ਭਾਰਤੀ ਟੈਨਿਸ ਸਟਾਰ ਸਾਨੀਆ ਮਿਰਜ਼ਾ ਅੱਜ 36 ਸਾਲ ਦੀ ਹੋ ਗਈ ਹੈ। ਸਾਨੀਆ ਦਾ ਜਨਮ 15 ਨਵੰਬਰ 1986 ਨੂੰ ਮੁੰਬਈ ‘ਚ ਹੋਇਆ ਸੀ। ਇਸ ਖਾਸ ਦਿਨ ‘ਤੇ ਤਲਾਕ ਦੀਆਂ ਖਬਰਾਂ ਵਿਚਾਲੇ ਉਸ ਦੇ ਪਤੀ ਸ਼ੋਏਬ ਮਲਿਕ ਨੇ ਸੋਸ਼ਲ ਮੀਡੀਆ ਰਾਹੀਂ ਆਪਣੀ ਪਤਨੀ ਲਈ ਖਾਸ ਸੰਦੇਸ਼ ਦਿੱਤਾ ਹੈ। ਸਾਨੀਆ ਮਿਰਜ਼ਾ ਅਤੇ ਸ਼ੋਏਬ ਮਲਿਕ ਨੇ ਅਪ੍ਰੈਲ 2010 ਵਿੱਚ ਵਿਆਹ ਕੀਤਾ ਸੀ। ਇਸ ਜੋੜੇ ਦੇ ਘਰ 2018 ‘ਚ ਬੇਟੇ ਇਜ਼ਹਾਨ ਮਿਰਜ਼ਾ ਮਲਿਕ ਦਾ ਜਨਮ ਹੋਇਆ ਸੀ।
ਪਿਛਲੇ ਕੁਝ ਸਮੇਂ ਤੋਂ ਸੋਸ਼ਲ ਮੀਡੀਆ ‘ਤੇ ਸਾਨੀਆ ਮਿਰਜ਼ਾ ਅਤੇ ਸ਼ੋਏਬ ਮਲਿਕ ਦੇ ਝਗੜੇ ਦੀਆਂ ਖਬਰਾਂ ਬਣੀਆਂ ਹੋਈਆਂ ਹਨ। ਜੋੜੇ ਦੀਆਂ ਕਈ ਇੰਸਟਾਗ੍ਰਾਮ ਪੋਸਟਾਂ ਕਰਕੇ ਪ੍ਰਸ਼ੰਸਕ ਅੰਦਾਜ਼ਾ ਲਗਾ ਰਹੇ ਸਨ ਕਿ ਦੋਵਾਂ ਵਿਚਕਾਰ ਸਭ ਕੁਝ ਠੀਕ ਨਹੀਂ ਹੈ। ਇਸ ਤੋਂ ਇਲਾਵਾ ਪਾਕਿਸਤਾਨੀ ਮੀਡੀਆ ਨੇ ਵੀ ਇਨ੍ਹਾਂ ਦੋਹਾਂ ਦੇ ਤਲਾਕ ਦੀਆਂ ਖਬਰਾਂ ਨੂੰ ਲੈ ਕੇ ਕਈ ਖਬਰਾਂ ਚਲਾਈਆਂ ਹਨ। ਅਜਿਹੇ ‘ਚ ਸ਼ੋਏਬ ਮਲਿਕ ਦੀ ਜਨਮ ਦਿਨ ‘ਤੇ ਵਧਾਈ ਪ੍ਰਸ਼ੰਸਕਾਂ ਲਈ ਰਾਹਤ ਦੀ ਖਬਰ ਹੈ।
ਸ਼ੋਏਬ ਮਲਿਕ ਨੇ ਸਾਨੀਆ ਮਿਰਜ਼ਾ ਨਾਲ ਆਪਣੀ ਇਕ ਤਸਵੀਰ ਇੰਸਟਾਗ੍ਰਾਮ ‘ਤੇ ਸ਼ੇਅਰ ਕੀਤੀ ਹੈ। ਇਸ ਤਸਵੀਰ ਨੂੰ ਸ਼ੇਅਰ ਕਰਦੇ ਹੋਏ ਸ਼ੋਏਬ ਨੇ ਲਿਖਿਆ, ”ਜਨਮਦਿਨ ਮੁਬਾਰਕ ਸਾਨੀਆ ਮਿਰਜ਼ਾ। ਤੁਹਾਨੂੰ ਇੱਕ ਬਹੁਤ ਹੀ ਸਿਹਤਮੰਦ ਅਤੇ ਖੁਸ਼ਹਾਲ ਜੀਵਨ ਦੀ ਕਾਮਨਾ! ਦਿਨ ਦਾ ਪੂਰਾ ਆਨੰਦ ਮਾਣੋ। ਹਾਲਾਂਕਿ ਸ਼ੋਏਬ ਦੇ ਜਨਮਦਿਨ ਦੀ ਵਿਸ਼ ‘ਤੇ ਸਾਨੀਆ ਵੱਲੋਂ ਕੋਈ ਪ੍ਰਤੀਕਿਰਿਆ ਨਹੀਂ ਆਈ ਹੈ।
ਉੱਥੇ ਹੀ ਸਾਨੀਆ ਮਿਰਜ਼ਾ ਨੇ ਆਪਣਾ ਜਨਮਦਿਨ ਆਪਣੇ ਦੋਸਤਾਂ ਨਾਲ ਮਨਾਇਆ। ਇਸ ਜਨਮਦਿਨ ਪਾਰਟੀ ‘ਚ ਸ਼ੋਏਬ ਮਲਿਕ ਕਿਤੇ ਨਜ਼ਰ ਨਹੀਂ ਆਏ। ਸਾਨੀਆ ਨੇ ਆਪਣਾ ਜਨਮਦਿਨ ਬਾਲੀਵੁੱਡ ਦੀ ਮਸ਼ਹੂਰ ਫਿਲਮ ਨਿਰਮਾਤਾ ਫਰਾਹ ਖਾਨ ਅਤੇ ਗਾਇਕਾ ਅਨੰਨਿਆ ਬਿਰਲਾ ਨਾਲ ਮਨਾਇਆ। ਫਰਾਹ ਅਤੇ ਅਨਨਿਆ ਨੇ ਸਾਨੀਆ ਨਾਲ ਜਨਮਦਿਨ ਸੈਲੀਬ੍ਰੇਸ਼ਨ ਦੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਵੀ ਸ਼ੇਅਰ ਕੀਤੀਆਂ ਹਨ।
ਇਹ ਵੀ ਪੜ੍ਹੋ : ਜਲੰਧਰ ਰੇਲਵੇ ਸਟੇਸ਼ਨ ‘ਤੇ ਫੈਲੀ ਸਨਸਨੀ, ਅਟੈਚੀ ਤੋਂ ਮਿਲੀ ਜਵਾਨ ਮੁੰਡੇ ਦੀ ਲਾਸ਼
ਫਰਾਹ ਖਾਨ ਅਤੇ ਸਾਨੀਆ ਮਿਰਜ਼ਾ ਲੰਬੇ ਸਮੇਂ ਤੋਂ ਇੱਕ ਦੂਜੇ ਦੇ ਦੋਸਤ ਹਨ। ਦੋਵੇਂ 2017 ਵਿੱਚ ਕਰਨ ਜੌਹਰ ਦੇ ਚੈਟ ਸ਼ੋਅ ਕੌਫੀ ਵਿਦ ਕਰਨ ਵਿੱਚ ਇਕੱਠੇ ਨਜ਼ਰ ਆਏ ਸਨ। ਸਾਨੀਆ ਨੂੰ ਉਸ ਦੇ ਖਾਸ ਦਿਨ ‘ਤੇ ਸ਼ੁਭਕਾਮਨਾਵਾਂ ਦਿੰਦੇ ਹੋਏ ਫਰਾਹ ਖਾਨ ਨੇ ਇੰਸਟਾਗ੍ਰਾਮ ‘ਤੇ ਸਾਨੀਆ ਮਿਰਜ਼ਾ ਦੇ ਸ਼ਾਨਦਾਰ ਜਨਮਦਿਨ ਦੀ ਪਾਰਟੀ ਦਾ ਇੱਕ ਵੀਡੀਓ ਸਾਂਝਾ ਕੀਤਾ। ਫਿਲਮ ਨਿਰਮਾਤਾ ਨੇ ਲਿਖਿਆ, ”ਜਨਮਦਿਨ ਮੁਬਾਰਕ ਮੇਰੀ ਸਭ ਤੋਂ ਪਿਆਰੀ ਸਾਨੀਆ ਮਿਰਜ਼ਾ… ਇਹ ਸਾਲ ਤੇਰੇ ਲਈ ਖੁਸ਼ੀਆਂ ਅਤੇ ਪਿਆਰ ਲੈ ਕੇ ਆਵੇ। ਦੇਖੋ, ਮੈਂ ਜਾਗਦੀ ਰਹੀ.. ਸਾਨੀਆ ਦੀ ਮੰਮੀ ਨੂੰ ਵੀ ਜਨਮਦਿਨ ਮੁਬਾਰਕ.. ਜਨਮਦਿਨ ਸਾਂਝਾ ਕਰਨ ਲਈ ਸਭ ਤੋਂ ਵਧੀਆ ਸ਼ਖਸੀਅਤ.. ਤੁਹਾਡੀ ਮਾਂ.”
ਵੀਡੀਓ ਲਈ ਕਲਿੱਕ ਕਰੋ -:
“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “
The post ਤਲਾਕ ਦੀਆਂ ਖਬਰਾਂ ਵਿਚਾਲੇ ਸ਼ੋਏਬ ਨੇ ਸਾਨੀਆ ਨੂੰ ਜਨਮ ਦਿਨ ਦੀ ਦਿੱਤੀ ਪਿਆਰੀ ਜਿਹੀ ਵਧਾਈ appeared first on Daily Post Punjabi.
source https://dailypost.in/news/sports/shoib-malik-birthday-wish/