ਬਟਾਲਾ ਪੁਲਿਸ ਅਧੀਨ ਪੈਂਦੇ ਕਸਬਾ ਘੁਮਾਣ ਵਿਖੇ ਇਕ ਹਜ਼ਾਰ ਰੁਪਏ ਦੇ ਲੈਣ ਦੇਣ ਪਿੱਛੇ 22 ਸਾਲਾਂ ਨੌਜਵਾਨ ਦਾ ਕਤਲ ਕਰ ਦੇਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਕਾਤਿਲ ਮੌਕੇ ਤੋਂ ਫਰਾਰ ਹੋ ਗਿਆ। ਬਿਆਨਾਂ ਦੇ ਅਧਾਰ ‘ਤੇ ਪੁਲਿਸ ਵਲੋਂ 302 ਧਾਰਾ ਤਹਿਤ ਕੇਸ ਦਰਜ਼ ਕਰ ਦਿੱਤਾ ਗਿਆ ਹੈ। ਇਕ ਹਜ਼ਾਰ ਰੁਪਏ ਦੇ ਲੈਣ ਦੇਣ ਪਿੱਛੇ ਕਸਬਾ ਘੁਮਾਣ ਵਿਖੇ 22 ਸਾਲਾਂ ਨੌਜਵਾਨ ਅਜੈ ਕੁਮਾਰ ਦਾ ਤੇਜ਼ ਧਾਰ ਹਥਿਆਰਾਂ ਨਾਲ ਕਤਲ ਕਰ ਦਿੱਤਾ ਗਿਆ। ਪੁਲਿਸ ਅਧਿਕਾਰੀ ਮੁਤਾਬਿਕ ਅਜੈ ਕੁਮਾਰ ਜੋ ਕੇ ਪਿੰਡ ਵੀਲਾਬੱਜੂ ਦਾ ਰਹਿਣ ਵਾਲਾ ਸੀ ਅਤੇ ਉਸਨੇ ਘੁਮਾਣ ਦੇ ਰਹਿਣ ਵਾਲੇ ਸਾਹਿਲ ਕੋਲੋ ਇਕ ਹਜ਼ਾਰ ਰੁਪਏ ਲੈਣੇ ਸੀ ਅਤੇ ਸਾਹਿਲ ਨੇ ਉਸਨੂੰ ਉਸਦੇ ਰੁਪਏ ਦੇਣ ਲਈ ਘੁਮਾਣ ਬੁਲਾ ਲਿਆ।
ਘੁਮਾਣ ਦੇ ਸਤਿਸੰਗ ਘਰ ਦੇ ਨਜ਼ਦੀਕ ਇਹਨਾਂ ਦਾ ਆਪਸ ਵਿਚ ਕਿਸੇ ਗੱਲ ਨੂੰ ਲੈਕੇ ਝਗੜਾ ਹੋ ਗਿਆ ਅਤੇ ਸਾਹਿਲ ਅਤੇ ਉਸਦੇ ਭਰਾ ਨੇ ਚਾਕੂ ਮਾਰ ਕੇ ਅਜੈ ਦਾ ਕਤਲ ਕਰ ਦਿੱਤਾ। ਘਟਨਾ ਨੂੰ ਦੇਖਦੇ ਹੋਏ ਬਿਆਨਾਂ ਦੇ ਅਧਾਰ ‘ਤੇ ਸਾਹਿਲ ਅਤੇ ਉਸਦੇ ਭਰਾ ਤੇ ਆਈ ਪੀ ਸੀ ਧਾਰਾ 302 ਦੇ ਤਹਿਤ ਕਤਲ ਦਾ ਕੇਸ ਦਰਜ਼ ਕਰ ਦਿੱਤਾ ਗਿਆ ਹੈ। ਫਰਾਰ ਕਾਤਿਲਾਂ ਨੂੰ ਫੜ੍ਹਨ ਲਈ ਛਾਪੇਮਾਰੀ ਕੀਤੀ ਜਾ ਰਹੀ ਹੈ।
The post ਇੱਕ ਹਜ਼ਾਰ ਰੁਪਏ ਦੇ ਲੈਣ ਦੇਣ ਪਿੱਛੇ 22 ਸਾਲਾਂ ਨੌਜਵਾਨ ਦਾ ਹੋਇਆ ਕਤਲ appeared first on Daily Post Punjabi.
source https://dailypost.in/news/punjab/majha/%e0%a8%87%e0%a9%b1%e0%a8%95-%e0%a8%b9%e0%a9%9b%e0%a8%be%e0%a8%b0-%e0%a8%b0%e0%a9%81%e0%a8%aa%e0%a8%8f-%e0%a8%a6%e0%a9%87-%e0%a8%b2%e0%a9%88%e0%a8%a3-%e0%a8%a6%e0%a9%87%e0%a8%a3-%e0%a8%aa%e0%a8%bf/