦਾ ਇਸ ਕੰਮ ਵਿਚ ਵਿਸ਼ੇਸ਼ ਯੋਗਦਾਨ ਹੈ ਤੇ ਇਸ ਵਾਸਤੇ ਸਭ ਨੂੰ ਵਧਾਈ ਹੈ। The post ਸੱਜਣ ਕੁਮਾਰ ਖ਼ਿਲਾਫ਼ ਧਾਰਾ 302 ਹਟਾਈ ਜਾਣ ਲਈ ਕੇਂਦਰ ਸਰਕਾਰ ਜ਼ਿੰਮੇਵਾਰ-ਸੁਖਬੀਰ ਬਾਦਲ appeared first on TV Punjab | Punjabi News Channel. Tags: 84-sikh-masscare 84-sikh-riots akali-dal india news punjab punjab-politics sajjan-kumar sukhbir-badal top-news trending-news

ਇਨ੍ਹਾਂ ਸਕੂਲਾਂ ਦੀਆਂ ਛੁੱਟੀਆਂ ਰੱਦ, ਸਰਕਾਰ ਨੇ ਬਦਲਿਆ ਫੈਸਲਾ Thursday 24 August 2023 06:38 AM UTC+00 | Tags: harjot-bains heavy-rain-punjab india maritoriuos-school-punjab news punjab punjab-politics punjab-schools-open top-news trending-news ਡੈਸਕ- ਪੰਜਾਬ ਸਰਕਾਰ ਵਲੋਂ ਹੜ੍ਹਾਂ ਦੇ ਮੱਦੇਨਜ਼ਰ ਪੰਜਾਬ ਦੇ ਸਾਰੀ ਸਿੱਖਿਅਕ ਅਦਾਰਿਆਂ ਚ 26 ਅਗਸਤ ਤੱਕ ਛੁੱਟੀ ਕਰ ਦਿੱਤੀ ਹੈ।ਸਰਕਾਰ ਦੇ ਇਸ ਫੈਸਲੇ ਦਾ ਕਈ ਨਿੱਜੀ ਸਕੂਲਾਂ ਦੇ ਪ੍ਰਿੰਸੀਪਲਾਂ ਵਲੋਂ ਵਿਰੋਧ ਕੀਤਾ ਜਾ ਰਿਹਾ ਹੈ। ਉਨ੍ਹਾਂ ਦਾ ਤਰਕ ਹੈ ਕਿ ਸਿਰਫ ਪ੍ਰਭਾਵਤ ਇਲਾਕਿਆਂ ਚ ਹੀ ਸਕੂਲ ਬੰਦ ਹੋਣੇ ਚਾਹੀਦੇ ਹਨ, ਪੂਰੇ ਸੂਬੇ ਚ ਨਹੀ। ਇਸੇ ਵਿਚਕਾਰ ਨੇ ਸਰਕਾਰ ਨੇ ਆਪਣੇ ਫੈਸਲੇ ਚ ਥੌੜਾ ਬਦਲਾਅ ਵੀ ਕੀਤਾ ਹੈ। ਪੰਜਾਬ ਸਰਕਾਰ ਨੇ ਸੂਬੇ ਦੇ ਸਾਰੇ ਮੈਰੀਟੋਰੀਅਸ ਸਕੂਲਾਂ ਨੂੰ ਖੋਲ੍ਹਣ ਦਾ ਫੈਸਲਾ ਕੀਤਾ ਹੈ।ਸਰਕਾਰ ਦਾ ਤਰਕ ਹੈ ਕਿ ਇਨ੍ਹਾਂ ਸਕੂਲਾਂ ਚ ਹੋਸਟਲ ਮੌਜੂਦ ਹਨ। ਜਿਨ੍ਹਾਂ ਚ ਵਿਦਿਆਰਥੀ ਰਹਿਣਦੇ ਹਨ। ਇਨ੍ਹਾਂ ਬੱਚਿਆਂ ਨੂੰ ਆਉਣ ਜਾਣ ਦੀ ਕੋਈ ਤਕਲੀਫ ਨਹੀ ਹੈ। ਇਸ ਲਈ ਇਨ੍ਹਾਂ ਸਕੂਲਾਂ ਚ ਸਿੱਖਿਆ ਜਾਰੀ ਰਹੇਗੀ। The post ਇਨ੍ਹਾਂ ਸਕੂਲਾਂ ਦੀਆਂ ਛੁੱਟੀਆਂ ਰੱਦ, ਸਰਕਾਰ ਨੇ ਬਦਲਿਆ ਫੈਸਲਾ appeared first on TV Punjab | Punjabi News Channel. Tags: harjot-bains heavy-rain-punjab india maritoriuos-school-punjab news punjab punjab-politics punjab-schools-open top-news trending-news

ਦੁੱਧਸਾਗਰ ਝਰਨਾ: ਮੰਡੋਵੀ ਨਦੀ 'ਤੇ ਹੈ ਇਹ ਝਰਨਾ, 320 ਮੀਟਰ ਦੀ ਉਚਾਈ ਤੋਂ ਡਿੱਗਦਾ ਹੈ ਪਾਣੀ Thursday 24 August 2023 05:30 AM UTC+00 | Tags: best-tourist-places dudhsagar-falls dudhsagar-falls-goa dudhsagar-falls-history tourist-destinations travel travel-news travel-news-in-punjabi travel-tips tv-punjab-news Dudhsagar Waterfalls : ਭਾਰਤ ਵਿੱਚ ਕਈ ਮਸ਼ਹੂਰ ਝਰਨੇ ਹਨ, ਜਿਨ੍ਹਾਂ ਨੂੰ ਦੇਸ਼-ਵਿਦੇਸ਼ ਤੋਂ ਸੈਲਾਨੀ ਦੇਖਣ ਆਉਂਦੇ ਹਨ। ਇਨ੍ਹਾਂ ਝਰਨੇ ਦੀ ਖਾਸੀਅਤ ਇਹ ਹੈ ਕਿ ਪਾਣੀ ਇੰਨੀ ਉਚਾਈ ਤੋਂ ਡਿੱਗਦਾ ਹੈ ਕਿ ਦੇਖਣਾ ਆਪਣੇ ਆਪ ‘ਚ ਹੈਰਾਨੀ ਵਾਲੀ ਗੱਲ ਹੈ। ਇਹ ਝਰਨੇ ਸੈਲਾਨੀਆਂ ਦਾ ਮਨ ਮੋਹ ਲੈਂਦੇ ਹਨ। ਇੱਥੇ ਅਸੀਂ ਤੁਹਾਨੂੰ ਅਜਿਹੇ ਹੀ ਇੱਕ ਝਰਨੇ ਬਾਰੇ ਦੱਸ ਰਹੇ ਹਾਂ, ਜਿਸ ਵਿੱਚ 320 ਮੀਟਰ ਦੀ ਉਚਾਈ ਤੋਂ ਪਾਣੀ ਡਿੱਗਦਾ ਹੈ। ਇਹ ਝਰਨਾ ਕਿਹੜਾ ਹੈ ਇਸ ਝਰਨੇ ਦਾ ਨਾਮ ਦੁੱਧਸਾਗਰ ਵਾਟਰਫਾਲ ਹੈ। ਇਹ ਝਰਨਾ ਗੋਆ ਅਤੇ ਕਰਨਾਟਕ ਦੀ ਸਰਹੱਦ ‘ਤੇ ਹੈ। ਦੁੱਧਸਾਗਰ ਝਰਨਾ ਪਣਜੀ ਤੋਂ 60 ਕਿਲੋਮੀਟਰ ਦੂਰ ਹੈ। ਇਸ ਝਰਨੇ ਨੂੰ ਦੇਖਣ ਲਈ ਦੂਰ-ਦੂਰ ਤੋਂ ਸੈਲਾਨੀ ਆਉਂਦੇ ਹਨ। ਜਦੋਂ ਇਸ ਝਰਨੇ ਨੂੰ ਦੂਰੋਂ ਦੇਖਿਆ ਜਾਵੇ ਤਾਂ ਇੰਝ ਲੱਗਦਾ ਹੈ ਜਿਵੇਂ ਪਾਣੀ ਦੀ ਬਜਾਏ ਉੱਪਰੋਂ ਦੁੱਧ ਡਿੱਗ ਰਿਹਾ ਹੋਵੇ, ਇਸੇ ਕਰਕੇ ਇਸ ਦਾ ਨਾਂ ਦੁੱਧਸਾਗਰ ਰੱਖਿਆ ਗਿਆ ਹੈ। ਦੁੱਧਸਾਗਰ ਭਾਰਤ ਦੇ ਸਭ ਤੋਂ ਉੱਚੇ ਝਰਨਾਂ ਵਿੱਚੋਂ ਇੱਕ ਹੈ। ਸਭ ਤੋਂ ਖਾਸ ਗੱਲ ਇਹ ਹੈ ਕਿ ਇਹ ਝਰਨਾ ਭਾਰਤ ਦੇ ਸਭ ਤੋਂ ਉੱਚੇ ਝਰਨੇ ਵਿੱਚ ਸ਼ਾਮਲ ਹੈ। ਮੰਡੋਵੀ ਨਦੀ ‘ਤੇ ਬਣਿਆ ਇਹ ਝਰਨਾ ਜਦੋਂ ਉਚਾਈ ਤੋਂ ਡਿੱਗਦਾ ਹੈ ਤਾਂ ਸੈਲਾਨੀਆਂ ਨੂੰ ਮੰਤਰਮੁਗਧ ਕਰ ਦਿੰਦਾ ਹੈ। ਇਸ ਝਰਨੇ ਦੀ ਖੂਬਸੂਰਤੀ ਅਜਿਹੀ ਹੈ ਕਿ ਇਕ ਵਾਰ ਇਸ ਨੂੰ ਨੇੜਿਓਂ ਦੇਖ ਕੇ ਵਾਰ-ਵਾਰ ਦੇਖਣ ਦਾ ਮਨ ਕਰਦਾ ਹੈ। ਇੱਥੇ ਜਾਣ ਤੋਂ ਬਾਅਦ, ਤੁਸੀਂ ਮਹਿਸੂਸ ਕਰੋਗੇ ਕਿ ਕੁਦਰਤ ਅਸਲ ਵਿੱਚ ਕਿੰਨੀ ਸੁੰਦਰ ਹੈ ਅਤੇ ਪਹਾੜ, ਨਦੀਆਂ, ਝਰਨੇ ਅਤੇ ਘਾਟੀਆਂ ਮਨੁੱਖ ਨੂੰ ਅੰਦਰੋਂ ਕਿਵੇਂ ਖੁਸ਼ ਕਰਦੀਆਂ ਹਨ। ਸੈਲਾਨੀ ਹਫ਼ਤੇ ਦੇ ਸੱਤੇ ਦਿਨ ਸਵੇਰੇ 9 ਵਜੇ ਤੋਂ ਸ਼ਾਮ 6 ਵਜੇ ਤੱਕ ਇਸ ਝਰਨੇ ਦਾ ਦੌਰਾ ਕਰ ਸਕਦੇ ਹਨ। ਇਸ ਝਰਨੇ ਦੇ ਆਲੇ-ਦੁਆਲੇ ਦਾ ਸਾਰਾ ਇਲਾਕਾ ਸੁਰੱਖਿਅਤ ਹੈ। ਇਹ ਇਲਾਕਾ ਬਹੁਤ ਹੀ ਸੁੰਦਰ ਅਤੇ ਕੁਦਰਤੀ ਸੁੰਦਰਤਾ ਨਾਲ ਭਰਪੂਰ ਹੈ। ਸੈਲਾਨੀ ਇਸ ਝਰਨੇ ਤੱਕ ਪਹੁੰਚਣ ਲਈ ਜੀਪ ਸਫਾਰੀ ਲੈ ਸਕਦੇ ਹਨ। ਇੱਥੇ ਪਹੁੰਚ ਕੇ ਸੈਲਾਨੀ ਜਿਨ੍ਹਾਂ ਰਸਤਿਆਂ ਤੋਂ ਲੰਘਦੇ ਹਨ, ਉਨ੍ਹਾਂ ਦੀ ਸੁੰਦਰਤਾ ਉਨ੍ਹਾਂ ਦਾ ਮਨ ਖੁਸ਼ ਕਰ ਦਿੰਦੀ ਹੈ। ਇਸ ਖੇਤਰ ਵਿੱਚ ਤੁਸੀਂ ਆਪਣੇ ਦੋਸਤਾਂ ਨਾਲ ਲੰਬੀ ਟ੍ਰੈਕਿੰਗ ਵੀ ਕਰ ਸਕਦੇ ਹੋ। ਸੈਲਾਨੀ ਇੱਥੇ ਟ੍ਰੈਕਿੰਗ ਅਤੇ ਕੈਂਪਿੰਗ ਵੀ ਕਰ ਸਕਦੇ ਹਨ। The post ਦੁੱਧਸਾਗਰ ਝਰਨਾ: ਮੰਡੋਵੀ ਨਦੀ ‘ਤੇ ਹੈ ਇਹ ਝਰਨਾ, 320 ਮੀਟਰ ਦੀ ਉਚਾਈ ਤੋਂ ਡਿੱਗਦਾ ਹੈ ਪਾਣੀ appeared first on TV Punjab | Punjabi News Channel. Tags: best-tourist-places dudhsagar-falls dudhsagar-falls-goa dudhsagar-falls-history tourist-destinations travel travel-news travel-news-in-punjabi travel-tips tv-punjab-news

Trekking And Camping: ਟ੍ਰੈਕਿੰਗ-ਕੈਂਪਿੰਗ ਲਈ ਸਭ ਤੋਂ ਵਧੀਆ ਹੈ ਉੱਤਰਾਖੰਡ ਦਾ ਇਹ ਪਹਾੜੀ ਸਟੇਸ਼ਨ Thursday 24 August 2023 06:00 AM UTC+00 | Tags: best-hill-stations-for-trekking kanatal-hill-stations kanatal-uttarakhand tourist-destinations travel travel-news-in-punjabi trekking trekking-and-camping-in-uttarakhand trekking-tips tv-punjab-news Trekking and Camping in Uttarakhand: ਜੇਕਰ ਤੁਸੀਂ ਉੱਤਰਾਖੰਡ ਵਿੱਚ ਟ੍ਰੈਕਿੰਗ ਅਤੇ ਕੈਂਪਿੰਗ ਲਈ ਇੱਕ ਪਹਾੜੀ ਸਟੇਸ਼ਨ ਦੀ ਭਾਲ ਕਰ ਰਹੇ ਹੋ ਜੋ ਕਿ ਕਾਫ਼ੀ ਸ਼ਾਂਤ ਹੈ ਅਤੇ ਸੈਲਾਨੀਆਂ ਦੀ ਘੱਟ ਭੀੜ ਹੈ, ਤਾਂ ਬਿਨਾਂ ਦੋ ਵਾਰ ਸੋਚੇ ਕਾਨਾਤਾਲ ਨੂੰ ਚੁਣੋ। ਮੇਰੇ ‘ਤੇ ਵਿਸ਼ਵਾਸ ਕਰੋ, ਇਸ ਪਹਾੜੀ ਸਟੇਸ਼ਨ ਦਾ ਦੌਰਾ ਕਰਨ ਤੋਂ ਬਾਅਦ, ਤੁਸੀਂ ਹੋਰ ਪਹਾੜੀ ਸਟੇਸ਼ਨਾਂ ਨੂੰ ਭੁੱਲ ਜਾਓਗੇ. ਇਹ ਇੱਕ ਛੋਟਾ ਹਿੱਲ ਸਟੇਸ਼ਨ ਹੈ, ਪਰ ਇਸ ਨੂੰ ਲੈ ਕੇ ਸੈਲਾਨੀਆਂ ਵਿੱਚ ਬਹੁਤ ਉਤਸ਼ਾਹ ਹੈ। ਜੇਕਰ ਤੁਸੀਂ ਅਜੇ ਤੱਕ ਕਾਨਾਤਾਲ ਨਹੀਂ ਦੇਖਿਆ ਹੈ, ਤਾਂ ਤੁਰੰਤ ਇੱਥੇ ਸੈਰ ਕਰੋ ਅਤੇ ਕੈਂਪਿੰਗ ਅਤੇ ਟ੍ਰੈਕਿੰਗ ਦਾ ਆਨੰਦ ਲਓ। ਕਾਨਾਤਾਲ ਸਮੁੰਦਰ ਤਲ ਤੋਂ 25,90 ਮੀਟਰ ਦੀ ਉਚਾਈ ‘ਤੇ ਹੈ। ਕਾਨਾਤਾਲ ਹਿੱਲ ਸਟੇਸ਼ਨ ਦੇਹਰਾਦੂਨ ਤੋਂ ਲਗਭਗ 78 ਕਿਲੋਮੀਟਰ ਦੂਰ ਹੈ। ਦਿੱਲੀ ਤੋਂ ਇਸ ਪਹਾੜੀ ਸਟੇਸ਼ਨ ਦੀ ਦੂਰੀ ਲਗਭਗ 300 ਕਿਲੋਮੀਟਰ ਹੈ। ਇੱਥੇ ਸੈਲਾਨੀ ਸਾਹਸੀ ਗਤੀਵਿਧੀਆਂ ਕਰ ਸਕਦੇ ਹਨ ਅਤੇ ਕੈਂਪਿੰਗ ਦਾ ਆਨੰਦ ਲੈ ਸਕਦੇ ਹਨ। ਇਸ ਹਿੱਲ ਸਟੇਸ਼ਨ ਵਿੱਚ ਸੈਲਾਨੀ ਪਹਾੜਾਂ, ਵਾਦੀਆਂ, ਝਰਨੇ, ਨਦੀਆਂ ਅਤੇ ਜੰਗਲਾਂ ਨੂੰ ਦੇਖ ਸਕਦੇ ਹਨ। ਇਸ ਹਿੱਲ ਸਟੇਸ਼ਨ ‘ਤੇ ਸੈਲਾਨੀ ਕੋਡਈ ਦੇ ਜੰਗਲ ‘ਚ ਟ੍ਰੈਕਿੰਗ ਕਰ ਸਕਦੇ ਹਨ। ਜੇਕਰ ਤੁਸੀਂ ਸੱਚਮੁੱਚ ਕੁਦਰਤ ਦੀ ਅਸਲ ਸੁੰਦਰਤਾ ਦੇਖਣਾ ਚਾਹੁੰਦੇ ਹੋ, ਤਾਂ ਯਕੀਨੀ ਤੌਰ ‘ਤੇ ਆਪਣੀ ਯਾਤਰਾ ਸੂਚੀ ਵਿੱਚ ਕਾਨਾਤਾਲ ਨੂੰ ਸ਼ਾਮਲ ਕਰੋ। ਇੱਥੋਂ ਦੀ ਕੁਦਰਤੀ ਸੁੰਦਰਤਾ ਸੈਲਾਨੀਆਂ ਦਾ ਮਨ ਮੋਹ ਲੈਂਦੀ ਹੈ। ਇਹ ਛੋਟਾ ਪਹਾੜੀ ਸਥਾਨ ਟਿਹਰੀ ਗੜ੍ਹਵਾਲ ਜ਼ਿਲ੍ਹੇ ਵਿੱਚ ਹੈ। ਕਾਨਾਤਾਲ ਹਿੱਲ ਸਟੇਸ਼ਨ, ਜੋ ਕਿ ਮਸੂਰੀ ਹਾਈਵੇ ‘ਤੇ ਪੈਂਦਾ ਹੈ, ਸਮੁੰਦਰ ਤਲ ਤੋਂ 2590 ਮੀਟਰ ਦੀ ਉਚਾਈ ‘ਤੇ ਹੈ। ਜੇਕਰ ਤੁਸੀਂ ਰੇਲਗੱਡੀ ਰਾਹੀਂ ਕਾਨਾਤਾਲ ਹਿੱਲ ਸਟੇਸ਼ਨ ਜਾਂਦੇ ਹੋ, ਤਾਂ ਤੁਹਾਨੂੰ ਦੇਹਰਾਦੂਨ ਵਿਖੇ ਉਤਰਨਾ ਪਵੇਗਾ। ਦਿੱਲੀ ਤੋਂ ਦੇਹਰਾਦੂਨ ਦੀ ਦੂਰੀ ਲਗਭਗ 241 ਕਿਲੋਮੀਟਰ ਹੈ। ਇਸ ਤੋਂ ਬਾਅਦ ਤੁਹਾਨੂੰ ਸੜਕ ਰਾਹੀਂ ਕਾਨਾਤਾਲ ਹਿਲ ਸਟੇਸ਼ਨ ਜਾਣਾ ਪਵੇਗਾ। ਜੇਕਰ ਤੁਸੀਂ ਦੇਹਰਾਦੂਨ ਤੋਂ ਸੜਕ ਰਾਹੀਂ ਕਾਨਾਤਾਲ ਜਾਂਦੇ ਹੋ, ਤਾਂ ਤੁਹਾਨੂੰ ਲਗਭਗ 60 ਕਿਲੋਮੀਟਰ ਦੀ ਇਹ ਦੂਰੀ ਤੈਅ ਕਰਨੀ ਪਵੇਗੀ। ਇਸ ਦੇ ਨਾਲ ਹੀ ਤੁਸੀਂ ਦਿੱਲੀ ਤੋਂ ਬੱਸ ਰਾਹੀਂ ਕਾਨਾਤਾਲ ਵੀ ਜਾ ਸਕਦੇ ਹੋ। ਪਹਿਲਾਂ ਤੁਸੀਂ ਦਿੱਲੀ ਤੋਂ ਦੇਹਰਾਦੂਨ ਜਾਂਦੇ ਹੋ, ਫਿਰ ਉਥੋਂ ਸੜਕ ਰਾਹੀਂ ਟੈਕਸੀ ਲੈ ਕੇ ਕਾਨਾਤਾਲ ਜਾ ਸਕਦੇ ਹੋ। ਤੁਸੀਂ ਨਵੀਂ ਦਿੱਲੀ ਤੋਂ ਰਿਸ਼ੀਕੇਸ਼ ਰਾਹੀਂ ਕਾਨਾਤਾਲ ਵੀ ਜਾ ਸਕਦੇ ਹੋ। ਇਸ ਦੇ ਲਈ ਤੁਹਾਨੂੰ ਪਹਿਲਾਂ ਰਿਸ਼ੀਕੇਸ਼ ਉਤਰਨਾ ਹੋਵੇਗਾ। ਦਿੱਲੀ ਤੋਂ ਰਿਸ਼ੀਕੇਸ਼ ਸਟੇਸ਼ਨ ਦੀ ਦੂਰੀ 250 ਕਿਲੋਮੀਟਰ ਹੈ ਅਤੇ ਇੱਥੋਂ ਕਾਨਾਤਾਲ ਦੀ ਦੂਰੀ 75 ਕਿਲੋਮੀਟਰ ਹੈ। The post Trekking And Camping: ਟ੍ਰੈਕਿੰਗ-ਕੈਂਪਿੰਗ ਲਈ ਸਭ ਤੋਂ ਵਧੀਆ ਹੈ ਉੱਤਰਾਖੰਡ ਦਾ ਇਹ ਪਹਾੜੀ ਸਟੇਸ਼ਨ appeared first on TV Punjab | Punjabi News Channel. Tags: best-hill-stations-for-trekking kanatal-hill-stations kanatal-uttarakhand tourist-destinations travel travel-news-in-punjabi trekking trekking-and-camping-in-uttarakhand trekking-tips tv-punjab-news

ਹੁਣ128GB ਸਟੋਰੇਜ ਨਾਲ ਲਾਂਚ ਹੋਇਆ Redmi ਦਾ ਇਹ ਫੋਨ, ਸਿਰਫ 8,499 ਰੁਪਏ ਹੈ ਕੀਮਤ Thursday 24 August 2023 07:00 AM UTC+00 | Tags: redmi redmi-a2 redmi-a2+ redmi-a2+-battery redmi-a2+-features redmi-a2+-price redmi-a2+-ram redmi-a2+-sale redmi-a2+-specs redmi-a2+-storage tech-autos tech-news-in-punjabi tv-punjab-news Redmi ਨੇ ਭਾਰਤ ‘ਚ ਆਪਣੇ Redmi A2+ ਸਮਾਰਟਫੋਨ ਦਾ ਨਵਾਂ ਰੈਮ ਅਤੇ ਸਟੋਰੇਜ ਵੇਰੀਐਂਟ ਲਾਂਚ ਕੀਤਾ ਹੈ। ਇਸ ਸਮਾਰਟਫੋਨ ਨੂੰ ਸ਼ੁਰੂਆਤ ‘ਚ ਇਸ ਸਾਲ ਮਾਰਚ ‘ਚ Redmi A2 ਦੇ ਨਾਲ ਲਾਂਚ ਕੀਤਾ ਗਿਆ ਸੀ। ਇਸ ਫੋਨ ਦੀ ਲਾਂਚਿੰਗ 4GB ਰੈਮ ਅਤੇ 64GB ਸਟੋਰੇਜ ਵੇਰੀਐਂਟ ‘ਚ ਕੀਤੀ ਗਈ ਸੀ। ਹਾਲਾਂਕਿ, ਹੁਣ ਗਾਹਕਾਂ ਨੂੰ ਸਟੋਰੇਜ ਦਾ ਵਿਕਲਪ ਮਿਲੇਗਾ। Redmi A2+ ਨੂੰ ਨਵੇਂ 4GB ਰੈਮ ਅਤੇ 128GB ਸਟੋਰੇਜ ਵਿਕਲਪ ਵਿੱਚ ਲਾਂਚ ਕੀਤਾ ਗਿਆ ਹੈ। ਇਸ ਦੀ ਕੀਮਤ 8,499 ਰੁਪਏ ਰੱਖੀ ਗਈ ਹੈ। ਇਹ ਕੰਪਨੀ ਦੀ ਸਾਈਟ ‘ਤੇ ਸੂਚੀਬੱਧ ਹੈ. ਗਾਹਕ ਇਸ ਨੂੰ Amazon ਅਤੇ Xiaomi ਰਿਟੇਲ ਸਟੋਰਾਂ ਤੋਂ ਵੀ ਖਰੀਦ ਸਕਦੇ ਹਨ Redmi A2+ ਦਾ ਪੁਰਾਣਾ 4GB RAM + 64GB ਸਟੋਰੇਜ ਵੇਰੀਐਂਟ ਸਾਈਟ ‘ਤੇ 7,999 ਰੁਪਏ ‘ਚ ਲਿਸਟ ਕੀਤਾ ਗਿਆ ਹੈ। ਇਹ ਫੋਨ ਕਲਾਸਿਕ ਬਲੈਕ, ਸੀ ਗ੍ਰੀਨ ਅਤੇ ਐਕਵਾ ਬਲੂ ਕਲਰ ਆਪਸ਼ਨ ‘ਚ ਆਉਂਦਾ ਹੈ। Redmi A2+ ਦੀਆਂ ਵਿਸ਼ੇਸ਼ਤਾਵਾਂ ਬਾਰੇ ਗੱਲ ਕਰੀਏ ਤਾਂ, ਇਸ ਵਿੱਚ 120Hz ਟੱਚ ਸੈਂਪਲਿੰਗ ਰੇਟ ਦੇ ਨਾਲ ਇੱਕ 6.52-ਇੰਚ HD+ (1600 x 720 ਪਿਕਸਲ) LCD ਡਿਸਪਲੇਅ ਹੈ। ਇਸ ਫੋਨ ‘ਚ 4GB ਤੱਕ ਦੀ ਰੈਮ ਦੇ ਨਾਲ MediaTek Helio G36 ਪ੍ਰੋਸੈਸਰ ਹੈ। ਯੂਜ਼ਰਸ ਫੋਨ ਦੀ ਰੈਮ ਨੂੰ 3GB ਤੱਕ ਵਧਾ ਸਕਦੇ ਹਨ। ਕਿਉਂਕਿ ਇਸ ‘ਚ ਵਰਚੁਅਲ ਰੈਮ ਨੂੰ ਵੀ ਸਪੋਰਟ ਕੀਤਾ ਗਿਆ ਹੈ। ਇਹ ਹੈਂਡਸੈੱਟ ਡਿਊਲ-ਸਿਮ ਨੂੰ ਸਪੋਰਟ ਕਰਦਾ ਹੈ ਅਤੇ ਇਹ ਐਂਡਰਾਇਡ 13 ‘ਤੇ ਚੱਲਦਾ ਹੈ। ਫੋਟੋਗ੍ਰਾਫੀ ਲਈ ਫੋਨ ਦੇ ਰੀਅਰ ‘ਚ 8MP ਪ੍ਰਾਇਮਰੀ ਕੈਮਰਾ ਅਤੇ ਸੈਲਫੀ ਲਈ 5MP ਕੈਮਰਾ ਦਿੱਤਾ ਗਿਆ ਹੈ। ਫੋਨ ਦੀ ਬੈਟਰੀ 5,000mAh ਹੈ ਅਤੇ ਇਸ ‘ਚ 32 ਦਿਨਾਂ ਦਾ ਸਟੈਂਡਬਾਏ ਮੋਡ ਮਿਲੇਗਾ। The post ਹੁਣ128GB ਸਟੋਰੇਜ ਨਾਲ ਲਾਂਚ ਹੋਇਆ Redmi ਦਾ ਇਹ ਫੋਨ, ਸਿਰਫ 8,499 ਰੁਪਏ ਹੈ ਕੀਮਤ appeared first on TV Punjab | Punjabi News Channel. Tags: redmi redmi-a2 redmi-a2+ redmi-a2+-battery redmi-a2+-features redmi-a2+-price redmi-a2+-ram redmi-a2+-sale redmi-a2+-specs redmi-a2+-storage tech-autos tech-news-in-punjabi tv-punjab-news

ਹਨੀ ਮੱਟੂ ਅਤੇ ਬਨਿੰਦਰ ਬੰਨੀ: ਮਸਤਾਨੇ ਵਿੱਚ ਜ਼ਹੂਰ ਦੇ ਕਿਰਦਾਰ ਲਈ 2 ਥੰਮ੍ਹ Thursday 24 August 2023 09:00 AM UTC+00 | Tags: baninder-banni entertainment entertainment-news-in-punjabi honey-mattu tv-punjab-news ਆਗਾਮੀ ਪੰਜਾਬੀ ਸਿਨੇਮੇ ਦੀ ਮਾਸਟਰਪੀਸ “ਮਸਤਾਨੇ” ਵਿੱਚ ਹਨੀ ਮੱਟੂ ਅਤੇ ਬਨਿੰਦਰ ਬੰਨੀ ਦੁਆਰਾ ਦਰਸਾਏ ਗਏ ਕਿਰਦਾਰ ਤਾਕਤ ਦੇ ਥੰਮ੍ਹ ਅਤੇ ਹਿੰਮਤ ਦੇ ਪ੍ਰਤੀਕ ਵਜੋਂ ਖੜੇ ਹਨ। ਉਨ੍ਹਾਂ ਦੇ ਪਾਤਰ ਆਮ ਆਦਮੀਆਂ ਤੋਂ ਅਸਾਧਾਰਨ ਯੋਧਿਆਂ ਤੱਕ ਦੇ ਸਫ਼ਰ ਦੇ ਗਵਾਹ ਹਨ। ਹਨੀ ਮੱਟੂ ਦਾ ਕਿਰਦਾਰ ‘ਜ਼ੁਲਫੀ’ ਅਣਥੱਕ ਦ੍ਰਿੜ੍ਹ ਇਰਾਦੇ ਅਤੇ ਸਮਰਪਣ ਨਾਲ ਗੂੰਜਦਾ ਹੈ। ਉਸ ਦੀਆਂ ਅੱਖਾਂ ਵਿੱਚ ਦ੍ਰਿੜਤਾ ਨਾਲ, ਉਹ ਇੱਕ ਅਜਿਹੀ ਸ਼ਖਸੀਅਤ ਨੂੰ ਦਰਸਾਉਂਦਾ ਹੈ ਜੋ ਸਮਾਜਿਕ ਨਿਯਮਾਂ ਨੂੰ ਚੁਣੌਤੀ ਦਿੰਦਾ ਹੈ ਅਤੇ ਔਰਤਾਂ ਅਤੇ ਸਮਾਜ ਦੇ ਦੱਬੇ-ਕੁਚਲੇ ਵਰਗਾਂ ‘ਤੇ ਹੋਣ ਵਾਲੀਆਂ ਬੇਇਨਸਾਫੀਆਂ ਵਿਰੁੱਧ ਲੜਦਾ ਹੈ। ਉਸਦਾ ਸੂਖਮ ਚਿੱਤਰਣ ਇੱਕ ਅਜਿਹੇ ਪਾਤਰ ਨੂੰ ਜੀਵਨ ਵਿੱਚ ਲਿਆਉਂਦਾ ਹੈ ਜੋ ਤਬਦੀਲੀ ਲਈ ਇੱਕ ਪ੍ਰੇਰਣਾ ਵਜੋਂ ਕੰਮ ਕਰਦਾ ਹੈ। ਇਸਦੇ ਉਲਟ, ਬਨਿੰਦਰ ਬੰਨੀ ਦਇਆ ਅਤੇ ਲਚਕੀਲੇਪਣ ਦੇ ਤੱਤ ਨੂੰ ਬੁਣਦਾ ਹੈ। ਉਸਦਾ ਕਿਰਦਾਰ 'ਫੀਨਾ' ਅੱਤਿਆਚਾਰ ਦੇ ਸਮੇਂ ਵਿੱਚ ਏਕਤਾ ਦੀ ਲਾਜ਼ਮੀ ਲੋੜ ਨੂੰ ਦਰਸਾਉਂਦਾ ਹੈ। ਬਨਿੰਦਰ ਬੰਨੀ ਦੀ ਆਪਣੇ ਸਾਥੀ ਕਿਰਦਾਰਾਂ, ਖਾਸ ਤੌਰ ‘ਤੇ ਜ਼ਹੂਰ ਪ੍ਰਤੀ ਅਟੁੱਟ ਵਫ਼ਾਦਾਰੀ ਦਾ ਰੂਪ, ਮੁਸੀਬਤ ਦੇ ਸਾਮ੍ਹਣੇ ਸਮੂਹਿਕ ਤਾਕਤ ਦੇ ਫਿਲਮ ਦੇ ਸੰਦੇਸ਼ ਨੂੰ ਵਧਾਉਂਦਾ ਹੈ।   ਹਨੀ ਮੱਟੂ ਨੇ ਆਪਣਾ ਤਜਰਬਾ ਸਾਂਝਾ ਕਰਦੇ ਹੋਏ ਕਿਹਾ, “‘ਮਸਤਾਨੇ’ ਵਿੱਚ ਆਪਣੇ ਕਿਰਦਾਰ ਨੂੰ ਦਰਸਾਉਂਦੇ ਹੋਏ, ਮੈਂ ਆਪਣੇ ਅਮੀਰ ਇਤਿਹਾਸ ਦੇ ਅਜਿਹੇ ਮਹੱਤਵਪੂਰਨ ਹਿੱਸੇ ਨੂੰ ਉਜਾਗਰ ਕਰਨ ਲਈ ਜ਼ਿੰਮੇਵਾਰੀ ਦੀ ਡੂੰਘੀ ਭਾਵਨਾ ਮਹਿਸੂਸ ਕਰਦਾ ਹਾਂ। ਇੱਕ ਅਜਿਹੀ ਸ਼ਖਸੀਅਤ ਨੂੰ ਮੂਰਤੀਮਾਨ ਕਰਨਾ ਇੱਕ ਸਨਮਾਨ ਦੀ ਗੱਲ ਹੈ ਜੋ ਸਮਾਜਿਕ ਰੁਕਾਵਟਾਂ ਦੇ ਵਿਰੁੱਧ ਅਡੋਲ ਖੜ੍ਹੀ ਹੈ, ਸਾਨੂੰ ਯਾਦ ਦਿਵਾਉਂਦੀ ਹੈ ਕਿ ਦ੍ਰਿੜਤਾ ਨਾਲ ਤਬਦੀਲੀ ਸੰਭਵ ਹੈ। " ਬਨਿੰਦਰ ਬੰਨੀ ਨੇ ਆਪਣਾ ਤਜਰਬਾ ਸਾਂਝਾ ਕਰਦੇ ਹੋਏ ਕਿਹਾ, "'ਮਸਤਾਨੇ' ਦਾ ਹਿੱਸਾ ਬਣਨਾ ਮੇਰੇ ਲਈ ਇੱਕ ਤਬਦੀਲੀ ਵਾਲਾ ਸਫ਼ਰ ਰਿਹਾ ਹੈ। ਆਪਣੇ ਕਿਰਦਾਰ ਰਾਹੀਂ, ਮੇਰਾ ਟੀਚਾ ਏਕਤਾ ਤੋਂ ਪੈਦਾ ਹੋਣ ਵਾਲੀ ਤਾਕਤ ਅਤੇ ਇੱਕ ਦੂਜੇ ਦਾ ਸਮਰਥਨ ਕਰਨ ਦੀ ਮਹੱਤਤਾ ਨੂੰ ਦੱਸਣਾ ਹੈ। ਇਹ ਫਿਲਮ ਨਿਆਂ ਦੀ ਪ੍ਰਾਪਤੀ ਵਿੱਚ ਇੱਕਜੁੱਟਤਾ ਦੀ ਸ਼ਕਤੀ ਨਾਲ ਗੂੰਜਦੀ ਹੈ, ਅਤੇ ਮੈਂ ਇਸ ਸੰਦੇਸ਼ ਨੂੰ ਦਰਸ਼ਕਾਂ ਨਾਲ ਸਾਂਝਾ ਕਰਨ ਲਈ ਉਤਸ਼ਾਹਿਤ ਹਾਂ। "   ਵੇਹਲੀ ਜਨਤਾ ਫਿਲਮਜ਼ ਅਤੇ ਓਮਜੀਜ਼ ਸਿਨੇ ਵਰਲਡ ਦੁਆਰਾ ਪੇਸ਼ ਕੀਤਾ ਗਿਆ, “ਮਸਤਾਨੇ” ਮਨਪ੍ਰੀਤ ਜੌਹਲ ਅਤੇ ਆਸ਼ੂ ਮੁਨੀਸ਼ ਸਾਹਨੀ ਦੁਆਰਾ ਨਿਰਮਿਤ ਇੱਕ ਸਹਿਯੋਗੀ ਪ੍ਰੋਜੈਕਟ ਹੈ। ਫਿਲਮ ਚਮਕੀਲੇ ਸ਼ਰਨ ਆਰਟ ਦੁਆਰਾ ਲਿਖੀ ਅਤੇ ਨਿਰਦੇਸ਼ਿਤ ਕੀਤੀ ਗਈ ਹੈ। "ਮਸਤਾਨੇ" ਦਾ ਟ੍ਰੇਲਰ ਪ੍ਰਤਿਭਾਸ਼ਾਲੀ ਟੀਮ ਦੁਆਰਾ ਬਣਾਈ ਗਈ ਅਸਾਧਾਰਨ ਦੁਨੀਆ ਦੀ ਇੱਕ ਝਲਕ ਪੇਸ਼ ਕਰਦਾ ਹੈ, ਜਿਸ ਵਿੱਚ ਤਰਸੇਮ ਜੱਸੜ, ਸਿਮੀ ਚਾਹਲ, ਗੁਰਪ੍ਰੀਤ ਘੁੱਗੀ, ਕਰਮਜੀਤ ਅਨਮੋਲ, ਹਨੀ ਮੱਟੂ, ਰਾਹੁਲ ਦੇਵ, ਆਰਿਫ ਜ਼ਕਰੀਆ, ਅਵਤਾਰ ਗਿੱਲ ਅਤੇ ਬਨਿੰਦਰ ਬਨੀ ਸ਼ਾਮਲ ਹਨ। ਫਿਲਮ “ਮਸਤਾਨੇ” 25 ਅਗਸਤ 2023 ਨੂੰ ਰਿਲੀਜ਼ ਹੋਵੇਗੀ। The post ਹਨੀ ਮੱਟੂ ਅਤੇ ਬਨਿੰਦਰ ਬੰਨੀ: ਮਸਤਾਨੇ ਵਿੱਚ ਜ਼ਹੂਰ ਦੇ ਕਿਰਦਾਰ ਲਈ 2 ਥੰਮ੍ਹ appeared first on TV Punjab | Punjabi News Channel. Tags: baninder-banni entertainment entertainment-news-in-punjabi honey-mattu tv-punjab-news

ਏਸ਼ੀਆ ਕੱਪ 2023: ਚਾਹਲ ਤੋਂ ਬਿਹਤਰ ਕੋਈ ਨਹੀਂ.. ਏਸ਼ੀਆ ਕੱਪ ਟੀਮ 'ਚ ਨਾ ਚੁਣੇ ਜਾਣ 'ਤੇ ਭੜਕਿਆ ਹਰਭਜਨ ਸਿੰਘ, ਜਾਣੋ ਕੀ ਕਿਹਾ Thursday 24 August 2023 11:51 AM UTC+00 | Tags: 2023 asia-cup-2023 cricket-news-in-punjabi harbhajan-singh harbhajan-singh-asia-cup-2023-team-india sports team-india-for-asia-cup-2023 yuzvendra-chahal yuzvendra-chahal-asia-cup-2023 Harbhajan Singh On Yuzvendra Chahal, Asia Cup 2023: ਭਾਰਤ ਦੇ ਸਾਬਕਾ ਕ੍ਰਿਕਟਰ ਹਰਭਜਨ ਸਿੰਘ ਨੇ ਯੁਜਵੇਂਦਰ ਚਾਹਲ ਨੂੰ ਮੌਜੂਦਾ ਸਮੇਂ ਵਿੱਚ ਦੇਸ਼ ਦਾ ਸਰਵੋਤਮ ਸੀਮਤ ਓਵਰਾਂ ਦਾ ਸਪਿਨਰ ਕਰਾਰ ਦਿੰਦਿਆਂ ਕਿਹਾ ਕਿ ਚੋਣਕਾਰਾਂ ਨੇ ਉਸ ਨੂੰ 30 ਅਗਸਤ ਤੋਂ ਪਾਕਿਸਤਾਨ ਅਤੇ ਸ੍ਰੀਲੰਕਾ ਵਿੱਚ ਹੋਣ ਵਾਲੇ ਏਸ਼ੀਆ ਕੱਪ ਲਈ ਟੀਮ ਵਿੱਚ ਨਾ ਚੁਣ ਕੇ ਗਲਤੀ ਕੀਤੀ ਹੈ। ਆਈਸੀਸੀ ਟੂਰਨਾਮੈਂਟਾਂ ਵਿੱਚ ਚੰਗਾ ਪ੍ਰਦਰਸ਼ਨ ਕਰਨ ਦੇ ਬਾਵਜੂਦ ਚਾਹਲ ਨੂੰ ਏਸ਼ੀਆ ਕੱਪ ਲਈ ਟੀਮ ਇੰਡੀਆ ਵਿੱਚ ਸ਼ਾਮਲ ਨਹੀਂ ਕੀਤਾ ਗਿਆ ਸੀ। ਚੋਣਕਾਰਾਂ ਨੇ ਕੁਲਦੀਪ ਯਾਦਵ ਅਤੇ ਅਕਸ਼ਰ ਪਟੇਲ ਨੂੰ ਤਰਜੀਹ ਦਿੱਤੀ ਹੈ। ਹਰਭਜਨ ਨੇ ਆਪਣੇ ਯੂਟਿਊਬ ਚੈਨਲ ‘ਤੇ ਕਿਹਾ, ‘ਇਸ ਟੀਮ ‘ਚ ਮੈਨੂੰ ਜੋ ਕਮੀ ਅਤੇ ਗਲਤੀ ਮਿਲੀ, ਉਹ ਹੈ ਯੁਜਵੇਂਦਰ ਚਾਹਲ ਦੀ ਗੈਰ-ਮੌਜੂਦਗੀ। ਮੇਰੇ ਖਿਆਲ ਵਿਚ ਉਸ ਨੂੰ ਏਸ਼ੀਆ ਕੱਪ ਲਈ ਟੀਮ ਵਿਚ ਹੋਣਾ ਚਾਹੀਦਾ ਸੀ। ਚਾਹਲ ਅਜਿਹਾ ਲੈੱਗ ਸਪਿਨਰ ਹੈ ਜੋ ਗੇਂਦ ਨੂੰ ਟਰਨ ਕਰ ਸਕਦਾ ਹੈ। ਜੇਕਰ ਤੁਸੀਂ ਅਸਲੀ ਸਪਿਨਰਾਂ ਦੀ ਗੱਲ ਕਰੀਏ ਤਾਂ ਮੈਨੂੰ ਨਹੀਂ ਲੱਗਦਾ ਕਿ ਭਾਰਤ ਕੋਲ ਸੀਮਤ ਓਵਰਾਂ ਦੇ ਫਾਰਮੈਟ ਵਿੱਚ ਚਹਿਲ ਤੋਂ ਬਿਹਤਰ ਸਪਿਨਰ ਹੈ। ਅੰਤਰਰਾਸ਼ਟਰੀ ਕ੍ਰਿਕਟ ਦੇ ਤਿੰਨੋਂ ਫਾਰਮੈਟਾਂ ਵਿੱਚ 711 ਵਿਕਟਾਂ ਲੈਣ ਵਾਲੇ 43 ਸਾਲਾ ਹਰਭਜਨ ਨੇ ਕਿਹਾ, “ਇਹ ਸੱਚ ਹੈ ਕਿ ਪਿਛਲੇ ਕੁਝ ਮੈਚਾਂ ਵਿੱਚ ਉਸ ਦਾ ਪ੍ਰਦਰਸ਼ਨ ਚੰਗਾ ਨਹੀਂ ਰਿਹਾ ਹੈ ਪਰ ਇਸ ਨਾਲ ਉਹ ਖਰਾਬ ਗੇਂਦਬਾਜ਼ ਨਹੀਂ ਬਣ ਜਾਂਦਾ।” ਟੀਮ ਦੇ ਅੰਦਰ ਅਤੇ ਬਾਹਰ ਰਹਿ ਚੁੱਕੇ 33 ਸਾਲਾ ਚਾਹਲ ਅਕਤੂਬਰ-ਨਵੰਬਰ ਵਿੱਚ ਭਾਰਤ ਵਿੱਚ ਹੋਣ ਵਾਲੇ 50 ਓਵਰਾਂ ਦੇ ਵਿਸ਼ਵ ਕੱਪ ਵਿੱਚ ਵਾਪਸੀ ਕਰਨਗੇ। ਹਰਭਜਨ ਨੇ ਕਿਹਾ, ‘ਮੈਨੂੰ ਉਮੀਦ ਹੈ ਕਿ ਉਸ ਲਈ ਦਰਵਾਜ਼ੇ ਬੰਦ ਨਹੀਂ ਹੋਏ ਹੋਣਗੇ। ਵਿਸ਼ਵ ਕੱਪ ਲਈ ਉਸ ਦੇ ਨਾਂ ‘ਤੇ ਵਿਚਾਰ ਕਰਨਾ ਮਹੱਤਵਪੂਰਨ ਹੋਵੇਗਾ ਕਿਉਂਕਿ ਇਹ ਟੂਰਨਾਮੈਂਟ ਭਾਰਤ ‘ਚ ਖੇਡਿਆ ਜਾਵੇਗਾ।ਉਸ ਨੇ ਅੱਗੇ ਕਿਹਾ, ‘ਚਹਿਲ ਨੇ ਸਾਬਤ ਕਰ ਦਿੱਤਾ ਹੈ ਕਿ ਉਹ ਮੈਚ ਜਿੱਤਣ ਵਾਲਾ ਗੇਂਦਬਾਜ਼ ਹੈ। ਮੈਂ ਸਮਝਦਾ ਹਾਂ ਕਿ ਉਸ ਦੀ ਫਾਰਮ ਇਸ ਸਮੇਂ ਠੀਕ ਨਹੀਂ ਹੈ, ਇਸ ਲਈ ਤੁਸੀਂ ਉਸ ਨੂੰ ਆਰਾਮ ਕਰ ਸਕਦੇ ਹੋ। ਪਰ ਮੇਰਾ ਮੰਨਣਾ ਹੈ ਕਿ ਜੇਕਰ ਉਹ ਟੀਮ ਦੇ ਨਾਲ ਹੁੰਦੇ ਤਾਂ ਉਨ੍ਹਾਂ ਦਾ ਆਤਮ ਵਿਸ਼ਵਾਸ ਬਣਿਆ ਰਹਿੰਦਾ। ਜਦੋਂ ਕੋਈ ਵੀ ਖਿਡਾਰੀ ਆਊਟ ਹੋਣ ਤੋਂ ਬਾਅਦ ਵਾਪਸੀ ਕਰਦਾ ਹੈ ਤਾਂ ਉਸ ‘ਤੇ ਚੰਗਾ ਪ੍ਰਦਰਸ਼ਨ ਕਰਨ ਦਾ ਦਬਾਅ ਹੁੰਦਾ ਹੈ। ਏਸ਼ੀਆ ਕੱਪ 2023 ਲਈ ਭਾਰਤੀ ਟੀਮ: ਰੋਹਿਤ ਸ਼ਰਮਾ (ਕਪਤਾਨ), ਸ਼ੁਭਮਨ ਗਿੱਲ, ਵਿਰਾਟ ਕੋਹਲੀ, ਸ਼੍ਰੇਅਸ ਅਈਅਰ, ਸੂਰਿਆਕੁਮਾਰ ਯਾਦਵ, ਤਿਲਕ ਵਰਮਾ, ਕੇਐਲ ਰਾਹੁਲ, ਈਸ਼ਾਨ ਕਿਸ਼ਨ, ਹਾਰਦਿਕ ਪੰਡਯਾ (ਉਪ-ਕਪਤਾਨ), ਰਵਿੰਦਰ ਜਡੇਜਾ, ਸ਼ਾਰਦੁਲ ਠਾਕੁਰ, ਅਕਸ਼ਰ ਪਟੇਲ, ਕੁਲਦੀਪ ਯਾਦਵ, ਜਸਪ੍ਰੀਤ ਬੁਮਰਾਹ, ਮੁਹੰਮਦ ਸ਼ਮੀ, ਮੁਹੰਮਦ ਸਿਰਾਜ, ਮਸ਼ਹੂਰ ਕ੍ਰਿਸ਼ਨਾ । The post ਏਸ਼ੀਆ ਕੱਪ 2023: ਚਾਹਲ ਤੋਂ ਬਿਹਤਰ ਕੋਈ ਨਹੀਂ.. ਏਸ਼ੀਆ ਕੱਪ ਟੀਮ ‘ਚ ਨਾ ਚੁਣੇ ਜਾਣ ‘ਤੇ ਭੜਕਿਆ ਹਰਭਜਨ ਸਿੰਘ, ਜਾਣੋ ਕੀ ਕਿਹਾ appeared first on TV Punjab | Punjabi News Channel. Tags: 2023 asia-cup-2023 cricket-news-in-punjabi harbhajan-singh harbhajan-singh-asia-cup-2023-team-india sports team-india-for-asia-cup-2023 yuzvendra-chahal yuzvendra-chahal-asia-cup-2023

US Presidential Election: ਜ਼ਬਰਦਸਤ ਰਹੀ ਰੀਪਬਲਿਕਨਾਂ ਦੀ ਪਹਿਲੀ ਪ੍ਰਾਇਮਰੀ ਬਹਿਸ , ਸਟੇਜ 'ਤੇ ਲੜੇ ਰਾਮਾਸਵਾਮੀ ਅਤੇ ਨਿੱਕੀ! Thursday 24 August 2023 01:10 PM UTC+00 | Tags: donald-trump news nikki-haley top-news trending-news usa us-presidential-election vivek-ramaswamy washington world Washington- ਰੀਪਬਲਿਕਨ ਪਾਰਟੀ ਵਲੋਂ 2024 ਦੀਆਂ ਰਾਸ਼ਟਰਪਤੀ ਚੋਣਾਂ ਨੂੰ ਲੈ ਕੇ ਮਿਲਵਾਕੀ 'ਚ ਪਹਿਲੀ ਪ੍ਰਾਇਮਰੀ ਬਹਿਸ ਦਾ ਆਯੋਜਨ ਬੁੱਧਵਾਰ ਰਾਤ ਨੂੰ ਕੀਤਾ ਗਿਆ। ਪਾਰਟੀ ਦੇ ਅੱਠ ਉਮੀਦਵਾਰ ਪਹਿਲੀ ਵਾਰ ਸਟੇਜ 'ਤੇ ਇਕੱਠੇ ਆਏ ਅਤੇ ਇਸ ਦੌਰਾਨ ਉਨ੍ਹਾਂ ਵਲੋਂ ਵੋਟਰਾਂ ਦਾ ਪੂਰਾ ਧਿਆਨ ਆਪਣੇ ਵੱਲ ਖਿੱਚਣ ਦੀ ਕੋਸ਼ਿਸ਼ ਕੀਤੀ ਗਈ। ਇਨ੍ਹਾਂ ਉਮੀਦਵਾਰਾਂ 'ਚ ਫਲੋਰੀਡਾ ਦੇ ਗਵਰਨਰ ਰੌਨ ਡੀਸੈਂਟਿਸ, ਉਦਯੋਗਪਤੀ ਵਿਵੇਕ ਰਾਮਾਸਵਾਮੀ, ਸਾਬਕਾ ਉਪ ਰਾਸ਼ਟਰਪਤੀ ਮਾਈਕ ਪੇਂਸ, ਦੱਖਣੀ ਕੈਰੋਲੀਨਾ ਦੀ ਸਾਬਕਾ ਗਵਰਨਰ ਅਤੇ ਸੰਯੁਕਤ ਰਾਸ਼ਟਰ 'ਚ ਅਮਰੀਕੀ ਰਾਜਦੂਤ ਨਿੱਕੀ ਹੈਲੀ, ਨਿਊ ਜਰਸੀ ਦੇ ਸਾਬਕਾ ਗਵਰਨਰ ਕ੍ਰਿਸ ਕ੍ਰਿਸਟੀ, ਦੱਖਣੀ ਕੈਰੋਲੀਨਾ ਸੇਨ ਟਿਮ ਸਕਾਟ, ਅਰਕਨਸਾਸ ਦੇ ਸਾਬਕਾ ਗਵਰਨਰ ਆਸਾ ਹਚਿਨਸਨ ਅਤੇ ਨੌਰਥ ਡਕੋਟਾ ਗਵਰਨਰ ਡਗ ਬਰਗਮ ਦੇ ਨਾਂ ਸ਼ਾਮਿਲ ਸਨ। ਬੁੱਧਵਾਰ ਨੂੰ ਦਾ ਆਯੋਜਨ ਕੀਤਾ ਜਾਵੇਗਾ। ਹਾਲਾਂਕਿ ਇਸ ਵਾਰ ਰਾਸ਼ਟਰਪਤੀ ਦੀ ਦੌੜ 'ਚ ਸਭ ਤੋਂ ਅੱਗੇ ਚੱਲ ਰਹੇ ਟਰੰਪ ਨੇ ਇਸ ਬਹਿਸ ਭਾਗ ਨਹੀਂ ਲਿਆ ਪਰ ਦਿਲਸਚਪ ਗੱਲ ਇਹ ਰਹੀ ਕਿ ਜਦੋਂ ਵੀ ਸਟੇਜ 'ਤੇ ਕੋਈ ਗੱਲ ਛਿੜਦੀ, ਹਰ ਵਾਰ ਕਿਤੇ ਨਾ ਕਿਤੇ ਉਨ੍ਹਾਂ ਦਾ ਜ਼ਿਕਰ, ਉਨ੍ਹਾਂ ਦਾ ਨਾਂ ਉਮੀਦਵਾਰਾਂ ਦੀ ਜ਼ੁਬਾਨ 'ਤੇ ਆ ਹੀ ਜਾਂਦਾ। ਕੁੱਲ ਮਿਲਾ ਕੇ ਟਰੰਪ ਇਸ ਸਟੇਜ 'ਤੇ ਤਾਂ ਨਹੀਂ ਮੌਜੂਦ ਸਨ ਪਰ ਉਮਦਿਵਾਰਾਂ ਵਿਚਾਲੇ ਚਰਚਾ 'ਚ ਉੁਨ੍ਹਾਂ ਦੀ ਹਾਜ਼ਰੀ ਪ੍ਰਤੱਖ ਨਜ਼ਰ ਆਈ। ਰਾਸ਼ਟਰਪਤੀ ਦੀ ਦੌੜ 'ਚ ਖੜ੍ਹੇ ਇਨ੍ਹਾਂ ਅੱਠ ਦਾਅਵੇਦਾਰਾਂ ਨੇ ਸਟੇਜ 'ਚ ਆਪਣੇ-ਆਪ ਨੂੰ ਦੂਜਿਆਂ ਨਾਲੋਂ ਬਿਹਤਰ ਦਿਖਾਉਣ ਦੀ ਪੁਰਜ਼ੋਰ ਕੋਸ਼ਿਸ਼ ਕੀਤੀ। ਇਸ ਦੌਰਾਨ ਕਈਆਂ ਵਿਚਾਲੇ ਤਾਂ ਤਿੱਖੀ ਬਹਿਸ ਵੀ ਹੋਈ ਅਤੇ ਇਸ ਮਾਮਲੇ 'ਚ ਭਾਰਤੀ ਮੂਲ ਦੇ ਦੋ ਦਾਅਵੇਦਾਰਾਂ ਨਿੱਕੀ ਹੈਲੀ ਅਤੇ ਵਿਵੇਦ ਰਾਮਾਸਵਾਮੀ ਦੇ ਨਾਂ ਸਭ ਤੋਂ ਅੱਗੇ ਹਨ। ਦੋਹਾਂ ਵਿਚਾਲੇ ਵਿਦੇਸ਼ ਨੀਤੀ ਦੇ ਮੁੱਦੇ 'ਤੇ ਕਾਫ਼ੀ ਵਾਦ-ਵਿਵਾਦ ਦੇਖਣ ਨੂੰ ਮਿਲਿਆ। ਇਹ ਨੋਕ-ਝੋਕ ਇੰਨੀ ਤਿੱਖੀ ਸੀ ਕਿ ਇੱਕ ਵੇਲੇ ਤਾਂ ਦੋਵੇਂ 30 ਸੈਕੰਡ ਤੋਂ ਵੱਧ ਸਮੇਂ ਤੱਕ ਇੱਕ ਦੂਜੇ 'ਤੇ ਚੀਕਦੇ ਰਹੇ ਅਤੇ ਇੱਕ-ਦੂਜੇ 'ਤੇ ਉਂਗਲੀਆਂ ਚੁੱਕਦੇ ਰਹੇ। ਅਮਰੀਕਾ ਦੇ ਇਤਿਹਾਸ 'ਚ ਇਹ ਪਹਿਲੀ ਵਾਰ ਹੈ, ਜਦੋਂ ਭਾਰਤੀ ਮੂਲ ਦੇ ਦੋ ਉਮੀਦਵਾਰਾਂ ਨੇ ਰਾਸ਼ਟਰਪਤੀ ਦੇ ਅਹੁਦੇ ਦੀ ਨਾਮਜ਼ਦਗੀ ਲਈ ਪਹਿਲੀ ਪ੍ਰਾਇਮਰੀ ਬਹਿਸ ਦੌਰਾਨ ਮੰਝ ਸਾਂਝਾ ਕੀਤਾ ਹੋਵੇ ਅਤੇ ਦੋਹਾਂ ਦਰਮਿਆਨ ਅਜਿਹੇ ਹਾਲਤ ਬਣ ਗਏ ਹੋਣ। ਦੱਖਣੀ ਕੈਰੋਲਿਨਾ ਦੇ ਸਾਬਕਾ ਗਵਰਨਰ ਨਿੱਕੀ ਹੈਲੀ ਨੇ ਵਿਦੇਸ਼ ਮਾਮਲਿਆਂ 'ਚ ਉਨ੍ਹਾਂ ਦੀ ਸਮਰੱਥਾ ਦੀ ਕਮੀ ਅਤੇ ਰੂਸ ਪ੍ਰਤੀ ਉਨ੍ਹਾਂ ਦੇ ਰਵੱਈਏ ਲਈ ਕਰੋੜਪਤੀ ਕਾਰੋਬਾਰੀ ਵਿਵੇਕ ਰਾਮਾਸਵਾਮੀ ਦੀ ਆਲੋਚਨਾ ਕੀਤੀ। ਬਹਿਸ ਤੋਂ ਪਹਿਲਾਂ ਸੋਸ਼ਲ ਮੀਡੀਆ 'ਤੇ ਉਨ੍ਹਾਂ ਦੀ ਗੱਲਬਾਤ ਤੋਂ ਵਿਦੇਸ਼ ਨੀਤੀ 'ਤੇ ਉਨ੍ਹਾਂ ਦੇ ਮਤਭੇਤ ਸਪਸ਼ਟ ਹੋ ਗਏ ਸਨ। ਹੈਲੀ ਨੇ ਬਹਿਸ ਦੌਰਾ ਰਾਮਾਸਵਾਮੀ 'ਤੇ ਅਮਰੀਕਾ ਦੇ ਦੁਸ਼ਮਣਾਂ ਦਾ ਪੱਖ ਲੈਣ ਅਤੇ ਸਹਿਯੋਗੀਆਂ ਨੂੰ ਛੱਡਣ ਦੇ ਦੋਸ਼ ਲਾਏ। ਇਹ ਆਲੋਚਨਾ ਰਾਮਾਸਵਾਮੀ ਦੇ ਇਸ ਦਾਅਵੇ ਦੇ ਜਵਾਬ ਸੀ ਕਿ ਰੂਸ ਨਾਲ ਲੜਾਈ 'ਚ ਯੂਕਰੇਨ ਨੂੰ ਬਹੁਤ ਘੱਟ ਸਮਰਥਨ ਮਿਲਿਆ ਸੀ। ਸੰਯੁਕਤ ਰਾਸ਼ਟਰ 'ਚ ਸਾਬਕਾ ਅਮਰੀਕੀ ਰਾਜਦੂਤ ਹੈਲੀ ਨੇ ਰੂਸੀ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਦਾ ਸਮਰਥਨ ਕਰਨ ਲਈ ਦਰਸ਼ਕਾਂ ਦੇ ਸਾਹਮਣੇ ਰਾਮਸਵਾਮੀ ਦੀ ਤਿੱਖੀ ਆਲੋਚਨਾ ਕੀਤੀ। ਉਨ੍ਹਾਂ ਨੇ ਆਪਣੇ ਕਾਲਪਨਿਕ ਸਰਕਾਰ ਦੇ ਤਹਿਤ ਅਮਰੀਕਾ ਦੀ ਸੁਰੱਖਿਆ ਲਈ ਵੀ ਚਿੰਤਾ ਪ੍ਰਗਟਾਈ। ਜਦੋਂ ਨਿੱਕੀ ਹੈਲੀ ਝੂਠਾ, ਝੂਠਾ ਕਹਿ ਰਹੀ ਤਾਂ ਰਾਮਾਸਵਾਮੀ ਨੇ ਉਨ੍ਹਾਂ ਨੂੰ ਟੋਕਦੇ ਅਤੇ ਜਵਾਬ 'ਚ ਇਹ ਕਹਿੰਦੇ ਨਜ਼ਰ ਆਏ ਕਿ ਉਹ ਉਨ੍ਹਾਂ ਵਿਰੁੱਧ ਇਹ ਝੂਠ ਫੈਲਾਅ ਰਹੀ ਹੈ। The post US Presidential Election: ਜ਼ਬਰਦਸਤ ਰਹੀ ਰੀਪਬਲਿਕਨਾਂ ਦੀ ਪਹਿਲੀ ਪ੍ਰਾਇਮਰੀ ਬਹਿਸ , ਸਟੇਜ 'ਤੇ ਲੜੇ ਰਾਮਾਸਵਾਮੀ ਅਤੇ ਨਿੱਕੀ! appeared first on TV Punjab | Punjabi News Channel. Tags: donald-trump news nikki-haley top-news trending-news usa us-presidential-election vivek-ramaswamy washington world

ਅੱਜ ਆਤਮ ਸਮਰਪਣ ਕਰਨਗੇ ਟਰੰਪ Thursday 24 August 2023 02:57 PM UTC+00 | Tags: donald-trump georgia-s-2020-election-results news top-news trending-news usa us-presidential-election washington world Washington- ਸਾਬਕਾ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਜਾਰਜੀਆ 'ਚ 2020 ਦੇ ਚੋਣ ਨਤੀਜਿਆਂ ਨੂੰ ਪਲਟਣ ਨਾਲ ਜੁੜੇ ਮਾਮਲੇ 'ਚ ਅੱਜ ਆਤਮ ਸਮਰਪਣ ਕਰਨਗੇ। ਇਸ ਮਾਮਲੇ 'ਚ ਸਾਬਕਾ ਰਾਸ਼ਟਰਪਤੀ ਵਿਰੁੱਧ ਦਰਜਨ ਤੋਂ ਵੱਧ ਦੋਸ਼ ਲੱਗੇ ਹਨ ਅਤੇ ਇਹ ਇਸ ਸਾਲ 'ਚ ਚੌਥੀ ਵਾਰ ਹੈ, ਜਦੋਂ ਟਰੰਪ ਅਪਰਾਧਿਕ ਦੋਸ਼ਾਂ ਦਾ ਸਾਹਮਣਾ ਕਰ ਰਹੇ ਹਨ। ਅਜਿਹੀ ਉਮੀਦ ਹੈ ਕਿ ਟਰੰਪ ਨਿਊ ਜਰਸੀ ਬੈਡਮਿੰਸਟਰ ਵਿਖੇ ਸਥਿਤ ਆਪਣੀ ਰਿਹਾਇਸ਼ ਤੋਂ ਅਲਲਾਂਟਾ ਤੱਕ ਜਾਣਗੇ, ਜਿੱਥੋਂ ਦੀ ਫੁਲਟਨ ਕਾਊਂਟੀ ਜੇਲ੍ਹ 'ਚ ਉਨ੍ਹਾਂ ਨੂੰ ਬੰਦ ਕੀਤਾ ਜਾਵੇਗਾ। ਇਸ ਮਾਮਲੇ ਦੇ ਬਾਕੀ 18 ਸਹਿ-ਮੁਲਜ਼ਮਾਂ 'ਚੋਂ ਕਈਆਂ ਦੇ ਵਾਂਗ ਹੀ, ਜਿਹੜੇ ਕਿ ਪਹਿਲਾਂ ਹੀ ਜੇਲ੍ਹ 'ਚ ਆਤਮ ਸਮਰਪਣ ਕਰ ਚੁੱਕੇ ਹਨ, ਸਹੂਲਤ ਰਾਹੀਂ ਟਰੰਪ ਦੀ ਪ੍ਰਕਿਰਿਆ ਜਲਦੀ ਹੀ ਪੂਰੀ ਹੋ ਜਾਵੇਗੀ ਕਿਉਂਕਿ ਸਾਬਕਾ ਰਾਸ਼ਟਰਪਤੀ ਅਤੇ ਉਨ੍ਹਾਂ ਦੇ ਵਕੀਲਾਂ ਨੇ ਵੀਰਵਾਰ ਤੋਂ ਪਹਿਲਾਂ ਹੀ ਆਪਣੇ ਸਹਿਮਤੀ ਬਾਂਡ ਸਮਝੌਤੇ 'ਤੇ ਚਰਚਾ ਕੀਤੀ ਸੀ। ਟਰੰਪ 200,000 ਡਾਲਰ ਦੇ ਬਾਂਡ ਅਤੇ ਹੋਰ ਰਿਹਾਈ ਸ਼ਰਤਾਂ 'ਤੇ ਸਹਿਮਤ ਹੋਏ ਹਨ। ਜ਼ਮਾਨਤ ਬਾਂਡ 'ਚ ਇਹ ਕਿਹਾ ਗਿਆ ਹੈ ਕਿ ਟਰੰਪ ਉਦੋਂ ਤੱਕ ਹੀ ਆਜ਼ਾਦ ਰਹਿ ਸਕਦੇ ਹਨ, ਜਦੋਂ ਤੱਕ ਉਹ ਗਵਾਹਾਂ ਨੂੰ ਡਰਾਉਣ-ਧਮਕਾਉਣ ਦਾ ਯਤਨ ਨਹੀਂ ਕਰਦੇ। ਇਸ ਅਦਾਲਤੀ ਇਕਰਾਰਨਾਮੇ 'ਚ ਇਹ ਕਿਹਾ ਗਿਆ ਹੈ ਕਿ ਮੁਲਜ਼ਮ ਇਸ ਕੇਸ 'ਚ ਸਹਿ-ਪ੍ਰਤੀਰੋਧੀ ਜਾਂ ਗਵਾਹ ਵਜੋਂ ਜਾਣੇ ਜਾਂਦੇ ਕਿਸੇ ਵੀ ਵਿਅਕਤੀ ਨੂੰ ਡਰਾਉਣ ਜਾਂ ਨਿਆਂ ਦੇ ਪ੍ਰਸ਼ਾਸਨ 'ਚ ਰੁਕਾਵਟ ਪਾਉਣ ਲਈ ਕੋਈ ਕੰਮ ਨਹੀਂ ਕਰੇਗਾ। ਇਸ ਇਕਰਾਰਨਾਮੇ 'ਚ ਸਾਬਕਾ ਰਾਸ਼ਟਰਪਤੀ ਨੂੰ ਗਵਾਹਾਂ ਜਾਂ ਸਹਿ-ਮੁਲਜ਼ਮਾਂ ਵਿਰੁੱਧ ਕਿਸੇ ਵੀ ਤਰ੍ਹਾਂ ਦੀ ਸਿੱਧੀ ਜਾਂ ਅਸਿੱਧੀ ਧਮਕੀ ਦੇਣ ਅਤੇ ਵਕੀਲਾਂ ਨੂੰ ਛੱਡ ਕੇ ਉਨ੍ਹਾਂ ਨਾਲ ਕੇਸ ਦੇ ਤੱਥਾਂ ਬਾਰੇ ਕਿਸੇ ਵੀ ਤਰੀਕੇ ਨਾਲ ਸੰਚਾਰ ਕਰਨ ਤੋਂ ਵੀ ਮਨ੍ਹਾ ਕੀਤਾ ਗਿਆ ਹੈ। ਇਕਰਾਰਨਾਮੇ 'ਤੇ ਫੁਲਟਨ ਕਾਊਂਟੀ ਦੇ ਜ਼ਿਲ੍ਹਾ ਅਟਾਰਨੀ ਜਨਰਲ ਫਾਨੀ ਵਿਲਿਸ, ਜੋ ਕਿ ਇਸ ਕੇਸ ਦੀ ਨਿਗਰਾਨੀ ਕਰ ਰਹੇ ਹਨ ਅਤੇ ਟਰੰਪ ਦੇ ਵਕੀਲਾਂ ਵਲੋਂ ਹਸਤਾਖ਼ਰ ਕੀਤੇ ਗਏ ਹਨ। ਦੱਸ ਦਈਏ ਕਿ ਸਰਕਾਰੀ ਵਕੀਲਾਂ ਨੇ ਜੱਜ ਨੂੰ 77 ਸਾਲਾ ਸਾਬਕਾ ਰਾਸ਼ਟਰਪਤੀ ਡੋਨਾਲਡ ਟਰੰਪ ਵਿਰੁੱਧ ਚੋਣ ਧੋਖਾਧੜੀ ਅਤੇ ਸਾਜ਼ਿਸ਼ ਰਚਣ ਦੇ ਮਾਮਲੇ 'ਚ 4 ਮਾਰਚ 2024 ਨੂੰ ਮੁਕੱਦਮੇ ਦੀ ਤਾਰੀਕ ਤੈਅ ਕਰਨ ਲਈ ਕਿਹਾ ਹੈ। 2024 'ਚ ਰੀਪਬਲਕਿਨ ਪਾਰਟੀ ਵਲੋਂ ਰਾਸ਼ਟਰਪਤੀ ਦੇ ਅਹੁਦੇ ਲਈ ਨਾਮਜ਼ਦਗੀ 'ਚ ਸਭ ਤੋਂ ਅੱਗੇ ਚੱਲ ਰਹੇ ਟਰੰਪ ਨੂੰ ਵ੍ਹਾਈਟ ਹਾਊਸ 'ਚ ਵਾਪਸੀ ਤੋਂ ਪਹਿਲਾਂ ਹੀ ਚਾਰ ਅਪਰਾਧਿਕ ਮੁਕੱਦਮਿਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। The post ਅੱਜ ਆਤਮ ਸਮਰਪਣ ਕਰਨਗੇ ਟਰੰਪ appeared first on TV Punjab | Punjabi News Channel. Tags: donald-trump georgia-s-2020-election-results news top-news trending-news usa us-presidential-election washington world

ਕੈਲੀਫੋਰਨੀਆ ਦੇ ਬਾਰ 'ਚ ਅੰਨ੍ਹੇਵਾਹ ਗੋਲੀਬਾਰੀ, ਚਾਰ ਲੋਕਾਂ ਦੀ ਮੌਤ ਅਤੇ 6 ਹੋਰ ਜ਼ਖ਼ਮੀ Thursday 24 August 2023 03:21 PM UTC+00 | Tags: bar biker-bar california. news police shooting top-news trending-news usa washington world Washington- ਅਮਰੀਕਾ 'ਚ ਗੋਲੀਬਾਰੀ ਦੀਆਂ ਘਟਨਾਵਾਂ ਰੁਕਣ ਦਾ ਨਾਂ ਨਹੀਂ ਲੈ ਰਹੀਆਂ ਹਨ। ਤਾਜ਼ਾ ਮਾਮਲਾ ਕੈਲੀਫੋਰਨੀਆ ਦੇ ਆਰੇਂਜ ਕਾਊਂਟੀ ਤੋਂ ਸਾਹਮਣੇ ਆਇਆ ਹੈ, ਜਿੱਥੇ ਕਿ ਇੱਕ ਬਾਈਕਰਜ਼ ਬਾਰ 'ਚ ਹੋਈ ਅੰਨ੍ਹੇਵਾਹ ਗੋਲੀਬਾਰੀ 'ਚ ਚਾਰ ਲੋਕਾਂ ਦੀ ਮੌਤ ਹੋ ਗਈ, ਜਦਕਿ ਛੇ ਹੋਰ ਜ਼ਖ਼ਮੀ ਹੋ ਗਏ। ਪੁਲਿਸ ਦਾ ਕਹਿਣਾ ਹੈ ਕਿ ਬੰਦੂਕਧਾਰੀ ਵੀ ਉਨ੍ਹਾਂ ਚਾਰ ਲੋਕਾਂ 'ਚੋਂ ਇੱਕ ਸੀ, ਜਿਸ ਦੀ ਆਰੇਂਜ ਕਾਊਂਟੀ ਕੁੱਕ ਕਾਰਨਰ 'ਚ ਗੋਲੀਬਾਰੀ ਦੌਰਾਨ ਮੌਤ ਹੋ ਗਈ। ਕਾਊਂਟੀ ਫਾਇਰ ਵਿਭਾਗ ਦੇ ਮੁਖੀ ਬ੍ਰਾਇਨ ਫੈਨੇਸੀ ਨੇ ਦੱਸਿਆ ਕਿ ਜ਼ਖ਼ਮੀ ਹੋਏ ਛੇ ਲੋਕਾਂ 'ਚੋਂ ਦੋ ਦੀ ਹਾਲਤ ਗੰਭੀਰ ਹੈ। ਮਿਲੀ ਜਾਣਕਾਰੀ ਮੁਤਾਬਕ ਗੋਲੀਬਾਰੀ ਬੁੱਧਵਾਰ ਨੂੰ ਸਥਾਨਕ ਸਮੇਂ ਮੁਤਾਬਕ ਸ਼ਾਮੀਂ 7 ਵਜੇ ਦੇ ਕਰੀਬ ਇੱਕ ਬਾਰ 'ਚ ਹੋਈ, ਜਿੱਥੇ ਕਿ ਇੱਕ ਸਪੇਗੇਟੀ ਨਾਈਟ ਅਤੇ ਰਾਕ ਸੰਗੀਤ ਸ਼ੋਅ ਚੱਲ ਰਿਹਾ ਸੀ। ਪੁਲਿਸ ਸੂਤਰਾਂ ਦਾ ਕਹਿਣਾ ਹੈ ਕਿ ਮੁੱਢਲੇ ਤੌਰ 'ਤੇ ਅਜਿਹਾ ਮੰਨਿਆ ਜਾ ਰਿਹਾ ਹੈ ਕਿ ਗੋਲੀਬਾਰੀ ਕਰਨ ਵਾਲਾ ਇੱਕ ਸਾਬਕਾ ਕਾਨੂੰਨ ਪਰਿਵਰਤਨ ਅਧਿਕਾਰੀ ਸੀ ਅਤੇ ਇਹ ਗੋਲੀਬਾਰੀ ਉਕਤ ਅਧਿਕਾਰੀ ਅਤੇ ਉਸ ਦੀ ਪਤਨੀ ਵਿਚਾਲੇ ਹੋਏ ਇੱਕ ਘਰੇਲੂ ਝਗੜੇ ਦੇ ਰੂਪ 'ਚ ਸ਼ੁਰੂ ਹੋਈ। ਪੁਲਿਸ ਨੇ ਦੱਸਿਆ ਕਿ ਘਟਨਾ ਵਾਲੀ ਥਾਂ ਤੋਂ ਘੱਟੋ-ਘੱਟ ਇੱਕ ਹਥਿਆਰ ਬਰਾਮਦ ਕੀਤਾ ਗਿਆ ਹੈ। ਆਰੇਂਜ ਕਾਊਂਟੀ ਦੇ ਸੈਨੇਟਰ ਡੇਵ ਮਿਨ ਨੇ ਕਿਹਾ ਕਿ ਗੋਲੀਬਾਰੀ ਦੀ ਇਹ ਖ਼ਬਰ ਸੁਣ ਕੇ ਉਹ ਦੁਖੀ ਹਨ। ਉਨ੍ਹਾਂ ਕਿਹਾ, ''ਸਾਡਾ ਜ਼ਿਲ੍ਹਾ ਦੇਸ਼ ਦੇ ਸਭ ਤੋਂ ਸੁਰੱਖਿਅਤ ਖੇਤਰਾਂ 'ਚੋਂ ਇੱਕ ਹੈ ਅਤੇ ਫਿਰ ਵੀ ਅਸੀਂ ਵਾਰ-ਵਾਰ ਸਮੂਹਿਕ ਗੋਲੀਬਾਰੀ ਦੀ ਬਿਪਤਾ ਤੋਂ ਪੀੜਤ ਹਾਂ।'' ਇੱਥੇ ਇਹ ਵੀ ਦੱਸਣਾ ਬਣਦਾ ਹੈ ਕਿ ਅਮਰੀਕਾ 'ਚ ਗੋਲੀਬਾਰੀ ਦੀਆਂ ਘਟਨਾਵਾਂ ਹੁਣ ਆਮ ਬਣਦੀਆਂ ਜਾ ਰਹੀਆਂ ਹਨ। ਗਨ ਵਾਇਲੈਂਸ ਆਰਕਾਈਵ ਮੁਤਾਬਕ ਬੰਦੂਕ ਹਿੰਸਾ ਅਮਰੀਕੀ ਜੀਵਨ ਦਾ ਇੱਕ ਹਿੱਸਾ ਹੈ ਅਤੇ ਇਕੱਲੇ ਸਾਲ 2023 'ਚ 400 ਤੋਂ ਵੱਧ ਥਾਵਾਂ 'ਤੇ ਸਮੂਹਿਕ ਗੋਲੀਬਾਰੀ ਹੋਈ ਹੈ। ਅਮਰੀਕਾ 'ਚ ਗੰਨ ਕੰਟਰੋਲ ਇੱਕ ਸਿਆਸੀ ਤੌਰ 'ਤੇ ਚਾਰਜ ਵਾਲਾ ਵਿਸ਼ਾ ਹੈ। ਬਹੁਤ ਸਾਰੇ ਲੋਕ ਅਮਰੀਕਾ 'ਚ ਸਖ਼ਤ ਬੰਦੂਕ ਕਾਨੂੰਨ ਦੇ ਹੱਕ 'ਚ ਹਨ, ਜਦਕਿ ਕਾਫ਼ੀ ਰੀਪਬਲਕਿਨ ਅਜਿਹੇ ਕਦਮ ਦਾ ਵਿਰੋਧ ਕਰਦੇ ਹਨ। The post ਕੈਲੀਫੋਰਨੀਆ ਦੇ ਬਾਰ 'ਚ ਅੰਨ੍ਹੇਵਾਹ ਗੋਲੀਬਾਰੀ, ਚਾਰ ਲੋਕਾਂ ਦੀ ਮੌਤ ਅਤੇ 6 ਹੋਰ ਜ਼ਖ਼ਮੀ appeared first on TV Punjab | Punjabi News Channel. Tags: bar biker-bar california. news police shooting top-news trending-news usa washington world

ਕੈਨੇਡਾ ਦੇ ਜੰਗਲਾਂ 'ਚ ਲੱਗੀ ਤੋਂ ਦੁਖੀ ਕਿੰਗ ਚਾਰਲਸ Thursday 24 August 2023 03:25 PM UTC+00 | Tags: british-columbia camilla canada fire king-charles-iii news northwest-territories ottawa top-news trending-news wildfire world ਓਟਾਵਾ- ਕਿੰਗ ਚਾਰਲਸ III ਨੇ ਇੱਕ ਬਿਆਨ ਜਾਰੀ ਕਰਕੇ ਕਿਹਾ ਕਿ ਉਹ ਅਤੇ ਉਨ੍ਹਾਂ ਦੀ ਪਤਨੀ ਕੈਮਿਲਾ ਬ੍ਰਿਟਿਸ਼ ਕੋਲੰਬੀਆ ਅਤੇ ਨਾਰਥ-ਵੈਸਟ ਟੈਰਟਰੀਜ਼ ਦੇ ਜੰਗਲਾਂ 'ਚ ਲੱਗੀ ਅੱਗ ਕਾਰਨ ਐਲਾਨੀ ਗਈ ਐਮਰਜੈਂਸੀ ਕਾਰਨ ਕਾਫ਼ੀ ਚਿੰਤਤ ਹਨ। ਉਨ੍ਹਾਂ ਨੇ ਸੋਸ਼ਲ ਮੀਡੀਆ 'ਤੇ ਪੋਸਟ ਕੀਤੇ ਗਏ ਇੱਕ ਬਿਆਨ 'ਚ ਕਿਹਾ ਕਿ ਉਹ ਸਮਝਦੇ ਹਨ ਕਿ ਇਸ ਸਾਲ ਗਰਮੀਆਂ ਦਾ ਮੌਸਮ ਕੈਨੇਡੀਅਨ ਲੋਕਾਂ ਲਈ ਕਾਫ਼ੀ ਔਖਾ ਸੀ, ਜਿਸ 'ਚ ਭਿਆਨਕ ਹੜ੍ਹ, ਤਾਬਹਕਾਰੀ ਜੰਗਲਾਂ ਦੀ ਅੱਗ ਅਤੇ ਪੂਰੇ ਦੇਸ਼ 'ਚ ਹਵਾ ਦੀ ਗੁਣਵੱਤਾ 'ਚ ਗਿਰਾਵਟ ਦੇਖੀ ਗਈ। ਰਾਜਾ ਚਾਰਲਸ ਦਾ ਕਹਿਣਾ ਹੈ ਕਿ ਉਹ ਅਤੇ ਉਨ੍ਹਾਂ ਦੀ ਪਤਨੀ ਕੈਮਿਲਾ ਉਨ੍ਹਾਂ ਲੋਕਾਂ ਲਈ ਡੂੰਘੀ ਹਮਦਰਦੀ ਪ੍ਰਗਟਾ ਰਹੇ ਹਨ, ਜਿਨ੍ਹਾਂ ਨੇ ਆਪਣੇ ਪਿਆਰਿਆਂ ਨੂੰ ਗੁਆ ਲਿਆ ਅਤੇ ਉਨ੍ਹਾਂ ਲੋਕਾਂ ਲਈ ਪ੍ਰਾਰਥਨਾ ਕਰ ਰਹੇ ਹਨ, ਜਿਨ੍ਹਾਂ ਨੂੰ ਆਪਣੇ ਘਰ ਛੱਡਣੇ ਪਏ ਹਨ ਜਾਂ ਫਿਰ ਜਿਨ੍ਹਾਂ ਨੇ ਆਪਣੇ ਘਰਾਂ, ਕਾਰੋਬਾਰਾਂ ਜਾਂ ਜਾਇਦਾਦਾਂ ਨੂੰ ਗੁਆ ਲਿਆ ਹੈ। ਇਸ ਤੋਂ ਪਹਿਲਾਂ ਬੁੱਧਵਾਰ ਨੂੰ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਕਿਹਾ ਸੀ ਕਿ ਫੈਡਰਲ ਸਰਕਾਰ ਨੂੰ ਇਹ ਸੁਣ ਕੇ ਕਾਫ਼ੀ ਰਾਹਤ ਮਿਲੀ ਹੈ ਕਿ ਬਿ੍ਰਟਿਸ਼ ਕੋਲੰਬੀਆ ਅਤੇ ਨਾਰਥ-ਵੈਸਟ ਟੈਰਟਰੀਜ਼ 'ਚ ਅੱਗ ਸ਼ਾਂਤ ਅਤੇ ਕਾਬੂ ਹੇਠ ਹੋ ਰਹੀ ਹੈ। ਚਾਰਲੇਟਟਾਊਨ 'ਚ ਬੋਲਦਿਆਂ ਟਰੂਡੋ ਨੇ ਕਿਹਾ ਕਿ ਐਮਰਜੈਂਸੀ ਮੰਤਰੀ ਹਰਜੀਤ ਸਿੰਘ ਸੱਜਣ ਨੇ ਬ੍ਰਿਟਿਸ਼ ਕੋਲੰਬੀਆ ਤੋਂ ਸੋਮਵਾਰ ਨੂੰ ਇੱਕ ਬੈਠਕ 'ਚ ਅਧਿਕਾਰੀਆਂ ਨੂੰ ਇਸ ਬਾਰੇ ਜਾਣਕਾਰੀ ਦਿੱਤੀ। ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਸਰਕਾਰ ਪ੍ਰਭਾਵਿਤ ਲੋਕਾਂ ਲਈ ਉੱਥੇ ਮੌਜੂਦ ਰਹੇਗੀ। ਉਨ੍ਹਾਂ ਕਿਹਾ ਕਿ ਕੈਨੇਡੀਅਨ ਹਥਿਆਰਬੰਬ ਬਲਾਂ ਨੂੰ ਮੌਕੇ 'ਤੇ ਤਾਇਨਾਤ ਕੀਤਾ ਜਾ ਰਿਹਾ ਹੈ ਅਤੇ ਸਰਵਿਸ ਕੈਨੇਡਾ ਉਨ੍ਹਾਂ ਲੋਕਾਂ ਦੀ ਮਦਦ ਕਰ ਰਹੀ ਹੈ, ਜਿਨ੍ਹਾਂ ਨੂੰ ਅੱਗ ਕਾਰਨ ਆਪਣੇ ਘਰ ਛੱਡਣੇ ਪਏ ਹਨ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਅੱਗ ਨੂੰ ਕਾਬੂ ਹੇਠ ਕਰਨ ਲਈ ਸਖ਼ਤ ਮਸ਼ੱਕਤ ਕਰ ਰਹੇ ਫਾਇਰਫਾਈਟਰਾਂ ਦੀ ਵੀ ਸ਼ਲਾਘਾ ਕੀਤੀ। The post ਕੈਨੇਡਾ ਦੇ ਜੰਗਲਾਂ 'ਚ ਲੱਗੀ ਤੋਂ ਦੁਖੀ ਕਿੰਗ ਚਾਰਲਸ appeared first on TV Punjab | Punjabi News Channel. Tags: british-columbia camilla canada fire king-charles-iii news northwest-territories ottawa top-news trending-news wildfire world

ਖ਼ਤਮ ਹੋਈ ਟਰੂਡੋ ਕੈਬਨਿਟ ਦੀ ਰਿਟਰੀਟ, ਰਿਹਾਇਸ਼ੀ ਯੋਜਨਾ ਦੇਣ ਦੀ ਬਜਾਏ ਟਰੂਡੋ ਨੇ ਕੈਨੇਡੀਅਨਾਂ ਨੂੰ ਦਿੱਤਾ ਹੌਂਸਲਾ! Thursday 24 August 2023 03:30 PM UTC+00 | Tags: cabinet-retreat canada charlottetown justin-trudeau news ottawa top-news trending-news Charlottetown- ਪ੍ਰਿੰਸ ਐਡਵਰਡ ਆਈਲੈਂਡ ਵਿਖੇ ਚੱਲ ਰਹੀ ਤਿੰਨ ਰੋਜ਼ਾ ਕੈਬਿਨੇਟ ਰਿਟਰੀਟ ਬੁੱਧਵਾਰ ਨੂੰ ਸਮਾਪਤ ਹੋ ਗਈ। ਕੈਬਟਿਨ ਦੀ ਬੈਠਕ ਨੂੰ ਪ੍ਰਧਾਨ ਮੰਤਰੀ ਨੇ ਨੌਜਵਾਨਾਂ ਲਈ ਖ਼ਾਸ ਸੰਦੇਸ਼ ਨਾਲ ਸਮਾਪਤ ਕੀਤਾ। ਉਨ੍ਹਾਂ ਕਿਹਾ, ''ਨੌਜਵਾਨ ਕੈਨੇਡੀਅਨਾਂ ਨੂੰ ਮੈਂ ਕੁਝ ਕਹਿਣਾ ਚਾਹੁੰਦਾ ਹਾਂ, ਤੁਹਾਡੇ ਬਾਲਗਪੁਣੇ ਦੇ ਪਹਿਲੇ ਦੋ ਮਹੱਤਵਪੂਰਨ ਸਾਲ ਕੋਵਿਡ ਕਾਰਨ ਨਾਟਕੀ ਢੰਗ ਨਾਲ ਪ੍ਰਭਾਵਿਤ ਹੋਏ ਅਤੇ ਫਿਰ ਤੁਸੀਂ ਵਿਸ਼ਵੀ ਮਹਿੰਗਾਈ ਅਤੇ ਵਧੀਆਂ ਹੋਈਆਂ ਵਿਆਜ ਦਰਾਂ ਕਾਰਨ ਪ੍ਰਭਾਵਿਤ ਹੋਏ। ਇਨ੍ਹਾਂ ਘਟਨਾਵਾਂ ਨੇ ਤੁਹਾਡੀ ਸਿੱਖਿਆ, ਤੁਹਾਡੀਆਂ ਪਹਿਲੀਆਂ ਨੌਕਰੀਆਂ ਅਤੇ ਕੈਰੀਅਰ ਤੇ ਨੈੱਟਵਰਕ ਬਣਾਉਣ ਵਾਲੇ ਤੁਹਾਡੇ ਪਹਿਲੇ ਸ਼ੁਰੂਆਤੀ ਸਾਲਾਂ ਨੂੰ ਪ੍ਰਭਾਵਿਤ ਕੀਤਾ ਹੈ।'' ਹਾਲਾਂਕਿ ਇਸ ਬੈਠਕ ਤੋਂ ਕੈਨੇਡੀਅਨਾਂ ਨੂੰ ਬਹੁਤ ਆਸਾਂ ਸਨ ਕਿ ਸਰਕਾਰ ਵਲੋਂ ਦੇਸ਼ 'ਚ ਚੱਲ ਰਹੇ ਗੰਭੀਰ ਰਿਹਾਇਸ਼ੀ ਸੰਕਟ ਬਾਰੇ ਕੋਈ ਨਵੀਂ ਯੋਜਨਾ ਦਾ ਐਲਾਨ ਕੀਤਾ ਜਾਵੇਗਾ ਪਰ ਅਜਿਹਾ ਨਹੀਂ ਹੋਇਆ। ਪ੍ਰਧਾਨ ਮੰਤਰੀ ਜਸਿਟਨ ਟਰੂਡੋ ਅਤੇ ਉਨ੍ਹਾਂ ਦੀ ਕੈਬਨਿਟ ਦੇ 38 ਮੰਤਰੀਆਂ 'ਚੋਂ ਵਧੇਰੇ ਇਸ ਹਫ਼ਤੇ ਚਾਰਲੇਟਟਾਊਵ ਤੱਟ 'ਤੇ ਇੱਕ ਹੋਟਲ 'ਚ ਰਹੇ, ਜਿੱਥੇ ਕਿ ਉਨ੍ਹਾਂ ਨੇ ਕਿਫ਼ਾਇਤੀ ਰਿਹਾਇਸ਼ਟੀ ਸੰਕਟ ਦੇ ਕਾਰਨਾਂ ਬਾਰੇ ਨੀਤੀ ਮਾਹਰਾਂ ਰਿਹਾਇਸ਼ ਮਾਹਰਾਂ ਵਲੋਂ ਜਾਣਕਾਰੀ ਦਿੱਤੀ ਗਈ ਕਿ ਸਰਕਾਰ ਇਸ ਦਾ ਹੱਲ ਕਰਨ ਲਈ ਵਿਸ਼ੇਸ਼ ਤੌਰ 'ਤੇ ਕੀ ਕਰ ਸਕਦੀ ਹੈ। ਪਰ ਇਸ ਬੈਠਕ ਦੇ ਅੰਤ 'ਚ ਉਨ੍ਹਾਂ ਦਾ ਮੁੱਖ ਸੰਦੇਸ਼ ਕੈਨੇਡੀਅਨਾਂ ਨੂੰ ਤਿਆਰ ਰਹਿਣ ਲਈ ਕਹਿਣਾ ਸੀ। ਇਨ੍ਹਾਂ ਗੱਲਾਂ 'ਤੇ ਚਾਨਣਾਂ ਪਾਉਣ ਮਗਰੋਂ ਕਿ ਸਰਕਾਰ ਨੇ ਹੁਣ ਤੱਕ ਇਨ੍ਹਾਂ ਸਮੱਸਿਆਵਾਂ ਨਾਲ ਨਜਿੱਠਣ ਲਈ ਕੀਤਾ ਹੈ, ਘਰ ਖਰੀਦਣ ਲਈ ਬੱਚਤ ਕਰਨ ਦੇ ਤਰੀਕਿਆਂ ਦੀ ਪੇਸ਼ਕਸ਼ ਤੋਂ ਲੈ ਕੇ ਵਿਦਿਆਰਥੀ ਕਰਜ਼ੇ 'ਤੇ ਵਿਆਜ ਖ਼ਤਮ ਕਰਨ ਤੱਕ, ਟਰੂਡੋ ਨੇ ਕਿਹਾ, ''ਅਜੇ ਹੋਰ ਬਹੁਤ ਕੁਝ ਕਰਨਾ ਬਾਕੀ ਹੈ।'' ਉਨ੍ਹਾਂ ਕਿਹਾ ਕਿ ਕੈਨੇਡੀਅਨਾਂ ਦਾ ਆਪਣੀਆਂ ਆਰਥਿਕ ਪਰੇਸ਼ਾਨੀਆਂ ਲਈ ਕਿਸੇ ਨੂੰ ਦੋਸ਼ੀ ਠਹਿਰਾਉਣਾ "ਬਿਲਕੁਲ ਸੁਭਾਵਕ"ਹੈ। ਪਰ ਨਾਲ ਹੀ ਉਨ੍ਹਾਂ ਨੇ ਆਪਣੀ ਸਰਕਾਰ ਦੀ ਕਾਰਗੁਜ਼ਾਰੀ ਦਾ ਬਚਾਅ ਵੀ ਕੀਤਾ। ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਕਿਹਾ, ਮੈਨੂੰ ਲਗਦਾ ਹੈ ਕਿ ਕੈਨੇਡੀਅਨ ਕਾਫ਼ੀ ਚਿੰਤਤ ਹਨ ਅਤੇ ਇਸ ਲਈ ਕਿਸੇ ਨੂੰ ਵੀ ਦੋਸ਼ੀ ਠਹਿਰਾਉਣ ਦੀ ਕੋਸ਼ਿਸ਼ ਕਰ ਰਹੇ ਹਨ, ਅਤੇ ਇਹ ਬਿਲਕੁਲ ਸੁਭਾਵਕ ਅਤੇ ਬਿਲਕੁਲ ਸਹੀ ਹੈ। ਉਨ੍ਹਾਂ ਕਿਹਾ ਕਿ, ਕੈਨੇਡੀਅਨ ਇਹ ਸਵਾਲ ਵੀ ਪੁੱਛ ਰਹੇ ਹਨ ਕਿ ਕੀ ਅਸੀਂ ਇਸ ਨੂੰ ਠੀਕ ਕਰਨ ਦੇ ਯੋਗ ਹੋ ਜਾਵਾਂਗੇ? ਕੀ ਅਸੀਂ ਇੱਕ ਦੇਸ਼ ਵਜੋਂ ਇਸ ਵਿੱਚੋਂ ਲੰਘਣ ਦੇ ਯੋਗ ਹੋਵਾਂਗੇ? ਮੇਰਾ ਜਵਾਬ ਹੈ, ਬਿਲਕੁਲ ! ਹਾਲਾਂਕਿ ਟਰੂਡੋ ਨੇ ਕੁਝ ਮੁੱਦਿਆਂ 'ਤੇ ਆਪਣੇ ਕਾਕਸ ਦੇ ਕੁਝ ਮੈਂਬਰਾਂ ਵਲੋਂ ਪ੍ਰਗਟਾਏ ਖ਼ਦਸ਼ਿਆਂ ਬਾਰੇ ਵੀ ਜ਼ਿਕਰ ਕੀਤਾ। ਹਾਲ ਹੀ ਦੀਆਂ ਕੁਝ ਮੀਡੀਆ ਰਿਪੋਰਟਾਂ ਮੁਤਾਬਕ ਕੁਝ ਲਿਬਰਲ ਸੰਸਦ ਮੈਂਬਰਾਂ ਨੂੰ ਇਹ ਖ਼ਦਸ਼ਾ ਹੈ ਕਿ ਵੋਟਰ ਟਰੂਡੋ ਤੋਂ ਅੱਕ ਗਏ ਹਨ ਅਤੇ ਉਨ੍ਹਾਂ ਦਾ ਮੰਨਣਾ ਹੈ ਕਿ ਸਰਕਾਰ ਲੋਕਾਂ ਦੀ ਵਧਦੀ ਮਹਿੰਗਾਈ ਦੀ ਚਿੰਤਾ ਪ੍ਰਤੀ ਫ਼ਿਕਰਮੰਦ ਨਹੀਂ ਹੈ। ਪ੍ਰਧਾਨ ਮੰਤਰੀ ਨੇ ਕਿਹਾ, ਹਾਂ, ਲੋਕ ਔਖੇ ਸਮਿਆਂ ਦਾ ਸਾਹਮਣਾ ਕਰ ਰਹੇ ਹਨ, ਅਤੇ ਹਾਂ, ਹਰ ਕਿਸੇ ਨੂੰ ਇਸ ਸਮੇਂ ਮੁਸ਼ਕਲ ਹੋ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਸਿਆਸਤਦਾਨ ਹੋਣਾ ਇਸ ਸਮੇਂ ਸੌਖਾ ਨਹੀਂ। ਇਨ੍ਹਾਂ ਖ਼ਦਸ਼ਿਆਂ ਦਾ ਨਿਪਟਾਰਾ ਹੀ ਤਿੰਨ ਰੋਜ਼ਾ ਕੈਬਿਨੇਟ ਬੈਠਕ ਦੇ ਮੁੱਖ ਉਦੇਸ਼ਾਂ ਵਿਚੋਂ ਇੱਕ ਸੀ। ਹਾਊਸਿੰਗ ਸੰਕਟ ਇਸ ਕੈਬਿਨੇਟ ਬੈਠਕ ਦੇ ਅਹਿਮ ਮੁੱਦਿਆਂ ਵਿਚ ਸ਼ਾਮਲ ਸੀ, ਜਿਸ ਬਾਰੇ ਮਾਹਰਾਂ ਤੇ ਕੁਝ ਸੰਸਦ ਮੈਂਬਰਾਂ ਦੀ ਰਾਏ ਹੈ ਕਿ ਲਿਬਰਲ ਪਾਰਟੀ ਇਸ ਮੁੱਦੇ 'ਤੇ ਵੋਟਰਾਂ ਨਾਲ ਇੱਕ ਸੁਰ ਨਹੀਂ ਹੈ। ਭਾਵੇਂ ਟਰੂਡੋ ਨੇ ਕਿਹਾ ਕਿ ਉਨ੍ਹਾਂ ਦੀ ਸਰਕਾਰ ਨੂੰ ਹੋਰ ਹਾਊਸਿੰਗ ਨਿਮਰਾਣ ਯਕੀਨੀ ਬਣਾਉਣ ਦੀ ਜ਼ਰੂਰਤ ਹੋਵੇਗੀ, ਪਰ ਕੈਬਿਨੇਟ ਬੈਠਕ ਤੋਂ ਕਿਸੇ ਨਵੇਂ ਹਾਊਸਿੰਗ ਪਲਾਨ ਦੀ ਵਚਨਬੱਧਤਾ ਨਹੀਂ ਆਈ। The post ਖ਼ਤਮ ਹੋਈ ਟਰੂਡੋ ਕੈਬਨਿਟ ਦੀ ਰਿਟਰੀਟ, ਰਿਹਾਇਸ਼ੀ ਯੋਜਨਾ ਦੇਣ ਦੀ ਬਜਾਏ ਟਰੂਡੋ ਨੇ ਕੈਨੇਡੀਅਨਾਂ ਨੂੰ ਦਿੱਤਾ ਹੌਂਸਲਾ! appeared first on TV Punjab | Punjabi News Channel. Tags: cabinet-retreat canada charlottetown justin-trudeau news ottawa top-news trending-news

55 ਸਾਲਾ ਵਿਅਕਤੀ 'ਤੇ ਹਮਲੇ ਦੇ ਸੰਬੰਧ 'ਚ ਪੁਲਿਸ ਨੇ ਹਿਰਾਸਤ 'ਚ ਲਏ ਦੋ ਪੰਜਾਬੀ ਨੌਜਵਾਨ Thursday 24 August 2023 03:34 PM UTC+00 | Tags: attack canada news parminder-singh-brar police simarpal-singh surrey top-news trending-news Surrey- ਸਰੀ 'ਚ ਬੀਤੇ ਹਫ਼ਤੇ ਇੱਕ ਵਿਅਕਤੀ 'ਤੇ ਜਾਨਲੇਵਾ ਹਮਲੇ ਦੇ ਸੰਬੰਧ 'ਚ ਦੋ ਪੰਜਾਬੀ ਨੌਜਵਾਨਾਂ ਵਿਰੁੱਧ ਦੋਸ਼ ਲੱਗੇ ਹਨ। ਆਰ. ਸੀ. ਐਮ. ਪੀ. ਦਾ ਕਹਿਣਾ ਹੈ ਕਿ ਬੀਤੀ 18 ਅਗਸਤ ਨੂੰ ਰਾਤੀਂ ਕਰੀਬ 11.30 ਵਜੇ ਉਨ੍ਹਾਂ ਨੂੰ ਇਹ ਜਾਣਕਾਰੀ ਮਿਲੀ ਕਿ ਕਿੰਗ ਜਾਰਜ ਬੁਲੇਵਾਰਡ ਅਤੇ 102 ਐਵੇਨਿਊ ਇਲਾਕੇ 'ਚ ਇੱਕ ਵਿਅਕਤੀ ਪਾਰਕਿੰਗ ਵਾਲੀ ਥਾਂ 'ਤੇ ਛੁਰਾ ਲੈ ਕੇ ਘੁੰਮ ਰਿਹਾ ਹੈ। ਅਧਿਕਾਰੀਆਂ ਨੇ ਦੱਸਿਆ ਕਿ ਜਾਣਕਾਰੀ ਮਿਲਣ ਮਗਰੋਂ ਜਦੋਂ ਉਹ ਮੌਕੇ 'ਤੇ ਜਾ ਰਹੇ ਸਨ ਤਾਂ ਰਸਤੇ ਉਨ੍ਹਾਂ ਨੂੰ ਇਸ ਗੱਲ ਦੀ ਜਾਣਕਾਰੀ ਮਿਲੀ ਕਿ ਉਕਤ ਵਿਅਕਤੀ ਨੇ ਕਥਿਰ ਤੌਰ 'ਤੇ ਇੱਕ ਵਾਹਨ ਨੂੰ ਰੋਕ ਲਿਆ ਅਤੇ ਵਾਹਨ 'ਚ ਸਵਾਰ ਦੋ ਲੋਕਾਂ ਨਾਲ ਉਸ ਵਲੋਂ ਵਾਦ-ਵਿਵਾਦ ਕੀਤਾ ਗਿਆ। ਜਦੋਂ ਅਧਿਕਾਰੀ ਮੌਕੇ 'ਤੇ ਪਹੁੰਚੇ ਤਾਂ ਉਨ੍ਹਾਂ ਨੂੰ ਉੱਥੇ ਇੱਕ 55 ਸਾਲ ਵਿਅਕਤੀ ਮਿਲਿਆ, ਜਿਸ ਨੂੰ ਕਿ ਗੰਭੀਰ ਜਾਨਲੇਵਾ ਸੱਟਾਂ ਲੱਗੀਆਂ ਸਨ। ਇਸ ਮਗਰੋਂ ਉਸ ਨੂੰ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਕਿ ਬੁੱਧਵਾਰ ਤੱਕ ਉਸ ਦਾ ਇਲਾਜ ਚੱਲ ਰਿਹਾ ਸੀ। ਜਾਂਚਕਰਤਾਵਾਂ ਦਾ ਕਹਿਣਾ ਹੈ ਕਿ ਇਸ ਘਟਨਾ ਦੇ ਸੰਬੰਧ 'ਚ ਦੋ ਸ਼ੱਕੀਆਂ ਨੂੰ ਗਿ੍ਰਫ਼ਤਾਰ ਕੀਤਾ ਗਿਆ ਹੈ, ਜਿਨ੍ਹਾਂ ਦੀ ਪਹਿਚਾਣ 31 ਸਾਲਾ ਪਰਮਿੰਦਰ ਸਿੰਘ ਬਰਾੜ ਅਤੇ 21 ਸਾਲਾ ਸਿਮਰਪਾਲ ਸਿੰਘ ਦੇ ਰੂਪ 'ਚ ਹੋਈ ਹੈ। ਦੋਵੇਂ ਪੁਲਿਸ ਹਿਰਾਸਤ 'ਚ ਹਨ। ਆਰ. ਸੀ. ਐਮ. ਪੀ. ਅਧਿਕਾਰੀ ਮੁੰਨ ਨੇ ਕਿਹਾ ਕਿ ਇਹ ਦੇਖਣਾ ਬਿਲਕੁਲ ਚਿੰਤਾ ਦਾ ਵਿਸ਼ਾ ਹੈ ਕਿ ਇਸ ਤਰ੍ਹਾਂ ਘਟਨਾਵਾਂ ਇੰਨੀਆਂ ਵੱਧ ਗਈਆਂ ਹਨ ਕਿ ਇਨ੍ਹਾਂ ਦਾ ਅੰਤ ਹਸਪਤਾਲ 'ਚ ਗੰਭੀਰ ਜਾਨਲੇਵਾ ਸੱਟਾਂ ਨਾਲ ਹੁੰਦਾ ਹੈ। ਉਨ੍ਹਾਂ ਕਿਹਾ ਕਿ ਅਸੀਂ ਹਮੇਸ਼ਾ ਹਰ ਵਿਕਅਤੀ ਨੂੰ ਇਸ ਗੱਲ ਲਈ ਉਤਸ਼ਾਹਿਤ ਕਰਦੇ ਹਾਂ ਕਿ ਜੋ ਕੁਝ ਵੀ ਹੁੰਦਾ ਹੈ, ਇਸ ਬਾਰੇ 'ਚ ਪੁਲਿਸ ਨਾਲ ਸੰਪਰਕ ਕਰਨ ਨਾ ਕਿ ਉਹ ਆਪ ਇਸ 'ਚ ਸ਼ਾਮਿਲ ਹੋਣ। The post 55 ਸਾਲਾ ਵਿਅਕਤੀ 'ਤੇ ਹਮਲੇ ਦੇ ਸੰਬੰਧ 'ਚ ਪੁਲਿਸ ਨੇ ਹਿਰਾਸਤ 'ਚ ਲਏ ਦੋ ਪੰਜਾਬੀ ਨੌਜਵਾਨ appeared first on TV Punjab | Punjabi News Channel. Tags: attack canada news parminder-singh-brar police simarpal-singh surrey top-news trending-news

ਬੱਸ ਦੀ ਲਪੇਟ 'ਚ ਆਉਣ ਕਾਰਨ ਵਿਅਕਤੀ ਦੀ ਮੌਤ Thursday 24 August 2023 03:37 PM UTC+00 | Tags: accident bus-accident canada news pedestrian police top-news trending-news vancouver Vancouver- ਦੱਖਣੀ ਵੈਨਕੂਵਰ 'ਚ ਇੱਕ ਟਰਾਂਜ਼ਿਟ ਬੱਸ ਦੀ ਲਪੇਟ 'ਚ ਆਉਣ ਕਾਰਨ ਇੱਕ ਵਿਅਕਤੀ ਦੀ ਮੌਤ ਹੋ ਗਈ। ਵੈਨਕੂਵਰ ਪੁਲਿਸ ਵਲੋਂ ਇਸ ਗੱਲ ਦੀ ਜਾਣਕਾਰੀ ਦਿੱਤੀ ਗਈ ਹੈ। ਮਿਲੀ ਜਾਣਕਾਰੀ ਮੁਤਾਬਾਕ ਇਹ ਹਾਦਸਾ 41 ਐਵੇਨਿਊ ਅਤੇ ਫਲੇਮਿੰਗ ਸਟਰੀਟ 'ਤੇ ਵਾਪਰਿਆ। ਪੁਲਿਸ ਦਾ ਕਹਿਣਾ ਹੈ ਕਿ ਇੱਥੇ ਇੱਕ 60 ਸਾਲਾ ਵਿਅਕਤੀ ਨੂੰ ਸਵੇਰੇ ਕਰੀਬ 6 ਵਜੇ ਇੱਕ ਟਰਾਂਜ਼ਿਟ ਬੱਸ ਨੇ ਟੱਕਰ ਮਾਰ ਦਿੱਤੀ। ਇਸ ਮਗਰੋਂ ਜ਼ਖ਼ਮੀ ਵਿਅਕਤੀ ਨੂੰ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਕਿ ਜ਼ਖ਼ਮਾਂ ਦੀ ਤਾਬ ਨਾ ਝੱਲਦਿਆਂ ਉਸ ਨੇ ਦਮ ਤੋੜ ਦਿੱਤਾ। ਪੁਲਿਸ ਨੇ ਦੱਸਿਆ ਕਿ ਹਾਦਸੇ ਤੋਂ ਬਾਅਦ ਬੱਸ ਚਾਲਕ ਮੌਕੇ 'ਤੇ ਮੌਜੂਦ ਰਿਹਾ ਅਤੇ ਇਸ ਟੱਕਰ ਦਾ ਕਾਰਨ ਬੱਸ ਦੀ ਤੇਜ਼ ਰਫ਼ਤਾਰ ਜਾਂ ਖ਼ਰਾਬੀ ਨੂੰ ਨਹੀਂ ਮੰਨਿਆ ਜਾ ਰਿਹਾ। ਫਿਲਹਾਲ ਵੈਨਕੂਵਰ ਪੁਲਿਸ ਵਿਭਾਗ ਵਲੋਂ ਇਸ ਪੂਰੇ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਪੁਲਿਸ ਨੇ ਪੀੜਤ ਦੀ ਪਹਿਚਾਣ ਜਨਤਕ ਨਹੀਂ ਕੀਤੀ ਹੈ। The post ਬੱਸ ਦੀ ਲਪੇਟ 'ਚ ਆਉਣ ਕਾਰਨ ਵਿਅਕਤੀ ਦੀ ਮੌਤ appeared first on TV Punjab | Punjabi News Channel. Tags: accident bus-accident canada news pedestrian police top-news trending-news vancouver

You received this email because you set up a subscription at Feedrabbit. This email was sent to you at dailypostin10@gmail.com. Unsubscribe or change your subscription.