ਅਟਾਰੀ: ਕੋਲਕਾਤਾ ਦੀ ਇੱਕ ਵਿਆਹੁਤਾ ਸਿੱਖ ਔਰਤ ਨੇ ਲਾਹੌਰ ਦੇ ਮੁਸਲਿਮ ਵਿਅਕਤੀ ਨਾਲ ਵਿਆਹ ਕਰਵਾ ਲਿਆ ਪਰ ਹੈਰਾਨ ਕਰਨ ਵਾਲੀ ਗੱਲ ਇਹ ਹੈ ਕਿ ਉਸ ਨੇ ਆਪਣੇ ਭਾਰਤੀ ਪਤੀ ਦੀ ਮੌਜੂਦਗੀ ਵਿਚ ਵਿਆਹ ਕਰਵਾਇਆ।
ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਮੁਤਾਬਕ ਪਰਮਿੰਦਰ ਕੌਰ (ਬਦਲਿਆ ਹੋਇਆ ਨਾਮ) ਨਾਂ ਦੀ ਔਰਤ ਨੇ 17 ਨਵੰਬਰ ਨੂੰ ਪਹਿਲੀ ਪਾਤਸ਼ਾਹੀ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ ਪ੍ਰਕਾਸ਼ ਪੁਰਬ ਮੌਕੇ ਮਨਾਏ ਜਾ ਰਹੇ ਸਮਾਗਮਾਂ ਵਿੱਚ ਹਿੱਸਾ ਲੈਣ ਅਟਾਰੀ ਤੋਂ ਪਾਕਿਸਤਾਨ ਗਈ ਸੀ। । ਉਸ ਨੇ 24 ਨਵੰਬਰ ਨੂੰ ਲਾਹੌਰ ਨਿਵਾਸੀ ਮੁਹੰਮਦ ਇਮਰਾਨ ਨਾਲ ਵਿਆਹ ਕੀਤਾ । ਇਹ ਵੀ ਖਬਰ ਹੈ ਕਿ ਇਮਰਾਨ ਨਾਲ ਵਿਆਹ ਕਰਨ ਤੋਂ ਪਹਿਲਾਂ ਉਸ ਨੇ ਇਸਲਾਮ ਧਰਮ ਧਾਰਨ ਕੀਤਾ ਸੀ ਅਤੇ ਲਾਹੌਰ ਦੀ ਇੱਕ ਅਦਾਲਤ ਵਿੱਚ ਪਟੀਸ਼ਨ ਦਾਇਰ ਕਰਨ ਤੋਂ ਬਾਅਦ ਉਸਦਾ ਨਾਂ ਪਰਵੀਨਾ ਸੁਲਤਾਨ ਰੱਖਿਆ ਗਿਆ ਸੀ।
ਲਾਹੌਰ ਦੇ ਲੇਖਕ ਰਾਣਾ ਸਜਾਵਲ ਨੇ ਦੱਸਿਆ ਕਿ ਭਾਰਤੀ ਔਰਤ, ਇੱਕ ਸਿੱਖ ਸਮੇਤ ਦੋ ਆਦਮੀਆਂ ਦੇ ਨਾਲ, ਹਲਫਨਾਮਾ ਖਰੀਦਣ ਆਈ ਸੀ। ਉਸ ਨੇ ਦੱਸਿਆ ਕਿ ਕਿਉਂਕਿ ਔਰਤ ਕੋਲ ਕੋਈ ਪਾਕਿਸਤਾਨੀ ਪਛਾਣ ਨਹੀਂ ਸੀ, ਇਸ ਲਈ ਉਸ ਨੇ ਰਾਜਨ ਪੁਰ ਇਲਾਕੇ ਦੇ ਰਹਿਣ ਵਾਲੇ ਇਮਰਾਨ ਦੇ ਨਾਂ ‘ਤੇ ਦਸਤਾਵੇਜ਼ ਜਾਰੀ ਕੀਤਾ ਸੀ। ਸੂਤਰਾਂ ਨੇ ਦੱਸਿਆ ਕਿ ਕੌਰ ਨੇ ਇਮਰਾਨ ਨਾਲ ਸੋਸ਼ਲ ਮੀਡੀਆ ‘ਤੇ ਮੁਲਾਕਾਤ ਕੀਤੀ ਸੀ ਅਤੇ ਉਸ ਦੇ ਪਤੀ ਨੂੰ ਉਸ ਦੇ ਸਬੰਧਾਂ ਬਾਰੇ ਪਤਾ ਸੀ।
ਵੀਡੀਓ ਲਈ ਕਲਿੱਕ ਕਰੋ :-
Vegetable Soup Recipe | ਵੈਜ਼ੀਟੇਬਲ ਸੂਪ ਬਨਾਉਣ ਦਾ ਆਸਾਨ ਤਰੀਕਾ | Healthy Veg Soup | Health Diet
ਇਸ ਪੂਰੇ ਘਟਨਾਕ੍ਰਮ ਬਾਰੇ ਦੱਸਦਿਆਂ ਸ਼੍ਰੋਮਣੀ ਅਕਾਲੀ ਦਲ (ਡੀ) ਦੇ ਪ੍ਰਧਾਨ ਪਰਮਜੀਤ ਸਿੰਘ ਸਰਨਾ, ਜੋ ਕਿ ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਸਾਬਕਾ ਪ੍ਰਧਾਨ ਵੀ ਹਨ, ਨੇ ਕਿਹਾ ਕਿ ਬੰਗਾਲੀ ਸਿੱਖ ਔਰਤ ਦੇ ਲਾਹੌਰ ਦੇ ਵਿਅਕਤੀ ਨਾਲ ਵਿਆਹ ਨੇ ਭਾਈਚਾਰੇ ਨੂੰ ਬਹੁਤ ਸ਼ਰਮਸਾਰ ਕੀਤਾ ਹੈ। ਸਰਨਾ ਨੇ ਕਿਹਾ, “ਅਜਿਹੀਆਂ ਕਾਰਵਾਈਆਂ ਨਾਲ ਪਾਕਿਸਤਾਨ ਵਿੱਚ ਸਿੱਖਾਂ ਦੀ ਯਾਤਰਾ ‘ਤੇ ਪਾਬੰਦੀ ਵੀ ਲੱਗ ਸਕਦੀ ਹੈ। ਉਨ੍ਹਾਂ ਜਥਿਆਂ ਦੇ ਹਿੱਸੇ ਵਜੋਂ ਪਾਕਿਸਤਾਨ ਜਾਣ ਵਾਲੇ ਸ਼ਰਧਾਲੂਆਂ ਨੂੰ ਵੀ ਆਪਣੇ ਆਪ ਨੂੰ ਧਾਰਮਿਕ ਗਤੀਵਿਧੀਆਂ ਤੱਕ ਸੀਮਤ ਰੱਖਣ ਦੀ ਸਲਾਹ ਦਿੱਤੀ।
ਸੂਤਰਾਂ ਮੁਤਾਬਕ ਇਮਰਾਨ ਭਾਰਤ ਆਉਣਾ ਚਾਹੁੰਦਾ ਸੀ ਪਰ ਭਾਰਤੀ ਵੀਜ਼ਾ ਨਾ ਹੋਣ ਕਾਰਨ ਉਹ ਨਹੀਂ ਆ ਸਕਿਆ। ਇਸੇ ਤਰ੍ਹਾਂ, ਕੌਰ ਨੂੰ ਪਾਕਿਸਤਾਨ ਵਿਚ ਰਹਿਣ ਦੀ ਇਜਾਜ਼ਤ ਦੇਣ ਤੋਂ ਇਨਕਾਰ ਕਰ ਦਿੱਤਾ ਗਿਆ ਸੀ, ਜਿਸ ਤੋਂ ਬਾਅਦ, ਉਹ ਅਤੇ ਉਸ ਦਾ ਭਾਰਤੀ ਪਤੀ ਸ਼ੁੱਕਰਵਾਰ ਦੇਰ ਸ਼ਾਮ ਨੂੰ ਅਟਾਰੀ ਪਹੁੰਚੇ ਅਤੇ ਸ਼ਨੀਵਾਰ ਨੂੰ ਕੋਲਕਾਤਾ ਪਹੁੰਚ ਗਏ। ਸੂਤਰਾਂ ਨੇ ਦੱਸਿਆ ਕਿ ਉਹ ਆਪਣੇ ਮੁਸਲਿਮ ਪਤੀ ਦੇ ਨਾਲ ਰਹਿਣ ਲਈ ਪਾਕਿਸਤਾਨ ਵੀਜ਼ਾ ਲਈ ਅਰਜ਼ੀ ਦੇਵੇਗੀ।
The post 17 ਨਵੰਬਰ ਨੂੰ ਜਥੇ ‘ਚ ਪਤੀ ਨਾਲ ਪਾਕਿਸਤਾਨ ਗਈ ਮਹਿਲਾ ਨੇ ਲਾਹੌਰ ਦੇ ਬੰਦੇ ਨਾਲ ਕਰਾਇਆ ਵਿਆਹ appeared first on Daily Post Punjabi.
source https://dailypost.in/latest-punjabi-news/a-woman-who-went/