ਭਾਰਤ ਦੇ ਮੰਗਲਯਾਨ ਵਿਚ ਈਂਧਣ ਖਤਮ ਹੋ ਗਿਆ ਹੈ ਤੇਉਸ ਦੀ ਬੈਟਰੀ ਇਕ ਸੁਰੱਖਿਅਤ ਸੀਮਾ ਤੋਂ ਵਧ ਸਮੇਂ ਤੱਕ ਚੱਲਣ ਦੇ ਬਾਅਦ ਖਤਮ ਹੋ ਗਈ ਹੈ ਜਿਸ ਤੋਂ ਬਾਅਦ ਇਹ ਅਟਕਲਾਂ ਤੇਜ਼ ਹੋ ਗਈਆਂ ਹਨ ਕਿ ਦੇਸ਼ ਦੇ ਪਹਿਲੇ ਅੰਤਰਗ੍ਰਹਿ ਮਿਸ਼ਨ ਨੇ ਆਖਿਰਕਾਰ ਆਪਣੀ ਲੰਬੀ ਪਾਰੀ ਪੂਰੀ ਕਰ ਲਈ ਹੈ।
ਸਾਢੇ ਚਾਰ ਸੌ ਕਰੋੜ ਦੀ ਲਾਗਤ ਵਾਲਾ ‘ਮਾਰਸ ਆਰਬਿਟਰ ਮਿਸ਼ਨ’ (ਐੱਮ.ਐੱਮ.ਐੱਮ.) 5 ਨਵੰਬਰ, 2013 ਨੂੰ ਪੀਐੱਸਐੱਲਵੀ-ਸੀ25 ਤੋਂ ਲਾਂਚ ਕੀਤਾ ਗਿਆ ਸੀ ਅਤੇ ਵਿਗਿਆਨੀਆਂ ਨੇ ਇਸ ਪੁਲਾੜ ਯਾਨ ਨੂੰ ਪਹਿਲੀ ਹੀ ਕੋਸ਼ਿਸ਼ ਵਿੱਚ 24 ਸਤੰਬਰ, 2014 ਨੂੰ ਸਫਲਤਾਪੂਰਵਕ ਮੰਗਲ ਗ੍ਰਹਿ ਵਿਚ ਸਥਾਪਤ ਕਰ ਦਿੱਤਾ ਸੀ।
ਇੰਡੀਅਨ ਸਪੇਸ ਰਿਸਰਚ ਆਰਗੇਨਾਈਜੇਸ਼ਨ (ਇਸਰੋ) ਦੇ ਸੂਤਰਾਂ ਕਿ ਹੁਣ, ਕੋਈ ਈਂਧਨ ਨਹੀਂ ਬਚਿਆ ਹੈ। ਸੈਟੇਲਾਈਟ ਦੀ ਬੈਟਰੀ ਖਤਮ ਹੋ ਗਈ ਹੈ। ਸੰਪਰਕ ਟੁੱਟ ਗਿਆ ਹੈ। ਹਾਲਾਂਕਿ, ਇਸਰੋ ਵੱਲੋਂ ਕੋਈ ਅਧਿਕਾਰਤ ਬਿਆਨ ਨਹੀਂ ਆਇਆ ਹੈ। ਇਸਰੋ ਪਹਿਲਾਂ ਗ੍ਰਹਿਣ ਤੋਂ ਬਚਣ ਲਈ ਯਾਨ ਨੂੰ ਨਵੇਂ ਆਰਬਿਟ ਵਿੱਚ ਲਿਜਾਣ ਦੀ ਕੋਸ਼ਿਸ਼ ਕਰ ਰਿਹਾ ਸੀ।
ਇਸ ਦੇ ਨਾਲ ਹੀ ਇਕ ਹੋਰ ਅਧਿਕਾਰੀ ਨੇ ਕਿਹਾ ਕਿ ਕਿਉਂਕਿ ਸੈਟੇਲਾਈਟ ਦੀ ਬੈਟਰੀ ਨੂੰ ਸਿਰਫ ਇਕ ਘੰਟਾ 40 ਮਿੰਟ ਦੀ ਗ੍ਰਹਿਣ ਸਮੇਂ ਲਈ ਤਿਆਰ ਕੀਤੀ ਗਈ ਸੀ, ਇਸ ਲਈ ਲੰਬੇ ਗ੍ਰਹਿਣ ਕਾਰਨ ਬੈਟਰੀ ਲਗਭਗ ਖਤਮ ਹੋ ਗਈ ਸੀ। ਇਸਰੋ ਦੇ ਅਧਿਕਾਰੀਆਂ ਨੇ ਕਿਹਾ ਕਿ ਮਾਰਸ ਆਰਬਿਟਰ ਯਾਨ ਨੇ ਲਗਭਗ 8 ਸਾਲ ਕੰਮ ਕੀਤਾ, ਜਦੋਂ ਕਿ ਇਹ ਛੇ ਮਹੀਨਿਆਂ ਦੀ ਸਮਰੱਥਾ ਲਈ ਬਣਾਇਆ ਗਿਆ ਸੀ। ਇਸ ਨੇ ਆਪਣਾ ਕੰਮ ਸ਼ਾਨਦਾਰ ਤਰੀਕੇ ਨਾਲ ਕੀਤਾ ਅਤੇ ਮਹੱਤਵਪੂਰਨ ਵਿਗਿਆਨਕ ਨਤੀਜੇ ਦਿੱਤੇ।
ਵੀਡੀਓ ਲਈ ਕਲਿੱਕ ਕਰੋ -:
“ਮੂਸੇਵਾਲਾ ਦੀ ਮੌਤ ਤੇ ਰੋਇਆ ਸੀ ਪੂਰਾ ਕਸ਼ਮੀਰ ! ਇਹਨਾਂ ਦੇ ਦਿਲਾਂ ‘ਚ ਪੰਜਾਬੀਆਂ ਪ੍ਰਤੀ ਪਿਆਰ ਦੇਖ ਹੋ ਜਾਓਂਗੇ ਹੈਰਾਨ ! “
The post ਬੈਟਰੀ ਤੇ ਈਂਧਣ ਖਤਮ, ਭਾਰਤ ਦੇ ਮੰਗਲਯਾਨ ਦੀ 8 ਸਾਲ ਬਾਅਦ ਹੋ ਗਈ ਵਿਦਾਈ appeared first on Daily Post Punjabi.
source https://dailypost.in/latest-punjabi-news/running-out-of/